SA mga nagsasabing wala ng pandemic, na wala ng COVID-19 virus, mag-isip-isip kayo.

Matapos magkumpirma na tinamaan muli ng mapaminsalang virus si Pangulong Bongbong Marcos at Pasig City Mayor Vico Sotto, heto at sina Dennis Trillo at Jennylyn Mercado naman ang nagka-COVID.

Sa pamamagitan ng kanyang Instagram account ay ikinanta ni Dennis (literal na pag-awit, huh!) ang pagkakaroon nila ng misis niya at maging ng anak nila na si Dylan ng COVID-19.

May pamagat na “Gamutin Na Natin ‘To,” ang lyrics ng kanta na ginitara ni Dennis ay may linyahang ganito…

“Oh ito na nga, tinamaan din ako!

“Akala ko’y hindi na tatablan nito. Ba’t nag-positive ako?

“Gamutin na natin ito.”

Sa pagtatapos ng kanta, inihayag ng GMA Drama Prince at ‘Love Before Sunrise’ actor na maging si Jennylyn at si Dylan ay tinamaan din ng virus.

“May bago na ngang uso. Pati na ang misis ko. May COVID, kaming tatlo,” ayon pa sa lyrics ng awitin.

Well, siguro naman ay magaling na si Jennylyn kapag may mediacon na at ipapalabas na ang upcoming series na “Love. Die. Repeat” nila ni Xian Lim.

***

KATULAD ng milyon nilang fans and supporters (kabilang na kami!), happy si Stell dahil maayos na ang estado ng sitwasyon ng grupo nilang SB19 at ng dati nilang management team na ShowBT Entertainment!

Ibig sabihin nito, hindi na kailangang magpalit ng pangalan ang phenomenal group at patuloy na nilang maaaring gamitjn ang SB19 na walang problemang kakaharapin.

Kamakailan kasi, nitong Nobyembre to be exact, ikinagulat ng fans ng SB19 (kabilang kami!) ang mga A’TIN, ang pag-alis nila sa “SB19” sa kanilang official Instagram handles, at pinalitan ng MAHALIMA.

Nakansela rin ang ilang shows ng grupo makaraang umalis ang SB19 sa ShowBT Entertainment.

Nagtayo ang grupo ng sarili nilang kompanya na 1Z Entertainment, at tumayo bilang CEO ang lider ng grupo na si Pablo .

At sa episode ng “Fast Talk With Boy Abunda” nitong Lunes, si Stell mismo ang nagbahagi na tuloy na lahat ang kanilang mga shows o concerts at lahat ng plano para sa kanilang grupo.

Lahad ni Stell, “Maayos po kaming nag-usap and right now, we can finally continue with everything that we want to do.”

Inamin rin ni Stell nadahil s anaging problema dati, ikinalungkot ng grupo nila nina Pablo, Ken, Josh at Justin ang pagkakansela ng PAGTATAG! World Tour nila sa Asia, kabilang na ang mga bansang Singapore at Thailand.

“Of course saddening siya na hindi natuloy kasi a lot of our fans are really looking forward to see us perform live,” sinabi pa ni Stell.

“But for now, all I can say is let’s just wait for the news. Kasi we’re not sure pa kung ano ang next na gagawin namin.”

Naging maayos man ang mga bagay-bagay, natural lamang na may mga bagay pa silang kailangang asikasuhin.

“Isa-isa lang. Surely but smoothly,” nakangiting wika pa ni Stell.

Isa pang ikinaliligaya ng puso ngayon ni Stell ay ang pagwawagi ng kanyang grupong Vocalmyx sa first ever ‘The Voice Generations grand finals nitong December 10, 2023 sa GMA.’

Ang Vocalmyx, na nagmula sa Cagayan De Oro, ay tumaggap ng recording at management contract mula sa Universal Music Group Philippines, trophy, at cash prize na isang milyong piso.

Pagbabahagi ni Stell sa tagumpay ng Vocalmyx, “Nung tinawag yung Vocalmyx, nag-flashback lahat ng mga pagdududa ko sa sarili ko, pagdududa ko sa buong journey ko sa “The Voice”, even yung journey ko as SB19.”

Dagdag pa ni Stell, “One thing for sure po is super happy po ng puso ko and super excited po ako and looking forward for the next projects and next season ng “The Voice”, if ever po magkakaroon.”

(ROMMEL L. GONZALES)

“’YUNG scene po, medyo naloka ako! Kasi first time ko talagang… honest lang po, first time ko pong nakipag-kissing scene sa hindi ko po partner, first time po ‘yun,” ito ang naging pag-amin ni Zeinab Harake sa maiinit na lovescene nila ni Derek Ramsay sa horror movie na “(K)ampon”.

Matinding nerbiyos daw ang kanyang naramdaman habang kinukunan ang eksena sa pelikula.

“But nun’g naka-work ko po si Sir Derek, wala po akong masabi. Sobrang respeto po talaga niya, gina-guide niya po ako.

