News Archive - People's Balita

September 1, 2024
Search in People's Balita
Ang Diyaryong Pinagkakatiwalaan

Archive for the ‘News’ Category

Pinas, handang makatrabaho ang Tsina para resolbahin ang alitan – Bersamin

Posted on: June 24th, 2024 by @peoplesbalita No Comments

HINDI na paabutin pa ng Pilipinas sa mas mataas na international body ang pinakabagong insidente sa Ayungin Shoal.

Ito ang sinabi ni Executive Secretary Lucas Bersamin kasabay ng kahandaan ng Pilipinas na makatrabaho ang Tsina para resolbahin ang alitan.

Tinanong kasi si Bersamin sa press briefing sa Malakanyang kung kinokonsidera ng gobyerno na idulog ang usapin sa global body.

“That’s not yet in consideration because I think this is a matter that can easily be resolved very soon by us. And if China wants to work with us, we can work with China,” ang sinabi ni Bersamin.

Winika pa ni Bersamin, chairman ng National Maritime Council (NMC) na hindi pinag-usapan ng body ang panawagan na Mutual Defense Treaty (MDT) sa nangyari ng second meeting, araw ng Biyernes.

Gayunman, inanunsyo ng NMC ang naging rekomendasyon kay Pangulong Ferdinand R. Marcos Jr. para sa pagpapatuloy ng “routinary at regular rotation and reprovision (RORE) missions sa BRP Sierra Madre sa Ayungin Shoal sa kabila ng nakagagalit na aksyon ng Tsina.

Aniya, ang anunsyo para sa RORE missions ay gagawin bago pa ito isagawa.

Hindi naman kinokonsidera ng gobyerno ng Pilipinas ang insidente bilang armed attack, ayon kay Bersamin sabay sabing “it may be a misunderstanding or an accident.”

Napaulat na may 8 Filipino servicemen ang nasugatan sa nangyaring June 17 hostile incident. Subalit, nilinaw ng NMC na isa lamang ang nasaktan.

“The Council recognizes a peaceful, stable, and prosperous West Philippine Sea (WPS) and South China Sea (SCS) is still a distant reality,” ayon pa rin kay Bersamin.

Tinuran pa nito na pumayag ang Konseho sa policy recommendations para sa konsiderasyon ni Pangulong Marcos. (Daris Jose)

PBBM, idineklara ang Oktubre 30 bilang “NATIONAL DAY OF CHARITY”

Posted on: June 24th, 2024 by @peoplesbalita No Comments

IPINALABAS ni Pangulong Ferdinand R. Marcos Jr. ang Proclamation No. 598 na nagdedeklara sa Oktubre 30 kada taon bilang “National Day of Charity.”

Ang proklamasyon ang bumubuo ng bahagi ng ‘commitment’ ng administrasyon para i-promote at iangat ang buhay ng bawat Filipino sa “Bagong Pilipinas.”

Sa paglagda sa proklamasyon, tinukoy ni Pangulong Marcos ang Section 9, Article II ng Saligang Batas, may mandato ng isang “just and dynamic social order” para tiyakin ang kasaganaan at kasarinlan at palayain ang mga tao mula sa kahirapan sa pamamagitan ng polisiya na nagbibigay ng social services, nagpo-promote ng ganap na trabaho at paghusayin ang ‘standard of living’ at kalidad ng buhay para sa lahat.

“Bagong Pilipinas, as the overarching theme of the Administration’s brand of governance and leadership, calls for deep and fundamental transformations in all sectors of society and government, and visions to emphasize compassion, solidarity and social responsibility among Filipinos,” ang nakasaad sa proklamasyon.

Tinintahan ni Executive Secretary Lucas Bersamin ang dalawang pahinang Proclamation No. 598 noong Hunyo 13 ngayong taon.

Sa ilalim ng proklamasyon, inatasan ni Pangulong Marcos ang Philippine Charity Sweepstakes Office (PCSO) na pangunahan, makipag-ugnayan at pangasiwaan ang paggunita sa “National Day of Charity,” at tukuyin ang mga programa, aktibidad at proyekto para sa selebrasyon.

Ang PCSO “has shown its dedication to fulfil its mandate through the provision of medical services, the conduct of free medical and dental services, the establishment of an out-patient clinic, and its partnerships with qualified government and non-government welfare institutions/agencies that promote the well-being of the marginalized sectors of society.”

Ang lahat ng government agencies at instrumentalities, kabilang na ang government-owned or -controlled corporations, financial institutions at state universities and colleges ay inatasan at hinikayat na magpartisipa sa paggunita sa “National Day of Charity.”

