DEDMA lang ang Chinese Embassy sa Maynila sa pagpapahayag ng malasakit at pag-aalala ng ilang bansa kaugnay sa agresyon ng Tsina sa Philippine vessels.

Ang katuwiran ng Embahada, hindi naman nila kinakatawan ang international community at malinaw na kumakampi lamang.

Dahil dito, sinisi ng Embahada ang administrasyong Marcos para sa mga nangyayari sa katubigan lalo pa’t tila ginagawang ‘frontline’ ng gobyerno ang mga mangingisdang filipino sa maritime dispute at paigtingin ang tensyon.

Nagpalabas naman ng ilang kalatas ang Embahada matapos na paulanan ng kanilang Coast Guard ng water cannon ang dalawang Philippine ships na nagsasagawa ng food supply mission sa katubigan sa Bajo de Masinloc.

Binigyang katuwiran ng Embahada ang naging aksyon nito sabay sabing ang mga naturang vessels ay illegal na pumasok sa katubigan na inaangkin at sinasabing pag-aari ng Tsina.

Sa kabilang dako, mariing kinondena ng maraming bansa kabilang na ang Estados Unidos ang pinakabagong agresyon ng Tsina.

“Over the past one year, the same batch of countries issued statements on maritime incidents between China and the Philippines,” ayon sa Embahada.

“Instead of speaking on the true merits of the matter, those statements were intended to take side. Against nearly 200 countries in the world, this batch of countries cannot represent the international community,” dagdag na pahayag ng Embahada.

Sinabi pa ng Embahada na ang Pilipinas ang siyang nagpo-provoke ng tensiyon, hindi anito kagaya ng nakaraang administrasyon na hinawakan ng maayos ang usapin ng sea dispute.

Tinuran pa ng Embahada na ang kasalukuyang gobyerno, hindi katulad ng nakalipas ay “crossed the red line in Huangyan Dao,” o ang Scarborough Shoal, at maging ang sinasabing “reneged on its own words on the management of Renai Jiao and unilaterally abandoned the Gentlemen’s Agreement, Internal Understanding and New Model agreed upon by the two sides.”

Makailang ulit naman na binanggit ng Beijing ang iba’t ibang kasunduan na pinasok ng Maynila sa kanila kaugnay sa West Philippine Sea. Subalit, wala naman itong maipakitang anumang pruweba pa.

“This is the real cause of maritime incidents that heightened tension in the South China Sea over the past year,” ayon sa Embahada.

Tinuran pa ng Embahada na ang administrasyong Marcos ay “hustles the fishfolks to the frontline of maritime disputes in the name of humanitarian assistance” para sa kanilang “political agenda.”

“This is what’s truly sad,”ayon sa Embahada. (Daris Jose)

ANG paghahanap ng mga praktikal na paraan para manatiling “cool at hydrated” ay makatutulong sa publiko habang nagpapatuloy ang mainit na panahon hanggang sa susunod na buwan.

Sa press briefing ng Task Force El Niño, binigyang-diin ni Health Secretary Teodoro Herbosa ang kahalagahan ng pananatiling “hydrated.”

Kaya nga, mabilis na nagpayo si Herbosa kontra sa makailang ulit na pagligo sa isang araw.

“Hindi ko ma-recommend ‘yan. Mauubos naman yung tubig para sa tubigan, mawawalan tayo ng pagkain. Ang payo ko talaga is to conserve water,” ayon kay Herbosa.

Bilang tip, inirekomenda ni Herbosa ang pagdaragdag ng isang pinch o kurot ng asin sa inuming tubig para itaas ang electrolytes sa katawan at mapigilan ang cramps dahil sa dehydration.

Ang isa pang tip mula sa Kalihim ay regular na magdala ng isang atomizer o spritzer na may tubig para i-spray sa mukha at iba pang bahagi ng katawan para i- hydrate at panatiling ‘cool’ ang balat.

Inulit naman ni Herbosa na ang mga kabataan, may edad na 50 at pataas, mga taong nagta-trabaho sa kalsada at iyong mga kasama sa recreational sports ay “at high risk” na dumanas ng “exposure illnesses” kapag ang heat index ay tumaas sa 50.

Winika nito na ang critical hours sa araw ay mula alas-10 ng umaga hanggang 4 ng hapon kapag ang heat cramps at heat exhaustion ay nangyari na maaaring mauwi sa heat exhaustion at maging ang pagkamatay kapag hindi kaagad nagamot. (Daris Jose)

TINUKOY ni Pangulong Ferdinand Marcos Jr. ang magiging papel ng unang batch ng Moro combatants sa pagpapanatili ng kapayapaan at seguridad sa Bangsamoro Autonomous Region in Muslim Mindanao (BARMM).

