• July 5, 2024
  • Search in People's Balita

  • Ang Diyaryong Pinagkakatiwalaan

 

Archive for August, 2023

P50 MILYONG PONDO IPINAG-KALOOB SA 10 OSPITAL SA LUNGSOD QUEZON

Posted on: August 4th, 2023 by @peoplesbalita No Comments

SAMPUNG ospital sa Lungsod Quezon ang pinagkalooban ng P50-milyong pondo sa ilalim ng medical access program (MAP) ni Senador Joel Villanueva nitong Miyerkules.

 

 

Sa kanyang talumpati, sinabi ni Quezon City Mayor Belmonte “Ito ay talagang maliwanag na indikasyon ng kanilang unwavering commitment para matulungan ang buhay ng mga Pilipino.”

 

 

Ang punong ehekutibo ng Lungsod Quezon ay nagpahayag ng kanyang buong-pusong pasasalamat at pagkilala kay Senador Villanueva para sa P50-million pondo para sa medical access program para sa sampung ospital na matatagpuan sa siyudad.

 

 

“Kumpiyansa ako na malaking bahagi ng ating mga mamamayan ang makikinabang sa programang ito,” sabi ni Mayor Belmonte.

 

 

Sa kanyang panig, sinabi ni Villanueva na “sa lahat ng propesyon sa mundong ito, ang inyong propesyon sa inyo ako bilib na bilib.”

 

 

Dinagdag nya na ang mga health practitioners ay kailangang pag-aralang mabuti at asahan ang lahat ng scenarios ng kundisyon ng kalusugan ng isang pasyente bago isakatuparan ang kanilang tungkulin. “Sa kasalukuyan, 40 porsyento ang coverage ng PhilHealth (Philippine Health Insurance Corporation) sa ilalim ng Universal Health Care Act. Ang status po, binabalikat pa rin ng mga Pilipino ang 60 percent o mas malaki “out of pocket” ang ginagastos sa kanilang pangangailangang medikal,” sabi ni Villanueca.

 

 

Ayon kay Senate Majority Leader, ang Senado ay masigabong nagtatrabaho ngayon para maitaas sa mas mahigit 40 porsyento ang health coverage ng PhilHealth para sa mga Pilipino.

 

 

“Ang pondong ito ay magsilbing martilyo at chisel sa pagtulong nyo sa mga nangangailangang Pilipino,” sabi ni Villanueva.

 

 

Matatandaang si Villanueva ang pangunahing may-akda ng “Doktor para sa Bayan Act”.

 

 

Ang paglagda ng Memorandum of Agreement (MOA) sa pagitan ng Department of Health (DOH) at ng sampung ospital na matatagpuan sa Lungsod Quezon ay ginanap sa ika-labinlimang palapag ng High Rise Building ng Bulwagan ng Lungsod Quezon.

 

 

Sina Belmonte, Villanueva at DOH National Capital Region Regional Director Annie Sudiacal ay sumaksi at dumalo sa paglagda ng MOA at seremonya ng pagkakaloob, ayon sa pagkakasunod-sunod.

 

 

Ang sampung benepisaryong ospital na tumanggap ng tig-P5 milyong tseke kada isa ay ang East Avenue Memorial Medical Center, Lung Center of the Philippines, National Children’s Hospital, National Kidney and Transplant Institute, Philippine Children’s Medical Center, Philippine Heart Center, Philippine Orthopedic Center, Quezon City General Hospital, Quirino Memorial Medical Center, at Veterans Memorial Medical Center. (PAUL JOHN REYES)

Nagugutom sumipa sa 10.4% sa nakalipas na 3 buwan — SWS

Posted on: August 4th, 2023 by @peoplesbalita No Comments

LUMOBO  lalo ang bilang ng mga pamilyang Pilipinong nagsasabing nakaranas sila ng kawalang pagkain. Ito’y sa kabila ng pangako ni Pangulong Ferdinand Marcos Jr. na susugpuin ng gobyerno ang kagutuman.

