INIULAT ng administrasyong Marcos, araw ng Lunes ang  P14.5 billion na kabuuang puhunan kasunod ng business event ng Department of Trade and Industry-led (DTI) sa idinaos na  ASEAN-Japan Commemorative Summit sa Tokyo, Japan.

Sa ilalim ng bagong nilagdaang kasunduan at pledges updates, sinabi ng mga trade officials  na ang investments commitments ay maaaring makalikha ng 15,750 job opportunities.

“I am delighted to know that the letters of intent signed last February 2023 and those signed today now aggregate P771.6 billion or about US$14 billion in pledges from Japanese investors – expected to generate approximately 40,000 jobs,” ang inanunsyo ni Pangulong  Ferdinand R. Marcos Jr.

“Your interest in doing business with us will surely help achieve mutual economic growth between the Philippines and Japan,” dagdag na wika ng Pangulo.

Ayon pa sa Chief Executive ,  “those investments cover wide range of areas from semi-conductors, healthcare to infrastructure and agriculture.”

Ang presensiya aniya ng  Japanese companies sa infrastructure development  ay “very high profile.”

“But many of these projects that investments that they’re bringing in are not only for the Philippine market, they are also for foreign markets that will also improve our external balance and payments,” ayon kay Pangulong Marcos.

Sa kabilang dako, sinabi naman ni Presidential Adviser on Investment and Economic Affairs Frederick Go  na bahagi ng  DTI-led event  ang paglagda sa bagong memorandum of understandings (MOUs)— siyam na bagong MOUs—na may kabuuang halaga na P14 billion.

“But the more important thing is that more than 20 companies gave updates to the President on their pledges from his trip last February,” ayon kay Go.

“And on that part, we don’t know the exact number today, but P169 billion of actualized investments from the trip earlier this year,” paliwanag nito.

Kabilang sa mga kumpanya na sangkot ay ang  Bases Conversion and Development Authority (BCDA) at Japan Overseas Infrastructure Investment Corp. for Transport and Urban Development (JOIN), na sinasabing magtutulungan  sa  pag-aaral na may kaugnayan sa development ng  New Clark City.

Ang BCDA ay makikipag-partner din sa  Manila Japanese School (MJS)  para sa renewal ng eskuwelahan sa upa nito sa  four-hectare site sa Bonifacio Global City para sa panibagong  25 taon.

Ang iba pang  investors ay Ibiden Co. Ltd at Japan Aviation Electronics Industry Ltd., na kapuwa magi- infuse ng foreign direct investments (FDIs) sa electronics manufacturing para mapahusay ang kakayahan at itaas ang produksyon sa pamamagitan na gawing modernisado ang kanilan  Philippine facilities.

Kabilang naman sa mga kumpanya na nag-commit din ng FDIs  ay ang Medley Inc., Minebea Mitsumi Inc., Nitori Holdings Co. Ltd at Tsuneishi Shipbuilding Co. Ltd.

“They are investing for business process outsourcing (BPO) operation, expansion of furniture and home furnishing chain, as well as production improvement and replacement of aging Philippine facilities,” ayon sa Malakanyang.

“DMCI Project Developers Inc. is also forming a joint venture with Japan’s Marubeni Corp. for property development projects,” ayon pa rin sa Malakanyang. (Daris Jose)

NANINIWALA si Marcos Jr., na ang pagtitiwala ang siyang basehan para makamit ang peace and stability sa rehiyon, partikular sa gawa hindi sa salita.

Ginawa ng Pangulo ang pahayag sa kaniyang intervention sa 50th ASEAN-Japan Commemorative Summit sa kabila ng mga naiulat na paglabag sa international laws sa geopolitical environment sa Asya.

Binigyang-diin din ng Chief Executive ang intercontinental ballistic missile tests na ginawa ng Democratic People’s Republic of Korea at ang unilateral actions sa East and South China Sea na nagbabanta sa peace and stability ng rehiyon.