Pinangunahan ni Pangulong Marcos ang graduation Ceremony of the Bangsamoro Police Basic Recruit Course (BPBRC) Batch 2023-01 Classes Alpha – Bravo “Bakas-Upit” sa Parang, Maguindanao del Norte.

”Ang inyong misyon ay higit pa sa paglilingkod at pangangalaga sa mga kababayan natin. Kayo ang tutulong sa pagsusulat ng bagong yugto para sa Bangsamoro tungo sa mas tahimik at matiwasay na kinabukasan,” ang bahagi ng naging talumpati ni Pangulong Marcos.

”Kahit saan man kayo italaga, kayo ay kinatawan ng kaayusan at pagbabago na layon nating ipamana sa ating mga anak,”aniya pa rin.

“Kayo ang tutulong sa pagsusulat ng isang bagong yugto para sa Bangsamoro, tungo sa mas tahimik at matiwasay na kinabukasan.

Kaya ang inyong pagsasanay at pagtatapos ngayong araw ayhigit pa sa pagtupad natin sa mga obligasyong na nakasaad sa Bangsamoro Organic Law.

Ito ay ang pagsasakatuparan natin sa hangaring maranasan ang tuluy-tuloy na kapayapaan at pag-uunlad,” lahad ng Pangulo,

Inamin ng Chief Executive na mahirap ang daang tatahakin ng mga ito subalit tinitiyak niya aniya na magiging mas madali ito kung tatanggapin at [aalalahanin] ang apat na puntong iiwan niya sa mga ito.

“Una, kayo ay natanggap dahil sa inyong karakter at hangaring makapag-ambag sa ikauunlad ng Bangsamoro. Ang ibig sabihin nito, anuman ang inyong pinag-hirapan at natamasa, ang inyong integridad pa rin ang susi sa inyong tagumpay. Sikapin ninyong tuparin ang manatiling pundasyon ng inyong trabaho at serbisyo mula ngayon.”

“Pangalawa, tapang at determinasyon ang siyang nagtulak sa inyo upang harapin ang linggo-linggong pagsasanay. Ngayon na magsisimula na, na magsuot ng uniporme at magsilbi sa bayan, tiyak na dodoble ang pagsubok sa mga katangian ninyo. Sa pagharap ninyo sa mga bagong hamon, gawin ninyong inspirasyon ang inyong tungkulin sa mamamayan. Isapuso at isa-isip ninyo ang imahe ng inyong rehiyon at ating bayan na may seguridad at kaayusan,” ayon sa Pangulo.

Ang pangatlo aniya ay “ngayong dala-dala na ninyo ang bagong kaalaman tungkol sa pagpupulis at sa batas ng BARMM at ng Pilipinas, hindi dapat ito natatapos ang pagpapa-unlad ninyo sa inyong mga sarili.

Patuloy ang— patuloy na paglinangin ang inyong kakayahan at kasanayan nang tumaas ang kalidad ng inyong serbisyo. At ang pinakamahalaga, siguraduhing umuunlad rin ang inyong pag-unawa sa inyong kapwa at sa mundo. Hindi kailanman natatapos ang pagsulong at pagpapabuti, kaya kailangang maging masigasig kayo sa pagtuklas ng pangangailangan ng taumbayan. Sa pamamagitan nito, kayo’y magiging tunay na modelo ng ating mga mamamayan,” ang bahagi ng talumpati ng Pangulo.

“Ika-apat at pang-huli, hangga’t tunay at tapat kayo sa inyong mga tungkulin bilang miyembro ng kapulisan, buong-buo ang aking suporta sa inyo,” litaniya ng Pangulo.

Sinabi pa ng Punong Ehekutibo na makakatuwang niya ang mga ito sa pagsisikap na mabigyan ang bawat Pilipino ng payapa at masaganang buhay.

“Naniniwala ako na sa paglago ng Bangsamoro, yayabong din ang buong bansa. Mas madali nating makamit ang ating hinahanap na Bagong Pilipinas,” aniya pa rin.

Sa kabilang dako, ang graduating class ay binubuo ng  100 trainees na pantay-pantay na hinati sa pagitan ng

Moro Islamic Liberation Front (MILF) at Moro National Liberation Front (MNLF), mayroong 92 kalalakihan at 8 kababaihan.