Gayundin, ang lahat ng local government units, non-government organizations at pribadong sektor ay inatasan ng kahalintulad na kautusan. (Daris Jose)

China harassment sa Ayungin hindi armadong pag-atake -Malakanyang

Posted on: June 24th, 2024 by @peoplesbalita No Comments

SINABI ng Malakanyang na hindi armadong pag-atake na maaaring mag-trigger sa Mutual Defense Treaty ng Pilipinas sa Estados Unidos ang bagong insidente ng harassment ng China vessels sa Philippine boats, dahilan para maputulan ng hinlalaki ng daliri ang isang Navy man at nasugatan ang iba.

Sinabi ni Executive Secretary Lucas Bersamin na ang insidente ay ”probably a misunderstanding or accident.”

”No, well this was probably a misunderstanding or accident, we are not yet ready to classify this as an armed attack. I don’t know kung ‘yung mga nakita namin is mga bolo, ax, nothing beyond that,” ayon kay Bersamin.

Kinumpirma ng Armed Forces of the Philippines (AFP) na labis na nasaktan ang Philippine Navy serviceman sa banggaan sa pagitan ng Chinese ship at Filipino vessel na nagsagawa ng “rotation at resupply mission” sa Ayungin Shoal.

Ayon sa ulat, may pitong servicemen ang nasaktan noong June 17 hostile incident kabilang na ang na walang ng hinlalaki.

Nauna rito sinabi ni AFP Public Affairs Office chief Colonel Xerxes Trinidad na ang service member ay ligtas na nailikas at nakatanggap ng agarang medical treatment matapos na ang China Coast Guard’s (CCG) ay “intentional high-speed ramming” sa Philippine vessel.

Sinabi naman ni Presidential Assistant for Maritime Concerns Andres Centino na ang ipanawagan ang Mutual Defense Treaty (MDT) ay hindi pa kinokonsidera sa kabila ng June 17 incident sa Ayungin Shoal sangkot ang Philippine Navy sailors at Chinese Coast Guard personnel.

”That has not been—, your question about the invocation of the Mutual Defense Treaty, that has not been considered in our discussions,” ayon kay Centino sa press conference sa Malakanyang.

Nauna rito pinangunahan ni Bersamin ang pangalawang pagpupulong ng National Maritime Council sa Palasyo ng Malakanyang isinagawa alinsunod sa mandato na nakasaad sa Executive Order No. 57, serye ng 2024, nilagdaan ni Pangulong Ferdinand Marcos Jr.

“The meeting was also called upon in light of China’s recent hostile acts in the West Philippine Sea,” ayon kay Bersamin. (Daris Jose)

VP Sara, wala pang kapalit bilang Kalihim ng DepEd-Garafil

Posted on: June 21st, 2024 by @peoplesbalita No Comments

WALA pa ring napipisil si Pangulong Ferdinand Marcos Jr., na magiging kapalit ni Vice President Sara Duterte na nagbitiw sa tungkulin bilang Kalihim ng Department of Education (DepEd).

Sa isang text message sa mga mamamahayag, sinabi ni Communications Secretary Cheloy Garafil na wala pang maitalaga si Pangulong Marcos na tatayong officer-in-charge (OIC) na hahalili sa posisyon ni VP Sara sa oras na ang 30-day notice ay mapaso’ sa Hulyo 19.

Sa ngayon, patuloy naman na aakto si VP Sara bilang pinuno ng DepEd.

“Sa July 19 pa effectivity ng resignation niya; wala pa OIC,” ayon kay Garafil.

Napaulat na dumating si VP Sara sa Malakanyang, araw ng Miyerkules para personal na makapulong si Pangulong Marcos at iabot ang resignation letter na tinanggap naman ng huli.

Hindi naman nagbigay ng kahit na anumang dahilan si VP Sara sa pagbibitiw niya sa kanyang Cabinet posts.

Samantala, sinabi ni VP Sara na ang kanyang pagbibitiw bilang Kalihim ng DepEd ay hindi dahil sa “kahinaan.”

“Ang aking pagbibitiw ay hindi lulan ng kahinaan kundi dala ng tunay na malasakit para sa ating mga guro at kabataang Pilipino,” aniya pa rin.

