- July 3, 2024
-
Search in People's Balita
Ang Diyaryong Pinagkakatiwalaan
Archive for August 6th, 2022
PELIKULANG MAID IN MALACANANG, HUWAG PANOORIN PANAWAGAN NG OBISPO
NANAWAGAN ang isang Obispo na huwag tangkilikin ang kontrobersyal na pelikulang “Maid in Malacañang.”
Ayon kay San Carlos Bishop Gerardo Alminaza, inilarawan nito ang pelikula bilang “shameless,” at nanawagan sa mga tao sa likod nito na mag-isyu ng paghingi ng tawad.
“The producer, scriptwriter, director and those promoting this movie should publicly apologize to the Carmelite nuns, to President Cory Aquino’s family and to the Filipino people,” sabi ng prelate ayon sa CBCP News..
Nag-react ang prelate sa trailer ng pelikula na naglalarawan sa yumaong pangulo na naglalaro ng mahjong kasama ang isang grupo ng mga madre.
Humingi ng kanlungan si Aquino sa monasteryo ng Carmelite sa Cebu noong 1986 Edsa People Power Revolution kung saan natulog ito ng magdamag.
Hinamon ng Obispo ang Movie and Television Review and Classification Board o MTRCB na nasa ilalim ng Office upang kumilos sa isyu at gamitin ang mandato nito.
“Would the MTRCB act responsibly on this and perform its mandated duty?” pagtatanong pa ni Bishop Alminaza. (Gene Adsuara)
Sa isinusulong na vegetable gardening… Land-use conversion dapat itigil
SA muling pagsusulong ni Senadora Cynthia Villar ng vegetable gardening bilang solusyon sa food crisis, dapat ipatigil ng bagong administrasyon ang conversion ng sakahang lupa sa subdivisions o commercial areas.
Ayon sa Anakpawis Party-list at Kilusang Magbubukid ng Pilipinas (KMP), karamihan sa mga nasabing lupa ay ginagamit bilang taniman ng bigas tuwing tag-ulan at gulay tuwing panahon ng tag-init.
“Tinutulak din namin ang vegetable gardening kahit sa mga baryo, laluna noong 2020 lockdown, kung saan wala namang ayudang binigay ang gubyerno. Gayunpaman, mas superyor na solusyon ang kagyat na pagpapatigil ng land use conversion para manatili itong lupa para sa produksyon ng pagkain, at hindi para maging subdivision,” ayon kay Rafael Mariano, Anakpawis Party-list National Chairperson at Chairperson Emeritus ng KMP.
Kabilang sa listahan ng mga hinihingi ng KMP sa gobyerno ay ang pagpapalabas ng executive order para ipatigil ang “conversion of agricultural lands devoted to or suitable for the production of stable food crops.”
Sinabi pa nito na maraming mga magsasaka ang gustong magtanim ngunit inaagawan umano ng lupa at pinapalayas.
“Kaya natural lang, na nakaapekto ito sa kabuuang suplay ng pagkain. Ang mga ina-announce ng gubyerno ngayon ay panay iwas sa pinakakrusyal na usaping dapat manatili sa lupa ang mga magsasaka para lumikha ng pagkain. Kaya sa kagyat, dapat itigil ang mga land-use conversion at panatiliin ang food production,” pagtatapos ni Mariano. (BISHOP JESUS “JEMBA” M. BASCO)
MSMEs protektahan laban sa cyber attacks
DAPAT magsanib puwersa ang mga kalihim ng Departments of Trade and Industry (DTI) at Information and Communications Technology (DICT) para masigurong nakahanda ang business sector laban sa lumalaking bilang ng panganib sa online, lalo na sa ulat ng isa sa bawat dalawang small and medium enterprises (SMEs) ay dumaranas ng cyber attacks simula noong nakalipas na taon.
