2023 April Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for April, 2023

Jeepney drivers nais ng malinaw na plano patungkol sa subsidiya ng DOTR sa piling PUV routes

Posted on: April 14th, 2023 by @peoplesbalita No Comments

NAIS ng ilang jeepney drivers na magkaroon ng malinaw na plano ang Department of Transportation kung paano makakarating sa mga jeepney driver ang nais nilang ibahagi na subsidiya.

Ang ilan sa mga jeepney drivers raw ay hindi nakakatanggap ng sinasabing subsidiya, dahil anila, ang mga operators ang tumatanggap nito at hindi na nakakababa sa driver.

Inihalimbawa ni Marlon Jacila, ang ibinigay raw na subsidiya para sa krudo, ayon sa kanya ay hindi naman lahat ng driver nakatanggap nito dahil ang ilan ay na stuck nalang sa operators.

Kaya ang tanong nila, paano umano ito makakarating sa mga jeep drivers.

Maayos daw sana itong plano na subsidiya sa mga drivers dahil malaki na rin ang maitutulong sa pang araw araw.

Dagdag pa ni Marlon, lahat raw ng bigat ay nasa drivers kaya itong subsidiya sana naman raw ay makarating sa jeepney drivers talaga.

PBBM, oks sa paglikha ng single operating system para sa lahat ng gov’t transactions

Posted on: April 14th, 2023 by @peoplesbalita No Comments

APRUBADO ni Pangulong Ferdinand R. Marcos Jr. ang paglikha ng single operating system para sa lahat ng transaksyon sa gobyerno upang matiyak ang mabilis na pagnenegosyo sa bansa.

Sa isinagawang sectoral meeting on improving bureaucratic efficiency, sinabi ni Pangulong Marcos na dapat na ikonsidera ng iba’t ibang ahensiya na nagta-trabaho sa code o polisya ang pagkakaiba sa pagitan ng national bureaucracy at iba- ibang local government units (LGUs).

“There are technological reasons, as well as political and local considerations to comply with the law and the government has to deal with those issues,” ayon sa Pangulo.

“I think it may help when you’re writing the code or when you’re putting the system together, you’re going to have to think about the differences between the national bureaucracy and the different LGUs,” dagdag na pahayag ng Chief Executive.

“Those are the things that we still work with. The questions we were trying to bring it down to that level, and the local governments are really part of that thing. You’ve seen how it can happen. That’s what we need to address,” giit nito.

Sinabi naman ng mga opisyal ng pamahalaan na nakipagpulong kay Pangulong Marcos na iyon ang dahilan kung bakit ang Department of Information and Communications Technology (DICT) at Anti-Red Tape Authority (ARTA) ay “are now mapping the processes of different agencies so they can be able to collate them in a single system.”

Kahit maging ang LGUs, ayon sa mga ito, ay saklaw ng “ease of doing business law,” partikular na ang nasa ilalim ng Section 11, “which requires them to set up and traditionalize electronic business one-stop-shop, which will standardize LGU requirements.”

Sa kabilang dako, inatasan din ng Pangulo ang DICT at ARTA na tulungan ang LGUs sa pag-adopt ng Business Permits and Licensing Systems in All Cities and Municipalities (BPLS) system.

Sinabi naman ng mga opisyal na nagsagawa sila ng stakeholder consultations kasama ang lahat ng ahensiya ng pamahalaan na tingnan ang kanilang “processes and requirements” na may layuning hikayatin ang mga ito na gumamit ng unified application form, iugnay ang mga ito sa network na nagtayo ng “one-stop-shop.”

Ang panukala, ayon sa mga ito ay palawigin ang sakop o saklaw sa ibang uri ng negosyo gaya ng ginawa ng Department of Trade and Industry (DTI) sa paglikha ng isang one-stop-shop for big-ticket investments.

