ANG bongga naman nang inukit na Voltes V figure ng dating sexy actor na si Leandro Baldemor na pinost niya ang finish product sa kanyang Facebook na punum-puno ng detalye.

Ayon kay Leandro nasa 5’2” ang taas nasabing figure na pinagawa ng isang Voltes V collector, na humigit-kumulang ay dalawa’t kalahating buwan na ginawa nila.

Kuwento ng aktor na may matinding proseso na pagdaraanan muna ang kahoy.

Sa tsikahan namin noong Hunyo 3, Sabado sa Obras de Paete gallery niya sa Paete, Laguna.

“Pagka-block ko sa kahoy, ipinorma naming maigi yung posisyon ni Voltes V. Kasi, hindi basta inukit, e.

“Makikita mo, naka-action siya, e. May dala siyang sword.

“Maraming proseso yun kung paano mong mabubuo nang maayos. Tapos, ang ginawa namin, pagkakuha dun sa styro, ipe-papier-mache para hindi matutuklap yung styro.

“Naka-papier-mache siya, tapos habang inuukit yan, nakaporma siya diyan. Para lahat ng scaling dun sa styro, lahat ng sukat, mapoporma na sa kahoy.

“So mas madaling proseso. Yun nga lang, medyo mahaba pero mas smooth yung takbo. Kasi mas matigas yung kahoy. Kung doon ka mag-a-adjust nang mag-a-adjust, mas mahirap.

“Ngayon, in-adjust muna namin sa styro para kung makapal, kung manipis, nandun na lahat. Pag kumpleto na siya, saka namin inukit sa kahoy, sa kamagong.”

Lumang kahoy yung kamagong na ginamit niya sa pag-ukit kay Voltes V.

Sabi pa niya, “Stock ko yun, e. Pag may nagbebenta sa akin ng mga old wood na kamagong, bili ako!”

“Narra. Kasi, ang mga ibinebenta ngayong narra, mga bata pa. So mangyari, dapat ang narra, pula lang.

“Pag may nagbebenta, bili ako sa tamang presyo. Stock-stock lang yan para halimbawa may special na gustong magpaukit, o di maganda yung kahoy na iano mo sa kanya.

Nakita namin sa bahay niya ang mga sample vintage lamp posts, na kung saan na nakakuha siya ng kontrata na ilalagay sa kahabaan ilang lugar sa Laguna, tulad ng Pagsanjan hanggang Luisiana.

Sa ngayon ay nakakontrata siyang mag-deliver ng 100+ vintage lampposts na mas malalaki kesa sa lampposts ng Jones Bridge sa Manila.

Pero kahit kilala na si Leandro bilang mang-uukit, ‘di pa rin niya maiwan ang showbiz.

“Hinahanap ko nung una, ayaw ko magpaka-impokrito, kailangan ko ng showbiz dahil sa… iba na kasi ngayon ang kliyente.

“Ang kliyente ngayon hindi na pupuntahan ang shop mo most of the time, kung ‘di ka nila makikita.

“Pag siyempre artista ka, nakilala ‘yung page mo, kaya yung page ko 30K followers na yan, ‘yung Paete Handicraft by Leandro Baldemor.

“Pag kasi artista ka, tatawagan ka sa telepono, ‘di ba ikaw si Leandro’ papakilala ka na para break agad yung ice, tiwala, ok na agad so malaking bagay ‘yung active ka sa showbiz kasi alam nilang may hahabulin sila,” kuwento pa niya

May dalawa siyang teleserye na gagawin sa GMA 7. Yung isa with Jillian Ward na kukunan partly sa South Korea and hopefully matuloy siya sa isa pang serye na magtatambal ang dalawang bigating Kapuso stars.

(ROHN ROMULO)

PINAG-UUSAPAN lalo na nang magpaalam na nga ang TVJ na sina Tito Sotto, Vic Sotto at Joey de Leon sa 43 years nilang noontime show na “Eat Bulaga” noong May 31.

Nasundan pa ito ng mass resignation naman ng halos lahat ng host at staff ng show.

Naiwan ang TAPE Incorporated ni Romeo Jalosjos.

Sa ngayon, dalawang araw na replay ang napapanood sa ‘Eat Bulaga’. Balitang sa TV5 kunsaan, ang magiging producer ay si Cong. Albee Benitez daw ang magba-blocktimer sa kanila. 

May chika rin sa amin na dalawang Linggo raw pinagpapahinga muna ang ibang staff pa na naiwan (yes meron pa rin naman daw naiwan!) at ibang host tulad nina Carren Eistrup… so, parang 2 weeks na replay?

Pero ang latest na nasagap namin at aabangan namin kung totoo nga, ngayong Sabado, live na raw ang Eat Bulaga with a new set of host.  

And yes, katulad ng mga kumakalat na balita, most of them are Sparkle artists.

So, abangan….

Mukhang mahaba-habang “serye” pa ito dahil kino-contest pa rin ng TVJ na ang title ng show ay makuha nila.

***

NAGING special guest ng ‘Marites University’ na napapanood sa YouTube ang Star For All Season na si Ms. Vilma Santos.  

Ang dami niyang chika na nakakatuwa talaga at iba talaga kapag mga veteran stars ang kausap tulad ni Ate Vi.

After seven years, ngayon na lang sila muling nagkasama sa pelikula ng kanyang “ka-loveteam” na si Christopher de Leon at sey nga niya, ‘yung chemistry raw talaga sa kanila na hindi naman naaaral, talagang nando’n.

Light drama ang kanilang reunion movie na “When I Met You in Tokyo” na ang theme song ay ang kanta ng Apo Hiking Society na “When I Met You.”  

Masaya rin si Ate Vi na after ilang decades in the industry, heto’t talagang nakaka-adapt siya sa social media era. Talagang pina-follow at masasabing isa sa well-loved social media personality na rin si Ate Vi ngayon na ang Tiktok dance nga niya ay umabot na sa halos 8 million views.

Kuwento niya, ang pagsasayaw naman talaga ang isa sa paborito niyang ginagawa. Na kahit daw noong pandemic na minsan nagkaka-anxiety siya, sinasayaw lang daw niya at ito ang nakatulong din sa kanya to ease the anxiety na dulot ng pandemic. 

Lalo na nga naman during that time, ilan din sa mga kakilala at kaibigan niya ang nawala.

Abangan na lang sa YouTube ang kabuuang interview na ito ng Marites University kay Ate Vi.

(ROSE GARCIA)