IPINAGDIWANG ng Metro Manila Film Festival (MMFF) ang pagsisimula ng golden jubilee noong Hulyo 16. 2024, na may engrandeng paglulunsad ng ika-50 edisyon na may temang ‘Sine-Sigla sa Singkwenta.’

Itinampok ng espesyal na kaganapang ito ang makabuluhang kontribusyon ng MMFF sa lokal na pelikula. at entertainment industry, gayundin ang papel nito sa pagpapalakas ng malikhaing ekonomiya ng bansa sa pamamagitan ng pagbuo ng mga job fora mga Pilipino.

Dumalo si First Lady Louise Araneta-Marcos, ay isang masugid na tagasuporta ng sining at kultura ng Pilipinas. Pinuri niya ang MMFF bilang beacon of Filipino creativity and talent sa loob ng limang dekada, na nagpapatingkad sa makabuluhang impluwensya nito sa diwang masining ng bansa.

Nanguna sa mga seremonya sina MMFF at Metropolitan Manila Development Authority (MMDA) Chair, Atty. Romando Artes.

Binigyang-diin niya ang makabuluhang suporta para sa industriya ng pelikula. stating, “Nais kong banggitin na simula 2016, ang mga amusement taxes na nai-waive ng mga LGUs para sa MMFF ay 100 porsiyento nang inilaan sa ating mga benepisyaryo, tulad ng Movie Workers Welfare Fund (MOWELFUND), Film Academy of the Philippines ( FAP), Motion Picture Anti-Film Piracy Council, Optical Media Board (OMB), at Film Development Council of the Philippines (FDCP) – isang pagkilala sa kanilang kontribusyon sa industriya. Ito ay nagpapakita ng ating suporta sa ating masisipag na manggagawa pelikula, na ngayon sa kanila na ipagpatuloy ang kanilang gawain sa larangan ng paggawa ng pelikula.”

Isa nga sa mga highlight ng selebrasyon ay ang pagri-reveal ng ng first five official movie entries para sa #MMFF50, na Mula sa 39 scripts na sinumite.

Ang first five entries for the #MMFF50 Metro Manila Film Festival (MMFF) ay ang mga sumusunod:”

1. And the Breadwinner Is (ABS-CBN Films Prod./The IdeaFirst Compamy)
Starring Vice Ganda, Eugene Domingo, Maris Racal, Kokoy De Santos, Anthony Jennings, Gladys Reyes and Ms. Gina Pareño
Directed by Jun Robles Lana
2. “Green Bones” (GMA Films)
Starring Sofia Pablo and Dennis Trillo
Directed by Zig Dulay
3. “Strange Frequencies: Haunted Hospital” (Reality MM Studios, Inc.)
Starring Enrique Gil, Rob Gomez, Jane De Leon, Alexa Miro and MJ Lastimosa
Directed by Kerwin Go
4. “Himala, Isang Musikal” (Kapitol Films/Unitel, Inc.)
Starring Aicelle Santos, Bituin Escalante, David Ezra, Vic Robinson
Directed by Jose Lorenzo ‘Pepe’ Diokno
5. “The Kingdom” (APT Entertainment, Inc./MZet TV Prod. Inc./MQuest Ventures, Inc.)
Starring Vic Sotto Sue Ramirez Cristine Reyes Sid Lucero and Piolo Pascual
Directed by Michael Tuviera

***

ISANG commemorative video ang nagpakita ng limang dekada ng ng MMFF sa naka-apekto sa Philippine cinema, na nagtapos sa pagbubunyag ng 50th-anniversary logo. Binigyang-diin ng visual tribute na ito sa legacy ng festival at ang mga kontribusyon nito sa industriya ng pelikula.

Ang mga naging host na sina Jake Ejercito at Isabelle Daza ay nananatiling nakatuon sa kanilang pagtatanghal ng serye ng buwanang aktibidad na binalak upang gunitain ang milestone anniversary:
Agosto: Paglunsad ng isang espesyal na MMFF classic posters mural sa pakikipagtulungan sa i-Academy.

Setyembre: ‘Sine-Singkwenta’, tampok ang 50 piling pelikulang Pilipino na ipinalabas sa mga sinehan sa halagang P50 lamang.

Oktubre: Regional launching ng MMFF50, kasama ang MMFF50 Student Film Caravan sa Universidad de Manila sa pakikipagtulungan ng Film Development Council of the Philippines (FDCP). Ang kaganapang ito ay magtatampok ng dalawang araw na masterclass sa pagdidirek, pag-arte, cinematography, at scriptwriting para sa 100 senior high school at mga mag-aaral sa kolehiyo
Bukod pa rito, magkakaroon ng celebrity golf tournament at MMFF50 Masterclass with international Filipino screenwriters, producers, at animators.

Disyembre: Ang annual MMFF50 parade sa Disyembre 15, ang Movie Premiere week mula sa December 15 to December 20, MMFF Sponsors Night sa December 21, and the highly anticipated MMFF50 Gabi ng Parangal on December 27.

To commemorate this event. MMFF will present a customized trophy for the Gabi ng Parangal, crafted by renowned Filipino artist na si Jefre.

Nagpahayag din ng suporta si Manila Mayor Honey Lacuna, na itinampok ang papel ng MMFF sa kultura at ekonomiya ng lungsod. Nabanggit niya na ang MMFF ay naging mahalagang bahagi ng kultural at pang-ekonomiyang eksena ng Maynila, na nagtaguyod ng parehong artistikong talento at espiritu ng komunidad.