“We cannot overemphasize that trust is the basis of peace, a trust based on deeds and not merely words, especially in a geopolitical environment increasingly characterized by disruptions, by violation to the international rule of law, as we face common yet complex challenges together,” pahayag ni Pang. Marcos Jr.

Dagdag pa ng Pangulo mahalaga na matugunan ang karahasan at ang kalagayan ng mga tao sa Myanmar.

“While the seat beside us remains empty, Myanmar remains a member of ASEAN and, as a family, we should be ready to help in alleviating the situation through the Five Point Consensus, the United Nations mechanisms, as well as the [ASEAN Coordinating Centre for Humanitarian Assistance on Disaster Management or] AHA Center,” dagdag pa ng Pang. Marcos.

Samantala, nanawagan din ang Pangulo sa mga ASEAN member countries na ipagpatuloy ang partnership para sa kapaligiran habang tinutugunan ang mga banta sa kapayapaan.

Malugod ding tinatanggap ng Pilipinas ang inisyatibo ng Japan na magagawa ng Asia Zero Emission Community Summit sa Lunes.

Nagpahayag din ng suporta ang Pangulong Marcos sa pagpapatibay sa Joint Vision Statement sa ASEAN-Japan Friendship and Cooperation. (Daris Jose)

IPINAGMALAKI ng Malakanyang na nagpakitang-gilas ang ekonomiya ng PIlipinas ngayong taon sa gitna ng mga hamon na nararanasan ng bansa.

      Sa press briefing sa Malakanyang, sinabi ni National Economic and Development Authority (NEDA) chief Arsenio Balisacan na ang Pilipinas ay isa sa “best performing economies” sa Southeast Asian economies.

      “We have done well because if you look at the way, the—we have performed in relation to our many other countries, we have remained among the top performers—economic performers in Asia,” anito.

      Nananatili namang kumpiyansa si Balisacan na makakamit ng Pilipinas ang 6%  growth target para sa  2023.

Sa ulat, ang Gross Domestic Product (GDP) para sa unang tatlong kuwarter (quarter) ng  2023  ay lumago ng 5.5%.

      “Initially, slow growth was attributed to low consumer and government spending in the first two quarters of the year, but the economy has since caught up,” ayon sa ulat.

      Tiniyak naman ni Balisacan na naghihinay-hinay ang pamahalaan sa paggasta  bilang leksyon na kinokonsidera para mapabuti ang pamamahala ng mga programa para sa 2024.

      “We had hiccups in the government spending in the first half of the year, right? And that really hit us hard by way of growth in the kind of services we’re able to provide for our people,” ayon kay Balisacan.

      “We have learned our lesson from then [and] we would not want to see that repeated in the coming year,” dagdag na wika nito. (Daris Jose)

NANAWAGAN si Pangulong Ferdinand R. Marcos Jr. sa sambayanang Filipino para sa whole-of-nation approach sa paglaban sa epekto ng El Niño phenomenon, inaasahan na magtatagal sa second quarter ng 2024.

Pinaalalahanan naman ng Pangulo ang mga ahensiya ng pamahalaan na bilisan ang pagkumpleto sa mga irrigation facility at iba pang istraktura.

“We must be prepared to counter its effect, which may last until the second quarter of 2024,” ayon kay Pangulong Marcos sa kanyang naging talumpati sa  inauguration ceremony ng Balbalungao Small Reservoir Irrigation Project (BSRIP) sa Nueva Ecija.

Pinaalalahanan din ng Chief Executive ang  Department of Agriculture (DA) at ang  National Irrigation Administration (NIA) na agad na kumpletuhin ang konstruksyon ng mga irrigation facility at iba pang supporting structures base sa pangangailangan ng mga magsasakang Filipino na malamang na maapektuhan ng  dry spell.

Giit pa ng Pangulo, dapat lamang na magkapit-kamay ang pamahalaan at ang mga mamamayang  Filipino sa paghahanda para sa matinding epekto ng El Niño.

Binigyang diin ang pangangailangan na bilisan ang konstruksyon ng mga  irrigation project at iba pang proyekto na makatutulong na matugunan ang phenomenon.

