HINDI pa rin makapaniwala ang Noontime Princess ng TV5 na si Miles Ocampo kaya naluha-luha siya nang ipakilala bilang bida ng teleseryeng ‘Padyak Princess’, na mapapanood na simula ngayong Lunes, June 10.

Say pa ng award-winning actress, “Naiyak po talaga ako nung i-present sa akin. Sabi ko po kina direk Mike (Tuviera of APT Entertainment, isa sa producers), ‘sure po ba kayo talaga?’”

Labis-labis nga ang pasasalamat niya sa TV5, Cignal, BuKo at APT Entertainment na nagbigay sa kanya ng pagkakataon na maging bida.

Kaya pangako niya na gagalingan niya talaga ang pagganap bilang Princess na tiyak kaming mamahalin ng mga viewers.

Samantala, hindi naman naiwasang tanungin siya tungkol sa ‘joke’ na pinakawalan ni Joey de Leon sa isang segment ng ‘Eat Bulaga’ na kung saan nabanggit ang kanyang pagtaba, na inalmahan ng netizens kaya ang ending nakatanggap ng pamba-bash ang Henyo Master.

Pero inamin naman ni Miles na hindi siya naapektuhan sa naging banat ni Joey tungkol sa kanyang timbang.

Paliwanag ni Miles, “sa Dabarkads, bawal ang pikon. Sanay lang sa mga bawat banat at hirit ng isa’t isa, so walang problema po.

“Actually si Boss Joey, naapektuhan din kasi nga ất sabi niye, ‘bakit galit ‘yung mga tao sa akin?’ eh segment naman po namin sa Eat Bulaga ‘yung ‘pataas, pababa.’”

Kinabukasan matapos na mag-viral ang video ay nag-sorry naman si Joey sa kanya.

“Sabi ko kay Boss Joey, ‘okay na po ‘yun, sadyang ang mga tao talaga ngayon ay makabilis makahanap ng mali, kaya napupuna agad.’

“Pero sabi ko, wala pong problema. And the next day naman, nag-sorry naman si Boss Joey sa akin, so, walang problema po,” paliwanag pa ni Miles.

Anyway, gagampanan ni Miles ang role ni Princess, isang charming at determinadong babae na nangangarap iligtas ang reputasyon ng kanyang pamilya at ibalik ang golden years ng kanilang Barangay Singko.

Maraming pagsubok ang haharapin ni Princess kung saan mapipilitan siyang tumayo bilang breadwinner at itawid ang pangangailangan ng kanyang pamilya. Hindi basta-basta matitinag si Princess dahil handa siyang harapin ang bawat hamon ng buhay na may tapang, determinasyon, at may halong saya.

Kilala bilang former child star na ngayon ay award-winning actress na dahil sa kanyang natatanging talento, handa na si Miles sa kanyang role sa bagong serye ng TV5.

Ang ‘Padyak Princess’ ay puno ng heartwarming moments, inspiring triumphs, at nakakatuwang mga karakter. Kasama rin sa cast sina Ara Mina, Ces Quesada, Christian Vasquez, Cris Villanueva, Yayo Aguila, Gillian Vicencio, Jameson Blake, Jem Manicad, Joao Constancia, Karissa Toliongco, Kira Balinger, David Remo, at Miel Espinoza.

Mapapanood ang ‘Padyak Princess’ sa TV5, 11:15 a.m. tuwing Lunes hanggang Biyernes, simula sa Hunyo 10. Mayroon din itong same day catch-up episodes sa BuKo channel ng 7:30 p.m.

(ROHN ROMULO)

SHOCKING ang mga rebelasyon ni Sid Lucero!

Natanong kasi siya tungkol sa anger management na isa sa mga tema ng bago niyang pelikula na ‘Karma.’

At ang umpisang bulalas ni Sid, “Anger management? My God, where do we start? I had a really, really bad temper. It’s really bad, like, I went to anger management.”

Isa sa mga nagawa niya dati ay ang butasin ang gulong ng mga sasakyan ng ibang mga tao dahil lang sa away nila ng kanyang girlfriend.

“If I had a fight, let’s say with my girlfriend, I get a puncher, every car from my car… butas lahat ng tires. “Hindi ko naman siya masaksak kaya sa kotse na lang lahat.

