News Archive - People's Balita

August 31, 2024
Search in People's Balita
Ang Diyaryong Pinagkakatiwalaan

Archive for the ‘News’ Category

Birth cert ni Alice Guo pinapakansela ng OSG

Posted on: July 8th, 2024 by @peoplesbalita No Comments

PINAPAKANSELA ng Office of the Solicitor General (OSG) ang birth certificate ng suspendidong si Bamban, Tarlac Mayor Alice Guo, batay sa inihaing petisyon sa Tarlac Regional Trial Court kahapon.

Magkatuwang ang OSG at ang Philippine Statistictics Authority (PSA) sa pagsasampa ng petisyon.

Sinabi ni Solicitor General Menardo Guevarra na ang paghahain ng cancellation of the birth certificate ay maglalatag ng batayan para sa kasunod na paghahain ng petisyon para sa quo warranto para mapatalsik si Guo bilang alkalde ng Bamban, at masampahan pa ng karagdagang kaso.

Kabilang sa argumento sa petisyon ang umano’y kabiguan ni Guo na sumunod sa mga legal na kinakailangan para sa late registration of birth, ani Guevarra.

Nauna nang sinabi ng PSA na nakakita sila ng mga iregularidad sa birth certificate ni Guo, habang ang National Bureau of Investigation (NBI) naman ang nagkumpirma na tumugma ang fingerprints ng alkalde sa babaeng Chinese na si Guo Hua Ping. (Daris Jose)

PBBM sa AFP, tiyakin ang mapayapang BARMM Parliamentary elections

Posted on: July 8th, 2024 by @peoplesbalita No Comments

NANAWAGAN si Pangulong Ferdinand R. Marcos Jr. sa tropa ng Armed Forces of the Philippines (AFP) sa Sulu na tiyakin na makapagdaraos ng mapayapang eleksyon para sa Bangsamoro Autonomous Region in Muslim Mindanao (BARMM) parliament sa susunod na taon.

Kailangan na ang BARMM parliamentary elections ay mapayapa at ligtas, ang sinabi ng Pangulong Marcos sa 11th Infantry Division ng Philippine Army (PA) sa lalawigan.

“Kailangan natin magkaroon ng peaceful na election sa darating na halalan,”ayon sa Punong Ehekutibo.

“Napakahalaga dahil kailangan nating masabi na nahalal itong mga members of the parliament, na nahala ito nang tama,” aniya pa rin.

Nanawagan din ang Pangulo sa AFP na siguraduhin na ang political exercise ay hindi magagambala ng terorismo at political violence.

“Walang terrorism, walang political violence. Basta’t minimized natin lahat ‘yan.”ayon sa Chief Executive.

Ito ang unang pagkakataon na magdaraos ang bansa ng parliamentary elections para sa BARMM. Ang halalan ay makakasabay ng midterm legislative elections sa May 12, 2025.

Sa kabilang dako, pinaalalahanan naman ni Pangulong Marcos ang mga uniformed personnel na ang eleksyon ay dapat na mapagtagumpayan sa kapayapaan.

“Let us not sit on our laurels kung baga. Let us not become complacent because these are challenges that we will have to manage,” ayon sa Pangulo sabay sabing “At alam naman natin na napakalahaga na maganda ang takbo ng halalan, maganda ang pagpatakbo ng BARMM pagakatapos ng halalan.”

Ang kapayapaan sa Mindanao ay prayoridad ng gobyerno, diing pahayag ng Pangulo.

“That is all in the interest of peace. We do this because we want peace to continue in this area, in the Southern Philippines. We do not want to see the kind of fighting that we saw many decades ago. Sulu is one of the provinces under BARMM, along with Basilan, Lanao del Sur, Maguindanao, and Tawi Tawi,” ang winika ni Pangulong Marcos. (Daris Jose)

Tsina, itinanggi na banta sa anumang bansa

Posted on: July 8th, 2024 by @peoplesbalita No Comments

PINABULAANAN ng Tsina na banta ito sa anumang bansa kasunod ng kamakailan lamang na pahayag ni Senator Imee Marcos na plano ng Beijing na gumamit ng hypersonic missiles target ang military installations sa Pilipinas.

