PINABABALIK  ni Deputy Speaker at Batangas Rep. Ralph Recto ang tinanggal na P3.8 billion sa health facilities enhancement fund at gamitin ito para sa medical specialty centers law.

Ang apela ay ginawa ng mambabatas matapos lagdaan ni Pangulong Marcos ang batas na magtatayo ng mga Specialty Centers sa mga piling DOH hospitals.

“Kung hindi ‘yan mapopondohan sa 2024 budget, ibig sabihin sa 2025 pa ang implementasyon n’yan. If that happens, then it is akin to a patient who will stay in the emergency room for a long time while waiting to be admitted,” ani Recto.

Sa ilalim ng Medical Specialty Centers Law, nasa 17 specialization hospitals ang maidadagdag sa kasalukuyang mga special health facilities.

Ayon pa sa mambabatas, merong Health Facility Enhancement Fund (HFEP) sa national budget na isang regular feature sa annual health expenditures ngunit para sa taong 2024 ay kinaltasan ito ng P3.82 billion. Mula sa kasalukuyang P26.81 billion, naging P22.98 billion para sa susunod na taon.

Maaari aniyang pondohan ang Specialty Centers Act sa pamamagitan ng pagbabalik sa P3.82B na ibinawas.

“May bahay na po sa national budget na pwedeng buhusan ng dagdag pondo para ipatupad ang Medical Specialty Centers Law. In fact, DOH hospitals in which the specialty centers will be established have specific, line-item funding in the HFEP. What the House can do is simply augment it,” pagtatapos ni Recto. (Ara Romero)

SINABI ni  Pangulong Ferdinand  Marcos Jr. na hindi tradisyonal para sa gobyerno ng Pilipinas na tingnan ang Europa para sa “security partnerships at alliances.”

Ito’y matapos na mag-courtesy call si  United Kingdom Foreign Secretary James Cleverly kay Pangulong Marcos sa Palasyo ng Malakanyang.

Dumalo at nakiisa rin sa courtesy call sina  Executive Secretary Lucas Bersamin, Foreign Affairs Secretary Enrique Manalo, at Ambassador Extraordinary and Plenipotentiary to the United Kingdom of Great Britain at Northern Ireland Teodoro “Teddy Boy” Locsin Jr.

“The new development in terms of security and defense… It is not traditional for us to look to Europe for our… to seek alliances and partnerships when it comes to security and defense,”  ayon sa  Punong Ehekutibo.

“But that seems to be the evolution, the geopolitics these days. It is a welcome evolution in my view, and again your visit here I think, is a clear indication of that intent. So once again, welcome to Manila, welcome to the Philippines, welcome to the Palace,” dagdag na pahayag nito.

Samantala, winika ni Cleverly na may nakikita siyang maraming oportunidad pagdating sa pagpapalakas sa relasyon sa Pilipinas kabilang na ang ugnayan sa kalakalan.

“We are now looking towards enhancing the trade relationship, which is in a good place, that there is still growth. I know that you are very focused on attracting investment into the country and I’ve been discussing with our ambassador about UK export finance facility, which I hope would encourage UK companies to invest more broadly,” ayon kay Cleverly. (Daris Jose)

LABIS na ikinalungkot ni Pangulong Ferdinand  Marcos Jr. ang pagpanaw ni Department of Migrant Workers (DMW) Secretary Susan “Toots” Ople nitong Martes, Agosto 22.

“It’s a very, very sad news. I have lost a friend. The Philippines has lost a friend,” ayon kay Pangulong Marcos sa isang panayam.

“Ang galing-galing ni Secretary Toots. She was very much following the tradition of Ka-Blas Ople, of excellence, of compassion,.  It is a great lost to the Philippines for the service that we know she could still have rendered,” ayon s Chief Executive.

Sa kabilang dako,  nagpahayag naman ang Pangulo sa X (Twitter) account na  na tinuturing niyang “much valued friend” si Ople.

