- July 3, 2024
-
Search in People's Balita
Ang Diyaryong Pinagkakatiwalaan
Archive for August 17th, 2022
Dagdag na bus at bus stops sa EDSA busway, balak ng DOTr
PLANO ng Department of Transportation (DOTr) na makapagdagdag pa ng mas maraming bus at makapagbukas ng mas marami pang bus stops para sa EDSA Busway.
Bunsod na rin anila ito nang nakatakda nang pagbubukas ng klase sa Lunes, Agosto 22, at pagbabalik na rin ng face-to-face classes sa bansa.
Ayon kay DOTr Secretary Jaime Bautista, nagbukas na sila kamakailan ng dalawang busway stations sa Roxas Boulevard at Macapagal Avenue ngunit naghahanap pa sila ng iba pang lugar na maaaring paglagyan ng mga bus stops.
Iniulat din niya na sa ngayon ay mayroon nang halos 400 bus units ang bumibiyahe sa EDSA Busway.
Aniya pa, nakipagpulong na rin ang DOTr sa consortium na nag-o-operate ng EDSA Carousel at hiniling sa mga ito na mag-deploy pa ng karagdagang bus, lalo na sa pagsisimula na ng klase sa bansa.
Ang EDSA Busway, na magkatuwang na programa ng DOTr, Metropolitan Manila Development Authority (MMDA) at ng Department of Public Works and Highways (DPWH), ay mayroong 17 operational stations sa ngayon, kung saan sila pinapayagang magsakay at magbaba ng mga pasahero.
Kasalukuyan itong nagkakaloob ng libreng sakay para sa mga commuters na bumibiyahe sa EDSA.
Ang naturang libreng sakay, na pinasimulan noong panahon ng administrasyong Duterte, ay pinalawig ni Pang. Ferdinand ‘Bongbong’ Marcos Jr. at inaasahang magpapatuloy hanggang sa Disyembre 31, 2022.
No-Contact Apprehension Policy (NCAP), imbestigahan
NAGHAIN ng resolusyon ang isang mambabatas para paimbestigahan ang kontrobersiyal na No-Contact Apprehension Policy (NCAP) na ipinatutupad sa may limang siyudad sa Metro Manila.
Sa House Resolution No. 237, sinabi ni Quezon City Rep. Marvin Rillo na importanteng masiguro na nababantayan ang karapatan at kapakanan ng mga motorista laban sa posibleng pang-aabuso sa implementasyon ng NCAP, kabilang na ang sobra at hindi resonableng multa at parusa.
“Our sense is, in their haste to deploy the NCAP to build revenue from traffic fines, cities are haphazardly rolling out the technology at the expense of motorists,” pahayag ni Rillo, vice-chairperson ng House committee on Metro Manila development.
Inaasahan ng mambabatas na magtutuloy ang imbestigasyon ng Kamara kahit magpalabas ang Supreme Court ng injunction laban sa NCAP.
“We are also worried that motorists may be wrongfully burdened – not by the cost of violating traffic laws, rules and regulations – but by the cost of the technologies used in the NCAP,” dagdag ni Rillo.
Apat na transport groups ang naghain ng petisyon para hilingin sa korte na ipatigil at ideklarang unconstitutional ang polisiya sa paglalagay ng video surveillance at digital cameras para mahuli at maparusahan ang mga lumalabag sa batas trapiko.
“The House inquiry will identify and resolve all the issues surrounding the NCAP,” anang mambabatas.
Bukod sa Metro Manila Development Authority, ang siyudad ng Manila, Muntinlupa, Parañaque, Quezon, at Valenzuela ay nagpapatupad ng NCAP.
Lumagda na rin ang lungsod ng San Juan sa kasunduan para sa pagpapatupad ng NCAP simula ngayong buwan. (Ara Romero)
Gilas Pilipinas practice para sa fourth window ng FIBA World Cup Asian qualifiers
DINALUHAN ng ilang mga manlalaro ng PBA ang unang araw ng ensayo ng Gilas Pilipinas bilang paghahanda sa 4th window ng FIBA World Cup 2023 Asian Qualifier.
