News Archive - People's Balita

Health workers emergency allowance, fully paid sa pagtatapos ng 2025 —DBM

Posted on: May 22nd, 2024 by @peoplesbalita No Comments

TARGET ng Department of Budget and Management (DBM) na plantsahin ang lahat ng hindi pa bayad at kulang para sa Health Emergency Allowance (HEA) sa pagtatapos ng susunod na taon.

Sa isang kalatas, sinabi ng DBM na nangako si Budget Secretary Amenah Pangandaman sa isinagawang public hearing at imbestigasyon ng Senate Committee on Health and Demography, na ang ‘unpaid arrears’ sa HEA ay maisasakatuparang bayaran sa pagtatapos ng 2025.

“The health workers are our priority. The HEA is in the SONA (State of the Nation Address) of our President. Whenever we see each other, he reminds us about it. My promise is, by 2025, it will be fully paid,”ayon sa Kalihim.

Sa ngayon, winika ng DBM na nakapagpalabas na ito ng P91.283 billion para sa Department of Health (DOH) para sa Public Health Emergency Benefits and Allowances (PHEBA) sakop ang lahat ng healthcare workers’ benefits mula 2021 hanggang 2023.

Saklaw ng PHEBA ang Special Risk Allowance (SRA), bayad at maging bilang karagdagang benepisyo gaya ng ‘meal, accommodation, at transportation allowances’ para sa mga healthcare workers.

Sa nasabing halaga, P73.261 billion ang inilaan para sa HEA.

Sa nasabing pagdinig sa Senado, isiniwalat ng Kalihim ang estratehiya ng DBM para bayaran ang natitirang P27.7 billion na atraso para sa HEA.

“The first step involves utilizing a P2.3-billion unprogrammed appropriations (UA) fund contingent upon the collection of excess revenue,” ayon kay Pangandaman sabay sabing We are just awaiting certification from the Bureau of Treasury on excess revenue.”

Noong nakaraang taon, sinabi ng departamento na ang karagdagang P7 billion, kinuha mula sa UA, ay ipinalabas para sa HEA.

Titingnan din ng DBM ang internal budget ng DOH at tukuyin ang posibleng realignment para sa programa.

Idagdag pa, nangako si Pangandaman na ang kinakailangang resources para tugunan ang kakapusan sa HEA ay prayoridad sa pagda-draft ng 2025 National Budget.

Pinasalamatan naman ni Health Secretary Teodoro Herbosa ang Senate Committee on Health at DBM para sa resolusyon sa lahat ng HEA concerns.

“We’ve been able to receive the budget from the DBM from the 2022 and 2023 GAA (General Appropriations Act), and we’ve been able to disburse almost 99%,” ayon kay Herbosa.

Para sa fiscal year 2024, nagpalabas ang DBM ng kabuuang P19.996 billion sa DOH.

Gayunman sinabi ni Herbosa, na mayroong mga hamon sa paggasta sa pondo.

“As for the budget this year, our disbursement rate is only about 48% but the fund is already with us,” aniya pa rin.

Samantala, hinikayat naman ni Pangandaman ang mga healthcare worker representatives na makipagtulungan sa DOH para tiyakin ang maayos na implementasyon at napapanahong pagbabayad sa HEA. (Daris Jose)

PMA’S CLASS “BAGONG SINAG” nakuha ang papuri, pagkilala ni PBBM

Posted on: May 21st, 2024 by @peoplesbalita No Comments

TINATAYANG pitong babaeng kadete ng male-dominated Philippine Military Academy (PMA) ang ‘nag-stand out’ sa commencement exercises ngayong taon.

Dahil dito, nag-iwan ito ng pambihirang impresyon sa kanilang Commander-In-Chief na si Pangulong Ferdinand R. Marcos Jr.

Ang pitong babaeng kadete ay nakapasok at nakasama sa Top 10 ng PMA “Bagong Sinag” Class of 2024 ngayong taon sa pangunguna ng kanilang batch Class Valedictorian Cadet na si 1st Class Jeneth Elumba na may pinakamataas na Latin honor, magna Cum laude at nakatanggap ng iba’t ibang mga parangal.

“I am pleased that this batch has produced female cadets who have shown outstanding performance, many of whom proudly swarmed the elusive list of top ten performers and special awardees,” ayon kay Pangulong Ferdinand R. Marcos Jr.

