2021 December Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for December, 2021

‘Tips’ vs cybercrime, ibinahagi ng PNP

Posted on: December 17th, 2021 by @peoplesbalita No Comments

Dahil sa dumaraming kaso ng cybercrime kaya muling nagpaalala at nagbigay ng tips ang Philippine National Police (PNP) upang maiwasang mabiktima ng mga ito.

“Avoid unsecured Wi-Fi hotspots; set your device so that it doesn’t automatically connect to external sources”.

Isa ito sa ibinahaging paalala at tips ng Philippine National Police (PNP) sa publiko. Kasunod ito sa mga ulat nang pagka-hack sa account ng isang banko.

Ayon sa PNP kailangan na maging maingat ang social media users sa pag-’accept’ sa mga hindi kilalang nagpapadala ng friend requests dahil kadalasang gumagawa ang cyber criminals ng pekeng account upang makipagkaibigan sa mga potensyal na biktima.

“Trust no online friends unless you know them personally,” anang PNP. Pinayuhan naman ng PNP ang publiko na huwag umanong tumugon sa mga mensaheng ito.

Natuklasang dalawang biyahero na nasa Pinas na may omicron variant, nasa quarantine facilities na –Nograles

Posted on: December 17th, 2021 by @peoplesbalita No Comments

KAPWA nasa quarantine facilities na ang dalawang byahero na tinamaan ng Omicron variant.

Sinabi ni acting Presidential Spokesperson at Cabinet Secretary Karlo Nograles na ipinaalam na sa Office of the President ang dalawang kaso ng Omicron variant na natuklasan ngayon sa Pilipinas.

“As earlier reported by the Department of Health, the variant was detected among two recent travelers to the Philippines, both of whom are presently in quarantine facilities,” ayon kay Nograles.

Pinuri naman ng Malakanyang ang mga health experts, particukular na ang Department of Health, University of the Philippines – Philippine Genome Center at ang University of the Philippines – National Institutes of Health para sa maaga nilang pagkakatuklas sa dalawang kasong nabanggit.

Sa kasalukuyan, isinasagawa na ang active case finding at contact tracing para madetermina ang health condition ng mga co-passengers ng confirmed cases.

“This early detection forms part of our Prevent-Detect-Isolate-Treat-Reintegrate (PDITR) strategy that has been in place all throughout the pandemic,” aniya pa rin.

Samantala, tiniyak naman ng Malakanyang sa publiko na masusing imo-monitor ng gobyerno ang developments ng dalawang kaso bunsod na rin ng umiiral na protocols,

“As we continue to remind the public not to let their guard down, to religiously observe minimum public health standards, and call upon all those unvaccinated to get their jabs as soon as possible,” aniya pa rin. (Daris Jose)

REGINE, naalarma na kaya nakikiusap sa tulungang i-report ang mga fake accounts na ginawa for NATE

Posted on: December 17th, 2021 by @peoplesbalita No Comments

NAALARMA na si Regine Velasquez-Alcasid sa pagkalat ng fake socmed account ng anak nila ni Ogie Alcasid na si Nate.

Kaya naman sa Instagram post niya ay nakikiusap ang Songbird na i-report pag may nakitang account ni Nate tulad ng @booboobear_nate:

“Hi guys makikiusap sana ako na kung may makita kayong mga account sa pangalan ni Nate please help me report them. Actually marami ng accounts ang ginawa for Nate sa Facebook sa IG na walang pahintulot namin.

“Alam ko naman na basta na post na ang pictures eh kahit sino pwede na gamitin yun. Pero hindi ibig sabihin nun na ok lang sakin o sa asawa ko. Hindi ko na lang pinapansin yung ibang account kasi ang hirap din for us na hanapin pa lahat.

“You can post naman his pictures kasi nga like i said once ma–post hindi na talaga mapipigilan. I guess hindi ako masyadong comfortable sa mga gumagawa ng accounts para sa kanya. Hindi naman sya artista kaya hindi ko talaga maatim itong mga accounts na ito.

