TINIYAK ni Pangulong Ferdinand R. Marcos Jr. sa pamilya ni  Loreta “Lorie” Villarin Alacre, pangatlong Filipino na nasawi sa labanan sa pagitan ng  Hamas militants at  Israeli forces, na agad na iuuwi ang labi nito sa  oras na buksan  na ang humanitarian corridor sa mga apektadong sibilyan.

Si Alacre, 49 taong gulang, isang caregiver, ay kabilang sa mga  Filipino na naunang napaulat na nawawala nang atakihin ng  militant Hamas ang Israel mula sa  Gaza strip.

Kinumpirma ito ng Department of Migrant Workers (DMW) at kagyat na ipinaalam sa pamilya  Alacre, araw ng Biyernes, na ang biktima na nagtatrabaho bilang  caregiver sa Haifa at Tel Aviv, ay nasawi.

Sa telephone call sa kapatid ng biktima, personal na nagpaabot ng kanyang pakikidalamhati si Pangulong Marcos at nagsabi na ang  DMW at Overseas Workers Welfare Administration (OWWA) ay nagbibigay ng lahat ng kakailanganing tulong  SA mga apektado ng  armed conflict.

Sinabi ng Pangulo na nakatuon ang pansin ng pamahalaan sa kung paano pauuwiin ng Pilipinas ang labi ni Alacre.

“May assistance para sa pamilya, pero lahat ng kailangang gawin para maiuwi na (ang iyong kapatid) ay gagawin na muna namin. Iyon lamang, hinihintay muna natin kung ano ‘yung magiging sitwasyon doon sa Israel dahil talagang napakagulo masyado ngayon at sarado lahat,” ayon kay Pangulong  Marcos.

“Tulungan ka namin. Basta’t nandito ang gobyerno. Lahat ng mga embassy natin naka-alert naman, alam nila ang sitwasyon mo … lahat nga gusto nang umuwi kaya ‘yun na muna ang inayos namin at basta’t mabigyan tayo ng pagkakataon ay iuuwi na namin silang lahat,” dagdag na wika nito.

Sa kabilang dako, sinabi ng Pangulo na hinihintay ng Philippine ambassador to Egypt para sa positioning   feedback para sa posibleng pagbubukas ng   humanitarian corridor upang kaagad na masimulan ng pamahalaan ang  repatriation efforts. (Daris Jose)

SINUSPINDE ni Pangulong Ferdinand Marcos Jr. sa kanyang puwesto si Land Transportation Franchising and Regulatory Board (LTFRB) Chairman Teofilo Guadiz III sa gitna ng usapin ng korapsyon sa ilalim ng kanyang panunungkulan.

Sinabi ng Presidential Communications Office (PCO)  na ipinag-utos ng Pangulo ang agarang imbestigasyon sa usapin lalo pa’t hindi nito kinukunsinti ang anumang maling pangangasiwa  sa kanyang administrasyon.

Hayagan din nitong kinokondena ang pagsisinungaling at pandaraya sa public service.

Sa ulat, ibinunyag  ng dating opisyal ng LTFR­B ang diumano’y talamak na korapsiyon sa ahensiya para makakuha ng permit, prangkisa at iba pa.

Sa isang press confe­rence na inihanda ng grupong Manibela sa Quezon City, sinabi ni Jeffrey Tombado, dating executive assistant ni Guadiz, mabilis ang pagkuha ng special permit, route permit, franchise at iba pa kung maglalagay ang mismong aplikante.

Inamin ni Tombado na siya ang nag-aasikaso ng mga permit sa halagang P5 milyon pero hindi lang taga-LTFRB ang nakikinabang kundi hanggang sa Malakanyang.

Binanggit ni Tombado na may mga hawak siyang ebidensiya ng korapsyon sa LTFRB at ihaharap niya ito oras na maisampa ang kaso sa mga sangkot na opisyal.

Dahil dito, inihayag ng grupong Manibela na maglulunsad sila ng transport strike sa Oktubre 16 bilang protesta sa talamak na korapsiyon sa LFTRB. Hihilingin din ng grupo na mapalawig ang deadline sa extension ng prangkisa ng mga traditional jeepney na nakatakdang matapos sa Disyembre 31, 2023.

Hindi umano sila titigil sa transport strike hangga’t hindi nagbibitiw sina Guadiz, Transportation Secretary Jaime Bautista at iba pang sangkot sa korapsiyon. (Daris Jose)

INAPRUBAHAN   ng Department of Budget and Management (DBM) ang pagpapalabas ng  Special Allotment Release Order (SARO) na nagkakahalaga ng P1 bilyong piso saklaw ang Marawi Siege Victims Compensation sa  ilalim ng Fiscal Year 2023 General Appropriations Act (GAA).