Binigyang-diin ni Mayor Lacuna na ipinagmamalaki ng lungsod na suportahan ang isang kaganapan na nagpapayaman sa pamana nitong kultura nagbibigay ng trabaho at inspirasyon para sa mga tao nito.

Noong Setyembre 1975, pinalawak ni dating Pangulong Ferdinand Marcos ang saklaw nito upang isama ang kalakhang Maynila, na pinangalanan itong ‘Metropolitan Film Festival.

Ngayon, ang MMFF ay isang taunang kaganapan na inorganisa ng MMDA at ginaganap sa buong bansa, simula sa Araw ng Pasko hanggang sa Araw ng Bagong Taon at hanggang sa unang linggo ng Enero, na eksklusibong nakatuon sa mga pelikulang gawa ng Filipino.

(ROHN ROMULO)

PINASAYA ni Alden Richards ang mga Kapamilya dahil guest siya ngayong araw ng Sabado, July 13 sa ‘It’s Showtime!’

Ang nakakatuwa pa kay Alden, paglabas niya onstage ay isa-isa niyang bineso ang mga hosts ng naturang Kapamilya noontime show, minus Vice Ganda na wala sa show at nasa Japan yata?

Hindi lamang iyan, bumaba si Alden sa audience section at isa-isang kinamayan ang mga taong nanonood sa studio!

Biro nga ni Ogie Alcasid welcome raw sa meet-and-greet ni Alden. Ganoon na,an talaga ka-friendly at kabait si Alden sa mga fans, kaya naman walang kupas ang kasikatan ng binatang Kapuso.

Nag-promote na rin si Alden ng pelikulang gagawin nila ni Kathryn Bernardo ang ‘Hello Love Again’ at malapit na raw silang lumipad patungong Canada ni Kathryn kung saan ang location ng shoot ng movie na isa na namang potential box-office.

At nakakatuwa rin na malayang nai-promote ni Alden sa Kapamilya Network ang upcoming serye nila sa GMA ang ‘Pulang Araw’ kung saan magkakasama sila nina Barbie Forteza, Sanya Lopez, David Licauco at Dennis Trillo na mapapanood na sa GMA simula July 29.

Who would have imagine na darating ang araw na ang show sa channel 7 ay maipa-plug sa channel 2?

Wala na nga yatang imposible sa showbiz.

***

GANDANG-GANDA kami sa mukha ng bagong alaga ni Rams David na si Jess Martinez.

Si Jess, na napapanood sa ‘Abot Kamay Na Pangarap’ at talent ng Artist Circle Talent Management.

Aware si Jess na nangunguna sa ratings game ang naturang serye.

“Yes, tapos ilang years na,” bulalas niya.

Hindi raw siya pressured tungkol dito.

“No, naman kasi I love what I’m doing so hindi siya pressure for me. Actually I’m very honored nga to be part of the show kasi yung mga artista na nandun very bigatin.

“So to be able to be there parang it’s a huge thing for me.”

Nakatsika namin si Jess sa opisina ng Medicare Plus kung saan nagtungo si Jess upang gumawa ng Tiktok videos kasama ang South Korean actor/model at ‘Handsome Tigers’ star na si Moon Su-in na brand ambassador ng Medicare Plus.

Present rin ng araw na iyon, sina Rams at Shyr Valdez na brand ambassador rin ng Medicare Plus at si JayJay Viray na CEO ng Medicare Plus.

Si Jess rin ang celebrity endorser ng Skinlandia, ang bagong beauty and wellness clinic na kapatid ng Nailandia Nail Studio and Body Spa na kapwa pag-aari ng mag-asawang Noreen at Juncynth Divina.

Ano ang pakiramdam na ineendorso niya ang isang bagong clinic na pampaganda at masasabing nakasalay rin sa kanya ang tagumpay nito?

“Well hindi naman siya nakaka-pressure for me pero grabe,” bulalas ni Jess, “I was like super-happy na grabe ang tiwala sa akin ng Skinlandia family kasi andaming ibang artists and then established na yung Nailandia so madali na lang ipaingay yung Skinlandia.

“So they have a lot of options pero ako yung pinili so grabe,” ang masayang sambit pa ni Jess.

“More on grateful than pressured.”

(ROMMEL L. GONZALES)

SIGURADO na raw ang pagbabalik ni Isko “Yorme” Moreno sa pulitika at sa siyudad ng Maynila.

Tatakbong muli ang dating alkalde ng Maynila na tumalo sa nakaupong mayor noon na si Erap Estrada.

Supposed to be sa senado ang puntirya ni Yorme pero biglang nag-decide siya na babalikan ang pamumuno sa Manila City Hall.

Umarangkada rin naman sa survey ng mga senatoriables si Yorme pero ayon sa nakuha naming info ay mukhang hindi pa raw nagkakasundo ang partido ni Isko kung kanino sila makipag-alyansa.
Isang cabinet posisyon ang ino-oper sa aktor/politician ng pamunuan ni PBBM pero tinanggihan yun ni Yorme

Ngayong nagdesisyon na si Isko, marami ang nagtatanong kung itutuloy ni Mayor Honey Lacuna ang pagtakbo sa kongreso kung sakaling babalikan ni Yorme ang dating posisyon.

Pero ang latest, hindi raw bibitiwan ni Mayor Honey ang pagiging mayor ng Maynila kesehodang si Isko ang makakalaban niya.