Sinabi ni Camarines Sur Rep. LRay Villafuerte na dapat dagdagan ng dalawang ahensiya ang kanilang kampanya upang maengganyo ang mga SMEs na lumipat na sa digital platforms sa pamamagitan ng malawakang information drive at protektahan ang mga ito laban sa cyber criminals.
“We welcome the plan of Trade Secretary Alfred Pascual to focus on digitalizing the processes of the DTI as well as of SMEs as this will dramatically improve the ease and cost of doing business in the country, and expand the market reach of the country’s small businesses. But DTI should team up with the DICT to ensure that these digital platforms are safe and secure from hackers and other cyber threats,” ani Villafuerte.
Hindi lamang pagkalugi o pagkawala ng kita ang dulot ng cyber attacks kundi maging ang operasyon ng mga SMEs.
Sinisira din nito ang tiwala at kumpiyansa ng consumers sa kalakalan na naging biktima ng cyber attacks.
Idinagdag ng mambabatas ang dagdag cybersecurity upang masigurong protektado ang mga SMEs kapag pinalawig pa ng mga ito ang kanilang business sa digital marketplace. (Ara Romero)
Creamline hataw agad sa semis!
MABILIS na nasawata ng Open Conference champion Creamline ang apoy ng Philippine Army, 25-21, 23-25, 25-19, 25-17, upang mainit na simulan ang semis drive nito sa Premier Volleyball League Invitational Conference na dumayo sa Ynares Center sa Antipolo City kahapon.
Apat na players ng Cool Smashers ang nagtala ng double digits sa pangunguna ni Open Conference MVP Tots Carlos na pumalo ng 24 puntos at 19 digs para pamunuan ang Cool Smashers na makuha ang 1-0 rekord sa semis.
Nagdagdag si team captain Alyssa Valdez ng 19 puntos samantalang umiskor naman si outside hitter Jema Galanza ng 12 puntos, 14 digs at walong receptions.
Lamang ng 20 attack points ang Cool Smashers laban sa Lady Troopers, 63-43 habang nakakuha ito ng walong blocks kabilang ang tatlo galing kay Panaga.
“We were able to recover from the second set since Army won’t give up that easily. That’s all we’re looking for since the game is already there. And everybody contributed,” ani Creamline coach Sherwin Meneses.
Nahulog ang Lady Troopers sa 0-2 baraha.
Sa ikalawang laro, nasolo ng PLDT Home Fibr ang liderato matapos pataubin ang Cignal, 15-25, 25-13, 25-23, 25-23, upang manatiling malinis ang rekord nito sa semis.
Umangat sa 2-0 ang High Speed Hitters habang bagsak sa 0-1 ang HD Spikers.
Mainit si middle blocker Dell Palomata nang humataw ito ng 19 puntos mula sa 16 attacks at tatlong blocks para tulungan ang High Speed Hitters na makuha ang panalo.
“Nasa mindset namin na huwag kaming bumitaw, huwag kami mag-doubt. Tulung-tulong lang kami ng mga teammates ko,” ani Palomata.
Panukala na magpapalawak sa potensyal ng gastronomiya sa Pilipinas, inihain
BILANG paggigiit sa pangangailangan na ganap na mapalawak ang buong potensyal ng bansa sa gastronomiya, hinimok ng isang mambabatas ang paglikha ng isang ahensiya na magiging responsable sa pagbalangkas at pagpapatupad ng mga polisiya, at pagsasagawa ng mga programa at oportunidad para sa gastronomiya at sektor ng culinary heritage.
Iniakda ni Pangasinan Rep. Christopher De Venecia, Chairman ng Espesyal na Komite ng Creative Industry and Performing Arts, ang House Bill 619 na lilikha sa Committee on Philippine Gastronomy and Culinary Heritage.
Sa panukala, nilinaw ni De Venecia na bilang pagpapahayag ng kultural na tradisyon, ang gastronomiya at culinary heritage ay bahagi ng kultura at pagkakakilanlan ng Pilipinas.
