- July 1, 2024
-
Search in People's Balita
Ang Diyaryong Pinagkakatiwalaan
Archive for January 4th, 2022
POC idineklarang ‘persona-non-grata’ si PATAFA pres. Juico
Idineklara ng Philippine Olympic Committee (POC) bilang persona non grata si Philippine Athletics Track and Field Association (PATAFA) chief Philip Ella Juico matapos ang naganap na alitan nito kay pole vaulter Ernest John “EJ” Obiena.
Ayon kay POC president Abraham Tolentino, na kanilang inaprubahan ang naging rekomendasyon ng Ethics Committee na nagdedeklarang persona non-grata si Juico sa isinagawa nilang POC Executive Board meeting sa lungsod ng Pasay.
Dahil dito ay hindi na kinikilala ng POC si Juico bilang pangulo ng PATAFA.
Paglilinaw nito na kanila pa ring kinikilala ang asosasyon ng PATAFA.
Base kasi sa imbestigasyon ng Ethics Committee na malinaw na ‘hinarassed” ni Juico si Obiena sa pamamagitan ng pagsasa-publiko ng kaniyang alegasyon.
Nagkasundo ang 11 sa 15 miyembro ng POC Executive Board na aprubahan ang committee recomendations na ito ay kanilang ira-ratify sa General Assembly sa pagpupulong nila sa Enero.
Tiniyak ni Tolentino na magrerepresent pa rin ang 26-anyos na si Obiena sa mga torneo na gaganapin sa ibang bansa kabilang ang 31st Southeast Asian Games sa Hanoi sa Mayo at 19th Asian Games sa Huangzhou sa Setyembre.
Magugunitang inakusahan ni Juico si Obiena na pineke umano nito ang liquidation para sa pagpapasahod sa coach nito at ipinapabalik sa kaniya ang nasa P4-milyon na budget.
DI BAKUNADO, DI PUWEDE SA MALLS SA MAYNILA
IPAGBABAWAL na sa Maynila ang mga hindi bakunado laban sa COVID-19 na pumasok sa mga malls.
Ito ay matapos ipag-utos ni Manila Mayor Isko Moreno Domagoso sa Bureau of Permits na abisuhan ang mga malls sa lungsod na huwag papasukin ang mga indibidwal na hindi bakunado kontra Covid-19.
Sinabi ng alkalde na hndi makakapasok sa loob ng malls sa lungsod kung walang maipapakitang mga vaccine card .
Magiging patakaran din aniya ito pagdating sa mga pampublikong sasakyan subalit ipinaubaya na nito kay MMDA Chairman Benhur Abalos ang pag bibigay ng karagdagang detalye.
Umaasa naman ang alkalde na tatalima ang mga mall managers sa kanyang polisiya para sa kaligtasan ng nakakarami.GENE ADSUARA
May payo sa mga artistang papasok sa politika: COCO at JULIA, makakasama si Sen. LITO sa movie ni Direk BRILLANTE
NARANASAN ni Mrs. World Philippines Meranie Gadiana Rahman ang bagsik ng Super Typhoon Odette nang magkaroon siya ng outreach program in her hometown Cagayan de Oro.
Sa interview sa kanya ng media during her send-off party on December 26, sinabi ni Meranie na ang Super typhoon Odette ang pinakamatinding bagyo na kanyang naranasan.
“I was really scared! Much more for my son and family! It’s the worst typhoon I’ve ever experienced!” pahayag niya.
Nanawagan ang Hawaii-based beauty queen sa publiko na tumulong sa mga typhoon victims. Kailangan ng tulong ng mga biktima mula sa international community.
“They need food, shelter and rebuilding. Their stories need to be told in the international community, yun ang kailangan,” sabi pa ni Meranie.
Ibinahagi rin ni Meranie na maging ang kanilang falcata tree plantation ay nasira rin ng bagyo.
“My parents are into farming also. We planted these trees to harvest them in their maturity after eight years but everything went down with the typhoon,“ himutok ni Rahman.
“I don’t want to complain because there’s already so much suffering sa mga kababayan natin. I just want to help! That is my purpose,” dugtong pa niya.
Meranie is vying to become the country’s first winner of Mrs. World. The pageant will be held on Jan. 15, 2022 in Las Vegas, USA.
***
SI Senator Lito Lapid ang kinuhang endorser ng Pinuno Partylist para makakalap ng maraming boto sa Mayo 2022.
Ang senador na tubong Pampanga ay kilala sa tawag na Pinuno, ang karakter na kanyang ginampanan sa top-rating action serye na FPJ’s Ang Probinsyano.
