NAPAKINABANGAN ni Yasmien Kurdi ang kaalaman niya sa Arabic language sa bago niyang teleserye na ‘The Missing Husband’.

Marunong si Yasmien ng Arabic words dahil matagal siyang nanirahan noon sa Middle East kasama ang kanyang ama na isang muslim.

At dahil dito ay siya ang nag-translate ng Arabic words na parte ng ilang mga eksena sa programa.

Ayon sa kanyang IG post…

“Visited #TheMissingHusband ‘s editing booth at @gmanetwork after my guestings to translate some #Arabic words [heart emoji].

“Nagkaroon tuloy ako ng opportunity to have a sneak peak of our pilot episode pero di ko binuo, kasi gusto ko pa din panoorin ng sama-sama kami ng cast at staff sa house ni direk.

“Napanood ko yung mga na shoot namin sa #MiddleEast … Ang saya ko Thank you Ms. Amy and Sir Ernesto (our editor) [heart emoji]. Ang ganda ng shots @direkmark, nakakaproud August 28 na on #GMAAfternoonPrime.”

Mapapanood si Yasmien sa ‘The Missing Husband’ bilang isang OFW na si Millie, ang babaeng mapapangasawa ni Anton, ang karakter na gagampanan ni Rocco Nacino.

Magsisimula nang umere ang afternoon series ngayong August 28, sa GMA-7.

***

HINDI naging madali ang buhay ng TV host na si Joana Marie, marami siyang pinagdaanang hirap sa buhay bago narating ang estado niya ngayon.

“Actually sobrang dami po,” at natawa si Joana Marie.

“Ang turning point po para sa akin when I was eighteen years old po that was the height of our poverty. I grew up in the slums from squatters’ area po ako, sa Commonwealth po, Holy Spirit.

“Nagtitinda po ang nanay at tatay ko po ng isda, nagtitinda din po sila ng manok, kung ano yung puwedeng itinda pero lumaki po talaga ako na nagtitinda sila ng isda.

“So from time to time kami pong magkakapatid tumutulong din po sa pagtitinda.”

Pangalawa sa apat na magkakapatid si Joana Marie.

“Dumating po sa point na pumapasok ako sa college na I only have twenty pesos, e ang pamasahe na po before seven or eight pesos, I only have four pesos everyday.

“But I survived it, nasa school po ako from seven am until mga six pm, whole day na hindi ako kumakain because I was very determined po, gusto kong makatapos ng pag-aaral because yung parents ko naniniwala sila sa power of education.

“Gusto ko pong ibalik sa kanila yung effort po na ginagawa nila para sa akin.”

At bukod sa sipag at suwerte, higit sa lahat ay kumapit si Joana Marie sa Panginoon kaya ngayon ay matagumpay at mayaman na si Joana Marie..

Ang “A Journey With Joana Marie” na napapanood tuwing Sabado, 1:30 PM sa Light TV network (God’s Blessings of Channel) na sister TV station ng A2Z.

Ito ay bagong segment ng TV show na “Circle of Influencers” na nasa Season 2 na ngayon.

Produced bilang isang blocktime program ng Mabuhay Philippines Digital Network, ang programa ay conceptualized at directed by Jag Cruz na isa ring filmmaker at content creator.

(ROMMEL L. GONZALES)

NAGING emosyonal si Gela Atayde ginanap na welcome presscon na in-organize ng kanyang talent management na Star Magic, lalo nang mapanood niya ang mensahe ng kanyang Mommy Sylvia Sanchez.

Para ito sa pagwawagi ng dalaga nina Papa Art Atayde at Sylvia sa World Hip-Hop Dance Championship na ginanap sa Phoenix, Arizona.

Formal announcement na ito ng kanyang pagsabak sa pag-arte sa pamamagitan ng first series niya sa ABS-CBN, ang “Senior High” na hatid ng Dreamscape Entertainment.

Natanong si Gela kung ano ba ang mas priority niya ngayon, dancing ba o acting.

Sagot niya, “Sa totoo lang po acting. Kasi po nu’ng bata pa ako, ako ang buntot ni Mommy.

“Lagi po akong kasama ni Mommy sa mga taping niya. Nag-audition din po ako sa ‘Goin’ Bulilit’. Pero nang magpaalam na po ako sa school hindi sila pumayag kaya that time po gusto ko nang mag-quit sa Poveda.”

Natural lang na maramdam si Gela ng matinding pressure ngayong sumabak na rin siya sa pag-aartista.

Tiyak na iku-compare siya mga mga kapatid na sina Cong. Arjo Atayde at Ria Atayde at sa mommy niya, pawang award-winning sa larangan ng pag-arte. Kumbaga, tatlong walls ang dapat niyang daanan, kaya dapat talaga niyang galingan.

“Siyempre may pressure po, pero, nandyan po naman si Mommy. Sabi nga niya, ‘nak kaya mo yan. Basta nasa puso mo ang ginagawa mo.”

