IBANG-IBA ang glow ng Beautéderm founder na si Ms. Rhea Anicoche-Tan ngayon, na nagdiriwang ng 15 years sa skincare at wellness industry.

Tampok sa kanyang speech ang timeless legacy ng kanyang brand na ine-endorse ng top celebrities at influencers.

Sa nasabing selebrasyon last July 18, ipinakilala rin ni Ms. Rei ang bagong endorser ng Beautéderm na si Jennylyn Mercado. Kabilang na ngayon ang Kapuso Ultimate Star sa line-up ng A-list celebrity endorsers ng brand.

Ang Cristaux Retinol (anti-aging), Cristaux Vitamin C (brightening), at Cristaux Hydra-Beauty (anti-acne) ang products na ie-endorse ni Jen, na bagay na bagay sa kanyang timeless beauty, dahil parang hindi siya tumatanda.

Naging honest naman si Jen na ramdan niya na unti-unti na siyang tumatanda, dahil meron na siyang fine lines. Hindi rin siya nahiyang aminin na sobrang sensitive ang skin niya kaya may mga sakit siya balat tulad ng psoriaris at rosacea.

Kaya malaki ang maitutulong sa kanya ng skin care ng Beautederm.

Nagpapasalamat naman ang skincare executive sa Ultimate Star.

Pahayag ni Rhea, “I follow Jennylyn Mercado on Instagram. Some of her dear friends also told me before that she’s a nice person. Her star power and huge social media following will hopefully connect us to more consumers. Jennylyn embodies grace and beauty.

“I welcome Jennylyn to Beautéderm family. I hope this partnership will inspire Filipinas across the country to feel confident and beautiful in their own skin.”

Dagdag papuri pa ng generous ng CEO, “I did my research na napakabait talaga ni Jen.

“Napansin ko, ang bait talaga niya. Sumasabay siya sa mga staff na kumakain.

“Tapos siya ay bareface, walang makeup. Humaharap sa mga tao, kumakain siya sa pantry kasama yung mga staff.”

Sagot naman ng Kapuso actress, “Ms. Rhea Tan is an inspiration to everyone. She’s really good at what she does — business. People look up to her. People follow her. You know why? Because she’s authentic and sincere. She protects her brand and she values her consumers. I am very grateful for her trust and for the trust of her company. I believe in the products.”

Sinimulan ni Ms. Rei ang kanyang negosyo noong 2009 sa halagang 3,500. Dahil sa kanyang dedikasyon at marketing power, naging isang malaking beauty brand ang Beautéderm, na may mga store sa malls.

Sa tanong kung ano ang kanyang pinakamalaking achievements, sagot niya, “I was able to change my resellers’, employees’, and scholars’ lives and will continue doing that.”

Formulated with high-quality ingredients, ang Cristaux Retinol (anti-aging), Cristaux Vitamin C (brightening), at Cristaux Hydra-Beauty (anti-acne) at kami mismo ay naka-try na ng three-mendous trio serum, na less than a month lang ay kitang-kita na ang results at talaga naman naggo-glow ang aming face.

Available na ito sa Shopee, Lazada, TikTok, at Beautéderm stores nationwide.

(ROHN ROMULO)

NA-EXCITE ang fans ni Sparkle actor Miguel Tanfelix dahil nabigyan na ito ng pagkakataon na magbida sa sarili niyang drama-action series na ‘Mga Batang Riles.’

Makakasama rito ni Miguel ay sina Kokoy De Santos, Raheel Bhyria, at Antonio Vinzon.

Unang nagbida si Miguel sa teleserye na ‘Niño’ noong 2014. Huling siyang napanood sa ‘Voltes V: Legacy’ at kasalukuyang nasa season 2 ng ‘Running Man Philippines.’

Nag-training na raw sa martial arts at street fighting si Miguel noong ginagawa nila ang VVL. Handa raw siya sa mas matinding training tulad ng kay Ruru Madrid.

Hilig din ng former StarStruck Kids runner-up ang sports name basketball, wakeboarding at motorcross racing.

Nasa cast din ng MBR sina Bruce Roeland, Desiree del Valle, Jay Manalo, Zephanie, Eva Darren, Diana Zubiri, at Ronnie Ricketts.

***

BALIK sa paggawa ng teleserye si Rabiya Mateo at may guest role siya sa epic-serye ng GMA na ‘Pulang Araw’.

