Bahagyang lumago ulit ang ekonomiya ng Pilipinas para sa third quarter ng 2021, ayon sa Philippine Statistics Authority (PSA).

Pero ayon kay National Statistician Claire Dennis Mapa, mas mabagal ang paglago ng ekonomiya noong third quarter ng kasalukuyang taon kumpara sa naunang period.

Ito ay dahil na rin sa reimposition ng striktong lockdowns bunsod ng paglaganap ng mas nakakahawang Delata COVID-19 variant.

Sa third quarter ng taon, sinabi ni Mapa na lumago ang gross domestic product (GDP) ng bansa ng 7.1 percent, mas mababa sa revised 12 percent growth na naitala noong second quarter ng 2021.

Ang year-to-date GDP ng bansa ay lumago naman ng 4.9 percent, pasok sa revised target band ng pamahalaan na 4 percent hanggang 5 percent para sa buoang 2021.

Ayon kay Mapa, kailangan na lamang lumago ng ekonomiya ng 5.3 percent sa fourth quarter ng taon para maabot ang upper end ng full-year growth coal ng pamahalaan

Sinimulan noong nakaraang Martes ang pagpapatupad ng 70 porsiento sa kapasidad ng mga pampublikong transportasyon sa Metro Manila at karatig na mga probinsya.

Sa ilalim ng Memorandum Circular 2021-064 ng Land Transportation Franchising and Regulatory Board (LTFRB), ang mga pampublikong tranportasyon tulad ng mga public utility buses (PUBs), public utility jeepneys (PUJs) at UV Express units sa Metro Manila, at mga karating na probinsya tulad ng Laguna, Rizal, Cavite at Bulacan ay pinapayagan na rin na magkaron ng 70 porsiento na kapasidad na pinayagan ng task force sa pandemya.

Noong nakaraang October 28, ang Inter-Agency Task Force for the Management of Emerging Infectious Diseases (IATF) ay kinatigan ang rekomendasyon ng Department of Transportation (DOTr) at LTFRB na taasan ang kapasidad ng mga pampublikong transportasyon kasama ang road at railway systems na gagawin muna sa loob ng isang buwan.

Ayon kay LTFRB chairman Martin Delgra na kailangan ng taasan ang kapasidad dahil na rin sa pagluluwag ng mga restrictions at ang pagbubukas ng maraming negosyo. Ang aksyon ay makakatulong din sa kabuhayan ng mga drivers at operators na mabawasan ang epekto ng pandemic at ang sunod-sunod na pagtataas ng presyo ng krudo sa mercado.

“The livelihood of public transport drivers and operators was severely affected with passenger capacity in public transport maintained at 50 percent. Increasing passenger capacity will mean a higher revenue for the public transport sector, especially with more people allowed to go out. This will be a big help to passengers and drivers,” ayon kay Delgra.

Hindi naman papayagan ang mga pasahero na tumayo sa mga buses. Ang mga plastic barriers naman sa mga pampublikong sasakyan ay hindi na kailangan ilagay sa buong bansa subalit mahigpit na ipapatupad ang health and safety protocols sa lahat ng oras.

Ang mga safety measures na kailangan ay ang pagsusuot ng face mask at face shields, walang pag-uusap sa loob ng mga sasakyan at bawal ang mga telephone calls sa mga cellphones, bawal din ang kumain. Kailangan din na magkaron ng parating disinfection ang mga sasakyan at hindi puwede ang mga pasahero na sumakay kung may COVID-19 symptoms at kailangan din ang pagsunod sa social distancing.

Samantala, sa sektor ng railways, ang Light Rail Transit (LRT) Lines 1 at 2, Metro Rail Transit Line 3 (MRT3) at Philippine National Railways (PNR) ay pinayagan na rin na magkaron ng 70 na porsiento sa kanilang kapasidad mula sa dating 30 porsiento.

“With the increase to 70 percent, the LRT 1 can accommodate 785 to 972 commuters depending on the type of train. For LRT 2, 1,140 passengers can now be accommodated, while 827 and 667 passengers will be served by the MRT 3 and PNR, respectively,” ayon sa DOTr.

Ito na ang pinakamataas na kapasidad na napatupad simula ng magkaron ng 10 porsiento sa kapasidad na pinatupad ng DOTr noong June 2020 upang maiwasan ang pagkalat ng COVID-19.  LASACMAR

Mas maganda na ang sitwasyon ngayon ng National Capital Region (NCR) sa harap ng COVID-19 pandemic kumpara sa kaparehong period noong nakaraang taon, ayon sa OCTA Research group.

Kabilang sa mga indicators na kinunsidera ng grupo para masabi ito ay ang average daily cases, reproduction number, daily attack rate, active cases, at positivity rate sa ngayon.

Sa kanyang Twitter account, sinabi ni OCTA fellow Dr. Guido David na halos lahat ng mga indicators na ito ay maayos na sa ngayon base sa November 1-7, 2021 period vs kaparehong mga petsa noong nakaraang taon.

Base sa table na kanyang ipinakita, natukoy na 405 ang average daily cases sa ngayon, mas mababa kaysa 501 sa kaparehong period noong 2020.

Ang reproduction number naman ay 0.37 ngayong taon, hindi hamak na mas mababa kaysa 0.78 percent na naitala noong nakaraang taon.

Samantala, ang daily attack rate sa kada 100,000 indibidwal ay mas mababa rin ngayong taon sa 2.86 percent kumpara sa 3.63 percent noong 2020.

Gayunman, ang bilang naman ng mga okupado nang hospital beds ay bahagyang mas mataas ngayong taon sa 2,389 kumpara sa 2,290 noong nakaraang taon.

Maging ang nagagamit na ICU beds ngayong 2021 ay bahagyang mas mataas din dahil pumalo ito sa 524 kumpara sa dating 322. (Bishop Jesus “Jemba” M. Basco)