“Sorry but im just trying to protect my son. So please please if you guys don’t mind stop na. Itong tiktok account na to ilang beses ko na ito ini–report and I’m gonna keep reporting you or whoever na gagawa pa ng iba pang account para kay Nate.

“If you guys noticed I hardly post his pictures na kasi nga binibigyan na namin sya ng privacy. Again nakikiusap ako na pag may makita kayong account ni Nate please report and don’t follow na. God Bless!”

Agad naman nag-react ang mga followers niya sa IG at nagsabing tutulong sila sa pagre-report ng mga fake accounts ni Nate, na ‘yun iba ay akala nila ay totoo, kaya pina-follow pa nila at nagla-like.

Bukod sa IG post, nag-tweet din si Regine ng kanyang saloobin tungkol sa ginagawang fake accounts ng netizens na maging siya ay naging biktima.

Post niya, “Also gusto ko din sabihin na kung payagan ko na sya magkaron ng sarili nyang acc he can’t even use his name. Parang aki parang ngayon ko pa lang nagamit yung name ko. Kasi kinuha nyo na hay.”

“Ang hindi ko gusto kasi yung ginagamit name nya. Why because for the longest time hindi ko magamit yung sarili kong pangalan dahil ginamit nyo na. I just don’t want him to experience that. I also don’t want people exploiting MY pix of him. You guys are breaking heart.”

“Ok sinasabi nyo na if we wanted privacy for him dapat wala syang YouTube acc the point is that acc is his he ask us if can have one plus we have a group of people producing them most of all it’s with our supervision ok. That’s his not someone using his name and stealing my pix.”

(ROHN ROMULO)

Typhoon Odette ‘mabilis pagtindi’ bago mag-landfall sa Dinagat, Siargao-Bucas Grande Islands

Posted on: December 17th, 2021 by @peoplesbalita No Comments

Sumasailalim ngayon sa mabilis na paglakas ang Typhoon Odette habang kumikilos ito sa kalugaran ng Dinagat Islands at Bucas Grande Islands.

Natagpuan ang mata ng bagyo 265 kilometro silangan ng Surigao City, Surigao del Norte bandang 7 a.m. ng Huwebes.

Lakas ng hangin: aabot ng hanggang 165 kilometro kada oras malapit sa gitna
Bugso ng hangin: aabot hanggang 205 kilometro kada oras
Direksyon: kanluran hilagangkanluran
Bilis ng pagkilos: 25 kilometro kada oras

Posibleng tumama sa kauna-unahang pagkakataon ang bagyo sa lupa sa anumang bahagi ng sumusunod na mga lugar ngayong tanghali o hapon:

Dinagat Islands
Siargao-Bucas Grande Islands
hilagang bahagi ng Surigao del Sur

“Typhoon ‘ODETTE’ is forecast to continue intensifying until it makes landfall this afternoon. Considering the recent trend in its intensification, the typhoon may reach a pre-landfall peak intensity of 175 to 195 km/h prior to landfall,” ayon pa sa pahayag ng state weather bureau.

“Afterwards, the center of ‘ODETTE’ will move westward and cross several provinces in Central and Western Visayas regions before emerging over the Sulu Sea tomorrow morning.”

Bagama’t nakikitang hihina nang bahagya si “Odette” sa pagtawid nito sa hilagangsilangang MIndanao, Visayas at Palawan, tinatayang mananatili ito sa typhoon category.

Malaki naman ang tiyansa na lumakas itong uli oras na lumitaw ito sa West Philippine Sea.

“However, weakening may ensue beginning Sunday as the typhoon becomes exposed to increasing vertical wind shear and the surge of the Northeast Monsoon,” dagdag pa ng PAGASA.

Curry bagong NBA 3-point King

Posted on: December 17th, 2021 by @peoplesbalita No Comments

Tuluyan nang gumawa ng kasaysayan si Stephen Curry ng Golden State Warriors.

Inungusan ni Curry si Ray Allen para sa pagiging NBA all-time three-point record holder matapos lampasan ang dating markang 2,973 triples ng NBA Hall of Famer sa 105-96 pagdaig ng Warriors sa Knicks.

