PINAG-IINGAT ng Department of Health (DOH) ang publiko laban sa masamang epekto sa kalusugan ng electronic cigarettes (e-cigarettes) at iba pang vape pro­ducts.

Ang babala ay ginawa ng DOH matapos na lumitaw sa isang medical case report na idinukomento ni Dr. Margarita Isabel C. Fernandez at nalathala sa journal Respirology Case Reports, na isang lalaking 22-anyos lamang na walang anumang isyung pangkalusugan ang dumanas ng fatal heart attack, kasunod ng matin­ding pinsala sa baga, na posibleng dulot ng kanyang araw-araw na paggamit ng vape.

Nabatid na ang pa­syente ay na-admit sa pagamutan dahil sa matinding pananakit ng dibdib, hirap sa paghinga at naranasang heart attack, dulot ng bara sa dalawang major arteries. Nagkaroon din siya seryosong lung condition na kilala bilang e-cigarette or vaping-use associated lung injury (EVALI) at nakitaan ng severe pneumonia-like symptoms sa baga ngunit wala namang impeksiyon na na-detect ng mga doktor.

Nabatid na isinailalim ng mga doktor ang pasyente sa emergency procedure upang buksan ang nabarahan nitong ugat sa puso ngunit lalo lamang lumala ang kondisyon ng pasyente.

Nagkaroon umano ito ng respiratory failure, sanhi upang kailanganin ng mechanical ventilation at tatlong araw lamang matapos siyang maisugod sa pagamutan ay tuluyan nang binawian ng buhay,

Ayon sa DOH, ang naturang tragic case ay nagpapakita na ang e-cigarettes o vape ay hindi totoong mas ligtas na alternatibo sa paninigarilyo at sa halip ay higit pang naglalagay sa panganib sa mga taong gumagamit nito, partikular na ang mga kabataan. Nagdudulot din ito ng matinding pinsala sa iba’t ibang sistema ng katawan ng tao tulad ng sa puso at baga, na nagiging sanhi ng atake sa puso at EVALI.

INATASAN ni House Speaker Martin Romualdez ang PhilHealth na pag-aralan kung maaari nilang sagutin na rin ang gamot na ginagamit sa pagpapa-dialysis  ng mga diabetic patients.

Ayon kay House ­Deputy Majority Floor leader Erwin Tulfo, ito ang nais ng mga mambabatas sa Kongreso para mabawasan o tuluyan ng malibre ang gamot ng mga may acute diabetes sa bansa.

“4.5 milyong Pilipino ang may diabetes at halos kalahati nito ang nagpapa-dialysis ng isa hanggang tatlong beses isang linggo,” ani Cong. Tulfo.

Dagdag pa ng ACT-CIS Representative, “umaabot kasi ng P900 hanggang P1,500 ang injection pagkatapos ng  dialysis session ng isang pasyente”.

Ayon kay Tulfo, “may instruction si Speaker Romualdez na pag-aralan agad ng PhilHealth kung papaano malibre o sagutin na lang nila ang gamot, totally”.

Maraming mga dialysis patients daw kasi ang lumapit na kay Romualdez para hilingin na gawin na lang libre ang gamot o makakuha sila ng discount man lang.

“Sabi ni Speaker sa kanila naiintindihan nya ang bigat ng gastusin sa halos araw-araw ng pagpapa-dialysis”, ayon kay Tulfo.

“The house leadership want to unload o bawasan itong pasanin sa pagpapa-dialysis”, ayon sa mambabatas.

Sa ngayon sinasagot na ng PhilHealth ang pagpapadialysis ng mga miyembro nito pero ‘di pa kasama ang gamot.

NAKAPAGTALA ang Department of Health (DOH) ng bahagyang pagtaas ng mga kaso ng COVID-19 sa bansa ngunit tiniyak na hindi ito sapat na basehan upang magpatupad ng travel restrictions.

Siniguro rin ng DOH na ang lahat ng rehiyon sa Pilipinas ay nananatili pa rin namang nasa ‘low risk’ sa COVID-19.

Sa datos ng DOH, hanggang noong Mayo 12, 2024 ay nasa 11% o 119 mula sa 1,117 dedicated COVID-19 ICU beds ang okupado habang 13% o 1,238 ng 9,571 dedicated COVID-19 non-ICU beds ang ginagamit.

Nakapagtala ang Department of Health (DOH) ng bahagyang pagtaas ng mga kaso ng COVID-19 sa bansa ngunit tiniyak na hindi ito sapat na basehan upang magpatupad ng travel restrictions.

Siniguro rin ng DOH na ang lahat ng rehiyon sa Pilipinas ay nananatili pa rin namang nasa ‘low risk’ sa COVID-19.

Sa datos ng DOH, hanggang noong Mayo 12, 2024 ay nasa 11% o 119 mula sa 1,117 dedicated COVID-19 ICU beds ang okupado habang 13% o 1,238 ng 9,571 dedicated COVID-19 non-ICU beds ang ginagamit.

