2022 January 05 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for January 5th, 2022

Mga residential gatherings sa ilalim ng Alert level 3, hindi dapat daluhan

Posted on: January 5th, 2022 by @peoplesbalita No Comments

DAPAT na maging ekslusibo na lamang para sa mga nakatira sa isang tahanan ang alinmang isasagawang gathering o pagtitipon at hindi na maaari pa ang pagtanggap ng bisita.

Ito ang inihayag ni IATF at Acting Presidential Spokesperson at Cabinet Secretary Karlo Alexei Nograles sa gitna ng ipinatutupad na mga restriksiyon sa kasalukuyan sa ilalim ng Alert Level 3 dito sa NCR.

Ani Nograles, ang pagbabawal ay ginawa para na rin mabigyan ng proteksiyon partikular ang mga senior citizen at persons with comorbidities.

Ibang usapan naman na aniya na magkakasama ang magkakaibigan o magkakamag- anak sa iisang lugar halimbawa sa restaurant.

Maaari naman aniya ito gayung ang mga magkakasama ay maaaring masita kahit mismo ng management ng establisyemento at hindi kagaya ng residential gatherings na maaari pang gamitin ang right to privacy.

“Bawal na po iyon because you know may voice and of course hindi na puwede iyon. Then most importantly, gatherings in residences with individuals not belonging to the same household, hindi na pupuwede,” anito.

“Pagdating sa private places, hindi kasi. At dahil hindi natin ma-enforce iyan, the safest measure is to not allow itong gatherings in residences, kapag hindi ka nakatira doon sa bahay na iyon. Also remember ang pino-proteksyunan natin dito are senior citizens, persons with comorbidities, especially ‘no. So, this is something that’s very important to us,” dagdag na pahayag ni Nograles.

“Pagdating naman sa mga restaurants, di ba, we can already enforce na dapat fully vaccinated ka. By the way, strictly speaking under alert 3, we’re back to that system na person with comorbidities and senior citizens cannot leave the house uncles essential activities,” aniya pa rin sabay sabing “At least sa restaurant kasi we can enforce. Ang problema sa bahay kapag nakapasok na sa bahay, hindi na natin ma-enforce kasi siyempre iyong privacy, Right to Privacy na iyan eh, so we cannot check. At the restaurants at least the government is able to check ‘no.”

Bulacan, Cavite at Rizal, alert level 3 na rin

Posted on: January 5th, 2022 by @peoplesbalita No Comments

BUNSOD ng pagsirit ng COVID-19 cases sa ilang lokalidad, inaprubahan ng Inter-Agency Task Force (IATF), araw ng Lunes ang rekomendasyon ng kanilang sub-Technical Working Group on Data Analytics na itaas ang Bulacan, Cavite, at Rizal sa Alert Level 3.

Sinabi ni acting Presidential Spokesperson at Cabinet Secretary Karlo Nograles, epektibo ngayong araw, Enero 5 hanggang Enero 15, 2022 ang alert level 3 sa mga nasabing lugar.

Matatandaang, isinailalim sa Alert Level 3 ang National Capital Region (NCR) mula ika-3 hanggang ika-15 ng Enero dahil sa biglaang pagsipa ng mga kaso ng COVID-19 kasabay ng banta ng mas nakahahawang Omicron variant.

Sinabi naman ng Metropolitan Manila Development Authority (MMDA), nagkaisa ang mga alkalde ng Metro Manila na ‘wag munang palabasin ng bahay — “in principle” — ang lahat ng hindi pa nababakunahan laban sa COVID-19, habang nasa ilalim ng Alert Level 3 ang rehiyon.

“Ito’y in principle napag-agreehan nila [Metro Manila mayors], ‘yung mga walang bakuna [laban sa COVID-19]… they shall remain in their residences at all times except for the procurement of essential goods and services,” ani MMDA chair Benhur Abalos.

“[The latter includes], but [are] not limited to food, water, medicine, medical devices, public utilities and energy, work and medical and dental necessities.”

