ANG galing ni Paulo Avelino dahil ang laki ng transformation ng katawan niya.

Kitang-kita ang malaking kaibahan ng katawan niya noong ginagawa pa lang niya ang hit serye nila ni Kim Chiu, ang ‘Linlang.’ Walang hindi magsasabi na “beer bod” o “dad bod” ang buong ningning na nakita kay Paulo do’n.

At makikita pa rin dahil ipalalabas na ito sa free TV.

Pero bago pa mapanood sa free TV at baka may manlait pa kay Paulo at sabihin na ang taba niya, inunahan na niya at ipinakita ang before and now photos niya.

Aba naman, hot na hot at may six pack abs na si Paulo! Timing na timing para sa bagong sisimulan na Korean drama adaptation, ang ‘What’s Wrong With Secretary Kim.’

Dahil sa post na ito ni Paulo, inulan ng mga comments ang kanyang Instagram. Maging ang mga kapwa artista niya ay napahanga sa sexy body niya ngayon.

***

SA halip na negatibo ang maging impact sa mga netizen, marami ang natuwa, hindi dahil sa na-sprain ang paa ni Iwa Moto, natuwa dahil sa nakikita nilang relasyon meron sina Iwa at ang anak nina Jodi Sta. Maria at Pampi Lacson na si Thirdy Lacson.

At kung gaano rin ka-close sina Iwa at Jodi.

Noong New Year’s eve, sama-sama silang lahat sa imbitasyon ni Jodi. At na-capture sa ipinost na video ni Iwa sa kanyang Instagram na hindi nagpatalo sa kanya sa naging laro nila si Thirdy. Pero ‘yun lang, natapilok at na-sprain ang isang paa ni Iwa.

Halatang masaya pa rin naman ito sa caption niya na, “Patunay na ang anak namin ay walang sinasanto pagdating sa games. Madaya ka anak @iamthirds. @jodistamaria and @iampampi dati ako lagi panalo sa games,” at saka niya sinundan ng mga laugh emojis.

Kahit si Jodi, nagpapasalamat din ito sa klase ng relasyon na nabuo sa kanila ng anak at sa bagong pamilya ni Pampi at Iwa.

Sa naging post niya noon Christmas eve at birthday ni Thirdy na magkakasama silang lahat sa isang photo, sinabi niya na, “We are blended not broken.

“God has created something beautiful out of brokenness.”

(ROSE GARCIA)

NAGING mas masaya ang pagsalubong ng Bagong Taon ng pamilya ni Konsehal Alfred Vargas dahil kasama nila ang ika-apat na anak na si Aurora Sofia.

Maayos itong isinilang ng asawa niyang si Yasmine Espiritu-Vargas noong December 26, isang araw pagkatapos ng Pasko.

Sa Instagram post, makikita sa larawan ni Yasmine na nasa hospital bed pa habang karga-karga ang bagong silang na si Baby Aurora. Halos isang buwan ding nanatili sa ospital ang magandang asawa ni Alfred dahil naging delikado ang kanyang pagbubuntis.

May caption ito ng, “Aurora Sofia E. Vargas #wearefinallyhome #dec26.”

Ang tatlo pang anak nina Alfred at Yasmine ay sina Alexandra Milan, Aryana Cassandra, at Alfredo Cristiano.

Umapaw naman ang pagbati mula sa mga celebrity friends at netizens.

Nagbahagi naman si Cong. Alfred ng kanyang mensahe para sa pagpasok ng bagong taon.

“My 2023 was a year of LOVE: love for service, love for God and country, love for the arts, love for nature, love for my family.

“It was a year of faith, of that enduring loyalty to the people I have committed my life to: my wife and four kids, my fellow Novaleños and Filipinos, those who watch me on tv and on the big screen, those who share the same aspirations with me for a better tomorrow for our children.

“In many ways, the year that passed had been marked with among the most difficult challenges I’ve faced as a husband, father and servant. But love and faith conquered, closing the year to reveal a 2024 already full of beauty and promise.

“Thank you, Lord Jesus, for everything. Ad majorem dei gloriam! All for the greater glory of God.”
#newyear #vargasnapagibig #grateful

***

INILABAS ng nangungunang broadcast company na GMA Network ang listahan ng mga palabas at pelikula sa telebisyon para sa 2024 na nagpapakita ng world-class Filipino entertainment at binandera ng pinakamalalaki at pinakamaliwanag na bituin sa bansa!

Ang Kapuso Primetime Queen na si Marian Rivera ay babalik sa isang serye kasama ang bankable na aktor na si Gabby Concepcion. Magkasama, pinangungunahan nila ang “My Guardian Alien,” isang kuwento ng isang dayuhan na dumating sa Earth at naging bahagi ng isang mapagmahal na pamilya. Babalik ba siya sa kaniyang teritoryo, o sa wakas ay natagpuan na niya ang kaniyang tahanan?