Ang mga dating Moro combatants ay sumailalim sa 23-week program, inihanda ang mga ito na maisakatuparan ang kanilang mahalagang tungkulin ng police force, na may pagtuon na ipatupad ang national laws at tamang regulasyon sa rehiyon.

Ang mga bagong graduates ay pansamantalang itatalaga bilang patrolmen at patrolwomen alinsunod sa decree ng National Police Commission (NAPOLCOM). Mayroon silang hanggang 15 taon mula sa petsa ng kanilang pagpasok sa serbisyo upang makakuha ng college degree.  (Daris Jose)

PINAYAGAN ng Department of the Interior and Local Government (DILG) ang mga tauhan ng Philippine National Police (PNP), Bureau of Jail Management and Penology (BJMP), and Bureau of Fire Protection (BFP) na magsuot ng light uniforms habang naka-duty sa gitna ng heat index na umaabot sa dangerous levels sa maraming bahagi ng bansa.

Sa katunayan, binasa ni Interior and Local Government Secretary Benhur Abalos sa isang news forum ang DILG urgent memorandum na nagbibigay-atas sa mga hepe ng tatlong ahensiya na magpalabas ng kani-kanilang advisory hinggil sa uniform attire.

“In view of the foregoing, you are hereby directed to issue an Urgent Advisory for all PNP, BJMP and BFP personnel to wear light uniforms in the performance of their respective duties to alleviate discomfort and protect them from illnesses such as heat cramps, exhaustion, heat stroke, among others, due to extreme heat,” ang nakasaad sa memorandum.

Bago pa ang DILG order, nagpalabas na ang BJMP ng isang memorandum hinggil sa modified schedule ng pagsusuot ng uniforms sa panahon ng tag-init, pinapayagan ang mga tauhan nito na gumamit ng gray shirts mula Martes hanggang Biyernes.

Sa isang kalatas ng DILG, sinabi ni Abalos na, “The welfare of our uniformed personnel comes first especially as they perform their sworn duty sabay sabing ang pagsusuot ng ‘light at comfortable uniforms’ sa gitna ng napakainit na panahon ay “is the way to go.”

“The tri-bureau’s line of work already poses a lot of risks, now coupled with the hazards of extreme heat temperature kaya kailangan din natin protektahan ang ating uniformed personnel from the PNP, BFP and BJMP,” ayon kay Abalos. (Daris Jose)

TINIYAK  ni Pang. Ferdinand Marcos Jr na mayroong sapat na suplay ng bigas ang bansa sa kabila ng nararanasang El Nino o tagtuyot.

Sinabi ng Pangulo na walang dapat i-pangamba ang publiko na kapusin ang suplay ng bigas at mga pagkain.

Sa ambush interview sa Occidental Mindoro, sinabi ni Pang. Marcos na sa katunayan ay tumaas pa ang ani sa mga lugar na mayroong patubig.

Resulta aniya ito ng bagong farming techniques at pinahusay na irrigation system.

“Well, kung ang pag-uusapan natin ay bigas, sapat naman ang ating supply. Hindi kailangang mag-alala ang tao. Sa katotohanan, ‘yung mga area na may patubig, tumaas pa ‘yung ating naging ani, ‘yung tons per hectare natin,” pahayag ni Pang. Marcos.

Pero aminado ang Pangulo na sadyang maraming sakahan ang apektado ng tagtuyot, bagay na ginagawan na ng paraan ng gobyerno.

Sa pagtungo ng Pangulo sa Occidental Mindoro, personal nitong ininspeksyon ang pinsala ng matinding tagtuyot sa mga sakahan.

“Pero siyempre, marami pa. Kagaya dito, siguro mga 50 porsyento lamang ang irrigated at so, ‘yung iba talagang nahihirapan. Dito sa Occidental Mindoro, ang calculation namin, one percent lamang nung mga irrigated lands ang naapektuhan ng El Niño na talagang kailangan ng tulong,” dagdag pa ng Pangulong Marcos. (Daris Jose)

IPINAG-UTOS ni Pangulong Ferdinand R. Marcos Jr. sa National Irrigation Administration (NIA) na maglagay ng irrigation systems na sasaklaw ang ilang munisipalidad sa Occidental, Mindoro, partikular na sa mga bayan ng San Jose at Magsaysay para palakasin ang agricultural production.

Sa naging talumpati ng Pangulo sa isinagawang distribusyon ng iba’t ibang government assistance sa Occidental Mindoro, sinabi nito na tanggap niya ang epekto El Niño phenomenon sa sektor ng agrikultura at nakaaapekto na rin sa pangkabuhayan ng mga magsasaka.