Sa kabila nito, papayagan pa rin naman daw ang individual outdoor activities at exercise sa labas ng “general area of residence” o sa loob ng sumusunod na lugar alinsunod sa guidelines ng Metro Manila local government units:

baranggay

purok

subdibisyon

village

Kaugnay pa rin kasi ito ng katotohanang karamihan ng mga nahahawaan ng COVID-19 sa Pilipinas ay panay mga hindi pa nakakukuha ng kumpletong primary series ng bakuna, dahilan para hindi sila magkaroon ng karagdagang proteksyon laban sa nakamamatay na sakit.

“Para ano rin ito, para kang nag-[Enhanced Community Quarantine] only for the unvaccinated, for their own protection,” ani Abalos sabay sabing “Dapat nasa bahay lang sila. Pwede silang lumabas kung bibili lang sila ng goods and services.”

Papayagan pa rin naman daw ang interzonal at intrazonal movement sa ilalim ng Alert Level 3 ayon sa panununtunan ng Inter-Agency Task Force for the Management of Emerging Infectious Diseases, ngunit pwedeng magpatupad ng “reasonable restrictions” ang mga local government units basta’t hindi ito mas strikto sa mas mataas na Alert Level systems.

Samantala, para sa mga wala pang 18-anyos o mga bulnerable ang kalusugan, ay papayagan din namang makakuha ng essential goods and services o para makapagtrabaho sa mga pinapayagang industriya o opisina basta’t alinsunod ito sa mga existing rules and regulations.

“Individual outdoor exercises shall also be allowed for all ages regardless of comorbidities or vaccination status,” pahayag ni Abalos sabay sabing “So covered pa rin tayo nitong IATF [policies]. Ang ginawa lamang nito… mas hinigpitan lang nating mga mayors ang mga unvaccinated. It is also for their own protection habang nasa Alert Level 3.”

“For all you know, after two or three weeks tapos na tayo so balewala na po ito. It is only during Alert Level 3, dahil pinapakita naman ng siyensya na karamihan naman ng tinatamaan ng severe at fatality ang mga unvaccinated,” dagdag na pahayag nito.

Sa kabila nito, wala pa rin naman daw nakikitang rason ang mga LGU na ire-impose ang mga curfews habang nasa Alert Level 3 ang NCR.

Maliban pa rito, suspendido raw muna ang mga face-to-face classes mula ngayong araw hanggang ika-15 ng Enero. (Daris Jose)

Bata Reyes dadayo sa Amerika

Posted on: January 5th, 2022 by @peoplesbalita No Comments

Muling ilalabas ni legendary cue master Efren “Bata” Reyes ang mahika nito sa isang US tour na idaraos sa iba’t ibang bahagi ng Amerika.

Nakalinya na ang mga gagawin ni Reyes sa oras na tumuntong ito sa Amerika.

Una na ang pagdayo nito sa Red Dragon Billiards Club and Training Center sa Harvard, Masachusetts sa Enero 15.

Mananatili naman ito ng dalawang araw sa Maine sa Enero 16 (American Pool & Billiards sa Portland) at Enero 17 (TJ’s Classic Billiards sa Waterville) kung saan makakasagupa nito si Mike Dechaine sa exhibition games.

Ang huling araw ng tour ni Reyes ay gaganapin sa Enero 19 sa Yale Billiards sa Wallingford kung saan makakaharap nito si Lukas Fracasso-Verner sa isa pang exhibition match.

Maliban sa exhibition games, posibleng sumabak si Reyes sa ilang torneong nakalinya sa Amerika.

Kabilang na rito ang Derby City Classic 2022 na magtatampok ng apat na events — ang 10-Ball, 9-Ball, Bank Pool at One Pocket na gaganapin sa Horseshoe Southern Indiana.

Ilang torneo rin ang lalaruin sa Pebrero gaya ng Wisconsin Open, Texas Open 10-Ball Championship, Jay Swanson Memorial Tournament at Northeast 9-Ball Open.

