POSIBLENG dahil malapit ng ipalabas ang GMA Afternoon Prime na I Left My Heart in Sorsogon kunsaan, pinagbibidahan ito nina Heart Evangelista, Richard Yap at Paolo Contis kaya ang huli ay biglang nagparamdam na sa kanyang Instagram account.

Halos dalawang buwan din itong nanahimik. Ang pinost nga ni Paolo ay ang pag-ride na rin niya sa sleeping head sculpture na ipinost ng dalawang miyemnro ng BTS na sina J-Hope at V. 

Ang dami naman talagang nakapansin na ang laki raw ng pagkakahawig ni Paolo sa sculpture at mismong si Paolo, nagsabing “may point naman sila!” sa caption niya.

Pero bukod sa may mga nag-welcome naman sa kanya sa pagbabalik niya sa IG at may naka-miss sa kanya, ang daming comment na inaaya siya sa Baguio!

Sey ng mga comments, “Tara sa Baguio as a friend.”

“Bangon na diyan, tara na sa Baguio as a friend.”

      “Punta ka na ulit sa Baguio, dali haha!”

      ***

SA palitan namin ng private message ni Katrina Halili, sinabi nga nito na nagpa-check-up siya at nag-undergo ng mga laboratory test, pati na ang M.R.I.

Although sa ngayon, sinabi niyang wala pa naman daw siyang masasabi dahil wala pa ‘yung mga medical test na ginawa sa kanya at kailangan pa rin daw niyang kumonsulta sa dalawang doctor.

Pero ayon dito, halos dalawang buwan na rin daw kasi siyang nakararamdam ng sakit. Nagkataon na naka-lock-in taping siya para sa kanyang GMA Afternoon prime na Prima Donnas.

“I went to a neuro limbs expert and had emg lab to test my hand and neck. At the back, to check my nerves, muscles and bones then after, he recommended me to book an M.R.I. last night and today, I’ll be seeing a neuro doctor,” sey ni Katrina.

Habang nasa lock-in taping, meron daw siyang online rheumatologist consultation at niresetahan muna siya ng pregabalin para sa kanyang nerves at tramadol para sa pain. Tiniis na lang daw niya muna ang pain dahil alam niya naman na October 28 ay makakauwi na siya.

Kaya nang kakailangan pa sanang mag-extend, nagpaalam na raw talaga siya dahil kailangan na niyang magpa-consult sa doctor.

Sabi pa ni Katrina, “I cannot take pain reliever lang until December.  Almost a month of taking it is worst na for my kidney. Kaya nagpaalam na ako na I really need to go to a doctor to check me personally.  Actually, I have three different expertise of neuro doctor na naka-sched. 

      “After all the doctors appointment and lab test, I’m hoping na it’s not worst naman.”

Sa December 5 pa naman daw ang simula muli ng kanyang quarantine para sa pagre-resume ng lock-in taping nila sa Prima Donnas hanggang sa ikalawang Linggo ng December.

Prayer namin na maging maayos ang lahat ng medical test niya.

(ROSE GARCIA)

LAST Sunday, napanood na si Miss Universe 2020 Rabiya Mateo sa first acting project niya sa Kapuso Mo, Jessica Soho, sa Halloween special na “Gabi ng Lagim IX.”

Tungkol ito sa isang babaeng ginagambalang maligno sa Marinduque, na tinatawag na “Bungisngis” o “Ngisngis.”

Ngayon ay handa na si Rabiya sa isang malaking project, ang Agimat ng Agila at makakatsmbal niya si actor-politician Ramon ‘Bong’ Revilla Jr.

“Araw-araw akong nagdyi-gym at nag-aaral ng boxing,” saad ni Rabiya, sa interview ng Chika Minute ng 24 Oras, sa zoom meeting ng cast at production staff ng serye.

Naroon din si Sanya Lopez, na unang leading lady ni Bong, si Roi Vinzon at si director Rico Gutierrez. Sinu-sino pa kaya ang bubuo sa cast?

Ayon pa kay Rabiya, tiyak daw na marami siyang matututunan sa mga makakasama niyang mahuhusay na mga artista. Very soon Rabiya will be formally launched as a new Kapuso actress.

***

NAPAGHANDAAN na pala ng soon-to-be parents na sina Dennis Trillo at Jennylyn Mercado ang kanilang future family, pagkatapos ng civil wedding nila this November.

Dennis shared na under construction na ang future home nila, na malayo sa city, somewhere sa Rizal, overlooking with a great view. Siniguro ni Dennis na their kids, Dennis’ son Calix and Jen’s son Jazz, and the coming baby, na they can roam free, at i-enjoy nila ang fresh air.

Nagsimula pala silang ipatayo ang bahay early last year at hopefully ay matapos na ito this December, 2021.

Meanwhile, ang embryo ni Jennylyn ay mananatiling naka-freeze in a clinic sa Dallas, Texas, at sakaling magdesisyon silang ituloy pa rin ang pag-implant ng embryo, ay pwede silang bumalik para isagawa ang procedure.

***

DALAWANG projects na ni Xian Lim ang nakabimbin bilang bagong Kapuso.

Pareho pang mga produkto ng GMA’s reality-based artista search na StarStruck. 

Una kay Ryza Cenon, Ultimate Female Survivor ng StarStruck 2 at si Jennylyn Mercado, Ultimate Female Survivor ng first season ng StarStruck.

Sa Muli ang movie nina Ryza at Xian sa Viva Films pero ‘di alam ni Ryza na three months preggy na pala siya sa boyfriend niya, ang cinematographer ng movie, kaya nahinto ang shoot nila, nasabay pa ang covid-19 pandemic. Hanggang sa ngayon ‘di pa sila nakapag- shoot ulit. Last week nag-first birthday na si Baby Night.

Si Xian din ang leading man ni Jennylyn sa GMA series nilang Love. Die. Repeat. Three months na rin si Jen nang malaman niyang preggy siya, ipinaalam niya iyon sa GMA, na nag-decide nang ihinto na muna ang taping ng serye.

“Maraming salamat sa aking GMA family for understanding my condition and allowing me to still finish the project once I am ready next year to work again,” saad ni Jen.

Promise naman ng GMA na bibigyan muna nila ng ibang project si Xian habang naghihintay ng availability ni Jennylyn.

(NORA V. CALDERON)