2022 May 19 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for May 19th, 2022

Health experts inirekomenda ang 2nd booster shots para sa mga medical workers at mga matatanda

Posted on: May 19th, 2022 by @peoplesbalita No Comments

INIREKOMENDA ngayon ng Health Technology Assessment Council (HTAC) ang pagbabakuna sa second booster shot para sa mga health care workers na nasa A1 category at at senior citizens na nasa A2 category.

Ayon kay National Vaccination Operations Center (NVOC) chief at Health Undersecretary Myrna Cabotaje, hinihintay na lamang daw sa ngayon ng HTAC ang isa pang requirement mula sa World Health Organization (WHO) para sa naturang pagbabakuna.

Sinabi ni Cabotaje na ang guidelines para sa second booster para sa A1 at A2 ay nailabas na sana pero mayroon daw pagbabagong ginawa ang WHO sa requirement.

Agad naman daw mag-iisyu ang mga Health authorities ng guidelines para sa pagbabakuna sa second booster shots para sa A1 at A2 kapag nagbigay na ng go signal ang WHO.

Kung maalala, nagsagawa na ang pamahalaan ng second booster shot sa mga immunocompromised adults.

Sa IG post para sa kaarawaan ni Billy… Netizens nag-react sa hitsura ni COLEEN at may nanghinayang sa kanyang career

Posted on: May 19th, 2022 by @peoplesbalita No Comments

NAG-POST sa Instagram si Coleen Garcia ng kanyang heartfelt message para sa birthday ng hubby na si Billy Crawford, kasama nito ang series of photos na kung saan makikita ang kanilang anak at daddy ng actor/singer/tv host.

Panimula ng caption ni Coleen, “I’m a day late (grinning face with sweat emoji) but happy birthday again, my love!

“I hope every birthday only gets better and better for you. I know we both have our shortcomings, but I’m incredibly blessed that I get to live this fun, happy, beautiful life with you and our little family.”

Pagpapatuloy pa niya, “I hope you’re always reminded that you are not just an amazing husband, but also a great friend, caring son, and wonderful father to a little angel who already adores you and looks up to you. We love you and appreciate you soooo much, and I hope you feel it every second of every day!”

“Thank you to everyone who made Billy’s birthday extra special!”

Sagot naman ni Billy, “I love you and THANK YOU again and again and again… (heart-eyes emoji) @coleen.”

Dumagsa naman ang pagbati mula sa kanilang celebrity friends at followers.

Pero may comment naman ng ilang netizens na kung pinansin nila ang hitsura ngayon ni Coleen at panghihinayang sa kanyang career:

“Coleen looks older than Billy now.”

“Yes she looks 40 something.”

“40s hwaaat?! That comment made me check her ig.She looks llike she’s in her 20s what are you talking about! Hell to the no does she look my age.”

“Sinayang career naging taong bahay nalang sya.”

“Walang sayang if my inaalagaan syang baby for women with PCOS ot’s impt. And taong BAHAY “LANG” talaga? Baka mas malaki pa kasi allowance nyan kysa mag risk sa show besides celebrity yan kumikita kahit walang show basta my brand.”

“She is happy so anong sayang dun?”

“Humahabol sa itsura si coleen ha. nagmumukha na silang magkaedad lang.”

“Pabonggahan at patalbugan ng mga greetings to show off how good of life they are living lol.”

Samantala, nauna nang nag-post ng pasasalamat si Billy sa kanyang asawa, dahil sa ginawa nito para maging memorable ang kanyang 40th birthday.

“My wife made this happen! I’m so thankful for you @coleen for making my dreams come true. I never thought my father would even meet his grandson. And by Gods grace you have made all of this possible. Thank you so much my love. (person bowing emoji) to the strongest, sexiest and most loving wife ever! Best 40th birthday ever.”

