IPINAG-UTOS ni Pangulong  Ferdinand R. Marcos Jr. sa El Niño Task Force na tiyakin na magkakaroon ng “steady water at power supply” sa buong weather phenomenon.

Ibinigay ng Pangulo ang kanyang direktiba sa isang pagpupulong kasama ang mga key officials sa State Dining Room ng Palasyo ng Malakanyang.

“Mitigating the effects of El Niño remains a top priority,” ang winika ng Pangulo sa  kanyang  Facebook post.

“We’ve directed our Task Force to consolidate government interventions and ensure a steady supply of water and energy resources throughout El Niño next year,” dagdag na pahayag ng Chief Executive.

Sa hiwalay na kalatas, sinabi naman ni Communications Secretary Cheloy Garafil na ipinag-utos ng Pangulo sa  task force na pagsama-samahin ang lahat ng mga hakbang para pagaanin ang epekto ng of El Niño, inaasahan na magtutuloy-tuloy hanggang sa pagtatapos ng second quarter ng 2024.

Tinuran ni Garafil na nais ni Pangulong Marcos ang malawakang  information campaign na makapagpapa-alala sa publiko na magtipid sa paggamit ng tubig at kuryente.

Sa kabilang dako, ipinag-utos ng Pangulo na paigtingin ang pagsisikap at tiyakin na napapanahon ang pagpapalabas at pagbibigay ng tulong sa mga apektadong lugar.

“The President stressed the need to prioritize efforts based on short-term and long-term interventions of the government,” she said. “Marcos also told officials to encourage the public to take part in the government efforts,” aniya pa rin. (Daris Jose)

MAAARING sumobra sa target na pigura ng pamahalaan ang ipamamahaging land titles para sa mga Agrarian Reform Beneficiaries (ARBs).

Sinabi ni Pangulong Ferdinand Marcos Jr., na ito ang “best christmas gift” ng pamahalaan sa mga ARBs.

Pinangunahan kasi ni Pangulong Marcos  ang  distribusyon ng  2,779 land titles sa 2,143  ARBs, mayroong 2,903 ektarya ng agricultural land sa  City of Passi, Iloilo.

“In the same manner, ito nga ‘yung aking sinasabi ang pag-deliver ng mga fertilizer, ng mga makinarya, mga facilities, ay makakatulong upang makamtan natin ang ating hinahanap at ang ating pinapangarap na magandang kinabukasan para sa ating mga magsasaka, para sa ating mga sinasaka at para sa susunod na henerasyon,” ang sinabi ng Pangulo sa kanyang naging talumpati.

“With the distribution of these titles in Western Visayas, in other areas, we are set to exceed our nationwide target for land distribution for the year 2023. So para sa akin, ito na ang pinakamagandang Christmas gift para sa ating lahat,” aniya pa rin.

Ang mga ipinamahaging land titles ay nagmula sa Support to Parcelization for Individual Titling (SPLIT) Project. Kabilang dito ang  2,687 titles  na mayroong  2,784 ektarya, inilaan para sa  2,062 ARBs, at maging ang 92 titles para sa bagong lupain na mayroong 118.7 ektarya, ipinamahagi sa  81 ARBs.

Matatandaang, nitong Hulyo,  nilagdaan ni Pangulong Marcos ang  New Agrarian Emancipation Act, na naglalayong payagan ang amortization ng “principal payments, interest at penalty” ng lupain na tinaniman ng mga magsasaka.

“The new law, or the Republic Act No. 11953, will benefit 610,054 agrarian reform beneficiaries (ARBs) as it writes off P57,557 billion of their loans,” ayon sa ulat.  (Daris Jose)

NAKATAKDANG umalis si Pangulong  Ferdinand R.  Marcos Jr.  ngayong linggo patungong Japan para magpartisipa sa ika- 50 anibersaryo  ng  Association of Southeast Asian Nations (ASEAN)-Japan Relations.