 

 

Ito ay matapos i-survey ng Social Weather Stations ang nasa 1,500 respondents mula sa Metro Manila, Luzon, Visayas at Mindanao bago magtapos ang Hunyo gamit ang harapang panayam.

 

 

“The national Social Weather Survey of June 28-July 1, 2023, found that 10.4% of Filipino families experienced involuntary hunger — being hungry and not having anything to eat — at least once in the past three months,” wika ng SWS nitong Miyerkules.

 

 

“The June 2023 Hunger figure was higher than the 9.8% in March 2023. However, it was lower than the 11.8% in December 2022.”

 

 

Ang naturang self-rated hunger rate ay suma ng pinagsamang mga datos na ito:

moderate hunger: 8.3%

severe hunger: 2.1%

 

 

Tumutukoy ang “moderate hunger” sa mga nakaranas ng gutom nang isang beses o minsanan, habang ang “severe hunger” ay tumutukoy sa mga madalas o palaging gutom.

 

 

Nangyayari ito sa kabila ng sinabi ni Pangulong Marcos na nakatulong sa 1.8 milyong pamilya ng mahigit 7,000 Kadiwa stores na itinayo ng gobyerno para makapaglako ng mas murang pagkain, bagay na nailalagay ngayon sa kontrobersiya dahil sa diumano’y anomalya sa pinagkunan ng mga ibinebenta ritong produkto.

 

 

Tumaas ng poryento ng kagutuman sa Metro Manila at Balance Luzon. Taliwas ito sa kinalabasan sa Mindanao kung saan nagkaroon ng pagbaba.

Thankful na nakasama sa top-rating afternoon series: ALLEN, bumili ng pick-up truck para may remembrance

Posted on: August 4th, 2023 by @peoplesbalita No Comments

THANKFUL ang mahusay na actor na si Allen Dizon na naging part siya ng cast ng top-rating GMA Afternoon drama series na “Abot-Kamay na Pangarap”, na kung saan gumaganap siya bilang katambal si Carmina Villarroel.

 

 

 

Nakabili siya ng Toyota Hilux pick-up truck, mula sa talent fee niya, para raw may remembrance sa drama series.

 

 

 

Sa San Fernando, Pampanga na pala nakatira si Allen and his family, at lumuluwas lamang siya ng Manila para sa showbiz commitments niya. Every Monday, Tuesday, Thursday at Friday ang taping niya ng serye at para makatipid si Allen sa oras at gasoline, nagtsi-check in na lamang siya sa hotel kapag may taping, na may permiso siya ng kanyang wifey.

 

 

 

Ang “Abot-Kamay na Pangarap” ay napapanood Monday to Saturday, 2:30 PM, after “Eat Bulaga.”

 

 

 

***

 

 

 

MARAMING nagtatanong, especially ang fans ng mag-sweetheart, kung okey kay Jak Roberto na ka-loveteam ni Barbie Forteza, ang Kapuso actor na si David Licauco?

 

 

 

Sagot ni Jak sa isang interview: “I’m thankful na successful ang love team nila at maganda ang pagtanggap ng mga tao sa kanila, at ako rin, supportive sa kanilang dalawa.”

 

 

 

Six years na ang relasyon nila ni Barbie at walang problema, suportahan daw sila sa gusto at pa ngarap ng bawat isa.

 

 

 

“Ayun, happy at very supportive si Madam (Barbie) everytime na magkasama kami sa show, sa lahat, happy rin ako for her, supportive ako sa lahat ng achievements niya at marami kaming nilu-look forward ngayong darating na taon.”

 

 

Hindi ba nagseselos si Jak?

 

 

“Walang na selos, go lang! Professional lang tayo, trabaho lang!”

 

 

Walang kaso kay Jak na may ibang ka-loveteam ang girlfriend dahil parte iyon ng trabaho nila bilang mga celebrities. Maaari raw ang fans ang naapektuhan, pero hindi niya pinipersonal ang pagtatambal nina Barbie at David. Muling magtatambal sina Barbie at David sa upcoming GMA Primetime series, ang remake ng movie na “Maging Sino Ka Man” nina Megastar Sharon Cuneta at Robin Padilla.

