2022 June 16 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for June 16th, 2022

Ilang motorista, maagang nagpagasolina bago pumatak ang panibago na namang big-time oil price hike

Posted on: June 16th, 2022 by @peoplesbalita No Comments

ILANG oras pa bago pumatak ang panibagong oil price hike na ipapatupad ngayong linggo ay maaga nang pumila ang ilan sa ating mga kababayang tsuper ng mga pribado at pampublikong transportasyon.

Batay kasi sa inilabas na abiso ng mga oil companies, papalo sa Php2.15 ang itataas ng presyo sa kada litro ng gasolina, Php 4.30 naman ang magiging dagdag sa kada litro ng diesel, at P4.85 naman ang umento sa kerosene.

Kasabay ng sunud-sunod na taas-presyo ng produktong petrolyo sa bansa ay ang pag-aray din ng mga kababayan nating mga motorista na silang pangunahing apektado nito.

Dahil jan, nananawagan ang mga ito ngayon sa pamahalaan na huwag ng patagalin pa ang pag-aksyon ukol dito dahil maging ang mga pasahero raw ay lubhang nahihirapan nang dahil dito.

Para makatipid, kaniya-kaniyang diskarte naman ang ginagawa ng mga tsuper.

Katulad ni Kuya Anthony, isang taxi driver na naabutan na nagpapagasolina, inaming may mga pagkakataong napipilitan nang humingi ng dagdag na singil sa kaniyang mga pasahero para sa dagdag gasolina bilang konsiderasyon na rin nararanasang malakihang umento ngayon sa produktong petrolyo.

Hindi na raw niya kasi alam kung san pa siya kukuha pa ng dagdag na panggastos lalo na’t kakaramput na lamang ngayon ang kanilang kinikita na mababawasan pa ng dahil nga sa walang humpay na pagtaas presyo ng krudo.

Face mask kontra-COVID need pa rin sa labas

Posted on: June 16th, 2022 by @peoplesbalita No Comments

IDINIIN ng Malacañang na obligado pa rin ang lahat na magsuot ng face masks laban sa COVID-19, ito kahit na ginawa na lang itong “optional” para sa outdoor areas ng provincial government ng Cebu.

Kaugnay pa rin ito ng Executive Order 16 na inilabas ni Cebu Gov. Gwendolyn Garcia, kung saan hindi na kailangan ang face masks sa “well-ventilated and open spaces.”

“We reiterate and support the legal opinion of the Justice Secretary that the Inter-Agency Task Force (IATF) resolution on the mandatory wearing of face masks shall prevail over the executive orders by local government units, including the one issued by the provincial government of Cebu,” wika ni acting presidential spokesperson Martin Andanar, Martes.

“The Chief Executive’s directive is clear: Continue wearing face masks; and the Department of the Interior and Local Government has instructed the Philippine National Police to implement the existing IATF resolution on wearing of face masks accordingly.”

Lunes lang nang sabihin ni Justice Secretary Menardo Guevarra na hindi maaaring balewalain nina Garcia ang mga kautusan ng IATF, lalo na’t binubuo ito ng Gabineteng panay alter-egos ni Pangulong Rodrigo Duterte.

Kanina lang nang sabihin ni Garcia sa panayam ng CNN Philippines na paninindigan nila ang E.O. 16 lalo na’t ang mga resolusyon ng IATF ay hindi naman batas na ipinasa ng Konggreso o executive order ni Digong. Kailangan din daw ng mga ordinansa ng local government units para parusahan ang mga lumalabag nito.

Nakatakdang pag-usapan ng pamunuan ng League of Provinces of the Philippines ang posibilidad na gawing optional ang naturang pananggalang mula sa nakamamatay na virus.

Sa kabila nito, inilinaw ni Interior Undersecretary Jonathan Malaya na in-adopt na ni Duterte ang mga resolusyon ng IATF sa isang executive order.

Sinabi na ng Philippine National Police na patuloy pa rin nilang ipatutupad ang mask mandates sa kabila ng kautusan ng Cebu provincial government.

