ISA sa maituturing na iconic actress ng Pilipinas si Dina Bonnevie; sa palagay niya, bakit siya nagtatagal sa industriya?

“Ako simple lang, siguro kasi mahal ko yung trabaho ko, talagang niyakap ko and tinanggap ko yung binigay sa aking regalo ng Panginoon.

“Kumbaga He gave me the gift of acting, parang… hindi ko kinailangan ng acting coach, bata pa ako umaarte na ako, parang I just honed my craft, parang God gave me this talent, mas hinasa ko pa, mas pinahusay ko pa.

“And then yun, it’s just simple na I love what I do, so because I love what I do inaaral ko ang script, hindi ako nale-late, I come on time, nakikibagay ako sa mga kasama ko sa set. Nakikihalubilo ako, iniintindi ko ang bawat miyembro ng cast, kung meron man isang may pinagdadaanan diyan iniintindi ko, yung ganun.

“Parang you already know that when you belong to a cast you belong to a family, this is your new family and you have to embrace kung ano man… kung ano yung parang ‘unwritten rules’, di ba?

“Sa bawat cast merong unwritten rules, pero mababasa mo yun e, pag nakipaghalubilo ka sa kanila, nakipag-usap, malalaman mo na, ‘Ay ito pala ang parang norm sa set, ito ang unacceptable’, and makikibagay ka dun.

“So I guess rule of thumb lang talaga, love your work and you’ll do what you need to do,” pahayag ni Dina na gumaganap na Giselle Tanyag sa GMA top-rating series na ‘Abot Kamay Na Pangrap.’

***

NAGAWA ni Ken Chan ang gusto niya sa pelikulang ‘Papa Macot.’

“Nagawa ko po ang gusto kong gawin na hindi ko magawa sa TV, sa mga teleserye. At masaya po ako.

“May mga kaibigan po akong mga aktor na gumagawa ng mga ganitong pelikula po, at nakikinig po ako sa kanila.

“Lagi ko pong naririnig yung mga kuwentuhan nila, ‘Hah! Ang sarap sa pakiramdam! Grabe, ganito pala ang pakiramdam!’

“Ang sarap na magawa mo lahat ng gusto mong sabihin! Lahat ng gusto mong ikilos o ipakita sa pelikula, dahil walang limitasyon.

“Pero naiintindihan ko naman po yun. Ganun po talaga ang sistema ng pelikula at ng TV series. May mga kailangan po tayong sundin.

“Pero ako po, masasabi ko po na nagawa ko at nakalaya po ako doon sa gusto ko pong gawin.

“Pero me as an actor doing a TV series, I’m also blessed and thankful dahil de kalibre din naman po ang mga pino-produce ng GMA Network.

“And I’m just so blessed na nagagawa ko po yun, both worlds.”

Co-producer si Ken ng ‘Papa Mascot’; unang beses niya itong maging producer ng isang pelikula.

“And I’m just so proud to say na pinasok po namin ang venture na ito bilang pagiging producer with Miss April [Martin] and Miss Pauline [Publico].

“Wide International Film, this is our first project, at proud na proud po akong sabihin na I’m part of this project not only as an actor but also as a co-producer.

“And as a co-producer, may mga pagkakataon po na nakakapagbigay po kami, yung mga creative juices po namin, pinagsasama-sama po namin kung ano man yung mga materyal na gusto naming gawin, also with direk Louie Ignacio.

“Kung ano ba yung mga kuwento pa na gusto naming ipakita sa mga viewers. Ano pa ba yung mga kuwento na hindi pa naikukuwento?

“Marami! Marami kaming gustong mga plano. Romantic comedies, horror, action, more dramas, about family, about love.

“And abangan niyo po yun. Yun ang dapat niyong abangan,” masayang wika pa ni Ken, the actor/producer.

Si Dennis Evangelista ang line producer movie na ipapalabas sa mga sinehan sa April 26.

(ROMMEL L. GONZALES)

TEARS of joy ang hindi napigilang reaction ni Director Mark Reyes at ng cast ng most epic primetime series to land on Philippine television via “Voltes V: Legacy.”  

Paano nga naman, inabot ng four years in the making ang first-ever live action adaptation of the phenomenal Japanese ‘70s anime ‘Voltes V’ na nag-premiere night last Tuesday, April 18 sa SM Cinema The Block.

Dinaluhan ito ng buong cast, headlined by no less than five of Sparkle’s sought-after artists,  sina Kapuso Ultimate Heartthrob Miguel Tanfelix as Steve Armstrong, Ysabel Ortega as Jamie Robinson, Matt Lozano as Big Bert Armstrong, Radson Flores as Mark Gordon, and Raphael Landicho sa Little Jon Armstrong.