Isinagawa ang ensayo sa Meralco Gym sa Ortigas Avenue sa Lungsod ng Pasig kung saan dumalo si Gilas coach Chot Reyes kasama sina Barangay Ginebra San Miguel coach Tim Cone at Gilas assistant coach Josh Reyes.
Bukod sa mga Gilas mainstay na sina Kiefer at Thirdy Ravena, Bobby Ray Parks, Kevin Quiambao, Dwight Ramos, Francis Lopez, Carl Tamayo ay kabilang din sina Calvin Oftana, Jamie Malonzo at Kevin Alas.
Nakasama rin ang dalawang manlalaro ng Magnolia Hotshots na sina Jio Jalalon at Ian Sangalang.
Nanood din sa ensayo si Samahang Basketball ng Pilpinas (SBP) executive director Sonny Barrios sa unang ensayo ng Gilas.
Magtutungo sa Beirut, Lebanon ang Gilas sa Agosto 25 para makaharap ang 2022 FIBA Asia Cup silver medalist na Lebanon at sila ay babalik sa bansa para sa pagharp sa Saudi Arabia sa darating na Agosto 29 na gaganapin sa Mall of Asia Arena.
“DRAGON BALL SUPER: SUPER HERO” REVEALS PAYOFF POSTER
DRAGON Ball Super: SUPER HERO has just unveiled its payoff poster and the character one-sheet of Piccolo.
Check them out below and watch the film exclusively in cinemas across the Philippines starting this August 31.
[Watch the film’s trailer at https://youtu.be/5LBd8BAWp2Q]
Dragon Ball Super: SUPER HERO is the second film in the Dragon Ball Super franchise. Dragon Ball Super: Broly was released in 2018 to fans around the globe. The film has grossed over $120 million at the box office globally and is the #5th highest grossing anime movie at the box office in the U.S.
About Dragon Ball Super: SUPER HERO
Distributor: This is the first truly globally-distributed theatrical release for Crunchyroll and is distributed in North America by Crunchyroll. Internationally, the film will be distributed by Crunchyroll and Sony Pictures Entertainment.
Synopsis: The Red Ribbon Army was once destroyed by Son Goku. Individuals, who carry on its spirit, have created the ultimate Androids, Gamma 1 and Gamma 2. These two Androids call themselves “Super Heroes”. They start attacking Piccolo and Gohan… What is the New Red Ribbon Army’s objective? In the face of approaching danger, it is time to awaken, Super Hero!
Official Description: The film, with full commitment and deep involvement from Dragon Ball’s original creator Akira Toriyama, has the legendary manga creator behind the film’s original story, screenplay and character design.
Additionally, the film will be directed by Tetsuro Kodama and the Japanese voice actors for the film include Masako Nozawa (Son Goku, Son Gohan, and Son Goten), Toshio Furukawa (Piccolo), Aya Hisakawa (Bulma), Ryō Horikawa (Vegeta), Mayumi Tanaka (Krillin), Takeshi Kusao (Trunks), Yūko Minaguchi (Videl), Yūko Minaguchi (Pan), Miyu Irino (Dr. Hedo), Hiroshi Kamiya (Gamma 1), Mamoru Miyano (Gamma 2), Volcano Ota (Magenta), and Ryota Takeuchi (Carmine).
The English voice actors include Kyle Hebert (Son Gohan), Sean Schemmel (Son Goku), Robert McCollum (Son Goten), Christopher R. Sabat (Piccolo, Vegeta), Monica Rial (Bulma), Sonny Strait (Krillin), Eric Vale (Trunks), Kara Edwards (Videl), Jeannie Tirado (Pan), Zach Aguilar (Dr. Hedo), Aleks Le (Gamma 1), Zeno Robinson (Gamma 2), Charles Martinet (Magenta), and Jason Marnocha (Carmine).
