MARAMI ang nagko-congratulate sa Kapuso sweethearts na sina Bianca Umali at Ruru Madrid.

Habang ang iba, nagtataka at nagtatanong.

Paano naman, halos sabay na nag-post sina Bianca at Ruru sa kanilang individual Instagram accounts ng mga paandar na may caption na, “I found the right one” si Bianca at ang picture na pinost ay magkahawak-kamay sila na focus ang singsing niya.

Si Ruru naman, same caption ni Bianca at ang picture na ipinost naman nito, ‘yung nakatalikod si Bianca at obviously, kuha noong nasa South Korea sila.

Kahit wala pang paliwanag ang dalawa sa parehong IG post nila, tingin namin ay hindi pa ito engagement at lalong hindi pa engagement ring ang suot ni Bianca.

Knowing Ruru, kung desidido na itong mag-propose, siguradong may paandar ito ng bongga. Either, they’re just too in-love with each other at napag-usapan na mag-post ng feelings nila or may soon-to-be project ang dalawa na may konek sa finding the right one.

***

MASAYANG-MASAYA ang actress na si Dimples Romana dahil kahit ilang taon na simula nang gawin niya ang character ni Daniela Mondragon sa Kadenang Ginto, heto’t umaani pa rin siya ng mga recognition.

Si Dimples nga ang kauna-unahang pinarangalan bilang First Ever Jeepney TV Fan Favorite Kontrabida.

At sa pamamagitan ng kanyang Facebook account ay nag-post ito ng pasasalamat.

Ayon dito, “Beginning my Sunday with gratitude.

Years later and still #OhDani slaaaying it again like a true MONDRAGON. Ikaw talaga Daniela ha! Hindi nauubos ang pasabog mo sakin eh.

Voted as the FIRST ever Jeepney TV Fan Favorite KONTRABIDA.

“All my love to all my Baby Dragons and all the true Mondragons out there who voted for me!!! KAYO TALAGA ang TUNAY na mga Mondragon!!!

“Dahil dyan, all day I’ll be posting on my IG stories KG photos and videos as a treat 🥰

“My Dreamscape Entertainment family, sir Deo Endrinal looook my heart will always be grateful for your trust, love and support.

“My ABS-CBN STAR MAGIC Alan Real familyyy.

My Fahmeely Boyet Ahmee Amanda Ahmee #AlonzoRomeoJose #ElioJuanManolo.

“My Kadenang Ginto fam, on and off cam, my directors, co actors, producers, creative bosses, staff and crew.

“Mabuhay po kayong lahat. May Daniela be a constant reminder how even those perceived with the darkest of hearts will always have good in them, we just need to dig deep and find that one tiny spot of gold no matter how difficult it may seem. Oh and of course to slay life with or without that red maleta.”

***

PASABOG ang ginanap na press presentation ng Cosmo Manila King & Queen 2022.

Talagang pinaghandaan, ginastusan ng bongga ng producer n si Marc Cubales.

Isa sa naging highlight ng press presentation ang pagpili ng Darling of the Press among the male & female contestants. At dahil mga naka-swimsuit ang mga contestants, nakakaaliw ang mga comment ng ilang netizens sa ilang video na lumabas.

Napapa- “sana all” ang mga ito dahil ang naging mechanics sa pagpili, pupuntahan ng mga press ang mapipili nilang contestant, one male at one female at didikitan ng sticker ang hubad na katawan ng mga ito.

Ang nagwagi na Darling of the Press ay sina Nash Mendoza at Sahara Cruz. Na may premyo na agad-agad na P20,000 pesos in cash.

Sa November 5 naman na magaganap ang coronation night sa SM Skydome North Edsa at dito na magkakaalaman kung sino sa mga official candidates na sina Jane Usison, Khat Gonzales, Claire Ramos, Sahara Cruz, Ver Johansson, Aya Valdez, Jannah Garcia, Milka Gonzales, Anita Gomez, Arianne Villareal, Jasmine Benignon Castro, Airah Graciela, Dimpol Ortega, Mae Burgos, Neah Cassandra Aguilar, Morena Carlos at Deberly Bangcore ang tatanghalin Cosmo Manila Queen.

