2022 November 24 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for November 24th, 2022

Bukod sa hinuhulaan na kung sinu-sino ang magwawagi: Direk ICE, JONA, ZEPHANIE at REGINE, may mga pasabog sa ‘The 5th EDDYS’

Posted on: November 24th, 2022 by @peoplesbalita No Comments

KANYA-KANYA nang hula ang mga fans at netizens kung sinu-sino ang magwawagi sa The 5th EDDYS (Entertainment Editors’ Choice) ng Society of Philippine Entertainment Editors (SPEEd), ngayong Linggo na, November 27 sa Metropolitan Theater (MET).

Magsisilbing host sa awards night ang talent manager at premyadong TV personality na si Boy Abunda at sa direksyon ng OPM icon at award-winning singer-songwriter na si Ice Seguerra.

Bukod sa announcement ng pinaka-magagaling sa larangan ng paggawa ng pelikula noong 2021, kailangang abangan din sa ika-5 edisyon ng The EDDYS ang inihandang pasabog na performances nina Direk Ice, Jona, Zephanie at Miss Regine Tolentino kasama ang Dance Royalties.

Nauna nang inihayag ng SPEEd ang mga nominado para sa iba’t ibang kategorya ng The 5th EDDYS.

Maglalaban-laban para sa Best Film ang “Arisaka”, “Big Night,” “Dito at Doon”, “Kun Maupay Man It Panahon” at “On The Job: The Missing 8”.

Nominado naman sa kategoryang Best Director sina Erik Matti (On the Job: The Missing 8); Mikhail Red (Arisaka); Jun Lana (Big Night); Carlo Francis Manatad (Kun Maupay Man it Panahon); at JP Habac (Dito at Doon).

Sa Best Actress category, laban-laban sina Janine Gutierrez (Dito at Doon); Kim Molina (Ang Babaeng Walang Pakiramdam); Maja Salvador (Arisaka); Charo Santos (Kun Maupay Man It Panahon); at Alessandra de Rossi (My Amanda).

Kaabang-abang din kung sino ang tatanghaling Best Actor sa mga nominadon na sina John Arcilla (On The Job: The Missing 8); Christian Bables (Big Night); Dingdong Dantes (A Hard Day); Daniel Padilla (Kun Maupay Man It Panahon); at Piolo Pascual (My Amanda).

Para sa Best Supporting Actress category sina Janice de Belen (Big Night); Lotlot de Leon (On The Job: The Missing 8); Eugene Domingo (Big Night); Elizabeth Oropesa (Huwag Kang Lalabas); at Rans Rifol (Kun Maupay Man It Panahon), naman ang magtutunggali.

Sina John Arcilla (Big Night); Mon Confiado (Arisaka); Christopher de Leon (The Missing 8); Ricky Davao (Big Night); at Dennis Trillo (On The Job: The Missing 8) naman ang maglalaban sa Best Supporting Actor category.

Pararangalan din ng The EDDYS ang 10 Film Icons na sina Tito Sotto, Vic Sotto, Joey de Leon, Phillip Salvador, Roi Vinzon, Helen Gamboa, Divina Valencia, Elizabeth Oropesa, Sharon Cuneta, at Alma Moreno.

Para naman sa mga special awards ngayong taon, ipagkakaloob ang Joe Quirino Award sa entertainment journalist at TV correspondent na si Mario Dumaual. Ang scriptwriter at dati ring editor na si Eric Ramos ang tatanggap ng Manny Pichel Award.

Habang ang Rising Producer Circle award ay ipagkakaloob sa Rein Entertainment. Ang Viva Films naman ang napili ng SPEEd bilang Producer of the Year.

Para sa Isah V. Red Award, pararangalan naman sina Gretchen Barretto, Kris Aquino, Alfred Vargas; Kapuso Foundation at Sagip Kapamilya.

Ang ikalimang edisyon ng The EDDYS ay presented ng SPEEd at Fire and Ice Media and Productions, in partnership with GLOBE at sa pakikipagtulungan ng Beautederm, NCCA, at Metropolitan Theater.

Kabilang naman sa mga sponsor ang Nathan Studios, QC District 1 Rep. Arjo Atayde, UNILAB at Tanduay at suportado rin ng Live Stream Manila, Dr. Carl Balita Foundation ni Dr. Carl Balita, Federation of Filipino Chinese Chambers of Commerce & Industry, Inc. (FFCCCII), Angie Limbaco (, JFV Rice Mill at Bataan Rep. Geraldine B. Roman.

Ang pagbibigay ng award ng SPEEd ay isang paraan para hikayatin, lalong pataasin ang morale at patuloy na magbigay-inspirasyon sa Filipino filmmakers, producers, writers, actors at iba pa na bumuo ng makabuluhan at de-kalidad na pelikula.

Ang SPEEd ay samahan ng mga entertainment editor ng major broadsheets at tabloids sa bansa, sa pangunguna ni Eugene Asis (ng People’s Journal) bilang presidente.