Winika ng ahensiya na ang pagsunod sa SARO, 362 biktima ang makatatanggap ng  monetary compensation sa  ilalim ng  National Disaster Risk Reduction and Management Fund (NDRRMF).

Sa ilalim ng Special Provision No. 3 ng  NDRRMF sa  Fiscal Year 2023 GAA,  ang inisyal na pondo na  inilaan  ay gagamitin para bayaran ang ” Any lawful owner of residential, cultural, commercial structures and other properties in Marawi’s Main Affected Areas or Other Affected Areas destroyed or damaged, either totally or partially, on the occasion of the Marawi Siege; Owners of private properties demolished pursuant to the implementation of the Marawi Recovery, Rehabilitation, and Reconstruction Program; The heirs of those who died and are legally presumed dead, in accordance with RA No. 11696 and guidelines to be promulgated by the Marawi Compensation Board.”

Binibigyan din nito ng mandato ang MCB para idetermina ang  “monetary compensation at award”  ng  lawful owner base sa Fair Market Value o replacement cost ng kabuuan o repair cost ng partially damaged structures ng residential, cultural, at commercial properties.

“The rehabilitation and recovery of Marawi has always been a project that is close to my heart,”  ayon kay Budget Secretary Amenah Pangandaman.

“I am a Maranao by soul and blood, and I feel so much joy and pride seeing Marawi rise again six years after the siege. Seeing my fellow Maranaos overcome that dreadful history with so much strength and resiliency brings warmth to my heart.” sinabi ng Kalihim.

Pinasalamatan din nito si Pangulong Ferdinand  Marcos Jr. para sa patuloy nitong suporta para sa Mindanao, kung saan ang mga mamamayang Maranao at mga tao sa Mindanao ay kinalugdan.

“Indeed, there is still a lot more to do. But let this milestone serve as a reminder to all of us to shape a future moving forward, steered by our united commitment to achieve lasting peace and long-term prosperity,” ayon pa rin kay Pangandaman. (Daris Jose)

PINANGALANAN na ni Pangulong Ferdinand Marcos Jr. ang apat na bodega na kinasuhan ng Bureau of Customs (BOC) dahil sa hinihina­lang sangkot sa hoarding at smuggling ng bigas.

Tinukoy ng Pangulo ang San Pedro warehouse; Blue Sakura Agri Grain Corporation; FS Ostia Rice Mill at Gold Rice Mill matapos na mamahagi ng smuggled na bigas sa Taguig City.

Sinabi ni Marcos na ang mga nabanggit ay sinampahan ng patong patong na kaso kabilang dito ang paglabag sa Customs Modernization and Tariff Act, Rice Tariffication Law at Anti-Agricultural Smuggling Act of 2016 o Republic Act No. 10845.

Pinangalanan na ni Pangulong Ferdinand Marcos Jr. ang apat na bodega na kinasuhan ng Bureau of Customs (BOC) dahil sa hinihina­lang sangkot sa hoarding at smuggling ng bigas.

Tinukoy ng Pangulo ang San Pedro warehouse; Blue Sakura Agri Grain Corporation; FS Ostia Rice Mill at Gold Rice Mill matapos na mamahagi ng smuggled na bigas sa Taguig City.

Sinabi ni Marcos na ang mga nabanggit ay sinampahan ng patong patong na kaso kabilang dito ang paglabag sa Customs Modernization and Tariff Act, Rice Tariffication Law at Anti-Agricultural Smuggling Act of 2016 o Republic Act No. 10845.

Matatandaan na sina­lakay ng mga tauhan ng BOC ang mga bodega ng bigas sa Bulacan kasunod na rin ng pinaigting na kampanya kontra smuggling at hoarding.

HINDI dapat pahirapan pa ng gobyerno ang mga naghihira na public utility vehicle (PUV) drivers at operators na gustong makiisa sa PUV modernization program ng pamahalaan.

Ipinunto ito ni AGRI Party-list Rep. Wilbert Lee kasabay nang panawagan nito sa Land Bank of the Philippines (LBP), Development Bank of the Philippines (DBP), at iba pang government financial institutions na simplihan at i- streamline ang nakalulula umanong loan requirements para sa transport cooperatives at corporations sa pagbili ng makabagong jeep.

Sa isinagawang plenary deliberations sa panukalang 2024 budget ng Department of Transportation (DOTr), inihayag ni Lee na hindi dapat pahirapan ang mga PUV drivers at operators sa pagkuha ng loans upang ipambili ng modernong jeep.

