FIRST time na tumanggap ng teleserye si Ronnie Ricketts dahil ito raw ang request sa kanya ng namayapang ina na si Edith Naldo-Ricketts.

Ayon kay Ronnie, lagi siyang pinipilit ng kanyang ina na gumawa ng teleserye na mapapanood niya dahil naka-base siya sa United States noon.

“Sabi niya, ‘Anak, I hope makagawa ka man lang para mapanood kita’ kasi she’s based in the States. Sabi ko, ‘Mommy, may bagong offer.’ Ito nga, ‘yung Mga Batang Riles. Sabi niya, ‘Oh, gawin mo na.’

I said, ‘Mommy, may mga sina-suggest pa akong little ideas baka mapagbigyan ako.’ ‘Gawin mo ‘yan,’ that was the last word she told me. After I talked to her, three days after, my mom passed away,” saad ni Ronnie.

Isa pang rason ni Ronnie sa pagtanggap ng MBR ay mga bata ang bida na pinangungunahan ni Miguel Tanfelix.

“I want to mentor young actors kasi kailangan, e, so sabi ko ang sarap ipasa nung alam ko, ipapasa ko sa kanila. Mapu-push mo sila, e.”

***

NILINAW na ni Kim Cattrall ang mga balitang kumalat na makakasama na siya season 3 ng ‘Sex And The City’ reboot series na And Just Like That…

Nagkaroon kasi ng special appearance si Kim as Samantha Jones sa last episode ng AJLT season 2. Nag-usap sila ni Carrie Bradshaw (Sarah Jessica Parker) over the phone dahil nasa London siya.

Noong ma-renew for season 3 ang series, may nagkalat sa social media na mabubuo na ulit ang girls ng Sex And The City. Pero diretsang sinagot ni Kim ito via X: “Aw that’s so kind but I’m not.”

Never nga raw siya nakipag-usap with any HBO executives re the show. One time thing lang daw yung ginawa niya last season and she has put Samantha Jones to rest.

(RUEL J. MENDOZA)

ALIW na aliw si Benjamin Alves sa mga comments sa pagganap niya bilang Basil Palacios sa ‘Widows’ War.’

Tinatawag ng maraming netizens si Basil na “Accla ng taon” dahil sa pagiging fake, manipulative, blackmailer at ang hangad niyang mapatay ang misis niyang si George played by Carla Abellana.

Hindi nga raw inakala ng Kapuso hunk na katutuwaan si Basil dahil sa kakaibang personality nito.

Post ni Benjamin sa Facebook: “Been reading the tweets on X about Basil. Thank you so much for the kind words. Truly enjoying my time with him. What does accla mean?”

Natuwa ang maraming netizens sa aktor dahil di pala updated ito sa bagong term for gay ng mga Gen Z.

Nung malaman na niya, ito ang pinost ni Benjamin: “Learned a new word from playing Basil…. “accla”

(RUEL J. MENDOZA)

IT’S a… triple tie!

Yes, tatlo ang nagwaging Movie Actress of the Year sa katatapos lamang na 40th Star Awards for Movies ng PMPC o Philippine Movie Press Club.

History ito dahil unang beses itong nangyari sa apatnapung taon ng Star Awards.

Tinanghal na Movie Actress of the Year ang National Artist for Film and Broadcast Arts na si Nora Aunor (para sa pelikulang ‘Pieta’), ang Star for All Seasons na si Vilma Santos ( para sa ‘When I Met You In Tokyo’) at ang Diamond Star na si Maricel Soriano (para naman sa ‘In His Mother’s Eyes’).

Sayang nga lamang at hindi nakumpleto ang presensiya ng tatlong aktres dahil wala si Ate Vi.

Emosyunal ang yakapan at speech nina Ate Guy at Marya na kapwa dumalo sa awards night nitong Hulyo 21 ng gabi sa Henry Lee Irwin Thater sa Ateneo De Manila University sa Katipunan Quezon City.

Nagningining ang kaguwapuhan at husay ng dalawang Kapuso Kings dahil tie sila bilang Movie Actor of the Year, ang Kapuso Primetime King na si Dingdong Dantes para sa ‘Rewind’ nila ni Marian Rivera at ang Asia’s Multimedia Star na si Alden Richards para naman sa ‘Five Breakups and a Romance nila’ ni Julia Montes.

Nakatutuwa naman na kahit hindi nakapag-uwi ng Best Actor trophy ay nasa awards night sina Roderick Paulate (In His Mother’s Eyes), Cedrick Juan (Gomburza), at Alfred Vargas (Pieta) na mga nominado rin bilang pinakamahusay na aktor.