Tubong -Surigao City, nakatanggap si Elumba ng Presidential Saber kasama ang iba’t ibang parangal gaya ng Philippine Army Saber; Joint United States Military Assistance Group (JUSMAG) Saber; at Australian Defense Best Overall Performance Award.

Nakatakda naman itong sumama sa Philippine Army (PA).

Sa kabilang dako, ang iba pang female achievers ay sina Cadets 1st Class Cyril Joy Masculino, Magna Cum Laude (4th); Rosemell Dogello, Cum Laude (5th); Alexa Mye Valen (6th); Giselle Tong, Mathematics Plaque (8th); Danica Mary Viray, Cum Laude (9th); at Neriva Binag (10th).

“I share with your parents the immense pride and joy that I know they are feeling right now. Tomorrow, it will be the people’s turn to welcome you on your first tour as commissioned officers,” ani Pangulong Marcos.

“Sa pagbaba ninyo sa kanila, alam kong dala-dala ninyo ang tanglaw ng bagong sinag na akma ninyong ipinangalan sa inyong hanay,” aniya pa rin sabay sabing “The rays that will not only blaze the path of your careers, but will illuminate the good, defeat the darkness, and be a source of enlightenment.”

Ipinaalala naman ng Pangulo sa “Bagong Sinag” na “to put people first.”

Tinuran pa ng Pangulo na hindi lamang sila sinanay ng PMA na maging maalam sa pakikidigma kundi maging kampeon sa kapakanan ng mga mamamayang filipino.

“Because soldiering now is no longer limited to defending territories, but to improve the [lives] of the people who live there,” the chief executive, who was the guest of honor and keynote speaker of the commencement exercises, told the 238-strong graduates,” aniya pa rin.

Sa 238 graduating cadets, 224 ay mga lalaki habang 54 naman ang babae. Pitong kadete ang nagtapos mula sa Foreign Service Academies.

Samantala, kinilala rin ni Pangulong Marcos ang mga PMA instructors para sa kanilang hard work o pagsusumikap na makapagbigay ng “responsive military education” at tiyakin na ang mga kadete ay may kakayahan na maging karapat-dapat na ‘torchbearers’ ng kalayaan.

Ang PMA ay itinatag noong October 25, 1898 sa bisa ng isang decree na ipinalabas ni dating Pangulong Emilio Aguinaldo at pormal na nilikha noong Disyembre 21, 1935. (Daris Jose)

PBBM, tiniyak sa AFP ang ‘commitment’ ng administrasyon na mapabuti ang kapakanan, morale ng militar

Posted on: May 21st, 2024 by @peoplesbalita No Comments

MULING inulit ni Pangulong Ferdinand R. Marcos Jr. ang ‘commitment’ ng administrasyon na mapabuti ang kapakanan at morale ng mga tauhan ng Armed Forces of the Philippines (AFP) at kanilang pamilya.

“And to all the members of the AFP, be assured this government has a continued assurance in improving the welfare and morale of our uniformed officials and personnel, and of course including your respective families,” ayon kay Pangulong Marcos sa commencement exercises ng 278-strong graduating cadets ng Philippine Military Academy (PMA) Bagong Sinag Class of 2024 sa PMA Borromeo Field, Fort Gregorio del Pilar, Loakan sa Baguio City.

Ang “Bagong Sinag” ay kumakatawan sa “Bagong Henerasyong Gagampanan ang Tama: Serbisyo, Integridad, at Nasyonalismo ang Aming Gabay” na mayroong 278 mula sa 350 orihinal na kadete na nagtapos ng kurso at ipinagkalooban ng “degree” sa Bachelor of Science in National Security Management (BSNSM).

Sa nasabing bilang, 224 ay mga lalaki habang 54 naman ang mga babae. Pitong kadete ang nagtapos mula sa Foreign Service Academies.

Kinilala naman ni Pangulong Marcos ang mga PMA instructors para sa kanilang hard work o pagsusumikap na makapagbigay ng “responsive military education” at tiyakin na ang mga kadete ay may kakayahan na maging karapat-dapat na ‘torchbearers’ ng kalayaan.

Tiniyak naman ni Pangulong Marcos sa AFP na ang kanyang liderato kasama ang Bagong Sinag, ay hawak-kamay tungo sa pinapangarap na “Bagong Pilipinas” na mapayapa at progresibo.