Bukod sa pagiging Kalihim ng DepEd, nagbitiw din si VP Sara bilang vice chairperson ng National Task Force to End Local Communist Armed Conflict (NTF-ELCAC) . (Daris Jose)

Blinken, tinalakay ang ginawa ng Tsina sa West Philippine Sea sa Philippine counterpart

Posted on: June 21st, 2024 by @peoplesbalita No Comments

PINAG-USAPAN nina U.S. Secretary of State Antony Blinken at Philippine Foreign Secretary Enrique Manalo ang naging aksyon ng Tsina sa West Philippine Sea (WPS), kapwa tinawag ng mga ito na “escalatory.”

Kinondena ng Britain, Canada at Estados Unidos ang naging hakbang ng Tsina, ang bagong coast guard rules pinapayagan ito na i-detain ang mag trespassers ng walang paglilitis na naging epektibo noong Hunyo 15.

Inangkin kasi ng Tsina ang halos buong WPS kabilang na ang Second Thomas Shoal, kung saan pinapanatili ng Pilipinas ang isang warship, ang Sierra Madre, nakasadsad simula pa noong 1999 para palakasin ang soberanya na may maliit na crew.

Sinasabing, naging maasim na ang relasyon sa pagitan ng Maynila at Beijing sa ilalim ni Pangulong Ferdinand Marcos Jr, dahil sa pagsuporta ng Estados Unidos sa Southeast Asian nation sa maritime disputes sa Tsina.

Naging tensyonado naman ang ugnayan ng Washington sa Beijing sa nakalipas na mga taon dahil sa mga usapin ng “Taiwan, trade tariffs, ang “pinagmulan” ng COVID-19 pandemic, giyera sa Ukraine, technology disputes at intellectual property, bukod sa iba pa.”

“Blinken and Manalo’s discussion “followed (China’s) dangerous and irresponsible actions to deny the Philippines from executing a lawful maritime operation in the South China Sea on June 17,” ang sinabi ng State Department sa isang kalatas matapos ang nasabing pag-uusap.

“Blinken emphasized that China’s actions “undermine regional peace and stability and underscored the United States’ ironclad commitments to the Philippines under our Mutual Defense Treaty,” ayon pa rin sa State Department.

Samantala, napaulat na may isang mandaragat ng Pilipinas ang dumanas ng ‘serious injury’ matapos ang naging paglalarawan ng militar bilang “intentional-high speed ramming” ng Chinese Coast Guard, layon na guluhin at gambalahin ang routine resupply mission noong Hunyo 17.

Sinabi pa ng Philippine military na dahil sa insidente ay nawasak ang vessels ng Maynila.

Pinabulaanan naman ng Coast Guard ng Tsina ang bagay na ito, ang dahilan nito ay “Manila’s vessel deliberately and dangerously approached a Chinese ship in an unprofessional manner, forcing it to take control measures, including “boarding inspections and forced evictions”. (Daris Jose)

Chinese Coast Guard armado ng itak, sibat, kutsilyo – AFP

Posted on: June 21st, 2024 by @peoplesbalita No Comments

ARMADO ng itak, sibat, kutsilyo at iba pang mga patalim ang Chinese Coast Guard (CCG) na umatake sa Philippine Navy personnel habang nagsasagawa ng Rotation and Resupply (RoRE) mission sa Ayungin Shoal.

“They fight with their bare hands, despite the absence of weapons to defend themselves lumaban sila (Filipino troops). ‘Yung mga Chinese may mga dala silang bolo, sibat, knives, machete and other bladed weapons,” pagkumpirma ni Armed Forces of the Philippines (AFP) Chief Gen. Romeo Brawner Jr. sa nangyaring harassment noong Hunyo 17 sa nabanggit na teritoryo.

“With their bare hands, tinutulak nila ang RHIB ng (rigid hull inflatable boats of) Chinese Coast Guard. They were preventing Chinese Coast Guard from hitting them,” ani Brawner.

Sinabi ni Brawner na hindi basta na lamang hinayaan ng Phl Navy troops ang kanilang mga kagamitan pero may limitasyon din ang mga ito kung saan higit na marami ang kalaban na binangga pa ang kanilang rubber boats.

Nilinaw naman ng AFP chief na ang hangarin ng mga sundalo ay mag-supply lamang ng pagkain at iba pang pangangailangan para sa tropa ng mga sundalo na nakaistasyon sa BRP Sierra Madre at ayaw ng AFP ng giyera.

Sinabi naman ni AFP-Westcom Chief Rear Admiral Alfonso Torres, sumampa sa Phl vessel ang mga Chinese, kinumpiska ang pitong mahahabang armas na nakatago ng mga sundalo at maging ang kanilang mga personal na cellphone.