“Seryoso, it was really bad. I’ve hurt people,” pagpapatuloy ni Sid.

Nanuntok na rin daw siya dati ng isang lalaking gusto lamang magpapiktyur sa kanya.

“There was this one time, I was having a fight with my girlfriend and I needed to pee, so I went to a gas station and peed.

“And then this guy goes, ‘Puwedeng pa-picture?’ I punched him so hard, his eyeball burst.

“It was really bad so I went to anger management.

“And then I found out, it wasn’t really anger management, it was just taking too much substances.”

Pero sa kasalukuyan ay napakalaki na ng ipinagbago ni Sid.

“And then you grow up, and then you realized that the world is bigger than yourself and your own ego.

“But anyway, I learned to handle everything better.

“I think my ego was the biggest problem. I was angry about everything.

“And I didn’t like stupidity. Stupidity pisses me off.

“Then you learn to take a break and step back.

“You learn that the world is bigger than yourself, your daughter is born, you realized that every action that you make is going to ripple down generations.

“Now, I can say I think I’m okay ‘coz I’m getting jobs and people love me.”

Ang ‘Karma’ ay mula sa Viva Films kung saan kasama ni Sid sina Rhen Escano, Paolo Paraiso at Krista Miller sa direksyon nina Albert Langitan at Zyro Radoc na ipalalabas sa mga sinehan sa June 19.

***

MALAKI ang potensyal ng baguhang female star na si Jess Martinez.

Maganda si Jess at tiyak na kapag naalagaan nang husto ay sisikat.

And malaki naman ang chance na marating ni Jess ang rurok ng tagumpay dahil ang manager niya ay si Rams David ng Artist Circle Management.

Tulad ng alam ng marami sa atin, malaki ang naging parte ni Rams sa pagsikat nina Marian Rivera at Maine Mendoza.

At dahil si Jess ay may flawless ang balat, may magandang mukha, may seksing katawan bukod pa sa kanyang angking talino, pagiging grasyosa, bagay na bagay maging mukha ng SKINLANDIA si Jess.

Si Jess ang kabuuan ng isang ideal SKINLANDIA lady kaya naman hindi nag-atubili ang mag-asawang Noreen at Juncynth Divina na kuhaning celebrity endorser ang alaga ni Rams.

Malapit na ring mapanood si Jess sa iba-ibang proyekto sa telebisyon at pelikula.

Samantala, open for franchise ang SKINLANDIA sa mababang franchise fee!

Tumawag, mag-text o mag-Viber lamang sa 09955770628, 0915106 0888, (02) 82824306 at sa Viber: +63.917.868.8550

Ang mga branches ng SKINLANDIA ay sa SM City Fairview at SM Jazz Residences.

(ROMMEL L. GONZALES)

Sa pagdiriwang ng Pride Month sa buwang ito, magaganap ang world premiere ng Choosing (Not A Straight Play) mula Hunyo 29 hanggang Hulyo 7, 2024, sa Power Mac Spotlight Blackbox Theater, Circuit, Makati.

Original play ito na nilikha ng powerhouse LGBTQIA+ couple na sina Ice Seguerra at Liza Dino at ididirek ng kilalang si Dr. Anton Juan.

Isang makabuluhang kuwento ang hatid ng power duo na sinamahan pa ni Dr. Juan na ang kuwento ay tungkol sa pagmamahalang hindi base sa kasarian ng mga tao kundi sa pagmamahal sa isa’t isa.

Ang ‘Choosing (Not A Straight Play)’ ay isang taos-pusong pagsisiyasat ng pagkakakilanlan, pag-ibig, at tapang na maging tapat sa sarili. Isinulat ni Liza, na may karagdagang monologues mula kay Ice, ang play ay hinango mula sa kanilang mga personal na karanasan at koleksiyon ng mga kuwento ng LGBTQIA+ sa loob ng maraming taon. Nag-aalok ito ng kapana-panabik na kuwento na nagbubura ng linya sa katotohanan at kathang-isip.

“We’re not just telling a story, we’re sharing a part of our souls with the audience. It’s about the raw, sometimes painful journey to find not just love, but ‘yung acceptance and happiness lalo na sa society na ginagalawan natin,” kuwento ni Liza.