Kaya ngayon nagkakagulo ang mga pulitiko sa Maynila. May aanib pa rin kay Lacuna pero mas higit at karamihan sa mga ito ay nasa tiket ni Isko Moreno.

***

TUMAGAL ng tatlong taon ang relasyon ng dating magkasintahang Bea Alonzo at Dominic Roque.

Maraming mga natutunan daw si Bea sa pakikipagrelasyon niyang yun na nauwI lang sa wala.

”Well, I’ve always known I’m resilient but I didn’t know I’m less resilient. That made me stronger. Natutunan kong i-cancel talaga ‘yung mga noise na hindi kailangan sa buhay ko.

“And I accept or embrace those opinions that adds values to my life. Maraming salamat, I’m grateful to all the beautiful memories and even the not so beautiful memories because it made me stronger. It made me who I am right now,” sey pa ni Bea sa interview sa kanya ni Kuya Boy Abunda sa “Fast Talk with Boy Abunda.“

Dagdag pa ng magaling na aktres na medyo ini-enjoy daw niya ngayon ang sarili sa na dating hindi raw niya nagawa.

“I’m just having fun, meron na rin akong time makipag-hangout sa mga kaibigan ko and do the things that made me happy. I’m just enjoying my life. I guess I’m embracing the uncertainty,” say ni Bea.

“Kasi na-realize ko, minsan marami tayong plano sa buhay natin but God’s plans are always better. So, I’m just here to embrace the uncertainty. Kung ano ‘yung nakalaan para sa akin,” seryosong banggit pa ng Kapuso aktres.

(JIMI C. ESCALA)

INILABAS na ng PMPC ang partial list ng mga nagwagi sa minor at technical categories ng 40th Star Awards for Movies.

Kasama na rin ang special awards sa pangunguna nina Alden Richards at Julia Montes na nanalong Movie Loveteam of the Year para sa pelikulang “Five Breakups And A Romance” at pagbibigay ng parangal sa mag-asawang sina Dingdong Dantes at Marian Rivera bilang Takilya King and Queen para sa record-breaking movie nilang “Rewind.”

Itinanghal bilang Movie Supporting Actor of the Year si JC Santos para sa “Mallari” at si LA Santos para sa “In His Mother’s Eyes.” Si Gladys Reyes naman ang nagwaging Movie Supporting Actress of the Year para sa “Here Comes The Bride.”

Ang Movie Ensemble Acting of the Year ay nakuha ng cast ng “Mallari”.

Ang New Movie Actor of the Year ay si Dustin Yu (Shake Rattle And Roll Extreme – Rage episode) at ang New Movie Actor of the Year ay si Ysabel Ortega (Firefly).

Wagi naman si Euwenn Mikaell (Firefly) ng Movie Child Performer of the Year.

Malalaman ang mga nagsipagwagi sa huling anim na major categories sa mismong Gabi ng Parangal na magaganap sa July 21, 2024 sa Henry Lee Irwin Theater, Ateneo De Manila University, Quezon City.

Kabilang dito ang Movie Actress of the Year, Movie Actor of the Year, Movie of the Year, Movie Director of the Year, Indie Movie of the Year, at Indie Movie Director of the Year.

Kaabang-abang kung sino sa apat na movie queens na magsasabong – sina Star for All Seasons Vilma Santos (When I Met You In Tokyo), Megastar Sharon Cuneta (Family Of Two), Diamond Star Maricel Soriano (In His Mother’s Eyes), at Superstar Nora Aunor (Pieta) – ang tatanghaling Movie Actress of the Year.

O baka naman masilat pa ang parangal ng iba pang nominadong aktres na kinabibilangan nina Gina Alajar (Monday First Screening), Ai-Ai delas Alas (Litrato), Alessandra De Rossi (What If), Gladys Reyes (Apag), Kathryn Bernardo (A Very Good Girl), at Marian Rivera (Rewind).

Maglalaban naman para sa Movie Actor of the Year sina Christopher De Leon (When I Met You In Tokyo), Dingdong Dantes (Rewind), Piolo Pascual (Mallari), Coco Martin (Apag), Alden Richards (Five Breakups And A Romance), Cedrick Juan (Gomburza), Roderick Paulate (In His Mother’s Eyes), Romnick Sarmenta (About Us Not About Us), Sean De Guzman (Fall Guy), at Alfred Vargas (Pieta).

Espesyal ang magiging selebrasyon ng PMPC ng ika-40 taon o apat na dekada ng Star Awards for Movies kaya naman apat na tinitingalang mga artista ang pararangalan ng Dekada Awards – sina National Artist Nora Aunor, Christopher de Leon, Piolo Pascual, at Vilma Santos.

Napili ang apat na Dekada Awardees base sa pinakamaraming bilang ng Acting Awards na napanalunan sa loob ng 40 taon o apat na dekada ng Star Awards for Movies (Top 2 for actors, Top 2 for actresses).

Igagawad ang Lifetime Achievement Awards sa dalawang haligi ng Philippine showbiz na sina veteran actress Liza Lorena (Nora Aunor Ulirang Artista Lifetime Achievement Award) at veteran movie producer Vic del Rosario Jr. (Ulirang Alagad ng Pelikula sa Likod ng Kamera Lifetime Achievement Award).