Sa mga official male candidates naman, magkakaalaman na rin sino kina Hawkin Madrid, Paul Jiggs Venturero, David Soledad, Christian Villarin, Nash Mendoza, Aaron Moreno, John Zafe, Simon Abrenica, Hanz Vergara, Jovy Angel, Ivan Bonifacio, Ronie Palermo, Cut del Rosario, RJ Absalud at Allen Ong Manila ang magiging Cosmo Manila King.

Ang event organizer at producer ng pageant ay si Marc Cubales na naniniwalang ang pagbabalik niya ng sexy pageant competition ay para makatulong at makapagbigay say ana rin sa mga agent at models.

Ang tickets para sa coronation night ay available sa SM Ticketnets at magsisilbing hosts sina Michael Bristol, Joy Barcoma at John Nite. Special guests naman sina Kris Lawrence, Paul Salas, Sexbomb New Gen at Batang Mama.

(ROSE GARCIA)

NAGBABALIK na nga ang face-to-face event kaya gusto ng event organizer/producer na si Marc Cubales na unang mag-set ng trend upang makabuo ng exciting at memorable event para sa mga wannabe models at beauty pageant contestant.

Kaya naman isinilang ang Cosmo Manila King & Queen 2022, na kung saan nagkaroon ng media presentation kagabi sa Le Reve Event and Pool Party Venue sa Quezon City.

Ayon kay Marc, “We’re back to normal. As a producer, I would like to be the first to produce a sexy pageant competition, a bikini pageant in a very nice venue.

“Higit sa lahat, para makatulong at magbigay ng saya na rin sa mga agent at models ng sexy pageant show.”

Dagdag pa ng movie producer (‘Finding Daddy Blake’ directed by Jay Altarejos), “Yung feeling na nakakapagbigay ng work through producing is good. Maraming masisipag at kilala tayong mga kaibigan na when it comes to production sobrang gagaling at honestly ramdam ko ‘yung dedication nila sa work.

“So deserve nila talaga na bumalik at magkaroon uli ng opportunity na gumawa ng isang dekalidad na pageant tulad ng Cosmo Manila.”

Kaya alamin kung sino ang hihirangin na ‘Cosmo Manila 2022 King & Queen’ sa November 5, 2022, 7PM sa SM Skydome North Edsa.

Ang Cosmo Manila Queen 2022 official candidates ay kinabibilangan ng mga naggagandahan na sina Jane Usison, Khat Gonzales, Claire Ramos, Sahara Cruz, Ver Johansson, Aya Valdez, Jannah Garcia, Milka Gonzales, Anita Gomez, Arianne Villareal, Jasmine Benigno Castro, Airah Graciela, Dimpol Ortega, Mae Burgos, Neah Cassandra Aguilar, Morena Carlos, at Deberly Bangcore.

Samantala, ang makikisig na Cosmo Manila Queen 2022 official candidates ay ang mga sumusunod: Hawkin Madrid, Paul Jiggs Venturero, David Soledad, Christian Villarin, Nash Mendoza, Aaron Moreno, John Zafe, Simon Abrenica, Hanz Vergara, Jovy Angel, Ivan Bonifacio, Ronie Palermo, Curt Del Rosario , RJ Absalud, Allen Ong Molina, at Chadd Solano.

Ang magho-host ng event ay si Michael Bristol, Joy Barcoma, at John Nite, kasama naman sa special guests sina Paul Salas, Kris Lawrence, Sex Bomb New Gen at Batang Mama.

Available ang mga tiket sa SM Tickets. Para sa karagdagang detalye, tumawag sa CP#s 09667088434 at 09602533903.

Part of the proceeds of the show ay mapupunta sa Cosmo Foundation: Gintong Palad & Balikatan Foundation.

Ang ‘Cosmo Manila King & Queen 2022’ ay produce ni Marc Cubales kasama si Ms. Edz Galindez bilang supervising producer, Leklek Tumalad bilang casting director, at Bembem Espanto bilang over-all director.

Nais ding magpasalamat ng Cosmo Manila Queen 2022 sa mga sumusunod na generous sponsors: Beautederm, Dr. Ramon Ramos (President and Chief Executive Officer , Imus Institute Inc and Imus Institute of Science and Technology Cavite), Erase Beauty Care, Bioessence Skin Care Services, Frontrow, Parcero Salon Ni Master Jun, Cubales Water Supply Co., AQ Prime, 90210 BeautyLab QQ, MC Productions, Shai’s D Light Beauty Care, Itel, Edwin Lisa Brows & Aesthetics, Sony Boy Mindo, Dermaworld Center for Age Management, Inc., Calcium Cee , Lueur Lauren International Corp., I-Top View Café & Restaurant, Minas Brokers Logistics, Inc.,TD & Co. Coffee Shop, Victory Central Mall, Alpha Massage & Wellness Theraphy, JM Cubales, at PV Pageant Vote.