Inilutang ang kautsan ni Garcia kahit na dahan-dahang tumataas pa rin ang COVID-19 sa Metro Manila, bagay na posibleng umabot sa 500 bago matapos ang Hunyo sabi ng OCTA Research.

Aabot na sa 3.69 milyon ang tinatamaan ng COVID-19 sa Pilipinas simula 2020. Sa bilang na ‘yan, patay na ang 60,461 katao. (Daris Jose)

KC, isa lang sa sobrang proud at palaging nakasuporta: MIEL, matapang na inamin na belong siya sa LGBTQ+ community

Posted on: June 16th, 2022 by @peoplesbalita No Comments

MATAPANG na inamin ni Miel Pangilinan, bunsong anak na babae nina Megastar Sharon Cuneta at former Senator Kiko Pangilinan na she is a member of the LGBTQ+ community.

Sa isang mahabang post sa kanyang IG account (@mielpangilinan) ay inamin ni Miel na belong siya sa Pink Community:

“this june, i am celebrating my first pride month as openly and publicly queer. :,)

“i really can’t figure out the words to say right now. it’s a really emotional and freeing time right now, and i’m endlessly thankful to my close friends and family who have supported me and shown me love as i’ve grown and explored my own gender and sexual identity.

“i know it sounds silly, but posting this truly feels cathartic. i’ve spent so many sleepless nights over the span of much of my childhood and teenage life worrying and wondering about a plethora of things surrounding my identity, and it only feels right that i post this at the point i’m in now where i’m comfortable enough in who i am and who i love and how i choose to present. it’s kind of a full circle moment for me, in a way.

“also incredibly thankful that i am able to safely celebrate my identity this year, as i know there are many of people in this country that don’t have the same privilege. we’ve got a long way to go in terms of our fight for equality, but that is not to discredit the work and sacrifices made by queer filipinos throughout history and in the present day, who have done so much to make our voices heard and have helped us go farther than where we were before.

“i’ve also got a lot to learn and understand as a newer member of the filipino queer community, and i’m trying my best to educate myself on current situations and present issues relating to gender equality and LGBTQ+ rights in our country, and i am always open to learn as much as i can especially from other figures in our community. happiest and safest of pride months, allies and members of the queer community alike. #prideph #phpride #pridemonth #pride #sapphic #queer

and yes i am the gay cousin.”

Nag-comment naman ang eldest sister ni Miel na si KC Concepcion at Judy Ann Santos.

Sabi ni KC, “I am so proud of you!!! I love you sister. I’m always going to be here for you as your <<ate>> no matter what. Happy pride!!!

Post naman ni Juday, “We love you yellie!”

Ito naman ang reaction ni Megastar Sharon Cuneta sa post ng kanyang anak na si Miel: “All I will say is that I LOVE ALL MY CHILDREN WILL SUPPORT THEM IN THEIR LIVES AND CHOICES. I am proud of my children and ALL MY CHILDREN ARE PERFECT. I love you, my Miel.”

Mahirap pang makausap nang face to face si Mega sa panahon itong dahil abala ito sa rehearsal ng kanyang Iconic concert with Ms. Regine Velasquez na gagawin this June 17 and 18 sa Marriott Hotel Ballroom.

Now that Miel has come out, may special song kaya si Sharon na gustong ihandog sa kanyang anak?

Excited na kami na mapanood ang repeat ng Iconic concert nina Sharon at Regine dahil mas maganda raw ito compared sa unang concert three years ago.

Isa pa, it has a different director now, na si Paolo Valenciano. Si Rowell Santiago ang director ng Iconic nang itanghal ito sa Araneta Coliseum in 2019.

***

MATATAPOS na nga kaya ang FPJ’s Ang Probinsyano?

Sa teaser kasi na ipinalabas noong Tuesday ay nagkita na rin finally ang mga miyembro ng Task Force Agila at ang si President Oscar Hidalgo.

Ang muling pagkikita ni President Hidalgo at ng Task Force ang inaasahang magiging hudyat nang pagbabalik ng legitimate president sa seat of power na pinag-aagawan nina Madam Lily (Lorna Tolentino) at Renato Hipolito (John Arcilla).