“Hindi lang po si Sir Derek, pati si direk King (Palisoc), nandoon po talaga sila to guide me, kung paano ko gagawin, kung paano ko kakayanin.

“Sana po, maganda po ‘yung kinalabasan. Sinasabi po nila na maganda raw ang nagawa ko sa movie. Pero hindi po ako ganun ka-kompiyansa sa sarili ko.

“But nilo-look forward ko po na maging maganda. And sobrang thankful ako na first project ko ay si Sir Derek ang naka-partner ko. Kaya sobrang happy po ako,” pagkukuwento ng social media sensation.

Kuwento pa ni Zeinab, sa mga ginawa nila ni Derek sa “(K)ampon”. “Kasi po, ‘yung karakter ni Loreta, ang layo po nu’n sa Zeinab, eh. So, kailangan pong makita ‘yung expression ni Loreta du’n habang ginagawa ‘yun.

“So, ‘yun po talaga ‘yung pinakaunang tinatak ko sa isip ko habang ginagawa ‘yung eksena na ‘yun kaya medyo naloka ‘ko.

“Tapos nu’ng nakita ko siya sa screen, nu’ng napanood ko na ng very slight, du’n ako naloka. ‘Shit, sabi ko, ‘ako to? Ako talaga ‘to?’

“Parang Anne Curtis, mga ganu’ng level ‘yung mga napapanood ko with Sir Derek Ramsay, tapos, isa ako sa mga nabigyan ng pagkakataong magawa ‘yung mga ganu’n.

“’Di ko alam kung good ba ‘yun or bad or nakakatawa. Pero nailaban naman po. Kaya po abangan n’yo. Grabe ‘yung ginawa ko dito. Kaya sana, panoorin n’yo. Nilaban ko ‘to kaya ilaban n’yo ‘to,” pahayag pa ni Zeinab.

Komento naman ni Derek, napaka-intense na love scenes nila Zeinab.

“Kasi yun scene namin, parang one night stand, lasing, kaya dapat medyo rough. Different sa love scene naman ni Beauty, na we are trying to conceive a child.

“Yung kami, lust talaga, may kagat-labi. Medyo intense talaga siya at natuwa naman si Direk King.

“Gaya ng mga other love scenes ko, sabi ko kay Zeinab na ‘let’s just to this in one take para hindi na maging awkward and nakita ko ‘yung transformation niya from Zeinab to her character, Loreta in a snap of a finger.

“So, mabilis natapos ‘yung eksena even though it was her first time to do something like that,” pahayag ng aktor.

Ang “(K)ampon” na mula sa direksyon ni King Palisoc, ang entry ng Quantum Films sa Metro Manila Film Festival 2023 na showing na sa December 25.

Introducing nga sa movie ni Zeinab, kasama rin nila ni Derek si Beauty Gonzalez, Erin Espiritu, Nico Antonio at marami pang iba.

***

MAS pinalakas pa ang primetime newscast ng TV5 na ‘Frontline Pilipinas’ dahil ang award-winning journalist at news frontliner na si Jiggy Manicad ay makakasama na bilang news anchor nito simula Enero 2024.

Mula sa dalawang dekadang niyang paglilingkod bilang broadcast journalist, mas magiging malawak pa ang ihahatid na public service at news coverage ni Jiggy sa kanyang bagong misyon sa TV5.

Nakilala dahil sa kanyang dedikasyon sa paghahanap ng katotohanan at sa kanyang natatanging storytelling, bitbit ni Jiggy ang kanyang makulay na experience bilang journalist sa kanyang pagsabak bilang ‘Frontline Pilipinas news anchor kasama sina Luchi Cruz-Valdes, Cheryl Cosim, Julius Babao, Ed Lingao, Lourd De Veyra, Kaladkaren, at Mikee Reyes.

“With the remarkable growth achieved by Frontline Pilipinas as a preferred choice of more Filipinos for accurate and timely news, bringing Jiggy onboard will not just add depth and experience to our primetime newscast, but it will more importantly bolster our capacity to provide the best kind of public service that our Kapatid viewers deserve,” pahayag ni TV5 President and CEO Guido R. Zaballero.

Mula sa pagiging field reporter hanggang sa maging anchor at correspondent, nagsilbing boses ng maraming Pilipino si Jiggy sa paghahayag nya ng istorya at balita tungkol sa mga ito.

“Jiggy is an exemplar of earnest, do-all-possible, get-to-the-bottom everyday reporting that broadcast journalists should follow. News5 can only get stronger with Jiggy in the team. He will up our game a couple of notches,” ani ng TV5 Head of News and Information na si Luchi Cruz-Valdes.

Maging updated sa latest news sa Frontline Pilipinas, Lunes hanggang Biyernes, 6:30PM sa TV5. Para sa karagdagang impormasyon at updates, i-follow ang official social media pages ng TV5 o bumisita sa www.tv5.com.ph

(ROHN ROMULO)