2023 April Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for April, 2023

Nag-file na sila ng complaint sa isang whisky brand: BOY2, nag-warning sa gumagamit ng photo ng lolo na si DOLPHY

Posted on: April 25th, 2023 by @peoplesbalita No Comments

NAGLABAS ng warning si Boy2 Quizon sa isang local whisky brand na ginagamit ang photo ng kanyang lolo na si Dolphy Quizon para mabenta ang naturang produkto sa social media.

Sa pamamagitan ng Instagram Stories, nilinaw ni Boy2 na walang ine-endorse na anumang produkto ang kanilang pamilya na gamit pa ang imahe ng kanilang yumaong lolo.

Post ni Boy2: “This is to inform the public that ‘Banayad Whisky’ as shown in the photograph above and/or any product or mechandise having the same brand, is NOT ASSOCIATED, AFFLIATED, OR CONNECTED with RODOLFO “DOLPHY” VERA QUIZON and/or the HEIRS OF DOLPHY. Any complaint or transaction related to BANAYAD WHISKY shall not be acknowleged by the heirs of Dolphy. Please be guided accordingly.”

Nag-file na raw ang pamilyang Quizon ng complaint sa naturang whisky brand.

“Heads up lang: we have filed a case against the seller who won’t stop selling their products using my lolo’s image and the name Banayad Whisky. Just please beware,” ayon pa kay Boy2 na ginamit ang hashtag na #wagmagpabudol sa kanyang post.

Nagamit kasi sa pelikula ni Dolphy na ‘Father & Son’ noong 1995 na name na Banayad Whisky. Ang eksena ay nagsu-shoot ng commercial ang character ni Dolphy para sa naturang inumin hanggang sa malasing siya dahil sa paulit-ulit na take ng eksena niya.

Mapapanood pala si Boy2 sa upcoming GMA Afternoon Prime series na ‘Seed Of Love.’

***

MAGBIBIDA na sa pelikula ang Beks Battalion na binubuo ng mga komedyanteng sina Chad Kinis, MC Calaquian at Lassy Marquez.

Ang title ng kanilang movie ay ‘Beks Day of Our Lives’ at mapapanood na ito sa mga sinehan on May 17. Si Chad Kinis ang direktor nito.

Ayon kay Kinis, hindi inasahan na darating pa ang matagal na niyang pangarap na maging isang direktor sa pelikula.

“It’s so surreal, super-duper happy. Kasi y’un talaga ang pangarap ko. I love writing and I love directing because hindi sa akin innate ang pagiging komedyante, na magpatawa.

“But I have this always rush of ideas in my mind that I want to execute. Of course, if you are just thinking of those ideas and don’t do it, it will stay as only ideas. Hindi mo na-share, masasayang siya.”

Sa paggawa nga raw nilang tatlo ng movie, masayang-masaya lang daw sila. Walang negative vibes sa paligid.

“Nung nagawa ‘yung movie, it was the happiest moment of my life. As in parang doon ko nasabi sa sarili ko na nung nagkaroon na ng playdate, natapos ‘yung movie, na-edit na, sabi ko sa sarili ko noon, ‘this is the beginning,'” sey pa ni Direk Chad.

Makakasama rin nila sa pelikula sina John “Sweet” Lapus, Debbie Garcia, Ruby Ruiz at marami pang iba.

***

NAG-OPEN up ang star ng hit sitcom na ‘Everybody Loves Raymond’ na si Ray Romano sa pinadaanan niyang heart surgery.

Ayon sa stage and TV comedian, naagapan daw nila ang problema bago siya magkaroon ng heart attack: “I got kinda lucky that we found it before having a heart attack. I just had to have a stent put in. Had 90 percent blockage in the main artery, what they call the widow-maker.”

Twenty years na raw nakikipaglaban si Romano sa kanyang cholesterol level. Hindi raw niya ma-sustain ang healthy habit pagdating sa pagkain.