Nagbabalik din sa primetime ang Ultimate Star na si Jennylyn Mercado kasama ang in-demand na leading man na si Xian Lim sa “Love. Die. Repeat.” Ginagampanan ni Jennylyn si Angela, na nawalan ng asawa sa isang aksidente sa sasakyan. Sa lalong madaling panahon, napagtanto niya na siya ay natigil sa isang loop ng oras at napipilitang mabuhay nang paulit-ulit sa pinakamasamang araw ng kanyang buhay. Maililigtas ba niya ang kanyang asawa, o tiyak na makakaranas siya ng mas maraming sakit bawat araw?

Magtambal ang de-kalibreng aktres na si Jasmine Curtis-Smith at Kapuso Total Heartthrob na si Rayver Cruz sa unang pagkakataon sa “Asawa Ng Asawa Ko.” Inakala ng lahat na namatay si Cristy sa pag-atake ng mga rebelde. Hanggang isang araw, bumalik siya sa buhay ng kanyang pamilya. Pero ang ikinagulat niya, nagpakasal na sa iba ang asawa niya.

Apat sa pinakamalalaking Kapuso star ang nagsasama-sama sa “Pulang Araw.” Pinagbibidahan ni Asia’s Multimedia Star Alden Richards, First Lady of Primetime Sanya Lopez, Pambansang Ginoo David Licauco, at Kapuso Primetime Princess Barbie Forteza, ang serye ay itinakda sa World War II at umiikot sa magkakaugnay na kuwento ng apat na indibidwal na dapat pumili sa bansa, pamilya , kaibigan, at pagmamahal.

Ang Box-Office Queen Bea Alonzo, Global Endorser Gabbi Garcia, at multi-acclaimed Kapuso actress Carla Abellana star in their first project together, “Widows’ War.” Ang serye na ito ay tungkol sa pakikibaka ng isang balo na nagdadalamhati para sa kanyang asawa habang nahaharap sa mga paratang ng pagpatay.

Ang kabuuang karanasan sa primetime ay hindi nagtatapos doon! Ang pagkumpleto sa kapana-panabik na lineup ay “A Lifetime With You,” na nakasentro sa pag-ibig na makikita sa isang penal farm.

Patuloy na itinataas ng GMA Afternoon Prime ang mas maraming out-of-the-box at cutting-edge offeringa!

Mapapanood ang kauna-unahang adaptasyon ng isang KDrama sa afternoon slot na pinamagatang “Shining Inheritance.” Nangunguna sa powerhouse cast sina Kate Valdez, Kyline Alcantara, Michael Sager, at batikang aktres si Ms. Coney Reyes.

Ang Kapuso Little Princess Jo Berry ay “Lilet Matias: Attorney-at-Law.” Maaaring maliit siya, ngunit siya ay isang masiglang rookie na abogado na ang mga pangarap ay napakataas na kaya nilang maabot ang kalangitan.

Ilang pa sa dapat abangan ang “Mommy Dearest”, “A Mother’s Tale,” “A Family Like Us”, “Forever Young” at “For the Love of Kobe”.

Ang GMA Public Affairs ay mayroon ding kakaibang handog para sa GMA Afternoon Prime sa pamamagitan ng “Makiling.” Pinagbibidahan ni Elle Villanueva at Derrick Monasterio, ang serye ay nag-aalok ng kuwento ng paghihiganti at pagmamahal, na may matibay ding mensahe tungkol sa paggalang at pangangalaga sa kapaligiran.

Mas magiging espesyal at masaya para sa buong pamilya sa pagbabalik ng mga paborito ng madla tuwing weekends.

Ang Kapuso Primetime King and Queen Dingdong Dantes at Marian Rivera ay muling nagpalaganap ng pagmamahal at kaligayahan, sa “Jose and Maria’s Bonggang Villa 2.0.”

Ang Philippine Titanic Actor Star na si Sen. Bong Revilla at ang multi-talented na aktres na si Beauty Gonzalez ay nagpapatuloy sa kanilang nakakakilig na pakikipagsapalaran sa ikalawang season ng action-comedy series na “Walang Matigas Na Pulis Sa Matinik Na Misis.”

Maghanda na rin para sa pinakamalaking reality game show ng 2024 sa pagbabalik ng “Running Man Philippines” para sa season 2! Samantala, ang orihinal na kompetisyon sa pagkanta ng GMA, “The Clash,” ay muling naghahanap ng pinakamahusay na boses sa bansa.

Bukod dito, pagkatapos ng tagumpay ng The Voice Generations sa GMA, isang bagong serye mula sa “The Voice” franchise ang ilulunsad sa 2024.