Bibigyang-parangal ng Ethel Ramos Dean’s Lister Award ang veteran columnist at dating PMPC President na si Ronald Constantino dahil sa malaking ambag niya sa club at maging sa industriya.
Ang 40th Star Awards for Movies ay inoorganisa ng mga opisyal at miyembro ng PMPC sa pangunguna ng Pangulo nito na si Rodel Ocampo Fernardo. Katuwang ng PMPC ang Airtime Marketing ni Tess Celestino-Howard. Ang awards night ay ididirehe ni Eric Quizon.

Ang kabuuan ng awards night ay ipalalabas sa A2Z sa July 27, Sabado,10:30 ng gabi.

EXTRA special daw ang GMA Gala 2024 on July 20 para sa JulieVer loveteam nila Julie Anne San Jose at Rayver Cruz dahil iyon din ang 35th birthday ng actor.

“Tumama on Ray’s birthday kaya parang big celebration iyon for him. May instant birthday party siya na star-studded pa,” tawa ni Julie.

Ready na raw ang isusuot ni Rayver at wala pa siyang clue kung ano ang isusuot ni Julie sa gala.

“Sinisikreto pa, e. Pero confident naman ako kay Juls kasi pasabog ang mga gowns niya parati. Lagi naman kaming coordinated sa tulong ng stylist namin,” sey ni Rayver.

Muling ring magkasama sa Sparkle World Tour 2024 ang JulieVer at inaabangan na sila ng kanilang fans sa California sa August kunsaan kasama nila sina Alden Richards, Isko Moreno, Boobay at Ai-Ai delas Alas.

“Sobrang excited talaga ako whenever I performed for our fellow kababayans abroad, kasi gusto ko na nadadala ko ‘yung Pilipinas sa kanila,” sey ni Julie.

Sey ni Rayver na mabenta sa Pinoy fans ang mga duet nila ni Julie: “Solid ang mga prod numbers especially kapag may duet kami ni Juls kasi hands-on si Juls kapag may duets kami.”

***

KUNG hindi raw naging singer si Stell Ajero ng SB19, malamang daw ay cook siya sa barko.

Paliwanag ni Stell, na-inspire daw siya noon sa Korean drama na Baker King: “Na-inspire ako, parang gusto kong mag-bake. Hanggang sa nag-decide ako na try ko mag-HRS.”

Ngayon ay di na kailangan magpawis sa kusina si Stell dahil isa na siya sa hinahangaan na singers ng kasalukuyang henerasyon.

Abala ngayon ang “Room” singer sa magiging concert nila ni Julie Anne San Jose na JulieXStell: Ang Ating Tinig, on July 27 at 28 sa New Frontier Theater.

Nabuo ang tandem nila dahil sa kanilang pagiging coach sa The Voice Philippines last year.

***

PUMANAW na ang isa sa beloved Hollywood star na sumikat noong ‘70s and ‘80s na si Shelley Duvall.

Duvall was 75 and died in her sleep sa kanyang bahay sa Blanco, Texas last July 11. Ayon sa kanyang life partner na si Dan Gilroy na nakipaglaban ito sa sakit na diabetes at noong 2016 ay nagkaroon ito ng mental illness.

Unconventional ang physical beauty ni Duvall dahil sa kanyang payat na katawan at mga bilugang mata. Dahil sa quirky looks kaya siya napiling gumanap bilang si Olive Oyl sa live-action adaptation ng cartoons na Popeye in 1980.

Di malilimutan ng horror film fans si Duvall dahil sa pagganap niya as Millie sa The Shining (1980) kunsaan napanalunan niya ang best actress award sa Cannes Film Festival.

Ang iba pang pelikula ni Duvall ay Brewster McCloud, Annie Hall, 3 Women, Time Bandits, Frankenweenie, Changing Habits, Homes Fries, The Portrait of a Lady, Roxanne at Nashville. Huli siyang napanood sa The Forest Hills in 2022.

(RUEL J. MENDOZA)

LABIS ngang ikinatuwa ni King of Talk Boy Abunda ang pagpayag ni Bea Alonzo para ma-interview sa episode ng “Fast Talk with Boy Abunda” nitong Huwebes.

Sa pagsisimula ng naturang talk show, ipinakilala ni Kuya Boy si Bea at mukhang magyayakapan ang dalawa para magbatian ngunit hindi natuloy kaya naupo na lang sila.

Say ni Kuya Boy, “This is an interview that people thought would never happen,” panimula ni Tito Boy.

“I know,” tugon naman ni Bea.

“So let me start by saying that may I have a consent to hug you?” tanong ng host kay Bea.

“Tito Boy, ang hug hindi na pinagpapaalam pa,” sagot naman ng aktres, kaya nagyakapan sila ng mahigpit.

Unang inusisa ni Kuya Boy kung kamusta na si Bea.

“Um, I’m just really enjoying my life. I guess I’m embracing the uncertainty. Kasi na-realize ko, minsan marami tayong plano sa buhay natin, pero God’s plans are always better.

“And so I’m just here to embrace the uncertainty kung ano yung nakalaan para sa akin,” say ng Kapuso actress.

Matatandaang early this year ay naghiwalay sina Bea at dating mapapangasawa na si Dominic Roque.

“Well, I’ve always known I am resilient but I didn’t know I’m this resilient,” ani Bea.

“Yes, it made me stronger. And na-realize ko at natutunan kong i-cancel talaga ‘yung mga noise na hindi kailangan sa buhay ko.

“And just accept or embrace, again, the magic word, those opinions that add value to my life,” pagpapatuloy niya.

Matatandaan din na si Kuya Boy ang naglabas ng balita sa “Fast Talk With Boy Abunda” na naghiwalay na talaga ang dalawa base sa kanyang reliable sources.