‘Di pa nakuntento ay kinuha rin ang dalawang rubber boats na hinila ng mga ito at winasak ang communication equipment, outboard motor saka binutas ang mga rubber boats.

Inihalintulad din ni Brawner sa mga pirata ang Chinese Coast Guard sa illegal na pagkuha at pagwasak sa kagamitan ng mga sundalong Pinoy.

Ang mga nawasak na rubber boats ay nagawa namang marekober sa pagsaklolo ng mga barko ng Philippine Coast Guard. (Daris Jose)

CHR, kinondena ang anumang uri ng karahasan na ginawa ng mga law enforcers

Posted on: June 21st, 2024 by @peoplesbalita No Comments

HAYAGANG kinondena ng Commission on Human Rights (CHR) ang anumang uri ng karahasan na ginawa ng apat na pulis na pinatay ang isang mag-ama sa isinagawang illegal drugs operation sa Caloocan City noong 2016.

Pinuri naman ng Komisyon ang naging hatol na homicide ni Caloocan City Regional Trial Court Judge Ma. Rowena Violago Alejandria noong Hunyo 18 laban kina P/Msgt. Virgilio Q. Cervantes, P/Cpl. Arnel De Guzman, P/Cpl. Johnston M. Alacre at P/Cpl. Artemio Saguros Jr. para sa pagpatay kina Luis Saldana Bonifacio at sa kanyang 19 na taong gulag na anak na si Gabriel noong Setyembre 15, 2016.

Ang mga pulis ay sinentensiyahan na makulong mula anim na taon , walang buwan at 21 araw hanggang 10 taon.

Pinagbabayad din ang mga ito sa mga naulila ng mag-amang biktima ng P100,000 para sa actual damages; P100,000 para sa civil indemnity; P100,000 para sa moral damages; at P100,000 para sa temperate damages.

Sa kalatas na ipinalabas ng CHR sinabi nito na ito’y “denounces any form of violence, particularly when perpetrated by those entrusted with the duty to protect all citizens, especially the vulnerable individuals from the poor sector.”

Tinukoy din nito na “unjustified killings committed by law enforcers are not only blatant violations of the law but also manifest grave abuse of authority and transgress against the principles of humanity and the right to life.”

Sinabi pa ng CHR na ang desisyon ng Caloocan City RTC ay “a significant step towards achieving justice and accountability for the victims of human rights violations in relation to the anti-drug campaign of the previous administration.”

“We hope that this ruling will signal the start of sustained and consistent progress in addressing the serious human rights violations associated with these operations,” ayon sa CHR.

Winika pa ng CHR na “The RTC ruling highlights the importance of respect for human rights, due process, and the rule of law, in any campaign, including in the pursuit of crime prevention and drug control. Only by respecting fundamental human rights can we achieve genuine peace and order and true justice in our society.”

Samantala, ganap naman ang suporta ng CHR sa nagpapatuloy na committee hearings sa Mababang Kapulungan ng Kongreso ukol sa mga napaulat na kaso ng extra-judicial killings (EJKs) sa panahon ng drugs operations ng nakalipas na administrasyon.

“These deaths represent far more than mere statistics; they represent the loss of individual lives and the impact of violence on families and communities. It is imperative that we continue to sound the alarm; ensure that their stories are heard and acted upon; and, that such injustice will not be repeated,” ayon sa Komisyon.

“We remain hopeful that these comprehensive deliberations will lead to more prosecutions and deliver justice to the many families devastated by these unlawful acts,” dagdag na pahayag ng CHR. (Daris Jose)

Estudyante sa Pinas, may ‘pinakamababang’ performance sa creative thinking

Posted on: June 21st, 2024 by @peoplesbalita No Comments

NAHUHULI na ang mga estudyante ng Pilipinas pagdating sa ‘creative thinking’ kumpara sa mga estudyante sa ibang bansa.

Sa katunayan, makikita ito sa 2022 cycle ng Programme for International Student Assessment (PISA) kung saan sinukat ang ‘creative thinking’ o “ability to generate, evaluate and improve ideas to produce original and effective solutions, advance knowledge and create impactful expressions of imagination” ng isang 15 taong gulang na estudyante.

Sa iskor na 14, ang Pilipinas ay nasa 60 rank mula sa 62 mga bansa at ekonomiya na sumali sa assessment.

“Students in Philippines have among the lowest performance in creative thinking,” ayon sa PISA.

“The observed creative thinking performance in Philippines is lower than the expected performance, after accounting for performance in reading,” dagdag na wika nito.