“I’m not sure what the Philippine side’s source was, but I can tell you that China is committed to peaceful development and a national defense policy that is defensive in nature, and China does not pose a threat to any country,” ayon kay China Foreign Ministry spokesperson Mao Ning.

Nauna rito, labis na ikinabahala ng senadora ang plano umano ng China na gumamit ng hypersonic missiles laban sa mga base militar sa ilalim ng Enhanced Defense Cooperation Agreement (EDCA) ng Pilipinas at Estados Unidos.

Sinabi ni Marcos, na tatargetin ng hypersonic missiles ang mga EDCA sites sa bansa dahil sa tingin umano ng China ay kumampi na ang Pilipinas sa kalaban nila.

Ang Hypersonic missiles ay isang uri ng armas na may kakayahang lumipad sa target ng lima hanggang 25 beses na bilis sa tunog nito.

Hindi naman ibinunyag ni Marcos kung saan niya nakuha ang impormasyon.

Gayunman, nagbabala ang Tsina na papalag at kikilos ito pagdating sa kanilang territorial rights.

“That said, we will certainly not sit by and watch when our legitimate rights and interests and regional peace and stability are being violated or under threat,” ayon pa rin kay spokesperson Mao Ning.

“We urge relevant country to listen to the concerns its people have and the call from other countries in the region, bear in mind the fundamental interests of its own people, stay independent, good-neighborliness and friendship, earnestly respect other countries’ security concerns, and act to keep the region peaceful and stable,” aniya pa rin.

Samantala, patuloy namang umiigting ang tensyon sa pinagtatalunang West Philippine Sea (WPS) kasunod ng kamakailan lamang na ‘acts of aggression’ ng Beijing.

Subalit, sinabi ng Department of Foreign Affairs (DFA) na kamakailan lamang ay nagsagawa ng bilateral meeting ang Pilipinas at Tsina sa Maynila sa layuning pagaanin at pangasiwaan ang pagtatalo sa WPS. (Daris Jose)

Pinas sa China: P60 milyong sinira sa Ayungin incident bayaran n’yo

Posted on: July 6th, 2024 by @peoplesbalita No Comments

SINABIHAN ng Tsina ang Pilipinas na “face the consequences of its own actions” matapos humirit ang Armed Forces of the Philippines (AFP) na pagbayarin ng P60 milyon ang Chinese government para sa danyos na dinulot ng China Coast Guard (CCG) sa barko ng Pilipinas noong Hunyo 17.

Para kay Mao Ning, spokesperson para sa China’s Foreign Ministry na ang aksyon ng Tsina laban sa Pilipinas ay makatuwiran dahil ipinagtatanggol lamang nito ang sinasabing kanilang soberanya sa katubigan.

“The Philippine vessels were carrying out an illegal resupply mission which violated China’s territorial waters and staging a provocation when stopped by China Coast Guard, who acted lawfully and rightfully to defend China’s sovereignty,” ayon kay Mao.

Sa ulat, noong Hunyo 17 ay nagkaroon ng banggaan ang Philippine Navy at CCG matapos harangin ng huli ang resupply mission ng puwersa ng pamahalaan sa BRP Sierra Madre sa Ayungin Shoal.

Sinira ng CCG ang dalawang motorboats gayundin ang mga personal na gamit ng ilang Navy officers bukod pa sa pagkuha ng baril ng mga ito.

Pinapasoli rin ng AFP ang pitong baril na kinumpiska ng CCG.

Ayon kay Brawner, dapat lang pagbayarin ang China sa danyos at abala na kanilang ginawa sa mga Navy officers.

