2022 February 04 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for February 4th, 2022

12 migrants patay dahil sa malamig na panahon

Posted on: February 4th, 2022 by @peoplesbalita No Comments

PATAY ang 12 migrants matapos na hindi nakayanan ang lamig ng panahon sa border ng Turkey at Greece.

Dahil dito ay inakusahan ng Turkey ang Greece na sila ang may kasalanan sa pagkamatay ng mga migrant matapos na hinayaan nila silang itaboy at hindi papasukin sa kanilang bansa.

Mariing pinabulaanan ng Greece ang akusasyon na ito ng Turkey.

Ang dalawang Mediterranean countries ay kapwa nag-aakusahan sa kinahinatnan ng mga migrants na tumatawid sa kanilang border.

Sinabi pa ni Turkish Interior Minister Suleyman Soylu na pinag-huhubad ng mga border guards ng Greece ang mga migrrants pagdating nila sa lugar kahit na sobrang lamig ang panahon.

Libreng swab testing kaloob ng Quezon City LGU sa bar examinees

Posted on: February 4th, 2022 by @peoplesbalita No Comments

MAGKAKALOOB ang Quezon City government ng libreng swab testing sa 756 examinees at 350 personnel at volunteers sa isasagawang bar examination ngayong Linggo .

Ayon kay Mayor Joy Belmonte ang hakbang ay bilang pagtiyak na ang mga examinees at iba pang kakasangkapanin sa isasagawang eksaminasyon ay ligtas mula sa exposure at hindi pagmulan ng hawaan ng COVID-19 .

“We have been closely coordinating with the Supreme Court as well as administrators from the University of the Philippines, since the University has been selected as one of the testing sites. We share the same goal with them and that is to ensure the safety of the examinees and the success of the examinations on February 4 and 6,” pahayag ni Belmonte.

Sa ilalim ng kasunduan, ang Supreme Court ang magkakaloob ng test kits habang ang Quezon City Epidemiology and Disease Surveillance Unit (QCESU) ang magsasagawa ng rapid antigen testing sa mahigit na 1,100 indibidwal .

Naglaan ang QCESU ng 20 health personnel para sa testing activities kahapon sa bar examinees at ngayong araw (Peb. 3) para sa mga tauhan at volunteers na gagawin sa UP College of Human Kinetics Gymnasium.

Ang sinumang magpositibo sa eksamin ay irerefer para mag home quarantine o sa alinmang HOPE Community Care facilities ng lungsod. Ang ibang departamento ng QC LGU ay tutulong din para umalalay sa swab testing sa bar examinations.

Ang QC Disaster Risk Reduction and Management Office (QCDRMMO) at Quezon City Fire District (QCFD) ay naglagay ng tents sa UP Campus at naka standby para tumugon sa anumang emergency.

Ang QC Task Force for Transport and Traffic Management (QCTFTTM) ay mangangasiwa naman sa maayos na daloy ng trapiko papuntang bisinidad ng campus. (Daris Jose)

Pinas, handa na sa pagtanggap ng mga fully vaxxed foreign tourists-DOT

Posted on: February 4th, 2022 by @peoplesbalita No Comments

HANDA na ang Pilipinas na tumanggap ng mga fully vaccinated international travelers simula sa Pebrero 10, 2022.

Sinabi ni Tourism Secretary Bernadette Romulo-Puyat na naghahanda na ang sektor para sa kaganapang ito simula nang isara ang mga borders noong 2020.

Dalawang taon sa pandemya, sinabi ni Puyat na karamihan sa mga turista ay nakatanggap na ng kanilang bakuna laban sa coronavirus.

“While this will be the first time the Philippines is opening its doors for foreign leisure travelers since the start of the pandemic, the tourism industry has prepared for this development for close to two years,” ayon sa Kalihim sa isang text message sabay sabing “We look forward to welcoming our foreign visitors once again especially with Metro Manila, the country’s main international gateway, placed under Alert Level 2.”

Aniya pa, ang health at safety protocols ay nananatiling nakataas para mapigilan ang paghawa ng virus.

“Tourism workers have been vaccinated and the observance of health and safety protocols at every destination remains to be a priority. The DOT will be focusing its efforts on the visa-free countries under EO 408 that are identified as our key, strategic, and opportunity markets,” aniya pa rin.