“The President is leaving on the 15th for Tokyo to attend the 50th anniversary of ASEAN-Japan Relations,” ang sinabi ni Department of Foreign Affairs (DFA) Assistant Secretary Daniel Espiritu sa Malakanyang.

Sa press briefing, binigyang diin ni Espiritu  ang kahalagahan ng pagdalo ng Pangulo sa ASEAN-Japan lalo pa’t ang Japan ay isa sa “first dialogue partners” ng  ASEAN at ito rin ay  “one of the most dynamic (partners).”

Idinagdag pa ni Espiritu na saklaw  ng ASEAN ang usapin sa seguridad gaya ng “defense and transnational crime” at  mutual legal assistance, mutual economic activities and cultural at  people-to-people activities.”

“It’s a whole gamut of relations, and they were able to sustain and develop it through the years such that this year, they were declared comprehensive strategic partner of ASEAN,” ani Espiritu.

“And one of the objectives of this summit is exactly to announce the come upon of Japan as a comprehensive strategic partner of ASEAN – a thing that was already confirmed during the last summit of ASEAN in Jakarta,”dagdag na wika nito.

Tinuran pa ni Espiritu na malamang na magkaroon ng  bilateral meeting sa pagitan nina Pangulong Marcos at Japanese Prime Minister Fumio Kishida, na aniya’y first official engagement ng Pangulo sa  Japan.

Sa kabilang dako, binanggit ni Espiritu na wala pang  karagdagang detalye ukol sa bilateral meeting sa pagitan ni Pangulong Marcos at Prime Minister Kishida.

Subalit sinabi nito na dadalo ang Pangulo sa isang hapunan kasama ang Prime Minister sa  State Guest House, o Akasaka Palace sa Disyembre 16, na “first official ASEAN engagement” naman ni Pangulong Marcos.

Samantala, ang ASEAN  ay idaraos sa Disyembre 17 kung saan tatalakayin ang ilang usapin  kabilang na ang West Philippine Sea. (Daris Jose)

TININTAHAN ng Department of Energy (DOE) at National Irrigation Administration (NIA) ang isang memorandum of agreement na makapagbibigay ng mas malawak na access sa renewable energy sa bansa.

Sinabi ng  Presidential Communications Office (PCO), sa ilalim ng kasunduan,  gagamitin ng DOE  ang  “existing and under construction NIA irrigation facilities” kabilang na ang mga lugar na identified  at nakalista para sa future irrigation development projects,  para sa public consumption nang walang nakakompromisong operasyon.

Ang kasunduan ay nilagdaan ni Undersecretary Sharon Garin and Director Marissa Cerezo para sa  DOE at Engr. Eduardo Eddie Guillen para naman sa  NIA, present naman si Senior Deputy Executive Secretary Hubert Dominic Guevara.

“The agreement between DOE and NIA signified a crucial step forward in the pursuit of water security and sustainable resource management, which is aligned with the goals outlined in Executive Order No. 22, series of 2023,” ang nakasaad sa kalatas ng PCO.

Sa pamamagitan pa rin ng kasunduan, gagawin namang pormal ng dalawang ahensiya ang kanilang  partnership para palakasin ang  countrywide approach sa pag-develop ng  renewable energy resources alinsunod sa nilalayon ng bansa na makalikha ng  35% ng kuryente mula sa renewable energy sources sa taong  2030 at 50% naman sa 2040.

“As part of the strategic initiative, NIA’s irrigation water will not only help the agency to expand economically and generate additional fund for the operation and maintenance of its irrigation facilities while allowing the DOE to provide the public with better access to clean, reasonably priced energy source,” ayon sa PCO. (Daris Jose)

IN-EXTEND ni Pangulong Ferdinand R. Marcos Jr. ang serbisyo ni  Philippine National Police (PNP) Chief General Benjamin Acorda Jr. hanggang Marso 31, 2024 bunsod na rin ng matagumpay na pamumuno nito sa  police force simula ng italaga noong Abril  ngayong taon.