Subalit, muling sinabi ni Mao na ang Philippine troops na nagsasagawa ng resupply mission sa grounded BRP Sierra Madre sa Ayungin shoal ang nagpilit na pumasok sa katubigan ng Tsina, ang claim nito na matagal nang pinawawalang-bisa ng international law at 2016 Arbitral Award.

“China Coast Guard responded with law enforcement measures that are fully legitimate, justified and lawful,” ayon kay Mao.

“We urge the Philippines to stop the infringement activities and provocations, and return to the right track of properly handling differences through dialogue and consultation,” diing pahayag nito. (Daris Jose)

Angara, nangako na aayusin ang sahod, work conditions ng mga guro

Posted on: July 6th, 2024 by @peoplesbalita No Comments

SINABI ni incoming Education Secretary Juan Edgardo Angara na kabilang sa kanyang prayoridad ay ang ayusin ang benepisyo ng mga guro at nangakong itutulak na bigyan ng umento ng sahod ng mga ito.

Tututukan din ni Angara na gawing simple ang curriculum at ayusin ang kalidad ng teaching at working conditions ng mga guro.

“I’m confident that under the Marcos administration, there will be an increase in our teachers’ salaries … I’m just not sure if [it will be] this year or next year, but there will be an increase,” ang sinabi ni Angara.

Matatandaang, noong buwan ng Pebrero, pormal nang inihain ng mga kinatawan ng progresibong Makabayan bloc ang panukalang itaas ang minimum na sweldo ng mga pampublikong guro patungo sa P50,000.

Ito ang ibinalita ng ACT Teachers party-list ngayong Martes sa paghahain ng House Bill 9920, o “Increasing the Minimum Salaries of Public School Teachers to P50,000 and Appropriating Funds Therefor.”

“Layunin ng panukalang batas na ito na taasan ang minimum wage ng mga guro, na matagal nang napag-iwanan at hindi na nakasasapat,” wika ng ACT Teachers party-list sa isang paskil sa X (dating Twitter).

Maliban sa ACT Teachers party-list, kabilang sa mga naghain ng panukala ang mga kinatawan ng Kabataan party-list at Gabriela Women’s Party.

Samantala, sinabi ni Angara na masusi niyang pag-aaralan ang panukala sa pakikipag-ugnayan sa ibang ahensiya gaya ng Department of Finance at Department of Budget and Management.

“We are one hundred percent in support of all these increases for teachers because we know that the quality of education is affected when the teachers are really inspired. And we also get to attract the best and the brightest,” ayon pa rin kay Angara.

Winika ni Angara na itinutulak niya ang umento sa sahod ng mga empleyado ng gobyerno lalo na “when I was part of the Senate committee on finance.” (Daris Jose)

Bebot na nasa top 10 most wanted person ng Navotas, nalambat

Posted on: July 6th, 2024 by @peoplesbalita No Comments

ISANG babae na nakatala bilang top 10 most wanted person ang nalambat ng pulisya sa isinagawang manhunt operation sa Navotas City, kamakalawa ng hapon.

Kinilala ni Navotas police chief P/Col. Mario Cortes ang naarestong akusado na si alyas Ali, 24, at residente ng lungsod.

Ayon kay Col. Cortes, nakatanggap sila ng impormasyon hinggil sa kinaroroonan ng akusado kaya agad siyang bumuo ng team para sa isilbi ang warrant of arrest laban kay ‘Ali’.

Kasama ang mga operatiba ng Warrant and Subpoena Section, agad ikinasa nina Col. Cortes ang manhunt operation na nagresulta sa pagkakaaresto sa akusado dakong alas-4:30 ng hapon sa Leongson Street Corner Cabrera Street Barangay San Roque.