Movie of the Year ang ‘Mallari’ at ang direktor nitong si Derick Cabrido, Indie Movie of the Year ang ‘Litrato’ at Indie Movie Director ang direktor nitong si Louie Ignacio.

Nagsilbing hosts ng awards night sina Alden, Robi Domingo, Bianca Umali at Aiko Melendez.

Agaw-pansin si Aiko na ang ganda-ganda at ang seksi sa apat na gowns na salitan niyang isinuot.

Opening number ang paghataw ng Asia’s Pop Heartthrob na si Darren Espanto with the Manoeuvres.

Kumanta ang Asia’s Songbird na si Regine Velasquez bilang tribute sa Viva Films producer at Ulirang Alagad ng Pelikula sa Likod ng Kamera Lifetime Achievement Awardee na si Vic del Rosario Jr.
Sa Viva umalagwa nang husto noon ang acting career ni Regine at lahat ng pelikula niya sa Viva ay blockbuster.

Kumanta ang grupong Anthology.PH para kina Dekada Awardees Nora Aunor at Drama King Christopher de Leon (na nominado rin bilang Movie Actor of the Year para sa ‘When I Met You In Tokyo’).

Kinilig ang mga fans, na karamihan ay mga Noranians, nang nasa stage sina Guy at Boyet.

Bukod kay Ate Vi, hindi rin nakarating ang isa pang Dekada awardee na si Piolo Pascual na kasalukuyang nasa ibang bansa.

Nanggilalas naman ang audience sa napakahusay na performance nina Tawag ng Tanghalan Season 3 grand champion Laine Duran, The Voice Kids Season 1 grand champion na si Lyca Gairanod, Bida Next grand winner Carren Eistrup, at Pinoy Pop Superstar season 1 grand champion Jona.

Ang 40th Star Awards for Movies ay inoorganisa ng mga opisyal at miyembro ng PMPC sa pangunguna ng Pangulo nito na si Rodel Ocampo Fernardo. Katuwang ng PMPC ang Airtime Marketing ni Tess Celestino-Howard. Ang awards night ay idirehe ni Eric Quizon.

Una nang inihayag ng PMPC ang mga winners nila sa ibang kategorya noong Hulyo 12 sa iba-ibang social media platforms at news channels.

Ang kabuuan ng awards night ay ipalalabas sa A2Z sa July 27, Sabado,10:30 ng gabi.

(ROMMEL L. GONZALES)

IBANG-IBA ang glow ng Beautéderm founder na si Ms. Rhea Anicoche-Tan ngayon, na nagdiriwang ng 15 years sa skincare at wellness industry.

Tampok sa kanyang speech ang timeless legacy ng kanyang brand na ine-endorse ng top celebrities at influencers.

Sa nasabing selebrasyon last July 18, ipinakilala rin ni Ms. Rei ang bagong endorser ng Beautéderm na si Jennylyn Mercado. Kabilang na ngayon ang Kapuso Ultimate Star sa line-up ng A-list celebrity endorsers ng brand.

Ang Cristaux Retinol (anti-aging), Cristaux Vitamin C (brightening), at Cristaux Hydra-Beauty (anti-acne) ang products na ie-endorse ni Jen, na bagay na bagay sa kanyang timeless beauty, dahil parang hindi siya tumatanda.

Naging honest naman si Jen na ramdan niya na unti-unti na siyang tumatanda, dahil meron na siyang fine lines. Hindi rin siya nahiyang aminin na sobrang sensitive ang skin niya kaya may mga sakit siya balat tulad ng psoriaris at rosacea.

Kaya malaki ang maitutulong sa kanya ng skin care ng Beautederm.

Nagpapasalamat naman ang skincare executive sa Ultimate Star.

Pahayag ni Rhea, “I follow Jennylyn Mercado on Instagram. Some of her dear friends also told me before that she’s a nice person. Her star power and huge social media following will hopefully connect us to more consumers. Jennylyn embodies grace and beauty.

“I welcome Jennylyn to Beautéderm family. I hope this partnership will inspire Filipinas across the country to feel confident and beautiful in their own skin.”

Dagdag papuri pa ng generous ng CEO, “I did my research na napakabait talaga ni Jen.

“Napansin ko, ang bait talaga niya. Sumasabay siya sa mga staff na kumakain.

“Tapos siya ay bareface, walang makeup. Humaharap sa mga tao, kumakain siya sa pantry kasama yung mga staff.”

