DAHIL sa pandemic, nauso ang reunion ng mga dating musical groups noong ’70s, ’80s at ’90s. 

At isa sa mga gusto sanang mag-reunion ng ilang OPM lovers ay ang APO Hiking Society na binubuo nila Danny Javier, Jim Paredes at Boboy Garovillo.

Sa naging Zoom mediacon ng teleserye na Unica Hija kunsaan kasama sa cast si Boboy, tinanong namin siya kung may possibility ba na magkaroon ng reunion ang APO dahil marami nang nakaka-miss sa kanilang mga hit songs noon tulad ng “Batang-Bata Ka Pa”, “Panalangin”, “Awit Ng Barkada”, “Yakap Sa Dilim”, “Ewan”, “Kaibigan”, “Pumapatak Ang Ulan”, “Mahirap Magmahal Ng Syota Ng Iba”, “Nakapagtataka”, “Blue Jeans”, “Anna”, “When I Met You” at ang Christma songs nila na “Tuluy Na Tuloy Pa Rin Ang Pasko”, “12 Days of Pinoy Krismas”, “Paskong Walang Pera” at “Pasko Na Sinta Ko”.

Naging honest si Boboy na hindi na raw mabubuo ang trio ng APO dahil sa pinagdadaanan ngayon ni Danny Javier. Noong 2011 ay muntik nang mamatay si Javier dahil sa magkakasunod na sakit na dumapo rito tulad ng pneumonia, kidney failure, liver collapse, hepatitis A, emphysema, congestive heart failure and sepsis. Recovering naman daw si Javier pero hindi na raw ito makakapag-perform.

“Si Jim is in Australia, but a lot of times, he’s also here in Manila. Still doing his writing songs and all. Danny is not well. He’s medyo may kahinaan, may karamdaman, so he is recovering. Pero yung reunion, mukhang malabo yun because hindi na possible. Minsan, kami ni Jim, we accept invitations, mga private invitation, parties. Dumadayo naman kami,” sey ni Boboy.

Nasanay na raw sa lock-in taping si Boboy dahil sa kinabilangan niyang teleserye na ‘First Yaya’ and ‘First Lady.’ Lagi raw siyang may dalang gitara at tinutugtugan niya ang mga kasama niya sa taping.

“Kaya tuwang-tuwa ako sa mga teleserye kasi kapag nagdadala ako ng gitara, nakikipag-jam sa akin ang mga kabataan na kasama ko sa cast. Nag-e-enjoy lahat kami. Nakakasabay naman sila kasi alam din nila yung mga songs namin,” ngiti pa ni Boboy na gaganap na ama ni Katrina Halili sa Unica Hija.

***

MAY pakiusap si Tom Rodriguez sa mga followers niya sa social media.

Ito ay huwag nang banggitin ang pangalan ng ex-wfe niyang si Carla Abellana.

At peace na raw kasi ang aktor at masaya na ang buhay niya sa Amerika. Nag-share pa nga si Tom ng isang video habang nagmamaneho ito sa Las Vegas na may caption na “Vegas dust storm vibes :)”

May mga nagpaalala kasi kay Tom na mga netizens ng sana’y first wedding anniversary nila ni Carla noong nakaraang October 23. Nagkasunud-sunod tuloy ang pagbati kay Tom.

Sinagot naman ni Tom ang naturang netizen ng: “‘Wag na po natin ibanggit ang name dito sa page ko. Thank you. We are no [longer] together and are moving onto own paths.”

June noong aminin ni Tom na divorced na siya kay Carla: “I accepted her decision that it is time to move forward, independent from each other.”

Naka-base na si Tom sa US at uuwi lang daw siya ng Pilipinas kapag may trabaho na siyang gagawin. Sumasama naman siya sa mga US shows para sa mga Pinoy ng GMA Pinoy TV. Huling siyang napanood sa isang show with Ai-Ai delas Alas sa California.

