News Archive - People's Balita

September 1, 2024
Search in People's Balita
Ang Diyaryong Pinagkakatiwalaan

Archive for the ‘News’ Category

2 pulis-Maynila sinampahan ng kaso sa pananakit, pananakot at panunutok ng baril sa traffic enforcer ng Valenzuela

Posted on: July 19th, 2024 by @peoplesbalita No Comments

SINAMPAHAN ng kaso ng Valenzuela City Police ang dalawang tauhan ng Delpan Police Station 12 ng Manila Police District (MPD) dahil sa ginawa umanong pananakit, pananakot at panunutok ng baril sa isang traffic enforcer ng lungsod.

Sa ulat ni Valenzuela police chief P/Col. Nixon Cayaban kay Mayor WES Gatchalian, kasong physical injury at grave threat ang isinampa nila nitong Martes sa Valenzuela City Prosecutor’s Office laban sa dalawang pulis na sina alyas “Camacho” at “Cabudoy” na kapuwa may ranggong Staff Sergeant.

Ayon kay Col. Cayaban, ang ikatlong pulis na nakilalang si alyas “James” at may ranggong Corporal ay nagsilbi aniyang testigo laban sa dalawa niyang kabaro.

Lumabas sa pagsisiyasat ni P/Capt. Robin Santos, hepe ng Polo Sub-Station 5, tinatahak ni Ronaldo David ng Valenzuela Traffic Management Office (TMO) ang kahabaan ng M.H. Del Pilar St. Brgy. Mabolo dakong alas-4:30 ng madaling araw noong Linggo, Hulyo 14, sakay ng kanyang motorsiklo nang makasabayan niya ang dalawang suspek na pulis na magka-angkas sa motorsiklo, kasunod ang kanilang kasama.

Napansin ng biktima na kapuwa walang suot na helmet at naka-tsinelas ang dalawa na paglabag sa ordinansa subalit bago pa niya masita ang mga ito, bumaba ang dalawang pulis pagdating sa Hernandez St. Brgy. Mabolo at kinompronta ang biktima.

Bumunot umano ng baril si alyas Camacho at hinataw sa sikmura ng biktima na kanyang ikinabagsak habang bumunot din ng baril si alyas Cabudoy sabay sabing “Gusto mo patayin na kita dito, eh,” bago sabay nang umalis ang mga ito.

Tinulungan naman ni alyas Cpl. James ang biktima na makatayo bago siya pinaalis saka humingi siya ng tulong kay Barangay Chairman Dhang Lee ng Brgy. Mabolo na siya namang nakipag-ugnayan kay P/Capt. Santos.

Sa ginawang follow-up operation ng Detective Management Unit (DMU) ng Valenzuela police sa pangunguna ni P/Capt. Michael Oxina, natunton sa pamamagitan ng pagsusuri sa kuha ng mga CCTV ang pinagparadahan ng motorsiklo ni Cpl. James sa Brgy. Lingunan na siyang kumilala sa dalawa niyang kabaro.

Paalala naman ni Mayor WES sa mga motorista at residente ng iba pang karatig-lungsod na sumunod at irespeto ang mga ordinansang ipinapatupad sa loob ng lungsod.

Aniya, walang kakatigan ang umiiral na batas sa lungsod at hindi palalampasin ang mga ganitong uri ng paglabag, lalo na’t kung sangkot ang kanyang mga mamamayang nasasakupan. (Richard Mesa)

VP Sara, pinangunahan ang kick-off event ng ‘Brigada Eskwela 2024’

Posted on: July 19th, 2024 by @peoplesbalita No Comments

PINANGUNAHAN ni Vice President at outgoing Education Secretary Sara Duterte ang ceremonial kick-off ng “Brigada Eskwela 2024” sa Cebu City, araw ng Miyerkules, Hulyo 17.

Sa kanyang naging talumpati, pinalawig ni Duterte ang kahalagahan ng Brigada Eskwela.

“Some of us might think of cleaning doors and repainting walls or giving out donations, such as books and school supplies. But I assure you, it is much more than that,” ayon kay Duterte.