“However, there has been no formal government body that is tasked to study and develop the field,” aniya.
Binanggit ni De Venecia na ang pagkaing Pilipino kamakailan ay tumatak sa mundo ng culinary, sa pamamagitan ng KASAMA bilang unang restorang Pilipino na ginawaran ng unang Michelin Star.
Inilarawan ni De Venecia ang hinaharap ng Philippine gastronomy na magiging tanyag, basta mayroon lamang maayos na landas para ito ay lumago.
Sa pagtukoy sa panukala, ang terminong “gastronomy” ay tumutuon sa pag-aaral ng ugnayan sa pagitan ng pagkain at kultura, ang sining ng paghahanda at pagsisilbi ng masagana o maselan at kaaya-ayang pagkain, ang pamamaraan ng pagluluto ng mga partikular na rehiyon, at ang siyensya ng maayos at wastong pagluluto.
Samantala, ang “culinary heritage” ay hinggil naman sa mga pagkain o resipi na niluluto at ginagawa ng ating mga ninuno, at pagsasama-sama ng mga pinanggalingan ng mga pagkaing may kaugnayan sa mga aktibidad ng mga grupong kultural o rehiyon.
Ang panukalang Committee on Philippine Gastronomy and Culinary Heritage ay isasailalim sa National Commission for Culture and the Arts (NCCA), sa ilalim ng Subcommittee on Cultural Heritage.
Babalangkasin ng naturang grupo, higit sa lahat, ang mga polisiya, plano at programa upang matiyak ang ganap na kaunlaran, pagsasaayos, pagpapalawak, pagsusulong at pagpepreserba ng espesyal na pagkaing Pilipino, Filipino culinary heritage, mga minanang pagkain, at gastronomiya. (Ara Romero)
Mandatory retirement age sa senior workers, giit alisin
NAIS ni Senior Citizens Partylist Rep. Rodolfo “Ompong” Ordanes na tanggalin na ang mandatory age sa pagreretiro ng mga manggagawang senior citizens sa private sector.
Isinusulong ng kanyang House Bill (HB) 3220 na i-repeal ang compulsory age na 65 anyos na itinatakda sa Labor Code of the Philippines.
Isiningit ni Ordanes sa amyenda ang “An employee who reached the age of 65 years old can choose to continue their employment provided that he qualifies under the bona fide occupational qualification of his job, the burden of prove otherwise is with the employer.”
Layon ng panukala ni Ordanes na magpatuloy sa pagtatrabaho ang mga senior citizens basta’t may kakayahan at malakas pa ang mga ito.
Ang kailangan lamang ay magpakita ang mga senior citizens ng clearance galing sa mga doktor na nagsasaad na ‘fit to work’ pa rin ang mga ito.
“Actually itong aking bill, yung mga senior citizens na kaya pang magtrabaho. Halimbawa ito yung ano eh, yung mga, yung magre-retire sa isang kumpanya pero gusto pang magtrabaho,” anang solon na sinabing lalo na kung handa pa ang employer na tanggapin at magpatuloy pa sa pagtatrabaho sa kaniyang kumpanya ang nasabing manggagawa.
Karaniwan anya na kapag sumapit sa gulang na 60 o senior citizen ay obligado o compulsory requirements na sa mga manggagawa ang magretiro na sa serbisyo.
Sinabi ni Ordanes na maraming senior citizens na kahit 65-anyos na ay malulusog pa, mabibilis mag-isip, malalakas at asset pa rin sa organisasyon.
40th Anniversary ng ‘Himala’, ipagdiriwang sa Disyembre… Sen. IMEE, NORA at CHARO, reunited at pinarangalan sa ‘FAMAS Awards 2022’
REUNITED sina Senator Imee Marcos, Superstar Nora Aunor at Ms. Charo Santos-Concio na pawang pinarangalan sa FAMAS Awards 2022.