Ipinasok ng 33-anyos na si Curry ang kanyang ika-2,974 triples sa 7:33 minuto ng first quarter.

Nagbigay ng foul ang Warriors kasunod ang pagtawag ni coach Steve Kerr ng timeout para sa pagdiriwang sa loob ng Madison Square Garden kung saan niyakap ni Curry ang kanyang mga magulang at mga teammates.

Ang nasabing NBA record ni Allen ay hindi natinag sa loob ng 10 taon. Mayroon ngayong 2,977 triples si Curry.

“He has revolutionized the way the game is played and continues to leave fans in awe with his amazing artistry and extraordinary shooting ability,’’ ani NBA Commissioner Adam Silver.

Tumapos si Curry na may 22 points tampok ang limang tres para sa pangunguna ng Warriors (23-5) sa NBA at Western Conference.

“He’s the best shooter I’ve ever seen, and I think it’s clear he is the best catch-and-shoot player,” wika ni dating Dallas Mavericks superstar Dirk Nowitzki.

Nagdagdag si Jordan Poole ng 19 points para sa Golden State.

Sa New York, nagtala si Kevin Durant ng triple-double na 34 points, 13 rebounds at 11 assists sa 131-129 overtime win ng Brooklyn Nets (20-8) sa Toronto Raptors (13-15).

Sa Portland, nagsumite si Chris Paul ng 24 points, 14 assists at 8 rebounds para ihatid ang Phoenix Sunx (22-5) sa 111-107 overtime win sa Trail Blazers (11-17).

“He has revolutionized the way the game is played and continues to leave fans in awe with his amazing artistry and extraordinary shooting ability,’’ ani NBA Commissioner Adam Silver.

Tumapos si Curry na may 22 points tampok ang limang tres para sa pangunguna ng Warriors (23-5) sa NBA at Western Conference.

“He’s the best shooter I’ve ever seen, and I think it’s clear he is the best catch-and-shoot player,” wika ni dating Dallas Mavericks superstar Dirk Nowitzki.

Nagdagdag si Jordan Poole ng 19 points para sa Golden State.

Sa New York, nagtala si Kevin Durant ng triple-double na 34 points, 13 rebounds at 11 assists sa 131-129 overtime win ng Brooklyn Nets (20-8) sa Toronto Raptors (13-15).

Sa Portland, nagsumite si Chris Paul ng 24 points, 14 assists at 8 rebounds para ihatid ang Phoenix Sunx (22-5) sa 111-107 overtime win sa Trail Blazers (11-17).

Grab driver, 1 pa kulong sa P136K shabu sa Valenzuela

Posted on: December 17th, 2021 by @peoplesbalita No Comments

DALAWANG hinihinalang drug personalities, kabilang ang isang grab driver ang nakuhanan ng mahigit P.1 milyon halaga ng shabu matapos masakote sa isinagawang buy bust operation ng pulisya sa Valenzuela City, kamakalawa ng gabi.

Kinilala ni Valenzuela Police Station Drug Enforcement Unit (SDEU) chief PLT Joel Madregalejo ang naarestong mga suspek na sina Vhal Ramos, 38, grab driver at Jogel Co, 36, driver ng 532 Fe St., Don Pedro, Brgy. Marulas.

Sa report ni SDEU investigator PCpl Pamela Joy Catalla kay Valenzuela police chief Col. Ramchrisen Haveria Jr., dakong alas-10 ng gabi nang magsagawa ang mga operatiba ng SDEU sa pangunguna ni PLT Madregalejo ng buy bust operation sa bahay ni Ramos sa No. 15, Palo Alto St., Brgy. Marulas.

Kaagad inaresto ng mga operatiba ang mga suspek matapos bentahan ng isang plastic sachet ng shabu na nasa P3,000 ang halaga si PSSg Robbie Vasquez na umakto bilang poseur-buyer.

Nakumpiska sa mga suspek ang tinatayang nasa 20 grams ng hinihinalang shabu na may standard drug price P136,000.00, buy bust money na isang tunay na P500 bill at limang pirasong PP500 boodle mmoney, P300 cash, coin purse at 2 cellphones.