“I’d go home and think I was hot sh*t. I’d get it down already, and I’d start cheating, cheating, and that was the cycle. It’s hard for me to sustain that diet stuff.”

On cholesterol meds na ang aktor pero kailangan din niyang bantayan ang kanyang sugar intake: “I’m on the meds, and it’s got my cholesterol all down now, so I figure now I can enjoy and eat some food. But my sugar level’s up now. I’m on the pre-diabetic side.”

(RUEL J. MENDOZA)

FALL IN LOVE WITH “LOVE AGAIN,” EXCLUSIVE IN SM CINEMAS

Posted on: April 25th, 2023 by @peoplesbalita No Comments

“I love love stories.”

So says Jim Strouse, writer and director of the new romantic comedy Love Again. Starring Priyanka Chopra Jonas, Sam Heughan, and Celine Dion (playing herself in her first film role), and featuring multiple new songs from Dion, Love Again opens exclusively in SM Cinemas on May 10.

Watch the lyric video to the rom-com’s theme song here: https://youtu.be/ADsUJwJ6VWI

“This felt like a fantastic opportunity to tell a classic, romantic story that was hugely relevant,” says producer Erica Lee. “I loved the idea that for these characters, these text messages sent into the ether become the magical thing that brings them together.”

Watch the trailer here: https://youtu.be/t-z4j5cxAcw

In Love Again, Mira Ray (Priyanka Chopra Jonas), a talented children’s book author and illustrator, deals with the loss of her fiancé by sending a series of romantic texts to his old cell phone number. What Mira doesn’t know is that those texts are being received by Rob Burns (played by Sam Heughan), whose new work phone has inherited that old number. Rob, a music journalist, is skeptical about love – it comes with the territory when you are left at the altar. He is struck by the emotional honesty of the texts, which begin just as he is trying to wrap his cynical mind around the heartfelt, emotional music of Celine Dion for a profile he’s been assigned. He finds that the legendary singer just might hold the key to all the answers he’s been looking for.

The filmmakers built the film around the pairing of Chopra Jonas, an international superstar who has commanded screens around the world, as Mira, and Sam Heughan, whose performance on Outlander has inspired a generation of fans, as Rob.

But perhaps the biggest casting coup for the filmmakers was in landing Celine Dion to play the role of Celine Dion in the songstress’s first big-screen acting role.

“I wanted to find a real artist to embody the character,” says Strouse. “When I thought about Celine’s songs – the content of them and then Celine the person – it was so perfect, because this is a film about overcoming loss and the power of love. She was the first and only choice.”

Dion’s involvement in the movie brought an infectious joy to the entire cast and crew. “It was so much fun,” says producer Esther Hornstein. “We’d play a little bit of one of her songs for a scene, and then all day, we’d all be sitting at the monitors singing Celine. For one scene, Rob is in the shower, so excited about life that he’s singing ‘It’s All Coming Back to Me Now’ – and when Sam would come off the set, he’d still be singing – a sing-along party all day long.”

Love Again is distributed in the Philippines by Columbia Pictures, local office of Sony Pictures Releasing International. Connect with the hashtag #LoveAgainMovie

(ROHN ROMULO)

Pagpasok sa politika, ‘di pa sinasara… DINGDONG, nagbigay ng kanyang bersyon at kinorek si MARIAN sa naging pahayag

Posted on: April 25th, 2023 by @peoplesbalita No Comments

SI Kapuso Primetime King Dingdong Dantes ang naging special guest ni King of Talk Boy Abunda sa finale episode ng first season ng matagumpay na ‘Fast Talk with Boy Abunda’ noong April 21.

Sa umpisa ng programa, inalala ni Kuya Boy at di niya malilimutan na ang kauna-unahang guest niya ay si Kapuso Primetime Queen na si Marian Rivera sa pagsisimula ng show noong January 23.