(ROHN ROMULO)

EXCITED na ang mga netizens na mapanood ang “Mano Po Legacy, The Flower Sisters” na magiging tampok sina Aiko Melendez, Beauty Gonzalez, Thea Tolentino at si Angel Guardian as the Chua sisters.  

Nagpatikim na kasi ang GMA Network at Regal Entertainment sa pamamagitan ng full trailer ng serye dahil napapanood na ang ilan sa mga aabangang eksena.  Masasabing ang serye rin ang may pinakamalaking cast kaysa sa first three episodes na ipinalabas nila.

Ito na rin daw ang pinaka-fierce na sibling rivalry sa GMA Telebabad series, na maglalaban-laban dito ang four Chua Sisters sa isang ama.  Bawat isa sa kanila ay may ambisyon at pangarap na magiging sanhi ng banggaan at tunggalian sa kanila.

Una na ngang aabangan ang bangayan nina Lily (Aiko) at Violet (Beauty).  Sa trailer kita agad ang katarayan ni Violet at ang mahinahon namang pagsasalita ni Lily pero may lalim ang hugot niya.  Lalong gugulo ang awayan sa pagpasok ng dalawa pa nilang mga kapatid, sina Dahlia (Thea) at Iris (Angel).  Malaki ring katanungan kung sinu-sino pa ang ibang characters na papasok sa serye?

Ang “Mano Po Legacy, The Flower Sisters” ay may world premiere na on Monday, October 31, at ipapalit sa “What We Can Be” na nasa finale this week na ang collaboration ng GMA Network at Quantum Films starring Miguel Tanfelix, Ysabel Ortega at Yasser Marta, na napapanood after ng “Start-Up PH.”

                                                            ***

TIYAK na ikatutuwa ng mga bagets viewers and old-alike, ang balitang tapos na tapos na ang taping ng “Voltes V: Legacy” ni Direk Mark Reyes, at mapapanood na this 2023.

Sabi ay papalitan nito ang top-rating historical fantasy portal series ng GMA Network, ang “Maria Clara at Ibarra” nina Barbie Forteza, Julie Anne San Jose at Dennis Trillo.

Itinatanong naman ng mga netizens kung ano iyong Instagram post ni Direk Mark na “Este Evi” with a caption na “This #sanggre #encantadia, #soon “noellayonflores @suzidoctolero.

Ibig daw bang sabihin, ito na ang next project ni Direk Mark after “Voltes V: Legacy,” ang “Sang’gre”  na sabi’y muling mabubuo ang mga Sang’gre ng “Encantadia,” na sina Kylie Padilla, Sanya Lopez, Gabbi Garcia at Glaiza de Castro?

Pero sa “Sang’gre” ay si Bianca Umali raw ang mangunguna sa mga bagong Sang’gre.  Maalaalang after gawin ni Bianca ang “Legal Wives,” nagsimula na siyang mag-aral ng Martial Arts, at wala ring bagong teleseryeng ibinigay sa kanya ang network.

***

AFTER magpasalamat ng cast at production staff ng “Start Up PH” sa executive producer ng original K-drama series, ngayon naman ay nagpapasalamat sila sa mga netizens and loyal viewers ng serye nina Alden Richards, Bea Alonzo, Yasmien Kurdi, Jeric Gonzales at Ms. Gina Alajar. 

Tinawag nila itong Dreamers, nang magkaroon sila ng cast party last October 17, dahil tapos na tapos na ang taping nila ng serye. At ngayon nga ay umabot na ito sa 100 Million ang Tiktok views and counting pa ito gabi-gabi after ng “Maria Clara at Ibarra” sa GMA-7.

Ginawa rin ang cast party na pa-birthday treat nila kay Bea na umalis for Madrid, Spain kinabukasan, October 18, with her family, para bisitahin at ayusin na ang ownership ng apartment na binili niya bago siya nagsimulang mag-taping sa GMA.

Dalawang projects ang sisimulan ni Bea pagkabalik niya from Spain.

 (NORA V. CALDERON)