Umaasa naman siya na sa tulong ng entertainment press ay makatutulong para manalo ang Pinuno Partylist sa Mayo.
Ang isa sa programang ninanais isulong ng Pinuno Partylist ay pabahay para sa lahat ng tao, kahit pa low-income earner ka.
May payo naman si Sen. Lapid sa mga artistang nagnanais pumasok sa politika. Sabi niya na sana raw na may alam ito sa paggawa ng mga batas na makatutulong sa mga tao.
Ibinalita rin ni Sen. Lito na may ginagawa siyang movie with Direk Brillante Mendoza titled Apag kung saan kasama niya sina Coco Martin at Julia Montes.
First movie ito ni Sen. Lito with the Cannes award-winning director.
***
NAGSISISI kaya ang mga producers na nag-join ng 2021 Metro Manila Film Festival?
Mahina raw ang kita ng festival at mas lalo pang hihina ito dahil ibinalik sa Alert Level 3 status ang Metro Manila.
Kaya from 50 percent seating capacity ng mga sinehan, ibababa pa ito sa 30 per cent. Magkano na lang ang kikitain ng mga producer?
Kasi naman nag-spike ang dami ng Covid-19 cases. Hindi kasi naging maingat ang mga tao nang ibaba ang Alert Level.
Sana naging cautious ang publiko na bagamat ibinaba ang Alert Level, nariyan pa rin naman ang Covid-19.
So paano mo pa mahihimok ang publiko na lumabas at manood ng sine? Sayang na pagkakataon.
(RICKY CALDERON)
GAL Gadot’s Video Fuels Speculation That ‘Wonder Woman’ Will Appear in ’The Flash’
WARNER Bros. and DC Films have spent the last several years working on a solo film for Ezra Miller’s Flash.
The movie finally made progress when Andy Muschietti signed on to direct Christina Hodson‘s script. The Flash will deal heavily with the concept of the multiverse as it acts as a loose adaptation of Flashpoint. It is confirmed that the story will bring back various DC Extended Universe characters and others from past DC movies.
In addition to starring Ezra Miller’s Flash and Kiersey Clemons’ Iris West, The Flash‘s cast list is rapidly filling up with a variety of DC characters. Ben Affleck is returning in what is expected to be his final DCEU appearance as Batman. Meanwhile, Michael Keaton is returning as Bruce Wayne for the first time in thirty years thanks to The Flash.
Audiences will also meet Sasha Calle‘s Supergirl for the first time here. It was also recently confirmed that the rewriting of Superman’s DCEU story will see Michael Shannon’s General Zod and Antje Traue‘s Faora-Ul return despite their deaths in Man of Steel.
Now, Wonder Woman star Gal Gadot has teased her appearance in The Flash as well. The actress shared a video on Instagram recapping what 2021 was like for her. When the July and August section of the video takes place, there are clues that support theories of Wonder Woman having a role in The Flash.
Gadot is shown in a makeup chair in July, and the red and yellow lanyard around a crew member’s neck matches one for Facil Productions that other members of The Flash‘s crew have been spotted wearing. Additionally, Gadot shows herself wearing the Wonder Woman crown while getting her hair done in August.
This isn’t the first time that Wonder Woman has been linked to an appearance in The Flash. During a much older version of the movie that was a more direct adaption of Flashpoint, it was reported that Gal Gadot and Jason Momoa were both going to appear. Wonder Woman and Aquaman are at war with each other in the Flashpoint storyline originally.
It seemed that the plan changed drastically from that point, though, making it unclear if either would still appear. Thanks to Gadot’s latest teases, it does look more likely that Wonder Woman will indeed cameo in The Flash.
Wonder Woman’s The Flash return could be the first of a few appearances Gal Gadot makes before Wonder Woman 3. It was recently rumored that she’ll appear in Shazam: Fury of the Gods. If both of these DCEU movie roles come to fruition, Wonder Woman’s place as the face of the DCEU will be solidified.
Affleck’s Batman is about to formally exit, and there is no word on Henry Cavill’s Superman future improving. Wonder Woman is easily the DCEU’s biggest character, so it is understandable that the studios want to keep using her in various projects like The Flash until her solo sequel is ready. (source: screenrant.com)
(ROHN ROMULO)
‘Free mass testing’ giit ng grupo ngayong NCR Alert Level 3, COVID-19 surge
Dahil sa biglaang pagtaas ng COVID-19 cases nitong holiday season, naninindigan ang grupong Bagong Alyansang Makabayan (BAYAN) na isakatuparan ang libreng mass testing laban sa sakit — bagay na hindi pa rin ibinibigay ng gobyerno hanggang ngayon.