(ROHN ROMULO)

BBM, landslide win sa Overseas Voting

Posted on: May 19th, 2022 by @peoplesbalita No Comments

ITINANGHAL na ‘big winner’ si incoming President Ferdinand “Bongbong” Marcos Jr., matapos itong makakuha rin ng landslide victory mula sa mga Pilipino sa iba’t ibang mga bansa sa katatapos na halalan.

Dahil dito, ayon sa kampo ni Marcos ay walang kaduda-duda na talagang suportado ng mayorya ng mga Pinoy ang pambato ng Partido Federal ng Pilipinas (PFP) na record-breaking sa nakuhang mahigit 31M boto sa kasaysayan ng bansa simula ng post-Edsa era.

Base sa ulat mula sa iba’t ibang Philippine diplomatic posts at sa mismong Commission on Elections (Comelec) Transparency Media server, si Marcos ay nakakuha ng 330,231 boto na malayong-malayo ang lamang mula sa 89,624 ni Vice Pres. Leni Robredo.

Sa Asia Pacific cluster kung saan kabilang ang China, Japan, Australia, Thailand, Malaysia, Korea, Singapore, at Taiwan, nakakuha si Marcos ng 159,186 boto habang 35,862 lang ang nakuha ni Robredo.

Ang pinakamaraming boto na nakuha ni Marcos ay sa Singapore, sumunod ang Japan at Taiwan.

Ang kalamangan ni Marcos ay patuloy hanggang Middle East at Africa cluster, na binubuo ng Lebanon, Qatar, Saudi Arabia, Kuwait, Oman, United Arab Emirates, Bahrain, Saudi Arabia, Amerika at Europe clusters. (Daris Jose)

PDu30, nilagdaan ang batas na magbibigay ng monthly pay sa mga opisyal ng Sangguniang Kabataan

Posted on: May 19th, 2022 by @peoplesbalita No Comments

TININTAHAN ni Pangulong Rodrigo Roa Duterte ang batas na magpapalakas sa Sangguniang Kabataan (SK), kabilang na ang pagbibigay ng monthly honoraria sa youth council officials.

Nilagdaan ni Pangulong Duterte noong Mayo 6 ang Republic Act No. 11768, naga-amiyenda sa ilang probisyon ng Sanggunian Kabataan Reform Act of 2015. Ang kopya ng bagong batas ay ipinalabas sa media, araw ng Martes, Mayo 17.

Sa ilalim ng batas, ang lahat ng miyembro ng SK kabilang na ang treasurer at secretary ay dapat na makatanggap ng monthly honorarium sa pagtatapos ng bawat regular monthly SK meeting. Iyon nga lamang ay dapat na hindi ito lalagpas ng 25% ng pondo ng SK at hindi dapat na lalagpas sa kompensasayon na natatanggap ng SK chairperson.

Ang kani-kanilang local government units ay maaaring mag-provide ng karagdagang bayad at social welfare contributions at hazard allowance sa SK chairperson at iba pang elected at appointed members ng youth council sa pamamagitan ng local ordinances.

Ang SK members ay dapat din na entitled o may karapatan sa civil service eligibility base sa taon ng kanilang serbisyo sa barangay, ayon sa RA No. 11768.

Ang iba pang benepisyo ng SK officials ay kinabibilangan ng “exemption from the National Service Training Program, being excused from attending classes while attending regular or special SK meetings and special Sangguniang Barangay sessions, in the case of the chairperson being provided by the national government with PhilHealth coverage.”

Binibigyan naman ng mandato ng bagong batas ang bawat SK na magtalaga ng secretary at treasurer at magtakda ng iskedyul ng regular meetings at Katipunan ng Kabataan assemblies sa loob ng 60 araw ng pagtanggap ng posisyon.

Ang itinalagang SK treasurer ay dapat na mayroong education at career background na may kinalaman sa business administration, accountancy, finance, economics o bookkeeping.

Sa pag-upo sa tanggapan, ang mga miyembro ng SK ay inaatasan na lumikha ng three-year rolling plan na tatawaging Comprehensive Barangay Youth Development Plan.