“I wish to inform you that, pursuant to the provisions of existing laws, your service as Chief (Police General), Philippine National Police, is hereby extended until 31 March 2024,” ang nakasaad sa liham na nilagdaan ni Pangulong Marcos  na naka-addressed kay Acorda.

Ipinaalam din kay Department of Interior and Local Government (DILG) Secretary Benjamin Abajos Jr.  ang bagay na ito sa pamamagitan ng transmittal letter, may petsang  Disyembre 1, 2023 at nilagdaan ni  Executive Secretary Lucas Bersamin, ang “extension of service” ni Acorda.

Ang PNP ay isang  attached agency ng  DILG.

Sa pagpapalawig sa serbisyo ni Acorda, tinukoy ng  Office of the President (OP) ang  Executive Order No. 136, series of 1999, “which recognized the power of the President to approve the extension of service of presidential appointees beyond the compulsory retirement age for exemplary meritorious reasons.”

Pinangunahan ni Acorda ang PNP sa layuning  ituon ang pansin sa mas epektibong police force gaya ng  Personnel Morale and Welfare, Community Engagement, Integrity Enhancement, ICT Development at Honest Law Enforcement Operations.

Matatandaang, itinalaga ni Pangulong Marcos si Acorda bilang pang-29 na “top cop”  ng bansa sa isinagawang change of command ceremony sa Camp Crame, Quezon City noong Abril  24, 2023.

Iyon nga lamang, narating na ni Acorda ang 56-year-old compulsory retirement para sa PNP personnel noong Disyembre  3, 2023.

Si Acorda ay miyembro ng Philippine Military Academy Sambisig Class of 1991. Nagsilbi siya sa PNP ng mahigit sa 37 taon. Siya ay naging director ng  PNP Directorate for Intelligence bago pa naging  hepe ng PNP.  (Daris Jose)

NAGPALABAS ang gobyerno ng  joint memorandum circular (MC) na nagtatakda ng rules and regulations ng  Executive Order (EO) 32, na naglalayong i-streamline ang proseso para sa konstruksyon ng telekomunikasyon at Internet infrastructure.

Ang Joint MC 2023-01, naglalaman ng Implementing Rules and Regulations (IRR) ng EO 32 ay nilagdaan ng Technical Working Group (TWG) on  Telecommunications and Internet Infrastructure na binubuo ng  limang ahensiya ng pamahalaan.

Ang mga signatories ay sina Secretary  Ivan John Uy (Information and Communications Technology), Manuel Bonoan (Public Works), at Benjamin Abalos Jr. (Interior and Local Government); National Telecommunications Commission Commissioner Ella Blanca Lopez; at Anti-Red Tape Authority Director General Ernesto Perez.

“These Implementing Rules and Regulations are hereby promulgated and issued as Joint Memorandum Circular No. 2023-01 to guide all concerned departments, offices, agencies, and stakeholders, in the implementation of EO No. 32,” ang mababasa sa  joint memorandum, isinapubliko araw ng Biyernes.

Nauna rito, nagpalabas si Pangulong  Ferdinand R. Marcos Jr.  ng EO 32 noong Hulyo 4,  na naglalayong “to institutionalize a set of streamlined guidelines for the issuance of permits, licenses, and certificates for the construction of telecommunications and Internet infrastructure.”

Sakop ng EO  na i-streamline ang proseso para sa konstruksyon, installation, repair, operation, at maintenance ng infrastructure.

Sakop din ng kautusan ang lahat ng national government agencies at instrumentalities, kabilang ang  government-owned or -controlled corporations, at maging ang local government units (LGUs) na may kinalaman sa pagpapalabas ng “permit, lisensiya, clearances, sertipikasyon at authorizations.