Binigyan na aniya niya ang mga ahensiya ng pamahalaan ng deadline para maisakatuparan ang  lahat ng El Niño-related mitigation projects.

“Kaya’t itong ganitong klaseng proyekto ay naging mas mahalaga pa at naging mas urgent pa. Kaya’t dahil kakauntin na lang ang ating natitirang panahon … meron tayong apat na buwan para tapusin lahat ‘yan, maging operational na lahat ‘yan,” ayon sa Punong Ehekutibo.

“Dahil ang ginawa kong deadline para sa ating mga departamento ay kako sa kanila, ang isipin natin ano ba ‘yung kaya nating matapos by April of next year, nang sa ganun pagdating – pag Mayo ay nandiyan pa ‘yung tagtuyot at hindi pa umuulan ay mayroon naman tayong sapat na water supply,” dagdag na wika nito.

Samantala, sinabi naman ng Department of Science and Technology (DOST) na may  65 lalawigan sa buong bansa ang maaaring maapektuhan ng potensiyal na tag-tuyot  habang may 6 na pobinsiya naman ang maaaring maapektuhan ng dry spell.  (Daris Jose)

ISA UMANONG maha­lagang hakbang tungo sa pagtugon sa mga pangangailangan ng ating bansa ang matagumpay na pagratipika ng P5.768 trilyong pambansang badyet para sa 2024.

Sinabi ni House Speaker Ferdinand Martin G. Romualdez na ang badyet ay bunga ng masigasig na pagta-trabaho ng Senado at Kamara na nagkasundo upang ayusin ang magkaiba nilang bersyon.

“Ang badyet ng 2024 ay nakatutok sa pagsugpo ng inflation, pagtulong sa mga mahihirap, at pagpapalakas ng mga pangunahing serbisyong panlipunan,” sabi ni Romualdez, na idinagdag na karamihan sa mga alokasyon ng badyet ay mga “legacy” at prioridad ni Pangulong Ferdinand “Bongbong” Marcos Jr.

“Sa puso ng badyet ng 2024 ay ang layunin na mapabuti ang pagkain, trabaho, kalusugan, edukasyon, at pabahay para sa mamamayang Pilipino,” sabi ni Romualdez.

Sinabi rin ng Speaker na ang pagtanggal ng Confidential at Intelligence Funds, na kinikilala bilang potensyal na pinagmumulan ng katiwalian, ay nagpapakita ng pangako sa pagsusuri at mabuting pamamahala.

Iniisip anya ni Pangulong Ferdinand Marcos, Jr. ang tatlong Legacy Projects: Legacy Food Security, Legacy Specialty Hospitals, at Legacy Housing para sa mga mahihirap.

Itinakda rin ang 2024 budget upang suportahan ang mga magsasaka tulad ng patubig, libreng binhi, abono, at iba pang ka­gamitan. Ang pamumuhunan sa imprastruktura ng irigasyon ay mag-aambag sa mas mataas na produksyon ng pagkain.

Sinabi rin ni Speaker na nagsimula na ang ­konstruksyon ng mga specialty hospital, na may alokasyon ng P1 bilyon bawat isa para sa mga kilalang institusyon, kabilang ang PGH, National Kidney Center, Philippine Children’s Medical Center, National Cancer Center, Bicol Regional Medical Center, at specialty hospitals sa Batangas, Cavite, at Laguna.

Siniguro rin ng badyet ang patuloy na pagbibigay ng libreng pagpapagamot, dekalidad na serbisyong ospital, at gamot para sa mga kababayan nating nangangailangan. (Ara Romero)

NILAGDAAN  na ni Pangulong “Ferdinand” Bongbong” Marcos Jr. ang ilang kautusang magbibigay ng P20,000 service recognition incentive at gratuity pay para sa mga manggagawa sa gobyerno — kabilang na ang mga kontraktwal.

Ito ang nilalaman ng limang-pahinang Administrative Order 12 na pinirmahan ni Executive Secretary Lucas Bersamin nitong ika-7, bagay na magbibigay ng one-time na P20,000 SRI para sa government employees sa executive branch.