“‘Brigada’ comes from the military term brigade, which means a group of people organized for a special mission. Today, our special activity goes beyond just organizing an event. It is about bringing the MATATAG Agenda to life outside the confines of our classrooms by putting the ‘eskwela’ in ‘brigada’,” aniya pa rin.

Sa ilalim ng temang, “Bayanihan Para sa MATATAG na Paaralan,” binigyang diin ni Duterte ang kapangyarihan ng ‘partnership’ para pangalagaan ang matibay at malakas na ‘educational environments.’

“We are all here to prove that with the power of partnership, it builds walls to strengthen, not to divide. Today, we have a total of 72 partners standing strong with us in ‘bayanihan’ para sa MATATAG na Paaralan,” lahad nito.

Muling isinatinig ng Department of Education (DepEd) ang commitments nito sa ilalim ng “MATATAG Agenda: Bansang Makabata, Batang Makabansa,”binalangkas ni Duterte ang mga pangunahing prayoridad para sa paparating na school year.

“We have made many strides to resolve basic education challenges,” ayon kay Duterte.

Winika pa ni Duterte na para sa School Year 2023-2024, binibigyang-diin ng Basic Education Report na gawing ligtas ang mga eskuwelahan para sa mga bata, palakasin ang mekanismo sa pagbabantay sa mga mag-aaral laban sa lahat ng uri ng karahasan, diskriminasyon at panganib, at bigyang-diin ang kapakanan ng mga mag-aaral, mangyayari kung kapit-kamay sa promosyon ng ‘inclusivity’ sa eskuwelahan.

“Building on what we have accomplished in the past, DepEd renews its commitments for School Year 2024-2025, and we understand that we cannot do this alone, that to achieve we must muster the support of many, of like-minded people, and dedicated people,” aniya pa rin.

Pinuri naman ni Duterte ang pagsisikap ng DepEd sa paghahanda sa bawat school year, partikular na sa pamamagitan ng Brigada Eskwela.

“In the 2023 edition, we amassed a total of P5.56 billion in resources, including volunteer man-hours and materials. This demonstrates that there is strength in numbers, and even greater strength when we come up and show up together,” ang tinuran ni Duterte.

Aniya pa, ang Brigada Eskwela ay hindi lamang para tugunan ng kaukulangan ng eskuwelahan kundi para ipakita ang ‘social and cultural importance’ ng pagsasama-sama.

“And this bayanihan will be put to waste if we do not continue to show what MATATAG means in our own little way,” aniya pa rin.

“Let us hope that our learners will be ready for the opening of classes and for the challenges that they will be facing. As they look at the four walls around them, may they be reminded not just of the resources that are provided but of the bayanihan experience that we shared,”dagdag na wika ni Duterte. (Daris Jose)

VP Sara Duterte, nilinaw na hindi biro ang pahayag niya na ‘designated survivor’ at hindi pagdalo sa SONA

Posted on: July 18th, 2024 by @peoplesbalita No Comments

NILINAW ni Vice President at dating Education Secretary Sara Duterte na hindi siya nagbibiro at hindi bomb threat ang sinabi niya na itatalaga niya ang kaniyang sarili bilang designated survivor.

Inihayag ito ng bise presidente kasabay ng ginanap na Brigada Eskwela National Kickoff sa pangunguna ng SDO Cebu Province ng Region VII kanina.

Ayon sa kay Duterte, marami ang nakaligtaan kung ano ang pinupunto niya. Kaya para sa kaniya, kung hindi umano naintindihan ang pahayag niya sa unang pagkakataon, hindi na karapat-dapat na ipaliwanag pa.

”Karon rako nakakita nga kanang Vice President nga ginapangita ang ilang attendance sa tanan nga mga butang. Dili to siya joke. Dili pod to siya bomb threat.”

Una nang iniulat na sinabi rin ng pangalawang pangulo na hindi siya dadalo sa July 22 SONA ni Pangulong Ferdinand Marcos Jr., dahil itinatalaga niya ang kaniyang sarili bilang designated survivor.

Sa U.S., ang designated survivor ay itinatalaga kung ang Presidente ay makikipagpulong sa lahat ng opisyal, kasama ang mga constitutionally designated successors gaya ng Vice President, Senate President, House Speaker at Supreme Court Chief Justice.