Sagot naman ng Kapuso actress, “Ms. Rhea Tan is an inspiration to everyone. She’s really good at what she does — business. People look up to her. People follow her. You know why? Because she’s authentic and sincere. She protects her brand and she values her consumers. I am very grateful for her trust and for the trust of her company. I believe in the products.”

Sinimulan ni Ms. Rei ang kanyang negosyo noong 2009 sa halagang 3,500. Dahil sa kanyang dedikasyon at marketing power, naging isang malaking beauty brand ang Beautéderm, na may mga store sa malls.

Sa tanong kung ano ang kanyang pinakamalaking achievements, sagot niya, “I was able to change my resellers’, employees’, and scholars’ lives and will continue doing that.”

Formulated with high-quality ingredients, ang Cristaux Retinol (anti-aging), Cristaux Vitamin C (brightening), at Cristaux Hydra-Beauty (anti-acne) at kami mismo ay naka-try na ng three-mendous trio serum, na less than a month lang ay kitang-kita na ang results at talaga naman naggo-glow ang aming face.

Available na ito sa Shopee, Lazada, TikTok, at Beautéderm stores nationwide.

(ROHN ROMULO)

NA-EXCITE ang fans ni Sparkle actor Miguel Tanfelix dahil nabigyan na ito ng pagkakataon na magbida sa sarili niyang drama-action series na ‘Mga Batang Riles.’

Makakasama rito ni Miguel ay sina Kokoy De Santos, Raheel Bhyria, at Antonio Vinzon.

Unang nagbida si Miguel sa teleserye na ‘Niño’ noong 2014. Huling siyang napanood sa ‘Voltes V: Legacy’ at kasalukuyang nasa season 2 ng ‘Running Man Philippines.’

Nag-training na raw sa martial arts at street fighting si Miguel noong ginagawa nila ang VVL. Handa raw siya sa mas matinding training tulad ng kay Ruru Madrid.

Hilig din ng former StarStruck Kids runner-up ang sports name basketball, wakeboarding at motorcross racing.

Nasa cast din ng MBR sina Bruce Roeland, Desiree del Valle, Jay Manalo, Zephanie, Eva Darren, Diana Zubiri, at Ronnie Ricketts.

***

BALIK sa paggawa ng teleserye si Rabiya Mateo at may guest role siya sa epic-serye ng GMA na ‘Pulang Araw’.

Ayon sa former Miss Universe Philippines, naging busy siya sa ilang hosting jobs, pero na-miss daw niya ang umarte.

“I’m still doing workshop, para ma-allow ko rin ‘yung sarili ko to different acting range kasi isa siguro sa pinakamahirap bilang aktres is that to put yourself talaga sa character and alisin lahat ng identity ko bilang Rabiya, bilang isang beauty queen na it’s far different talaga sa pagiging artista.

“I have a special participation sa Pulang Araw at nakaka-proud talaga na bilang isang Pilipino na ‘yung teleseryeng ito, ibabalik tayo sa 1940s para makita natin, masaksihan natin ang history ng Pilipinas,” sey ni Rabiya na huling napanood sa revenge drama na Makiling.

***

NAKAKUHA ng pinakamaraming nominations sa 76th annual Primetime Emmy Awards ang comedy series na The Bear at ang drama series na Shōgun.

May 23 nominations ang The Bear at 25 naman ang Shōgun. Umani rin ng multiple nominations ang shows na Only Murders in the Building (21); True Detective: Night Countr (19) and The Crown (18).

By network, ang Netflix ang namayagpag with 107 nominations this year, followed by FX with 93 and HBO with 91.

Magaganap ang awards night on September 15at the Peacock Theater in Los Angeles, California.

(RUEL J. MENDOZA)

KUNG meron mang aktres na dapat tularan ng mga celebrities na mahilig magpapatol sa mga isyu sa kanila ay kakaiba ang Kapamilya aktres Kim Chiu.

Hindi si Kim ang tipong papatol sa mga isyu na ibinabato sa kanya online, huh!

Kung merong mga celebrity na konting banggit lang ng pangalan nila ay agad may sagot sa isyu, ibahin natin ang isang Kim Chiu.

Sabi pa nga ni Kim sa isang interview sa kanya na hindi raw niya ugaling sumagot agad sa mga isyu.

“I’m not a fan of answering someone online. It will just light the fire. Parang pini-feed mo ‘yung snake for you to bite. Mas maganda na huwag mo siya pansinin. Just go on with your truth.