Sa episode nga noong Tuesday ay biglang nag-away ang grupo nina Geoff Eigenmann at Richard Gutierrez dahil kay Cardo Dalisay (Coco Martin). Yung mga dating magkakampi ay nag-aaway na.

May tinanong kami kung mamamatay ba si Cardo?

Ang sagot sa amin, “Hindi pa. Mas maraming magandang episodes pa mapapanood ang audience. Hindi pwedeng mamatay si Cardo. Matatapos ang show pag namatay si Cardo.”

May point naman siya although ang comment naman ng ibang nanonood bakit parang di na realistic na hindi pa rin napuruhan si Cardo.

Well, ganyan naman talaga ang kwento ng teleserye. Maraming pasikut-sikot na kung iisipin mo ay parang ‘di na makatotohahan.

Pero aminin natin, marami pa rin naman sumusubaybay sa FPJ’s Ang Probinsyano.

(RICKY CALDERON)

Celtics coach aminadong humina ang opensa noong Game 4

Posted on: June 16th, 2022 by @peoplesbalita No Comments

HINDI ikinaila ni Boston Celtics coach Ime Udoka na nagkaroon ng mahinang opensa ang kaniyang koponan kaya naitabla ng Golden State Warriors sa 2-2 ang kanilang best of seven Finals.

Sinabi nito na nag-eenjoy na sana sila sa isang panalo para makuha ang kampeonato kung hindi lamang mahina ang opensa nila noong Game 4 kaya nakuha ng Warriors ang panalo 107-97.

Ilan sa mga nakita nitong problema ay ang hindi nila sinamantal ang key scoring opportunities at ang pagkakaroon ng maraming turnovers.

Ipinagpasalamat na lamang nito dahil sa tabla sa 2-2 ang serye nila at hindi sila bagsak sa 0-2 o 1-2.

Pagtitiyak nito na kaya nilang manalo sa Game 5 dahil sa nagawa nilang talunin ang Warriors sa kanilang homecourt.

MMDA, tinitingnan ang mas mabigat na alituntunin sa e-bikes, e-scooters

Posted on: June 16th, 2022 by @peoplesbalita No Comments

SINABI ng Metropolitan Manila Development Authority (MMDA) na tinitingnan nito na higpitan ang alituntunin o patakaran sa paggamit ng e-bikes at e-scooters kasunod ng napaulat na mga insidente ngayong taon.

Ayon kay Victor Nuñez, pinuno ng traffic discipline office for enforcement ng MMDA, medyo maluwag kasi ang ahensiya sa pagpapatupad ng Land Transportation Office’s Administrative Order 2021-039 noong nakaraang taon sa gitna ng binawasang kapasidad sa public transit.

“But now since the mass public transport is back to 100 percent capacity and face-to-face class is about to resume in a couple of weeks, we know that many students might use these e-bikes and e-scooters. We just want to promote road safety,” ayon kay Nuñez.

Sa ilalim ng AO 2021-039, ang e-vehicles na may maximum speed na 50 kilometers per hour ay required na magparehistro sa ilalim ng LTO.

“Users must also bring their driver’s license should they operate this type of vehicle,” dagdag na pahayag ni Nuñez sabay sabing “The road operation of e-vehicles and e-scooters and e-bikes… must be limited to bicycle lanes, barangay roads, and they must always give the right of way to the incoming traffic. They’re not allowed to pass through in the middle of major thoroughfares.”

“E-bikes and e-scooters are allowed to pass national roads for purposes of crossing only,” aniya pa rin.

Noong nakaraang taon, nakapagtala ang MMDA ng 346 road crashes na kinasangkutan ng e-vehicles sa kahabaan ng mga pangunahing lansangan sa capital region.

Ngayong taon, mayroong 82 road crashes ang sangkot ang e-vehicles na naitala mula Enero hanggang Mayo.

Sinabi pa ni Nuñez na tinanggihan ng MMDA ang panukalang i-ban ang paggamit ng e-vehicles sa gitna ng pagtaas ng presyo ng langis.

“The Department of Transportation has expanded the bike lane network in parts of the country,” ayon kay Nuñez.