“The Philippines now also mourns a great champion for the labour movement in the Philippines. She dedicated her life, in every waking moment, to the welfare of labourers in general and migrant workers in particular. She was tireless in her pursuit to always support and find protection for our workers,” ang wika ng Punong Ehekutibo.

“There cannot be a better example of the perfect mix of compassion and hard-nosed pragmatism than in Toots. She got many things done in her years of public service, and all for others, never for herself,” aniya pa rin.

Nauna rito, kinumpirma naman  ni DMW spokesperson Toby Nebrida na pumanaw si Ople kanina dakong 1 ng hapon.

“It is with great sadness that the Department of Migrant Workers announces the passing of our dearest Secretary Susan “Toots” Ople.

Secretary Toots peacefully joined our Creator at around 1PM today, August 22, 2023 surrounded by her family and loved ones,” ayon kay Nebrida.

Nakatakda namang magpalabas ng mas marami pang detalye si Nebrida sa mga lalong madaling panahon.

Sa ngayon, ang hiling ng DMW ay ang “prayers for the eternal repose of the soul of our dear Sec. Toots. We ask as well for prayers for the Ople family.” (Daris Jose)

ILALABAS ng Commission on Elections (Comelec) ng alituntunin na magpapalakas sa paglaban nito sa anumang anyo ng pagbili ng boto.

“In the next few days, the Comelec will be announcing certain revolutionary guidelines when it comes to campaign against vote buying.”

Aniya, gagawa ng ilang pagpapalagay ang Comelec na hindi pa nagsagawa ng komisyon.

“We will be making some presumptions which had not been done before by the Commission on Elections,” sabi ni Comelec Chairman George Garcia sa CNN Philippines’ The Source.

Sinabi ni Garcia na ang mga alituntunin ay kasama ang anumang mga kuwestiyonableng paglilipat ng pera na ginawa online ng isang kandidato sa panahon ng kampanya at panahon ng halalan.

“These people will just say, we are just sending to our relatives or what. But you are sending within the same barangay and you are sending ₱2,000 each, and you have not sent before. And then therefore, you should be presumed as involved in vote buying especially if the sending happens during the campaign period,” paliwanag ni Garcia .

Ayon pa kay Garcia, ang Comelec ay hindi tututok sa halaga pero sa pamamaraan at iba  pang mga pangyayari sa paglilipat ng pondo sa ibang indibidwal.

Hihilingin din ng Comelec sa  Anti-Money Laundering Council kung maaari  idirekta ang  e-wallet companies t na magsumite sa commisdion transactions sa loob ng 10 araw ng panahon ng kampanya at araw ng halalan dahil ito ang kadalasang ginagawa ng pagbili ng boto.

a kaso ng Barangay at Sangguniang Kabataan Elections, ang campaign period ay mula Oktubre 19-28 at ang araw ng halalan ay sa Oktubre 30.

Since the 1985 law does not cover this modern way of sending money, then the Comelec under the constitution can always promulgate guidelines or rules to cover what is lacking in our law,” binanggit ni Garcia .

yon pa kay Garcia, tatalakayin pa rin aniya ng Comelec ang panukalang ito sa Miyerkules.

ung ito ay maipapatupad, sinabi ni Garcia na magsasampa sila ng mga kaso laban sa mga posibleng sangkot sa ilegal na gawaing ito at hayaan silang patunayan sa korte kung sila ay nagkasala o hindi.

amantala, sinabi ni Garcia na halos 100% handa na ang Comelec para sa pagsasagawa ng barangay-level polls.

ng muling pag-imprenta sa halos dalawang milyong balita ay nagpapatuloy habang ang training ng electoral board members ay gagawin sa Setyembre.

akikipagpulong din ang Comelec sa Armed Forces of the Philippines, Philippine National Police, at Philippine Coast Guard para malaman ang pangkalahatang sitwasyon ng kapayapaan at kaayusan sa buong bansa at kung alin ang areas of concern. GENE ADSUARA

ITINALAGA ni Pangulong Ferdinand Marcos, Jr. si dating  foreign affairs Secretary  bilang kanyang special envoy to the People’s Republic of China for Special Concerns.