Sinabi naman ng mga opisyal mula sa nasabing ahensiya na tinitingan nilang pagsama-samahin ang lahat ng proseso para sa migrant workers, maritime, at maging sa shipping industries, tinuran din ng mga ito ang “improvement at ang mga proseso sa pamamagitan ng pagsama-samahin ang lahat ng government processes sa pamamagitan ng data sharing.

“The best way to reduce requirements and processing time, is for government agencies to adopt data sharing so that documents submitted in one agency should no longer be required in another agency,” ayon sa mga ito.

Upang masiguro na mapalakas pa ang implementasyon ng “streamlining and digitalization initiatives”, nag-request ang ARTA na aprubahan ang panukalang rebisyon ng Executive Order No. 482, serye ng 2005, upang maging responsive o tumugon ito sa kasalukuyang situwasyon at pagpapalabas ng kinauukulang Administrative Orders and EOs.

“And to ensure the administration’s efforts in streamlining and improving the efficiency of government services, the government, through the Ease of Doing Business (EODB) program, is carrying out TradeNet, Manual for the Reengineering of Business Permits and Licensing Systems in All Cities and Municipalities (BPLS Manual) and Streamlined Guidelines for the Issuance of Permits, Licenses, and Certificates for the Construction of Shared Passive Telecommunications Tower Infrastructure (PTTIs),” ayon sa Malakanyang.

Samantala, kabilang naman sa mga nakipagpulong sa Pangulo ay sina DTI Secretary Alfredo Pascual, Interior and Local Government Secretary Benjamin Abalos Jr., Information and Communications Technology Undersecretary David Almirol Jr., ARTA Director General Ernesto Perez at Customs Commissioner Bienvenido Rubio. (Daris Jose)

Kaya tuloy na tuloy pa rin ang ligaya: TITO, VIC & JOEY, na-retain ang creative control sa ‘Eat Bulaga’

Posted on: April 14th, 2023 by @peoplesbalita No Comments

TIYAK na ikatutuwa ng mga fans at followers ng long-running noontime variety show na “Eat Bulaga,” ang post na “Tuloy ang ligaya! TVJ to retain creative control of “Eat Bulaga” as Jalosjos family agrees to stand down. – Eat Bulaga was at risk of a major overhaul due to a feud between its stakeholders. But it looks like the crisis has been averted, at least for now.”

Ayon pa sa post, the iconic hosts of EB, Tito, Vic & Joey (TVJ) and the children of former congressman Romy Jalosjos have agreed to maintain the status quo after a make or break meeting on April 11.

Reportedly the Jalosjos children accepted the terms made by TVJ, they agreed not to replace anyone in EB’s production staff except for some portions in the program. TVJ and its core group of co-hosts and creative team would have the final say on the program which has been on air since July, 1979.

Pero hihintayin pa rin natin this Saturday, April 15, na sabi’y ipaaalam ng EB management ang final development at kung mari-retain pa rin lahat ang mga hosts ng show. Marami kasing kumalat na balita noon kung sinu-sino na lamang ang mari-retain daw na mga hosts ng show, na napapanood Mondays to Fridays, 12NN to 2:30PM at every Saturday, from 11:30AM to 2:30PM.

***

FIVE days to go at mapapanood na ng mga Kapuso at diehard fans ng inaabangang “Voltes V Legacy: The Cinematic Experience”, sa lahat ng SM Cinemas mula April 19 hanggang April 25.

Tampok sa #V5LegacyTheCinematicExperience ang special edit ng unang tatlong linggo ng first-ever live-action adaptation ng hit anime series. Maaari nang bumili ng tickets online via https://bit.ly/VoltesVAtSMCinema o SM Cinema app. Pwede ring personal nang magtungo sa SM Cinema ticket booths.

Abangan din ang “Voltes V: Legacy” sa GMA Telebabad this May, 2023.

***

SINA Asia’s MultiMedia Star Alden Richards at “Hearts on Ice” leading man Xian Lim and magiging hosts for the highly anticipated grand coronation night of Miss Universe Philippines 2023 na magaganap sa May 14, 2023 sa SM Mall of Asia Arena, in Pasay City.