Ayon sa former Miss Universe Philippines, naging busy siya sa ilang hosting jobs, pero na-miss daw niya ang umarte.

“I’m still doing workshop, para ma-allow ko rin ‘yung sarili ko to different acting range kasi isa siguro sa pinakamahirap bilang aktres is that to put yourself talaga sa character and alisin lahat ng identity ko bilang Rabiya, bilang isang beauty queen na it’s far different talaga sa pagiging artista.

“I have a special participation sa Pulang Araw at nakaka-proud talaga na bilang isang Pilipino na ‘yung teleseryeng ito, ibabalik tayo sa 1940s para makita natin, masaksihan natin ang history ng Pilipinas,” sey ni Rabiya na huling napanood sa revenge drama na Makiling.

***

NAKAKUHA ng pinakamaraming nominations sa 76th annual Primetime Emmy Awards ang comedy series na The Bear at ang drama series na Shōgun.

May 23 nominations ang The Bear at 25 naman ang Shōgun. Umani rin ng multiple nominations ang shows na Only Murders in the Building (21); True Detective: Night Countr (19) and The Crown (18).

By network, ang Netflix ang namayagpag with 107 nominations this year, followed by FX with 93 and HBO with 91.

Magaganap ang awards night on September 15at the Peacock Theater in Los Angeles, California.

(RUEL J. MENDOZA)

KUNG meron mang aktres na dapat tularan ng mga celebrities na mahilig magpapatol sa mga isyu sa kanila ay kakaiba ang Kapamilya aktres Kim Chiu.

Hindi si Kim ang tipong papatol sa mga isyu na ibinabato sa kanya online, huh!

Kung merong mga celebrity na konting banggit lang ng pangalan nila ay agad may sagot sa isyu, ibahin natin ang isang Kim Chiu.

Sabi pa nga ni Kim sa isang interview sa kanya na hindi raw niya ugaling sumagot agad sa mga isyu.

“I’m not a fan of answering someone online. It will just light the fire. Parang pini-feed mo ‘yung snake for you to bite. Mas maganda na huwag mo siya pansinin. Just go on with your truth.

“Nakaka-waste of time na dapat i-enjoy mo ‘yung what’s happening to you, kaysa ‘yung idi-deal mo ‘yung mga false stories, mga bashers, mga doubters.

“Hindi mo tuloy ma-enjoy ‘yung magandang life in front of you if you keep on looking back.” sey pa ng magaling na kapuso aktres.

Dagdag pa ni Kim sa naturang interview na nasa kanya ang kalayaang pumatol o deadma na lang sa naturang mga intriga, huh!

“I have my freedom on what to share and what not to share. Just go to my Instagram, you’ll know what’s happening. Anong show ko, anong ginagawa ko,” lahad pa rin ng aktres.

Dagdag pa ni Kim na hindi niya pinapansin ang mga sasabihin ng iba, alam naman daw niyang inaabangan ng iba ang sasabihin niya na maaring mas lumikha ng mas matindi pang apoy.

Lalong napupuri si Kim sa attitude niyang pangdededma sa mga basher, doubter at iba pa, huh!

Mas inaabala niya ang sarili para mas maging healthy at confident.

Binanggit pa rin ni Kim na alam niya ang boundary ng mga dapat i-share at hindi.

Kaya raw naman parating grateful si Kim.

“The most important thing is to be grateful.

“You’re not always on top. At a certain point, mukhang wala ka rin dyan. Be grateful all the time and just enjoy what you have right now. Kasi hindi naman ‘yan forever,” banggit pa rin ng Cebuanang aktres.

***

SA programang “Fast Talk with Boy Abunda ay ipinahayag ni Nadia Montenegro na kinilala naman daw ng aktor na si Baron Geisler ang kanilang anak.

May mga pagkakataon lang daw na hindi umano matanggap ng aktres ang mga mga oras na kung saan lasing ang aktor na kinakausap ang anak nilang si Sophia sa telepono.

“They were always in contact, from social media but never like hide, walang gano’n. It was just, I’m okay.

“Pero, huwag nating kalimutan na, bakit ba tumagal nang ganito. Unlimited chances from someone to change. Give me a reason na ipaharap kita sa kanya, nang sober ka. No, the drunk text messages to my daughter, you think that would help her?