Nahaharap ang mga naarestong suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)

41 NA BANSA NASA GREEN LIST, 8 NANANATILI SA RED LIST

Posted on: December 17th, 2021 by @peoplesbalita No Comments

INANUNSIYO ng Bureau of Immigration (BI) na magpapatupad sila ng pinakabagong polisiya sa bansa hinggil sa green, yellow at red lists.

Ayon kay BI Commissioner Jaime Morente, 41 na bansa ang nakasama na sa green list na itinakda ng Inter-Agency Task Force for the Management of Emerging Infectious Diseases.

Ang mga bansa na kabilang sa green list ay ang Bangladesh, Benin, Bhutan, British Virgin Islands, Chad, People’s Republic of China, Comoros Côte d’Ivoire (Ivory Coast), Democratic Republic of the Congo, Djibouti, Equatorial Guinea, Falkland Islands (Malvinas), The Gambia, Ghana, Guinea, Hong Kong (Chinese Special Administrative Region), Indonesia, Japan, Kenya, Kosovo, Kuwait, Kyrgyzstan, Liberia, Montserrat, Morocco, Oman, Pakistan, Paraguay, Rwanda, Saba (Special Municipality of The Kingdom of the Netherlands), Saint Barthelemy, Saint Pierre and Miquelon, Senegal, Sierra Leone, Sint Eustatius, Sudan, Taiwan, Timor-Leste (East Timor), Togo, Uganda, at ang United Arab Emirates.

Habang ang nasa red list ay ang bansang Andorra, France, Monaco, Northern Mariana Islands, Réunion, San Marino, South Africa, at Switzerland.

Ang mga bansang hindi binanggit ay awtomatikong kasama sa yellow list.

Paliwanag ni Morente na kasunod ng itinakdang travel restrictions, sa mga bansang manggagalingsa red list o may travel history ay mayroong 14 na araw bago ay pagdating nila sa Pilipinas ay hindi papayagang makapasok.

Sa red list, tanging ang mga Filipinos na galing sa government o non-government initiated repatriation flights o bayanihan flights ang maaring makapasok.

Klinaro ni Morente na sa general travel policy, angkp lamang ito sa mga bansang manggagaling sa green at yellow list countries. Tanging mga Filipinos, balikbayan, at may long term visas ay papayagang nakapasok sa bansa subalit dadaan sa quarantine policies na ipinapatupad ng Bureau of Quarantine. (Bishop Jesus “Jemba” M. Basco)

OMICRON NAKAPASOK NA SA PINAS, 2 KASO NATUKOY

Posted on: December 17th, 2021 by @peoplesbalita No Comments

KINUMPIRMA ng Department of Health (DOH), University of the Philippines – Philippine Genome Center (UP-PGC), at University of the Philippines – National Institutes of Health (UP-NIH) ang dalawang kaso ng Omicron (B.1.1.529) variant of concern sa bansa .

Ayon sa DOH, ito ay natukoy mula sa 48 samples na na-sequence ng PGC kahapon, Dec.14.

Maliban dito sa dalawang kaso ng Omicron mayroon ding 33 positibo sa Delta (B.1.617.2) variant habang 13 ang walang lineage .

Ang huling sequencing run ay binubuo ng samples mula sa 21 Returning Overseas Filipinos (ROFs), isang foreign national, at 26 local cases mula sa mga lugar na may case clusters.

Ang naturang mga kaso ay mga incoming travelers at kasalukuyan naka-isolate sa facility na pinamamahalaan ng Bureau of Quarantine (BOQ).

Isa ay Returning Overseas Filipino (ROF) na dumating mula Japan noong December 1, 2021 via Philippine Airlines flight number PR 0427.

Ang sample ay nakolekta noong December 5, 2021. Ang positibo nitong resulta ay nailabas nitong December 7 at ang kaso ay na-admit sa isolation facility sa kaparehong petsa .

Siya ay kasalukuyang asymptomatic pero may sintomas na sipon at una nang dumating sa bansa.