Inanunsyo ito ng Presidential Communications Office (PCO) sa social media page nito.

Hindi naman malinaw kung ano ang saklaw ng special concerns.

Matatandaang, buwan ng Setyembre ng nakaraang taon, itinalaga ng Pangulo si  Locsin  bilang  ambassador to the United Kingdom ng Pilipinas.

Itinalaga rin ni Pangulong Marcos  si Locsin bilang Ambassador Extraordinary and Plenipotentiary ng Pilipinas sa United Kingdom of Great Britain and Northern Ireland.

Magugunitang, si Locsin ay nagsilbing DFA secretary, Ambassador to Washington at Permanent Representative of the Philippines to the United Nations sa ilalim ng administrasyon ni dating Pangulong Rodrigo Duterte.

Kung maalala si Locsin ay naging speechwriter ni dating yumaong Pangulong Cory Aquino at naging masugid din na lumaban noon sa rehimeng Marcos.

Naging journalist din ito at publisher. (Daris Jose)

KULUNGAN ang kinabagsakan ng dalawang sangkot sa pagbebenta ng illegal na droga matapos makuhanan ng mahigit P.1 milyong shabu sa magkahiwalay na buy bust operation sa Valenzuela City.

Sa kanyang ulat kay Northern Police District (NPD) Director P/BGen Rizalito Gapas, sinabi ni Valenzuela police chief P/Col. Salvador Destura Jr na nakatanggap ang mga operatiba ng Station Drug Enforcement Unit (SDEU) ng impormasyon hinggil sa illegal drug activities ni Renzie Lusterio alyas “Renz”, 29 ng 160 East Libis, Baesa, Caloocan City kaya ikinasa ng mga operatiba sa pangunguna ni P/Cpt. Joel Madregalejo ang buy bust operation.

Matapos tanggapin ng suspek ang P8,500 marked money mula sa pulis na nagpanggap na kapalit ng isang plastic sachet ng shabu ay agad lumapit ang back up na operatiba at inaresto nila si Lusterio sa harap ng Puregold sa Sitio Kabatuhan, Brgy. Gen T. De Leon, dakong alas-6:30 ng umaga.

Ani PSSg Ana Liza Antonio, nakumpiska sa suspek ang humgi’t kumulang 10 grams ng hinihinalang shabu na may standard drug price value na P68,000, buy bust money na isang tunay na P500 bill at 8-pirasong P1,000 boodle money at cellphone.

Nauna rito, nasakote din ng kabilang team ng SDEU sa buy bust operation sa Liwayway corner Kasaganaan Sts., Brgy., Marulas, alas-8:30 ng umaga si Eric Villaresco, 43 ng 190 Tagumpay St., Brgy. Marulas.

Ayon kay Cpt. Madregalejo, nakuha kay Villaresco ang humigi’t kumulang P68,000.00 ng hinihinalang shabu, buy bust money na isang tunay na P500 bill at 8-pirasong P1,000 boodle money at cellphone.

Mahaharap ang mga suspek sa kasong paglabag sa Comprehensive Dangerous Drug Act of 2002. (Richard Mesa)

SA KABILA ng  ginawang pag-amin ni Pangulong  Ferdinand Marcos Jr.  na ang artificial intelligence (AI) ay “disconcerting,” sinabi ng Chief Executive na makatutulong ito sa modernong panahon.

Sinabi ng Pangulo na kailangang matuto ang gobyerno kung paano ito haharapin lalo pa’t  inilunsad ng administrasyon ang media information literacy campaign na naglalayong  gabayan ang mga kabataan at ang buong bansa sa impormasyon na nakukuha sa online.

“With the advent of AI, we can see that the tools that are available are becoming more and more powerful and we’re all very grateful when there are machines do a little bit of thinking for us but it’s also rather disconcerting when we are confronted by pure AI, hindi na tao yung kausap mo,” ayon sa Pangulo sa kanyang talumpati sa paglulunsad ng media information literacy campaign ng  Presidential Communications Office (PCO), araw ng Lunes, Agosto 14.