The Dragon Ball phenomena began in 1984 when Japan’s well-known manga from Akira Toriyama premiered in Shueisha’s “Weekly Shonen Jump” – becoming a top ranked title throughout its 10 and a half years of publication. Since then, the manga’s popularity has continued to grow with an astonishing record of 260 million copies sold worldwide and counting. And with Dragon Ball’s ever-increasing popularity, it has expanded beyond manga to include TV animation, movies, games and merchandising. Now 38 years after the launch of the original manga, Dragon Ball continues to evolve and will reach new heights starting with this new large-scale movie.
In Philippine cinemas August 31, Dragon Ball Super: SUPER HERO is distributed by Crunchyroll and Columbia Pictures.
Connect with the hashtag #DragonBallSuperSuperHero
(ROHN ROMULO)
Kevin Durant at Kyrie Irving ng Nets itsapuwera sa Christmas Day games ng NBA
UMANI ng atensiyon sa ilang basketball analysts at fans ang pag-itsapuwera ng NBA na mapasali sa prestihiyosong Christmas Day games ang mga superstars na sina Kevin Durant at Kyrie Irving.
Una nang naglabas ng advance schedule ang NBA para sa Christmas Day na kinabibilangan ng mga sumusunod:
Milwaukee Bucks versus Boston Celtics
Philadelphia 76ers versus New York Knicks
Phoenix Suns versus Denver Nuggets
Los Angeles Lakers versus Dallas Mavericks
Tampok din sa nabanggit na araw ang Memphis Grizzlies na babanggain ang defending champion na Golden State Warriors.
Batay kasi sa mga nakalipas na mga NBA season, palagi na lamang kabilang sa pangunahing mga mainstay sina Durant sa Christmas Day games.
Ang pagkawala sa naturang schedule ng Brooklyn ay sa gitna na rin na hindi pa nareresolba ng team ang kahilingan ni KD na malipat ng ibang team.
Dengue sa bansa, tumaas pa sa 131%
PATULOY ang pagtaas ng mga kaso ng dengue sa bansa nang maitala na ito sa 102,619 mula Enero 1 hanggang Hulyo 30, ayon sa Department of Health (DOH).
Mas mataas ito ng 131% kumpara sa mga naiulat na kaso sa parehong period noong 2021 na nasa 44,361 lamang noon.
Pinakamaraming kaso ng dengue sa Region III na may 18,664 o 18%, kasunod ang Region VII na may 10,034 o 10% at ikatlo ang National Capital Region na may 8,870 o 9%.
Mula nitong Hulyo 3 hanggang Hulyo 30, nadagdag ang nasa 23,414 kaso ng dengue kung saan pinakamataas sa Region 3 (5,838), kasunod ang NCR (2,689) at Calabarzon (2,369).
Nabatid rin na siyam sa 17 rehiyon sa bansa ang lumagpas na sa ‘epidemic threshold’ sa nakalipas na apat na linggo. Kabilang dito ang Regions II, III, CALABARZON, MIMAROPA, VI, VII, IX, CAR, at NCR.
Ang Mimaropa at Region VI na lamang ang nagpapakita ng tuluy-tuloy na pagtaas ng mga kaso mula Hunyo 26 hanggang Hulyo 23.
Sa buong bansa, nakapagtala na ng 368 nasawi sa sakit na may 0.4% case fatality rate.
LTO: Papayagan na marehistro ang sasakyan kahit may NCAP violations
PAPAYAGAN ng Land Transportation Office (LTO) na marehistro ang mga sasakyan kahit na ito ay lumabag sa no-contact apprehension policy (NCAP).
Ayon kay LTO assistant secretary Teofilo Guadiz, susupendihin muna ang pagpapatupad ng alarm tagging sa mga sasakyan na may violations.
Sinabi rin niya na may provisions sa Republic Act 10930 na siyang nag amend sa Land Transportation code na hindi tinutupad sa pagsusulong ng NCAP na ginagawa ng Metropolitan Manila Development Authority (MMDA) at mga local government units (LGUs).
“Pending development of a uniform guidelines for the implementation of NCAP by LGUs and MMDA, alarm tagging access of the LGUs and MMDA against vehicles is hereby deactivated temporarily,” wika ni Guadiz.
