TALAGANG nanahimik lang ang mag-asawang Dingdong Dantes at Marian Rivera sa loob ng halos dalawang linggo na sila pala ay tinamaan din at nag-positibo sa COVID-19.

Tila buong household nina Dingdong at Marian ang nag-positive. Pero nang makausap namin si Dingdong at kamustahin, lalo na ang dalawang anak nila na sina Zia at Sixto, alam namin na okay na okay na nga sila at naka-recover na dahil sabi niya, “All good na kami.”

At sey pa niya, ang bilis nga raw talaga na maka-infect ng omicron.

Tila sabay rin sila ni Marian na magre-resume na sa kani-kanilang trabaho. Pagkatapos nga maging quiet sa socmed, ngayong Lunes lang din nag-post si Marian.

Sabi niya, “Good morning! Just about to start my day… thinking about everyone going through a tough time, Sending you all hugs and prayers.”

      Sa isang banda, pinuri naman si Dingdong ng ilang netizens na dapat daw gano’n talaga, na very real lang, no glitz and glam at hindi na niro-romanticize pa ‘yung talagang situwasyon.  Na-appreciate rin nila na tila informative pa ang video nito regarding mga dapat gawin for isolation and vaccines and booster.

Pero siyempre, meron din nag-comment na tila paraan din daw ni Dingdong para mai-campaign si Vice President Leni Robredo dahil sa nagpasalamat siya sa ipinadalang OVP COVID care package sa kanila.

Eh, base sa pagkakakuwento naman ni Dingdong, alam mong natuwa talaga ito na nakatanggap sila ng gano’ng malasakit.

Sey niya, “Isa rin sa mga mahalagang natanggap namin ay iyong COVID Care Package ng Office of the Vice President.

      “Napakalaking bagay noon dahil naglalaman ng kumpletong mga gamit na kinakailangan ng isang COVID positive patient. Halimbawa iyong oximeter. Siyempre noong time na iyon, nawawala iyong oximeter namin.

“Maraming maraming salamat sa OVP at siyempre kay VP Leni sa COVID Care Package na pinadala ninyo. Very, very helpful,”

      ***

VERY proud si Senator Bong Revilla sa season 2 ng Agimat ng Agila dahil “yes” agad talaga ang sagot niya nang tanungin namin kung mas nahigitan ba ang season 1.

“Of course, for every project na ginagawa natin, we really need to surpass the first one. So we really need to surpass the Agimat ng Agila Book 1. So ‘yun talaga ang inambisyon natin, ni Direk Rico Gutierrez at ng GMA.

      “Makikita niyo naman, mahirap magyabang, pero makikita niyo naman pati sa performance ng mga artistang kasama natin.”

“I’m very proud of this project at magagaling talaga yung mga kasamahan ko.” Mas hardcore action nga ngayon sa book 2 na si Senator Bong mismo ang gumawa ng mga stunts. At the same time, talagang nag-work-out daw siya for this at makikita rin ang difference ng katawan niya ngayon from book 1.

      “Talagang nagpakundisyon ako physically at siyempre, we’re not getting any younger. Mga bata itong mga kasabay ko, so kailangan magpakitang-gilas din tayo.

      “I work out almost every day. I do my boxing and kick boxing. Pati yung mga rolling-rolling na iyan, pagulong-pagulong, nandoon pa rin yung training.”

At hindi na lang si Sanya Lopez ang leading lady niya rito, si Rabiya Mateo na rin na. Proud si Sen. Bong na na-predict nga raw nila ang pagiging “Superstar” na ni Sanya ngayon.

When asked kung napi-predict din ba niya itong mangyayari kay Rabiya, sey naman niya, “Kayo ang huhusga niyan. But she’s a very good actress at may chemistry rin kami ni Rabiya. At nakikita ko rin na malayo ang mararating ni Rabiya. Malay mom aging Action Queen din ‘yan.”

***

TILA sumusunod sa yapak ng Asia’s Multimedia Star na si Alden Richards o ng actor/restaurateur na si Marvin Agustin ang Kapuso actor na si Ken Chan.

Nagulat kami nang makausap namin recently lang si Ken dahil ang dami na pala niyang businesses na naipupundar.

Bukod kasi sa ilang branches niya ng gasoline station, ang iFuel, meron din siyang wellness business at ngayon nga, ang kanyang Café Claus na all-year round Christmas ang theme kaya ang mga food, buong taon din na makakabili ng mga bibingka at puto bubong, even Christmas ham.