Linggo lang nang umabot sa 4,600 ang bagong COVID-19 cases sa Pilipinas, ang pinakamarami simula pa noong ika-24 ng Oktubre. Naglalaro lang sa mas mababa sa 500 ang bagong kaso nitong mga nakaraang linggo.
“Ngayong may panibagong surge sa kaso ng COVID-19, dapat isagawa ang libre at malaganap na COVID testing sa Pilipinas, para matukoy ang kaso ng COVID at mapigilan ang paglaganap nito,” ani BAYAN secretary general Renato Reyes Jr., Lunes, sa isang paghayag.
“We have to assume there is already local transmission of the Omicron variant. Mas nakakahawa ito kaya mas dapat pag ibayuhin ang testing.”
Matatandaang Setyembre 2020 lang nang ibasura ng Korte Suprema ang isang petisyon na humihiling sa gobyerno ng mass testing laban sa COVID-19. (Bishop Jesus “Jemba” M. Basco)
PUVs hihigpitan sa alert level 3
Kasabay ng pagpapatupad ng alert level 3 sa National Capital Region (NCR), mahigpit na ipatutupad ng Department of Transportation (DOTr) ang istriktong basic health protocols sa mga transportasyon kabilang na ang mga public utility vehicles (PUVs).
“I am ordering all transport sectors to strictly enforce the health and safety protocols in order to help prevent the spread of COVID-19,” ayon kay DOTr Dec. Arthur Tugade para matiyak ang kaligtasan ng mga komyuter o mananakay.
Inatasan ni Tugade ang mga enforcers mula sa Land Transportation Office (LTO), Land Transportation Franchising and Regulatory Board (LTFRB), at train marshals ng lahat ng railway lines na tiyaking naoobserbahan ang tamang physical distancing sa loob ng mga pampublikong transport vehicles at sa loob ng mga transport terminals.
Pinatitiyak ni Tugade sa mga enforcers at marshals na lahat ng mga commuters na pumapasok sa terminals at sumasakay sa mga public transport ay gumagamit ng face mask at paalalahanan ang mga ito na huwag mag-usap o kumain habang nasa loob ng mga tren.
“Huwag tayong maging kampante. Ang virus ay nandito pa rin, kaya ugaliin pa rin natin na magsuot ng face masks lalo na sa loob ng pampublikong transportasyon. Huwag makipag-usap o kumain habang nasa loob ng sasakyan. Sundin din natin ang tamang physical distancing,” ayon kay Tugade.
Inatasan din ni Tugade ang mga public transport operators na tiyakin ang kanilang mga sasakyan ay ligtas at maayos na na-disinfect.
Maging ang mga commuters ay hinikayat ni Tugade na maging vigilante o mapagbantay laban sa mga taong lumalabag sa health protocols, dahil hindi naman aniya sa lahat ng pagkakataon ay nakabantay ang mga enforcers at transport marshals. (Daris Jose)
Djokovic umatras na sa paglahok sa ATP Cup
Umatras na si tennis star Novak Djokovic sa pagsali sa 2022 ATP Cup sa Sydney.
Kinumpirma ito ng organizer ng nasabing torneo kung saan ang Team Serbia ngayon ay pangungunahan na ni world number 33 Dusan Lajovic.
Maraming tennis fans naman ang nanghinala sa vaccination status ng 34-anyos na Serbian tennis player kaya nag-aalangan na ito makabiyahe sa Australia.
Noong nakaraang buwan kasi ay nagpahayag si Djokovic ng pagkontra sa pagpapabakuna kung saan mismo ang ama nito ang nagsabing hindi na sasabak ang anak sa nasabig torneo.
Nag-organisa na rin kasi ang Tennis Australia ng charter flights para madala ang mga international players sa Melbourne at Sydney sa pagsasagawa nila ng mga warm-ups.
Ilan sa mga maagang nakarating na sa Australia ay si women’s Australian Open Champion Naomi Osaka.
Unvaccinated vs COVID-19 bawal lumabas ng bahay sa NCR Alert Level 3 — MMDA
Nagkaisa ang mga alkalde ng Metro Manila na ‘wag munang palabasin ng bahay — “in principle” — ang lahat ng hindi pa nababakunahan laban sa COVID-19, habang nasa ilalim ng Alert Level 3 ang rehiyon, ayon sa Metropolitan Manila Development Authority (MMDA).