 

 

 

Si Jak naman ay nasa cast ng malapit ng ipalabas sa GMA Afternoon series na “Missing Husband” nina Yasmien Kurdi at Rocco Nacino.

 

 

(NORA V. CALDERON)

Kaya one teleserye na lang in a year: KATRINA, hinangaan sa desisyon na tutukan ang anak na may ‘mild autism’

Posted on: August 4th, 2023 by @peoplesbalita No Comments

MARAMI ang humanga sa sinabi ni Katrina Halili na mas importante sa kanya ang maalagaan ang kanyang anak kesa sa tumanggap siya ng sunud-sunod na trabaho.

 

 

 

Na-diagnose ang unica hija ni Katrina na si Katie with ASD o autism spectrum disorder, isang “neurological and developmental disorder that affects how people interact with others, communicate, learn, and behave.”

 

 

 

Sey ni Katrina: “Sabi ng doctor, kailangan ko na siyang tutukan hanggang mag-12 kasi baka lumala, pero nasa mild lang naman po siya. During the pandemic, na-realize ko na wala akong time sa anak ko simula noong ipinanganak ko siya dahil after ng show, dire-diretso.

 

 

 

“Kaya ang gagawin ko ay one teleserye na lang a year. Mas gusto kong matutukan ang anak ko. Kagaya ako ng nanay ko, sobrang strict, sobrang protective at ganoon ako sa anak ko ngayon.”

 

 

 

Sa Earth School sa El Nido, Palawan pinasok ni Katrina si Katie para maturuan daw ito na maging independent, magtanim at maglakad sa kagubatan

 

 

 

Dasal ni Katrina para sa anak na maging isang mabuting tao at may takot sa Diyos.

 

 

 

Ang tumutulong daw kay Katrina sa pag-alaga kay Katie ay ang kanyang current boyfriend.

 

 

 

“Siya ‘yung mas nagtuturo sa akin, kasi stubborn ako, ‘di ba? Stubborn din ‘yung anak ko. So medyo mahirap kaming dalawa, minsan nawawalan ako ng pasensiya, siya ‘yung mas kalmado.

 

 

 

“Tinutulungan niya ako talaga. Siya ‘yung mag-uusap, siya ‘yung kakausapin ako, kakausapin niya ‘yung anak ko,” sey ni Katrina na mapapanood sa teleserye na ‘Black Rider’.

 

 

 

***

 

 

 

NAGPAPASALAMAT si Bianca Umali sa mainit na pagtanggap sa kanya noong mag-opening number siya sa noontime show na ‘It’s Showtime’.

 

 

 

Isang sexy dance production number ang ginawa nila Bianca na gamit ang song ni Ariana Grande na ‘Dangerous Woman’. Suot niya ay leather crop top, leather shorts, at thigh-high leather boots.

 

 

 

Hindi napigilan ni Vice Ganda na purihin ang pasabog ni Bianca sa opening number.

 

 

 

“I’m sure maraming madlang people ang naka-appreciate ng prod mo. Ang galing mo and ang ganda mo! Lahat kami happy dito. Hindi lang mga cameramen, kaming mga staff, mga host!”

 

 

 

Napansin din ni Vice na punung-puno rin ng energy ang kanilang camera men sa studio. Panay raw ang close-up nila kay Bianca habang sumasayaw ito. Hindi raw nila ginagawa iyon sa kanya sa tagal nang pagtrabaho nila sa show.

 

 

 

Hirit ni Vice: “Parang close na close mo yung mga cameramen. Close-up na close-up! Fourteen years na ako dito, apat lang ang close-up ko. Kasi yung mga cameramen namin inspired kapag nakakakita sila ng maganda. ‘Yung mukha ko, andami nag-resign dahil sa mukha ko. Pero sa mukha mo, andami pumasok nang maaga!”

 

 

 

Sa Instagram ni Bianca, pinost niya ay: “Muchas gracias, Madlang Kapuso @itsshowtimena”.