“You came out to an interview all of a sudden without even asking us? Even if you didn’t mention my name, sa tingin mo hindi kami nabulabog? Did you even think for a while, what would happen to your daughter? “ sunod sunod pang balik tanong Nadia sa host ng show na si kuya Boy.

Ayon pa rin kay Nadia ay open secret naman daw ang isyu sa kanila ni Baron.

Matatandaang nagbigay ng pahayag si Baron sa tungkol dito.

Naibahagi ng aktor sa publiko noon ang tungkol sa kanyang pakitutungo sa panganay na anak.

“Dahil may inamin siya sa interview then pinick-up na naman ng masasamang elemento. So ayun, (naapektuhan sa) school, friends, she was bullied. Someone all of a sudden just posted on student council page a picture of Baron in jail, ‘Kaninong tatay ‘to?’“ kailangan ko pa bang ikwento? Kung anong pinagdaanan namin just to keep our peace?

“This is my life. This is my children’s lives. This is my story, No one has the right to tell my story. I’ve always on my mistakes, But let me say kung ano ang pagkakamali ko, hindi ikaw.

“Hindi ko kailangan ng spokesperson. I’ve always faced my battle, I’ve always fought them head on. Why, because I pray. I do things not because I wanna hurt people. I do things now because I want people to learn from my mistakes. “Hindi ko kinakalat ito para mag-entertain, or para pagpiyestahan ninyo ang buhay ko o buhay ng anak ko. I want this to end because my daughter is turning 18 soon.

“And she does not need to come out to this world and answer questions for her mother. So, I’m putting an end to this now,

“So, I’m happy. I have a child named Sophia and she does not need anything else in this world because she’s complete,” mahabang litaniya pa ni Nadia Montenegro.

NGAYONG Linggo (Hulyo 21), maglalakbay si Atom Araullo sa malawak, malalim, at masalimuot na mundo ng Philippine Offshore Gaming Operators (POGO) sa “The Atom Araullo Specials: POGO Land” na ipalalabas sa 3 p.m. sa GMA.

Sa nakalipas na mga buwan, nagsagawa ang mga awtoridad ng magkakasunod na pagsalakay sa mga POGO hub sa buong bansa.

Ang mga ito ay dating online na casino, ngunit pagkatapos mawalan ng kanilang mga lisensya, ito ay naiulat na naging pugad ng mga scam farm kung saan nagaganap ang iba’t ibang uri ng pandaraya.

Marami sa mga scammer ay naging biktima umano ng human trafficking. Pinangakuan sila ng disenteng trabaho, ngunit nauwi sa pagiging scammer. Ang ilan ay sumailalim sa torture at parusa kung hindi nila maabot ang mga quota na itinakda ng mga scam hub.

Noong Marso ng taong ito, mahigit 800 umano’y biktima ng human trafficking ang nailigtas ng Presidential Anti-Organized Crime Commission (PAOCC) at Philippine National Police (PNP) mula sa POGO hub sa Bamban, Tarlac, na nasa likod mismo ng munisipyo. bulwagan.

Nakausap ni Atom at ng kanyang team ang isang Filipino na dating nagtrabaho sa POGO hub sa Bamban.

Ayon kay “Nestor,” siya ay naatasan na mag-operate sa romance o love scams. Papaibigin niya ang mga biktima, pagkatapos ay sa huli ay mauuwi lang sa pangloloko.

Si “Wilson” ay natagpuang nakaposas sa isang bedframe; ang kanyang katawan ay punum-puno ng mga pasa at paso ng sigarilyo. KInuryente rin siya. Malalaman din ni Atom ang iba pang krimen tulad ng kidnap-for-ransom.

Habang naglilibot si Atom sa mga inabandunang POGO hub, nabunyag ang mga bakas ng malawakang operasyon ng mga scam farm.

Natagpuan ang mga bagay na ginamit para sa pang-aabuso o pagpapahirap sa mga biktima, kasama ng mga mantsa ng dugo sa mga kama at dingding ng mga silid.

Nitong nakaraang buwan lang, nakatanggap ng tip ang mga awtoridad na isa sa mga utak ng operasyon ng POGO ay nagtatago sa isang resort sa Angeles City, Pampanga. Bilang tugon, agad na nakipagpulong ang “The Atom Araullo Specials” team sa PAOCC at sa mga pulis sa target na lokasyon.

Sa kanilang imbestigasyon kasama ang mga awtoridad, ano pa ang mabubunyag ng “The Atom Araullo Specials”?