Sakaling may maganap na malagim na insidente na maaaring ikamatay ng Presidente at lahat ng successors, awtomatikong manunumpa ang sinumang Cabinet member na designated survivor bilang Presidente. (Daris Jose)

Senator Gatchalian may death threat

Posted on: July 18th, 2024 by @peoplesbalita No Comments

NAKATANGGAP umano ng banta sa kanyang buhay si Sen. Sherwin Gatchalian na may kinalaman sa aktibo niyang partisipasyon sa pagdinig ng Senado sa Philippine Offshore Gaming Operators (POGO) na konektado kay Bamban City Mayor Alice Guo at pamilya nito.

Pormal na sumulat si Gatchalian kay Major Paul Benjamin Mandane, Sub-Station Commander ng Pasay City Police Station upang i-report ang banta sa kanyang buhay at upang hilingin na imbestigahan ang nasabing death threat.

“I was informed by my staff of a video circulating online containing explicit threats directed at my personal safety and well-being,” sabi ni Gatchalian sa kanyang liham.

Inilakip ni Gatchalian sa sulat ang transcript ng nasabing video na inupload sa You Tube channel ng Pinas Insider na may pamagat na “Hala! Alice Guo nagbayad ng 10 million para iligpit si Sen. Risa at Win Gatchalian?”.

“I have attached a transcript of the aforementioned video for your reference. The creation and online dissemination of this video has caused me substantial concern for my security, as well as the safety of those around me, particularly my family and staff,” ani Gatchalian sa kanyang sulat.

Sa transcript ng video, sinasabing nagbayad umano si Guo ng tig-P5 milyon para sa “ulo” nina Gatchalian at Sen. Risa Hontiveros.

Hindi pa kinukumpirma ng tanggapan ni Hontiveros kung may death threat na natatanggap ang senadora. (Daris Jose)

Di umano’y Pharmally-POGO na nag-uugnay kay DU30, para sa ‘media mileage’ lang-Panelo

Posted on: July 18th, 2024 by @peoplesbalita No Comments

PARA kay dating presidential spokesman Salvador Panelo, isang malinaw na ‘media mileage’ lang ang intensyon ng naging pahayag ni Senator Risa Hontiveros kung saan pilit na iniuugnay nito si dating Pangulong Rodrigo Duterte sa kontrobersiyal na pharmacy anomaly at illegal Philippine offshore gaming operations (POGOs).

Malinaw na nais ni Hontiveros na mapakinabangan ang nasabing usapin para sa kanyang ‘political plans’ sa hinaharap.

“Her apparent intention is to malign the character of PRRD and at the same time she wants to be politically relevant and preparing to run for a higher office. She always want to be in the public eye for the name recall and media mileage,” ang naging pahayag ni Panelo sa isang kalatas.

Sinabi pa ni Panelo na si Hontiveros ay “desperately bent on connecting” ang dating Pangulo sa kontrobersiyal sa Pharmally at POGO, binigyang-diin na ito’y “no factual and legal bases to link FPRRD in any corrupt practice.”

Ipinagtanggol din ni Panelo si Duterte sa pagsasabing, hindi kailanman nasangkot ang dating Pangulo sa korapsyon.

Kapansin-pansing aniya na tila ginagamit na lamang ni Hontiveros ang kanyang komite para paratangan ang isang tao para sa publisidad.

“She keeps using her committee to try persons by publicity— denying them of the due process clause of the Constitution under the guise of legislative inquiry in aid of legislation — as exemplified by what she did to Pastor Apollo Quiboloy and Bamban, Tarlac Mayor Alice Guo, who have become victims of her injustice,” ayon kay Panelo.

Kaya nga, sinabihan ni Panelo si Hontiveros na sa halip na “nauseous grandstanding,” dapat na pagtuunan nito ng pansin at umpisahan ang mga legislative bills na makatutulong sa kahirapan, kasalatans a edukasyon at usapin sa kalusugan, public works, agrikultura, kalakalan at iba pa.

“She is wasting taxpayers money. This must stop. She must be fealty to her oath of office,” diing pahayag ni Panelo.

