NAGBABALA ang Metropolitan Manila Development Authority (MMDA) sa mga motorista kaugnay ng text message na nagpapayo sa kanila na magbayad ng multa gamit ang isang link.

“MMDA NCAP Office notice: Your traffic violation penalty bill is 3 days past due. Failure to pay will result in an fail vehicle registration,”ang nilalaman ng nakalap na text message mula sa sender na CASHPROM.

Payo ng MMDA sa pubiko, huwag mag-click ng anumang ipinadadalang link sa text message dahil isa itong scam, maging mapagmatyag at huwag ding magbigay ng mga personal at sensitibong impormasyon.

Maaaring direktang makipag-ugnayan ang mga motorista sa MMDA para iberipika ang anumang mensahe sa pamamagitan ng pakikipag-ugnayan sa Hotline 136.

Maaari rin umano silang magpadala ng mga mensahe sa pamamagitan ng email sa digitalmedia@mmda.gov.ph, o sa pamamagitan ng social media accounts ng ahensya sa Facebook (@MMDAPH) at X (@MMDA), o tingnan ang opisyal na website nito sa mmda.gov.ph.

Matatandaang noong nakalipas na buwan lamang nang magpalabas din ng babala ang MMDA hinggil sa “No Touch Arrest Penalty” scam na batay naman sa mensaheng ipinadadala sa publiko ng mga scammers na –“MMDA No-Touch Arrest Pe­nalty Notice: Please go to go-ph.tw to pay the penalty after you have been notified that failure to pay will void your vehicle register.”

Iginiit ng MMDA na wala silang polisiya na magpadala ng text messages kaugnay sa traffic violation.

NILINAW ng Department of Health (DOH) na hindi gamot sa dengue ang siling labuyo.

Inihayag ito ng DOH matapos mag-viral ang isang social media post na nagsasabing ang siling labuyo ay mahusay na panlunas sa naturang karamdaman, na nakukuha sa kagat ng lamok.

Sa isang abiso, sinabi ng DOH na wala pang anumang ispesipikong lunas para sa dengue.

Binigyang-diin pa ng DOH na ang pinakamabisa pa ring paraan upang makaiwas sa dengue ay umiwas sa kagat ng lamok.

Hinikayat rin nito ang publiko na magsuot ng long sleeves at pantalon upang takpan ang balat, at ipagpatuloy ang paggamit ng mosquito repellent lotions at sprays.

Makatutulong din ang pagpapanatiling malinis sa paligid at pagpuksa sa mga lugar na pinamumugaran ng lamok.

Kabilang sa mga sintomas ng dengue ay lagnat, pananakit ng ulo, kalamnan at kasu-kasuan, pagduduwal at rashes sa balat.

MAAARI nang isama ang mga buntis at nagpapa-breastfeed na mga ina sa listahan ng benepisyaryo ng Pantawid Pamilyang Pilipino Program o 4Ps.

Ito ay matapos ipag-utos ni Pangulong Ferdinand Marcos Jr. ang pagpapalawig pa sa coverage ng 4Ps para masiguro ang kaligtasan ng mga sanggol sa unang 1,000 araw.

Nauna nang ipinanukala ng DSWD ang panukalang reporma sa 4Ps noong Pebrero kung saan nais nila itaas ang cash grants sa First 1,000 days (F1KD) ng mga bata para tumaas din ang purcha­sing power ng 4Ps bene­ficiaries at maiwasan ang malnutrisyon sa mga bata.

Kahapon sa ginanap na sectoral meeting ay inaprubahan ni Pangulong Marcos ang panukala ng DSWD na maglaan ng ayuda sa mga buntis at nagpapasusong mga ina para masiguro na mabibigyan sila ng serbisyong pangkalusugan at matugunan din ang kalusugan ng mga bata sa unang 1,000 days.

Sa ilalim ng kasaluku­yang programa, ang isang 4Ps beneficiary-family ay makakatanggap ng daycare at elementary grant na P300 kada bata kada buwan sa loob ng isang buwan sa kondisyon na sila ay pumapasok sa eskwelahan; P500 kada bata tuwing isang buwan sa loob ng 10 buwan para sa junior high school at P700 kada bata tuwing isang buwan at sa loob ng 12 buwan.

TUMAAS ang bilang ng mga Filipino na walang trabaho noong Abril ngayong taon.

Ayon kay Philippine Statistics Authority (PSA) chief at National Statistician Claire Dennis Mapa, nasa 2.04 milyon ang mga Pinoy na 15-anyos pataas ang walang trabaho na mas mataas kumpara sa 2 milyon na naitala noong Marso.

Sabi ni Mapa, ang pagdami ng jobless Pinoy ay epekto ng El Niño phenomenon kung saan tinamaan ng husto ang sektor ng Agrikultura.

Mas mababa naman ang year-on-year unemployed noong Abril kumpara sa 2.26 milyong jobless na naitala noong Abril 2023.

Bumaba rin ang bilang ng employed individuals noong Abril nang makapagtala ng 48.36 milyong employed kumpara sa 49.15 milyong employed noong Marso.

Tumaas naman ang underemployed o ang mga naghahanap ng dagdag na trabaho. Mula 5.39 milyon noong Marso, tumaas ito sa 7.04 milyon noong Abril.

Sinabi naman ng National Economic and Development Authority (NEDA) na nagkaroon ng pagtaas ng bilang ng middle-skilled occupations na umabot sa 1.3 milyon at full-time employment na nasa 6.1 milyon.

NAGKASANG muli ng tatlong araw na tigil-pa­sada ang transport group na Manibela sa susunod na linggo.