Abangan ang “The Atom Araullo Specials: POGO Land” ngayong Linggo (Hulyo 21), 3 p.m. sa GMA.

***

FIRST LADY LIZA ARANETA-MARCOS, NAMAHAGI NG MOBILE CLINICS

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng mga modernong Mobile Clinic para sa mga malalayong lalawigan sa Luzon, upang ipalapit sa mga mamamayan ang pagbibigay ng modernong pagpapagamot sa ilalim ng programang “Bagong Pilipinas”.

Malaking tulong ito upang patuloy na mailapit ang serbisyong pangkalusugan para sa mga taga-lalawigan na naninirahan sa malalayong lugar, lalo’t higit ito ang pangunahing layunin ng Unang Ginang ay bigyan ng dekalidad na health care system ang bawat Pilipino.

Kargado ang bagong mobile clinic ng ilang medikal na kagamitan gaya ng ultrasound, X-ray, cholesterol and glucose monitors, 12-lead ECG, clinical hematology analyzer, microscope, spiro­meter, infrared forehead thermometer at generator.

Ang distribusyon ng mga mobile clinics ay bahagi ng collaborative effort sa pagitan ng Unang Ginang at ng Department of Health (DOH) at sa pakikipagtuwang na rin sa Department of Local Government Unit, Philippine Charity Sweepstakes Office, at Act Agri-Kaagapay Organization.

Ang inisyatiba ay nasa ilalim ng “Libreng Laboratoryo, Konsulta, at Gamot Para sa Lahat” or LAB program, na isang healthcare project na pinasimulan ng supportive at compassionate na maybahay ni Pangulong Ferdinand Marcos Jr. at inilunsad kamakailan sa Maynila.

Ang naturang kontribusyon ay naka-align sa dedikasyon ng pamahalaan sa universal health coverage, na isang mahalagang aspeto sa pagkakaloob ng mga modernong medical at health care sa mga Pinoy, partikular sa mga magsasaka at yaong mga nasa malalayong lugar.

Binigyang-diin din ng Unang Ginang Liza ang kahalagahan ng pagkakaroon ng accessible healthcare para sa mga Pinoy.

Alinsunod sa bisyon na ito, ang mga mobile clinics ay may mahalagang papel sa pagkakaloob ng preventive health services direkta sa mga komunidad.

(ROHN ROMULO)

2018 pa nang magtapos ang relasyong Inigo Pascual at Maris Racal.

Matagal na ring wala silang komunikasyon after ng kanilang paghihiwalay.

Sabi pa nga ni Iñigo sa isa sa mga interbyu sa kanya, na mas importante raw na kilalanin at mahalin niya muna ang sarili niya bago raw niya seryosohin na magmahal.

“Sa totoo lang, mas mahirap piliin yung sarili mo kaysa mga bagay na gusto mo.

“Minsan you get blinded by the things you want,the things, you’re comfortable with.

“Like me, going to the states, I feel like it’s a parallel situation. It’s not the ideal move for me.

“But when you learn about yourself, it’s a big step,” seryosong banggit pa ng anak ni Piolo Pascual.

Samantala, suportado naman ni Iñigo ang pinagdaraanan ngayon ni Maris.

Matandaang inamin sa publiko ni Maris last week ang tungkol sa nangyari sa relasyon nila ni Rico Blanco.

Hindi naman ikinakaila ni Iñigo na napanood niya ang nasabing pahayag ni Maris tungkol sa hiwalayan nila ng singer.

“I actually watched it. I fell for her. I know it’s a tough but I see it in a good light. The way she talks sbout it. She’s getting to know herself. Im very proud of her.

“It’s a choice for her to turn a page, turn a new chapter,” pahayag pa ni Inigo.

***

23 years nang mag-asawa sina Dingdong Avanzado at Jessa Zaragosa. Sabi pa ni Jessa na sa tagal daw nilang nagpe-perform together ay marami na raw silang natutunan.

“Every show, pinag-iisipan niya talaga na gusto niya hindi lang 100% ‘yung ibigay niya,” sey pa ni Jessa

Kapwa hindi man aktibo sa telebisyon at pelikula ay masaya naman daw sila sa takbo ng ksnilang career.

“We feel so blessed that na nandito kami sa pagkakataon sa career namin na we can choose kung ano ‘yung trabaho na gusto naming tanggapin, na hindi naman lahat nakakagawa ng gano’n.