Kaka-open lang ng unang branch nila sa Tandang Sora, pero nalaman namin kay Ken na magbubukas na siya sa Greenhills Promenade ngayong February at sa March, sa Eastwood naman at gayundin sa Tagaytay at iba pang provinces.

Ten years in the business, pero ang dami na niyang nai-invest. Sabi ni Ken, ang dahilan daw, ang pagiging matipid niyang talaga bukod pa sa goal/pangarap niya raw talaga bata pa lamang ang lahat ng negosyo na ipinundar niya.

In fairness, bumilib din kami dahil kahit pandemic, hindi ito naging hadlang kay Ken para mag-push lang sa mga businesses niya.

Kasosyo rin ni Ken ang kaibigan na si Ryan M. Kolton na ayon kay Ken, Hollywood actor raw pero, mukhang na-enjoy ang Pilipinas. After ng restaurant business, naka-set na rin ang pagpasok nila sa pagpo-produce ng pelikula.

(ROSE GARCIA)

NASA Paris na muli si Kapuso actress Heart Evangelista. 

May caption siya sa Instagram niya bago siya umalis ng Pilipinas, “Saturday (so many typos sorry just so stressed) stressed Saturday because it’s my first time to travel by myself!! Anxiety level is high but my determination and higher!!” 

Hindi kasi sanay si Heart na magbiyaheng mag-isa. Hindi naman siya masamahan ng husband niyang si Sorsogon Governor Chiz Escudero, dahil magiging busy na ito sa election campaign dahil kandidato siyang Senador.

Anyway, last three weeks na lamang ang GMA Primetime series ni Heart na I Left My Heart in Sorsogon, with leading men Richard Yap and Paolo Contis at ngayon ay inaabangan na ng mga netizens kung sino ang makakatuluyan ni Celest (Heart) kina Nonito (Richard) at Micoy (Paolo).

At isa pang hinihintay ng mga viewers ay kung magkakabalikan ba sina Sebastian (Mavy Legaspi) at Tiffany (Kyline Alcantara) sa story at behind din sa camera, dahil ang sweet daw nila laging dalawa, “mas matamis pa sa candy.” Ano nga ba ang real score sa #MavLine?

Napapanood sila gabi-gabi, after ng 24 Oras sa GMA-7.

***

SENATOR Bong Revilla is back as Major Gabriel Labrador of Task Force Kalikasan in Agimat ng Agila in a new Season 2, after ng successful first season last year.

Sa tanong sa virtual presscon ng pagkakaiba nito sa season 1, “mas maaksiyon ito ngayon, mahirap magyabang, pero makikita nyo na mas pinalaki namin ito, medyo mahirap pero makikita ninyo kung paano ito ginawa ni Direk Rico Gutierrez,” sagot ni Sen. Bong.

“Siyempre may pressure pa rin, pero we gave it our best, kaya siguradong the viewers will enjoy this.”

Inamin  ni Sen. Bong na nag-work out, nag-training siya sa boxing, stretching at rolling.

Alam nang sa simula lamang mapapanood ang dating katambal niya na si Kapuso actress Sanya Lopez, pero masaya si Sen. Bong sa kanya na na-predict daw niyang magiging big star rin.

Humanga naman si Sen. Bong sa new leading lady niya, si Miss Universe Philippines 2021 Rabiya Mateo na “she’s new but she’s a good actress.

Sa January 29 na ang season premiere ng Agimat ng Agila, na mapapanood every Saturday, 7:15PM sa GMA-7.

***

LIBRE na si Kapuso actor Wendell Ramos dahil tapos na tapos at napapanood na ang GMA Afternoon Prime series na Prima Donnas after Eat Bulaga, kaya naharap na niya niya ang mga business niya at pagtulong sa mga nangangailangan.

Isa si Wendell sa mga nagbigay ng tulong kay Lolo Narding, 83, ng Asingan, Pangasinan na umano’y nanguha ng manga ng kapitbahay kaya gusto siyang ipakulong.

Pero naging national news ito kaya maraming tumulong at nakalabas din siya matapos magpiyansa ng P 6,000.

Personal na dinala ni Wendell ang kabuhayang showcase na ipinost niya sa Instagram para kay Lolo Narding, mga manggang hinog para ibenta, food cart na may pangalan pa ng matanda at mga kahon-kahong paninda, para may pagkunan siya ng pang-araw-araw niyang gastusin at pangangailangan, para rin sa pamilyang kasama niya.

Caption pa ni Wendell: “Mission accomplished!  Lolo Nardo’s dagdag kabuhayan, munting mga regalo at Negosyo mula po sa amin ng @franchise.bscorp. @ofwfamilyclub at @wendell_meathouse.”