Present din ang cast na may special participation, like Kapuso Drama King Dennis Trillo as Ned Armstrong, the father of the three Armstrong brothers; Max Collins as Rozalia, na first wife ni Ned at si Carla Abellana as Mary Ann Armstrong, Ned’s wife from planet Earth na tumulong sa kanya para mabuo ang Voltes V.

Naroon din sina Gabby Eigenmann as Commander Robinson and Albert Martinez as Dr. Smith who assist in the development of Voltes V, plus ang bumuo ng Boazanian forces at ang members of Camp Big Falcon.

Ang live action series ay produced ng GMA Network in partnership with Toei Company, Ltd. And Telesuccess Productions Inc., na nagsidalo rin sa premiere night.  Acclaimed local animators from Riot, Inc. and GMA’S Post Video Graphics and Audio Team ang nag-handle na program’s heavy CGI and other visual effects.

Mapapanood sa mga SM Cinemas ang “Voltes V Legacy: The Cinematic Experience” hanggang April 27.  At mapapanood naman ito weeknights at 8:00 PM sa GMA Telebabad at 9:40 PM naman sa GTV, starting on May 8.

***

TULUY-TULOY ang panalo ng GMA historical fantasy portal series na “Maria Clara at Ibarra,” isa sa inilahok ng GMA Network sa New York Festivals, TV & Film Awards.

Nagwagi ang seryeng nagtampok kina Barbie Forteza, Julie Anne San Jose, David Licauco at Dennis Trillo, sa  New York Festivals ng Bronze Award for Entertainment – Drama.

Felicidades and muchas gracias, #MariaClaraAtIbarra.

***

MASAYS ang launching ng last batch ng Sparkle GMA artists, ang Sparkle Teens!

Nauna nang ini-launch ng GMA Network’s talent management arms ang three batches of stars, ang Sparkle’s Next Brightest Stars, Sparkle Love Teams and Sparkada.

Masaya ang launch sa Novotel Hotel dahil mga teens pa kaya energetic and bubbly ang 20 teens na sina Zyren Dela Cruz, Josh Ford, Charlie Fleming, Princess Aliyah, Keisha Serna, Antonio Vinzon, John Clifford, Waynona Collings, Liana Mae, Naomi Park, Aya Domingo, Gaea Mischa, Selina Griffin, Marco Masa, Lee Victor, Bryce Eusebio, Ashley Sarmiento, Aidan Veneracion, at James Graham.

Ayon sa Sparkle consultant and renowned starmaker na si Mr. M, despite their ages, these teens do have ‘it’ that certain quality to make it big and far in showbiz: “they have the enthusiasm and willingness to sacrifice for the craft, willing silang mag-workshops, kumuha ng advanced classes to improve.”

Kaya naman si Ms. Ana Feleo, Sparkle’s head acting coach, ay excited sa launch ng Sparkle Teens dahil nakita raw niya ang struggles and triumphs ng mga Sparkle Teens.  Kahit si Sparkle’s Senior Assistant Vice President Ms. Annette Gozon-Valdes ay nagsasabing busy at bright future daw ang nakikita niya sa mga Sparkle Teens.

(NORA V. CALDERON)

ANG Puregold, na nangungunang kumpanya ng retail sa Pilipinas at isang pioneer sa retailtainment, ay patuloy ang pag-usad sa mga digital space sa pamamagitan ng hit series sa mga social media platform, YouTube at Tiktok.

After the success ng kanilang YouTube series na “GVBoys” at “Ang Babae sa Likod ng Face Mask,” at ang first Tiktok series na “52 Weeks,” nagbabalik ang Puregold sa kanilang newest digital show, “Ang Lalaki sa Likod ng Profile, ” na maglalabas ng first episode sa April 22.

Ipinagmamalaki ang kahanga-hangang cast ng mga mahuhusay na aktor tulad nina Wilbert Ross na gumaganap bilang pangunahing papel ni Bryce, at Yukii Takahashi na gumaganap bilang co-lead na si Angge, ang “Ang Lalaki sa Likod ng Profile” ay tiyak na sasagutin ang puso ng mas maraming netizens sa buong bansa sa isa pang relatable and feel-good story.

Tampok din ang supporting cast ng serye na sina Kat Galang bilang Genski; Migs Almendras bilang Ketch; Marissa Sanchez bilang Bessie (nanay ni Bryce); Bida Orjaliza bilang Yaya Aimee; Moi Marcampo bilang si Chili Anne (na may crush kay Bryce); TJ Valderrama bilang Cyrus (kapatid ni Angge); at Anjo Resurreccion bilang Jerry (ex ni Angge).

Para sa Episode 1, masasaksihan ng mga manonood kung paano nag-navigate si Bryce sa buhay, ang kanyang interes at kahusayan sa video-game, at kung paano siya patuloy na inaasar ng kanyang ina na si Bessie na maghanap ng kasintahan. Samantala, nagpapagaling naman si Angge mula sa Toxoplasmosis, isang impeksyon sa utak na kasalukuyang naglilimita sa kanyang paggalaw.