“Kaya’t nandito, kasama rin natin— hindi umakyat sa stage, nandiyan si— ang National Irrigation— ayan, si Eddie Guillen, taga amin po ito pero siya’y nailagay natin sa irrigation at marami po tayong plano,”ayon kay Pangulong Marcos sa kanyang naging talumpati sa San Jose Municipal Gym.

“Mayroon po tayong pinaplano na dam na ilalagay para ma-koberan (cover) hanggang San Jose, Magsaysay, at mapatubigan na. Para naman kahit na mahina ang ulan ay mayroon pa tayong makukuhanan ng tubig,” aniya pa rin.

Maliban sa irrigation water mula sa mga dam, winika ng Pangulo na bibigyan ng gobyerno ang mga magsasaka ng solar-powered pumps para sa irigasyon ng mga hard-to-reach upland areas.

Binigyang-diin ang kahalagahan ng irrigation system sa agricultural production, tinuran din ni Pangulong Marcos na ang kompletong probisyon ng ‘fertilizer, pesticides, farm equipment, at iba pang inputs, optimum output” ay hindi matatamo o mapagtatagumpayan kung walang sapat na suplay ng tubig.

“Kaya’t ‘yun ay babaguhin natin. Dahil alam naman po natin sa ating mga magsasaka, ang puno’t dulo, lalong-lalo na pagka palay ang pinag-uusapan, ang puno’t dulo nitong lahat ay patubig,” aniya pa rin.

Sa kabilang dako, kabilang sa tulong na ipinaabot ng Department of Agriculture (DA) sa naging pagbisita ng Pangulo ay ang P3,000 fuel subsidy sa 393 magsasaka; P5,000 kada isa para sa 1,153 apektadong magsasaka sa ilalim ng Rice Farmers Financial Assistance; P5.1 million para sa 193 magsasaka sa ilalim ng El Niño Indemnification Fund; at P77.5 million Survival and Recovery Aid loans.

Samantala, nagpaabot naman ang NIA ng P7.38 milyong halaga ng operasyon at maintenance subsidy sa dalawang irrigators’ associations (IA) at Certificate of condonation and exemption na nagkakahalaga ng P18.48 milyong halaga sa isang asosasyon.

Nagbigay din ang NIA ng 24 units ng solar pump irrigation projects na nagkakahalaga ng P50 milyon sa tatlong IAs; at tatlong communal irrigation projects na nagkakahalaga ng P89.26 milyon para naman sa tatlong IAs (tig-isa ang bawat IA).

Bukod sa NIA, nagbigay din ng iba’t ibang tulong ang Department of Social Welfare and Development (DSWD), Department of Labor and Employment (DOLE), Department of Trade and Industry (DTI) at Technical Education and Skills Development Administration (TESDA) sa mga benepisaryo ng Occidental Mindoro. (Daris Jose)

HINIKAYAT ni Pangulong Ferdinand R. Marcos Jr. ang mga mamamayang Filipino na ipagpatuloy lamang ang kanilang nakaugaliang tunay na mainit na pagtanggap at mabuting pakikitungo sa mga bisita para makatulong na isulong ang paglago at ang kabuuang economic development.

Sa kanyang pinakabagong vlog, ikinuwento ni Pangulong Marcos kung paano palaging itinatanong ng mga foreign dignitaries kung bakit ang mga Filipino ay magaling bilang hosts.

Ang tugon ng Pangulo, “Filipinos’ genuine warmth is innately embedded in the social fabric of being a Filipino, making it one of the tourism brands the country can be proud of.”

“Ang Filipino hospitality ay katangian na noon pa man ng bawat Pilipino. Isabuhay pa natin ito, lalo pang paghusayan, ito ang mahahalagang sangkap sa ating biyahe tungo sa Bagong Pilipinas,” ayon pa rin sa Pangulo.

Sa five-minute vlog ng Pangulo, pinag-usapan kung paano ang Filipino hospitality ay palaging “on full display” kapag ang isang lider ay bumibisita sa bansa.

Gaya ng ibang bansa ayon sa Pangulo, ipinapakita ang kanilang “best foot forward” sa kanyang pagbisita, sa Pilipinas naman aniya ay ibinigay ang lahat para i-entertain ang mga bisita.

Binigyang diin ng Pangulo ang kahalagahan na bigyan ang mga bisita ng kaginhawaan sa lugar Kung saan sila pansamantalang mananatili sa Pilipinas upang tiyakin na magagawa ng mga ito “on time” para sa kanilang scheduled meetings.