(ROHN ROMULO)

Irving pinayagan ng makabalik sa paglalaro

Posted on: November 24th, 2022 by @peoplesbalita No Comments

Inanunsiyo ng NBA na natapos na ang suspensiyon ni Brooklyn Nets star Kyrie Irving.

Kasunod ito sa social media posting ni Irving na may kaugnayan sa anti-semitic materials.

Dahil dito ay sinabi ng Nets na makakasama na nila si Irving sa paglalaro laban sa Memphis Grizzles.

Matapos ang pahingi ng paumanhin ni Irving at ang pakikipag-usap kay NBA Commissioner Adam Silver ay pinayagan na itong makapaglaro.

Una ng pinatawan ng 8-games ban si Irving ng Nets dahil sa ginawa nito. (CARD)

Appointment ni Sec. Tulfo, tagilid

Posted on: November 24th, 2022 by @peoplesbalita No Comments

IPINAGPALIBAN ng Commission on Appointments (CA) ang kumpirmasyon ng appointment ni DSWD Secretary Erwin Tulfo matapos masilip ang dual citizenship nito.

May US at Filipino citizenship si Tulfo.

Nagmosyon si CA Majority Leader at Camarines Sur Rep. LRay Villafuerte na i-defer ang kumpirmasyon sa appointment ni Tulfo dahil sa dalawang isyung binanggit ni 1-SAGIP Partylist Rep. Rodante Marcoleta tungkol kay Tulfo, ang citizenship at ang conviction sa libel case ng Kalihim na hinatol noon ng Pasay Regional Trial Court.

Tanong ni Caloocan City Rep. Oscar Malapitan kay Tulfo kung tinakwil niya ang Filipino citizenship noong maging enlisted personnel ng US Army mula 1988-1992.

Hindi naman ito sinagot ni Tulfo at sa halip ay humingi ng executive session sa komite na tumagal ng halos isang oras para pag-usapan ang naturang isyu.

Sinagot naman ng kalihim ang pagiging convicted sa kasong libelo na umanoy nangyari dahil sa pagtupad sa kanyang trabaho bilang mamamahayag.

Subalit giit ni Marcoleta, hindi pa rin mababago ang sitwasyon na nahatulan ito sa kaso lalo pa at ang libel case ay may kinalaman sa ‘moral turpitude’ kung saan ang tugon naman ni Tulfo ay dahil sa kanyang trabaho bilang journalist.

Ayon naman kay Sen. Chiz Escudero, unfair na gamitin laban kay Tulfo ang conviction niya sa libelo dahil ngayon ay isinusulong niya ang pagde-decriminalize nito at maging ng kalihim ng Department of Justice (DOJ).

Nausisa rin ang pagkakaroon ng 10 anak sa naging apat na asawa ni Tulfo na umano’y isang pagkakamali noong kabataan niya subalit ang mahalaga umano ay inaalagaan niya ang kanyang mga anak.

Samantala, lumusot naman sa CA si DPWH Secretary Manuel Bonoan. (Daris Jose)

Ads November 24, 2022

Posted on: November 24th, 2022 by @peoplesbalita No Comments

“Bilang tagapagtaguyod ng mga bata at ama ng lalawigang ito, batid ko ang aking tungkulin na pangalagaan ang malinaw na kinabukasan ng Bulacan sa pamamagitan ng pagseseguro sa proteksyon, kalinga, kaunlaran at Kalayaan ng ating mga anak” – Fernando

Posted on: November 24th, 2022 by @peoplesbalita No Comments

LUNGSOD NG MALOLOS – “Bilang tagapagtaguyod ng mga bata at ama ng lalawigang ito, batid ko ang aking tungkulin na pangalagaan ang malinaw na kinabukasan ng Bulacan sa pamamagitan ng pagseseguro sa proteksyon, kalinga, kaunlaran at Kalayaan ng ating mga anak. At habang ipinagdiriwang natin ang makabuluhang buwan para sa ating mga kabataan, naalala ko ang nasabi ni dating Pangulong Barack Obama: The future belongs to young people with and education and the imagination to create”.

Ito ang naging mensahe ni Gobernador Daniel R. Fernando ng Bulacan sa may 350 daycare na mag-aaral at mga magulang, Child Development Workers at Local Council for the Protection of Children (LCPC) Child Representatives sa ginanap na Provincial Children’s Congress 2022 sa Bulacan Capitol Gymnasium sa lungsod na ito kamakailan.

Sa mithiing pangalagaan ang mga karapatan at kapakanan ng higit sa 1.2 milyonng kabataang Bulakenyo, itinampok ni Fernando, Tagapangulo ng Provincial Council for the Protection of Children (PCPC), sa kanyang Local State of the Children’s Address (SOCA) ang pinakamahalagang karapatan ng mga bata kabilang ang kaligtasan, pag-unlad, proteksyon at partisipasyon sa pamamagitan ng epektibong programang pangkalusugan at edukasyon gayundin ang proteksyon mula sa pang-aabuso at panganib.