Nilikha rin ng EO 32  ang  TWG  pagdating sa  Telecommunications and Internet Infrastructure na bumalangkas sa IRR.

Sa ilalim ng  IRR,  “a unified application form will be adopted, in which, preformatted form building permit applications shall be prescribed in all cities and municipalities in the country.”

Ang  mga maga-apply para sa building permit ay dapat na  i-require na magsumite ng property documents, technical documents, height clearance permits, at homeowners’ association clearance, kasama ng unified application form.

Para makakuha ng Certificate of Use at  Business o Mayor’s permit, ang aplikante ay kailangan na magsumite ng “certificate of completion, construction logbook, photocopy ng valid licenses, larawan ng istraktura, yellow card/clearance mula sa  electrical service provider, at kopya ng As-Built Plan reflecting changes at modifications.”

Itinatakda rin ng IRR  ang mga  requirements para sa pagtatayo ng  poles at konstruksyon ng underground fiber ducts; cable layout ng  existing poles at iba pang  physical infrastructure; at operation, repair, at maintenance ng passive telecommunications tower infrastructure (PTIIs), kabilang na ang distribusyon ng utility facilities.

Ang mga rules o alituntunin para makakuha ng  clearance mula sa ibang ahensiya ng gobyerno at ang local government’s adoption ng  EO 32  ay mababasa rin sa IRR.

Binibigyan nito ng mandato ang lahat ng lungsod na magtayo ng One-Stop Shop for Construction Permits, na mas makabubuti sa Office of the Building Official, na magbibigay ng front-line services sa mga aplikante na kumukuha ng building permits at iba pang sertipiko na may kinalaman sa telecommunications at Internet infrastructure.

Samantala, ipinagbabawal naman ng IRR  ang anti-competitive activities at inatasan ang mga ahensiya at  LGUs na magpatupad ng zero-backlog policy sa lahat ng aplikasyon para sa permit at clearance na sakop sa ilalim ng kautusan.

Ang  joint MC  ay magiging epektibo 15 araw matapos ang paglalathala , sa Official Gazette man o dalawang  national newspapers na may  general circulation, at mula sa paghahain ng  tatlong  certified copies sa  University of the Philippines Law Center. (Daris Jose)

BAGO at sariwang  usapang pangkapayapaan ang itutulak ngayon  sa ilalim ng administrasyon ni  Pangulong Ferdinand Marcos, Jr. kasama ang  National Democratic Front of the Philippines (NDFP).

Tiniyak ni  Peace Adviser Carlito Galvez, Jr.  na hindi ito pagpapatuloy ng mga usapang pangkapayapaan na dumaan sa mga nakalipas na administrasyon.

Ani  Galvez, ang  “fresh set of negotiations” ay naglalayong makalikha gamit ang framework agreement at makabuo ng parametro upang makasulong ang magkabilang partido.

“Napag-agree-han po namin ay ito pong peace talk po na ito, ay ito ay bago hindi resumption,” ayon kay  Galvez.

“Itong ginagawa natin na usaping ito, ito ay bago. Kasi, we have learn from the lesson of the past, na nakita natin marami pa tayong tinatawag na serial or tinatawag na mga conditions na we cannot move on the succeeding stages of the negotiation,” aniya pa rin.

Naniniwala naman ang magkabilang panig na ang bagong framework, na magtatakda ng parametro ng negosasyon ay mahalaga lalo pa’t ito na ang magtatakda ng pinal na  peace agreement.

Tinukoy din nito ang proseso ng pamahalaan na nakamit sa final peace agreement sa Moro Islamic Liberation Front (MILF). Tinintahan ito noong  2014.

“Makikita natin may mga stages po tayo, ang first phase po natin ay itong joint statement and then later iyong framework agreement, and then after the framework agreement iyong final peace agreement,” aniya pa rin.