Kabilang anila dito ang pitong pasyente na may severe o critical disease habang lima ang namatay dahil sa karamdaman, na naganap mula Abril 30-Mayo 13.

“It is important to note that by law, doctors, their clinics, hospitals and other facilities are required to accurately and immediately report cases of CO­VID-19, whether tested by PCR or rapid antigen test. This will help guide public health decision-making,” anang DOH.

Batay sa May 17, 2024 World Health Organization (WHO) COVID-19 Epidemiological Update, mayroong tatlong bagong variants under monitoring (VUM) kabilang dito ang JN.1.18, KP.2 at KP.3, na pawang descendants ng JN.1.

Ang variants na KP.2 at KP.3 ay ang tinaguriang “FLiRT” variants.

Kabilang anila dito ang pitong pasyente na may severe o critical disease habang lima ang namatay dahil sa karamdaman, na naganap mula Abril 30-Mayo 13.

“It is important to note that by law, doctors, their clinics, hospitals and other facilities are required to accurately and immediately report cases of CO­VID-19, whether tested by PCR or rapid antigen test. This will help guide public health decision-making,” anang DOH.

Batay sa May 17, 2024 World Health Organization (WHO) COVID-19 Epidemiological Update, mayroong tatlong bagong variants under monitoring (VUM) kabilang dito ang JN.1.18, KP.2 at KP.3, na pawang descendants ng JN.1.

Ang variants na KP.2 at KP.3 ay ang tinaguriang “FLiRT” variants.

NAGSAMPA ng cyberlibel charges ang Pharmaceutical Inc. sa National Bureau of Investigation (NBI) laban kay Dr. Antonio “Tony” Leachon.

Sa isang press conference sinabi ni Atty. Alex Avisado Jr. na magsasampa sila ng kaso laban sa mga malisyosong paratang ni Leachon.

Ang mga paratang ni Leachon sa Bell-Kenz ay labis na naniningil at di umano’y nakikisali sa hindi etikal na pamantayan.

Ayon kay Avisado, maaari silang magsampa ng administrative complaint laban kay Leachon para mabawi ang kanyang lisensya sa pag-practice ng medisina.

Idinagdag ni Avisado na hindi lang nila pinapanagot si Leachon kundi pati na rin ang iba pang mga doktor na sumisira sa reputasyon ng Bell-Kenz na nagbibigay lamang ng mga gamot na mas mura ng 30 porsiyento sa mga mamamayang Pilipino.

“Bukas ang Bell-Kenz sa lahat ng ahensya ng gobyerno para sa pagsasagawa ng imbestigasyon para malinis ang pangalan ng Bell-Kenz sa mga malisyosong alegasyon ni Leachon,”

Sinabi ni Avisado na nagtungo si Leachon sa Senado at inakusahan ang Bell-Kenz na diumano’y pagpapalit ng kanilang mga reseta.

Sinabi ni Atty. Dezery Perlez, tagapagsalita ng Bell-Kenz na nagsampa sila ng reklamong kriminal para sa paglabag sa Anti-Cyber ​​Law laban kay Dr. Antonio Leachon.

Inakusahan o iginiit ni Leachon na ang mga doktor ng Bell-Kenz ay labis na naniningil sa kanilang mga pasyente kapalit ng mga mamahaling sasakyan.

“Ang inihain namin ay criminal complaint at hindi civil complaint which is penalized with imprisonment,” ani Perlez.

Dagdag pa ni Perlez, aaksyunan ng NBI ang mga malisyosong post sa social media ni Leachon na sumisira din sa reputasyon ng mga doktor.

Sinabi ni Joseph Vincent Go, legal na tagapayo ng Bell-Kenz, na ang mga paratang ni Leachon ay nakakasira sa reputasyon ng Bell-Kenz.

“Sa puntong ito,” sabi ni Go, “hindi kami sigurado kung saan kinuha ni Leachon ang kanyang mga paratang sa mga doktor ng Bell-Kenz na umano’y nakikibahagi sa hindi etikal na pamantayan kapalit ng mga mamahaling sasakyan, alahas at iba pa.” sabi ni Go, ay mayroon ding malisyosong pag-post sa Twitter. (PAUL JOHN REYES)

BANTAY-SARADO sa National Capital Region Police Office (NCRPO) ang mga Philippine Offshore Gaming Operators (POGO) sa Kalakhang Maynila sa paglulunsad ng “ReACT POGO”.

Ito ang sinabi ni NCRPO Director PMaj. Gen. Jose Melencio Nartatez Jr. dahil kadalasang ginagamit ang POGO sa iba’t ibang uri ng krimen.

Ayon kay Nartatez, inilunsad ang programang “ReACT POGO” o “Repress Acts of Criminals” kung saan target ang mga POGO na nagbibigay awtorisasyon sa pulisya na suriin o inspeksyunin ang mga POGO hubs sa Metro Manila.

