NAKATIKIM ng talak ang dalawang tao mula sa Broadway Legend na si Patti Lupone dahil ayaw nilang ayusin ang pagsuot ng kanilang facemask habang nasa loob sila ng American Theatre Wing.

Ayon sa two-time Tony Award-winning actress, sinita na raw niya ang dalawa tungkol sa kanilang facemask habang nasa entablado siya para sa Q&A kasama ang cast ng Broadway revival ng Company. Pero tumawa lang daw ang dalawa kaya lalong nag-init ang ulo ni Lupone.

“Who do you think you are? Just put your mask over your nose. That is the rule. If you don’t want to follow the rules, get the f— out!” talak pa ni Lupone.

Singot daw siya ng isa ng: “I pay your salary.” at sinagot naman siya ni Lupone ng: “You pay my salary? Bullshit! Chris Harper pays my salary!”

Napilitan ang palabasin ang dalawa ng security dahil sa hindi pagsunod sa safety protocol ng venue.

Kuwento ng isang eyewitness: “Patti had politely asked them to lift their masks several times. They just kept shaking their heads at her. That’s when she hit a breaking point, taking the mic, stopping the panel, and demanding they follow the rules. These people were so rude.”

Na-shutdown ang Broadway for 18 months dahil sa pandemic. Nagkasakit din si Lupone with Covid-19 kaya ayaw niyang maulit iyon dahil lang sa dalawang taong ayaw sumunod sa safety protocol ng venue. Kahit na raw na-lift ang pagsuot ng mask sa New York City, required pa rin daw ang audience to wear a facemask inside theaters para maprotektahan ang actors, musicians, crew members and staffers na mahawa sa virus.

May reputation si Lupone na titigil sa kanyang performance kapag may isang audience na nakaka-distract sa performance nito. Meron na siyang sinigawan dahil may kumuha ng photos na bawal gawin. May isa naman na kinuha niya ang cellphone dahil nagte-text ito.

Kinampihan si Lupone ng buong staff ng Company: “She is also a fierce advocate for the entire theatrical workforce. We stand with Patti and support her efforts to keep our entire community — from patrons to ushers, cast to stage crew — safe and healthy so we can keep Broadway open.”

Kilala si Lupone sa pagganap niya sa hit Broadway musicals na Evita, Gypsy, Les Miserables, Sunset Boulevard at Sweeney Todd.

(RUEL J. MENDOZA)

HANDA na raw for baby number two si Solenn Heussaff.

Dahil 2 years-old na raw ang panganay nila ng mister niyang si Nico Bolzico na si Thylane Katana or Tili, puwede na raw nilang paghandaan ang magiging kapatid nito ngayong 2022.

“Yes! Ready na kami for baby number 2. The clock is ticking and I’m not getting any younger. Kaya okey na magkaroon ng isa pang baby,” sey ni Solenn who will turn 37 na sa July.

Dagdag pa ni Solenn na tama lang daw yung two or three years na age gap kung sakaling magkaroon ng kapatid agad si Tili.

Pinabinyagan na nila Solenn at Nico si Tili noong nakaraang May 7. On Instagram, pinost ni Nico ang isang short video ng binyag ni Tili. Nilagyan niya ito ng caption na: “After 2 years and 4 months…”

Pinanganak si Tili noong January 1, 2020. Dahil biglang nagkaroon ng pandemic, na-delay ang pagbibinyag kay Tili. Ang pinsan naman ni Tili na si Dahlia na anak nina Anne Curtis at Erwan Heussaff ay nabinyagan na noong nakaraang March.

***

HABANG umeere pa ang teleserye na Artikulo 247, panay ang pag-asikaso ni Mark Herras sa anak nila ng misis na si Nicole Donesa na si Baby Corky.

Wala pa kasing sisimulan na bagong teleserye si Mark kaya sinusulit niya ang bawat araw na kasama niya ang kanyang mag-ina. Para kapag may dumating na bagong trabaho, at least ay nabigay niya sa kanyang pamilya ang maraming quality time.

Aminado si Mark na mas naging seryoso na siya sa kanyang trabaho. Hindi na raw puwede yung magtatrabaho dahil napipilitan siya. Nagtatrabaho siya dahil kailangan niya ito at mahal niya ang ginagawa niya.

“Siguro yung pinaka-change na ginawa nila sa akin is literal talaga na maging pokus sa trabaho. Talagang pokus ako, like nag-lock-in taping ako ng ilang buwan at nalayo ako sa mag-ina ko. Sakripisyo iyon pero ginawa ko dahil sinabi ko nga na focus na ako sa trabaho ngayon.”