At isa nga sa napag-usapan ang tungkol sa politika at public service na malapit sa puso ni Dingdong. Kaya tinanong siya ni Kuya Boy kung nasa plano pa ba niya ang pasukin ang mundo ng politika.

Tugon ni Dingdong, “Gusto ko pong aminin na may panahon na that I really thought na sana, for me to do more for the Filipino people over and beyond my work here in the industry.

“Pero never pa umabot sa punto para masabi kong, ‘Sige, gagawin ko ito.’

“It’s because I have high regards in public office, especially kapag sinabing public service, ‘yun dapat ang top most priority.

“I recognize na it’s not that easy, it will require much of your time, much of your energy, your love, your passion, of yourself, and it takes much sacrifice.”

Dagdag pa niya, “Isang bagay ang malinaw sa akin ngayon, that I have multiple roles to fulfill, literally and figuratively, because I want to be the best father to my children, the best husband to Marian, a good son, a responsible member of this beautiful industry, while striving to be a good citizen of this country each and every day.”

Sambit pa ng TV host kay Dingdong, “I like your discussion Dong about being many, pero hindi ka nagsasara ng pintuan?”

Na sinagot naman ng actor na,“I think it’s not for me to say but the circumstance.”

Binalikan din ni Kuya Boy ang naging pahayag ni Marian tungkol sa nangyari sa kanila ni Dingdong habang nasa taping ng ‘Dyesebel’ sa Palawan, na kung saan hindi ito nag-text back at sinabihan daw niya na, ‘baka naka-prepaid ka’ or walang load.

Paglilinaw ni Dong sa kanyang version sa istorya, “unang-una po, hindi sa Palawan nangyari ‘yun. Si Marian kasi, minsan may pagkamalimutin.

Nangyari po ‘yun sa ‘MariMar’.”

Pagpapatuloy pa niya, noong nagsisimula ang tandem nila, pareho pa sila na may ibang karelasyon at naging very professional sila, kahit may love-hate relationship.

“Si Marian, sobrang mapang-asar, lalong-lalo na sa akin. May change location kami, nauna ako at medyo masukal yun lugar.

“So, I message her, in good faith, na ganito ang puwede nilang daanan. Tapos hindi sumagot, pero alam kong seen. Aba, bakit kaya, ano kaya akala niya ini-style-lan ko siya.

“Kaya sabi ko sa kanya, ‘oh, nag-text ako sa ‘yo ah, bakit ‘di ka nakasagot, wala ka bang load?’

“Tapos namula talaga siya, at nag-walk out.”

Pero paglilinaw ni Dong, asaran lang talaga nila ‘yun Marian.

Samantala, magiging very visible nga si Dingdong sa buong 2023, meron siyang ‘Family Feud’ (Mondays to Fridays) at ‘Amazing Earth’ (every Saturday) at nagsimula na siyang mag-taping para sa primetime series na ‘Royal Blood’.

Ang soon magsisimula na siyang mag-host ng ‘The Voice Generations’ na ongoing na ang online audition. Abangan din sa The Sparkle Caravan sa Iloilo on May 13 at sa Davao on May 20. May audition din na gaganapin sa GMA Network Center on May 12.

Kuwento pa ni Dong, “may magandang sistema po ang GMA, where in nati-tape ko ang bawat isa. Kaya meron pa rin akong space in between, dahil mahalagang-mahalaga ang kalusugan.

“At higit sa lahat ang oras for the family at para makapagpahinga rin.

And surprisingly, kaya namang gawin dahil naka-spread naman po siya sa buong taon ang mangyayari.”

(ROHN ROMULO)

Ads April 25, 2023

Posted on: April 25th, 2023 by @peoplesbalita No Comments

First time na gumanap bilang isang bampira: ARA, ‘bininyagan’ ang apat na baguhang hunks

Posted on: April 25th, 2023 by @peoplesbalita No Comments

MASASABING si Ara Mina ang “nagbinyag” (pagdating sa acting) sa apat na mga baguhang bida na kasama niya sa pelikulang ‘Losers-1 Suckers- 0’ na streaming ngayon sa AQ Prime app.