“Kasi kung ang gagawin natin ay bibigyan natin kaagad ng precondition at saka gagamitin natin po iyong mga nagdaang mga kasunduan ay talaga pong hindi uusad ang usapin pong pangkapayapaan,” dagdag na pahayag nito.

Samantala, kapwa naman pumayag ang pamahalaan at ang NDFP na ipagpatuloy ang peace talks para tuluyan nang matuldukan ang  decades-old insurgency.

“The two parties have met informally since 2022 in the Netherlands and Norway for discussions facilitated by the Royal Norwegian Government. They reached a consensus on Nov. 23, 2023,” ayon naman sa  Presidential Communications Office (PCO). (Daris Jose)

PINAIGTING ng Department of Agriculture (DA) ang pagsisikap nito na gawing makabago ang “rice farming sector” sa bansa.

Sinabi ni Agriculture Secretary Francisco Tiu Laurel Jr. na pinaigting ng DA ang ginagawa nito para gawing makabago ang pagsasaka, magtayo ng mas  maraming agricultural infrastructure at i-adopt  ang pinakabagong teknolohiya para i-improve  ang rice production, dagdagan ang ani sa sakahan at suplay ng palay, bawasan ang pag-angkat at ibaba ang presyo ng national food staple.

Sa naging talumpati ni Pangulong Ferdinand Marcos Jr. sa Ugnay Palay: The 35th National Rice R4D Conference sa Nueva Ecija na binasa ni Laurel, winika ng Pangulo na ina-adopt niya ang science-based approach sa rice farming para itaas ang ani at makapagtatag ng “a sustainable rice value chain.”

“I am optimistic that all concerned government agencies, partners, and stakeholders will continue to explore ways to enhance existing agricultural technologies to improve and strengthen the rice industry, in line with our goal of a food-secure nation,” ayon pa rin sa naging talumpati ni Pangulong Marcos na binasa ng Kalihim.

“Rest assured that the government shall continue to give primacy to research and development to ensure a sustainable rice value chain. We will also continue to support the initiatives undertaken by the PhilRice in introducing modern agricultural biotechnology to improve rice production,”  ayon kay Pangulong Marcos.

Gayunman, sinabi ni Laurel na ang pamahalaan ay  “is moving, with a sense of urgency” para palawakin ang irrigation coverage, maglagay ng mas maraming  drying facilities at iba pang imprastraktura na kailangan para malakas ang ani ng bigas.

“Ultimately, our aim is to minimize rice importation to achieve food security and sufficiency,” ayon kay Laurel.

Ang pagsusulong naman para sa  agricultural modernization ay nakatuon sa equally important sectors gaya ng “livestock, poultry, fisheries at high value crops” para matiyak na ang abot-kaya na  food items ay “available at accessible” sa mga  Filipino consumers.

Tinukoy ang  data ng DA, sinabi ni Laurel na “that with improved rice harvest so far this year, the country has imported around 2.8 million tons, “one million tons less than the volume of grains bought from abroad last year.”

Sinabi pa ni Laurel na ang pagbabawas sa pag-angkat ng bigas  at iba pang agricultural products ay dapat na makatulong  sa kita ng magsasaka at mangingisda, makalikha ng mas maraming hanapbuhay sa sektor na nakapagbibigay  sa isa sa apat na Filipino at baligtarin ang lumiliit na kalakaran sa ambag ng agrikultura  sa paglago ng ekonomiya. (Daris Jose)

NAKATAKDANG lumipad si Pangulong Ferdinand R. Marcos Jr. patungong  Dubai, araw ng Huwebes, para magpartisipa sa 28th Conference of the Parties to the United Nations Framework Convention on Climate Change (COP28), ilang buwan matapos siyang imbitahin ng United Arab Emirates (UAE) government nito lamang Hunyo ng taong kasalukuyan.