“Let us liberalize and simplify these requirements. Marami na ngang na-comply na requirements na hiningi ang LTFRB (Land Transportation Franchising and Regulatory Board) at LTO (Land Transportation Office), kilo-kilometro pa rin ang dami ng hinihingi ng Land Bank o DBP na mahirap kumpletuhin,” giit ni Lee.

“Kaya po tayo nagsusulong ng ganitong mga programa, kaya natin pinapataas at pinapalaki ang budget, ay para makatulong. It defeats the purpose kung pinapahirapan natin sila. Ano ba talaga ang papel natin dito? Ang tulungan sila o ang pahirapan sila?” pagtatanong ng mambabatas.

Iginiit pa nito na magtulungan ang LTFRB para gawing mas mabilis ang proseso nang pagpapautang ng Land Bank, DBP at iba pang government financial institutions.

Ayon kay Lee, ang isang jeepney driver o operator na kumikta ng P500 hanggang P750 kada araw ay hindi kayang makabili ng modernong jeep na nagkakahalaga ng mahigit P2 million.

Bukod sa pagpapabilis at pagapadali sa proseso at requirements sa pautang, hiniling din ni Lee ang naglalaan ng alokasyon na P1.8 billion para sa PUV modernization program na nakakuha ng zero funding sa 2024.

“We need to understand na holistic at comprehensive itong modernization program. It does not end in just consolidating or buying new public utility vehicles or units,” paliwanag ni Lee. (Ara Romero)

MARIING  kinondena ni House Deputy Minority leader at ACT Teachers Partylist Rep. France Castro ang paglalagay ng Tsina ng mga floating barriers sa Scarborough Shoal na magsisilbing harang sa mga Pilipinong mangingisda sa kailang tradisyunal na fishing grounds.

Ayon sa mambabatas, ang hakbang ay isang malinaw na paglabag sa soberenya ng Pilipinas at karapatan na makapaghanap buhay ang mga mangingisdang Pinoy.

“The installation of these barriers is a clear display of China’s aggressive and expansionist actions in the West Philippine Sea. It is a deliberate attempt to assert dominance and control over the maritime resources that rightfully belong to the Filipino people,” ani Castro.

Iginiit pa nito na ilang henerasyon ng mangingisdang pinoy ang nangingisda sa Scarborough Shoal.

Dapat aniyang gumawa ng hakbang ang gobyerno ng Pilipinas paratugunan ang naturang paglabag kaabilang na ang paghahain ng diplomatic protest, paghingi ng international support, at lahat ng legal na paraan para rotektahan ang karapatan at interes ng mga mangingisda.

Hinikayat din nito ang Department of Foreign Affairs na palakasin pa ang pagsusumikap nitong igiit ang territorial rights ng bansa sa pamamagitan ng mga diplomatic channels. (Ara Romero)

GINASTOS ng Office of the Vice President (OVP) ang P125 milyong confidential fund (CF) nito sa loob lang ng 11 araw at hindi 19 araw.

Ito ang isiniwalat kahapon ni House Committee on Appropriations vice chairperson at Marikina City Rep. 2nd District Rep. Stella Quimbo, base sa impormasyon sa mga dokumentong ibinigay sa kaniya ng Commission on Audit (COA).

Sa deliberasyon ng budget nitong Lunes, nagtanong si Gabriela Rep. Arlene Brosas kay Rep. Quimbo kaugnay ng P125 milyong confidential fund ng OVP.

“Napakaigsing panahon…Mula po sa Statement of Appropriations, Obligations and Balances (SAOB), December 13 to December 31 ang nakalagay so 19 days po ‘yan,” sabi ni Brosas.

Pero sinabi ni Quimbo na batay sa mga dokumento ng Commission on Audit (COA) ay nagamit ang naturang pondo sa loob lamang ng 11 araw.

“Madam Speaker, ang totoo po ay nagulat din po ako noong mabasa ko ang mga balita na tila nagastos po sa loob ng 19 days at tinanong ko po ang COA at tiningnan ko po ang mga iba’t ibang mga reports, pero hindi po ito nagastos sa loob ng 19 days kung hindi 11 days po, Madam Speaker,” pagsisiwalat  ni Quimbo.

Ayon kay Quimbo, nagsumite ang OVP ng liquidation report noong Enero 2023 at naglabas ng mga state auditor ng audit observation memorandum (AOM) noong Setyembre 18, 2023.