“Nakaka-waste of time na dapat i-enjoy mo ‘yung what’s happening to you, kaysa ‘yung idi-deal mo ‘yung mga false stories, mga bashers, mga doubters.

“Hindi mo tuloy ma-enjoy ‘yung magandang life in front of you if you keep on looking back.” sey pa ng magaling na kapuso aktres.

Dagdag pa ni Kim sa naturang interview na nasa kanya ang kalayaang pumatol o deadma na lang sa naturang mga intriga, huh!

“I have my freedom on what to share and what not to share. Just go to my Instagram, you’ll know what’s happening. Anong show ko, anong ginagawa ko,” lahad pa rin ng aktres.

Dagdag pa ni Kim na hindi niya pinapansin ang mga sasabihin ng iba, alam naman daw niyang inaabangan ng iba ang sasabihin niya na maaring mas lumikha ng mas matindi pang apoy.

Lalong napupuri si Kim sa attitude niyang pangdededma sa mga basher, doubter at iba pa, huh!

Mas inaabala niya ang sarili para mas maging healthy at confident.

Binanggit pa rin ni Kim na alam niya ang boundary ng mga dapat i-share at hindi.

Kaya raw naman parating grateful si Kim.

“The most important thing is to be grateful.

“You’re not always on top. At a certain point, mukhang wala ka rin dyan. Be grateful all the time and just enjoy what you have right now. Kasi hindi naman ‘yan forever,” banggit pa rin ng Cebuanang aktres.

***

SA programang “Fast Talk with Boy Abunda ay ipinahayag ni Nadia Montenegro na kinilala naman daw ng aktor na si Baron Geisler ang kanilang anak.

May mga pagkakataon lang daw na hindi umano matanggap ng aktres ang mga mga oras na kung saan lasing ang aktor na kinakausap ang anak nilang si Sophia sa telepono.

“They were always in contact, from social media but never like hide, walang gano’n. It was just, I’m okay.

“Pero, huwag nating kalimutan na, bakit ba tumagal nang ganito. Unlimited chances from someone to change. Give me a reason na ipaharap kita sa kanya, nang sober ka. No, the drunk text messages to my daughter, you think that would help her?

“You came out to an interview all of a sudden without even asking us? Even if you didn’t mention my name, sa tingin mo hindi kami nabulabog? Did you even think for a while, what would happen to your daughter? “ sunod sunod pang balik tanong Nadia sa host ng show na si kuya Boy.

Ayon pa rin kay Nadia ay open secret naman daw ang isyu sa kanila ni Baron.

Matatandaang nagbigay ng pahayag si Baron sa tungkol dito.

Naibahagi ng aktor sa publiko noon ang tungkol sa kanyang pakitutungo sa panganay na anak.

“Dahil may inamin siya sa interview then pinick-up na naman ng masasamang elemento. So ayun, (naapektuhan sa) school, friends, she was bullied. Someone all of a sudden just posted on student council page a picture of Baron in jail, ‘Kaninong tatay ‘to?’“ kailangan ko pa bang ikwento? Kung anong pinagdaanan namin just to keep our peace?

“This is my life. This is my children’s lives. This is my story, No one has the right to tell my story. I’ve always on my mistakes, But let me say kung ano ang pagkakamali ko, hindi ikaw.

“Hindi ko kailangan ng spokesperson. I’ve always faced my battle, I’ve always fought them head on. Why, because I pray. I do things not because I wanna hurt people. I do things now because I want people to learn from my mistakes. “Hindi ko kinakalat ito para mag-entertain, or para pagpiyestahan ninyo ang buhay ko o buhay ng anak ko. I want this to end because my daughter is turning 18 soon.

“And she does not need to come out to this world and answer questions for her mother. So, I’m putting an end to this now,

“So, I’m happy. I have a child named Sophia and she does not need anything else in this world because she’s complete,” mahabang litaniya pa ni Nadia Montenegro.

NGAYONG Linggo (Hulyo 21), maglalakbay si Atom Araullo sa malawak, malalim, at masalimuot na mundo ng Philippine Offshore Gaming Operators (POGO) sa “The Atom Araullo Specials: POGO Land” na ipalalabas sa 3 p.m. sa GMA.

Sa nakalipas na mga buwan, nagsagawa ang mga awtoridad ng magkakasunod na pagsalakay sa mga POGO hub sa buong bansa.

Ang mga ito ay dating online na casino, ngunit pagkatapos mawalan ng kanilang mga lisensya, ito ay naiulat na naging pugad ng mga scam farm kung saan nagaganap ang iba’t ibang uri ng pandaraya.