Ang nasabing mga baguhan ay sina Jayden Bravo, Khiester Bernardino, Charles Temones at Bench Manalon.

“Well, ako naman talagang nakakatuwa kasi yung mga baguhan very supportive naman ako sa mga baguhan and lalo na nung first time na na-meet ko sila.

“At first naiilang sila pero I see to it na maging kumportable sila sa akin para hindi sila mailang.

“And I give some tips… kasi hindi naman kami masyadong matagal magkasama sa shooting and iyon, sabi ko basta kakayanin naman nila yan.

“And napanood naman natin talagang they have the potential pagdating sa akting.

“At tsaka actually normal na normal nga yung acting nila e, hindi yung talagang masasabing mong inakting.”

Sa pelikula ay unang beses gumanap ni Ara bilang isang bampira.

“Ang hirap magsalita, ang ganda ng ngipin, yung pangil,” pagbibiro ni Ara tungkol sa kanyang vampire prosthetics.

“Pero sa tagal ko sa industry ngayon lang ako naging vampire kasi naging taong ibon na ako, naging sirena na ako, so ngayon vampire.”

Gumanap sa GMA bilang taong-ibong si Vultra sa Mulawin noong 2004 si Ara at bilang sirenang si Dyesebel naman sa Darna ni Angel Locsin noong 2005.

“Na-excite ako nung sinabing vampire ako kasi talagang nanood ako before ng Interview With The Vampire.”

Tampok rin sa pelikula sina Yana Fuentes at Marcus Madrigal, sa direksyon ni Niokz Arcega.

Hiningan naman ng opinion si Ara tungkol sa future ng mga baguhang co-stars niya sa Loser-1 Suckers- 0.

“Actually tama si direk, kasi yung mga panahon nila Janno Gibbs, Ogie [Alcasid], ganyan, mga matitinik sa chicks, pero comedian, magaling umarte, wala ngayon sa generation ngayon.

“Kasi parang puro ngayon papogian, pa-hunk, pa-macho-han, di ba?

“So iyon yung wala sa generation ngayon which is talagang may potential ‘tong mga boys dito.

“So good luck, good luck boys, basta huwag lalaki ang ulo niyo,”

mensahe pa ni Ara kina Jayden, Khiester, Charles at Bench.

Samantala, mukhang sunud-sunod ang paggawa ni Ara ng pelikula; kakatapos lamang rin niya ng isang pelikula kasama si Ai Ai delas Alas at may isa pa siyang pelikula sa AQ Prime, ang Katok na isa ring horror film.

“Actually parang nalilinya ako sa horror kasi I’m doing another one also, yung Poon with Janice de Belen, Lotlot de Leon, Jaclyn Jose, with direk Adolf [Alix, Jr.]”

(ROMMEL L. GONZALES)

Bulacan, ipapatupad ang SEPO ng DENR, nagsagawa ng waterway clean-up activity sa Lungsod ng Meycauayan

Posted on: April 24th, 2023 by @peoplesbalita No Comments

LUNGSOD NG MALOLOS – Bilang bahagi ng komemorasyon ng Earth Day, nagsagawa ang Bulacan Environment and Natural Resources Office (BENRO) kasama a ng Provincial Environment and Natural Resources Office (PENRO) at iba pang mga kinatawan mula sa Bulacan Police Provincial Office (BPPO) at Bureau of Jail Management and Penology (BJMP) ng waterway clean-up activity sa Brgy. Ubihan, Lungsod ng Meycauayan, Bulacan kahapon.

Nakipag-ugnayan rin ang BENRO sa iba pang mga ahensiya kabilang na ang BPPO, National Bureau of Investigation (NBI), Criminal Investigation and Detection Group (CIDG), kasundaluhan at lahat ng mga municipal at city environment and natural resources offices sa lalawigan hinggil sa pagsasagawa ng Simultaneous Environmental Protection Operations (SEPO) ng DENR sa buong lalawigan.