Ani Col. Cortes, inaresto nila ang akusado sa bisa ng warrant of arrest na inisyu ni Presiding Judge Ronald Q. Torrijos ng Regional Trial Court Branch 288, Navotas City na may petsang June 27, 2024, para sa paglabag sa Section 11, Article of R.A. 9165. (Richard Mesa)

Trillanes, nagsampa ng plunder complaint laban kay Ex-PRRD at Sen. Bong Go

Posted on: July 6th, 2024 by @peoplesbalita No Comments

TULUYAN nang naghain ng reklamong plunder si dating Senator Antonio Trillanes IV sa DOJ laban kay dating President Rodrigo Duterte at Senator Bong Go kaninang hapon.

Ang reklamong ito ay may kinalaman sa mga proyekto ng nakalipas na administrasyon.

“All the elements of plunder are clearly present in this case. Mr. Bong Go, in conspiracy with Mr. Duterte, used his position, authority and influence to corner billions worth of government projects in favor of his father and brother, thus unduly enriching himself and the members of his immediate family. The evidence presented in the complaint is compelling and warrants a plunder charge.” –Ex-Sen. Antonio Trillanes IV

Kung maaalala, aabot sa P6.6 billion pesos na halaga ng government projects ang ini-award sa tatay at kapatid ni Bong Go sa ilalim ng administrasyong Duterte.

Punto nang senador, lahat ng elemento ng plunder ay makikita sa kasong ito.

Sa ngayon, wala pang komento ang kampo ng dating pangulo at kampo ni Sen. Bong Go.

PBBM, hangad ang maagang pagsisimula ng P100-M JOLO AIRPORT PROJECT

Posted on: July 6th, 2024 by @peoplesbalita No Comments

ITINUTULAK ng gobyerno ang agarang implementasyon ng P100-million Jolo Airport Development Project sa Sulu.

Sinabi ni Pangulong Ferdinand R. Marcos Jr., ang lahat ng aspeto ng

‘major infrastructure’ na ginagawa ay nakaayos na upang sa gayon ay makapagsimula na sa lalong madaling panahon.

“Kasabay ng pagbibigay namin ng ayuda ay ang magandang balita tungkol sa ating pagsusulong para sa Jolo Airport Development Project,” ang sinabi ni Pangulong Marcos sa isinagawang distribusyon ng presidential assistance sa mga magsasaka at mangingisda sa lalawigan.

“Kasalukuyan na po nating binabalangkas ang lahat ng kinakailangan para masimulan na ang proyektong ito at may nakahanda po tayong isandaang milyong piso na para pagsimulan nitong project na ito,” dagdag na wika nito.

Sa naging talumpati ng Pangulo sa naturang okasyon, iniulat din ng Chief Executive na pinaigting ng Philippine National Police (PNP) ang maritime patrols sa pamamagitan ng Sulu Maritime Police Station para tugunan ang illegal fishing.

Tinawagan din nito ang Sulu local government na suportahan ang kampanya ng pamahalaan para sa kaligtasan ng mga mangingisda.

“Mga kababayan, maka-aasa kayong tutuparin namin ang aming pangakong matulungan kayong lahat, lalung-lalo na ang mga magsasaka, ang mga mangingisda, at ang [inyong mga] pamilya upang masabi naman natin na may pag-asang makamit ninyo ang mas maginhawang pamumuhay,” ayon sa Pangulo.

“Siguraduhin din ninyong [napangangalagaan nang] wasto ang ating kalikasan at huwag abusuhin ang paggamit ng ating mga [pinagkukunang-yaman],” dagdag na wika nito.

Sa kabilang dako, kabilang naman sa Jolo airport project ang konstruksyon ng Passenger Terminal Building ng airport, perimeter fence, administration building, relocation/construction ng fire station building, ‘site acquisition’ para sa runway extension nito at pagwawasto sa runway strip width.

Nagpapatuloy naman ang pagpo-proseso sa Memorandum of Agreement kasama ang provincial government para sa project implementation ay nagpapatuloy.