Isa namang Nigerian national ang isang kaso na galing ng Nigeria on November 30, 2021 via Oman Air with flight number WY 843.

Ang kanyang sample ay nakolekta noong December 6, 2021 at Dec.7 din nailabas ang positibong resulta. Siya ay na-admit at na-isolate sa pasilidad at kasalukuyang asymptomatic.

Tinutukoy na rin ng DOH ang posibleng close contacts sa mga kapwa nila pasahero sa kanilang flights.

Bineberipika ng DOH ang mga resulta ng pagsusuri at katayuan sa kalusugan ng lahat ng mga pasahero ng mga flight na ito upang matukoy kung may iba pang kumpirmadong kaso o mga pasahero na naging symptomatic pagkarating.

Ang mga manlalakbay na dumating sa Pilipinas sa pamamagitan ng mga flight na ito ay maaaring tumawag sa DOH COVID-19 Hotlines sa (02) 8942 6843 o 1555, o sa kani-kanilang LGUs para iulat ang kanilang status. GENE ADSUARA

TOM HOLLAND, ‘di napigilan na sabihing mahal na mahal niya ang leading lady na si ZENDAYA

Posted on: December 17th, 2021 by @peoplesbalita No Comments

HINDI napigilan ang bida ng Marvel film na Spider-Man: No Way Home na si Tom Holland ang sabihing mahal na mahal niya ang leading lady na si Zendaya.

Sa red carpet premiere ng naturang pelikula na-interview si Holland at sinabi ito ay: “She’s one of the most incredible people I’ve ever met. And I love her to bits. So to be here tonight is amazing. I’m delighted to share it with her.”

Masaya si Tom na despite the pandemic last year na nagpatigil ng maraming film productions sa Hollywood, natapos pa rin nila ang pelikula para sa mga nag-aabang na mga fans.

“We’ve all worked so hard to make these movies as special as they are, and to feel the love and the respect from the fans honestly means the world… I’m a little bit numb. I genuinely don’t really know how to feel. But I do know I’m excited and forever grateful,” sey pa ni Tom.

After Spider-Man, gaganap naman sa isang film project si Tom na biopic ng legendary actor-dancer na si Fred Astaire.

“I’ve been a tap dancer since I was a young kid. It’s something I’ve done for years and years. It’s kind of a dream role for me and it’s a perfect fit, so I’m very excited to figure it out and see if we can make it happen.”

***

NABALIK sa pagsali sa singing contest after 15 years ang ka-batch ni Yeng Constantino sa Pinoy Dream Academy na si Panky Trinidad.

Taong 2006 noong umere ang PDA kunsaan naging Grand Star Winner si Yeng at kabilang sa Top 6 noon sina Ronnie Liang, Jay-R Siaboc, Irish Fullerton, Chad Peralta at si Panky na taga-Cebu City.

Naging aktibo si Panky ng ilang taon at noong 2009 ay bigla siyang nagdesisyon na bumalik sa Cebu. Ngayon ay daily contender na siya sa ‘Tawag Ng Tanghalan’. Nakilala siya ng mga hurado dahil naging weekly performer din si Panky noon sa ASAP dahil sa PDA.

Inamin ni Panky na matagal siyang hindi kumanta sa harapan ng maraming tao dahil natatakot siya na baka hindi na siya matanggap ulit ng mga tao. Pinagsisihan din daw niya na naging pabaya siya sa kanyang career noon.

“Hindi ko naalagaan ‘yung showbiz career ko. Alam mo ‘yung bata ka pa, immature. Lumaki ang ulo ko noon. ‘Yung feeling mo ang isang bagay, nandiyan lang, hindi mawawala. Sayang. Ngayong alam ko na panghawakan ang sarili ko,” sey ni Panky na binigyan pa noon ng titulo na Pop Rock Princess.

Pinayuhan si Panky ng TNT hurado na si Ogie Alcasid: “God is not only a God of second chances; He is a God of many more chances. So take it. If you make it, your next performance, kill it. Because you have it. You have it in you.”