Sa kanyang mensahe, pinaalalahanan ni Gobernador Daniel R. Fernando ang BENRO na unahin at protektahan ang kapaligiran, kaya naman regular nang isasagawa sa lalawigan ang SEPO upang makamit ang Mabiyayang Kalikasan at Malinis na Kapaligiran na kabilang sa People’s 10 Point Agenda.

“Hindi kayang protektahan ng kalikasan ang sarili nito. Dapat gawin ng mga tao, sa pangunguna ng gobyerno ang positibong aksyon upang protektahan ang kalikasan,” anang gobernador.

Bukod dito, kasama rin sa programa ng SEPO ang mga aktibidad sa pagpreserba ng kalikasan tulad ng paglilinis ng mga daluyan ng tubig, pagtatanim at pagpaparami ng mga puno, mineral hauling checking, quarry site inspection, pagbisita sa mga establisyimento, at iba pang kaugnay na mga aktibidad. (BISHOP JESUS “JEMBA” BASCO)

Baka magselos si Carmina: DINA, game na game na maka-partner si ZOREN

Posted on: April 24th, 2023 by @peoplesbalita No Comments

WALA si Dina Bonnevie sa pagsisimula sa ere ng ‘Abot Kamay Na Pangarap’ noong September 2022, karagdagan lamang nitong unang linggo ng Abril 2023 ang karakter niya bilang si Giselle Tanyag sa top-rating series ng GMA.

Nagkarooon ba ng thinking si Dina na sana, sa umpisa pa lang ay napasama na siya o masaya naman siya kahit bagong pasok lamang siya sa serye?

“Actually, happy na ako na nakasali na ako sa cast, it’s a very, very good cast, mahuhusay sila, it’s a very happy cast.

“And plus box-office director naman talaga si direk LA.

“Minsan nga naiisip ko sayang sana pala nung umpisa pa lang nandun na ako, pero okay lang kasi sabi nga ni Carmina hanggang 2028 pa kami,” ang pagbibiro ni Dina na tinutukoy ang sinabi ni Carmina Villarroel in a separate interview na hanggang 2028 extended ang kanilang programa sa GMA.

Nabanggit rin ni Carmina, nang natanong kung magge-guest ba ang mister niyang si Zoren Legaspi sa show, na maganda kung kay Dina ipareha si Zoren.

Ready ba si Dina kung sakaling sa kanya i-partner si Zoren?

“Okay lang, kaya lang baka magselos si Mina,” at muling tumawa si Dina.

Nang mapabilang siya sa cast ng ‘Abot Kamay Na Pangarap’, ano ang naging vibe kay Dina ng show na sa tingin niya ay dahilan kung bakit isang malaking tagumpay ito sa ratings game?

“Actually, pag tinatanong kung bakit very successful yung show, sa akin lang ha, sa mga nababasa ko sa script, tingin ko ang reason kaya maraming followers yung show is because number one, parang, ipinapakita niya sa mga tao na totoong abot kamay ang pangarap.

“Na kung may pangarap ka, makakamtan mo, magkaroon ka man ng maraming hadlang, kung naniniwala ka sa Diyos na ibibigay sa iyo, at lahat naman ginawa mo, bukod sa… kumbaga hinihintay mo na lang ang Diyos na pumayag sa gusto mo.

“Pero kailangan mo pa ring tulungan ang sarili mo, maabot mo e, parang there’s no reason para hindi mo makuha yung gusto mo, kung pagtatrabahuhan mo.

“And then if it’s God’s will di ba, yun lang ang hindi natin puwedeng baliin, kung gusto ni God or hindi, parang Siya pa din ang masusunod.

“Parang earthly father natin di ba, maaring humihingi tayo ng kotse pero hindi naman tayo marunong magmaneho, bakit sa iyo ibibigay ng tatay mo?