After this, naglabas na rin ng official statement sina Bea at Dominic para kumpirmahin na tapos na ang relasyon at hindi na matutuloy ang kasal.

Kasama ang pagpuna nila sa mga ulat na kinumpirma ng ibang tao ang kanilang paghihiwalay nang walang concerned.

Kaya sa Thursday episode ng Fast Talk with Boy Abunda, sinabi ni Kuya Boy, “You and I, I think, share the same idea that we should close the discussion about your past relationship. And I want to do it here, at least on behalf of myself.”

Tinanong din niya si Bea kung paano isasara ng aktres ng yugto nila ni Dominic.

“It’s so hard. I mean, that’s a very hard question. But, siguro top of mind, na naisip ko lang ngayon, maraming salamat.

“I’m grateful to all the beautiful memories and even the not so beautiful memories because it made me stronger, it made me who I am right now. Yeah. Ang hirap ng tanong!” tugon pa isa sa bida nang pinag-uusapang Kapuso Primetime series na “Widows’ War”.

Puring-puri naman ni Bea ang kasama niya sa serye na si Carla Abellana, dahil napaka-professional nito at hindi feeling primadonna.

Inamin din ni Bea, ang tindi ng sampal na natanggap niya mula kay Jean Garcia na pinupuri rin sa ‘Widow’s War’, na umabot daw sa third level.

Ramdam na ramdam daw niya ang sakit nito, kasunod na parang nagna-numb at pangatlo, parang may pins and needles na tumutusok sa pisngi niya.

Pero worth it naman at masasabi niyang nasampal na siya ng isang Jean Garcia.

(ROHN ROMULO)

MATAPOS ang matagumpay na The 7th EDDYS (Entertainment Editor’s Choice) nitong Hulyo 7, 2024 na ginanap sa Ceremonial Hall ng Marriott Grand Ballroom, Newport World Resorts, sa Pasay City, mapapanood na ang kabuuan nito ngayong Linggo, July 14, 10 p.m. sa ALLTV mula sa direksyon ni Eric Quizon.

Star-studded ang Gabi ng Parangal para sa ika-7 edisyon ng The EDDYS ng Society of Philippine Entertainment Editors (SPEEd) sa pangunguna ng mga bituing nagwagi sa major acting awards at mainit na pinag-usapan hanggang sa kasalukuyan.

Present sa maningning na Gabi ng Parangal si Julia Montes na siyang nagwaging best actress para sa pelikulang “Five Breakups And A Romance” at si Piolo Pascual na itinanghal namang best actor para sa “Mallari.”

Hindi naman nakarating si Charlie Dizon na naka-tie ni Julia para sa pelikulang “Third World Romance.”

Bukod dito, ginawaran din sina Julia at Piolo bilang Box-Office Heroes matapos tumabo sa takilya ang kanilang mga pelikula kasama ang Kapuso Primetime King & Queen na sina Dingdong Dantes at Marian Rivera para sa “Rewind” at Kathryn Bernardo para naman sa “A Very Good Girl.”

Personal ding tinanggap ng mga EDDYS Icons para sa 2024 na sina Nova Villa, Leo Martinez, Eva Darren at Gina Alajar ang kanilang mga tropeo. Ang ikalimang awardee na si Sen. Lito Lapid ay hindi nakarating ngunit naroon ang kanyang pamangking si Atty. DX Lapid bilang representative.

Ngayong taon, itinanghal ang “About Us But Not About Us” bilang Best Film at Best Director naman si Jun Robles Lana para pa rin sa naturang pelikula. Na tinanggap ng director-producer na si Perci Intalan.

Dumalo rin ang producer ng “Mallari” na si Bryan Dy ng Mentorque Productions na siyang itinanghal na Rising Producer of the Year, na limang beses umakyat ng stage.

Ang Best Supporting Actress award ay naiuwi ni Gladys Reyes para sa “Apag” at ang Best Supporting Actor ay iginawad kay Enchong Dee para sa “GomBurZa”.

Nagsilbing host ang itinanghal na Best Actress sa 6th EDDYS na si Janine Gutierrez (para sa “Bakit Di Mo Sabihin?”) kasama ang Kapuso Millennial It Girl na si Gabbi Garcia at movie at TV actor Jake Ejercito.

Nagkaroon ng espesyal na pagtatanghal sa 7th EDDYS ang award-winning singer na si Jed Madela, Ultimate Singer-Songwriter Ogie Alcasid, drag queens Rampa Reynas at ng mga promising young artists na sina Elisha Ponti at Andrea Gutierrez.

Nagsilbing Red Carpet host naman ang veteran radio-online personality na si Mr. Fu.

Ilan sa mga naging presenters sa awards night ay ang acting winners ng 6th EDDYS — best actor Elijah Canlas, ang ka-tie ni Janine bilang best actress na si Max Eigenmann, best supporting actor na si Mon Confiado, at best supporting actress na si Nikki Valdez.

Nag-present din ng awards sina Sen. Bong Revilla, Congresswoman Lani Mercado, Cedrick Juan, James Reid, Direk Jose Javier Reyes, Joross Gamboa, Arnell Ignacio, RS Francisco, Liza Reyes ng Globe Telecoms, Kelley Day, Michael Sager, Jeric Gonzales, Miss Switzerland Franki Russell, Christophe Sommereux, Beaver Magtalas, Khai Flores, Shaira Tweg, at ang acting director ng PCSO na si Imelda Papin.