Personal kasi na inimbitahan ni UAE Ambassador to the Philippines Mohamed Obaid Salem Alqataam Al-Zaabi si Pangulong Marcos na dumalo sa  COP28 nang mag- courtesy visit ang una kay Pangulong Marcos sa Palasyo ng Malakanyang noong  Hunyo 13, 2023.

Sa naging talumpati ng Pangulo sa isinagawang  turn-over ceremony ng P541.44-million People’s Survival Fund (PSF) sa anim na  local government units sa Palasyo ng Malakanyang, araw ng Miyerkules, sinabi ni Pangulong Marcos na gagamitin niya ang COP28 para manawagan  sa  global community na manatiling committed sa climate change mitigation programs.

“We will use this platform to rally to global community and call upon nations to honor their commitments, particularly in climate financing,”  ayon sa Pangulo.

Binigyang diin na ang Pilipinas ay  “once again poised to lead”  sa pagpupulong.

Sa kabilang dako, binigyang diin pa rin ng Punong Ehekutibo ang kahalagahan ng  COP28 sa Pilipinas sa pagiging  “most vulnerable countries” sa epekto ng  climate change sa buong mundo. wrld.

“And so, we must do our part here in the Philippines,” ayon sa Punong Ehekutibo.

“But we must also take the lead when it comes to the global move and the global aspiration that those most vulnerable communities around the world will somehow be assisted by the developing countries when it comes to these measures to mitigate and to adapt to climate change,” dagdag na pahayag ng Pangulo.

Winika pa nito na ang “climate change mitigation” ay hindi lamang responsibilidad ng gobyerno kundi nng lahat ng mga mamamayang  Filipino. (Daris Jose)

TULOY ang  “Christmas Convoy” na inorganisa ng  civilian organization para  sa mga mangingisda at frontliners sa West Philippine Sea (WPS).

Iyon nga lamang kailangang sundin ng mga lider ng organisasyon ang posisyon ng gobyerno na hindi sila pupunta sa BRP Sierra Madre (LS-57) sa Ayungin Shoal sa  WPS  dahil sa security reasons.

“The National Security Council (NSC) met with the leaders of Atin Ito! Coalition last week where — after a constructive dialogue — there was a meeting of the minds in the planned civilian-led Christmas Convoy to the WPS,” ayon kay NSC spokesperson at  Assistant Director General Jonathan Malaya sa isang kalatas.

Ani Malaya, kapwa sumang-ayon ang magkabilang panig na ang  civilian convoy sa  BRP Sierra Madre sa Ayungin Shoal ay  hindi ipinapayo sa ngayon.

“Nonetheless, the planned Christmas Convoy will pass through the general vicinity of Ayungin Shoal as far as practicable, on its way to other selected Philippine-occupied features to bring Christmas cheer directly to our troops assigned to those areas as well as to our fisherfolk,” ayon kay Malaya.

Aniya, ang  convoy ay bibisita  at magdadala ng pagkain sa mga Filipino troops sa Pagasa Island.

“There, Christmas gifts and donated supplies for BRP Sierra Madre will be turned over to the Philippine Navy-AFP (Armed Forces of the Philippines) and to the Philippine Coast Guard for delivery during the regular rotation and resupply missions. By visiting the other Philippine-occupied features, the Christmas Convoy will be able to visit a vast area of the WPS and bring Christmas cheer directly to more fisherfolk and frontliners,” dagdag na wika nito.

Tinuran ni Malaya na tinitiyak  sa kasunduan ang kaligtasan at seguridad ng  convoy maliban pa sa pagtiyak sa napapanahong  paghahatid ng donated items sa mga  Filipino fisherfolk at front-liners sa WPS.

“This also upholds the Philippines’ sovereign rights to the WPS,” ayon pa rin kay Malaya.

“We thank Atin Ito! Coalition for their cooperation and for finding common ground with the government in asserting and defending our sovereignty, sovereign rights, and jurisdiction in pursuit of the national interest,” ang pahayag ni Malaya. (Daris Jose)