“This developed as reports of illegal fishing activities such as the use of dynamite and cyanide are still rampant in Sulu waters. Many fishing vessels are also operating without necessary permits, ” ayon sa ulat.

212 Navoteños hired-on-the-spot sa mega job fair

Posted on: July 5th, 2024 by @peoplesbalita No Comments

BILANG bahagi ng ika-17th cityhood anniversary celebration, nagsagawa ang Pamahalaang Lungsod ng Navotas ng job opportunities at nagbigay ng suporta sa mga small businesses.

Ayon kay Mayor John Rey Tiangco, itinampok sa Mega Job Fair, na inorganisa ng City Public Employment Service Office (PESO), ang 50 partner companies na nag-aalok ng mahigit 6,000 job opportunities sa iba’t ibang industriya.

Mahigit 300 Navoteños na naghahanap ng trabaho ang nag-aplay sa naturang mega job fair kung saan umabot sa 212 individuals ang hired on the spot.

Ang aktibidad ay nagsilbi rin bilang one-stop-shop para sa mga nangangailangan ng serbisyo mula sa government agencies tulad ng Philippine Statistics Authority, Pag-IBIG, Social Security System, at PhilHealth.

Bumisita naman si Mayor Tiangco sa job fair saka binati niya ang mga natanggap kaagad sa trabaho at pinaalalahanan na pagbutihin nila ang mga trabahong kanilang natanggap. (Richard Mesa)

PBBM sa tatlong Duterte na planong tumakbo sa pagka- senador sa Eleksyon 2025: It’s a free country

Posted on: June 29th, 2024 by @peoplesbalita No Comments

”IT’S a free country.”

Ito ang naging tugon ni Pangulong Ferdinand Marcos Jr. nang kuhanan ng reaksyon kaugnay sa plano nina dating Pangulong Rodrigo Duterte at dalawa nitong mga anak na sina Davao City Mayor Sebastian “Baste” Duterte at Davao City Representative Paolo Duterte na tumakbo sa pagka-senador sa halalan sa susunod na taon.

Sinabi pa ng Pangulo na pinapayagan ang mga ito (Duterte) na gawin ang mga nais nilang gawin.

Para sa Pangulo, maaga pa para idetermina kung sino talaga ang tatakbo sa nalalapit na midterm elections.

”The only real situation will become clear in October, sa filing,” ang sinabi ni Pangulong Marcos sa isang ambush interview.

Tinukoy nito ang paghahain ng certificates of candidacy para sa mga tatakbo sa 2025 elections.

”Then we will see really kung tatakbo ba talaga, sino ba talaga tatakbo, sino, kanino sasama, which parties are involved, which parties are in alliance, doon lang natin makikita sa Oktubre. So all of these announcements, tingnan natin kung matutuloy pagdating sa Oktubre,” aniya pa rin.

Sa ulat, kinumpirma ni Vice President Sara Duterte na tatlong mga Duterte ang tatakbo sa pagka-senador sa 2025 elections.

Sa ambush interview sa isang event sa Cagayan de Oro – sinabi ni VP Sara na tatakbo para sa mataas na kapulungan ng Kongreso ang kaniyang mga kapatid na si Davao City Mayor Baste Duterte, at si Davao City 1st District Rep. Pulong Duterte.

Sasabak din umano sa senado si dating pangulong Rodrigo Duterte.

Maliban pa rito, pinaplano rin daw ni Mayor Baste na tumakbo sa pagka-pangulo sa 2028.

”The Dutertes will be the demolition team that will dismantle the vested political structures built by those who turned their backs on the people’s welfare and interest and who focused on enriching themselves in office and transgressing the constitutional rights of individuals and entities,” ayon naman kay dating spokesperson Salvador Panelo.

Ani Panelo, ang mga taga-suporta ni dating Pangulong Digong ay ‘have been buoyed up and resurrected their dead hopes of having another Duterte presidency.” (Daris Jose)