“Qualified for the PhP20,000 SRI are civilian personnel in national government agencies including those in state universities and colleges (SUCs) and government-owned or controlled corporations (GOCCs), occupying regular, contractual or casual positions,” wika ng ulat ng Presidential Communications Office nitong Martes.

“The incentive will also be given to military personnel of the Armed Forces of the Philippines (AFP), uniformed personnel of the Philippine National Police (PNP), Bureau of Fire Protection (BFP), and Bureau of Jail Management and Penology (BJMP).”

Maliban sa nabanggit, kwalipikado rin para sa P20,000 SRI ang sumusunod na uniformed personnel:

Bureau of Corrections

Philippine Coast Guard

National Mapping and Resource Information Authority ng Department of Environment and Natural Resources

Dagdag pa ng section 2 ng AO, saklaw ng naturang kautusan kahit ang mga sumusunod na civilian personnel na nagtrabaho sa gobyerno hanggang ika-30 ng Nobyembre:

regular

contractual

casual

kawaning nagtrabaho ng hindi bababa sa apat na buwan na may “satisfactory service”

P5,000 pay sa kontraktwal

Sa kahiwalay na AO 13, inaprubahan naman ni Bongbong ang pagbibigay ng one-time gratuity pay na hindi hihigit sa P5,000 para sa mga COS at JO government employees na nagtrabaho nang hindi bababa sa apat na buwan ng satisfactory service as of December 15, pati na yaong mga epektibo pa ang kontrata sa parehong petsa.

“AO 13 stated that COS and JOs of the national government agencies, state universities and colleges and government-owned or -controlled corporations and local water districts are qualified to receive the PhP5,000 gratuity pay,” dagdag pa ng PCO.

“Both payments of PhP20,000 SRI and PhP5,000 gratuity pay to all qualified employees shall be given not earlier than December 15.”

Makikita ang kumpletong listahan ng mga kwalipikadong kawani sa Official Gazette.

MATAPOS  ang pag-water cannon sa mga barko ng Bureau of Fisheries and Aquatic Resources (BFAR) nitong Sabado, ang mga barko naman ng Pilipinas na magsasagawa ng rotation and resupply mission sa BRP Sierra Madre ang binomba ng tubig ng China Coast Guard, Linggo ng umaga.

Ayon kay Philippine Coast Guard (PCG) spokesperson for the West Philippine Sea Commodore Jay Tarriela, sa pagtira ng water cannon ng CCG, nasira ang engine ng M/L Kalayaan.

Magsasagawa ng RORE mission ang M/L  Kalayaan kasama ang BRP Cabra at Unaizah Mae (UM) 1 BRP Sierra Madre sa Ayungin Shoal sa West Philippine Sea nang bombahin ng CCG.

Nabatid kay Tarriela na maging ang UM1 ay  binangga ng CCG vessel.

“Regular RORE to BRP SIERRA MADRE this morning. BRP CABRA, Unaizah Mae 1, and M/L Kalayaan water cannoned by China Coast Guard. M/L Kalayaan suffered serious engine damage. Contrary to China Coast Guard disinformation, UM1 rammed by CCG vessel,” nakasaad sa X ni Tarriela.

Kasabay nito, pinabulaanan ni Tariella ang alegasyon ng CCG, na ang barko ng Pilipinas ang bumangga sa mga CCG.

Ito ang bagong aggression ng China sa mga sasakyang pandagat ng Pilipinas na sakop ng Exclusive Economic Zone (EEZ) ng bansa na sang-ayon na rin sa 2016 UNCLOS Arbitral Award.

Taong 1999 pa nasa Ayungin Shoal ang BRP Sierra Madre na isang World War II ship grounded. Ito rin ang nagsisilbing simbolo ng pagmamay-ari ng Pilipinas sa WPS.

Nitong Sabado, nang walong ulit na bombahin ng CCG ang tatlong barko BFAR na nasa gitna ng supply mission patungo sa Scarbo­rough Shoal. (Daris Jose)

NILINAW ng Department of Health (DOH) na nag-“recover” na ang mga kaso ng walking pneumonia sa Pilipinas, bagay na pinangangambahan ngayon ng publiko.