 

 

 

Natuwa rin si Bianca na nakilala niya ng personal sina Vice, Kim Chiu at Vhong Navarro.

 

 

 

Sunud-sunod ang mga Kapuso stars na nagiging guest sa ‘It’s Showtime’ at nakiki-madlang pipol sa mga host tulad nila Barbie Forteza, Sanya Lopez at Ken Chan.

 

 

 

***

 

 

 

NAIPANALO ni Taylor Swift ang kinaso sa kanya ng isang nagngangalang Teresa La Dart na copyright lawsuit.

 

 

 

Kine-claim ni Dart na kinopya raw ni Taylor ang “number of creative elements from her 2010 book titled Lover.”

 

 

 

Pero nung magharap ang lawyers nila sa Tennessee federal court, nagdesisyon na i-drop ni Dart ang kaso.

 

 

 

Tinawag ng lawyers ni Taylor ang kaso na “legally and factually baseless” and “never should have been filed.”

 

 

 

Kung tinuloy daw ni Dart ang kaso, matatalo raw ito at uutusan pa siya ng judge ns bayaran ang legal bills ni Taylor na magkakahalaga ng libu-libong dolyares.

 

 

 

Noong August 2022 sinampahan ng kaso ni Dart si Taylor dahil sa nilabas ng singer na Lover book, isang 120 pages of personal diary entries, accompanied by photos na isang special edition book para sa 2019 album na Lover.

 

 

(RUEL J. MENDOZA)

Gobyerno, hahanap ng paraan para protektahan ang kabuhayan ng tobacco farmers— PBBM

Posted on: August 4th, 2023 by @peoplesbalita No Comments

SINABI ni Pangulong Ferdinand Marcos Jr. na dapat na humanap ng paraan ang pamahalaan para protektahan ang kabuhayan ng mga tobacco farmers sa bansa.

 

 

Ito’y bunsod na rin ng makabuluhang  tax revenues mula sa tobacco industry.

 

 

Ito ang binigyang diin ni Pangulong Marcos sa kanyang naging mensahe sa idinaos na International Tobacco Agricultural Summit, araw ng Miyerkules na binasa ng kanyang pamangkin na si Ilocos Norte  Governor Matthew J. Marcos Manotoc.

 

 

Sa nakalipas na taon ayon sa Pangulo, mayroong  malaking pagbabago sa “health policies” na nakaapekto sa tobacco industry.

 

 

“As such, we must seek ways to protect the livelihood of thousands of our tobacco farmers. Hence, this summit is a good opportunity to discuss strategies to innovate the industry in ways that safeguard the wellbeing of people and the environment,” dagdag na wika nito.

 

 

Giit pa ng Punong Ehekutibo na ang tobacco industry ay naging “a vibrant catalyst for economic growth in the country,”  lalo na sa mga bahagi ng Northern Luzon at Mindanao.

 

 

“For many of our people, it is an indispensable bedrock that generates income, livelihood, opportunities, and employment, particularly in areas where its cultivation spans generations and holds pivotal significance in the way of life of its communities. It is a significant source of tax revenues that are used to fund government programs,” litaniya nito.

 

 

Umaasa naman ang Pangulo na ang mga ideya at  “best practices” na ibabahagi sa summit ay magagamit ng gobyerno sa pagbuo ng mga hakbang na magpo- promote ng responsableng  “agricultural practices, tiyak na hanapbuhay at kabuhayan para sa mga tobacco farmers, at tugunan ang requirements o kinakailangan para sa  food security.

 

 

Samantala, hinikayat naman ng Pangulo ang  Department of Agriculture (DA), National Tobacco Administration (NTA),  academe, at pribadong sektor na magsaliksik ng iba pang pananim na maaaring tumubo at lumago katabi o kasama ng tobacco, upang sa gayon ay makapag-ambag din ito sa layunin ng administrasyon na  food security.