***

EXCITED na makauwi si Wendell Ramos sa kanilang bahay pagkatapos ng 85-day lock-in taping para sa book 2 ng GMA teleserye na Prima Donnas.

Matagal na raw sabik ang aktor na makarga ang newly born baby girl niya na si Mary Mardell Ann Ramos na pinanganak noong October 27 habang nasa lock-in taping siya.

Hanggang video call lang daw nakikita ni Wendell ang kanyang bagong baby, kaya noong ma-pack-up na ang taping, diretso uwi ang aktor para makita na ng personal ang baby girl niya.

Sinalubong din si Wendell ng 15-year old daughter niya na si Tanya na isang certified Daddy’s Girl dahil niyakap niya ng mahigpit ang kanyang daddy na na-miss niya for three months.

Nagpapasalamat si Wendell na natapos nila ang taping ng buong teleserye bago mag-Christmas. Kaya puwedeng mag-relax at magbakasyon si Wendell kasama ang kanyang pamilya ngayong Pasko at New Year.

(RUEL J. MENDOZA)

MMDA kakausapin ang LGUs ukol sa pagbabalik ng provincial buses’ sa EDSA

Posted on: December 16th, 2021 by @peoplesbalita No Comments

MAKIKIPAG-UGNAYAN ang Metropolitan Manila Development Authority (MMDA) sa local government units (LGUs) hinggil sa pagpapalabas ng ordinansa na magre-regulate sa posibleng pagbabalik ng 4,000 provincial buses sa kahabaan ng EDSA.

Sinabi ni MMDA chairperson Benjamin Abalos Jr. na plano niyang makipagkita sa mga Alkalde ng Pasay, Caloocan, Makati, Mandaluyong, San Juan at Quezon City para tulungan ang mga ito na pangasiwaan ang provincial buses sakali’t maipagpatuloy na ng mga ito kanilang operasyon sa mga pangunahing lansangan.

“Kasi kung may ordinansa sila, number one baka pwedeng ‘wag nilang payagan or number two, lagyan ng window period—sige pumasok ka pero 12 a.m. hanggang 4 a.m ka lang—pwedeng ganon,” ayon kay Abalos.

Ani Abalos, binago ng Land Transportation Franchising and Regulatory Board (LTFRB) ang mga ruta ng mga bus para bigyang-daan ang bus carousel na may 85 bus stations sa Kalakhang Maynila kabilang na ang 37 sa kahabaan ng EDSA.

“Nung ginawa ito ng LTFRB, nagdemanda ‘yung isang bus company na, ‘Hindi mo pwedeng gawin sa amin ‘yan, pwede pa ring bumyahe sa EDSA.’ In short, nabigyan ng temporary restraining order (TRO) ng isang judge,” aniya pa rin.

Idnagdag pa ni Abalos na noong panahon na nagsimula pa lamang ang COVID-19 pandemic, ang Inter-Agency Task Force for the Management of Emerging Infectious Diseases (IATF) ay nagpalabas ng resolusyon para gamitin ng mga terminal para sa pagsunod sa health protocols.

Sa oras naman aniya na mabawi ang resolusyon, ang nasabing TRO ay maaari nang ipatupad, papayagan na ang pagbabalik ng 4,000 provincial buses sa EDSA.

“Hindi covered ng TRO ‘yon dahil IATF ‘yon eh. Ang problema, ito ngayon sa IATF, parang tatanggalin na itong patakaran na ito dahil mababa na ang kaso, hindi na kailangan ng alert level,” ayon kay Abalos.

“Currently, passengers coming from the south have to alight at the Paranaque Integrated Terminal Exchange (PTEX), while those from the north have to go down at the Valenzuela Gateway Complex Integrated Terminal (VGCIT). From there, they have to take another bus passing through the EDSA carousel stations,” ayon kay Abalos sabay sabing “Ngayon, feeling ko mas trabaho tayo para of course i-convince ang mga mayors na magkaron sila ng ordinansa dahil ‘yon, hindi na saklaw ng TRO. It’s the only legal way at a lawyer na nakikita ko talaga at napagusapan namin.” (Daris Jose)