“That’s something that we have to learn how to deal with, and that is why what we are doing here today— starting this campaign— is very very important,” dagdag na wika nito.

Binanggit ito ng Punong Ehekutibo habang binibigyang diin ang pangangailangan na tiyakin sa mga mamamayan lalo na sa mga kabataan na maunawaan ang katotohanan, espekulasyon, propaganda at kagyat na kasinungalingan.

Tinuran pa ng Pangulo na ito’y  “urgent” job na kailangang simulan ngayon, binigyang diin na  “we need everyone to be involved.”

“It is immediate, it is urgent and although I think if we put our minds to it, there is a way to allow our people to be able to discern from truth and everything else,” ayon sa Punong Ehekutibo.

Iginiit pa rin ni Pangulong Marcos ang pangangailangan na kilalanin at tanggapin na mayroong  “good information at bad information”, sabay sabing  “it is up to us to make sure that we cannot stop it.”

“I don’t think that there’s ever been any country no matter how much they wanted to do try and stop the internet or to try and block or try and cancel websites, they do for a little while, pero lilitaw din ‘yan. We always somehow find a way in,”  ani Pangulong Marcos.

“So we have to, we have to find a way to make sure that whatever the inputs are people are getting, they have the capability, they have the ability to be able to discern between truth, speculation, propaganda, and outright lies,” aniya pa rin. (Daris Jose)

NAGWAKAS na ang pagtatago ng isang construction worker na nakatala bilang top 3 most wanted sa kasong robbery with homicide matapos masakote sa ikinasang manhunt operation sa Malabon City, kamakalawa ng gabi.

Kinilala ni Malabon police chief P/Col. Jonathan Tangonan ang naarestong akusado na kinilala bilang si Redentor Rodaste, 27 ng Sitio Gulayan, Barangay Catmon, Malabon City.

Sa kanyang ulat kay Northern Police District (NPD) Director P/BGen Rizalito Gapas, sinabi ni Col. Tangonan na nakatanggap ng impormasyon ang mga operatiba ng Warrant and Subpoena Section (WSS) ng Malabon police na naispatan ang presensya ng akusado sa Brgy. Hulong Duhat.

Kaagad nagsagawa ang mga operatiba ng WSS sa pangunguna ni PEMS Marlon Garcia, PNCOIC, WSS kasama ang 4th MFC RMFB-NCRPO ng joint manhunt opertion na nagresulta sa pagkakaaresto sa akusado dakong alas-6:20 ng gabi sa Gervacio Street, Barangay Hulong Duhat, Malabon City.

Ani Col. Tangonan, ang akusado na nakatala din bilang top 8 most wanted ng NPD ay dinakip ng kanyang mga tauhan sa bisa ng warrant of arrest na inisyu ni Hon. Misael Madelo Lagada noong July 5, 2022 para sa kasong Robbery with Homicide.

Pansamantalang nakapiit ang akusado sa custodial facility unit ng Malabon police habang hinihintay ang pagpapalabas ng commitment order ng korte.

Pinapurihan naman ni BGen Gapas ang Malabon police sa kanilang pagsisikap para tugisin ang mga taong pinaghahanap ng batas. (Richard Mesa)

INANUNSYO ng Malakanyang ang mga bagong appointees sa Land Transportation Office (LTO), National Bureau of Investigation (NBI), Department of Interior and Local Government (DILG), National Irrigation Administration (NIA) at Department of Trade and Industry (DTI).

Ayon sa Presidential Communications Office (PCO) ang mga bagong appointees ay sina:

*Robert Victor Seares Jr.- Deputy Administrator, NIA

*Eric Mercado-  Director II, NBI

*Ma. Lourdes Pancho- Provincial Trade and Industry Officer, DTI

*Robert Kiunsala- Director I, LTO

* Jose Tomas Sr.- miyembro, Sangguniang Panlalawigan, Province of Nueva Vizcaya, DILG. (Daris Jose)