Ang PMA ay itinatag noong October 25, 1898 sa bisa ng isang decree na ipinalabas ni dating Pangulong Emilio Aguinaldo at pormal na nilikha noong Disyembre 21, 1935. (Daris Jose)

Valenzuela LGU, magbibigay ng educational sa incentives graduating students

Posted on: May 21st, 2024 by @peoplesbalita No Comments

NAMAHAGI ang Pamahalaang Lungsod ng Valenzuela ng educational incentives sa mga graduating students sa pampublikong elementarya at senior high school para matulungan at kilalanin ang kanilang pagsisikap na maging mahusay sa kanilang pag-aaral.

Aabot 16,252 graduating students ang makakatanggap ng educational incentives na nagkakahalaga ng Php1,500 sa ilalim ng Ordinance No. 551, Series of 2019, at Ordinance No. 1110, Series of 2023 na pinamagatang “An Ordinance Granting Financial Assistance to every graduating elementary and senior high school students and additional financial grant to the top five (5) honor students in all public schools in Valenzuela City.”

Gaya ng nakasaad sa ordinansa, ang karagdagang financial grant ay ibinibigay sa top 5 honor students bukod pa ang naunang Php1,500 educational incentive para kilalanin ang kanilang academic achievements tagumpay sa buong school year.

Mula Mayo 15 hanggang Mayo 18, si Mayor WES Gatchalian at iba pang opisyal ng pamahalaang lungsod ay mamimigay ng educational incentives sa mga magtatapos sa grade six students sa lahat ng pampublikong paaralang elementarya sa lungsod kung saan nasa 2,098 benepisyaryo ang nakatanggap na.

Binati ni Mayor WES ang mga mag-aaral na nagtapos at nagpahayag ng pasasalamat sa lahat ng mga kawani na matagumpay na natapos ang school year.

“Hindi naman po ganoong kalakihan ang ibibigay po ng lokal na pamahalaan, ngunit kahit papaano po sana makatulong ito sa inyong mga gastusin at higit sa lahat, sana ito po’y maging motibasyon natin na lalo pa nating pagbutihin ang ating pag-aaral sa susunod na school year.” pahayag ni Gatchalian.

Samantala, ang pamamahagi ng tulong pinansyal sa mga pampublikong senior high school ay magsisimula sa Mayo 20 hanggang 21, 2024. (Richard Mesa)

P2.8B, ipinalabas ng DBM para sa pagkuha ng firetrucks, emergency vehicle ng BFP

Posted on: May 21st, 2024 by @peoplesbalita No Comments

IPINALABAS ng Department of Budget and Management (DBM) ang kabuuang P2.880 billion para sa Bureau of Fire Protection (BFP) para pambili ng 300 firetrucks at emergency vehicles na naaayon sa nagpapatuloy sa ‘modernization efforts’ nito.

Inaprubahan ni Budget Secretary Amenah Pangandaman ang pagpapalabas sa Special Allotment Release Order (SARO) para sa pagpopondo noong Mayo 10, 2024.

Ang alokasyon ay gagamitin para sa pagkuha ng 154 firetrucks, tatlong collapsed structure at rescue truck, at 132 ambulance.

“We understand how crucial BFP’s responsibilities are during emergency response and fire incidents. We owe it to them to support their ongoing capability enhancement efforts so they can effectively perform their mandate,” ayon sa Kalihim.

“The release of the funding is in line with the directive of President Ferdinand R. Marcos Jr. to continuously capacitate the fire bureau,” aniya pa rin.

Ang nasabing halaga ay huhugutin mula sa balance na 80% share ng BFP mula sa Fire Code revenues, alinsunod sa Republic Act No. 9514. (Daris Jose)

4K NAVOTEÑOS NAKATANGGAP NG TULONG PINANSYAL

Posted on: May 21st, 2024 by @peoplesbalita No Comments

NAKATANGGAP ng tulong pinansyal mula sa Pamahalaang Lungsod ng Navotas sa ilalim ng iba’t ibang programa ang nasa 4,000 Navoteños.

May kabuuang 3,832 rehistradong mangingisda at mga driver ng tricycle de padyak at de motor ang nakakuha ng P3,000 cash subsidy mula sa Assistance to Individuals in Crisis Situations (AICS) program ng Department of Social Welfare and Development.

“Our fisherfolk and tricycle drivers are vital to our economy and daily life. We recognize the hardships they endure to provide for their families and we want to help lessen their financial burden,” ani Mayor John Rey Tiangco.