Matatandaang isinailalim sa Alert Level 3 ang National Capital Region (NCR) mula ika-3 hanggang ika-15 ng Enero dahil sa biglaang pagsipa ng mga kaso ng COVID-19 kasabay ng banta ng mas nakahahawang Omicron variant.
“Ito’y in principle napag-agreehan nila [Metro Manila mayors], ‘yung mga walang bakuna [laban sa COVID-19]… they shall remain in their residences at all times except for the procurement of essential goods and services,” ani MMDA chair Benhur Abalos, Lunes, sa isang briefing.
“[The latter includes], but [are] not limited to food, water, medicine, medical devices, public utilities and energy, work and medical and dental necessities.”
Sa kabila nito, papayagan pa rin naman daw ang individual outdoor activities at exercise sa labas ng “general area of residence” o sa loob ng sumusunod na lugar alinsunod sa guidelines ng Metro Manila local government units:
- baranggay
- purok
- subdibisyon
- village
Kaugnay pa rin kasi ito ng katotohanang karamihan ng mga nahahawaan ng COVID-19 sa Pilipinas ay panay mga hindi pa nakakukuha ng kumpletong primary series ng bakuna, dahilan para hindi sila magkaroon ng karagdagang proteksyon laban sa nakamamatay na sakit.
“Para ano rin ito, para kang nag-[Enhanced Community Quarantine] only for the unvaccinated, for their own protection,” dagdag pa ni Abalos.
“Dapat nasa bahay lang sila. Pwede silang lumabas kung bibili lang sila ng goods and services.” (Daris Jose)
Malakanyang, pumiyok: ‘No choice’ but to escalate NCR to alert level 3–Nograles
UMAMIN ang Malakanyang na “no choice” ang gobyerno kundi ang ibalik ang National Capital Region (NCR) sa alert level 3 bunsod ng nagpapatuloy na surge ng Covid-19 case dahil sa holiday season.
Ang pag-amin ni acting Presidential Spokesperson at Cabinet Secretary Karlo Nograles ay matapos na pumasok ang Kalakhang Maynila sa unang araw ng nagbabalik na alert level 3, simula ngayong araw, Enero 3 hanggang Enero 15.
Ani Nograles, ang pagsirit ng coronavirus disease (COVID-19) cases noong huling bahagi ng nakalipas na buwan ang dahilan kung bakit ” no choice” ang pandemic task force ng gobyerno.
“Tumama talaga sa mga parameters for alert level 3. No choice talaga tayo,” ayon kay Nograles.
“If you look at the numbers, right now nakikita natin yung positivity rate tumataas and positivity rate translates to more cases. Dumami ang kaso natin. Umakyat nang umakyat,” dagdag na pahayag ni Nograles.
Inulit ni Nograles na hindi mag-aalinlangan ang pamahalaan na itaas ang alert level classification sa isang lugar kung kinakailangan.
“We said we will not hesitate to increase the alert level kung kinakailangan and that’s exactly what happened for Metro Manila. So we immediately increased alert level,” ayon kay NOgrales.
Sinabi nito na dapat sana’y mananatili ang NCR sa alert level 2 hanggang Enero 15.
“As of Jan. 2,” nakapagtala ang bansa ng positivity rate na 19.6 percent at nakapag-rehistro ng 4,600 bagong COVID-19 cases. Mayroon ding 21,418 active cases “as of Sunday evening.”
Tinukoy ni Nograles ang report mula sa Department of Health (DOH), aniya, ang “onset of the symptoms” ay dumating noong Disyembre 20, na ang ibig sabihin, ang mga indibiduwal na tested positive ay exposed sa virus noong mid-December.
“If you go by the characteristics of the virus, exposure might have happened [around] five to seven days before,” ani Nograles.
Samantala, hinikayat naman ni Nograles ang publiko na i-isolate ang kanilang mga sarili at kaagad na mag-covid 19 test kapag nakaranas ng COVID-19 symptoms, batid naman ng lahat na may posibilidad na maraming mamamayan ang hindi aware na mayroon na silang virus.
“When you feel something is not right, ‘wag ka nang lumabas. Isolate ka na . Treat it as if you have it,” ani Nograles.
“‘Wag ka na muna mag-report sa work, mag-isolate ka muna, and then magpa-test na kaagad,” dagdag na pahayag nito sabay sabing “Let us try to protect everybody, in our families, in our community, in our workplaces.”
Araw ng Biyernes nang sabihin ng Malakanyang na isa sa mga dahilan kung bakit inilagay sa ilalim ng alert level 3 ang Kalakhang Maynila ay dahil sa mataas na posibilidad ng local transmission ng Omicron variant. (Daris Jose)