Sinabi ni Quimbo na magsusumite ang COA ng ulat sa Kongreso sa Nobyembre 15, 2023 kaugnay nito.

Dahil dito, umapela si Quimbo na suportahan ang kaniyang panawagan para sa pagtatatag ng Special Oversight Committee para sa Confidential and Intelligence Funds (CIFs) para palakasin pa ang transparency at tiyakin na ang pera ng taumbayan ay nagagasta ng maayos.

Alinsunod sa kasalukuyang setup sa gobyerno ang Pangulo, Senate President at Speaker of the House ang may access sa impormasyon hinggil sa CIFs. (Daris Jose)

IIKOT ang Bagong Pilipinas Serbisyo Fair – ang pinakamalaking service caravan sa bansa, sa lahat ng probinsya sa buong bansa upang makapaghatid ng serbisyo sa milyong Pilipino, kasunod ng matagumpay na grand launching ng programa sa apat na probinsya noong Sabado.

Ikinatuwa ni Speaker Ferdinand Martin Romualdez, isa sa pangunahing organizer ng service caravan na naglalayong ilapit sa mga Pilipino ang nasa 60 serbisyo ng pamahalaan, sa planong pagpunta ng BPSF sa lahat ng 82 probinsya.

“Ipinakita rin naman na ang gobyerno po ng ating mahal na Presidenteng PBBM ay nandito, very very active, very much present. Iyan ang sinasabi ng ating Bagong Pilipinas Serbisyo Fair,” sabi ni Speaker Romualdez sa isang panayam.

“Iyan ang napakagandang balita, lahat po ng mga beneficiary ay natutuwa. At nagpapasalamat tayo sa lahat ng ahensya at departamento na tumulong dito sa atin sa Tolosa. Napaka-successful. Maski mga lider natin dito sa lalawigan led by Governor [Jericho] Icot Petilla, Vice Governor [Leonardo] Sandy Javier [Jr.], Cong. [Lolita] Javier, Cong. Jude Acidre, [former] Cong. Ching Veloso, at lahat ng municipal mayors, kumpleto isinama rin nila ang kanilang constituents,” aniya.

Pinangunahan ni Pangulong Marcos  ang grand launch ng BPSF sa Nabua, Camarines Sur na sabayan ding inilungsad sa Laoag, Ilocos Norte, bayan ng Tolosa Leyte sa Visayas, at ang Munisipalidad ng Monkayo, Davao de Oro sa Mindanao.

Inaasahan na mahigit 400,000 Pilipino ang maseserbisyuhan ng Serbisyo caravan na naghahatid ng 60 serbisyo mula sa iba’t ibang ahensya ng pamahalaan na mayroon ding P1 bilyong pondo para sa ipamimigay na ayuda.

Ang BPSF national secretariat ay binubuo ng Office of the President, Office of the Speaker, Presidential Communications Office (PCO), at Kamara.

Mula sa orihinal na dalawang araw, pinalawig ng mga organizer ang grand launch hanggang sa Biyernes dahil sa dami ng mga nais na kumuha ng serbisyo. Hanggang alas-10:30 ng linggo ay 322,689 na ang nagpatala sa portal para makakuha ng serbisyo.

Noong 11:19 ng umaga ng Sabado ay umabot na sa 293,046 ang mga Pilipino ang nagparehistro sa BPSF.

Noong nakaraang Agosto 26, higit 22,000 na indibidwal ang naserbisyuhan sa dalawang araw na dry run ng BPSF sa Biliran

Nagpapatuloy ang pagpaparehsitro sa programa at inaasahang lalagpas pa sa 400,000 ang makikibahagi sa mga susunod na araw.

Hanggang nitong Linggo ng umaga, nasa 87,158 indibidwal na ang naserbisyuham sa Laoag, Ilocos Norte; 103,647 sa Nabua, Camarines Sur; 57,345 sa Tolosa, Leyte; at 74,539 sa Monkayo, Davao de Oro. Hindi pa kasali rito ang 22,000 na naserbisyuhan sa Biliran.

Dahil sa Serbisyo caravan ay naging madali para sa mga benepisyaryo na makakuha ng social services, health at medical support, pangkabuhayan, regulatory function service at iba pang alok ng gobyerno.

“All the hard work preparing for the Grand Launch paid off: the physical and mental exhaustion of the organizers and frontline government workers were rewarded with the satisfaction of helping their fellow citizens gain access to a lot of government services that are mostly beyond their reach,” saad ng House Speaker.