 

 

Sinabi ng Pangulo sa mga ito na “to keep exploring and engaging in profound, future-driven discussions’ na makatutulong sa  tobacco farming at allied industries nito. (Daris Jose)

DISCLAIMER

Posted on: August 4th, 2023 by @peoplesbalita No Comments

Notice is hereby given that our company disclaims the existence of any paid advertisement in our newspaper relating to a “Notice to the Public” against Jamaica Casano Diaz that even included the name of FPG Insurance Corporation, Inc.  We also disclaim any relationship or association with a certain “Nathaniel Grande”, the alleged author of the email regarding said “Notice to the Public”, in any capacity whatsoever. We have no knowledge whatsoever of who sent the subject email which even contained a fictitious email address of peoples.balitadaily00@gmail.com and a fictitious office address of No. 6  21st Avenue, Country Club Road, Baguio City, which clearly are not our company’s official email address and office address.

 

This disclaimer is being issued to formally clarify the circumstances surrounding the email of “Nathaniel Grande” and to properly inform the readers of our newspaper.

(PEOPLE’S BALITA)

P1.4-B Panukalang budget para sa mga ‘biyahe’ ni PBBM sa 2024 , binigyang katwiran ng DBM

Posted on: August 4th, 2023 by @peoplesbalita No Comments

BINIGYANG katwiran ni Budget Secretary Amenah Pangandaman  ang  mahigit sa P1.4 bilyong alokasyon para sa local at foreign missions ng Office of the President (OP) para sa susunod na taon.

 

 

Sa press briefing sa Malakanyang, ipinaliwanag ni Pangandaman ang pagtaas sa budget para sa foreign trips ni Pangulong Ferdinand  Marcos Jr. para sa susunod na taon.

 

 

Sinabi ng Kalihim na wala siyang nakikitang masama at mali sa panukalang  P1,408,894,000 para sa mga byahe ng Pangulo lalo pa’t kung ito’y kapaki-pakinabang sa bansa.

 

 

“‘Yung travel po ng Presidente, dalawa pong klase ‘yan. Mayroon pong state visit that they invite you and then meron din po ‘yung mga investment roadshow. When I was asked previously po doon sa SONA kung ano po sa tingin ko ang nagawa this administration in such a short time, I think to bring us back to the map of a investment hub and opportunity for other countries,”  ayon kay Pangandaman.

 

 

“Kami po hindi lang ang Presidente, even the economic managers, if you will notice po, we’ve been going out of the country to present the Philippines as an investment hub po so I think ‘yung expenses po ng travel as long as it will be beneficial and mas may advantage po para sa bansa natin, I think okay lang po ‘yun, it’s justified,” dagdag na wika nito.

 

 

Matatandaang, taong 2022, bumiyahe si Pangulong Marcos sa mga bansang  Indonesia, Singapore, at China para sa state visits; dumalo sa  United Nations General Assembly sa New York; at nagpartisipa sa ASEAN summit sa Cambodia.

 

 

Nagpunta rin ang Pangulo sa  Thailand noong nakaraang Nobyembre para sa APEC 2022 at sa  Brussels, Belgium para sa EU-ASEAN Summit.

 

 

Bumiyahe rin ang Chief Executive sa Davos, Switzerland para sa World Economic Forum at nagkaroon ng  official visit sa Tokyo, Japan ngayong taon.

 

 

Kapalit nito ay nakapagbulsa naman ang Pangulo ng $1.3 bilyong halaga ng investment pledges sa kanyang  official visit sa Estados Unidos noong Mayo.

 

 

Dumalo rin ang Pangulo sa ASEAN Summit sa Indonesia at state visit sa Malaysia.

 

 

Samantala, dinepensahan naman mismo ni Pangulong Marcos ang kanyang byahe sa ibang bansa, sabay sabing makapanghihikayat ito ng mas maraming foreign investors para sa Pilipinas. (Daris Jose)

Gobyerno, inilaan ang P9.2 billion para sa confi, intel funds sa 2024

Posted on: August 4th, 2023 by @peoplesbalita No Comments

TINATAYANG may P9.2 billion ang inilaan para sa confidential at intelligence funds para sa mga ahensiya ng gobyerno para sa fiscal year 2024.