“We don’t want to really ban this type of vehicle. We only ask for proper discipline and being cautious really on the use of e-vehicles and to know their road limitations,” aniya pa rin. (Daris Jose)

Sen. Robin Padilla, ‘di bibitawan ang target na maselang komite sa Senado

Posted on: June 16th, 2022 by @peoplesbalita No Comments

WALANG plano si Senator-elect Robin Padilla na bitawan ang nais niyang Senate committee on constitutional amendments and revision of codes.

Ito ang sinabi ni Padilla sa kanyang personal na pagtungo ngayong araw sa Senado upang maging pamilyar na sa magiging takbo ng mga trabaho.

Magsisimula ang panunungkulan ng dating aktor sa Hulyo 1, 2022 bilang ganap na mambabatas sa mataas na kapulungan ng Kongreso.

Inamin naman nitong hindi lamang ang paghawak ng posibleng pag-amyenda sa Konstitusyon ang kaniyang pinaghahandaan, kundi maging ang iba pang mga trabaho sa 19th Congress.

Bukas din daw siyang makipag-debate sa mga kapwa senador kung kinakailangan.

Pero gagawin umano nila ito sa pamamagitan ng paggamit ng salitang Filipino.

Giit niya, hindi naman mga Amerikano ang kaniyang makakadiskusyon kaya hindi nila kailangang gumamit ng English.

Nangako rin si Padilla sa mga bumoto sa kaniya na seseryosohin niya ang pagsusulong ng Federalismo, kung saan naniniwala raw siyang iyon ang rason kaya siya nanguna sa senatorial race ng 2022 elections.

Si Padilla ay kilala sa tawag na Binoy, sumikat sa ilang “bad boy roles,” action at minsan ay comedy.

Kapatid niya ang iba pang aktor na sina Rommel Padilla at Rustom Padilla o “Bb Gandanghari.”

Ang iba pa niyang kapatid ay nasa larangan din ng politika, tulad nina Camarines Norte Governor-elect Roger “Dong” Padilla at dating Rep. Roy Padilla Jr.

Ang kanilang ama kasi ay dati ring gobernador ng Camarines Norte na si Roy Padilla Sr. (ARA ROMERO)

Dagdag na 300 kaso ng COVID 19 nitong nakalipas na linggo, hindi dapat na ipag- alala -Dr. Solante

Posted on: June 16th, 2022 by @peoplesbalita No Comments

HINDI pa maituturing na isang concern o alalahanin ang mahigit 300 kaso ng COVID 19 na nadagdag kamakalawa.

Sa Laging Handa public briefing, sinabi ni Infectious Disease Expert Dr. Rontgene Solante na alam na naman ng mga kinauukulan kung paano ito masugpo at mako-kontrol.

Sa katunayan, nasubukan na aniya ng ito sa mga mas highly transmissible variants of concern gaya ng Delta at ng Alpha.

Ani Solante, ang kailangan lamang ay masusing i-monitor ang mga kaso habang importante din na panatilihin ang mask mandate at patuloy na i-obserba ang health protocol.

” Dito, nakikita natin ngayon with the report of the BA.4, BA.5 entry including BA.2.12.1, na kapag pumapasok ito sa bansa natin, talagang we would expect na mayroong mga uptick of cases. But if you look at the 300 plus cases, it’s not something to worry about, something to be of concern,” ayon kay Solante.

“Alam naman natin kung paano ito masugpo at ma-control and we have had experience before with more virulent and more highly transmissible variants of concern like the Delta or the Alpha,” dagdag na pahayag nito.

Ani Solante, ang kailangan lamang ay masusing i-monitor ang mga kaso habang importante din na panatilihin ang mask mandate at patuloy na i-obserba ang health protocol.

Aniya pa, kailangan ding mapalwak pa ang first booster sa hanay ng general population.

“So, we just have to monitor the cases and again, ang pinakaimportante ngayon is we need to maintain our mask mandate, the health protocol and isama na rin natin na sana with these number of cases ay mapalago natin ang first booster sa general population which is for me, very important with the Omicron lineages,” lahad nito. (Daris Jose)

Ads June 16, 2022

Posted on: June 16th, 2022 by @peoplesbalita No Comments