Naroon din si Korina Sanchez na binigyan ng Joe Quirino Award habang tinanggap naman ng magkapatid na CJ at Peach Caparas ang posthumous award para sa kanilang yumaong amang si Direk Carlo J. Caparas.

Dumalo rin ang director-producer na si Perci Intalan na siyang tumanggap ng mga tropeo para sa mga awards ng “About Us But Not About Us” at ang producer ng “Mallari” na si Bryan Dy ng Mentorque Productions na siyang itinanghal na Rising Producer of the Year.

Tinanggap ni dating Ilocos Sur Gov. Chavit Singson at former House Speaker Sonny Belmonte (para sa anak niyang si Quezon City Mayor Joy Belmonte) ang Isah V. Red award.

Present din ang aktor na si Leandro Baldemor na siyang nagdisenyo at lumikha ng bagong tropeo ng The EDDYS.

Ilan sa mga nominado sa iba’t ibang kategorya ay dumalo rin sa awards night kabilang na sina Romnick Sarmenta at Keempee de Leon.

Sa pakikipagtulungan ng Newport World Resorts at ALLTV, naging kaagapay din ng SPEEd sa pagtatanghal ng The 7th EDDYS ang Globe Telecom at iFern/Kim’s Diary.

Katuwang din ng grupo ngayong taon si DILG Secretary Benhur Abalos, Mayor Albee Benitez, Beautéderm ni Rhea-Anicoche Tan, Unilab, Frontrow, Kat Corpus Atelier, Sen. Chiz Escudero, Sen. Bong Revilla, Camille Villar, Sen. Nancy Binay, former Ilocos Sur Governor Chavit Singson, Rep. Arjo Atayde, Emelette Gorospe, Rowena Gutierrez, Kamiseta, Casa Juan, at ang Echo Jham Entertainment Production.

Nagsilbi namang official auditor ang Juancho Robles, Chan Robles & Company (CPAs).

(ROHN ROMULO)

“HINDI po ako adik!”

Iyan ang bulalas ni Billy Crawford bilang paglilinaw sa mga kumakalat na fake news tungkol sa rason ng pagpayat niya.

Ayon pa kay Billy, “I’m living my life to the fullest right now.”

Noon pa raw siya naiisyuhan tungkol sa kanyang itsura.

“It’s a loop. It’s like a circle sa buhay ko – a non-stop conversation is my nutrition or my diet. I’m not on a diet.

“It used to face me. It used to get me. It used to — may kurot nang konti pero now, it doesn’t anymore. Nakakatawa na lang.”

Hindi raw totoong nagdo-droga siya.

“Sa mga nakakakilala sa akin, I am by far the one of the few artists or the ones who don’t try drugs.

“We can all take a strand of our hair and do tests ngayon din. Puwede kong hamunin lahat ng tao dito ngayon, no problem. I have nothing to hide.

“Hindi po ako adik. Adik ako sa pamilya ko. Adik ako sa trabaho ko. I’m living my life to the fullest right now.”

Kahit nga raw ang pagiging alcoholic ay naalis niya sa kanyang sistema, maging ang paninigarilyo.

“It’s been over five years, since I’ve been sober.

“I have not touched a leak of alcohol. I have not touched cigarettes – zero. With God’s help and God’s grace, I did it.

“So, I think everyone is allowed and able to change. You can change.”

Maganda at maayos ang buhay niya dahil sa asawa niya na si Coleen Garcia at ang kanilang anak na si Amari.

Samantala, matapos ang ‘The Voice Generations’ ay muling mapapanood si Billy this time bilang hurado sa ‘The Voice Kids’ ng GMA.

***

SUMALI si Rainner Acosta sa Season 1 ng The Voice Philippines sa ilalim ng Team Lea Salonga.

May mga natutunan raw si Rainer mula kay Lea.

“Marami akong natutunan kay Lea lalo na kung paano ko dapat mahalin ang trabaho ko. Siya ang nagturo sa akin na kapag may laban ibigay ko ang 200 percent ko.

“Kasi sa actual na laban, bababa ng 50 percent kung ano ang napractice ko. Kung bumaba man nyan, may 100 percent pa. Huwag kang magpa-practice ng 100 percent lang na akala mo okay na,” pahayag ni Rainner.

Limang taong huminto sa pag-awit si Rainner at kaya siya nawalan ng gana na mag-perform ay dahil sa dati niyang karelasyon.

“Dumating sa point na ayaw niya akong kumanta. Nawalan ako ng ensayo kasi ayaw na niya akong pakantahin. Siguro nagseselos,” saad ni Rainner.

Kaya kahit nasaktan ay kinaya niya na wakasan ang kanilang relasyon.

May natutunan rin siya mula dito…

“Kailangan magtira ka para sa iyo. Noon akala ko pag pinipigilan niya ako, para sa kabutihan ko lang yun. I realize na ginawa niya yun para sa sarili lang niya. Hindi kami magbe-benefit doon. Hindi masamang magmahal ng sobra pero kailangan mahalin mo rin ang sarili mo.”

Paano siya nag-move on?

“Nag-training ulit ako sa, actually bago ako mag-WCOPA, nag-training ako sa Academy of Performing Arts, iyon din mismo sa WCOPA din, sila din nagko-condict noon. So natulungan nila ako na para mawala iyong… kasi hindi ako makatingin sa mga mata ng tao pag nagpe-perform ako nowadays.”