Idinetalye rin ng gobernador ang matagumpay at epektibong programang ipinatupad ng pamahalaan sa nutrisyon, immunization coverage ng mga bata sa Bulacan, early childhood care development, pagbuo ng kapasidad ng mga child development workers at iba pa.

May temang: “Kalusugan, Kaisipan at Kapakanan ng Bawat Bata Ating Tutukan!”, dalawang kumpetisyon ang ginanap sa Children’s Congress kung saan nanalo ng unang pwesto si Syren Caullie D. Carpio, mula sa Pitpitan Day Care Center sa Bulakan para sa poem reciting contest; pumangalawa naman si Angel Lyn D. Yuson, mula sa Balagtas Heights Day Care Center sa Balagtas; at Eliesha Yuen R. Alvez, mula sa Paliwas Child Development Center sa Obando na nag-uwi ng ikatlong pwesto.

Para sa copy and color competition, wagi si Einory Jane DC Pelayo ng Buga Child Development Center sa San Miguel ng unang pwesto; Lia Yzabelle Uliten Carolino mula sa Talbak Day Care Center sa Doña Remedios Trinidad sa ikalawang pwesto; at Cassey Gaile N. Basco ng Paltok Day Care Center sa Angat para sa ikatlong pwesto.

Tumanggap ang lahat ng mga nananalo ng tropeo, pack of groceries mula sa National Grid Corporation of the Philippines (NGCP) at nag-uwi ang bawat isa ng P10,000 para sa mga una at pangalawang pwesto at P8,000 para sa ikatlong pwestong nagwagi.

Gayundin, tumanggap ang mga hindi nagwagi ng consolation prize na P3,000, pack of groceries mula sa NGCP, at sertipiko ng partisipasyon bawat isa.

Kakatawanin ng mga nanalo ang probinsya sa Regional Children Congress na gaganapin sa Nobyembre 25, 2022 sa Lungsod ng San Jose Del Monte.

Namahagi rin ng mga module bag sa mga day care na mag-aaral sa lalawigan ang Provincial Social Welfare and Development Office na nanguna sa taunang kongreso. (BISHOP JESUS “JEMBA” M. BASCO)

Witness A Different Side Of Buboy Villar In A Heart-Touching Movie ‘Ang Kwento ni Makoy’

Posted on: November 24th, 2022 by @peoplesbalita No Comments

EMBARK on an emotional rollercoaster ride as former child star-turned-comedian Buboy Villar stars in “Ang Kwento ni Makoy,” a heart-moving story directed by Direk HJCP and produced by Masaya Studio Inc.

Opening in cinemas nationwide on December 7, 2022, “Ang Kwento ni Makoy” highlights the story of an optimistic and compassionate nurse who is eager to lend a helping hand despite the struggles brought by the surge of the coronavirus.

Shot during the surge of the pandemic, the film comes from the point of view of a writer diagnosed with COVID-19, Ched Herrera (portrayed by Bella Thompson), who meets the outgoing Makoy (Buboy Villar), her father’s requested private nurse. Ched and Makoy eventually become friends, but they have different perspectives in life.

Ched believes that “one needs to put oneself first more than anyone,” which greatly contrasts with Makoy who has lived his whole life in service of others. With their clashing opinions, Makoy is determined to change Ched’s perspective before she leaves the hospital. Will he be able to change her mind or would it all be in vain?

“The pandemic had a huge impact on our lives. During the lockdown, everyone was looking for that beacon of hope to continue moving forward. The main character, Makoy, embodies that and, through him, we are reassured that no matter what trials we live through, everything will eventually fall into place,” director HJCP shared.

Witness a different side of Buboy Villar in his latest comedy-drama, “Ang Kwento ni Makoy,” and watch the official trailer below:

For more information, like and follow the official Facebook page of Ang Kwento ni Makoy at https://www.facebook.com/KuwentoniMakoy or visit Masaya Studio’s official website at www.masayastudio.com.

(ROHN ROMULO)

Will Navarro nagtala ng career-high ng talunin ang NorthPort ang Converge 112-97

Posted on: November 24th, 2022 by @peoplesbalita No Comments

Hindi pinaporma ng NorthPort BatangPier ang Converge FiberXers 112-97 sa nagpapatuloy na PBA Commissioner’s Cup na ginanap sa Araeta Coliseum.

Bumida sa panalo ng NorthPort si William Navarro na nagtala ng 29 points, 17 rebounds at siyam na assists.

Nagdagdag naman ng 26 points at 10 assists si Robert Bollick habang mayroong 19 points si Prince Ibeh.

Mayroon ng anim na panalo at limang talo ang NorthPort habang ang Converge ay mayroong walong panalo at tatlong talo ang Converge. (CARD)