Papayagan na ng Pilipinas ang mga fully vaccinated international tourists mula visa-free countries, simula Pebrero 10, “provided that they present a negative RT-PCR test taken within 48 hours prior to departure from the country of origin.”

Sa ngayon, may kabuuang 157 bansa ang ine- enjoy ang kanilang visa-free entry privileges sa Pilipinas kabilang na rito ang ilan sa top tourist markets gaya ng South Korea, Australia, Canada, Japan, Malaysia, Singapore, United Kingdom, United States at Germany.

Hinggil naman sa paghahanda sa destinasyon, sinabi ni Tourism Promotions Board (TPB) chief-operating-officer Ma. Anthonette Velasco-Allones na ang bansa ay nakapagtatag ng 79 tourism circuits, na kinabibilangan ng travel-ready places sa iba’t ibang rehiyon.

“It is safe to say that they are ready. They are more than ready,” anito.

Aniya pa, ang TPB ay nakikipagtulungan sa DOT-National Capital Region upang “i-refresh” ang visitor arrival areas sa Kalakhang Maynila.

Target din ng pamahalaan na ikasa ang streamline travel rules sa mga destinasyon upang mas lalong maging convenient ang mga biyahe lalo na para sa mga foreign tourists.

Samantala, sinabi naman ni Tourism Assistant Secretary Howard Lance Uyking na nakatakdang magpulong ang DOT, Department of the Interior and Local Government, at local government units para pag-usapan ang bagay na ito. (Bishop Jesus “Jemba” M. Basco)

Mungkahi ni Concepcion, i-require ang booster cards sa mga NCR establishments

Posted on: February 4th, 2022 by @peoplesbalita No Comments

IMINUNGKAHI ni Presidential adviser for entrepreneurship Joey Concepcion na i-require sa mga customers ang pagpapakita ng COVID-19 booster vaccination cards sa pagpasok sa mga establisimyento sa Kalakhang Maynila.

Ang katwiran ni Concepcion, maaari na itong gawin sa National Capital Region lalo pa’y mayroon itong high vaccination rate.

Ginagawa na rin aniya ito sa Estados Unidos kung saan ang mga customers ay pinipilit na magpakita ng kanilang primary vaccination at booster cards.

“We should now enforce that this booster cards be shown,” ayon kay Concepcion sa Kapihan sa Manila Bay forum sabay sabing “You have to bring your vaccination card and your booster card.”

Tinatayang may 9.58 milyong indibiduwal sa Kalakhang Maynila ang fully vaccinated. Gayunpaman, may 2.46 milyong booster doses pa lamang ang naibibiigay.

May kabuuang 7.57 milyong booster doses ang naibigay sa iba’t ibang panig ng bansa.

Samantala, sinabi naman ni Presidential adviser for COVID-19 response Vince Dizon na binibigyang diin ng pamahalaan sa pagsisikap nito na itaas ang bilang ng booster shot para sa “added wall of immunity.”

Layon ng pamahalaan na makapagbigay ng 72.16 milyong booster doses, kabilang na ang mga menor de edad na 12-17, sa pagtatapos ng second quarter ng 2022. (Daris Jose)

Halos 3-K flights suspendido dahil sa winter storm

Posted on: February 4th, 2022 by @peoplesbalita No Comments

AABOT sa halos 3,000 na flights ang kinansela ng US airlines dahil sa malakas na winter storm na may dalang makapal na yelo ang bumabalot mula Midwest at South.

Labis na naapektuhan ang Chicago O’Hare airport kung saan mayroong 164 flights ang nakansela.

Nasa halos 90 porsiyento naman ng scheduled flights mula Dallas Love Field airport ang nakansela.

Inaasahan na magkakaroon ng makapal na pagyelo sa mga lugar gaya ng Dallas-Forth Worth region at Memphis kung saan mahigit 90 milyong katao ang ang nasa ilalim ng winter weather alerts mula Rockies hanggang New England.

National Press Freedom Day bill pasado na sa Senado

Posted on: February 4th, 2022 by @peoplesbalita No Comments

INAPRUBAHAN ng senado sa huling pagbasa ang panukalang batas na nagdedeklara sa Agosto 30 kada taon bilang National Press Freedom Day.