Marami sa mga scammer ay naging biktima umano ng human trafficking. Pinangakuan sila ng disenteng trabaho, ngunit nauwi sa pagiging scammer. Ang ilan ay sumailalim sa torture at parusa kung hindi nila maabot ang mga quota na itinakda ng mga scam hub.

Noong Marso ng taong ito, mahigit 800 umano’y biktima ng human trafficking ang nailigtas ng Presidential Anti-Organized Crime Commission (PAOCC) at Philippine National Police (PNP) mula sa POGO hub sa Bamban, Tarlac, na nasa likod mismo ng munisipyo. bulwagan.

Nakausap ni Atom at ng kanyang team ang isang Filipino na dating nagtrabaho sa POGO hub sa Bamban.

Ayon kay “Nestor,” siya ay naatasan na mag-operate sa romance o love scams. Papaibigin niya ang mga biktima, pagkatapos ay sa huli ay mauuwi lang sa pangloloko.

Si “Wilson” ay natagpuang nakaposas sa isang bedframe; ang kanyang katawan ay punum-puno ng mga pasa at paso ng sigarilyo. KInuryente rin siya. Malalaman din ni Atom ang iba pang krimen tulad ng kidnap-for-ransom.

Habang naglilibot si Atom sa mga inabandunang POGO hub, nabunyag ang mga bakas ng malawakang operasyon ng mga scam farm.

Natagpuan ang mga bagay na ginamit para sa pang-aabuso o pagpapahirap sa mga biktima, kasama ng mga mantsa ng dugo sa mga kama at dingding ng mga silid.

Nitong nakaraang buwan lang, nakatanggap ng tip ang mga awtoridad na isa sa mga utak ng operasyon ng POGO ay nagtatago sa isang resort sa Angeles City, Pampanga. Bilang tugon, agad na nakipagpulong ang “The Atom Araullo Specials” team sa PAOCC at sa mga pulis sa target na lokasyon.

Sa kanilang imbestigasyon kasama ang mga awtoridad, ano pa ang mabubunyag ng “The Atom Araullo Specials”?

Abangan ang “The Atom Araullo Specials: POGO Land” ngayong Linggo (Hulyo 21), 3 p.m. sa GMA.

***

FIRST LADY LIZA ARANETA-MARCOS, NAMAHAGI NG MOBILE CLINICS

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng mga modernong Mobile Clinic para sa mga malalayong lalawigan sa Luzon, upang ipalapit sa mga mamamayan ang pagbibigay ng modernong pagpapagamot sa ilalim ng programang “Bagong Pilipinas”.

Malaking tulong ito upang patuloy na mailapit ang serbisyong pangkalusugan para sa mga taga-lalawigan na naninirahan sa malalayong lugar, lalo’t higit ito ang pangunahing layunin ng Unang Ginang ay bigyan ng dekalidad na health care system ang bawat Pilipino.

Kargado ang bagong mobile clinic ng ilang medikal na kagamitan gaya ng ultrasound, X-ray, cholesterol and glucose monitors, 12-lead ECG, clinical hematology analyzer, microscope, spiro­meter, infrared forehead thermometer at generator.

Ang distribusyon ng mga mobile clinics ay bahagi ng collaborative effort sa pagitan ng Unang Ginang at ng Department of Health (DOH) at sa pakikipagtuwang na rin sa Department of Local Government Unit, Philippine Charity Sweepstakes Office, at Act Agri-Kaagapay Organization.

Ang inisyatiba ay nasa ilalim ng “Libreng Laboratoryo, Konsulta, at Gamot Para sa Lahat” or LAB program, na isang healthcare project na pinasimulan ng supportive at compassionate na maybahay ni Pangulong Ferdinand Marcos Jr. at inilunsad kamakailan sa Maynila.

Ang naturang kontribusyon ay naka-align sa dedikasyon ng pamahalaan sa universal health coverage, na isang mahalagang aspeto sa pagkakaloob ng mga modernong medical at health care sa mga Pinoy, partikular sa mga magsasaka at yaong mga nasa malalayong lugar.

Binigyang-diin din ng Unang Ginang Liza ang kahalagahan ng pagkakaroon ng accessible healthcare para sa mga Pinoy.

Alinsunod sa bisyon na ito, ang mga mobile clinics ay may mahalagang papel sa pagkakaloob ng preventive health services direkta sa mga komunidad.

(ROHN ROMULO)