Nag-post din si Tom ng isang video sa IG na nagwu-workout siya. Nagbabaik-alindog nga ang aktor pagkaraang ng ilang buwan na nagkasakit siya.

“Sorry for spamming your feed with these vain posts specially since I’m still puny…but after 6 months of feeling weak and having no energy, being short of breath after a few steps, not able to hold anything down, I can’t get over how good I am feeling in my own skin 🙂 it finally feels like my mind, body and spirit are starting to work in harmony again,” caption pa ni Tom sa kanyang pa-yummy na video dahil shirtless siya at pine-flex ang kanyang muscles at pinapakita ang abs niya.

***

SA programang ‘The Boobay and Tekla Show’, kinumpirna ni Carla Abellana na malayang-malaya na siya.

Hindi man nabanggit sa show, pero opisyal na nga siyang divorce sa ex-husband na si Tom Rodriguez.

Tanong sa kanya ni Boobay: “Ikaw ba, malaya ka ba?”

Mabilis na sagot ni Carla” “Aba’y dapat malaya! Malaya tayo!”

Tanong naman ni Super Tekla: “Wild and free, ganon?”

“Ah, hindi naman yung wild, free lang. Malaya. Para bang maganda na isipin mo ang sarili mo, ipagtanggol mo ang sarili mo,” paglilinaw ni Carla.

Napag-usapan din ang mga tattoo na ipinalagay ni Carla sa kanyang katawan. Kabilang dito ang isang maliit na pulang puso sa kanyang tainga. Mataas daw ang tolerance sa pain ng aktres kaya kinaya niya ang magpa-tattoo sa sensitibong parte na iyon.

Tanong ni Boobay: “How do you deal with pain?”

“Pain na lang naman ang pag-uusapan, mataas ang tolerance ko sa pain, totoo ‘yan. Pero hindi naman din, alam mo ‘yun, ‘yung masokista ka na. Basta kapag may masakit, hangga’t kaya mong tiisin, tiis lang. Alam mo namang hindi rin magtatagal ‘yan,” diin pa ni Carla.

(RUEL J. MENDOZA)

ISANG nakatatakot na Halloween long weekend ang hatid ni Sen. Imee Marcos sa kanyang official YouTube channel dahil bibigyan niya ang kanyang online Imeenatics ng pinaka-nakakikilabot na content to date.

Ngayong Oktubre 28 (Biyernes), sa kanyang vlog entry na pinamagatang ‘Pammati ti Ilokano’, makakasama ng Senadora
ang isa sa mga paborito niyang partner sa tsikahan na si Juliana Parizcova-Segovia, kung saan magpapalitan sila ng
mga istoryang pamahiin tuwing Undas.

Pinag-usapan nina Senator Imee at Juliana ang mga tradisyunal na pamahiing Pinoy tuwing Araw ng mga Patay gaya na lamang ng hindi pagsuot ng pula kapag bumibista sa sementeryo; ang hindi pagsuklay ng buhok at pagputol ng kuko; ang hindi pag-apak sa puntod ng patay, at marami pang iba.

Sa Sabado naman, Oktubre 29, may special streming si Sen. Imee sa kanyang ‘Fly Aswang’ kuwentuhan kasama si Bessie Badilla kung saan pinag-usapan nila kung paano nagsimula ang Pinoy animated horror movie na kanilang prinodyus, na nauna sa animated Netflix series na Trese.

Ang ‘Fly Aswang’ ay isang Pinoy animated horror feature na nagpapakita ng iba’t-ibang uri ng mga Pinoy na aswang tulad ng Tikbalang, Impakto, Nuno, Mumbaki, at marami pang iba.

Ia-upload naman ni Imee ang full feature streaming ng ‘Fly Aswang’ sa Lunes, Oktubre 31 at magbibigay naman siya ng isang espesyal na Halloween greeting sa Nobyembre 1.