“Meron tayong program to look after this business entity. These are called POGOs before eto ngayon ay internet gaming licensed group o busines. Ang trabaho ng pulis diyan is of course inspeksyunin”, ani Nartatez.

Nagpahayag ng pagkabahala si Nartatez sa mga isinasagawang Senate inquiry sa pagkakasangkot ng mga POGO sa kaso ng kidnapping, robbery extortion, may serious illegal detention at maging pagpatay.

Nakakalungkot lamang na nagagamit ang mga negosyo sa iligal kaya kinakailangan na ng pamahalaan at ng pulisya na makialam upang mapanatili ang peace and order.

Bilang NCRPO chief, sinabi ni Nartatez na hindi niya hahayaan na may pulis sa Metro Manila na masasangkot sa mga illegal na operasyon sa mga POGO.

Ito rin aniya ang dahilan ng pagkakatanggal ng chief of police nang  makitaan ng iligal sa pagsalakay na isinagawa ng PAOCC at CIDG.

Anang opisyal, katuwang ng PNP ang mga lokal na pamahalaan laban sa kriminilidad na maaaring maganap sa loob ng mga gusa­ling ito.

SINANG-AYUNAN ng Philippine Atmospheric, Geophysical and Astronomical Services Administration (PAGASA) ang panawagan ni Sen. Francis ‘Tol’ Tolentino na isama sa ilalabas na weather update kung ano ang kulay ng damit na dapat isuot upang maging angkop sa panahon.

Sa programang SOS ng DZRH, hiniling ni Sen. Tolentino kay Analiza Solis, Chief ng ClimateMonitoring and Prediction ng DOST-PAGASA kung maaring ikonsidera ang kanyang suhestyun. Halimbawa, kung mainit ang panahon ay puti o light color at kung maulan naman ay dark colors ang irekomendang suotin.

Sa ganitong paraan aniya ay mas madaling mauunawaan ng publiko ang lagay ng panahon at makapagsusuot ng damit na angkop sa panahon.

Nagpasalamat si Solis sa suhestyon ni Sen. Tolentino at nangako na maglalagay ng icons sa kanilang weather updates hinggil sa irerekomendang kasuotan base sa lagay ng panahon.

Ayon kay Sen. Tolentino, nakakuha na naman siya ng dagdag na puntos, matapos pakinggan ng Department of Trade and Industry (DTI) ang kanyang panawagan na magpatupad ng price control habang may El Niño.

MULING inulit ng Department of Agriculture (DA) na ang hakbang na muling payagan ang National Food Authority (NFA) na bumili at magbenta ng mas murang bigas ay pinaniniwalaang magiging dahilan ng pagtatag ng presyo kapag ang retail price ay “masyadong mataas .”

Sinabi ni DA Assistant Secretary at spokesperson Arnel de Mesa na ang panukalang amiyendahan ang Rice Tariffication Law (RTL) ay “much-needed intervention” kung ang Pilipinas ay hindi babaling sa marahas na hakbang gaya ng price caps.

“We don’t want iyong mga ganitong measures kasi iyong price cap, maganda iyon sa simula pero in the long term, mayroon iyong negative economic impacts sa ating bansa,” anito.

“So, kung magkakaroon ng opportunity ang NFA to intervene, mabilis iyong epekto,” dagdag na pahayag ni de Mesa.

Winika pa ni De Mesa na ang NFA rice na ibebenta ay may magandang klase at “relatively priced lower” kumpara sa dating umiiral na market price para sa well-milled, kung saan sa pagitan ng P48 hanggang P53.

“Kasi noong una kasi, nakakapag-provide siya ng PHP27. But we are not expecting naman iyong ganoong presyuhan but we are expecting na relatively lower iyong presyo ng NFA prevailing market price,” aniya pa rin.

“Kapag naipasa itong amyenda sa RTL, puwede nang mag-intervene at magdala mismo sa retail outlets ang NFA,” ayon kay de Mesa.

Sa ilalim ng batas, limitado ang mandato ng NFA at iyon ay ang tiyakin na ang buffer stocks para sa mga sakuna o kalamidad at pinapayagan lamang na bumili ng dalawang uri ng ani mula sa lokal na magsasaka, fresh palay mula P19 hanggang P23; at malinis at tuyo sa pagitan ng P23 at P30.

“So, kung makakapamili iyong NFA ng bigas mismo, mababawasan iyong gastusin ni NFA sa pag-dry, sa pag-mill at kapag bigas na iyan, mas madaling i-maintain at mas madaling i-dispose,” ang winika ni De Mesa.

Samantala, tiniyak naman ni de Mesa sa mga magsasaka na ia-apply lamang ito sa mga kaso kapag ang bansa ay mayroong isyu sa suplay o presyo.

“Ang normal function pa rin ng NFA is to buy palay from our farmers,” aniya pa rin. (Daris Jose)