Ngayon ay nagbabalik na sa music scene si Rainner.

“Magiging visible na uli ako sa music scene,” lahad ni Rainner na grand-nephew ng yumaong OPM icon na si Rodel Naval.

Magkakaroon siya ng mini-concert na pinamagatang “Getting Back on Track” sa The New Music Box sa Timog, Quezon City, sa July 14 at 18.

Ang Bulakenyong singer ay naging three-time defending champion ng Tawag Ng Tanghalan sa “It’s Showtime” ng ABS-CBN.

Last year 2023 ay grand finalist at multi-medal winner si Rainner sa US World Championships of Performing Arts (WCOPA).

Sa lovelife ay maligaya ngayon si Rainer sa piling ng misis niyang si Dr. Nannette R. Rey-Melgarejo, Past President ng Philippine Heart Association (2018-2019) at associate professor sa De La Salle College of Medicine. Isa ring mang-aawit, ang misis niya ang naging inspirasyon upang muling ituloy ni Rainner ang pag-awit.

(ROMMEL L. GONZALES)

HANDANG-HANDA na raw si James Reid na bumalik sa pag-arte.

Sa katunayan, possible raw sila magsama ni Liza Soberano sa isang teleserye o pelikula.

Ayon kay James, ito raw ang plano after na mag-concentrate sa kanyang music career.

“I always say that I am planning to go back to acting after I explore music and I have a new EP (extended play) so I was excited.

“And yeah there will be a movie project and new projects coming,” say ni James nang nakachikahan sandali ng ilang entertainment sa naganap na The 7th EDDYS awards night last Sunday, na kung saan mapapanood ang delayed telecast ngayong July 14 sa ALL TV, 10 p.m.

Kaya pwedeng mag-expect ang fans nila ni Liza ng isang acting project na magkasama silang dalawa?

“I think there’s a big possibility and that could happen,” sagot ni James.

Paglilinaw pa ng dating ka-loveteam at girlfriend ni Nadine Lustre, “I didn’t quit. I just wanted to do music first because I left that kind of show business, being in a love team and everything.

“I wanted to figure out who I was outside of a pair, and I felt that through music. It’s been great.

“I really wanted to take a pause and discover myself through music and for the past couple of years I just really focused on composing music to figure out what I really wanted.

“And I think I am very happy where I am right now and excited to take what’s next,” dagdag ng boyfriend ni Issa Pressman.

Mukhang nag-e-enjoy naman siya sa pagma-manage ng mga talents sa kanyang Careless, kabilang na nga si Liza na unti-unti nang gumagawa ng pangalan sa ibang bansa.

“It’s great. I’ve mentioned before, Liza knows exactly what she wants and I’m just supporting her and backing her up. Right now she’s in LA auditioning and taking more projects so I am very proud of her,” tugon pa ni James.

Natanong din si James kung type din ba niyang magkaroon ng international career tulad ni Liza?

“That never really you know crossed my mind. I feel like for me, I wanted to create music from the Philippines where I am reaching out.

“Everyone has a different dream and I wouldn’t say Liza left Philippine show business. She’s doing good and I am very proud that she’s able to push Filipinos internationally,” pahayag pa ng singer-actor.

***

Pasig River Esplanade, pasyalang mala-Europa sa Maynila – First Lady

NAGBIGAY ng buong suporta si First Lady Liza Araneta-Marcos para mapadali ang ginagawang Pasig River Esplanade sa kahabaan ng Pasig River na maituturing na isang tourist destination tulad ng Seine ng Paris at ng River Thames sa London.

Kamakailan lamang ay pinangunahan nina First Lady at Pangulong Ferdinand “Bongbong” Marcos Jr. ang inauguration ng 500-metro showcase sa Plaza Mexico, malapit sa Post Office sa Manila, kamakailan lamang.

Pasyalang mala-Europe ang vibes pero nasa Maynila lang! ‘Yan ang Pasig River Esplanade na bahagi ng proyekto para muling buhayin ang Ilog Pasig.

Ang beautification project para sa 25-kilometrong haba ng Pasig River Pathway ay isa sa mga prayoridad na proyekto sa ilalim ng Office of the First Lady, katuwang ang iba’t-ibang ahensiya ng gobyerno.

“Rest assured that apart from our enthusiasm and optimism, the First Lady and I will provide our all-out support and commitment to the completion of this project, and hopefully in three years’ time, that will be our goal,” ito ang sinabi ng Pangulong Marcos sa inauguration ceremony.

Sa kanyang talumpati, sinabi ng Pangulo na naging bahagi na ng kanyang paglaki ang Pasig River dahil sa tabi nito sila nakatira noong nasa Malacañang pa ang kanyang ama na si dating Pangulong Ferdinand E. Marcos Sr.

Kaya panahon na, ayon sa Pangulo, para ayusin at pagandahin ang Pasig River at gawing pasyalan at sentro ng turismo habang pinapalakas ang paggamit ng transportasyon sa pamamagitan ng libreng sakay ng motorboat.

Pinatunayan lang nila na walang imposible basta ginusto, pinagsikapan, tuloy-tuloy at tulong-tulong na isinulong ang nasimulan.

Ang pagpapaganda sa Pasig River ay pinangangasiwaan ng Inter-Agency Council for the Pasig River Urban Development at kasamang tumutulong si First Lady Liza Araneta Marcos.