“Pero kung humingi ka ng kotse pero, ‘Dad marunong na akong magmaneho tsaka may lisensiya na ako’, di ba ibibigay sa iyo ng daddy mo?

“So parang ganun din, so sa tingin ko dito, yung mga members ng cast may iba’t-ibang pangarap.

“Hindi lang sila, pati yung mga nanonood may mga pangarap sila, so nakaka-identify sila na, ‘Wow tingnan mo si Lyneth, no read no write pero tingnan mo nakapagpatapos siya ng isang doktor’, di ba?”

Ginagampanan ni Carmina ang papel ni Lyneth Santos sa serye, samatalang si Jillian Ward naman ang anak niyang doktora na si Analyn Santos.

Ama ni Lyneth si RJ Tanyag na ginagampanan naman ni Richard Yap.

Ang ‘Abot Kamay Na Pangarap’ ay mula sa direksyon ni LA Madriejos at napapanood sa GMA Afternoon Prime.

(ROMMEL L. GONZALES)

DICT bukas sa extension ng SIM registration

Posted on: April 24th, 2023 by @peoplesbalita No Comments

BUKAS ang Department of Information and Communications Technology (DICT) na ma-extend ang araw ng deadline para sa SIM registration.

Sa April 26, Miyerkules na ang deadline ng SIM registration na itinakda ng National Telecommunication Commission (NTC)

Ayon kay DICT Secretary Ivan John Uy, sasalang siya sa isang pulong sa pagitan ng public telecommunications entities (PTEs) at iba pang stakeholders upang malaman kung bakit mahigit pa sa kalahati ng bilang ng mga subscribers ang patuloy na hindi nairerehistro ang kanilang SIM.

Anya, mas mainam na ma-extend ang deadline ng SIM registration upang mabigyan ng panahon ang mga subscriber na makakuha ng valid IDs na kailangan sa pagpaparehistro ng SIM.

Pero dapat munang malaman kung ano ba ang tunay na dahilan at hindi makapagparehisto ng kanilang SIM ang mga subscribers at saka dapat magtakda ng extension para rito.

‘Kahit mag-extend tayo, kung hindi natin ma-identify ‘yung gap… Hindi magiging effective ‘yung extension… Dapat pag-aralang mabuti tignan ang problema,” sabi ni Uy.

Nitong April 20, 2023, may kabuuang 76,927,923 subscribers ang nagparehistro ng kanilang SIM o may kabuuang 45% lamang ng 168 million subscriber sa buong bansa.

Sa ilalim ng SIM Card Registration Act, ang mga subscibers ay may 180 days mula sa effectivity ng batas bago mairehistro ang kanilang SIM card o hanggang April 26, 2023.

Manila Water, public at private sector kapit-bisig sa pagdiriwang sa Earth Day

Posted on: April 24th, 2023 by @peoplesbalita No Comments

MAGKASAMANG ipinagdiwang ng Manila Water at mga partners sa public at private sectors ang Earth Day sa pamamagitan ng pagsasagawa ng hike at bike para sa kalikasan.

Ang Earth Day na ipinagdiriwang tuwing April 22 ng bawat taon, ang Manila Water kasama ang kanilang partners ay nagsama sama ulit sa La Mesa Nature Reserve sa Quezon City para sa ikalawang taong pagsasagawa ng Lakbay Kalikasan: Hike and Bike for Nature.

May 120 participants ang nakiisa sa aktibidad na nagmula sa government at private sectors, hiking at biking enthusiasts gayundin ang publiko na nakiisa sa pangangalaga sa kapaligiran at kalikasan sa pamamagitan ng pag-adopt at pagmamantine ng mga puno sa loob ng La Mesa Nature Reserve.