Pinangunahan ni Speaker Romualdez ang event sa Leyte habang si House Senior Deputy Majority Leader at Ilocos Norte 1st District Rep. Ferdinand Alexander “Sandro” Araneta Marcos naman ang nanguna sa serbisyo caravan sa Ilocos Norte, at si Special Assistant to the President Anton Lagdameo naman sa Davao de Oro.

Ang mga ahensya na nakiisa sa pagbibigay ng social services na ay ang Department of Health (DoH), Department of Social Welfare and Development (DSWD), Department of Agriculture (DA), Department of Human Settlement and Urban Development (DHSUD), Department of Public Works and Highways (DPWH), Department of Interior and Local Government (DILG), Department of Environment and Natural Resources (DENR), Food and Drug Administration (FDA), Bureau of Fisheries and Aquatic Resources (BFAR), National Food Authority (NFA), Office of Civil Defense (OCD) at Philippine Coconut Authority (PCA).

Para sa livelihood at educational services naman ang makukuhanan ng tulong ay ang Department of Agrarian Reform (DAR), Commission on Higher Education (CHED), Department of Science and Technology (DOST), Department of Labor and Employment (DOLE), Technical Skills and Development Authority (TESDA), DENR, OCD, at FDA.

Nagbigay serbisyo rin ang mga ahensya na may regulatory function gaya ng Department of Foreign Affairs, Philippine National Police (PNP), Land Transportation Office (LTO), Land Transportation Franchising and Regulatory Bureau (LTFRB), Professional Regulations Commission (PRC), National Bureau of Investigation (NBI) at Philippine Statistics Authority (PSA).

Kasama rin sa mga nagbigay serbisyo ang Department of Information and Communication Technology (DICT), Government Service Insurance System (GSIS), Social Security System, PhilHealth, Pag-Ibig, Public Attorney’s Office (PAO), at ang Integrated Bar of the Philippines (IBP).

Kada probinsya ay mayroong piling serbisyo na ibinibigay batay sa pangangailangan ng mga residente.

Nagdaos din ng Libreng Pasasalamat Concerts noong Grand Launching.

Ilan lamang sa mga pangunahing serbiyong maaaring makuha sa BPSF ay ang mga sumusunod:

• Enrollment sa TUPAD o GIP
• Legal counseling
• Farm inputs at makinarya
• Tulong Dunong Program
• TESDA scholarships at enrollment sa mga programa nito
• Financial assistance programs
• Kadiwa Stores
• SB Corp. services para sa MSMEs
• Educational assistance
• LTO driver’s license renewal
• DFA passport application
• NBI clearance application
• Police clearance application
• LTOPF renewal/application
• PSA birth certificate application
• Pag-ibig membership at housing loan
• SSS membership application
• GSIS UMID application
• Postal ID application
• National ID application
• PhilHealth consultation
• Public service training
• PRC renewal
• PAO free legal services
• PhilHealth registration.

(Ara Romero)

SINERTIPIKAHAN ni Pangulong  Ferdinand R. Marcos Jr. bilang urgent ang House Bill No. 8980, o Fiscal Year 2024 General Appropriations Bill.

Layon nito na tiyakin na mapopondohan ang iba’t ibang programa at proyekto ng gobyerno sa susunod na taon.

“Pursuant to the provisions of Article VI, Section 26 (2) of the 1987 Constitution, I hereby certify to the necessity of the immediate enactment of House Bill No. 8980, entitled: ‘An Act Appropriating Funds for the Operation of the Government of the Republic of the Philippines from January One to December Thirty-One, Two Thousand and Twenty-Four,’” ayon sa Pangulo sa ipinadalang liham nito kay House Speaker Martin Romualdez.

“In order to address the need to maintain continuous government operations following the end of the current fiscal year (FY), to expedite the funding of various program, projects, and activities for FY 2024, and to ensure budgetary preparedness that will enable the government to effectively perform its Constitutional mandate,” ang nakasaad pa sa naturang liham.

Nauna rito, sinabi ni Romualdez na  mas nauna pa sa itinakdang iskedyul ang ginagawa nilang  deliberasyon para sa  2024 national budget.

Kumpiyansang sinabi nito na ang nasabing budget ay maaaprubahan ni Pangulong Marcos sa tamang oras o bago sumapit ang Pasko.

“We hope that he will be able to sign it before Christmas para ‘yung sa ginagawa po natin binibigyan natin ang ating mga kapatid sa Senado sufficient time to review and to actually introduce amendments para maba-bicam natin by end of November, December in time for the signing of the President before Christmas,” ang pahayag ni Romualdez sa isang panayam matapos ang 3rd LEDAC meeting sa Palasyo ng Malakanyang. (Daris Jose)