2022 December 23 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for December 23rd, 2022

Disyembre 26 idineklarang special non-working day

Posted on: December 23rd, 2022 by @peoplesbalita No Comments

IDINEKLARA ni Pangulong Ferdinand Marcos Jr. ang Disyembre 26, 2022, bilang karagdagang special non-working day sa buong bansa.

Ang deklarasyon ay nakapaloob sa Proclamation No. 115 na inilabas upang “bigyan ang mga tao ng buong pagkakataon na ipagdiwang ang holiday kasama ang kanilang mga pamilya at mga mahal sa buhay.”

Nakasaad din sa proklamasyon na hinihikayat ang mga pamilya sa mas mahabang katapusan ng linggo na magsama-sama at palakasin ang kanilang relasyon tungo sa isang mas produktibong kapaligiran, at magtataguyod ng turismo.

“A longer weekend will encourage families to get together and strengthen their relationship towards a more productive environment, and will promote tourism,” nakasaad sa proklamasyon.

Inutusan ng Pangulo ang Department of Labor and Employment na maglabas ng kaukulang circular para ipatupad ang proklamasyon para sa pribadong sektor.

“A longer weekend will encourage families to get together and strengthen their relationship towards a more productive environment, and will promote tourism,” nakasaad sa proklamasyon.

Inutusan ng Pangulo ang Department of Labor and Employment na maglabas ng kaukulang circular para ipatupad ang proklamasyon para sa pribadong sektor. (Daris Jose)

Toll holidays sa SLEX at ibang tollways

Posted on: December 23rd, 2022 by @peoplesbalita No Comments

MAGBIBIGAY ng toll holidays ang San Miguel Infrastructure sa South Luzon Expressway (SLEX), Southern Tagalog Arterial Road (STAR), Skyway, Ninoy Aquino International Airport Expressway at Tarlac-Pangasinan-La Union Expressway ngayon Christams at New Year Holidays.

Ayon kay SMC president Ramon Ang, ang toll holiday ay ipapatupad sa Dec. 24 simula 10:00 ng gabi hanggang 6:00 ng umaga ng Dec. 25. Sa New Year naman, Dec. 31 ay magsisumula ng 10:00 ng gabi hanggang Jan. 1, 2023 ng 6:00 ng umaga.

Upang makatulong sa magandang daloy ng traffic, ang SMC Infrastructure ay magpapadala ng karagdagang traffic management personnel sa lahat ng tollways upang magbigay ng roadside assistance sa mga motorista at ng makatulong din sa pagaayos ng flow ng mga sasakyan sa mga exit points ng tollways.

“We appeal to motorists for their patience and understanding as we anticipate heavy traffic. Apart from the deployment of additional personnel, we have also launched Seamless Southern Tollways initiative, which cuts down toll stops for motorists headed south through the Skyway, SLEX and STAR from five to just two,” wika ni Ang.

Ang mga karagdagan personnel na ilalagay ay ang mga ambulant tellers, na siyang mamahala upang magkaron ng mabilis na vehicle throughput sa mga toll plazas sa pamamagitan ng scanning ng Autosweep cards sa mga pila. Kung kaya’t pinaaalalahanan ang mga motorista na laging dalahin ang kanilang Autwosweep ETC cards.

Sa kabilang dako naman, ang Land Transportation Franchising and Regulatory Board (LTFRB) ay nagbigay ng special permits sa mga buses na papuntang mga probinsiya upang makayanan ang exodus ng mga holiday revelers ngayon pasko.

Mahigit nang 600 public utility vehicles ang nabigyan ng special permits upang magsakay ng mga pasahero papuntang mga probinsiya.

Nakatangap naman ang LTFRB ng 208 na mga reklamo laban sa mga taxi drivers na ayaw magsakay sa gitna ng malalang traffic sa Metro Manila ngayon kapaskuhan.

Ang mga reklamo ay naitala mula Dec. 1 hanggang 19 dahil sa ginagawang panghuhuli ng mga taxi drivers na ayaw kumuha at magsakay ng pasahero o di kaya ay humihing sila ng sobrang bayad.