Miyerkules lang kasi nang kumpirmahin ng kagawarang umabot na sa apat na kaso ng Mycoplasma pneumoniae infection o “walking pneumonia” ang naitatala sa bansa magmula pa Nobyembre.

“[T]he DOH wishes to clarify and emphasize that the detected cases are NOT NEW,” sambit ng DOH sa isang pahayag na media kagabi.

“Only 4 (0.08%) of the confirmed influenza-like illness] from January up to November 25, 2023 were due to M. pneumoniae or ‘Walking Pneumonia.’ All these cases have recovered.”

Ika-30 lang ng Nobyembre lang nang pag-ingatin ni Health Undersecretary Eric Tayag ang publiko sa pagtaas ng kaso ng walking pneumonia — sakit na “95% drug resistant” sa Tsina.

Maliban sa Tsina at Pilipinas, aminado ang DOH na hindi pa ito nakikita sa ibang bansa.

Ilang araw pa lang ang nakalilipas nang ianunsyo ng gobyernong wala pang outbreak ng naturang sakit sa bansa.

Tiniyak naman ng DOH na lagpas kalahati ng mga ILI cases ay mula sa iba pang mas kilalang pathogens.

“We have medicines that can treat M. pneumoniae: and we can easily prevent its transmission,” dagdag pa ng DOH.

“It is one of the [ILIs], which presents as fever, sore throat, and cough. Younger children may have cold-like symptoms.”

Bagama’t lahat daw ay maaaring magkahawaan nito, mas malaki aniya ang posibilidad na mag-develop ng severe disease ang mga may mga mahihinang resistensya at nakatira sa mga kulob na lugar.

Hindi naman na raw bago at kakaiba ang pag-detect ng DOH sa M. pneumoniae. Mas mahalaga pa, maiiwasan aniya ang pagpapasahan nito sa pamamagitan ng palagiang paghuhugas ng kamay, pagsusuot ng face masks, sapat na bentilasyon at pagpapabakuna. (Daris Jose)

UMABOT sa 3,812 examinees ang pumasa sa 2023 Bar Exams o ‘yung professional licensure examination para sa mga nais mag-abogado sa Pilipinas.

Ito ang ibinahagi ng Supreme Court sa publiko ngayong Martes nang tanghali sa pamamagitan ni Associate Justice Ramon Paul Hernando, chairperson ng 2023 Bar Examinations.

Narito ang top 20 bar takers ngayong taon:

1. Bie, Ephraim Porciuncula (UST, 89.2625%)
2. Vivit, Mark Josel Padua (ADMU, 89.1250%)
3. Francisco, Frances Camille Altonaga (San Beda University, 88.9125%)
4. Tang, Nathaniel Nino Alipio (Aquinas-UST-Legazpi, 88.6500%)
5. Flores, David Joseph Austria (DLSU, 88.5500%)
6. Samaniego, Ralph Vincent Salvador (UP, 88.4750%)
7. Antonio, Bryan Gerard Tapnio (ADMU, 88.3125%)
8. Buencamino, Pio Vincent Roura (UST, 88.2500%)
9. Batulan, Paolo (University of San Jose – Recoletos, 88.2500%)
10. Batusita, Grace Abigail Morales (Angeles University Foundation School of Law, 88.0625%)
11. Non, Zes Trina Banares (Aquinas-UST-Legazpi, 88.0125%)
12. Chan, Jayson Ong (Saint Paul School of Professional Studies, 88.0125%)
13. Calderon, Maria Sofia Esguerra (San Beda University, 88.0000%)
14. Cruz, Cedric Jerome Moya (Bulacan State University, 87.9250%)
15. Ocampo, Marvin Joseph Manarang (UP, 87.9125%)
16. Rueda, Yvette Veronique de Guzman (University of Makati, 87.8750%)
17. Pobar, Dionisio III Tenorio (UP, 87.8375%)
18. Barrion, Vince Benedict Abu (UP, 87.8000%)
19. Guzman, Paolo Luna (UP, 87.7875%)
20. Balisong, Rockylle Dominique Laureta (San Beda University, 87.7375%)

Lumalabas na 36.77% ang overall passing percentage sa naturang examination.