Sa kabilang dako, nakapagtala naman ang Singapore ng mas mataas na iskor kaysa sa lahat ng iba pang nagpartisipang bansa at ekonomiya sa creative thinking.

Ang mga estudyante sa Korea, Canada, Australia, New Zealand, Estonia, Finland, Denmark, Latvia, Belgium, Poland at Portugal ay nakagawa ng mas mataas sa OECD [Organization for Economic Cooperation and Development] average.

Samantala, makikita naman sa naunang isinagawang pag-aaral ng PISA na ang mga estudyanteng Filipino ang itinuturing na “lowest scorers” sa pagbabasa, matematika at agham. (Daris Jose)

Lolo na wanted sa statutory rape, timbog sa manhunt ops sa Valenzuela

Posted on: June 20th, 2024 by @peoplesbalita No Comments

HIMAS-REHAS ang 68-anyos na lolo na wanted sa tatlong bilang ng kasong statutory rape matapos matunton ng pulisya sa kanyang tinitirhan sa Valenzuela City, kamakalawa ng hapon.

Ayon kay Valenzuela police chief P/Col. Nixon Cayaban, nakatanggap ng impormasyon ang mga tauhan ng Warrant and Subpoena Section (WSS) hinggil sa kinaroroonan ng akusadong si alyas ‘Ley’, 68, kaya inutusan niya ang WSS na bumuo ng team para hulihin ang akusado.

Sinabi pa ni Col. Cayaban, itinuturing ang akusado bilang ‘most wanted person’ sa Lungsod ng Valenzuela bunga ng mga kinakaharap na kasong may kaugnayan sa panghahalay at iba pang uri ng kalaswaang ginawa sa kanyang menor-de-edad na biktima.

Kasama ang mga tauhan ng Northern NCR Maritime Police Station, agad ikinasa ng WSS ang joint manhunt operation na nagresulta sa pagkakaaresto sa akusado dakong ala-1:30 ng Martes ng hapon sa Zone 1-A, Bernardo Compound, Barangay Palasan.

Binitbit ng pulisya ang akusado sa bisa ng warrant of arrest na inisyu ni Acting Presiding Judge Mateo B Altarejos ng Regional Trial Court Branch 172, Valenzuela City noong June 14, 2024, para sa kasong Statutory Rape (3 counts) Sexual Assault (4 counts) at Acts of Lasciviousness in rel. to Sec. 5(b) of R.A. 7610 – Child Abuse Law.

Pansamantalang nakapiit sa detention facility unit ng Valenzuela Police Station ang akusado habang hinihintay ang paglalabas ng commitment order ng hukuman para sa paglilipat sa kanya sa Valenzuela City Jail. (Richard Mesa)

PBBM, idineklarang Special (Non-Working) Day ang Hunyo 24 dahil sa Araw ng Maynila

Posted on: June 20th, 2024 by @peoplesbalita No Comments

IDINEKLARA ni Pangulong Ferdinand Marcos Jr. na Special (Non-Working) Day ang araw ng Lunes, Hunyo 24, 2024 sa Lungsod ng Maynila.

Sa ipinalabas na Proclamation No. 599 na pirmado ni Executive Secretary Lucas P. Bersamin, na may pahintulot ni Pangulong Marcos, nakasaad dito na sa Hunyo 24, ipagdiriwang ng mga Manileno ang ika-453 Founding Anniversary ng Araw ng Maynila.

Layon ng proklamasyon na bigyan ng buong pagkakataon ang mga mamamayan ng Lungsod ng Maynila na magpartisipa sa okasyon at I-enjoy ang naturang selebrasyon.

Samantala, ang Araw ng Maynila ay isang espesyal na holiday sa siyudad ng Maynila, bilang paggunita saarawng pagkakahirang nito bilang kabisera ng Pilipinas.

Sa espesyal na araw na ito, ginugunita rin ang pagkakaroon ng mayaman at makulay nitong nakaraan, lalo na sa ambag nito sa kultura ng bansa. Nagbibigay-pugay rin ito sa mga kumpanya, mga opisyal at mga indibidwal na nakatulong sa pag-unlad ng siyudad.

Ang Maynila ay binubuo ng 16 na distrito: ang Binondo, Ermita, Intramuros, Malate, Paco, Pandacan, Port Area, Quiapo, Sampaloc, San Andres, San Miguel, San Nicolas, Santa Ana, Santa Cruz, Santa Mesa at Tondo. (Daris Jose)