(Daris Jose)

DBM, tiniyak sa mga guro ang pagpapalabas sa 2022, 2023 productivity bonus

Posted on: July 18th, 2024 by @peoplesbalita No Comments

TINIYAK ng Department of Budget and Management (DBM) na ipalalabas nito ang Performance-Based Bonus (PBB) ng public school teachers para sa Fiscal Years 2022 and 2023 sa kabila ng ipinalabas na Executive Order (EO) No. 61, may mandato na rebisahing mabuti ang Result-Based Performance Management System (RBPMS) at ang Performance-Based Incentive System (PBIS).

Inihayag ito ni DBM Secretary Amenah Pangandaman sa isinagawang forum kasama ang mga Teachers’ Dignity Coalition (TDC), sa pangunguna ng chairperson nito na si Benjo Basas.

Ang makasaysayang unang pagpupulong sa pagitan ng DBM at TDC ay humimay sa kalagayan ng PBB para sa FY 2022, epekto ng EO 61 sa PBB at Productivity Enhancement Incentive (PEI), resulta ng pag-aaral ng DBM-GCG (Governance Commission for Government-Owned or Controlled Corporations) at developments sa panukalang salary increase para sa FY 2024.

Ang pagpupulong ay mahalagang hakbang para tugunan ang mga concerns sa umento sa sahod ng mga guro at insentibo para sa mga ito matapos na kagyat na humingi ng paglilinaw ang TDC ukol sa mga nasabing usapin sa isang liham na ipinadala kay Pangandaman noong nakaraang Hulyo 4.

Sa naturang pagpupulong, siniguro ni Pangandaman na mahigpit na nakikipag-ugnayan ang DBM sa Department of Education (DepEd) para resolbahin ang isyu sa implementasyon na may kinalaman sa PBB, at siguraduhin na ang lahat ng mga kinakailangang requirements ay maibibigay para sa bonus distribution.

Kabilang na rito ang pagpapatunay ng isinumiteng Form 1.0 para sa ‘inclusion of personnel not reflected in the Department’s Personnel Services Itemization and Plantilla of Personnel (PSIPOP), incorrect information, at duplicate records, among others.’

Sa kasalukuyan, ang Form 1.0 submissions mula sa walong DepEd Regional Offices – National Capital Region, Ilocos, Cagayan, Central Luzon, Calabarzon, Mimaropa, Bicol, at Western Visayas — ay ibinalik para sa ‘revision at validation’ ng DepEd.

“We must understand that the sheer size and complex structure of DepEd inherently complicates the process,” ayon sa Kalihim.

“Napaka-tedious ng requirements ngayon, napakadaming dokumento. Timely po na ma-review natin ang components and submissions natin sa PBB. We will endeavor to streamline this process,” aniya pa rin.

Sa ilalim ng Executive Order No. 61, susuriin ng DBM ang RBPMS at PBIS upang hindi gaanong pabigat at mas epektibo ang proseso.

Tinuran ni Pangandaman na ang pagbabago ay dapat na naka-align sa Socioeconomic Agenda ni Pangulong Ferdinand Marcos Jr., ang Inisyatiba ng pamahalaan para sa madaling pagnenegosyo, Philippine Development Plan 2023-2028, at international standards.

Samantala, sinabi ng DBM na ang budget allocation para sa FY 2024 PEI ay ganap nang ipalabas para sa DepEd simula pa noong Enero ngayong taon.

Sa inaasahang salary increase para sa civilian government employees, kabilang na ang public school teachers, sinabi ng DBM na nakapaglaan na ng pondo para sa FY 2024 General Appropriations Act.

Sinabi ng DBM na ang bagong pag-aaral ukol sa sahod at benepisyo ay isinasagawa para gabayan ang ‘salary tunings’ sa hinaharap.

Layon ng pag-aaral na lumikha ng ‘competitive, sustainable, fair pay structure’ para sa mga government employees.

Sinasabi na may ilang opsyon na ipi-presenta kay Pangulong Marcos para sa nilalayon habang ‘specific details’ naman kaugnay ng implementation dates at panukalang rates ang isinasapinal pa.

Tiniyak naman ni Pangandaman sa TDC ang kahandaan ng DBM para tugunan ng kanilang mga pangangailangan.