Masaya rin si Mark na ang kanyang pamilya ang nagsisilbi niyang inspirasyon ngayon upang mas maging responsable sa lahat ng kanyang ginagawa.

Dahil sa pagsusumikap ni Mark, nagsisimula na rin siyang magtayo ng bagong bahay para sa kanyang pamilya.

“Dahil maganda ‘yung inspirasyon mo sa buhay, my wife and kay Corky, iba yung ligaya, iba ‘yung saya na ibinibigay nila sa akin. ‘Yung pagiging inspirasyon nila for me sobrang malaking bagay, mas focus ako na ayusin lahat ng ginagawa ko,” sey ni Mark.

(RUEL J. MENDOZA)

NATAPOS na ang Election 2022 sa bansa, pero ang mga netizens at viewers ng top-rating GMA Telebabad romantic-drama series na First Lady ay hindi pa tapos at sumisigaw pa sila ng suporta kay First Lady Melody na kandidatong Presidente ng bansa.

Bakit hindi si President Glenn Acosta (Gabby Concepcion) ang muling kumandidato? Nagkaroon kasi ng assassination attempt sa buhay ni PGA, at hospitalized pa siya, kaya si Melody ang napusuan ng kanyang mga ka-alyado para palitan siyang kandidato sa eleksyon.

Tinanggap naman ni Melody ang hamon sa kanya bilang president ng Pilipinas, at kalaban niya si Senator Allegra Trinidad (Isabel Rivas), pero hindi naging madali sa kanya ang ginawang desisyon. At sa Twitter at Facebook, bumuhos ang suporta para kay Melody. Tanong nga sa social media, “kung makaboboto kayo, sino ang iboboto ninyo sa pagkapresidente?

At tulad ng tunay na eleksyon, nakatikim si Melody ng bashings ng mga kalaban niya, tulad nang “ipagkakatiwala ba natin ang buhay natin sa isang tulad niyang walang alam dahil isa lamang siyang yaya?” May nagpadala pa sa kanya ng uniform ng isang yaya at iyon daw dapat ang isuot niya.

Pero hindi nanghina ang loob ni Melody, sa isang kampanya ay isinuot niya ang yaya uniform at sabi niya “tapat akong maglilingkod sa mga tao at hindi ko ikinahihiya na isa lamang akong yaya, pero malakas ang loob ko at hindi ako magpapatalo!”

Sa June 30, 2022 na ang proclamation ng ating newly-elected President of the Philippines, sabayan din kaya ito ng proclamation ni First Lady Melody? Ang First Lady ay napapanood gabi-gabi, pagkatapos ng 24 Oras sa GMA-7.

***

NAKA-TAPING break si Bea Alonzo sa Start-Up kasama sina Alden Richards at Jeric Gonzales, kaya nagkaroon siya ng chance na magawa ang ika-100 episodes ng kanyang YouTube vlog.

May 2.51 million subscribers na si Bea. At ang latest vlog nga niya ay tungkol sa pagpunta niya sa Madrid, Spain, last March, bago siya nagsimulang mag-taping ng first teleserye sa GMA Network.

On her new vlog, Bea shared kung bakit siya pumunta sa Madrid. Ito ay para tumingin ng isang apartment doon dahil isa raw niyang dream ay magkaroon ng sariling bahay sa Europe. Kaya personal siyang pumunta ng Madrid, at nag-apartment hunting siya.

At sa six apartments na pinagpilian niya, ang napili niya ay iyong may elevator na magagamit ng mommy niya at ng mga pamangkin niya kapag naroon sila. Kaya ang promise ni Bea sa kanyang vlog, kapag natapos na ang teleserye nila nina Alden, babalik siya sa Madrid at gagawa siya muli ng isang vlog na iha-house tour naman ang mga subscribers sa nabili niyang bahay sa Madrid.

***

TULOY na tuloy na pala ang movie na pagtatambalan nina John Lloyd Cruz at Jasmine Curtis-Smith.

Kaya pala nag-tape nang ilang summer episodes si JLC ng sitcom niyang Happy ToGetHer sa Boracay, dahil magiging busy naman siya kapag nagsimula na sila ng shooting ng movie, na malamang lock-in din. Wala pang binanggit na title ng movie na isu-shoot nila at kung saan ang location nila.

Marami raw nagsasabing maswerte si Jasmine, dahil after niyang makatambal ang Asia’s Multimedia Star na si Alden Richards sa GMA Telebabad na The World Between Us, ang best actor awardee naman ang bago niyang leading man.

(NORA V. CALDERON)