NA-CHALLENGE si Andrea Del Rosario sa kakaibang karakter na kanyang ginagampanan sa mystery-romance miniseries ng GMA Public Affairs na Love You Stranger.

Ginagampanan ni Andrea ang role na Lorraine, ang ina ni LJ (Gabbi Garcia) na kinakatakutan ang isang misteryosong anino na kung tawagin ay Lilom.

“Mayroon siyang unexplained fear of the dark. ‘Yung struggle niya between the normalcy and also living with this condition is challenging. They have to watch this series para malaman nila kung ano ba iyon at bakit gano’n na lang ang takot ni Lorraine,” sey ni Andrea.

Natuwa naman daw ang aktres sa magagandang reviews mula sa netizens sa pagganap niya sa Love You Stranger.

“Nakakataba ng puso ang mga nababasa kong reviews. Bihira kasi akong tumanggap ng ganitong mga roles kasi gusto ko mga light lang. Ito yung pinakamabigat na role na ginawa ko in a long time.

“Worth it ‘yung lahat ng naging sakripisyo namin noong mag-lock-in taping kami. Ang galing ng buong team. So proud to be part of this project,” pahayag pa ni Andrea.

***

HABANG wala pang bagong teleserye sa GMA, naging abala ang Kapuso hunk na si David Licauco sa pagtayo ng bagong business nito.

On Instagram, pinost ni David na magbubukas siya ng physical restaurant para sa online food business niya na Kuya Korea. Naging patok online ang Kuya Korea dahil sa binebenta nilang contemporary Korean food.

Magbubukas ito sa UP Town Center in Quezon City at excited na ang aktor na inamin noon na mahilig siyang mag-isip ng mga negosyong bubuksan.

“After months of R&D, we are excited to open our doors and have everyone try @kuyakorea. Opening soon at @iloveuptowncenter,” caption pa niya sa IG post.

Ito ang second restaurant na bubuksan ni David. Early this year ay nag-open ang physical resto ng isa pang online food business niya na Sobra sa Molito Lifestyle Center in Alabang.

Nasimulan ng chinito hunk ang mga online food business niya noong kasagsagan ng COVID-19 pandemic noong 2020. Dahil nauso ang food delivery that time gawa ng lockdown, nakaisip si David na magkaroon ng online food business para may iba siyang pinagkakakitaan bukod sa pagiging artista at nakapagbigay pa siya ng trabaho sa iba.

***

NAGSALITA na ang Family Feud at Miss Universe host na si Steve Harvey tungkol sa pakikipaghiwalay ng kanyang anak na si Lori Harvey sa actor-boyfriend nitong si Michael B. Jordan.

Naapektuhan din daw siya sa nangyari sa kanyang anak, pero nagiging matapang siya para rito.

“I feel fine. Ain’t change my life none. I still gotta go to work. I still gotta turn these corners, I still gotta take care of my family. I still gotta put money aside for these grandkids. I heard about it. You know, wish him well.

“I’m Team Lori, 1000 percent. She’s my daughter. I love her. I support her. Like I tell everybody, things happen. It’s hard to be young and in the limelight and have a successful relationship.

“Look, as long as everybody can walk away in peace…be friends. I guess, I ain’t heard nobody say they busted no windows or nothing.

“Long as you don’t put your hands on my daughter, I don’t give a damn what you do. Michael is still a cool guy. From what I know, it’s a breakup. I’m pretty sure they’ll be fine.”

Naghiwalay sina Michael at Lori pagkatapos ng isang taong magkarelasyon. Nag-celebrate pa naman sila ng kanilang 1st anniversary last November 2021.

(RUEL J. MENDOZA)

NGAYONG Saturday, June 11 na ang pagbabalik ng original cast ng GMA comedy show sa “Pepito Manaloto: Tuloy Ang Kuwento.”