Pinaalalahanan ni Tiangco ang mga benepisyaryo na unahin ang pangangailangan ng kanilang mga pamilya at mag-ipon para sa kinabukasan. Hinikayat din niya ang mga ito na gamitin ang serbisyo ng pamahalaang lungsod.

“We have several initiatives aimed at providing sustainable livelihood such as the NavoBangkabuhayan program for our registered fisherfolk. We also have Tulong Negosyo carts and Tulong Puhunan for those who wish to start their own business,” dagdag niya.

Samantala, namahagi ang Navotas noong nakaraang linggo ng educational assistance sa 355 public special education students o mga estudyanteng may kapansanan. Nakatanggap ang mga benepisyaryo ng P1,000 para sa buwan ng Marso at Abril.

Ipinasa ng pamahalaang lungsod ang City Ordinance 2019-04 para mabigyan ang mga PWD students ng P500 monthly educational assistance o P5,000 kada academic year.

Nakatakda ring magbigay ng P2,000 ang lungsod sa 102 benepisyaryo ng Saya ALL, Angat ALL Tulong para sa mga rehistradong Navoteño solo parents.

Kabilang dito ang mga Navoteno na nakakuha ng kanilang Solo Parent ID sa loob ng Enero-Abril 2024 at hindi naging kwalipikado para sa buwanang tulong na pera ng lungsod na ipinamahagi noong Abril. (Richard Mesa)

Deployment ng China Coast Guard sa WPS, overkill

Posted on: May 20th, 2024 by @peoplesbalita No Comments

INILARAWAN ng Philippine Coast Guard (PCG) na “overkill” ang deployment ng China ng ilang China Coast Guard (CCG) at Chinese maritime militia vessels sa Scarborough Shoal (panatag Shoal) sa panahon ng civilian mission na “Atin Ito”.

Nasa 10 CCG vessels, 10 Chinese maritime militia ships at isang people’s Liberation Army (PLA) vessel ang namataan sa bisinidad ng Panatag Shoal ng mga awtoridad ng Pilipinas sa kanilang maritime domain awareness flight, sinabi ni Commodore Jay tarriela PCG spokesperson for the West Philippine Sea.

Ayon kay Tarriela, ito an ang pinakamalaking bilang na naobserbahan ng PCG simula ng kanilang pagbabantay sa Panatag Shoal na binanggit na ito ay isang civilian mission lamang na ikinababahala ng China.

“Most likely it was an overkill on the part of the Chinese Coast guard to deploy uch large number of China Coast Guard because they themselves believe in their own lies…this is the highest so far in Bajo de Masinloc – 10 China Coast Guard vessels”.

Sinabi rin ni tarriela na maging ang deployment ng Chinese ships na lumapas sa 50 nautical miles mula sa Scarborough Shoal ay “hindi normal”.

Sa pagitan ng Miyerkules ng gabi at Huwebes, hindi bababa a 2 barko ng Chinese Coast guard na may bow number na 4108 at 4203 ang sumusunod sa BRP Bagacay, na nagbunsod ng mga radio challenges. Ang barko ng PCG ay nag-escort sa “ Atin ‘to!” mission. (Daris Jose)

Pilipinas at Japan, pumirma ng kasunduan para sa 97-meter patrol vessels

Posted on: May 20th, 2024 by @peoplesbalita No Comments

PUMIRMA ng kasunduan ang Pilipinas at Japan ngayong araw para sa limang 97-meter Multi-Role Response Vessels ng Philippine Coast Guard.

Ayon sa Department of Foreign Affairs, nagkakahalaga ng 64.38 billion yen o halos 24 million pesos ang limang vessels gayundin ang pag-develop ng support facilities.

Ito ay popondohan ng Japanese official development assistance loan sa ilalim ng third phase ng Maritime Safety Capability Improvement Project.

Pinangunahan nina Department of Foreign Affairs Secretary Enrique Manalo at Japanese Ambassador Endo Kazuya ang pirmahan ng exchange of diplomatic notes para sa naturang proyekto.

Kabilang din daw sa naturang kasunduan ang pag-develop ng required support facilities para sa PCG na magpapaunlad umano sa kakayahan ng PCG na tumugon sa mga transnational crime.

Ayon kay Manalo, ang kasunduan ay hindi lamang para palakasin ang bilateral relations ng dalawang bansa bagkus ay isang patunay ng unwavering commitment para patatagin ang maritime safety capabilities.

Nauna ng bumili ang PCG ng sampung 44-meter at dalawang 97-meter multi-role response vessels sa Japan.