4,084 bagong pasyente na tinamaan ng COVID-19 sa PH; 21 labs bigong magsumite ng datos sa DOH

Posted on: January 5th, 2022 by @peoplesbalita No Comments

Maraming mga COVID laboratory ang nabigong makapagsumite ng kanilang mga datos na umaabot sa 21 dahil sa pagiging holiday nitong nakalipas na wekeend.

Meron ding dalawang mga laboratoryo ang hindi operational.

Kaya naman ang datos sa bagong mga kaso na nahawa sa coronavirus sa boung Pilipinas sa daily tally ng Department of Health (DOH) ay mas mababa kumpara sa nakalipas na araw ng Linggo na 4,600.

Naitala ng DOH ang nadagdag na bilang ng mga pasyente sa 4,084.

Ang kabuuang mga dinapuan ng COVID-19 sa Pilipinas mula noong nakaraang taon ay umaabot na sa 2,855,819.

Samantala, mayroon namang naitalang 497 na mga bagong gumaling.

Ang mga nakarekober sa virus ay umaabot na sa 2,779,241.

Habang may nadagdag na 16 na mga pumanaw na pasyente.

Ang death toll sa bansa dahil sa deadly virus ay umaabot na sa 51,586.

Nagpaliwanag naman ang DOH na batay sa datos sa nakaraang 14 na araw, ang kontribusyon ng nabanggit na 23 laboratoryo ay humigit kumulang 5.1% sa lahat ng samples na nai-test at 5.2% sa lahat ng positibong mga indibidwal.

Iniulat naman ng ilang eksperto na napansin ang patuloy na pagtaas ng ICU bed occupancy sa NCR na ngayon ay nasa 29 percent, samantalang noong December 26 ng nakalipas na taon ay nasa 17 percent lamang. (Daris Jose)

PDu30, bineto ang budget provision hinggil sa exlusion ng SUC lands mula sa agrarian reform

Posted on: January 5th, 2022 by @peoplesbalita No Comments

BINETO (veto) ni Pangulong Rodrigo Roa Duterte ang exclusion ng lupaing pag-aari at inookopahan ng state colleges and universities (SUCs) mula sa Comprehensive Agrarian Reform Program (CARP) sa ilalim ng P5.024-trillion budget law para sa 2022.

Ang ginawang pag-reject o hindi pagtanggap ng Pangulo sa probisyon ay nakasaad sa kanyang veto message ukol sa Republic Act 11639 o General Appropriations Act of 2022 na ipinalabas ng Department of Budget and Management, araw ng Lunes, Enero 3.

“I am constrained to veto SUC Special Provision(s) Applicable to the SUCs, Special Provision No. 17, “Exclusion of Lands Owned and Occupied by State Universities and Colleges from the Comprehensive Agrarian Reform Program,” Volume I-A, page 789, since it does not relate to any appropriation in the budget for the SUCs,” ayon sa Pangulo.

“It is further noted that the subject matter of such provision is already covered by a separate substantive law,” dagdag na pahayag nito.

Tinukoy ng Chief Executive ang Section 10 ng Republic Act 6657 o Comprehensive Agrarian Reform Law of 1988 na nagsasaad na “lands actually, directly and exclusively used and found to be necessary for parks, wildlife, forest reserves, reforestation, fish sanctuaries and breeding grounds, watersheds, and mangroves, national defense, school sites and campuses including experimental farm stations operated by public or private schools for educational purposes, seeds and seedlings research and pilot production centers, church sites and convents appurtenant thereto, mosque sites and Islamic centers appurtenant thereto, communal burial grounds and cemeteries, penal colonies and penal farms actually worked by the inmates, government and private research and quarantine centers and all lands with 18% slope and over, except those already developed, shall be exempt from the coverage of the Act.”

“I hereby veto certain provisions and proviso introduced in this budget which do not relate to particular appropriations or those that would effectively amend existing laws. Such provisions or proviso are considered “inappropriate provisions” which are derogations to the power to legislate substantive laws, thus, have no place in this GAA,” ayon sa Punong Ehekutibo.