Ang mga miyembro ay papayagan na magsagawa ng fund-raising activities, alinsunod sa development plan, ang proceeds o kikitain mula sa fund raising activity ay tax-exempt at idaragdag sa general fund ng SK. (BISHOP JESUS “JEMBA” M. BASCO)

After magluto ay humirit ng, ‘Do I deserve a bag?’… HEART, isang mabilis na ‘no’ ang natanggap mula kay Sen. CHIZ

Posted on: May 19th, 2022 by @peoplesbalita No Comments

VERY open ang actor na si Edu Manzano na dapat ay dumaan sa psychological test ang pilot na nag-vlog at lumikha ng isyu na diumano’y nag-power tripping si Vice President Leni Robredo at pina-priotize diumano ang pag-landing niya.

Itinanggi na ng management ng Cebu Pacific ang naturang isyu at kesyo under disciplinary action na ang naturang piloto. Though, maraming netizens ang hindi sumasang-ayon na D.A. lang ang katapat.

Though, meron at meron din Pinoy na sa kabila ng statement na inilabas ng Cebu Pac, mas pininipiling paniwalaan ang sinabi na una ng piloto. Kaya may mga nagsasabi rin na dapat itong papanagutin at sampahan ng kaso, lalo na’t merong mas pinaniniwalaan ito.

Katulad ng ibang mga netizens, walang-duda na isa si Edu sa naniniwalang dapat na i-psych test ito at kinukuwestiyon kung dapat na payagan pa itong magpaandar ng eroplano.

May diretsong nagtanong dito kung sasakay na ito ang piloto. At sinagot ito ni Edu nang, “No way! Seriously, he should be tested. It’s not a joke. I have family!”

At siya raw mismo, hindi siya sasakay sa Cebu Pac hangga’t hindi nabibigyan ng tamang kaparusahan ang naturang piloto.

Aniya, “I have to agree! What is his state of mind? I will definitely not fly #CebuPAC until they have addressed the issue.”

“More than that you worry about his state of mind. Will never trust my family in his hands.”

***

KINAAALIWAN talaga ng mga netizen kapag nagpo-post si Heart Evangelista ng mga “banter” nila ni Gov. Chiz Escudero at isa sa sure na pasok sa Top 12 for new elected Senators.

Nagluluto si Heart at nakitulong-tulong sa kanya si Chiz. Kaya sabi ni Heart, “Either way, mukhang natutuwa naman siya. Minsan na nga lang ako magluto kasi, pagod na pagod na siya sa kaluluto, pero tinulungan pa rin niya ‘ko.”

Pero dalawa ang kinaaliwan ng mga netizen s video na pinost ni Heart. Nang magdikit ang mga palad nilang dalawa na siguro, ang naalala ni Sen. Chiz ay ang eksena sa Hollywood movie na Ghost at napakanta ito ng “Unchained Melody.”

Kaya sey ni Heart, “Hindi ko alam kung matatawa ako or mai-stress ako sa situation.”

Nang matikman na nila ang inilutong pagkain na ayon kay Heart, recipe raw ng mommy niya, napa-smile ito at saka humirit sa asawa na, “Do I deserve a bag?” Pero isang mabilis na “No” ang sinagot sa kanya ni Sen. Chiz.

Napapa- “sana all” ang netizens sa dalawa. At mga comment na, “couple goal.”

***

NGAYONG May 27, may mga pagbabago ng mapapanood sa longest running gag show sa telebisyon, ang Bubble Gang ng GMA-7.

Bukod sa bago nitong mas pinaagang time-slot na 9:40 pm, may bagong mga segments na mapapanood at new cast.

May mga cast members kasi na nawala na at napalitan naman ng mga bago. Kabilang sa mga nawala ay sina Mikoy Morales, Arra San Agustin, Lovely Abella at iba pa. Mga bago namang mapapanood sina Tuesday Vargas, Faith Da Silva, Dasuri Choi at Kim de Leon.