Makisaya sa katatakutan kasama si Sen. Imee Marcos at panoorin ng libre ang ‘Fly Aswang’ at mag-subscribe sa https://www.youtube.com/c/ImeeMarcosOfficial/featured

(ROHN ROMULO)

CONGRATULATIONS to Matteo Guidicelli, the first celebrity reservist to join the VIPPC training program. Matteo has finished the Very Important Person Protection Course (VIPPC) under the Presidential Security Group (PSG) as part of its class 129-2022.

Nag-share si Matteo ng photos sa kanyang Instagram ng graduation ceremony niya last Monday, October 24, na ginanap sa Malacanang Park, ang wife niyang si Sarah Geronimo, is seen pinning a badge on him, at habang tinatanggap din niya ang kanyang certificate of merit for being a “Snapshooter NR 3.”

Nagpasalamat si Matteo sa kanyang family and friends.  “It was an honor to train with the best from the PSG.”

Nagsimulang mag-training si Matteo noong August, “a highly-specialized professional service course that is offered to the PSG troopers who are dedicated to ensure a 360-degree protection of the President, his immediate family, as well as visitng heads of state or government.”

***

MARAMING natuwa at kinilig na mga fans nina Bianca Umali at Ruru Madrid nang mag-post si Kapuso actress ng: “I found the right one,” na sinagot ni Kapuso actor ng “I FOUND THE RIGHT ONE!”

May suot na ring si Bianca habang hawak ni Ruru ang kamay niya.  Akala tuloy ng mga fans and friends nila ay may kasalan nang magaganap.

Pero madali itong nilinaw ng dalawa sa interview sa kanila ni Aubrey Carampel sa ‘Chika Minute’ ng “24 Oras.”

Ayon kay Bianca, luma na raw iyong photo niyang inilabas at parang teaser daw nila sa upcoming project na pagbibidahan nila sa GMA Public Affairs, ang “The Write One.”

First time ito na magkakatrabaho silang dalawa, sa isang serye, kaya excited sila pareho.  Regularly silang napapanood as hosts, every Sunday sa “All-Out Sundays,” 12 noon, sa GMA-7.

Matatandaang naunang gumawa ng mga serye si Ruru sa GMA Public Affairs, ang pinakahuli ay ang “Lolong” na sabi’y magkakaroon ng season two.

First time nila ni Bianca roon ang “The Write One” na tungkol sa second chances, love at acceptance.  Sisimulan na nila ang taping before the year ends at mapapanood naman ito early 2023, sa GMA-7.

                                             ***

LAUNCHED na to solo stardom si Kapuso young actress Kate Valdez sa upcoming GMA Afternoon Prime series, “Unica Hija.”

She will play two roles, bilang si Bianca at ang kanyang clone, si Hope.  Ang maganda, hindi magkikita ang dalawang Kate sa isang eksena, kaya hindi masyadong mahirap para sa kanya.

Sa story, si Bianca ay anak nina Katrina Halili at Alfred Vargas.  Mamamatay si Bianca, pero si Alfred, na isang scientist at perfect sa cloning, ay iko-clone niya si Bianca na siyang magiging si Hope, na lalaking mahirap at pahihirapan ng mga nag-ampon sa kanya, sina Maricar de Mesa and her heartless daughter, Faith da Silva.

“I enjoyed playing both the roles of Bianca and Hope,” kuwento ni Kate.  “Mayaman si Bianca, and Hope is totally different na lumaking mahirap at inaapi-api.  All her life, she longs for acceptance.  She wants to belong.

“I also enjoyed working with my leading man, si Kelvin Miranda.  Madali kaming nagkasundo and we got along fine during the whole duration of our location shoot.”

Sa November 7 na ang world premiere ng “Unica Hija” na mapapanood araw-araw, at 3:20 PM after “Abot-Kamay na Pangarap”.

(NORA V. CALDERON)