Inutusan ni Guadiz ang LTO Management Information Division na gumawa ng adjustments sa kanilang sistema upang payagan ang pagrerehistro ng mga sasakyan na may mga paglabag.
Binigyan din niya ng direktiba ang LTO na makipagugnayan sa mga concerned LGUs para sa maayos na pagpapatupad ng NCAP.
Isang memorandum ang nilagdaan ni Guadiz na may petsang Aug.10 kung saan binigyan din ng pansin ng LTO ang mga reklamo ng mga transport leaders dahil sa pagpapatupad ng NCAP.
Wala naman suspension na ginawa ang LTO sa pagpapatupad ng NCAP sapagkat napagkasunduan na gagawa ang mga LGUs ng mga adjustments o pagbabago sa controversial na polisiya matapos ang madaming reklamo ang inihain ng mga motorista at transport providers.
“The LTO is keen on suspending the NCAP pending the ironing out of some issues, particularly on the alarm system for violations on registered vehicle owners instead of the drivers. There is also a lack of grievance and adjudication processes to contest the violations,” dagdag ni Guadiz.
Samantala, 60 porsiento na ang nailalagay na mga sensors ng MMDA sa mga pangunahing lansangan sa Metro Manila at ang mga susunod na sensors ay ikakabit ng phase by phases.
Sinabi naman ni MMDA chairman Carlo Dimayuga na inaasahan ng MMDA na magiging fully operational at upgraded ang mga sensors sa loob ng dalawa (2) hanggang tatlong (3) taon.
Dagdag pa niya ginagalang nila ang plano ng LTO na suspendihin ang NCAP subalit ang MMDA naman ay patuloy na gagawin ang NCAP. LASACMAR
Mga guro na ‘di pa bakunado pwedeng magturo sa F2F classes
PINAHINTULATAN na rin ng Department of Education (DepEd) ang mga gurong hindi pa bakunado laban sa COVID-19, na makapagturo na sa nalalapit na pagbabalik ng face-to-face classes sa bansa.
Sa isang pulong balitaan nitong Lunes, sinabi ni DepEd Undersecretary Atty. Revsee Escobedo na ang bago nilang polisiya ay payagan na rin ang mga unvaccinated teachers na mag-report sa trabaho at magturo.
Gayunman, kailangan aniya ng mga itong istriktong tumalima sa umiiral na minimum public health protocols, gaya nang pagsusuot ng face masks.
Kailangan din na ang mga silid-aralan na pagtuturuan ng mga ito ay mayroong maayos na bentilasyon.
Ang mga guro naman aniya na makikitaan ng mga sintomas ng COVID-19 ay pinapayuhang magpasuri at manatili na lamang sa tahanan.
Tiniyak ng DepEd na ang mga gurong sasailalim sa quarantine ay magkakaroon ng ‘excused leave with pay.’
Nakikipag-ugnayan na rin ang DepEd sa Department of Health (DOH) para sa pagdaraos ng mobile COVID-19 vaccinations sa mga paaralan, para sa mga bata at mga gurong nais nang magpabakuna. (Daris Jose)
Pinost na birthday photos, tila nang-aakit: MARCO, gustong bumawi sa magandang project dahil naudlot ang pagsikat
TILA nang-aakit si Marco Gumabao sa kanyang nakaraang 28th birthday noong August 14.
Pinost ng hunk ang photo niya sa Instagram na nasa swimming pool siya at kita ang kanyang matitigas na abs. Kinunan ang photo habang nasa set siya ng bago niyang pelikula na ‘Baby Boy, Baby Girl’ kunsaan leading lady niya si Kylie Verzosa.
“Celebrating my birthday here on set of ‘Baby Boy, Baby Girl.’ Hope you guys support it! Bday gift niyo na for me. Thank you Lord for another year! Forever grateful for all the blessings and lessons you have for me. Love yaaaa,” caption pa ni Marco.