The event will feaure the presence of Miss Universe 2019 Zozibini Tunzi and reigning Miss Universe 2022 R’Binney Gabriel.

Isa rin si Jessica Sanchez sa mga celebrities na magpi-perform. Ipinakilala na ang Top 40 phenomenal, transformational Filipinas of Miss Universe Philippines 2023. Isa rito si Kapuso actress Michelle Dee ng “Mga Lihim ni Urduja.”

***

HAPPY si Megastar Sharon Cuneta na bago siya bumalik ng Pilipinas, pagkatapos ng “Iconic” concert nila ni Regine Velasquez sa Los Angeles, USA, ay nagkaroon na rin siya ng chance na makapag-shopping sa LAX Hermes store.

Sa IG post ni Sharon: “Finally got my new Hermes belts (my 20+-year-old ones are still too tight! Pero lapit na) – plus a few other things at The LAX Hermes store. (matatandaan na noong nag-show si Sharon sa South Korea, hindi siya pinayagang makapasok sa Hermes store doon).

“Ang bait nila napabili pa ko tuloy ng iba! I’ve always loved their cashmere throws too so got myself a couple of new ones plus bracelets! Thank you to S.A. Miss Ivy for the great service! #hermeslax @hermes #walanangisyuha!”

Dagdag pa ni Sharon, “am home in my safe place…my husband’s loving arms.”

(NORA V. CALDERON)

DepEd, nakahanap ng solusyon sa SHS grad employability sa pamamagitan ng MATATAG agenda

Posted on: April 14th, 2023 by @peoplesbalita No Comments

SINABI ng Department of Education (DepEd) na layon nito na tugunan ang isyu ukol sa employability o kakayahang magtrabaho ng K-12 graduates sa pamamagitan ng MATATAG education agenda nito.

Ang pahayag na ito ni DepEd spokesperson Michael Poa ay tugon sa kamakailan lamang na ipinalabas na ulat ng Commission on Human Rights (CHR) na nagpapakita na ang mga senior high school (SHS) graduates sa bansa ay “lack soft skills and job readiness” at pawang “highly vulnerable” sa scams.

Sinabi pa ng CHR na ang kakayahan ng mga guro ay hindi naka-align sa SHS program dahilan kaya’t ang DepEd “cannot provide as many teachers to complete all the subject areas because of the number of enrollments in one area of the school.”

Para naman sa DepEd, sinabi ni Poa na kinikilala ng departamento ang nasabing isyu sa Basic Education Report na ipinresenta ni Vice President at Education Secretary Sara Duterte noong Enero.

“Steps to address such issues are already in the MATATAG Agenda, such as engaging with CHED, TESDA, and various industry partners to address the issue of skills mismatch in our SHS Program. This forms part of the on-going review of the SHS Curriculum, which shall consider feedback from employers and studies on SHS employability,” ani Poa.

Nauna nang inanunsyo ni Duterte na nakatakdang baguhin ng DepEd ang K to 12 curriculum sa layuning makapag-produce ng mas maraming “job-ready at responsable graduates.”

“The ongoing review of the K-12 curriculum revealed that its content was congested; that some prerequisites of identified essential learning competencies were missing or misplaced; and that a significant number of learning competencies catered to high cognitive demands,” ayon sa DepEd.

Samantala, sa isyu naman ng teacher quality, sinabi ni Poa na ang capacity building para sa mga ito ay prayoridad ng departamento.

“[This] will address the following: quality of entry-level teachers; unfilled teaching and teaching-related positions; ancillary tasks assigned to teachers; unequal distribution of qualified teachers; teachers not teaching their SHS specialization; and poor skills in analysis, synthesis, and evaluation which are crucial and relevant to the emerging economy,” dagdag na pahayag ni Poa. (Daris Jose)

Catholic pa rin at ‘di pa nagpapa-convert: MARIEL, binalikan ang Myeongdong Cathedral para magpasalamat

Posted on: April 14th, 2023 by @peoplesbalita No Comments

NAG-POST ng past and present picture si Christopher Bariou, ang boyfriend ni Nadine Lustre.