Naka-trabaho ni Sen. Imee sina Nora at Charo sa ‘Himala’ at ngayong Disyembre, ipagdiriwang ang ika-40 na anibersaryo ng naturang pelikula, na prinodyus ng senadora noong 1982 sa pamamagitan ng Experimental Cinema Of The Philippines (ECP).
Ang ‘Himala’ ay itinuturing na isa sa Greatest Asian Film of All Time.
Anyway, rumampa nga si Sen. Imee sa FAMAS Awards 2022 last July 30, na kung saan ginawaran siya ng ‘Exemplary Award In Public Service’ para sa kanyang kontribusyon sa restorasyon ng Metropolitan Theater.
Bilang patronesa at taga-pagpalaganap ng pop culture at sining, nagsimula si Senator Marcos sa kanyang paglalakbay bilang artista sa MET kung saan nagbida siya sa ilang stage productions noong Dekada ‘70.
Isa ito sa mapapanood sa pinaka-bagong YouTube vlog ni Senator Marcos na tiyak na kagigiliwan ng kanyang loyal supporters.
Masisilayan din ng kanyang mga tagahanga ang all-access pass sa star-studded premiere night ng ‘Maid In Malacañang’ na ginanap kamakailan sa The Block, SM City North EDSA sa Quezon City.
Siguradong mag-e-enjoy ang mga YouTubers sa exclusive footage ni Sen. Imee kasama sina Cesar Montano, Ruffa Guttierez, Diego Loyzaga, Karla Estrada, Elizabeth Oropesa, Ella Cruz, Cristine Reyes, at madami pang iba.
Ayon pa sa hardworking na senadora, batas na ngayon ang Creative Industries Bill.
Maging bahagi ng kasiyahan at samahan si Senator Imee sa kanyang latest adventures at mag-subscribe sa https://www.youtube.com/c/ImeeMarcosOfficial/featured.
***
MULA sa pagtatrabaho sa iba’t ibang international cruise lines, isa na ngayong recording artist si Captain Peter o mas kilala bilang si Pitz Beriña, ang tinaguriang Singing Captain.
And for the first time, ipaparinig na rin ang kanyang awitin na may pamagat na “Kita Ay Mahal.” Mula ito sa malikhaing komposisyon at areglo ni Vehnee Saturno kaya naman ipinagmamalaki ito ni Beriña, na kung saan patungkol ang kanta sa wagas na pagmamahal.
May anim pang orihinal na kanta ang album at pitong cover songs na lahat ay Original Pilipino Music. Kasalukuyan ding naririnig na din sa mga paboritong radio stations ang ni-revive niyang kanta na “Muli,” na pinasikat ni Rodel Naval.
Nais ni Beriña na maging inspirasyon hindi lamang sa kanyang kapwa seafarers pero maging sa lahat na abutin lang ang kanilang mga pangarap, maski na anumang kulay, edad o estado pa man yan ng buhay.
Sa ngayon ay puspusan ang ginagawang pagpo-promote ni Beriña sa kanyang mga kanta. Nagbabalak din daw sya na pasukin ang pagkakaroon ng kanyang own media production at talent agency sa layon pa rin niyang makatulong sa iba na may mga natatagong talento sa pag-awit, pag-arte o pagsayaw.
Pangarap din niyang maging bahagi ang kanyang mga kanta sa iba’t ibang teleserye na ating napapanood dito sa atin.
Isa rin siyang businessman na may mabuting puso na handang tumulong sa mga nangangailangan. Malapit na rin niyang ilunsad ang isang institusyon para sa mga ito.
(ROHN ROMULO)
Obiena umaasang muling makakasama sa Philippine team
SA pagbabago ng liderato ng Philippine Athletics Track and Field Association (PATAFA) ay umaasa si World No. 3 pole vaulter Ernest John Obiena na muli siyang mapapasama sa national team.
Nagbitiw si Philip Ella Juico sa kanyang puwesto bilang PATAFA president noong Hunyo para tutukan ang ‘personal and business interests’ niya at pinalitan ni secretary-general Terry Capistrano.