“I hope we can do this [meeting] regularly para magkaron po tayo ng updates at solusyon sa mga issues. The DBM is open [to discussing] lahat po ng inyong pangangailangan. We will endeavor to solve whatever problem to the best of our abilities.” aniya pa rin.

Pinuri naman ng TDC at pinasalamatan si Pangandaman para sa agaran nitong pagtugon sa kanilang request para sa isang pulong.

“Thank you po dahil (because) it’s the first time we had a dialogue with the DBM Secretary. Una po kasi, Usec and Asecs po ang humaharap sa ‘min. We appreciate the gesture,” ayon kay Basas.

“Nakapagsalita ‘yung mga tao. [The meeting was] democratic, and nabigyan po talaga kami ng space ni Secretary mismo na, makapagsalita at makapagpahayag ng aming hinaing. With the aid of the Usecs and Asecs, right away meron mga sagot sa aming queries,” ayon pa rin kay Basas. (Daris Jose)

GSIS, ikinasa na ang no-down-payment housing program

Posted on: July 18th, 2024 by @peoplesbalita No Comments

INILUNSAD na ng state-owned Government Service Insurance System (GSIS) ang bagong housing program na pinasadya para sa mga empleyado ng gobyerno na nagtatampok sa ‘zero down payment.’

Sa katunayan, inanunsyo ni Wick Veloso, GSIS president at general manager, araw ng Lunes, Hulyo 15, ang paglulunsad ng bagong programa, nagbibigay-daan sa mga ‘borrowers’ na pumili mula sa 2,000 GSIS-owned properties sa buong bansa.

Sa ilalim ng GSIS Pabahay program, maaaring makakuha ang isang manggagawa ng gobyerno ng isang property ng walang initial down payment. Sa halip, ang ‘eligible individuals’ ay maaaring makakuha ng mga property sa pamamagitan ng installment payments, gawing mas ‘accessible’ ang homeownership sa mga miyembro.

Winika pa ni Veloso na ang programa ay muling idinisenyo para mas maayos na ma-cater ang partikular na ‘housing needs’ ng kanilang miyembro.

“By eliminating the down payment requirement and offering a long-term installment plan, we are not just making homeownership more achievable for our members — we are providing an accessible and affordable housing program,” ayon kay Veloso.

“This combination of features is designed to open doors that were previously closed to many of our dedicated public servants,” dagdag na wika nito.

Sa kabilang dako, sa isinagawang GSIS stakeholders’ meeting sa Laoag, inanunsyo ng GSIS na ang bagong programa ay Nauna nang nakatanggap ng pagsang-ayon mula sa GSIS Board of Trustees.

Nagbigay ang Board ng ‘approval’ para sa updated guidelines, kung saan sa ngayon ay papayagan ang ‘current lessees to purchase their homes on an installment basis without any down payment.’

Ani Veloso, sinusuri naman nila ang karagdagang pagbabago para i- enhance at ayusin ang Lease With Option to Buy (LWOB) program, gawin itong mas akma sa requirements ng mga miyembro nito.

Ang aplikante ay kailangan na aktibong GSIS members na mayroong ‘updated premium contributions, permanent employment status, mayroong minimum na tatlong taon ng serbisyo, at net take-home pay ng kahit papaaano ay P6,000 matapos ang loan deductions.’

“This program is about recognizing that those who dedicate their lives to serving our nation deserve a real shot at the Filipino dream. No more impossible cash requirements. No more deferred dreams. Just a clear path to a place they can finally call their own,”dagdag na wika pa ni Veloso. (Daris Jose)

PBBM, abala sa paghahanda sa SONA

Posted on: July 18th, 2024 by @peoplesbalita No Comments

HANDS on si Pangulong Ferdinand Marcos Jr., sa pagsasapinal ng kanyang magiging talumpati para sa kanyang pangatlong State Of the Nation Address (SONA) sa darating na Lunes, Hulyo 22, 2024 sa Batasang Pambansa Complex sa Quezon City.

Sa katunayan, ayon sa Presidential Communications Office (PCO) ay walang anumang engagement ang Pangulong Marcos khapon, Miyerkoles dahil abala ito sa paghahanda para sa kanyang pangatlong SONA.