Samantala ang inaabangang teleserye na “Senior High” na pinagbibidahan ng hottest teen stars ngayon na sina Andrea Brillantes, Elijah Canlas, Zaijian Jaranilla, at Xyriel Manabat na nagbigay din ng kanilang ng special messages.

Sobrang happy si Gela na makakatrabaho ang mommy niya at best friend na si Kyle Echarri.

“Being part of a family that is passionate about acting has played a huge role in opening my eyes to the beauty of the craft. I am really grateful to all those who paved the way for me to tick another goal off of my bucket list.

“‘Senior High’ is really gonna be special for me, not only because it’s my first acting gig but also because I’m sharing the camera with my mom,” sabi ni Gela.

Ready na rin si Gela na harapin ang mga kontrobersya na bahagi talaga ng pag-aartista.

“Pinakamatapang, mas palaban that’s what my Mom would say nga po. I think yes, I would say in terms of emotion mas straightforward po ako, I’m more frank and honestly that’s one of my fears po na in showbiz. “Baka po I’m too frank naman po kasi I guess in terms of us siblings (Arjo and Ria) I would say ako po ‘yung pinakaprangka and pinaka-real. Hindi po ako takot magsalita,” pahayag pa ni Gelo na introducing nga sa ‘Senior High’ na matutunghayan na simula sa August 28.

(ROHN ROMULO)

MARAMI ang natuwa nang mag-guest si Michael V. o si Bitoy sa “It’s Showtime” bilang bahagi ng birthday celebration ng kanyang kaibigan na si Ogie Alcasid last Saturday.

At hindi ito rito nagtapos. Nag-post si Bitoy sa kanyang Instagram account ng picture kasama si Vice Ganda at gayundin ng iba pang co-host ng noontime show.

As we all know, naging posible ang guesting ng mga Kapuso stars sa “It’s Showtime” simula nang napapanood na ito sa GTV.

Sabi ni Bitoy sa kanyang post, “Recently, tuwing nagko-cross ang paths namin ni Vice Ganda, isa lang ang laging pumapasok sa isip ko… ‘possibilities.”

At “In a time na parang “puwede na”, ano sa tingin n’yo ang posibleng mangyari?”

Tila na-excite naman kahit ibang celebrities sa post na ito ni Bitoy. Si Dawn Zulueta ay napa-comment na, “Do it!”

Si Jerald Napoles naman, “Nakaka excite kuya idol!”

Pahiwatig na kaya ito ng collab naman between Michael V and Vice?

***

ANG kilalang kambal na sina Kitty and Kakai Almeda ay celebrity endorsers na rin ng So…? Fragrance events at magkakaroon sila ng Fragrance Grand Launch sa SM Mega Fashion Hall sa August 22-23.

Makilala sina Kakai at Kitty sa Meet Kitty & Kakai Almeda at the So…? Fragrance Grand Launch kaya pwede-pwedeng na itong mapuntahan.

Sina Kitty at Kakai ang kambal na madalas viral ang mga post sa social media accounts nila. At sa Tiktok na lang, meron silang 4.7 million followers.

Ang kambal ay under ng management ng Triple A Entertainment. Kaya kasama nila rito sina Maine Mendoza at Marian Rivera.

(ROSE GARCIA)

HUMANDA na sa kakaibang rollercoaster ride ng tawa, kilig, at nakatutunaw ng puso na mga kaganapan, sa pagsisimula ng pinakabagong Tiktok serye ng Puregold Channel, ang My Plantito, simula sa Agosto 23.

Magsisimula ang kuwento sa unang pagkikita ng isang tahimik at tila mahiyaing lalaki na mahal na mahal ang kaniyang mga halaman; at isang kalog na vlogger-next-door na agad na mabibighani sa plantito. Maghanda na sa bagong hatid ng Puregold Channel, na kilala na sa paglikha ng mga romcom serye na talaga nagpapakita ng pagkakaibigan, pamilya, at siyempre, kilig.

Ang kauna-unahang Boy-Love (BL) na serye sa Tiktok, My Plantito, ay nakapila nang maging susunod na hit na produksyon ng Puregold Channel–at hindi na nga nakapagtataka. Binibigyan ng palabas ang mga manonood sa kung paanong ang simpleng pagtatagpo sa pagitan ng dalawang tauhan ay maaaring maging malalim na koneksyon, kung saan tama ang timing, at itinadhana ang pag-ibig.

Tampok sa palabas si Kych Minemoto bilang Charlie, isang vlogger, at si Michael Ver biglang guwapong plantito. Pareho nilang patutunayan na ang pag-ibig ay hindi lamang pagtingin at nakakikilig na romansa–kasama rito ang pagtuklas ng sarili, paglubog sa mga isyu ng pagtanggap at pagiging inklusibo, at pagtuklas ng pagmamahal na nagnanais lumaya.

Pahayag ni Ivy Hayagan-Piedad, Marketing Senior Manager ng Puregold, higit sa entertainment ang hatid ng My Plantito. “Tungkol ito sa pag-unawa at pakikipamuhay. Hindi lang ito love story; nagbibigay ito ng makabuluhang aral, at ang nakabibighaning kaguluhan na nililikha ng pag-ibig.”