Makikita ang kumpletong listahan ang mga pumasa sa link na ito.

Matatandaang ikinasa ang pagsusulit noong ika-17, ika-20 at ika-24 ng Setyembre taong ito at hinati sa anim na core subjects:

Political and Public International Law (15%)

Commercial and Taxation Laws (20%)

Civil Law (20%)

Labor Law and Social Legislation (10%)

Criminal Law (10%)

Remedial Law, Legal and Judicial Ethics with Practical Exercises (25%)

Bagama’t 10,791 ang inaasahang kumuha ng pagsusulit, sinabi ni Hernando na nasa 10,387 ang aktwal na kumuha nito.

Ginanap ang exams sa 14 local testing centers kabilang ang San Beda University – Manila, University of Santo Tomas, San Beda College Alabang, University of the Philippines – Diliman, University of the Philippines – Bonifacio Global City, Saint Louis University, Cagayan State University, University of Nueva Caceres, University of San Jose – Recoletos, University of San Carlos, Dr. V. Orestes Romualdez Educational Foundation, Ateneo de Davao University, Xavier University (Mindanao). (Daris Jose)

INAKO ng terror group na Islamic State of Iraq and Syria (ISIS) ang pagsabog kamaka­lawa ng umaga sa Min­danao State University (MSU) na ikinasawi ng apat katao at ikinasugat ng nasa 50 iba pa habang isinasagawa ang misa.

Sa isang communique, sinabi ng ISIS na miyembro nila ang nag-detonate ng bomba. Ito rin ang unang sinabi ni Defense Secretary Gilbert Teodoro na “foreign elements” ang nasa likod ng pagpapasabog.

Tinitingnan din ang partisipasyon ng teroristang Dawlah Islamiyah Maute group. May 41 ang remnants ng Maute Group sa Marawi mula sa da­ting 100.

Paghihiganti ang nakikitang motibo ng militar dahil sunud-sunod ang kanilang operasyon laban sa mga terrorist groups na ikinamatay ng 11 miyembro nito kamakailan.

Ayon naman kay PNP-Bangsamoro Auto­nomous Region Director PBGen. Allan Nobleza, may dalawa silang persons of interest sa pagpapasabog at isa dito ay local terrorist. Tinitignan na ng Special Investigation Task Group (SITG) ang lahat ng posibleng motibo at anggulo para malutas ang kaso sa lalong madaling panahon.

“Mayroon kaming persons of interest but the investigation is still ongoing. In order not to preempt the investigation we will not divulge the names,” ani Nobleza.

Sa panig naman ni AFP Chief Gen. Romeo Brawner Jr., pag-uusapan at ia-assess pa nila kung kailangan pang magdagdag ng tropa sa Marawi maging sa Lanao del Sur gayundin ang suspensiyon ng permit to carry firearms outside the residence sa nasabing lalawigan bilang bahagi ng precautionary measure upang mapangalagaan ang mamamayan at estado mula sa lahat ng lokal at dayuhang banta.

Tiniyak din ng AFP at PNP ang seguridad ng mga mag-aaral sa MSU at mga residente ng Marawi City sa kabila ng naganap na pambo­bomba.

Ayon naman kay Ist Infantry Division Commander, Major General Gabriel Viray III sa apat na fatalities, tatlo dito mga babae at isang lalaki.

Kasalukuyang gina­gamot sa Amai Pakpak Medical Center ang nasa 42 na sugatan at habang walo ang nasa Infirmary ng Mindanao State University.

Inihayag ni Viray na ang nasabing insidente ay malinaw na isang aksiyon ng terorismo.

Matatandaan na noong 2017 ay kinubkob ng ISIS-affiliated militants ang Marawi sa loob ng limang buwan. (Daris Jose)