“Imbes na – pa sila sa malayo, mata-traffic, at mahihirapan sa schedule ng mga meeting, dito na lang sila sa palasyo. Nagkataon na may mga napabayaang lumang bahay sa compound ng Malacañang at may nakita kaming isa na puwede pang i-renovate, ‘yun ang aming ginawa,” aniya pa rin.

Ang mga establisimyentong ito ay ang Goldenberg at Laperal mansions.

Winika ng Pangulo na ang proyekto ay naging posible sa pakikipagtulungan sa Office of the President, Social Secretary at Office of the First Lady.

Ang lahat ng ito ayon sa Pangulo ay na nakaka-proud kapag ang foreign leaders ay tinatanong siya kung ano ang dahilan kung bakit “unique” ang Pilipinas at ang mga mamamayan, ang naging sagot ng Pangulo ay dapat na malaman ng mga world leaders na mahalaga ang mga ito sa mga Filipino para bigyang-daan ang malakas at malalim na ugnayan.

“It is important that our guests feel very welcome here. In order to make our collaboration stronger, our agreements, our partnerships in different countries,”aniya pa rin. (Daris Jose)

HINIKAYAT ni Pangulong Ferdinand Marcos Jr. ang 223 bagong uniformed personnel sa ilalim ng Philippine National Police Academy (PNPA) “Layag-Diwa” Class of 2024 na gamitin ang teknolohiya sa paglaban sa krimen at pagsisilbi sa mga mamamayang Filipino.

“Most of you were born when the internet was no longer in its infancy, and you were shaped to be tech savvy, digital natives. I challenge you to leverage that technology that you are familiar with as aids in protecting and serving our people, especially in battling cybercrime. I ask you to embrace smart policing, fire prevention, and penology,” ayon kay Pangulong Marcos sa kanyang naging talumpati sa 45th PNPA Commencement Exercises sa Silang, Cavite.

“There is still no substitute for pounding the streets.  When it comes to assuring the people, analog will always beat digital. But there is now a need to patrol the information highway for robbers lurk there, too. The fight against crime is now a potent mix of gadgets and war rooms, and old-fashioned grunt work, by gritty police officers,” ang pahayag pa rin ng Chief Executive.

Gayundin, hinikayat ni Pangulong Marcos ang PNPA graduates na nakatakdang sumapi sa Bureau of Fire Protection (BFP) at Bureau of Jail Management and Penology (BJMP) na gumamit ng information technology para mapahusay ang pagpapaabot ng serbisyo habang pinaliliit ang gastos.

“We should not be content with current fire response time, but instead strive to make it faster. We should not crow about jail improvements, but we should push the envelope further, lessening congestion. And most of those in uniform have kept the values and principles that define who public servants truly are,” aniya pa rin.

Gayundin, pinaalalahanan ng Pangulo ang mga bagong uniformed personnel na ang kanilang serbisyo ay “not a race to collect insignia nor accumulate prized assignments.”

“Let me remind you that your career should not be measured by the speed you have moved up the ranks alone, but by the quality of the service that you have given to our people… It is to do as much good as often to as many without expecting any reward in return, because service itself is our reward,” ang winika ng Pangulo.

Samantala, kasama ng Pangulo sina Vice President Sara Duterte at Interior and Local Government Secretary Benjamin Abalos Jr. sa 45th PNPA Commencement Exercises. (Daris Jose)

MALINAW na pangungutya sa integridad at propesyonalismo ang naging panawagan ni Davao del Norte Rep. Pantaleon Alvarez sa Armed Forces of the Philippines (AFP) at Philippine National Police (PNP) na bawiin ng mga ito ang kanilang suporta mula kay Pangulong Ferdinand R. Marcos Jr.

“Both institutions are loyal to the Constitution, the rule of law, the chain of command, and the President as Commander-in-Chief of the Armed Forces. Insinuations to the contrary are baseless and unfounded,” ayon kay National Security Adviser (NSA) Eduardo Año.

Para kay Año, maituturing na “illegal at unconstitutional” ang ginawang hakbang ng isang public official, lalo pa’t isang high-ranking military reservist.

“It erodes the very foundation of our democratic institutions and undermines the supremacy of civilian authority over the military. Such utterances and actions can be construed as seditious or rebellious and they have no place in our society,” dagdag na wika nito.