“The President is on top of finalizing his SONA speech. He has no engagement today because he is preparing for the SONA,” ayon sa PCO.

Nauna rito, sinabi ni Speaker Ferdinand Martin Romualdez na handa na ang Kamara para sa ikatlong State of the Nation Address (SONA) ni Pangulong Marcos Jr. na isasagawa sa darating na Lunes.

Sinabi ni Romualdez, na ang mga paghahanda para sa SONA 2024 ay matagumpay kaugnay naman ng isinagawang pinal na interagency meeting sa pagitan ng Office of the President, mga kinatawan ng Kamara at Senado at iba pang ahensya nitong Hulyo 15 para tiyakin ang seguridad sa SONA.

Ayon kay Romualdez habang ang SONA ay sumasalamin sa tagumpay ng administrasyong Marcos ay mai-outline rin ang plano ng Pangulo sa mga susunod na taon kabilang ang papel ng Kongreso para dalhin ang mga programa ng gobyerno sa mamamayang Pilipino.

Sinabi ni Romualdez na ang mahalagang talumpati sa bayan ng punong ehekutibo ay magbibigay ng komprehensibong pangkalahatang ideya sa progreso ng administrasyon at magtakda ng entablado para sa mga lehislatibong inisyatibo sa hinaharap para isaayos ang landasin ng bansa. (Daris Jose)

Malaki ang pasasalamat sa lahat ng sumuporta: RURU, naging sentimental sa nalalapit na pagtatapos ng ‘Black Rider’

Posted on: July 15th, 2024 by @peoplesbalita No Comments

NAGING sentimental si Ruru Madrid sa social media dahil sa malapit na pagtatapos ng ‘Black Rider’ sa GMA Prime.

November 2023 umere ang unang episode ng ‘Black Rider’, pero July 2023 nung magsimula sila sa pre-production ng serye kaya isang taon niyang nakasama ang buong cast and crew.

Post ni Ruru via Instagram: “Isang taon na naman ang lumipas… Sadyang napakabilis ng panahon. Parang kailan lang sinisimulan pa lang natin gawin ang programang ito. Tapos ngayon, ito na, ilang araw na lang ang natitira para gawin natin ang isa sa pinakaminahal nating proyekto.

“Kaya muli, maraming salamat sa inyo sa pagmamahal, suporta, at talento na inyong ibinigay para dito sa Black Rider. Mahal ko kayo! Ang inyong suporta ang dahilan kung bakit po kami tumagal ng ganito.“

Nag-comment sa post ni Ruru sina Ms. Rio Locsin, Janus del Prado, Raymart Santiago, Pipay, Jayson Gainza, Jestoni Alarcon at maging si Dingdong Dantes.

Pinagmamalaki ng serye ang nakuha nilang bronze medal sa 2024 New York Festivals at 2024 Gandingan Awards Most Development-oriented Drama Program.

Last two weeks na lang ang ‘Black Rider’ simula ngayong gabi (July 15) at magwawakas ito sa July 26, kaya tutok lang sa mga malalaking pasabog ng top-rating series ng GMA.

***

WALA pang nire-reveal si Jillian Ward kung sino ang magiging date niya sa GMA Gala 2024.

May mga fans ang Sparkle teen star na may kanya-kanyang bet para maging date nito.

Dalawa nga sa bet nila ay ang co-stars ni Jillian sa ‘Abot-Kamay Na Pangarap’ serye na sina Jeff Moses at Raheel Bhyria.

Sa Instagram Stories, makikita ang dalawang magkahiwalay na post ni Jillian na minamasahe ni Raheel ang isang kamay ni Jillian, habang si Jeff naman ay sinusuklay ang buhok niya.
Caption pa ni Jillian: “Ang sweet ng leading men ko. Meet my masahista and my hairstylist.”

Mukha nga raw nagpapalakas ang dalawa para may mapili na si Jillian. Pero mukhang may laban din sa dalawa si Ken Chan. May gagawin kasing pelikula ang dalawa at magkasama sila sa Sparkle World Tour 2024 sa Japan in September.

May the best man win…

***

NA-DISMISS ng judge ang lahat ng charges laban sa Hollywood actor na si Alec Baldwin in regardes sa shooting case sa set ng pelikulang Rust sa New Mexico.