Ipinasa ng mga senador ang Senate Bill 670 bilang pagkilala kay Marcelo H. Del Pilar na ikinokonsidera bilang father of Philippine Journalism.

Nakakuha ito ng kabuuang 19 at walang kumuntra ganun din ang nag-abstain.

Sa nasabing panukalang batas ay nag-aatas sa Department of Educataion (DepEd) , Commission on Higher Education (CHED) at Technical Education and Skills Development Authority (TESDA) na magkonsulta sa office of the President para makapag-organisa ng mga aktibidad na lumalaban sa anumang karahasan laban sa mga mamamahayag.

US dinagdagan ang bilang ng mga sundalo na ipapadala sa Europe

Posted on: February 4th, 2022 by @peoplesbalita No Comments

DINAGDAGAN ng US ang kanilang sundalo na ipinadala sa Europa ngayong linggo dahil sa panganib na paglusob umano ng Russia sa Ukraine.

Ayon sa Pentagon, mayroong 2,000 na sundalo na galing sa Fort Bragg, North Carolina ang ipapadala sa Poland at Germany.

Kinabibilangan ito ng 1,700 miyembro ng 82nd Airborne Division ang ipapadala sa POland at ang natitira sa Germany.

Habang ang 1,000 na nasa Germany na ay mapupunta sa Romania.

Ang nasabing bilang ay karagdagan sa 8,500 na sundalo ng US na inilagay sa alerto ng Pentagon na handang ipadala sa Europe kung kinakailangan.

Paglilinaw naman ni Pentagon Spokesperson John Kirby na ang mga sundalo ay hindi makikipaglaban sa Ukraine at sa halip ay para tiyakin ang pagdepensa ng US sa kanilang mga kaalyadong bansa.

Dagdag pa nito na ang paglalagay nila ng sundalo ay nagpapahiwatig kung gaano kahalaga sa US ang NATO at mga kaalyadong bansa.

Nauna rito itinanggi ng Russia ang kanilang balak na pag-atake sa Ukraine kahit na naglagay na sila ng mahigit 100,000 sundalo sa border nila ng nasabing bansa.

Binatikos naman ni Russian Deputy Foreign Minister Alexander Grushko ang paglalagay ng sundalo ng US dahil ito ay isang uri ng paninira na siyang magtutulak pa na magkaroon ng tensiyon sa lugar.

Ads February 4, 2022

Posted on: February 4th, 2022 by @peoplesbalita No Comments

Tonga magpapatupad ng lockdown dahil sa pagtaas ng kaso ng COVID-19

Posted on: February 4th, 2022 by @peoplesbalita No Comments

SASAILALIM sa lockdown ang Tonga matapos ang pagtaas ng kaso ng COVID-19.

Ayon kay Prime Minister Siaosi Sovaleni na nagmula ang pagkalat ng virus sa dalawang empleyado ng pier at nahawaan na nila ang kanilang mga kaanak.

Isa ang Tonga sa nakakontrol ng virus kung saan noong 2020 ay agad nilang isinara ang border kaya nanatiling virus-free ito.

Sinasabing nagmula ang virus sa Nuku’alofa ng dumating ang mga tulong mula sa ibang bansa.

Kasalukuyan kasing nagre-recover ang nasabing bansa mula sa pagsabog ng underwater volcano nitong Enero.

Pinay tennis player Alex Eala bigo sa unang round ng W25 Manacor final leg

Posted on: February 4th, 2022 by @peoplesbalita No Comments

NABIGO sa unang round ng W25 Manacor si Filipino tennis player Alex Eala.

Hindi kasi ito pinaporma ni number 5 seed Giulia Gatto-Monticone sa score 6-2, 6-1.

Sa simula pa lamang ng laro ay dominado na ng 34-anyos na Italian tennis player.

Ito na ang ikatlo at final leg ng W25 Manacor ng International Tennis Federation (ITF) Women’s World Tennis Tour na mayroong $25,000 na premyo.

Sa unang leg ng W25 Manacor ay nabigo si Eala na makapasok sa main draw at hindi rin nagtagumpay sa 3rd and final qualifying round bilang number 11 seed.