Hindi miyembro ng Philippine national team ang 6-foot-2 pole vaulter bagama’t kabi-kabilang karangalan ang kanyang ibinibigay sa bansa.
“It would be nice if I’ll be back,” sabi ni Obiena, nakaaway si Juico dahil sa isyu sa paggamit ng pondo, sa panayam ng “Off The Record” ng ABS-CBN. “Hopefully, the board would be able to see that. And the new administration will make it happen.”
Kabilang rito ang bronze medal sa 2022 World Athletics Championships sa Eugene, Oregon na siyang kauna-unahang medalya ng bansa sa nasabing event.
“I hope that things that are not ironed out will be ironed out. I mean, I’m still out of the team. I’m still, for some reason, out of the national team for I don’t know why,” wika ng 26-anyos na Asian at Southeast Asian Games record-holder.
Para manahimik ang mga Marites na ayaw siyang tantanan… AJ, dapat nang magpakita ng proof na ‘di siya nabuntis ni ALJUR
AYAW na ba ni KC Concepcion sa showbiz? Mas gusto na lang ba niya ang gigs niya abroad?
Hindi kasi napapanood si KC sa anumang local show kaya nagtatanong ang kanyang mga followers bakit di active ang dalaga sa local showbiz.
Isa pang tanong nila ay kung pinababayaan ba ni KC ang kanyang sarili?
Bothered ang mga fans ni KC sa nakita nilang pictures ng dalaga dahil ang tingin nila ay tumataba ito. Malayo ito sa image ni KC na payat, athletic ang dating at conscious sa kanyang health.
Sinilip namin ang IG account ni KC at parang di naman siya mukhang “mataba” sa aming palagay.
Pero obvious na ini-enjoy ng panganay nina Sharon Cuneta at Gabby Concecpcion ang kanyang trip abroad.
Sa kanyang post sa IG {@kristinaconcepcion} Occupational hazard ba ito?? In Florida to do some ‘meet & greet’ with FilmAms on this side of America. Mabuti na lang at walang humabol sa akin na stingray sa dagat na iyan at nakakanta pa ako sa private event! Hahaha stress?! “Thank you for having me up close and personal NYC and Florida! Til the next time gigs…Mahal ko kayo. (smile emoji).”
***
HOT topic para sa Raval sisters na sina Vanessa at AJ ang ‘Machete’ lead actor na si Aljur Abrenica.
Sinabi raw nitong si Vanessa na susunugin niya ang bahay ni Aljur kung totoo ngang nabuntis nito ang kapatid niyang si AJ.
Tila umiikot lang sa isyung nabuntis ni Aljur ang isa sa Raval sisters at ini-enjoy naman nung dalawa babae ang kanilang 15 minutes of fame.
Sino ba si Vanessa? Artista rin ba siya? Kasi ang kilala lang namin ay si AJ dahil nakakausap namin siya sa mga presscon ng movies niya sa Vivamax.
Laman ng internet sina Vanessa at AJ pero ang laging issue na kakabit mga pangalan nila ay ang pagbubuntis diumano ni AJ courtesy raw of Aljur.
Kahit nag-deny na si AJ tungkol sa issue ay ayaw pa rin siyang tantanan ng netizens. Siguro dapat magpa-checkup si AJ sa isang well-known hospital to debunk the claim na siya ay buntis.
Malagpasan man niya ang buntis isyu, tiyak na susunod na hirit ng mga intrigero eh pinalaglag ang bata.
Yes, that worst. Kaya para manahimik ang mga Marites dapat magpakita ng proof si AJ na hindi siya buntis.
Pero teka muna, ‘di ba dapat ang burden of proof ay nasa accuser? So ‘yung mga nagsasabi na buntis si AJ, may pruweba ba sila sa kanilang isinasatsat?
(RICKY CALDERON)