Sisimulan na ng San Miguel Corp. (SMC) ang pangongolekta ng toll fee sa Skyway Stage 3 sa darating na July 12 kung saan tumagal din ng pitong (7) buwan ang libreng paggamit ng 18-kilometer na Skyway 3.

Gamit ang bagong toll fee matrix na mas mababa kaysa sa dating inihain na toll fees, magsisimula silang mangolekta lalo na para sa mga motoristang gagamit ng mas maikling distansya.

Binigyan ng Toll Regulatory Board (TRB) ang SMC ng toll operating permit at notice na maaari na silang mangolekta ng toll fee para sa Skyway 3 simula sa darating na Lunes.

“We would start collecting toll on the new elevated expressway on July 12 using a revised toll fee matrix that is lower than the original proposed toll fees, particularly for motorists traveling shorter-distances. We were given a toll operating permit and a notice to start collecting toll by the TRB on Skyway Stage 3,” wika ng SMC.

Ayon sa SMC kanilang ilalagay ang final na aprubadong toll rates sa mga toll plazas at ipapaskil sa social media pages ng SMC infrastructure sa mga darating na mga araw.

Noong nakaraang March, ang TRB ay pinayagan ang provisional toll rates para sa Class 1 vehicles ng P30 mula Sta. Mesa papuntang Ramon Magsaysay, P105 mula Buendia hanggang Sta.  Mesa, P129 sa Ramon Magsasay papuntang Balintawak, at P264 naman mula sa Buendia hanggang North Luzon Expressway (NLEX).

Ayon kay SMC president at chief operating officer Ramon Ang ang bagong toll matrix na ginawa at pinayagan ng TRB na ipatupad ay isinaalang-alang ang pandemya at iba pang epekto sa ekonomiya at mamayan ng bansa.

Pinasalamatan niya ang TRB dahil sa tulong na binigay nito upang magkaron ng equitable na toll rates para sa mga motorista. Dahil sa hirap ng panahon ngayon sanhi ng pandemya, ang maliit na ginhawa para sa motorista ay malaki ang maitutulong.

Sinabi rin ni Ang na ang toll na makukuha ng SMC ay makapagbibigay sa kanilang kumpanya ng revenues na kanilang gagamitin upang masiguro ang tuloy-tuloy na magandang operasyon, pagpapanatili at ligtas na driving conditions sa nasabing expressway.

“The tolls that SMC will collect would provide the company revenues to ensure continued efficient operation, maintenance and safe driving conditions on the elevated expressway. The toll rates also reflect SMC’s deferral of the collection of a substantial amount of the cost to build the Skyway 3 project,” dagdag ni Ang.

Dahil sa dami ng gumagamit ng expressway, ang maintenance cost ay lumalaki. Sa ngayon, mayron itong 200,000 na sasakyan ang gumagamit araw-araw at may 75,000 na motoristang di na dumadaan sa EDSA at C-5.

Ang SMC ang siyang gumastos sa nasabing proyekto na nagkakahalga ng P80 billion na walang government funds o guarantees at ito ay naging doble mula sa original cost upang makumpleto lamang ang proyekto.

Dahil sa hindi agad nagawa ang pangongolekta ng toll fees, nagpatong-patong din ang pagkalugi ng Skyway 3 kung saan ito ay binuksan partially noong nakaraang December at nagbukas ng tuloy-tuloy noong January.

Sinabi din ng SMC na kanilang agresibong tinapos ang Skyway 3 kahit na ang daming balakid tulad ng problema sa right-of-way at pandemya dahil kailangan ng mga mamayan ng isang pangmatagalan solusyon sa trapiko. Naniniwala rin si Ang na makakatulong din ito upang mapalakas ang ating ekonomiya at ng magkaron ng isang tuloy-tuloy na paglalakbay mula sa North at South Luzon.

Ang Skyway on-and off-ramps na ngayon ay bukas na ngayon July ay ang mga sumusunod: Buendia SB Exit at NB Entry; Quirino NB at SB Exit; Plaza Dilao SB Entry; Nagtahan SB at NB Exit; E. Rodriguez SB Exit; Quezon Ave. SB Exit at Entry; Quezon Ave. NB Exit at Entry; A. Bonifacio NB Exit; NLEZ NB Exit at NLEX SB Entry. (LASACMAR)

Nagpalabas ng  manhunt operation si Philippine National Police (PNP) chief, Gen. Guillermo Eleazar sa Criminal Investigation and Detection Group (CIDG) laban sa mga nasa likod sa pagpupuslit at ilegal na nagbebenta ng COVID-19 vaccines.

Ayon kay Eleazar, makikipag ugnayan ang CIDG sa lahat ng police units upang matukoy ang mga responsable  sa ilegal na bentahan at gawain.

Nilalagay umano ng mga ito  sa panganib ang buhay ng  bawat indibiduwal.

“Paalala lang natin sa publiko na mapanganib iturok ang mga smuggled na bakuna dahil lumalabas na peke ang mga ito. Imbes na makakuha tayo ng immunity mula sa sakit ay lalong maging dahilan ito ng ating kapahamakan”, dagdag pa ng PNP chief.

Maging ang Food and Drug Administration (FDA) at Department of Health ay kanila na ring naabisuhan para sa kanilang operation laban sa bentahan ng  smuggled na vaccine.

Mahigpit na ipinagbaba­wal ang paggamit ng CO­VID-19 vaccine hangga’t walang approval para sa emergency use ng  FDA.

Binigyan diin ni Eleazar na peke ang mga vaccines na nakuha mula sa tatlong naaresto ng NBI kamakailan.

Paalala nito sa publiko, walang bayad ang vaccine dahil ito ay vaccination program ng pamahalaan. (Bishop Jesus “Jemba” M. Basco)

May apat na lungsod sa National Capital Region (NCR) ang nakalahati na ng kanilang populasyon ang naturukan ng first dose ng COVID-19 vaccine.

Nangunguna rito ang San Juan City kung saan mayroong halos 70,000 sa populasyon nito o 81.5% sa lungsod ang naturukan ng unang dose ng COVID-19 vaccine.

Sumunod ang Maynila na mayroong mahigit 55 percent o katumbas ng mahigit 440,000 sa 800,000 na target nilang mabakunahan.

Nasa pangatlong puwesto naman ang Navotas na mayroong mahigit 52% na kanilang residente ang naturukan ng vaccine o katumbas ito ng mahigit 79,000.

Pang-apat naman na nakapagtala ng mahigit kalahati ng mga residente na nabakunahan sa unang dose ay ang Mandaluyong na mayroong 50.9 percent o mahigit 165,000.

Magugunitang isa ang lungsod ng Maynila na mayroong record na nabakunahan na 350,000 na residente sa loob lamang ng isang araw.

Limang lugar na rin ang inaasahan na maabot ang 50 percent na target sa susunod na linggo at ito ay ang Las Pinas, Paranaque, Pasay, Muntinlupa at Quezon City.

Tiwala naman ang Manila City Government at Quezon City government na maabot ang herd immunity sa buwan ng Setyembre.