Hindi napigilan na maiyak ng aktor dahil kung sakaling na-convict siya, makukulong siys for 18 months for involuntary manslaughter sa 2021 shooting death of cinematographer Halyna Hutchins on the set of Rust.

Dahil sa key evidence na pinakita ng legal team ni Baldwin kaya na-dismiss ang lahat ng charges sa aktor.

(RUEL J. MENDOZA)

Dating adviser ni Duterte idinawit sa iligal na droga, ipinaaaresto ng Kamara

Posted on: July 11th, 2024 by @peoplesbalita No Comments

IPINAG-UTOS ng House Committee on Dangerous Drugs ang pag-aresto sa negosyanteng si Michael Yang matapos itong ma-cite in contempt dahil sa patuloy na hindi pagdalo sa imbestigasyon kaugnay ng P3.6 bilyong halaga ng shabu na nasamsam sa isang operasyon sa Mexico, Pampanga noong 2023.

Si Yang, na naging adviser ni dating Pangulong Rodrigo Roa Duterte, ang sinasabing incorporator ng Empire 999 Realty Corp., na nagmamay-ari ng bodega sa Mexico, Pampanga kung saan dinala ang P3.6 bilyong halaga ng shabu.

Kapag naaresto, si Yang ay inaasahang makukulong ng 30 araw sa Bicutan Jail sa Taguig City. Ayon sa rekord, si Yang ay umalis patungong Dubai noong Mayo 12, 2024.

Si Yang ay na-cited in contempt ng komite na pinamumunuan ni Surigao Del Norte Rep. Robert Ace Barbres dahil sa paulit-ulit na pagbabalewala sa imbitasyon ng komite ni Barbers at pinadalhan na rin ng subpoena noong Hunyo 24.

“Since he is not present, pursuant to our rules on Section 11, if I may read, the Committee may punish any person for contempt by a vote of two-thirds of the members present,” ayon kay Barbers.

Sa quorum na 10 miyembro, ipinatupad ng komite ang patakaran at pinagtibay ang mosyon ni Abang Lingkod Party-list Rep. Joseph Stephen Paduano

“Citing the violation committed by Mr. Michael Yang under Section 11, Paragraph A, for refusing without legal excuse to obey summons and invitations, there is a motion to cite Mr. Michael Yang in contempt. The motion is duly seconded, and hearing no objection, the Committee is now citing Mr. Michael Yang in contempt,” dagdag pa ng mambabatas.

Iniutos ni Barbers sa kalihim ng komite na makipag-ugnayan sa Philippine National Police (PNP), sa House Sergeant-at-Arms, sa National Bureau of Investigation, at iba pang mga ahensya ng batas upang ihain ang warrant of arrest kay Yang.

Si Yang ay inimbitahan sa pagdinig matapos na matuklasan na si Lincoln Ong, isang opisyal ng Pharmally at umano’y kasosyo ni Yang, ay isa sa mga incorporator ng isang kompanya na may kaugnayan sa Empire 999 at iba pang mga kumpanya.

Ayon kay Barbers, ang testimonya ni Yang ay mahalaga sa pagbubunyag ng ugnayan ng ilegal na smuggling ng droga na iniuugnay sa Empire 999.

Sa pagdinig nitong Miyerkules, narinig ng komite ang testimonya ni dating Police Colonel Eduardo Acierto, na itinuturo si Yang bilang parehong indibidwal na kanyang binantayan noong 2017 dahil sa pagkakasangkot sa ilegal na droga.

Si Acierto, isang dating sinibak na colonel ng PNP drug enforcement group, ay nag-akusa na pinabayaan ng dating Pangulong Duterte, ang dating Special Adviser at ngayon ay Senador na si Christopher “Bong” Go, at ang dating PNP chief na ngayon ay Senador na si Ronald “Bato” dela Rosa, ang kanyang intelligence report tungkol kay Yang.

Inakusahan din niya ang dating pangulo na nais siyang patayin dahil sa kanyang nalalaman sa mga koneksyon ni Duterte kay Yang at iba pang indibidwal na sangkot sa ilegal na droga. (Vina de Guzman)