“Matters of general legislation are more appropriately dealt with in separate enactments,” aniya pa rin.

Gayundin, bineto (veto) ng Pangulo ang 2022 budget provision na nagpapalawak sa authorized credit facilities na siyang mamamahala sa Agro-Industry Modernization Credit Financing Program sa ilalim ng Republic Act 8435 o Agriculture and Fisheries Modernization law.

Giit ng Pangulo, “expanding such authority to thrift banks and universal/commercial banks, and Non-Bank Financial Institutions such as cooperatives, farmers or fisherfolk organizations or associations, agri fishery-based corporations is not needed because the Agriculture and Fisheries Modernization law already vested this power to cooperative banks, rural banks, government financial institutions and viable non-governmental organizations.”

“The provisions of RA 8435, being a substantive law, shall prevail,”ayon kay Pangulong Duterte. (Daris Jose)

Mga laro sa PBA kanselado matapos ilagay sa Alert Level 3 ang NCR

Posted on: January 5th, 2022 by @peoplesbalita No Comments

Kinansela ng Philippine Basketball Association (PBA) ang mga laro ngayong linggo mataposilagay sa Alert Level 3 ang Metro Manila dahil sa pagtaas ng kaso ng COVID-19.

Muli kasi sanang itutuloy ang mga laro ng 2021 PBA Governor’s Cup sa Miyerkules.

Nagsumite na ang PBA ng sulat sa Games and Amusement Board (GAB) ukol sa nasabing usapin.

Kailangan din aniya ng approval mula sa local government units (LGU) na siyang magiging host ng mga laro.

Kabilang din na nakansela ang mga full-team practices at ibalik ng bawat koponan ang small groups subalit walang mga exhibition games.

Pagdeklara kay PATAFA Prexy Philip Juico na persona non grata,’null & void’ at wala sa POC jurisdiction -PATAFA chairman

Posted on: January 5th, 2022 by @peoplesbalita No Comments

Tiniyak na Philippine Athletics Track and Field Association (PATAFA) na hindi nila palalagpasin ang ginawang hakbang ng Philippine Olympics Committee kung saan kinatigan ang umano’y ‘harassment case’ na idinulog ni Olympian pole vaulter EJ Obiena laban sa kanilang presidente na si Philip Juico.

Ito’y mayroong kaugnayan sa POC ethics committee investigation findings na umano’y tahasang ginigipit ni Juico si EJ ukol sa sports funding liquadation dahilan na napatawan ng ‘persona non grata’ decision noong nakaraang linggo.

Sa panayam,inihayag ni PATAFA chairman at Deputy House Speaker Rep.Rufus Rodriguez ng segundo distrito ng Cagayan de Oro City na nakakatawa ang ginawa ng POC dahil nasa internal investigation pa lamang sana sila akusasyon ni Juico kontra Obiena subalit inaagahan ang persona non grata findings.

Sinabi ng kongresista na maituturing na walang silbi ang desisyon ng POC dahil hindi pa nga sila tapos intra-national sports association (NSA) isyu ay hinatulan na nila si Juico na pilit lang isalba ang pinagdududahang milyong halaga ng pondo na bigong ma-liquadate sa kampo ni Obiena.

Banggit ni Rodriguez na dahil null and void at wala sa hurisdiksyon ng POC ang kanilang ginawa ay maglalabas na ang PATAFA ng kanilang findings ukol sa budget issue na kinaharap ni EJ.

Magugunitang itinigil pa ng isang komitiba ng Kamara ang imbestigasyon ukol sa nabanggit na sigalot dahil sa apela ni Philippine Sports Commission chairman Butch Ramirez subalit nabigla ang PATAFA sa persona non grata issuance ni POC laban Juico.

Una nang pinagpaliwanag si EJ sa umano’y falsified liquadations ukol sa bayarin na P4.8 milyon para sana kanyang Ukrainian coach na si Vitaly Petrov dahil nagre-reklampo ito subalit mariing itinanggi at sa halip dumulog sa tanggapan ni POC chairman Abraham Tolentino.