Sa unang episode, magku-krus ang landas ng dalawang bida sa isang digital platform na tinatawag na Talkverse.

Sa direksyon ni Victor Villanueva, ang award-winning na direktor sa likod ng hit series ng Puregold na “Ang Babae sa Likod ng Face Mask,” ang magkasalungat na turn ng bagong digital series na ito ay maghahanda para sa isang kapana-panabik at emosyonal na paglalakbay para kina Bryce, Angge, at kanilang mga kaibigan .

Gamit ang social media bilang mahalaga sa salaysay nito, ang “Ang Lalaki sa Likod ng Profile” ay nakatakdang ilarawan ang mga realidad na maaaring makaugnay ng mga kabataang Pilipino.

Sa isang batikang direktor, mahuhusay na cast, at isang nakakahimok na kuwento, ito ay isang serye na masayang ibahagi ang Puregold Price Club President, Vincent Co, na nagsasabing,
“We are excited to deliver another Puregold Channel original content to our customers and audiences.”

Mag-subscribe sa Puregold Channel sa YouTube. Para sa karagdagang updates, i-like ang @puregold.shopping sa Facebook, sundan ang @puregold_ph sa Instagram at Twitter, at @puregoldph sa TikTok.

(ROHN ROMULO)

DAHIL sa maliit na seafood business ni Neil Ryan Sese noong magkaroon ng pandemya, nagbunga na ito sa pagkakaroon ng isang malaking farm sa Zambales.

Ito ang naging kapalit ng sipag, tiyaga at tiwala ng aktor sa Diyos noong simulan niya ang K&G Seafood noong kasagsagan ng COVID-19 pandemic noong 2020.

Nahinto kasi ang lahat ng trabaho sa showbiz sa unang anim na buwan ng pandemya kaya naisipan ni Neil na magbenta at mag-deliver ng iba’t ibang seafoods gamit lang ang kanyang bisikleta.

“Nag-start ‘yung K&G Seafood noong pandemic so kailangan mo ng ibang pagkakakitaan so sabi ko mahilig kasi talaga ako sa seafood e so dapat kung magbi-business ka dapat ‘yung gusto mo.

“Akala natin ‘yung COVID parang three months lang max ang itatagal so ang akala namin ‘yung business na ‘yun siguro habang pandemic lang tapos tumagal nang two years tapos dumami ‘yung orders no’ng na-guest ako sa ‘Eat Bulaga’ sa Bawal Judgmental,” sey pa niya.

Thankful si Neil sa mga kaibigan niya sa showbiz na sinuportahan ang kanyang negosyo. Kaya hindi raw magiging success ang negosyo niya kung walang nagtiwala sa kanya, kabilang na rito sina Vic Sotto, Dingdong Dantes, Jennylyn Mercado, Dennis Trillo, Camille Prats, Carlo Gonzalez, at marami pang iba.

Ngayon ay balik na sa normal ang trabaho sa showbiz at kasama si Neil sa cast ng ‘Voltes V: Legacy.’ Pero tuloy pa rin daw si Neil sa seafood business niya.

“Hangga’t may nag-o-order, tinuloy ko pa rin siya kasi sayang saka maganda talaga kaya okay pala ang kita ng seafood eh. Kung hindi naman kasi nag-pandemic, ‘di ko naman maiisip na gawin itong business.”

***

NAG-WORRY ang mga kaibigan at pamilya ng former Hollywood teen actor na si Drake Bell dahil na-report itong missing at baka nasa panganib ang buhay.

Ayon sa Daytona Beach police, si Drake raw ay “considered missing and endangered.” Huling nakita ang aktor na nagmamaneho ng 2022 grey BMW noong nakaraang Wednesday at 9 PM sa area ng Mainland High School.

Ilang beses na kasing nasangkot sa gulo si Drake na nakilala dahil sa Nickelodeon show na Drake & Josh. Nabigyan ito ng probation para sa attempted child endangerment case, in which he pled guilty. Nagkaroon din siya ng inappropriate conduct sa isang club with a girl under 18 years old na nakarelasyon niya online.

Meron din siyang DUI arrest noong 2015 at may physical abuse case siya involving a woman na nakarelasyon niya ng limang taon. He also filed for bankruptcy back in 2014.

Pero natapos din ang search sa aktor nang may witness na nagsabi sa pulis na nakita si Drake sa SeaWorld in Orlando, Flordisa kasama ang anak nito.

Nasa mabuting kalagayan daw ang aktor at hindi raw ito sumasagot sa mga messages sa phone niya dahil pinlano niya ang tahimik at cellphone-free day kasama ang kanyang anak.

(RUEL J. MENDOZA)