(NORA V. CALDERON) 

PUMANAW na ang actor-singer na si Romano Vasquez sa edad na 51 noong January 23.

Nakilala si Romano dahil sa pagiging regular ito noon sa programang That’s Entertainment noong early ‘90s.

Singer din si Romano at naging bahagi siya ng singing trio na Quamo. Naging hit ang 1997 single nila na ‘Sumpa Ko’ na tagalog version ng english song na ‘I Swear’.

Ginawa si Romano ng maraming pelikula. Na-introduce siya sa pelikulang First Time… Like A Virgin at Titser’s Enemi Number 1. Ilan pa sa mga naging pelikula niya ay Noel Juico 16: Batang Kriminal, Epimaco Velasco: NBI, Mariano Mison, Isang Lahi, at Suicide Rangers.

Pinasok din ni Romano ang paggawa ng sexy films noong ST (Sex Trip) Film era tulad ng Alipin ng Aliw, The Secret of Katrina Salazar, Reputasyon, Night Job at Ma’am Turuan Mo Ako.

Na-link romantically noon si Romano sa mga aktres na sina Shirley Fuentes, Miya Nolasco at Criselda Volks.

Noong tumumal ang sexy movies, nagtrabaho sa Japan bilang hosto si Romano ng ilang taon. Pero noong bumalik siya sa Pilipinas, nawaldas ang mga naipon niyang pera dahil sa paggamit ng pinagbabawal na gamot.

Naging open noon si Romano sa pagpapa-rehab niya para makabalik siya sa showbiz. Noong gumaling na siya, bumalik siya sa pagiging singer at nagkaroon siya ng regular set sa isang gay bar sa Pasay City.

Ang misis niyang si Alma Panuela Dila ang naging inspirasyon ni Romano na pagbutihin ang buhay niya. Nagtrabaho ito sa isang networking company at naging motivational speaker siya.

Na-feature sa programang Wagas ang love story nila Romano at Alma noong 2014.

Walang impormasyon pa sa cause of death ni Romano. Pumanaw siya sa tahanan niya sa Cavite City kasama ang kanyang misis at apat na anak na sina Angelie Kate, 22; Albert, 16; Sky, 15; and Raven, 8 years old.

***

BIDA na si Jeric Gonzales sa pelikulang Broken Blooms na mula sa direksyon ni Louie Ignacio.

Napili na ang naturang pelikula para sa ‘41st Oporto International Film Festival’ in Portugal.

Makakasama ni Jeric sa naturang pelikula ay sina Therese Malvar, Royce Cabrera, Boobay, Lou Veloso, Mimi Jureza, Rico Barrera, Cherry Malvar, Cecil Yumul, Rosette Aquino, at si Ms. Jaclyn Jose.

Mag-premiere ang Broken Blooms sa Director’s Week competition program mula April 1 to 10, 2022. Produced ang pelikula ng BenTria Productions.

Nagpasalamat si Therese Malvar kay Direk Louie at sa kanilang producer via Instagram dahil sa pagsama sa kanya sa cast.

“Maraming maraming salamat po sa tiwala at gabay, direk @direklouieignacio! Super happy and grateful na ikaw ‘yung naging director ko for this kind of role. Love you forever direk! See you sa next one. Thank you rin kay Sr. Benjie ng BenTria Productions for making this whole project possible! Thank you rin sa lahat ng staff and crew. Sa mga aktor na kasali rito,” caption pa ng aktres.

Kinunan ang maraming eksena ng pelikula sa Pampanga.

***

DALAWANG American entertainment icons ang pumanaw nang magkasunod.

Una ay ang rock music icon na si Marvin Lee Aday a.k.a. Meat Loaf noong January 20 at pangalawa ay ang three-time Emmy winner at stand-up comedian na si Louie Anderson noong January 21.

Nakilala si Meat Loaf dahil sa kanyang best selling albums na “Bat Out of Hell” at “Bat Out if Hell II: Back into Hell”. Nanalo siya ng Grammy Awards noong 1993 as Best Solo Rock Performance for “I’d Do Anything For Love”. Lumabas din siya sa mga pelikulang The Rocky Horror Picture Show, Fight Club at Wayne’s World.

Pumanaw si Meat Loaf sa edad na 74. Ayon sa medical report nito, COVID-19 ang naging cause of geath ng rock singer at unvaccinated ito.

Pumanaw naman sa edad na 68 in Las Vegas si Louie Anderson na isa sa multi-awarded comedians on television and stage.