Ang larawan na ipinost nito ay sa Pinto Art Museum kunsaan, nasa same spot silang dalawa ni Nadine.

Ang unang larawan nila dito ay kuha pa noong taong 2021, kasagsagan ng pandemic at naka-mask pa sila pareho. At ngayong 2023 naman. Pero ang bongga ay ang caption ni Christopher.

Sa kanyang Instagram caption, malinaw na naipahatid nito na kumpara noong two years ago, mas in-love raw siya ngayon kay Nadine na ikinakilig siyempre ng mga netizens.

Sey niya, “Same same but kinder, wiser, stronger and more in love.”

‘Yun lang, pwedeng mabigyan ng ibang interpretasyon ang comment sa post na ito ng boyfriend ni Nadine ng kaibigang make-up artist ng huli na si Jelly Eugenio.

Nag-comment kasi ito na, “more in love? Let me be the judge of that.”

Kaya naman may nag-reply sa comment nito na, “Shading,” “ano po verdict?”

***

BINALIKAN ni Mariel Padilla ang Myeongdong Cathedral sa Seoul, South Korea kasama ang kanyang best friend.

At sa Instagram post niya, ni-reveal ni Mariel ang naging dasal niya rito noong una siyang nagpunta. Obviously, natupad ang dasal na ‘yon ni Mariel.

At ngayon nga, pasasalamat na lang daw ang naging prayer niya.

Aniya, “2016 I went to Korea with my bestfriend @c0xg, I had a feeling I was pregnant, after my miscarriages. I prayed and said it’s up to Him. Siya na bahala. 2023 I went back to Myeongdong Cathedral, prayer of thanks naman. Thankful for my blessing, my 2 girls.”

Meaning, Catholic pa rin pala talaga si Mariel at hindi pa sumasali sa relihiyon ni Robin Padilla na Islam.

(ROSE GARCIA)

Paggamit ng QR code sa mga palengke at pagbabayad ng pamasahe sa mga traysikel sa buong bansa, pinag- aaralan-PCO

Posted on: April 14th, 2023 by @peoplesbalita No Comments

MASUSING pinag-aaralan ngayon ng pamahalaan ang hangarin ng gobyerno na ipatupad ang cashless na pagbabayad sa mga palengke at pamasahe sa mga traysikel sa buong bansa.

Sinabi ng Presidential Communications Office (PCO) na ito’y sa pamamagitan ng Quick Response o QR code.

Ayon sa PCO, makakatuwang ng gobyerno sa inisyatibang ito na tiniguriang “Paleng-QR Ph Plus” ang Land Bank of the Philippines.

Sakop din ng ginagawa ngayong pag- aaral ang ipatupad na din ang cashless payment sa mga local transport drivers.

Ang nasabing hakbang ay inisyatiba ng Bangko Sentral ng Pilipinas at Department of Interior and Local Government (DILG) na target na ipatupad sa buong bansa.

Sinasabing Agosto 2022 , inisyal na inilunsad ang programa sa mga piling palengke sa mga pangunahing siyudad at bayan na ngayon ay plano ng ipatupad sa buong Pilipinas. (Daris Jose)

PAG-ARESTO SA MGA RALIYISTA, IDINEPENSA NG MPD

Posted on: April 14th, 2023 by @peoplesbalita No Comments

IDINEPENSA ng Manila Police District (MPD) ang ginawang pag-aresto at pagtaboy sa mga kabataang rallyist na nagkasa ng anti-Balikatan protest sa harap ng US Embassy .

Ayon kay MPD P/Major Philipp Ines, ang nasabing grupo ay walang mga permit para magsagawa ng kilos protesta.