 

 

“For 2024, the confidential fund — this is across all agencies — is P4.3 billion, and the intel is P4.9 billion, and I think the amount is the same as 2023 level, almost the same,” ayon kay Budget Secretary Amenah Pangandaman.

 

 

“Broken down, among the biggest allotments are those for the Office of the President with P4.5 billion, followed by the Department of National Defense (DND) with P1.7 billion, the Office of the Vice President with P500 million, and the Department of Education (DepEd) with P150 million,” ayon sa DBM.

 

 

“Alam niyo po, ‘yung confidential and intel funds, meron naman pong guidelines ‘yan from COA (Commission on Audit) on how to use the funds,” ayon sa Kalihim.

 

 

“Hindi naman po siya budget na pagkabigay, they can disburse it and use it, meron din pong dokumento na sina-submit po sa COA then may breakdown din po ‘yan when we request the budget, so there’s full transparency when we request for these funds” dagdag na wika nito.

 

 

Ang pigura ay ibinahagi ng Kalihim sa isinagawang  turnover ceremony ng  P5.768-trillion National Expenditure Program (NEP) for 2024 sa Mababang Kapulungan ng Kongreso.

 

 

Ang nasabing panukala ay sumasalamin sa 9.5% na pagtaas mula sa  appropriations ngayong taon.

 

 

Nakasaad  sa  general provisions section  ng nakalipas na  NEP na ang  intelligence funds ay iyong “related to intelligence information gathering activities of uniformed and military personnel, and intelligence practitioners” mayroong direktang epekto sa national security.

 

 

Samantala, ang confidential funds ay iyong  “related to surveillance activities in civilian government agencies that are intended to support the mandate or operations of the agency.”

 

 

“The proposed national budget for FY 2024 shall continue to prioritize expenditure items that promote social and economic transformation through infrastructure development, food security, digital transformation, and human capital development,” ayon naman sa kalatas ng DBM.  (Daris Jose)

Atas ng DSWD sa mga regional director: Bilisan ang pagpapalabas ng food packs

Posted on: August 4th, 2023 by @peoplesbalita No Comments

SINABIHAN ni Department of Social Welfare and Development (DSWD) Secretary Rex Gatchalian ang mga regional director na bilisan ang pamamahagi ng  relief packs sa mga lugar na apektado ng kamakailan lamang na bagyo at Habagat. 

 

 

Ani Gatchalian, nagpalabas ang  National Resource Operations Center (NROC) ng libo-libong kahon ng family food packs (FFPs) sa nakalipas na dalawang araw.

 

 

“I hope all the RDs are allocating these and releasing them as fast as NROC. And we hope that the stakeholders get them fast. The goods should not sleep in our warehouses,” ayon kay Gatchalian.

 

 

Sinabi ng mga regional director,  mamamahagi sila ng mga relief goods alinsunod sa delivery plan na dinisenyo ng  DSWD Disaster Response and Management Group.

 

 

Batay sa pinakabagong data mula sa  National Disaster Risk Reduction and Management Council (NDRRMC), makikita na ang death toll mula sa pinagsamang  epekto ng Southwest Monsoon o Habagat at  Typhoon Egay  ay umakyat sa 27 “as of August 2.”

 

 

Tinatayang mahigit sa 2.8 milyong katao, o 765,000 pamilya ang apektado ng  tuloy-tuloy na pag-ulan at pagbaha sa 4,646 barangay sa buong bansa.  Sa nasabing bilang, may 289,713 indibiduwal ang na-displaced at inilipat sa 677 evacuation centers.

 

 

Idineklara naman ang state of calamity sa 154 lugar sa bansa dahil sa epekto ng Egay at Habagat. Ang mga lungsod at munisipalidad ay matatagpuan sa  Ilocos Region,  Cagayan Valley, Central Luzon, Calabarzon, Mimaropa, at  Cordillera Administrative Region.