Tulad sa nakaraang digital na serye, ang mahika sa paglikha ng My Plantito ay hatid ng direktor na si Lemuel Lorca at ng producer na si Chris Cahilig. Ibibigay din ng mga artistang sina Ghaello Salva, Elora Espano, Derrick Lauchengco, at Devi Descartin ang abot ng makakaya nila sa seryeng ito.

Kaya markahan na ang inyong mga kalendaryo para sa Agosto 23. Ipapalabas ang My Plantito, ekslusibo sa Tiktok at YouTube Channel ng Puregold.

Bilang pasilip, maaaring panoorin ang opisyal na trailer sa link na ito: https://vt.tiktok.com/ZSLbN2wNa/.

Gusto mo ba ng LIBRENG entertainment? Mag-subscribe sa Puregold Channel sa YouTube. Para sa mas marami pang update, i-like ang @puregold.shopping sa Facebook, i-follow ang @puregold_ph sa Instagram at Twitter, at ang @puregoldph sa Tiktok.

(ROHN ROMULO)

ANG ‘Eras Tour’ ni Taylor Swift ang puwedeng tawagin na “the highest-grossing tour ever” dahil malapit na itong mag-gross ng $2.2 billion sa North America.

Kaya na raw nito matalo ang record ng ‘Farewell Yellow Brick Road Tour’ ni Elton John na nag-gross ng $887 million from 2018 to 2023.

Sold out lahat ng 68 dates ng Eras Tour sa US na ang ticket ay may presyo na $455.78 at ang average attendance per show was 72,459.

Bukod sa ticket sales, kumita rin ang tour sa merchandise, food and drinks. Ang average na gastos ng isang ticket holder ay $214.80 on merch ang $131.48 on food and drinks.

Tinawag nga na “economic phenomenon” si Taylor dahil hindi lang daw ito performer kundi isa rin siyang powerful business entertainer.

***

AFTER ten years ay nagbabalik sa pag-arte sa teleserye sa GMA si StarStruck season 1 First Prince na si Rainier Castillo.

Inamin ni Rainier na tumigil muna siya sa showbiz dahil sobra raw siyang na-stress sa showbiz at mas pinili muna niyang makasama ang pamilya niya.

Dagdag pa niya na may mga tao raw siyang pinagkatiwalaan na parang niloko siya sa negosyo.

Bago nga tumigil sa showbiz si Rainier, wala na siyang kontrata noon sa GMA at gumawa siya ng mgq shows sa TV5.

Ngayon ay balik-GMA siya via ‘Black Rider’ na bida si Ruru Madrid. Kinailangan daw niyang matutong magmameho ng motorsiklo at nag-train sa martial arts.

Tulad ng mga ka-batch niya sa StarStruck, may asawa’t anak na rin si Rainier. Sana raw ay magkasama-sama ulit silang batch one para sa 20th anniversary nila.

Binalikan nga ang dating issue kay Rainier dahil pinagsabay niyang gawing girlfriend sina Sheena Halili at Stef Prescott. Nagkaroon pa nga noon ng pag-uusap ang dalawang babae dahil di nila alam na syinota sila ng iisang lalake.

Katwiran ni Rainier na dahil sa kapusukan ng kabataan niya kaya nagawa niyang manligaw ng dalawang babae ng sabay.

“Gusto ko lang po masubukan noong mga panahon na ‘yun, tapos siguro curious ako kung anong pakiramdam, pero mahirap din pala. Mahirap ‘yung time management, hindi puwedeng isa lang ‘yung cellphone mo, dapat magkaiba yan,” sey ni Rainier na noon pa nag-sorry sa ginawa niya kina Sheena at Stef na parehong may sariling pamilya na ngayon.

***

NAGLUKSA ang mga nakatrabaho ng veteran actress na si Angie Ferro na pumanaw sa edad na 86 noong August 17.

Taong 2022 noong maospital si Angie dahil sa isang aksidente. Bago iyon ay ilang beses ding na-stroke ito.

Pinanganak noong August 4, 1937 in Baleno, Masbate, nakilala si Angie sa pagganap niya sa iba’t ibang roles sa TV, pelikula at entablado. Noong 1979, nagwagi si Angie ng FAMAS Best Supporting Actress para sa 1979 Celso Ad Castillo film na Pagputi ng Uwak, Pagputi ng Tagak.

Ilan sa mga memorable performances ni Angie sa pelikula ay sa Atsay, Lumuha Pati Mga Anghel, Patayin Sa Sindak si Barbara, Isang Gabi Tatlong Babae, Roberta, High School Circa ‘65, Isla, Magdusa Ka, Kasalanan Bang Sambahin Ka, Ebolusyon Ng Isang Pamilyang Pilipino, Lola Igna at ang huling pelikula niya na Ang Mga Kaibigan Ni Mama Susan.

Sa TV ay lumabas siya sa Amaya, Hiram Na Puso, Luv U, Someone To Watch Over Me, at Kambal Karibal.

(RUEL J. MENDOZA)