LIMAMPU’T limang website ang nasamsam ng US Justice Department para sa ilegal na live-streaming na mga laban mula sa FIFA World Cup sa Qatar.
Ayon sa pahayag ng departamento, ang mga website ay isinara matapos matukoy ng isang kinatawan ng FIFA ang mga site na ginagamit upang ipamahagi ang nilalamang lumalabag sa copyright nang walang pahintulot ng soccer world governing body.
Ang FIFA lang kasi ay may hawak ng mga eksklusibong mga karapatan sa World Cup, na sa ngayon ay umabot na sa semi-final stage ng mga laban.
Dagdag dito, bagama’t marami umano ang maaaring naniniwala na ang mga naturang website ay hindi bumubuo ng mga seryosong banta, ang paglabag sa mga may hawak ng mga karapatan ng anumang intelektwal na ari-arian ng FIFA ay isang lumalagong banta sa kakayahan nilang pang-ekonomiya.
Una rito, hindi tinukoy ng US Justice Department ang mga nasamsam na website ngunit sinabing ang mga bisita sa mga site ay ire-redirect sa ibang site para sa karagdagang impormasyon ng biggest sporting event sa buong mundo. (CARD)