 

 

Ayon sa NDRRMC, 595 lugar ang nananatiling baha “as of Wednesday.”

 

 

Tinatayang  P187.4 milyong halaga ng tulong ang ibinigay sa mga apektadong rehiyon.  (Daris Jose)

LRT-Cavite Extension Phase 1 88% ng tapos

Posted on: August 4th, 2023 by @peoplesbalita No Comments

NAGTALA ng 88 porsiento completion ang Light Rail Transit Line 1 Cavite Extension Phase 1 matapos ang kalahating taon ng 2023 ng konstruksyon.

 

 

Ito ay ayon sa pribadong operator ng LRT Line 1 na Light Rail Manila Corp. (LRMC) kung saan sinabi na optimistic sila na matatapos ang proyekto sa darating na fourth quarter ng 2024.

 

 

“The significant progress is attributed to the completed design works, nearly completed procurement processes, ongoing construction works, and testing and commissioning,” wika ng LRMC.

 

 

Ang unang bahagi ay may 6.7 kilometro mula sa kabuohang 11 km-extension na Cavite Extension. Ito ay binubuo ng limang (5) estasyon na sa ngayon ay may iba ibang stages ng development tulad ng ongoing works ng civil works at structural, structural steel, architectural, mechanical, electrical, plumbing at fire protection.

 

 

Sa istasyon ng Redemptorist na siyang istasyon pagkatapos ng Baclaran south bound ay nakapagtala ng 59.8 porsientong kumpleto. Ang konstruksyon ay tinampok ang paglalagay ng roof sheeting at escalator.

 

 

Habang ang istasyon ng MIA na siyang pinakamalapit sa airport ay may naitalang 66.8 porsiento ng tapos. Sa ngayon ay naglalagay na ng roof sheeting at fire pump.

 

 

Kasunod ay ang istasyon sa Asia World na ikokonekta sa Paranaque Integrated Terminal Exchange (PITX) upang magkaron ng mas convenient na paglalakbay ng mga pasahero papunta sa ibang modes ng transportasyon papunta sa kanilang mga destinasyon ay may naitalang 54.6 porsiento ng tapos. Natapos na ang paglalagay ng footbridge steelwork.

 

 

Ang istasyon sa Ninoy Aquino ay may naitalang 59.3 porsientong tapos kung saan may roof guttering, architectural builder works, equipment installation sa mga technical rooms, louvre installation at septic tank construction sa north side.

 

 

Pinakahuling istasyon sa Phase 1 ay ang Dr. Santos. Ito ay may naitalang 71.1 porsientong tapos na kung saan nailagay na ang fire pump, transformer at escalator.

 

 

Ang P69.4 billion LRT 1 Cavite expansion project ay isang public-private partnership (PPP) venture na pinayagan ng National Economic Development Authority (NEDA) noong November 2013 na may layunin na magdagdag ng 11.7-kilometer.

 

 

Magkakaron ng walong estasyon ito – Redemptorist, NAIA Avenue, Asia World, Ninoy Aquino at Dr. Santos sa Paranaque, Las Pinas at Zapote sa Las Pinas City at Niog sa Bacoor.

 

 

Kapag natapos ng tuluyan ang LRT 1 Cavite extension, inaasahan ng DOTr na magkakaroon ng 800,000 na pasahero mula sa dating 500,000.

 

 

Ang travel time mula Bacoor hanggang Central Station sa Taft, Manila ay mababawasan ng 1 oras at 45 na minuto. Sampu (10) minuto naman ang mababawas  papuntang Roosevelt station sa Quezon City mula sa Taft station kahit na rush hours.

 

 

Ang LRMC consortium na binubuo ng Metro Pacific Investments Corp.’s Metro Pacific Light Rail Corp., Ayala Corp.’s AC Infrastructure Holdings Corp., at Macquarie Infrastructure Holdings (Philippines) PTE Ltd. ay siyang nanalo ng kontrata para sa pagtatayo ng LRT-Cavite extension project. LASACMAR

People's Balita.
All rights reserved. © Copyright 2024.