At kahit inamin ni Michael V. na nakausap din daw niya ang bawat isang nawala, pero nando’n daw talaga ang kirot kapag may nawawala.

“Siyempre, palagi namang may kirot kapag may isang cast member na magpapaalam or mawawala. Pero lahat naman ng pumasok sa industriya, alam naman ang kalakaran ng show business.”

At sabi pa niya, “Even myself, hindi rin naman ako absuwelto. Kumbaga, parang kahit ako, pwedeng mawala sa show na ‘to.”

Hirit naman namin kay Bitoy, kung siya ang mawawala, baka mawala na rin ang Bubble Gang.

“Hindi naman, hindi naman siguro,” natawang sabi niya.

At kilala ang Bubble Gang sa pagpapakilala ng mga nakatatawang character base sa mga sikat o kilalang personalidad. Ngayong magkakaroon na ng bagong administrasyon, tinanong namin si Bitoy kung makikita rin ba rito ang ilang mga bagong character sa gobyerno o pulitika.

“Definitely, definitely,” saad niya.

“Hangga’t hindi binubusalan ang karapatan ng mga shows para mag-express,” natawang sabi niya. “I’m pretty sure, makapapanood kayo ng mga sketches, mga gags, satire regarding the government and otherwise.”

(ROSE GARCIA)

Canvassing of votes ng Presidente, VP ikinasa ng Senado, Kamara

Posted on: May 19th, 2022 by @peoplesbalita No Comments

NAGPULONG na ang mga Senador at Kongresista sa isasagawang paghahanda para sa canvassing ng boto ng Presidente at Bise Presidente na gaganapin sa Mababang Kapulungan ng Kongreso umpisa sa Martes, Mayo 24 hanggang 27.

Sina House Secretary General Llandro Mendoza at mga opisyal ng Senado sa pangunguna ni Senate Secretary Atty. Myra Marie Villarica ay nagsagawa ng online meeting kung saan tinalakay ang paglilipat ng mga ballot boxes na naglalaman ng Certificate of Canvass (COCs) at Election Returns (ERs) mula sa Senado patungo sa Kamara sa Lunes, Mayo 23.

Sinabi ni House Deputy Secretary General for Legal Affairs Atty. Annalou Nachura na maglalaan ang Kamara ng espasyo para paglagyan ng mga bibilanging COCs at ERs.

Alinsunod sa 1987 Constitution ay kailangang mabuksan na ang lahat ng mga certificates sa harapan ng Senado at Kamara sa joint public session sa loob ng 30 araw matapos ang halalan.

“The CCS machine initialized last May 9 by Senate President Vicente Sotto III and Speaker Lord Allan Velasco will receive the COCs from the provinces, cities and overseas. Secretary-General Mendoza said that on May 24, the canvassing will take place starting at 2pm, while from May 25 to 27, the canvassing will last from 10am to 10pm”, anang opisyal. (Daris Jose)

Caloy sabak agad sa ensayo pagbalik sa Japan

Posted on: May 19th, 2022 by @peoplesbalita No Comments

ISA hanggang dalawang araw lang ang magiging break ni two-time world gymnast champion Caloy Yulo para paghandaan ang mga lalahukan pang international competitions ngayong taon.

Isa sa mga ito ay ang Asian Gymnastics Championships sa Hunyo 15-18 sa Doha, Qatar na magsisilbing qualifying tournament para sa 41st FIG Artistic Gymnastics World Championships sa Liverpool, England sa Oktubre.

“Imposible kay coach Mune (Munehiro Kugimiya) ang mahabang break,” wika ng 22-anyos na Pinoy gymnast. “Isang araw tama na.”

Limang gold at dalawang silver medals ang inangkin ni Yulo sa pagtatapos ng kanyang kampanya sa 31st Southeast Asian Games sa Hanoi, Vietnam.

