NAGKAROON nga kaya ng balikan at muli nang isinuot ni Bea Alonzo once ang engagement ring nila ni Dominic Roque?

Iyan ang tanong ng netizens nang mapansin ang suot na singsing ni Bea sa mga larawan na naka-post sa Instagram.

Ang post ay isang video slideshow na makikita ang mga larawan ni Bea habang nag-e-endorso ng isang skincare brand.

“OMG! Sino nakapansin dito, ‘yung ring?” ayon sa isang nagkomento sa post.

“Wow suot na makakatulog na ko ng mahimbing,” sabi naman ng isa pang netizen.

Kasalukuyang ginagawa ngayon ni Bea sa GMA Network ang upcoming series na “Widow’s War,” kasama si Carla Abellana.

***

MULING pumirma ng kontrata sa Kapuso Network ng GMA si Michael V. nitong Lunes. Handa na rin kaya siyang bumalik sa pagho-host ng variety o game show?

“Parang hindi pa time. There’s a reason why I left ‘Eat Bulaga’ before. I think it’s the same reason kung bakit hindi pa siguro ako sasabak,” ayon kay Michael V na kilala rin bilang si Bitoy.

Kabilang sa mga host ng Eat Bulaga si Bitoy mula 2004 hanggang 2016.

Sa isa niyang vlog, ipinaliwanag ng multi-awarded comedian na umalis siya noon sa noontime show dahil sa dami ng proyekto na kailangan niyang asikasuhin.

Bukod sa “Eat Bulaga,” nag-host din si Bitoy ng “Hole in the Wall,” kasama si Ogie Alcasid. At ang talent show na “Bitoy’s Showwwtime” at “Lip Sync Battle Philippines.”

Sa ngayon, kabilang sa mga programang ginagawa ni Bitoy sa GMA ang “Bubble Gang,” at ang TV sitcom na “Pepito Manaloto.”

Noong 2019, sumabak si Bitoy bilang bida at direktor ng pelikulang “Family History.”

Nitong nakaraang taon, kinilala ng Film Development Council of the Philippines (FDCP) ang Kapuso comedian bilang isa sa mga comedy icons ng Pilipinas

***

AFTER 11 years, sikretong nakipag-divorce si Natalie Portman sa mister na si Benjamin Millepied.

Hindi ginawang public ng Oscar winner ang pag-file niya ng divorce noong July 2023 sa France. Na-finalized ang divorce noong February ng taong ito.

Nakilala ni Portman si Millepied sa set ng pelikula niyang Black Swan noong 2012 kunsaan choreographer ito ng mga ballet numbers sa movie. Meron silang dalawang anak: Aleph, 12, and daughter Amalia, 7.

May 2023 noong maghiwalay sila dahil nagkaroon ng affair si Benjamin. Naka-focus na sila ngayon on co-parenting their children.

(RUEL J. MENDOZA) 

NANANATILING solid at loyal na Kapuso si Michael V. sa muli niyang pagpirma ng kontrata sa GMA.

At dahil marami-rami na rin siyang nagawang proyekto para sa GMA, natanong ang comic icon kung handa na rin kaya siyang bumalik sa pagho-host ng variety o game show?

“Parang hindi pa time,” lahad ni Michael V. o Bitoy. “There’s a reason why I left Eat Bulaga before. I think it’s the same reason kung bakit hindi pa siguro ako sasabak.”

Naging Dabarkkads o host ng Eat Bulaga si Bitoy mula 2004 hanggang 2016 at inihayag niya na umalis siya noon sa EB dahil sa dami ng proyekto na kailangan niyang harapin.

Sa ngayon, kabilang sa mga programang ginagawa ni Bitoy sa GMA ang Bubble Gang at ang sitcom na Pepito Manaloto.

***

AYON kay Elle Villanueva hindi niya pinakikialaman ang telepono ng kanyang nobyong si Derrick Monasterio.

“Hindi ko rin hinihingi yung password niya,” kuwento ni Elle.

“Wala po kaming access to our private accounts so I never saw his, puwera na lang kung may ipapa-check sa akin.

“Pero hindi ko naman tsini-check masyado yung messages niya.

“Pero wala naman kasing reason para pagselosan kay Derrick. So thank God,” bulalas pa ni Elle.

Ayon pa kay Elle, kailangan ding may unawaan ang isang magkasintahan tungkol sa kanyang trabaho bilang artista.

“It should be normal for us to be working with a different partner na merong touch, may kiss. So I think that’s fine kasi we chose this e,” saad pa ni Elle.

Bida sina Elle at Derrick sa ‘Makiling’ ng GMA.

***

SINABI mismo ni Ruru Madrid na fake news ang kumalat na balitang walang medic sa set ng ‘Black Rider’.

Bunga ito ng nag-viral na video na kuha behind the scenes sa seryea kung saan makikitang humahagulgol ang aktres na si Rio Locsin habang inaalalayan siya ni Ruru.

May nagkalat agad ng isyu na walang medic na umalalay kay Rio na noon ay hindi umano makahinga.

At lahad ni Rio bilang depensa, “Wala pong kapabayaanan na nangyari sa set ng Black Rider. May medics po kami, mayroon po kaming mga ambulansiya, mayroon kaming mga security officers. Alagang alaga po ako sa set at wala pong untoward incident.

“No medical issues. Hindi po ako inatake ng hika, wala po akong hika. Hindi rin po ako nagkaroon ng anxiety attack, wala pong ganoon. Yun lang po talaga, mabigat lang po talaga yung eksena.”

Masyado lang kasing mabigat at emosyonal ang mga eksenang kinunan nila noong araw na iyon.

“Since naka pang-apat na siya, masyado nang mataas yung emosyon ko na pagdating doon sa ika-fourth scene, hindi ko na siya mapigilan kahit after the scene,” paglilinaw ni Rio.

Kaeksena ni Rio dito si Ruru na makikita sa video na niyayakap si Rio at binibigyan pa ng tubig.

Lahad naman ni Ruru, “Imposible pong walang medic sa set dahil hindi po natin alam kung ano po yung mga puwedeng mangyari sa atin during doon sa time na nagtatrabaho po tayo.

“At the same time, bukod po sa medic, mayroon tayong naka-standby na mga kapulisan po natin. May naka standby din po tayong mga firefighters.”

(ROMMEL L. GONZALES)