2024 February 09 Archive - People's Balita

July 18, 2024
Search in People's Balita
Ang Diyaryong Pinagkakatiwalaan

Archive for February 9th, 2024

Mga gamot sa diabetes, cancer, TB at iba pa, tinanggalan ng VAT

Posted on: February 9th, 2024 by @peoplesbalita No Comments

NAGLABAS ng kautusan ang Bureau of Internal Revenue (BIR) hinggil sa hindi pagsingil ng value-added tax (VAT) sa ilang gamot para sa cancer, diabetes, hypertension, sakit sa bato, sakit sa pag-iisip, at tuberculosis.

Sinabi ni BIR Internal Revenue Commissioner Romeo Lumagui Jr. na naglabas ito ng Revenue Memorandum Circular No. 17-2024 na nag-eexempt sa VAT ang 21 na gamot para sa iba’t ibang sakit.

Ang memorandum ay bunsod na rin sa liham na mula sa Food and Drug Administration (FDA) ng Department of Health (DOH) na nag-endorso ng update sa listahan ng VAT-Exempt Products sa ilalim ng Republic Act No. 10963 o Tax Reform para sa Acceleration and Inclusion (TRAIN) law at RA 11534 o ang Corporate Recovery and Tax Incentives for Enterprises Act (CREATE).

Ayon pa kay Lumagui, ang pag-update ay sa listahan ng mga VAT-exempted medicines ay bahagi ng serbisyo para sa mga tax payers.

Paliwanag pa ng opisyal, ang naturang hakbang ay handog nila sa Bagong Pilipinas na may serbisyong mabilis at maaasahan.

Sa huli, sinabi pa ni Lumagui na itong 21 na gamot na tinanggalan ng VAT ay simula pa lamang ng mga serbisyong ibibigay ng BIR ngayong 2024. (PAUL JOHN REYES)

1 sa 7 binatilyong Pinoy, gumagamit ng vape – DOH

Posted on: February 9th, 2024 by @peoplesbalita No Comments

ISA sa bawat pitong lalaking Pilipino na may edad 13-15 taong gulang ang gumagamit na ng vape at e-cigarettes.

Katumbas ito ng 14% porsyento ng vape users sa naturang age group.

“This means that the number of minor teenagers who are now using vaporized products, even if they never did smoke or vape before, has increased,” ayon sa Department of Health (DOH) base sa 2019 Global Youth Tobacco Survey (GYTS).

Tinukoy ng DOH ang ipinatutupad na Republic Act 11900 o ang Vape Law na ipinasa noong 2022, na ibinababa ang paggamit ng vape mula sa 21-taong gulang tungo sa 18-anyos na lamang.

Sa kabila nito, naniniwala ang kagawaran na hindi pa huli ang lahat para huminto ang mga kabataan sa paggamit at pagkagumon sa vape at mga tobacco products.

Karapatan ng mga manggagawa na magwelga, aprubado sa Komite

Posted on: February 9th, 2024 by @peoplesbalita No Comments

INAPRUBAHAN ng House Committee on Labor and Employment ang draft substitute bill sa House Bill (HB) 7043, na naglalayong palakasin ang karapatan ng mga manggagawa na magwelga.

Ipinaliwanag ni Deputy Speaker at TUCP Party-list Rep. Democrito Mendoza (Partylist, TUCP), may-akda ng panukala na, “The right to strike and to engage in concerted peaceful activity is a constitutional right,” at idinagdag niya na ang 1987 Konstitusyon ay isa lamang sa kakaunting konstitusyon na naggagawad ng naturang karapatan.

Sa ilalim ng panukala, ang pagpapatalsik sa manggagawa ay tatanggalin bilang ‘immediate disciplinary action for non-compliance of orders of the Secretary of Labor and Employment; ang mga manggagawa na nakagawa ng mga iligal na aksyon lamang ay hindi matatanggal sa trabaho, at ang paglahok nito sa welga ay hindi maaaring maging dahilan para ipataw ang disciplinary action; ang parusang pagkabilanggo sa mga paglabag ay hindi na kasama rito, at iba pa.

Binigyang diin ni Trade Union Congress of the Philippines (TUCP) vice chairman Luis Manuel Corral na ang mga panukalang reporma ay may implikasyon sa pandaigdigang merkado ng negosyo at pagtatrabaho.

Ayon sa kanya, ang US global labor policy ay workers-centered, na siyang batayan sa mga negosasyon sa Indo-Pacific economic framework trade map. Aniya, ikokonsidera ng US Congress ang mga polisiya ng workers-centeredness kapag muli nitong pinahintulutan ang generalized system of preferences (USGSP).

Magpapairal din ang European Union na kanilang generalized system of preferences (EUGSP) sa kanilang bahagi.

Nagpahayag naman ng suporta ang mga kinatawan ng National Conciliation and Mediation Board (NCMB) at ang National Anti-Poverty Commission (NAPC) sa 7043.

Sumang-ayon rin ang komite na pagsama-samahin ang mga HBs 839, 1678, 2291, 2547, 3242, 4191 at 6273, na inihain nina Reps. Christian Tell Yap, Patrick Michael Vargas, Eduardo ‘Bro. Eddie’ Villanueva, Keith Micah ‘Atty. Mike’ Tan, Yedda Marie Romualdez, Eric Go Yap, at Teodorico Haresco Jr. ayon sa pagkakasunod, na lahat ay naglalayong isainstitusyon ang Tulong Panghanapbuhay sa Ating Disadvantaged/ Displaced workers (TUPAD) Program ng Department of Labor and Employment.

Pagsasama-samahin din ang mga HBs 2600, 3387 at 4757, o ang panukala na mag-aamyenda sa RA 8759, o ang Public Employment Service Office (PESO) Act of 1999, na inamyendahan, na isasama ang entrepreneurship sa ilalim ng sakop ng batas. (ARA ROMERO)

PBBM, nakiisa sa Muslim community sa pagdiriwang ng Isra Wal Mi’raj

Posted on: February 9th, 2024 by @peoplesbalita No Comments

NAKIISA si Pangulong Ferdinand R.Marcos Jr. sa Muslim community sa pagdiriwang ng ‘Isra Wal Mi’raj” o The Night journey and Ascension of the Prophet Muhammad.

“As one of the most celebrated events in Islam, The Night journey and Ascension of the Prophet Muhammad (peace be upon him) gives a perfect picture of the rewards that our Muslim brothers and sisters may reap by having faith in the All-Hearing and All-Seeing Allah,” ang bahagi ng mensahe ni Pangulong Marcos.

“More than that, the narrative also magnifies the glory and might of Allah who revealed, during this difficult and perilous journey, the virtue of pursuing righteousness and the incomparable prize that await us when we remain true and devoted to our faith and our convictions,” ayon pa rin sa Pangulo.

Binigyang-diin ng Chief Executive na ang nasabing okasyon ay pinagmumulan ng lakas para mapanghawakan at maharap nila ang mga mahihirap at mabibigat na mga pangyayari sa kanilang buhay.

“Through these, we are forged to become not only living witnesses of our faith but also Allah’s agents of transformation a n d renewal here on Earth,” aniya pa rin.

“Let this occasion imbue us with increased courage and optimism as w e collectively face and transform the future of our nation to be more peaceful, inclusive, and progressive for all Filipinos to enjoy,” dagdag na wika ng Pangulo.

Para sa mga Muslim, ang araw na ito ay nauugnay sa paglalakbay ni Propeta Mohammad mula sa Mecca patungong Jerusalem at sa kanyang pag-akyat sa langit. (Daris Jose)