Higit pa rito, pinapataas ng GMA Public Affairs ang antas sa paghahatid ng mga world-class na programa na may pinahusay na diskarte sa pagkukuwento at nakakaintriga na mga plotline.

Dapat abangan ng mga tagahanga ng Sci-fi na nag-e-enjoy sa romance and drama “Version Two” na ihahatid ng sikat na manunulat-direktor na si Irene Emma Vilamor, na kung saan itatampok sa pelikula ang sorpresang pagpapares ng dalawang bituin mula sa magkaibang home network.

Ang isa pang pelikulang darating ngayong 2024 ay ang “Penthouse 77,” na idinirek ng award-winning na master of horror Derick Cabrido. Hinaharap ng psychological thriller ang mga kakila-kilabot na kawalan ng tirahan sa isang lungsod na puno ng mga skyscraper at shanties.

Panoorin ang mga kapana-panabik na programang ito sa GMA at GTV sa free-to-air, o sa mga digital TV receiver na GMA Affordabox at GMA Now.

Ang mga programa ng GMA ay ipinapalabas din sa ibang bansa sa pamamagitan ng mga international channel na GMA Pinoy TV, GMA Life TV, at GMA News TV.

(ROHN ROMULO)

INTERNATIONAL star na ang GMA male artist na si Kimson Tan, bida siya foreign film na ‘King of Hawkers’.

“I auditioned, with the help of Ms. Joy Marcelo, Ms. Gigi Lana Santiago,” kuwento sa amin ni Kimson.

Ang ‘King of Hawkers’ ay produced ng international production na Kelvin Sng Productions.

Pagpapatuloy pang kuwento ni Kimson, “I play a role of grandson, third generation of… apo ng may ari ng stall.”

Sa pelikula ay gaganap siya bilang isang Singaporean na fluent sa Chinese at tamang-tama naman na fluent si Kimson sa naturang language sa tunay na buhay.

Saan ito ipapalabas?

“I think as I heard from the prod, I think it’s Hongkong, Malaysia, Singapore, US, Canada, they’ll try to penetrate China market, in the Philippines of course.”

Siyempre pa, happy si Kimson sa magandang oportunidad na ipinagkaloob sa kanya, na maging parte ng isang foreign film at siya pa ang lead character.

“Sabi ko nga po sobrang blessed ko po,” bulalas ni Kimson.

“Sobrang blessed ko po sa management team ko po, sobra po, sobrang tiwala po yung binigay nila sa akin, si Nanay Joey [Abacan ng GMA], nanay-nanayan ko po yan, pag nagkakamali ako sinasabihan niya ako.

“Pag may ginagawa akong tama ina-acknowledge niya,”

Masuwerte raw si Kimson sa pagkakaroon ng management team na hindi siya pinababayaan.

“Sobrang thankful ko kasi lagi po silang nandiyan sa akin, never silang nagkulang sa pagbibigay ng advice, pagbibigay ng words of wisdom when I needed them the most, kumbaga laging happy, blessed.”

Natapos si Kimson sa shoot ng pelikula noong October 28, 2023.

“It’s showing this February, Chinese New Year.”

Isa sa mga cast members si Kimson ng ‘Lovers/Liars’ ng GMA na pinagbibidahan ni Claudine Barretto.

Kasama rin siya sa ’24/7′ na sitcom ni Vic Sotto.

***

SA ama niyang si Ricky Davao raw mas ninerbiyos si Rikki Mae Davao in coming out as a lesbian.

“Kaya siya yung last, after mom, na sinabihan ko,” kuwento ni Rikki Mae.

Bakit kay Ricky siya mas kinabahan at hindi sa ina niyang si Jackielou Blanco?

“I guess it’s just different… I know that he’s accepting as a person kasi may mga friends siya… siyempre yung ka-work niya sa industry, you know iba-iba talaga yung mga types of people.

“So… wala lang! Siguro pag sa dad number, one mas strict din siya.

“And daddy’s girl din kasi ako so siguro hindi ko lang sure kung ano ba talaga yung magiging response niya so kaya siya yung medyo natakot ako.”

May non-showbiz girlfriend si Rikki Mae, si Bloss; walong taon na ang kanilang relasyon.

Lahad ni Rikki Mae, “Schoolmate ko siya dati pero mas matanda siya sa akin ng four years. Actually yung sister po niya nagwu-work sa PEP, si Ingird Villafuerte po yung kapatid niya.”

Ano ang sekreto ng walong taon nilang relasyon.

“Patience sa isa’t-isa, pero mas sa kanya, patient siya sa akin” at tumawa si Rikki Mae.

Supportive raw ang kanyang partner sa desisyon ni Rikki Mae na mag-showbiz.

Aktibo na sa showbiz si Rikki Mae sa tulong ni Rams David ng Artist Circle talent management.

(ROMMEL L. GONZALES)