Ayon sa kanyang publicist, naospital si Louie for treatment diffuse large B cell lymphoma. Hindi na raw ito naka-recover sa kanyang sakit na cancer.

Nanalo si Louie ng Primetime Emmy Award noong 2016 para sa comic role niya sa FX series na Baskets. In 1997 and 1998, nanalo siya ng Daytime Emmy Awards para sa animated program na Life With Louie. 

Nakilala siyang mahusay na stand-up comedian noong lumabas siya sa The Tonight Show with Johnny Carson in 1984. He was named one of the 100 Greatest Stand-Up Comedians of All Time ng Comedy Central.

Bukod sa TV at movies, naging host din si Louie ng Family Feud from 1999 to 2002.

(RUEL J. MENDOZA)

SINAGOT ni Kris Aquino ang IG post ni Manay Lolit Solis tungkol sa balitang baka magkabalikan sila ni Mel Sarmiento.

Say ni Manay Lolit, “May mga sign daw na baka bumalik si Papa Mel kay Kris dahil talaga daw love nito ang nanay nila Joshua at Bimby. In fairness naman kay Kris talagang pag minahal ka niya all out siya para sa iyo.

“Siguro nga naramdaman ni Papa Mel na sayang kundi bibigyan ng second chance ang kanilang relasyon lalo pa nga at tanggap ng kani kanilang pamilya ang kanilan love sa isa’t isa.      “Well, love is lovelier the second time around , kaya sige na Kris at Papa Mel, back na kayo sa isa’t isa, kiss and make up na.”

Sa simula nang mahabang sagot ni Kris, “No nay… hindi kami nag balikan. i just felt PEACE in my – finally… kaya the past no longer felt like something i needed to erase.”

Sambit ng Queen of All Media, “Iniwan nya ko Nay, when i was at my lowest and ginawa nya yun via text… matagal akong tahimik na nagdasal questioning if for both of us, was it ever really love or was it just grief, timing, and infatuation? i found MY answers because we finally got to talk over FaceTime audio a few nights ago… basing it on that final conversation it became clear to me what his true feelings for me had been and how little respect i had left for him…”

Pakiusap pa ni Kris, “let’s not involve my sons, because mel failed to have the common decency to acknowledge that he hurt bimb and never once checked on how my son was taking all of this.

“It spoke volumes to me nung nalaman ko from my Ate that she had tried several times to message Mel trying to find a way to communicate with him & hopefully still create a bridge but he actually snubbed my Ate.

“And siguro yung final straw for me was the fact kinaya nyang mag imbento ng napakaraming kwento bilang “patunay” na close talaga sila ni Noy eh may parang Alvin si Noy, pero kung si Alvin 17 years with me, this person was with my brother for 28 years and kasing detalyado ang calendar of the people, places, events na napuntahan & nakasama ni Noy as Alvin is with me- mas grabe pa yung kanya because from Congress 1998 to the end of Noy’s term in 2016 kumpleto talaga yung listahan.”

Dugtong pa niya, “Nay, by now kilala mo ko- FAMILY will always come first, kahit may mga tampuhan or misunderstandings, at the end FAMILY loyalty pa rin ang uunahin. i feel OA yung ginawang panggamit sa nananahimik ng patay- kaya it was a relationship na yung entire premise, what led to the closeness was my brother Noy- and because of what i had perceived to be their closeness (background lang: the 2 boys & I lived with Noy for the last 5 weeks before the May 2016 elections and Mel was a constant presence kasi maraming tinatapos na LGU issues).

“So paano mag babalikan sa taong hindi mo na pinagkakatiwalaan at ngayon alam mo nang hindi ka minahal at ginamit ka lamang?”

Kaya sa huling parte ng sagot ni Kris, “The End, Nay… Move on na…”

Nagpasalamat naman si Manay Lolit kay Kris sa pagsagot at paglilinaw sa balita. Dasal niya na sana matagpuan pa rin ni Kris ang kanyang forever.

Nag-reply naman si Kris ng, “Nay- TRUTH … Ate said for the sake of peace NEVER post anything about what I had gone through & what he had done to me- just let go and thank God you found out early enough… Nay-i obeyed because my Ate is really like a 2nd mom to me. And i can never say NO to just 3 people- Ate & my 2 sons.

“BUT nakahanap ng loophole sa request nya- she said for ME to never post-pero she didn’t specify na wag ako mag comment sa posts ng iba… hindi ko alam why yesterday as i was scrolling through IG, i saw your post. So you know your Tetay- i found a way to still obey my Ate but finally reveal my TRUTH.”

(ROHN ROMULO)