Nabatid na isasagawa ng grupo ang transport strike mula Hunyo 10 hanggang 12 bilang protesta sa isinasagawang paghuli sa mga public utility jeepneys (PUJs) na hindi nakapag-consolidate ng prangkisa sa ilalim ng Public Utility Vehicle Modernization Program (PUVMP).

Matatandaang sinisimulan na ng Land Transportation Franchising and Regulatory Board (LTFRB) ang ­paghuli sa mga PUJs na binawian ng prangkisa matapos na mabigong mag-consolidate sa kooperatiba o korporasyon noong April 30 deadline.

Bukod sa tigil-pasada, magdaraos din umano ang grupo ng kilos-protesta sa harapan ng tanggapan ng Metropolitan Manila Development Authority (MMDA).

Una na rin namang tiniyak ni Department of Transportation (DOTr) Secretary Jaime Bautista na may sapat na jeepney na bumibiyahe sa bansa dahil 80% ng mga PUV operators at drivers ay nakatalima naman sa konsolidasyon.

Bukod sa tigil-pasada, magdaraos din umano ang grupo ng kilos-protesta sa harapan ng tanggapan ng Metropolitan Manila Development Authority (MMDA).

Una na rin namang tiniyak ni Department of Transportation (DOTr) Secretary Jaime Bautista na may sapat na jeepney na bumibiyahe sa bansa dahil 80% ng mga PUV operators at drivers ay nakatalima naman sa konsolidasyon.

Bukod sa tigil-pasada, magdaraos din umano ang grupo ng kilos-protesta sa harapan ng tanggapan ng Metropolitan Manila Development Authority (MMDA).

Una na rin namang tiniyak ni Department of Transportation (DOTr) Secretary Jaime Bautista na may sapat na jeepney na bumibiyahe sa bansa dahil 80% ng mga PUV operators at drivers ay nakatalima naman sa konsolidasyon.

Bukod sa tigil-pasada, magdaraos din umano ang grupo ng kilos-protesta sa harapan ng tanggapan ng Metropolitan Manila Development Authority (MMDA).

Una na rin namang tiniyak ni Department of Transportation (DOTr) Secretary Jaime Bautista na may sapat na jeepney na bumibiyahe sa bansa dahil 80% ng mga PUV operators at drivers ay nakatalima naman sa konsolidasyon.

Ang konsolidasyon ng prangkisa ay unang bahagi ng PUVMP at mahigpit na tinututulan ng ilang transport groups.

UMARANGKADA na ang “Move Manila Car-Free Sunday” kung saan sa kabila ng walang tigil na buhos ng ulan ay dinagsa pa rin ng libu-libong indibidwal ang Roxas Boulevard nitong Linggo, Mayo 26.

Nabatid sa tagapagsalita ng lokal na pamahalaang Lungsod ng Maynila na si Atty. Princess Abante, tinatayang aabot sa mahigit 3,000 ang nakiisa sa nasabing proyekto sa kabila ng walang tigil na pag-ulan na dulot ng bagyong Aghon.

Ang programang Move Manila Car-Free Sunday ay pinagtibay matapos pirmahan ni Mayor Honey ang Ordinance No. 9047 kung saan itatalaga ang kahabaan ng Roxas Boulevard mula Padre Burgos Circle hanggang Quirino Avenue bilang “car free zone” tuwing araw ng Linggo.

Batay sa Ordinansa, ang mga Manileño at iba pa ay maaaring mag-ehersisyo mula alas-5 ng umaga hanggang alas-9 ng umaga sa nasabing lugar sa pamamagitan ng paglalakad, jogging, pagtakbo, roller skating, at pagbibisikleta.

“Our car-free Sundays will be different from others like it because our venue is Roxas Boulevard, the most beautiful and historice boulevard in the country. We inspected Roxas Blvd to ensure the road will be safe for all,” ani Mayor Lacuna.

“The Move Manila program is designated to advance the city’s goal of becoming a liveable city where health lifestyles and environmental preservation are ingrained habits,” ayon pa kay Mayor Honey na isa ring medical doctor.  (Leslie Alinsunurin)

LUBHA umanong nakakaalarma na ang pagdami ng taong may matinding sakit sa bato.

Ayon sa National Kidney and Transplant Institute (NKTI) tumaas ng 42 percent ang bilang ng mga taong may matinding sakit sa bato o chronic kidney disease sa Pilipinas.

Sa pagdiriwang ng National Kidney Month, sinabi ni Dr. Romina Danguilan, Deputy Executive Director for Medical Services ng NKTI, 60,000 na ang bilang ng mga nagpapa-dialysis na pasyente at nasa 35,000 ang bagong pasyente na naitala noong nakaraang taon

Anya, nasa 17 percent ang itinaas ng bilang ng in-patient mula taong 2022 na ngayon ay nasa 12,000 na ang bilang. Ang outpatient naman ay nasa 38 percent na ang itinaas mula taong 2022 na ngayon ay nasa 58,000 na ang bilang.

“It’s alarming, it’s very high. Dati po 5 years ago ‘yung itinataas  lang ng incidents of dialysis patients was only about  30 percent, now it’s already 42 percent,” sabi Danguilan.

Anya, nasa 17 percent ang itinaas ng bilang ng in-patient mula taong 2022 na ngayon ay nasa 12,000 na ang bilang. Ang outpatient naman ay nasa 38 percent na ang itinaas mula taong 2022 na ngayon ay nasa 58,000 na ang bilang.

“It’s alarming, it’s very high. Dati po 5 years ago ‘yung itinataas  lang ng incidents of dialysis patients was only about  30 percent, now it’s already 42 percent,” sabi Danguilan.