Tinuran pa rin nito na ang armed forces sa isang ‘democratic country’ gaya ng Pilipinas ay “neutral at apolitical” at nakatuon sa pagsisilbi sa interest ng bayan.

“Rep. Alvarez, and others who may be similarly inclined, should not drag such respected institutions to serve their partisan agenda or self-interest, even if such calls are made, as he claimed, in a fit of emotion,” ayon sa NSA.

Sa kabilang dako, nanawagan naman si Año sa Department of Justice (DOJ) na masusing rebisahin ang bagay na ito at ikonsidera ang akmang legal na aksyon laban kay Alvarez at iba sa iba pang kahalintulad na indibiduwal.

“His words and deeds are a disservice to our men and women in uniform who risk their lives daily to safeguard our nation’s security, defend us from all manner of threats, and uphold the Constitution,” diing pahayag ni Alvarez.

Samantala, hiniling na ng Philippine Navy kay Alvarez na ipaliwanag nito ang kanyang naging panawagan. (Daris Jose)

DEDMA lang ang Armed Forces of the Philippines (AFP) sa panawagan na bawiin ang suporta mula kay Pangulong Ferdinand Marcos Jr.

Para kay Defense Secretary Gilberto Teodoro Jr., wala itong saysay at maaari lamang mauwi sa posibleng “criminal investigation.”

“The AFP is standing steadfast in upholding the Constitution under the leadership of the Commander in Chief President Ferdinand R. Marcos Jr. Calls for them to withdraw support will not amount to anything but to a possible criminal investigation,” ayon sa Kalihim sa isang kalatas.

“Any attempt to sway them away from this duty or to patronize them to support a partisan agenda is futile, particularly when this agenda dovetails with a foreign interest contrary to our own national interests,” dagdag na wika nito.

Hindi naman nagbanggit ng pangalan si Teodoro subalit napaulat na nanawagan si Davao del Norte Representative Pantaleon Alvarez sa Armed Forces na mapayapang bawiin ang suporta mula kay Pangulong Marcos.

Si Alvarez, dating House Speaker ay nagpahayag na ang joint patrol policy ng administrasyong Marcos sa kaalyado nito sa West Philippine Sea sa gitna ng patuloy na agresyon ng Tsina ay nagpapa-apoy lamang ng armed conflict, kung hindi man giyera, maglalagay sa buhay ng mga Filipino sa panganib.

Ang panawagan ni Alvarez ay idinaan nito sa rally kasama si dating Pangulong Rodrigo Roa Duterte sa Tagum City, Davao del Norte, araw ng Linggo.

Ipinag-utos naman ni Justice Secretary Jesus Crispin Remulla na imbestigahan ang pahayag ni Alvarez, sabay sabing ang naging komento ni Alvarez ay umabot na sa “the level of sedition or even rebellion.”

Nakasaad kasi sa Revised Penal Code na ang krimen na inciting to sedition ay committed ng “any person who, without taking any direct part in the crime of sedition, incite others to the accomplishment of any of the acts which constitute sedition, by means of speeches, proclamations, writings, emblems, cartoons, banners, or other representations tending to the same end, or upon any person or persons who shall utter seditious words or speeches, write, publish, or circulate scurrilous libels against the government, or any of the duly constituted authorities thereof.”

Ang batas na bumubuo sa sedition ay kinabibilangan din ng “those which tend to disturb or obstruct any lawful officer in executing the functions of his office, or which tend to instigate others to cabal and meet together for unlawful purposes, or which suggest or incite rebellious conspiracies or riots, or which lead or tend to stir up the people against the lawful authorities or to disturb the peace of the community, the safety and order of the Government, or who shall knowingly conceal such evil practices.”

Pinalagan naman ni Alvarez ang sinabi ni Remulla sabay sabing walang krimen sa kanyang naging pahayag.

“Paano naging seditious o disorderly conduct ‘yung sinabi ko eh peaceful nga at orderly. Meron dissatisfaction sa AFP,” ayon kay Alvarez.

Aniya, sa ilalim ng Saligang Batas, ang AFP “is the protector of the people and the State.”

“Kung sasabihin man ‘outside of legal’ yung ‘means,’ bakit bawal ba mag-resign ang mga sundalo bilang withdrawal of support kung hindi na sila naniniwala sa direksyon ng liderato? Karapatan din nila ‘yan, constitutionally protected rights ‘yan,” giit ni Alvarez.

Sa ilalim ng Konstitusyon, layunin ng Armed Forces ay I-secure ang soberanya ng estado at integridad ng national territory. (Daris Jose)