Dinuplika niya ang limang gintong medalyang nakuha ni gymnast Rolando Albuera noong 1979 Jakarta SEA Games.

Naghari ang Batang Maynila sa men’s floor exercise, vault, still rings, horizontal bar at individual all-around at sumegunda sa team event at parallel bars.

Sa pommel horse lamang siya nabigong makahablot ng anumang medalya.

Sa kabuuan ng kanilang kampanya sa Vietnam SEA Games ay nagposte ang national gymnastics team ng 7 golds, 4 silvers at 1 bronze kumpara sa nakamit na 3 gold, 5 silver at 4 bronze medals noong 2019 edition.

Bukod sa limang ginto ni Yulo ay nagdagdag din si Fil-Am Aleah Finnegan ng dalawa pa sa vault at women’s team event.

Pinay Muay Thai athletes nagbigay ng 1st gold medal para sa PH

Posted on: May 19th, 2022 by @peoplesbalita No Comments

UMEKSENA rin nitong araw ang Women’s Wai Kru Mai All-Female event ng Pilipinas matapos magbulsa ng gold medal.

Ang team ay binubuo nina Islay Erika Bomogao at Rhichein Yosorez na nakapagtala ng score na 8.68.

Samantala, nauwi naman sa silver medal ang kampanya ng Fencing Women’s Team ng Pilipinas na kinabibilangan nina Samantha Catantan, Wilhelmina Lozada Justine Gail Tinio at Maxine Esteban.

Habang nagkasya sa bronze medal ang pagsisikap ni Robyn Brown sa Women’s 400m Hurdles event.

Pagbubukas ng Dolomite Beach, iniurong ng DENR sa Hunyo 3

Posted on: May 19th, 2022 by @peoplesbalita No Comments

IPINAGPALIBAN ng Department of Environment and Natural Resources (DENR) ang muling pagbubukas ng Manila Baywalk Dolomite Beach sa susunod na buwan.

Matatandaang ang reopening nito ay nakatakda sana sa Mayo 20 ngunit malaunan ay nagpasya ang DENR na iurong ito ng dalawang linggo pa, o sa Hunyo 3, 2022 na lamang.

Paliwanag ng DENR, may ilang imprastraktura sa lugar na kailangan pa nilang tapusin.

Kinakailangan pa rin umanong magsagawa ng paglilinis sa lugar, partikular na sa bahaging malapit sa US Embassy.

Nais din umanong matiyak ng DENR ang kalinisan at kaligtasan ng tubig ng Manila Bay bago ito muling buksan sa publiko.

Matatandaang ang naturang dolomite beach ay unang binuksan sa publiko noong Setyembre 2020.

NAVOTAS NAKAPAGTALA NG PINAKAMABABANG ACTIVE COVID CASES NGAYONG TAON

Posted on: May 19th, 2022 by @peoplesbalita No Comments

NAKAPAGTALA ang Pamahalaang Lungsod ng Navotas ng pinakamababang active COVID-19 cases ngayong taon.

Tatlo na lamang ang natitirang COVID patients ng Navotas kasunod ng limang araw na magkakasunod na zero daily case reports.

Nagpasalamat naman si Congressman-elect Mayor Toby Tiangco at Congressman Mayor-elect John Rey Tiangco sa mga Navoteños para sa kanilang suporta at kooperasyon sa pagtataguyod sa paglaban kontra COVID-19.

“Our sacrifices and continued vigilance have paid off. Congratulations to us all. Let us keep our defenses up. Continue to practice the health and safety protocols, and complete your vaccinates, including your booster doses,” paalala nila.

Sa ulat ng Navotas, ang huling may tatlong aktibong kaso ng COVID-19 sa lungsod ay noong nakaraang December 18, 2021.

“Now that the Department of Health has confirmed the local transmission of the more contagious Omicron sub-variant, we must be more cautious and work harder to limit its possible spread and prevent any more surges,” ani Tiangco Brothers. (Richard Mesa)