Aniya ipinatutupad pa rin nila ang maximum tolerance ngunit ang hindi nila pinalagpas ay ang pagsaboy ng pintura sa logo ng embahada.

Dalawa sa mga kabataang nagprotesta ang inaresto ng mga operatibo ng MPD,dahil sa paglabag sa Public Assembly Act of 1985,vandalism, at Article 151 ng Revised Penal Code o ‘resistance and disobedience to a person in authority’.

Iginiit ng mga demonstrador na sila ay marahas na itinaboy na mariin namang itinanggi ng mga kapulisan.

Giit ng mga rallyist na ang Manila at Washington joint military drills ay nagpapalala ng tensyon sa pagitan ng China at US at magdadala sa Pilipinas ng labanan.

Nitong Martes, inilunsad ang Balikatan exercise na tatagal hanggang April 28.

Halos 18,000 tropa ang makikibahagi sa military drill kung saan sa unang pagkakataon ay kasama ang live-fire drill sa South China Sea, na halos angkinin lahat ng Beijing. GENE ADSUARA

Ads April 14, 2023

Posted on: April 14th, 2023 by @peoplesbalita No Comments

Job fairs at Kadiwa ng Pangulo para sa Manggagawa stores, bubuksan sa araw ng Labor day – DOLE

Posted on: April 13th, 2023 by @peoplesbalita No Comments

MAGDARAOS ng job fair ang pamahalaan at magbubukas ng Kadiwa ng Pangulo para sa Manggagawa stores sa 16 na rehiyon sa bansa sa Labor day, Mayo 1 ayon sa Department of Labor and Employment (DOLE).

Ito ay sa pakikipagtulungan na rin ng Department of Trade and Industry at ng Department of Agriculture.

Sa Kadiwa stores, mag-aalok ng murang mga pagkain at iba pang essential commodities upang matulungan ang mga manggagawa na magkaroon ng access sa mga bilihin sa murang halaga gayundin para maibenta ng mga magsasaka ang kanilang mga produkto ng direkta sa mga mamimili nang walang middleman upang matamasa nila ang mataas na kita.

Maliban pa dito at sa job fairs sa araw ng manggagawa, mamamahagi din ang DOLE ng financial assistance para sa mga benepisyaryo ng Tulong Panghanapbuhay sa Ating Disadvantaged/Displaced Workers program, Special Program for Employment of Students at Government Internship Program sa mga rehiyon.

Hinihimok naman ng DOLE ang mga jobseekers na maghanda sa kanilang application requirements gaya ng resume o curriculum vitae, certificate of employment para sa mga dating employed, diploma at transcript of records. (Gene Adsuara)

Mahigit $100M, ilalaan para sa infrastructure investments sa EDCA sites

Posted on: April 13th, 2023 by @peoplesbalita No Comments

INAASAHANG nasa mahigit $100 million ang ilalaan sa infrastructure investments para sa bago at existing Enhanced Defense Cooperation Agreement (EDCA) sites sa katapusan ng fiscal year 2023.

Sa joint media briefing kasama ang mga opisyal ng Amerika at Pilipinas, sinabi ni US Secretary of Defense Lloyd Austin III na ang nasabing investments ay lilikha ng mga trabaho at paglago ng ekonomiya ng local communities ng Pilipinas.

Malugod namang tinanggap nina Philippine Foreign Affairs Secretary Enrique Manalo at Department of National Defense Officer-in-Charge Carlito Galvez Jr. na present din sa media briefing ang naging hakbang ng US para suportahan ang ating bansa sa pamamagitan ng naturang kasunduan.

Subalit iginiit ng DFA chief na nakatakda pang pag-usapan ang lextent ng paggamit ng apat na bagong EDCA sites sa bansa.

Sinabi naman ni Austin na ang planong pagkakaroon ng apat na bagong EDCA sites sa Palawan at Northern Luzon ay maggagarantiya na ang dalawang bansa ay mas handa para sa mga posibleng maranasang krisis sa hinaharap. (Daris Jose)