Kung kaya’t nagbabala ang LTFRB na kung sino man ang mahuhuli na lumalabag sa batas ay mabibigyan ng multang P5,000 hanggang P15,000 depende sa dami ng offenses ng ginawa ng drivers.

Ang kanilang mga sasakyan ay maaari rin kunin ng mga tauhan ng LTFRB at kakanselahin ang kanilang prangkisa. Bibigyan din ng multang P1,000 and driver at sasailalim ng “drivers’ academy program.” LASACMAR

Ads December 23, 2022

Posted on: December 23rd, 2022 by @peoplesbalita No Comments

Nakapagpahinga na ng ilang buwan: JOHN LLOYD, balik-sitcom na sa pagbubukas ng bagong taon

Posted on: December 23rd, 2022 by @peoplesbalita No Comments

PATULOY ang GMA Network sa pag-participate sa international market, after nilang nag-join sa MIP-COM in Cannes, France last October, GMA through its content distribution arm GMA Worldwide.

Nag-participate naman sila sa Asia TV Forum (ATF) 2022 in Singapore, na kilalang Asia’s leading entertainment content market, this year’s event is the first in-person Asia TV Forum since 2019.

Pinangunahan ni Jose Mari R. Abacan, First Vice President for Program Management, ang mga representatives ng GMA Network.

Sa three-day event, ipinalabas ang top-rating and trending historical portal fantasy series na “Maria Clara at Ibarra”, bannered by Barbie Forteza as Klay, Julie Anne San Jose as Maria Clara, and Dennis Trillo as Ibarra.

Ipinalabas din ang “LUV IS; Caught In His Arms,” ang much-anticipated collaboration project between GMA Network and Wattpad Webtoon Studios. An adaptation of the hit Wattpad novel, the series is topbilled by Sparkles favorite loveteam, Sofia Pablo and Allen Ansay.

Mapapanood na rin ang “LUV IS: Caught in His Arms” sa January, 2023 sa GMA Network.

***

NAKAPAGPAHINGA na si John Lloyd Cruz ng ilang buwan din na nagkaroon ng season break ang kanyang sitcom na “Happy ToGetHer” sa GMA Network, na pansamantalang pinalitan ng “Running Man Philippines.”

Ngayon ay muling magbabalik na ang sitcom this coming January, 2023. Magkaroon na kaya ng permanent leading lady si John Lloyd, or tuluy-tuloy pa rin na every Sunday ay iba ang kanyang special guest?

Nagtapos ang sitcom na ang special guest ni JLC ay si Arra San Agustin, pero sa ipinakitang teaser ng pagbabalik muli nila, guest ulit ang Sparkle beauty.

Other stars sa cast ay sina Ms. Carmi Martin at Miles Ocampo. Ang “Happy ToGetHer” ay under the direction of Edgar “Bobot” Mortiz.

***

TULOY na ang muling pagbabalik ng reality talent competition ng GMA Network, ang “The Clash 2023.” Nagsimula na ang audition sa libu-libong contestants mula sa iba’t ibang lugar ng Pilipinas, na ang mga pinakamagagaling na clashers lang ang natira.

The other day, ipinasilip na ng The Clash sa kanilang social media accounts ang ilan sa napili sa Top 30 kabilang sina Jamie Elise, Arabelle dela Cruz, Isaac Zamudio, Nash Casas at Kirby Bas.

Nagsimula na ring mag-taping ang mga hosts na sina Julie Anne San Jose at Rayver Cruz, ang The Clash panel of judges na sina Comedy Queen Ai Ai delas Alas, Asia’s Nightingale Lani Misalucha at Christian Bautista.

Tutukan ang kanilang journey at kilalanin ang iba pang makapapasok sa Top 30 sa pamamagitan ng pag-follow sa Facebook, Twitter, Instagram, Tiktok at YouTube ng The Clash. Abangan natin ang “The Clash 2023” soon on GMA-7.

***

CONGRATULATIONS sa #PinoyChristmas in Our Hearts sa YouTube, dahil umani na ito ng mahigit nang 1 million views ang nakukuha ng digital exclusive ng GMA Public Affairs at YouTube sa https://bit.ly/3PPXZFi,

(NORA V. CALDERON)