Ang number one successful comedy show ay nagsimula noong March, 2010, at nagkaroon ng ilang relaunch, until nang magkaroon tayo ng pandemic ay iginawa ito ng prequel, ang Pepito Manaloto: Ang Unang Kuwento, na pinagbidahan nina Sef Cadayona at Mikee Quintos as the young Bitoy at Elsa.

Kaya muli na ngang mapapanood sina Michael V at Manilyn Reynes, as Bitoy and Elsa, mga anak nilang sina Jake Vargas at Angel Satsumi as Chito and Clarisse, at sina John Feir as Patrick, Mosang as Baby, Ronnie Henares as Tommy, Chariz Solomon as Janice, Janna Dominguez as Maria, Jen Rosendahl as Berta and Arthur Solinap as Bert, at si Ms. Nova Villa.

Kung naging masaya ang cast sa muli nilang pagbabalik, nalungkot din sila dahil pumanaw na ang kanilang director na si Bert de Leon, during the pandemic. Hindi nila pinalitan ng programa si Direk Bert, at si Michael V na ang magdidirek nito ngayon.

Naniniwala naman ang cast at ang GMA Network dahil may trust sila at confident sila na kayang pangunahan ni Bitoy ang pagdidirek ng show.

Kaya simula ngayong Saturday mapapanood na ang Book 3 ng “Pepito Manaloto” at 6:15 PM, after “24 Oras Weekend” sa GMA-7.

***

NATUWA ang mga netizens nang mag-post ang GMA ng kasalukuyan nilang Primetime series gabi-gabi ng: “Magbigay-pugay sa mga Reyna at ang pagbabalik ng mga Sang’gre sa primetime: Sanya Lopez (Danaya) for “First Lady,” at 8PM, Kylie Padilla (Amihan) for “Bolera” at 8:50PM and Gabbi Garcia (Alena) for “Love You Stranger” at 9:35PM.

Silang tatlo ay gumanap na mga Sang’gre’ sa epic serye na “Encantadia,” Kasama rin nila roon si Glaiza de Castro as Pirena. Katatapos lamang mapanood si Glaiza sa fantasy series din na “False Positive.”

Gabi-gabi kasi ay pare-parehong nangunguna ang mga series nila, laban sa mga katapatan nilang programa ng ibang network. Happy rin ang GMA Program Management na nagtapos din ang iba nilang series, like “Mano Po Legacy: Her Big Boss” nina Ken Chan at Bianca Umali at ang “Raya Sirena” nina Sofia Pablo at Allen Ansay, sa mataas na rating.

Ang top rater gabi-gabi ay ang romantic-drama series na “First Lady” na last June 2, ay nakakuha ng 17 percent laban sa katapat na nakakuha naman ng 11.5 percent.

***

STILL on “First Lady”, nasa last three weeks na ang kanilang serye, kaya nakakaramdam na ang buong cast ng separation anxiety, dahil mami-miss nila ang isa’t isa.

Hindi nga biro ang halos dalawang taon silang magkakasama sa lock-in taping during the pandemic, na nagsimula sa first season ng serye at ngayon nga ay papatapos na ang taping nila ng season two.

“Kaya po nagbuo kami ng vlog na tinawag naming DEARS, dahil ‘dear’ ang tawagan naming sa isa’t isa,” sabi ni Sanya.

“Promise naming sa isa’t isa na lagi kaming mag-uusap sa vlog, at isi-share din naming ito sa inyo. Naging masaya at enjoyable ang pagsasama naming lahat, kaya naging very close na kami sa isa’t isa, we are like a big family.”

Nasa highlight na ang story at inaabangan na ng mga netizens kung makakaligtas ba si Ingrid (Alice Dixson) sa assassination attempt na iniutos ni Allegra (Isabel Rivas). Makapagsalita pa kaya siya at maipagtapat ang totoo kung sino ang gustong mamatay siya?

Ang “First Lady” ay napapanood gabi-gabi after “24 Oras” sa GMA-7.

(NORA V. CALDERON)