“My hope is that this play will break barriers to understanding the individual experience of people from the LGBTQIA+ community. Through these stories and shared experiences, we’ll realize that we have more commonalities than differences,” dagdag ni Ice.

“Ang Choosing ay hindi lamang tungkol kina Ice at Liza ukol din ito sa pagtanggap sa mga hindi nakikita at hindi naririnig na mga kuwento sa LGBTQIA+ community at paghahanap ng espasyo para tuklasin ang mga pakikibaka na kanilang kinakaharap sa lipunan at ang mga komplikasyon ng karanasang ito,” sabi ni Dr. Anton.

Samantala, grabe pala ang naging asthma attack na naranasan ni Ice, na naging dahilan para ma-postpone ang ‘Videoke Hits: The Repeat’ noong June 1 at na-move sa June 28.

Hindi lang kasi si nawalan ng boses, nagkaroon pa siya ng ear infection.

Pagbabahagi ni Ice, “Parang ang nangyayari kasi sa akin ‘pag sininisipon ako, bonggang sipon, alam ko na ‘yun. Alam ko na after nu’n hihikain ako and true enough, hinika ako nang bongga.

“So syempre kapag sipon tumutulo ‘yan sa lalamunan mo so na-irritate din ‘yung lalamunan ko.”

“So napaos ako, and then hinika ako, and my ear also. So okay, na halos lahat. The voice is fine, the throat is okay, it’s just my ear, so ano naman na kumbaga, I’m taking meds already, so naghihintay na lang siya talagang… Wala, you really have to let nature take its course,” dagdag kuwento pa ng OPM Icon.

First lang daw ito nangyari sa kanya….

“Yes, kasi first time ko naka-experience ng ganito ah. Nagkaroon ng infection sa ear. Oh my God ang sakit pala talaga, para siyang throbbing in pain tapos pressure na sobrang nakadiin ng ganun…

So imagine mo hindi talaga ako makatulog tapos ito umaabot siya rito (tinuturo ang bandang bibig).

“Tapos parang ito ‘yung jaw ko rito sa left side, hindi ko mabuka. So nakaganyan lang ako kumakain. So hindi ako nakakakain masyado.

“Kaya ayon binigyan na ako ng meds, ng oral antibiotic, ng drops na antibiotic kasi ayun. Medyo nakakapraning siya.”

First time ni Ice sa stage play.

“Oo. My gosh. Medyo nate-tense ako. Kasi sobrang outside of my comfort zone kasi kapag may kantahan syempre alam mo ‘yun wala kang problema doon eh, ito talagang lahat salita eh. I mean may konting kanta pero hindi talaga siya kantahan,” pag-amin niya.

Matagal nang gustong magkasama sa trabaho sina Ice at Liza.

“Well, we always wanted to do something together, whether it be film or ano, because we’re both actors, but the only time we’ve acted with each other was during the (wedding) proposal. Iyon lang.

Never kami nakapaggawa ng any project together.”

Mas sanay nga sa paggawa ng pelikula si Ice at mag-concert, kaya ibang experience talaga ito play.

“Medyo nakakatensyon lang kasi syempre ang daming cues alam mo ‘yun parang kasi ‘di ba like tayo sa film when you say this line parang let say gawin mo itong line na ito. You just have to do your thing. Pero ito it’s theatre parang halos bawat linya meron kaming cue, meron kaming kailangang action na gawin.

“We really need to master the dialogue first and our monologues kasi parang ang nangyayari is pumapasok ‘yung information ng text, pumapasok ‘yung information ng blocking nakaka overwhelm siya.”

Maging bahagi ng makasaysayang kaganapang ito na naglalayong itaas ang antas ng mga pag-uusap tungkol sa pag-ibig, pagkakakilanlan, at pagtanggap. Bilhin na ang iyong tiket ngayon at samahan sila sa pagdiriwang ng Pride Month sa pamamagitan ng isang dula na nangangakong maghatid ng makabuluhang epekto.

Para sa karagdagang impormasyon at upang bumili ng mga tiket, mangyaring bisitahin ang Ticket2Me. Ang presyo ng tiket ay nagsisimula sa Php 1000 para sa Silver, 1300 para sa Gold, at 1500 para sa Platinum.

(ROHN ROMULO)