Sa ngayon ay favorite destination na ito sa Maynila, lalo pa nga’t malapit lang ito sa Binondo na kung saan matatagpuan ang oldest Chinatown sa buong mundo. Nagagamit rin ang lugar para sa pelikula at teleserye, photo shoots at marami pang iba.

(ROHN ROMULO)

UMANI ng iba’t-ibang reaksiyon ang sinasabing pagtakbo diumano sa susunod na eleksiyon ng mag-iinang Vilma Santos-Recto, Luis Manzano at Ryan Christian Recto.

Nahilingan muli si Ate Vi na tumakbong Gobernador ng probinsiya ng Batangas ngayong matatapos na ang termino ng kasalukuyang nakaupong Gobernador.

Hindi lang mga pulitiko kundi halos karamihan ay mga ordinaryong mga Batangueño ang humihiling na magiging ina muli ng Batangas ang multi awarded actress.

But this time, hindi lang si Ate Vi kungdi pati rin ang dalawa niyang anak.

Si Luis daw ang tatakbong bise gobernador at si Ryan naman ang tatakbong congressman sa lone district ng Lipa, Batangas.

Maraming mga taga-Batangas ang tuwang-tuwa sa balitang ito at may mga nagsasabi pang tiyak daw na mag-aatrasan na ang ilang pulitikong nagpaplanong tumakbong gobernador, vice governor at congressman.

Pero may mga ayaw naman sa desisyong ito at sana nga raw si Ate Vi na lang daw muna ang magbabalik-pulitika at wag daw munang makisawsaw sina Luis at Ryan Christian.

Pero hindi pa rin naman malinaw kung magkakasabay silang mag-iina, o kung sino ang mauuna sa kanilang tumakbo.

Pero sa totoo lang naman ay nangangamoy pulitika na rin si Luis na sinasabi niyang bukas sa posibilidad na pasukin ang pulitika. Lalo na si Ryan Christian na lagi nang nakikita sa Batangas at malapit naman talaga siya sa mga tao.

Kasalukuyang nasa America si Ate Vi for a much needed vacation at nakatakdang bumalik sa Pilipinas this coming Sunday.

Pero kahit nasa bakasyon ay masipag pa rin namang sumagot thru messenger ang iniidolong aktres.

“Natapos ko ang termino ko as a mayor, natapos ko rin ang three term as governor at six years akong naging congresswoman.

“Bale 24 years ang ibinigay kong sinserong serbisyo ko sa mga Batangenyo. Kasi sila rin ang nagbigay sa akin ng sinserong tiwala para maging isang leader—first woman Mayor, first woman Governor, and then ang kauna-unahang Congresswoman din ng 6th district ng Batangas, Lipa City… sobra-sobra.

“Kung ngayon ay nahihilingan naman nila uli na tumakbo na maging nanay ng lalawigan ng Batangas, ito’y ipinagdarasal ko, sa totoo lang. Kasi, siyempre ang pagsisilbi, hindi ganun kadali ‘yan.

“Naranasan ko na yan. Talagang dapat ibigay ang puso’t kaluluwa, at talino, pagdating sa pagseserbisyo sa tao. Ahhh…dapat maibalik ang tiwalang ibibigay sa ‘yo

“Ngayon, I’m praying for it, nahihilingan ako…so, I’m praying for it. Pag ibinigay naman ni Lord ang sign, like what happened before, I will do it. Pag hindi naman niya binigay, mahirap sumusugal na hindi ka nakahanda.

“So, pinag-uusapan pa rin yan. Tutal ang filing ay sa October pa,” makahulugang sambit pa ng multi awarded actress at politician.

***

STILL on Vilma Santos-Recto, pagdating daw sa mga anak niyang sina Luis at Ryan Christian, ayon kay Star for All Seasons, lumaki na raw sila sa pulitika, at bahagi na rin ang mga anak niya sa mundo nila ng asawang si Sec. Ralph Recto.

Ang lahat daw ay ipinagkatiwala na niya sa Panginoon.

Kumbaga, kung ipag-adya raw na papasukin o maging pulitiko na rin sina Luis at Ryan nasa Itaas na rin daw yun.

Aware na naman daw ang mga ito sa takbo ng pagiging public servant, huh!

“Lumaki naman ang dalawang anak ko na nasa politics din naman ako . lumaki naman si Ryan na isa na rin akong public servant. Alam nila yung trabaho ko lalo na with Ralph also. Alam nila ang trabaho namin bilang isang public servant, at sa gobyerno.

“Ngayong naging Secretary (Department of Finance) si Ralph, maraming mga bagay na hindi kayang puntahan ni Ralph, so nagiging representative niya yung dalawa kong anak, si Lucky at si Ryan.

“Naging open sila sa proyekto at mga programa sa Batangas. At nakikita nila ngayon ang totoong buhay ng mga tao.

“Siguro susuportahan ko sila, dahil nakikita ko ngayon na handa na ang puso nila. Iyun ang importante kasi e. Ang serbisyo napapag-aralan e. Pero ang puso, iyun ang pinaka-importante para ibigay mo ang serbisyo sa mga tao na magbibigay sa ito ng tiwala, iyun ang importante.

“Sa ngayon sa totoo lang, nakikita ko ‘yun kay Lucky at Ryan. But again, lahat yan nasa kamay na ng Panginoon. Pag ginusto Niya, nandito kami para sumunod at magsilbi. Siya rin naman ang masusunod.” Sey pa ng Dekada Awardee at Best Actress nominee sa darating na 40th Star Awards for movies.

(JIMI C. ESCALA)