Maraming nagsabing naudlot ang pagsikat ni Marco dahil naging box-office hit ang pelikula nila ni Anne Curtis na ‘Just A Stranger’, pero hindi siya agad nabigyan ng follow-up project hanggang sa magkaroon ng pandemic. Huli siyang napanood sa ‘Revirginized’ with Sharon Cuneta.
Ngayon ay gustong bumawi ni Marco sa taong ito at magandang project ang ‘Baby Boy, Baby Girl’ para sa kanila ni Kylie.
“Pagkabasa ko ng script, magka-text kami ni Kylie that time, nagulat ako na ganoon ang tema ng pelikula. Nakakatuwa kasi as we all know, sa mundo ngayon, maraming mga ganyan. It’s a real situation which is happening in our world right now. At the same time, nakaka-excite kasi we can also put ourselves in the shoes ng sugar babies. Kung paano tumatakbo ang mundo nila at kung paano sila nakikipagtransaksyon sa mga sugar daddies o sugar mommies nila. Nung nabasa ko, very excited at very shocked.”
***
KAYA pala hindi nakikita masyadong aktibo sa showbiz ngayon si Jasmine Curtis-Smith ay dahil abala ito sa pinatayong resort business sa La Union.
Business venture daw ito ni Jasmine kasama ang boyfriend na si Jeff Ortega. Huli silang nakitang magkasama ay sa GMA Thanksgiving Gala.
Habang wala pang bagong teleserye si Jasmine, ang pagnenegosyo muna ang hinaharap niya. Sa latest post niya sa Instagram, nasa Australia na ito para magbakasyon.
Pero bago umalis si Jasmine, nai-promote pa niya ang pag-stream ng huling teleserye niya na ‘The World Between Us’ sa Amazon Freevee.
Pinalabas ang naturang GMA teleserye mula July 2021 hanggang January 2022 kunsaan nakasama niya sina Alden Richards, Tom Rodriguez, Dina Bonnevie and Jaclyn Jose.
“I’m very excited kasi, ‘yung mga nakapanood na nung first 50 episodes namin nung una siyang na-release, ngayon they can finish the whole series and enjoy it until the end and binge watch it again. It will be the first na Filipino language sa platform na ‘yun. Siyempre it’s a privilege and it’s always a great thing na maging pioneer, diba?” pahayag pa ni Jasmine.
***
TUMANGGAP ng honorary doctorate in Fine Arts ang Malaysian actress na si Michelle Yeoh mula sa 2022 graduating class ng American Film Institute.
Sa naganap na commencement ceremony sa TCL Chinese Theatre in Hollywood, nagbigay ng speech ang 60-year old star ng pelikulang ‘Everything Everywhere All At Once’ tungkol sa struggling years niya sa entertainment industry.
Nagsimula raw ang lahat sa isang injury na sumira sa pangarap niyang maging isang ballet dancer. Nag-train ang aktres kasama ang ilang stuntmen hanggang sa mabigyan na siya ng roles sa mga action movies sa Hong Kong.
Pagkatapos siyang sumikat sa Hong Kong action films, na-penetrate niya ang Hollywood via the 1997 James Bond film na ‘Tomorrow Never Dies’. In 2000, naging bida siya sa award-winning film ni Ang Lee na ‘Crouching Tiger, Hidden Dragon’. Hanggang sa maging isa sa pinaka-in demand na Asian actress si Yeoh sa Hollywood with films such as ‘The Touch’, ‘Memoirs of a Geisha’, ‘The Lady’, ‘Master Z: Ip Man Legacy’, ‘The Mummy: Tomb of the Dragon Emperor’, ‘Crazy Rich Asians’, ‘Last Christmas’ and ‘Shang-Chi and the Legend of the Ten Rings’.
Sa mga hindi nakakaalam, isa ring beauty queen si Yeoh. Nanalo siya sa Miss Malaysia World pageant at nag-compete siya sa Miss World 1983 in London. Siya rin ang pinadala ng Malaysia sa 1983 Miss International Tourism Quest pageant kunsaan siya ang nakauwi ng korona.
(RUEL J. MENDOZA)