Kung matatandaan, ang dalawang 97-meter patrol ships na BRP Melchora Aquino at BRP Teresa Magbanua ay ginamit na para mag-patrol sa West Philippine Sea. (Daris Jose)

Gobyerno tutulong hanggang may nagugutom na Pinoy – Romualdez

Posted on: May 15th, 2024 by @peoplesbalita No Comments

“HINDI titigil ang gobyerno na tumulong hanggang may Pilipinong nagugutom,” paniniguro ni House Speaker Martin Romualdez sa isang panayam sa Zamboanga City noong Biyernes.

Kasama ang higit 90 mga kongresista, namahagi si Romualdez ng milyun-milyong pisong cash assistance at tone-toneladang bigas sa mga taga-Zamboanga City sa ilalim ng Serbisyo Fair Program ni Pang. Marcos.

Ayon kay Romualdez,” di ba ito ang pangako ng administrasyong Marcos na walang maiiwan dahil sabay-sabay babangon? kaya this is it.”

Bukod sa pamamahagi ng 25 kilo na bigas sa libu-libong dumalo sa Bagong Pilipinas Fair ng pamahalaan, may tig-P3,000 cash pa ang bawat pamilya na naroon.

“Pansamantala lang naman itong pamimigay natin ng cash at bigas sa bawat pamilya habang naghahanap ang gobyerno ng permanenteng solusyon para maibsan ang kagutuman ng mga mahihirap na mga kababayan natin,” ani Romualdez.

Pati ang ilang daang estudyante ay nabigyan ng P15,000 cash para sa kanilang mga pangangailangan sa paaralan.

“Ang Kongreso po ay laging maglalaan ng pera para sa mga kababayan natin na hindi lang mga mahihirap, pati mga estudyante,” dagdag pa ng House Leader.

Namahagi rin ng puhunan para sa small businesses si Romualdez na bahagi pa rin ng Serbisyo Fair ng pamahalaan. (Daris Jose)

Jinggoy, ex-PDEA agent, nagkasagutan sa Senado

Posted on: May 15th, 2024 by @peoplesbalita No Comments

NAGKAKASAGUTAN sina Sen. Jinggoy Estrada at dating Philippine Drug Enforcement Agency (PDEA) agent Jonathan Morales sa pagdinig ng Senate Committee on Public Order and Dangerous Drugs kaugnay sa sinasabing nag-leaked na dokumento na nagsasangkot sa ilang personalidad sa ilegal na droga.

Ipinanood sa pagdinig ang isang CCTV footage na isinumite ni Morales kung saan makikita ang pag-uusap nila ni Department of Justice investigation agent Romeo Enriquez.

Sa pag-uusap na iyon naka-speaker phone si Enriquez kung saan kausap ang isang “Eric Santiago” at sinusubukang pigilan si Morales na tumestigo sa Senado.

Kinuwestiyon ni Estrada ang mga kaso ni Morales at tinanong kung papaano makakasigurado na hindi edited ang video gayong kilala si Morales na may mga criminal records.

Halatang nainsulto si Morales sa sinabi ni Estrada sabay paalala na na-convict na ang senador.

“Parang ‘di naman po maganda ‘yung sinasabi ni Sen. Jinggoy Estrada, parang ako naman talaga hinuhusgahan. Eh ako, may kaso pa lang at ‘di pa napapatunayan sa hukuman, ‘di kagaya ng ating butihing senador ay na-convict na po. ‘Wag naman. po ganun,” ani Morales.

Matatandaan na pinawalang-sala ng Sandiganbayan si Estrada sa kasong plunder, ngunit napatunayang guilty siya sa isang count ng direct bribery at 2 counts ng indirect bribery dahil sa pagkakasangkot niya sa Priority Development Assistance Fund (PDAF) scam.

Sinabi ni Estrada noong panahong iyon na naguguluhan siya sa hatol na guilty at base information sheet, walang kasong bribery o indirect bribery na isinampa laban sa kanya.

“Alam mo, Mr. Morales, wag mo pakikialaman ‘yung kaso ko, problema ko ‘yun. ‘Yung kaso mo ang ayusin mo,” ani Estrada.

Namagitan naman si Sen. Ronald “Bato” Dela Rosa at sinabihan si Morales na huwag kuwestyunin ang trabaho ni Estrada bilang senador at vice chairman ng komite. (Daris Jose).

Archive for the ‘News’ Category