Ang mga operators at drivers ng mga public utility vehicles ang siyang papatawan ng multa sa mga mahuhuling nagsasakay ng mga walang bakuna dahil sa “no vax, no ride” polisia ng Department of Transportation (DOTr).

Bibigyan ang mga operators at drivers ng multang hanggang P15,000 at posible pa na makansela ang kanilang prangkisa kapag nahuli silang nagsasakay ng mga walang bakuna na mga pasahero.

Ayon sa DOTr, nagsimula kahapon ang pagbibigay ng mga violation tickets na magsisilbing warning muna sa mga hindi sumusunod sa nasabing polisia.

Dagdag pa ng DOTr na magiging pasensyoso at mapagbigay ang mga traffic enforcers subalit magiging matigas din sila sa pagpapatupad ng “no vax, no ride” na siyang tagubilin ni DOTr Secretary Arthur Tugade.

Sinabi naman ni DOTr assistant secretary Goddess Libiran na as far as concerned ang DOTr, Inter-Agency Council for Traffic(I-ACT), Land Transportation Franchising and Regulatory Board (LTFRB) at Land Transportation Office, ang pagbibigay ng violation tickets ay kanilang sinimulan kahapon.

Ang mga local government units (LGUs) ay may kanilang operasyon at pagbibigay ng violation tickets na naaayon sa bawat ordinances ng mga LGUs.

“Penalties include a P5,000 fine for the first offense, P10,000 fine and impounding of unit apprehended for 30 days for the second offense and a fine of P15,000 and suspension/cancellation of franchise for the third and subsequent offenses,” saad ni LTFRB executive director Tina Cassion.

Kung nasuspende ang isang driver, ang LTFRB ang siyang magrerekomenda sa LTO na kanselahin ang kanilang driver’s license.

Mayron naman 1,749 na mga pasahero ng rail lines ang nagbakasakaling makasakay kahit na wala silang valid na vaccination card.

Ang I-ACT naman ay nakapagtala ng mahigit sa 100 na pasahero na mga hindi bakunado ang kanilang hindi pinayagan na makasakay sa mga PUVs noong Lunes.

Sa kabilang dako naman, ang Philippine National Police – Highway Patrol Group (PNP-HPG) ay binigyan ng instruksyon na huwag muna silang magbigay ng citation tickets sa loob ng buong linggo. Ang kanilang gagawin ay magtatanong muna sila sa mga walang bakuna bago sila pasakahin sa mga PUVs at sasabihan na dapat sila ay magpabakuna muna.

Samantalang sa kauohan, ang “no vax, no ride” na polisia ay mapayapa naman naipatupad sa unang araw subalit mayron pa rin mga ilan-ilang pasahero ang naguluhan sa guidelines ng polisia lalo na yoon wala pang bakuna.

Nakalagay sa DO na ang taong matatawag na fully vaccinated ay yoon dalawang linggo ng nakalipas ng sila ay nababakunahan matapos ang ikalawang bakuna ng kanilang two-dosed vaccination series tulad ng Pfizer o Moderna na bakuna, o di kaya ay pagkatapos ng dalawang linggo matapos silang maturukan ng single-dose ng Johnson & Johnson.

Ang mga exempted naman sa DO ay yoon mga taong may mga medical conditions na pinagbabawalan na bakunahan laban sa COVID-19 subalit kailangan magpakita sila ng duly-signed na medical certificate mula sa kanilang doctor na may nakalagay ng kanilang pangalan at contact details.

Puwede rin lumabas ng kanilang tahanan ang mga walang bakuna kung sila ay bibili ng mga essential goods at services tulad ng pagkain, tubig, gamot, medical devices, public utilities, energy, work at medical at dental na pangangailan subalit dapat may ipakitang barangay health pass o di kaya ay patunay na kailangan nilang maglakbay at umalis ng bahay.

Sa kabilang dako naman, ang Trade Union Congress of the Philippines (TUCP) ang nagsabi na ang “no vax, no ride” na polisia ay nakapagresulta sa malaking pagkawala ng mga income ng mga mangagawa.

“Working people without vaccine cards were again unnecessarily forced to spend more in fare to be able to report for work in time and to avoid salary deductions with tardiness with the reduced number of plying public utility jeepneys and buses units,” wika ni TUCP spokesman Alan Tanjusay.  LASACMAR

TINIYAK ni Senator Christopher “Bong” Go sa mga Pilipinong migranteng manggagawa na patuloy ang kanyang pangako at ng kasalukuyang administrasyon na poprotektahan at uunahin ang kanilang kapakanan lalo na sa gitna ng patuloy na krisis sa kalusugan.

Ginawa ni Go ang pahayag bilang panau­hing pandangal sa “walkthrough” sa kauna-una­hang Overseas Filipino Workers (OFW) Hospital construction site sa San Fernando City, Pampanga noong Biyernes.

Ginawa ang aktibidad bilang paghahanda sa ceremonial turnover ng ospital sa Marso, kasabay ng ika-77 kaarawan ni Pangulong Rodrigo Duterte.

Si Go, chairman ng Senate Committee on Health and Demography, ay nagpahayag ng kanyang kumpiyansa na ang pagtatatag ng ospital ay makatutulong upang mas maprotektahan ang kapakanan ng mga ‘modernong bayani’ ng bansa.

Ang ospital ay isang 6 palapag na pasilidad na may 100-bed capacity na pangunahing magsisilbi sa OFWs at kanilang kwalipikadong dependent.

“Kamakailan lamang ay nilagdaan ni Pangulong Duterte ang pagtatag ng Department of Migrant Workers at ngayon ay bubuksan na ang OFW Hospital. Patunay lamang ito kung gaano kamahal at pinapahalagahan ni Pangulong Duterte ang ating bayaning OFWs,” idiniin ni Go.

Masugid na tagapagtaguyod ng karapatan ng mga migranteng manggagawang Pilipino, naging instrumento si Go sa pagsasabatas ng Republic Act No. 11641 noong Disyembre 30, na lumikha ng Department of Migrant Workers.

Ang OFW Hospital ay pamamahalaan ng Philippine General Hospital.