Tampok sa hiking activity ang 4.5 hanggang 6-kilometer trail sa biodiversity sa loob ng La Mesa Nature Reserve habang ang biking activity ng mga cyclists ay sa scenic 9-kilometer trail ng watershed area.

Ang aktibidad ay bahagi ng hakbang ng Manila Water para sa pagpapanatili ng kanilang operasyon. Layunin ng Manila Water na maibsan ang environmental degradation sa pamamagitan ng pangangalaga sa likas na yaman at pangangalaga sa watershed areas at responsableng paglilinis ng raw water at wastewater at iba pa.

Dahil sa maayos na paggamit ng natural resources at materyales, ang Manila Water ay nanatiling may lowest average NRW levels sa lahat ng mga bansa sa Asya na may rate na 12.69% noong 022. Ang kumpanya ay naka recover ng 1.083 million cubic meters (mcm) backwash sa pamamagitan ng Water Efficiency Program. (Daris Jose)

Magalong sinopla si Abalos sa P6.7 bilyong shabu ‘cover-up’

Posted on: April 24th, 2023 by @peoplesbalita No Comments

TILA kinontra ni Baguio City Mayor Benjamin Magalong ang alegasyon ni Interior and Local Government Secretary Benhur Abalos na may “cover-up” o tinangkang pagtakpan ang P6.7 billion drug haul sa Manila noong 2022.

Inihayag ito ni Magalong kasunod ng iprinisinta ni Abalos na CCTV footage kung saan makikita umano na dalawang opisyal at ilang tauhan ng PNP-Drug Enforcement Group ang nagtangkang iligtas si Police Master Sgt. Rodolfo Mayo, Jr.

Sinabi ni Magalong na personal niya itong sinuri at walang nakitang indikasyon na sinubukan ng liderato ng Philippine National Police (PNP) na iligtas ang mga pulis na sangkot sa nakumpiskang halos isang toneladang shabu.

“Personally, I would say that if there’s anyone standing on moral ground in the PNP, that would be the PNP chief (General Rodolfo Azurin, Jr.), same with General (Narciso) Domingo, and General “Benjamin) Santos,” ani Magalong.

Si Domingo ang pinuno ng PNP-Drug Enforcement Group nang isagawa ang operasyon na nagresulta sa pagkakaaresto kay Mayo at pagkakasamsam ng 990 kilo ng shabu. Si Santos naman ang deputy chief for Operations ng PNP.

“We know the details (of the Manila anti-illegal drugs) operation. And as far as the Chief PNP is concerned, I am confident that he is standing on moral ground. There was no cover-up and I am certain of it, definitely,” giit ni Magalong.

Alam umano ni Azurin ang desisyon na gamitin si Mayo para makuha ang mas maraming droga subalit kalaunan ay ipinag-utos na bantayan ang huli dahil sa takot na mapatay, at sinabing hawak ni Mayo ang susi para matukoy ang kanyang backers.

Bahagi umano ito ng tactical move para masabat ang mas maraming illegal drugs nang sabihin umano ni Mayo na mayroong halos isang toneladang shabu sa isang warehouse sa Pasig City.

Wala namang nakikitang mali si Magalong sa desisyon, at sinabing ang layunin ay makumpiska ang mas maraming iligal na droga.

Ibinase niya sa pagsusuri sa sitwasyon at diskusyon kay Azurin ang paniniwala na walang cover-up sa panig ni Domingo at ng Chief PNP.

“Very intense rin ‘yung aming interview at ako definitely I would say walang cover-up on the part of the Chief PNP, same with Gen. Domingo, walang cover-up ‘yun,” wika niya.

Si Magalong na isang police general at kilala sa kanyang investigative skills ang nanguna sa imbestigasyon ng Mamapasano encounter na nagresulta sa pagkamatay ng 44 police commandos.

Kasalukuyan itong miyembro ng five-man advisory group na bumubusisi sa pagkakasangkot ng PNP third level officer-mula Colonels hanggang Generals sa illegal drugs trade. (Daris Jose)