“Hindi na ito ‘yung point sa buhay namin na nakikipaghabulan kami. Kasi very grateful na din naman kami sa naiambag namin sa music industry. So ngayon ang mas nai-enjoy ko na mga projects, kung sakaling dumating, feeling ko meron akong iba pang kailangan gawin, medyo hindi ko muna tatanggapin ‘yon.

“Hintay na lang ako sa susunod. Ang priority ko talaga ngayon ‘yung family ko,” sey pa ni Jessa.

Ayon pa rin sa singer at aktres ay mayroong na siyang mga tinanggihang proyekto partikular na ang paggawa ng serye.

“Natatanggihan ko kasi honestly nahihirapan na talaga ako sa puyat. Hindi na ako bagets, hindi ko na keri! Isang reason kasi ‘yung commitment na kailangang hindi ka mag-a-absent.

“Hindi ka pwedeng umalis ng six months. Parang gusto ko pa din mas ma-enjoy ‘yung singing career ko. Parang feeling ko dapat pipili ka lang ng isa,” lahad pa rin ni Jessa.

(JIMI C. ESCALA)

SI Jennylyn Mercado ang newest face ng Beautèderm’s Three-mendous Trio of Cristaux Serums.

Sa naganap na launch ni Jennylyn bilang bagong celebrity ambassador ng Beautederm na pag-aari ni Ms. Rhea Anicoche Tan, tinuldukan na ng Kapuso actress ang haka-haka at tsismis na lilipat siya o nagtangka siyang lumipat sa ABS-CBN.

Aminado naman na wala siyang existing na kontrata sa ngayon bilang Kapuso, hindi raw siya aalis sa GMA hangga’t gusto siya ng Kapuso Network.

Sambit ni Jennylyn, “Palagi naman akong Kapuso!

“Ang daming nag-aantay nung sagot… ako naman, twenty years na po akong Kapuso, and I’m very thankful na hanggang ngayon po ay Kapuso pa rin.”

Inaayos na o under negotiation na raw ang bago niyang kontrata sa GMA.

“Meron pa ring nego-nego. Pero mabilis na lang po yan.

“We’re just waiting for the contract, pero happy pa rin akong Kapuso. Kung gusto pa rin nila ako,” say pa ni Jennylyn na isa sa mga reyna ng GMA.

“Basta ganito, kung gusto pa rin nila akong Kapuso, happy pa rin akong maging Kapuso.

“Wala pong offer sa ibang network.”

Sa launch ay sinabi ni Ms. Rhea na mahalaga sa kanya ang magandang attitude ng isang celebrity sa mga kinukuha nilang endorsers.

“Napansin ko, ang bait ni Jen. Sumasabay siya sa mga staff na kumakain.

“Tapos siya ay bareface, walang makeup. Humaharap sa mga tao, kumakain siya sa pantry kasama yung mga staff.

“I did my research na napakabait niya talaga, at very good friend ko rin talaga si Tita Becky,” kuwento ni Ms. Rhea.

Inuulan ng blessing si Jennylyn dahil bukod sa bago niyang endorsement para sa Beautederm ay kasalukuyan silang nagpapatayo ng mister niyang si Dennis Trillo ng bagong bahay.

“Blessing iyan. Siyempre yung family house namin, yung tinitirhan namin ngayon ay bahay ko pa, yung wala pa akong asawa.

“Lumalaki na yung pamilya. So, kailangan na namin ng mas malaking shelter sa amin.

”May itinayo rin ang mag-asawa na bagong film outfit ang Brightburn.

“Yung production naman, iyon yung bago naming production, ang Brightburn Productions po. Magpo-produce na rin kami ng pelikula, series, ganyan.”

Partner nila dito ang management team ni Becky Aguila, ang Aguila Entertainment.

(ROMMEL L. GONZALES)

KILALANG hindi mapagpatol sa mga intriga ang Kapuso aktor Dingdong Dantes. 

Kung kaya inaasahang hindi sasagot si Dingdong sa mga pasaring ng TV host  Willie Revillame.

May mga binitiwan kasing mga patama si Willie kanyang programang ‘Wil to Win’ na obvious naman ay para sa katapat niya na ‘Family Feud’.

Kahit hindi niya binanggit ang title nito ay hindi naman maitagong ang programa at si Dingdong mismo ang pinatamaan niya.

Kung pagbabasehan ang latest survey ay hindi napataob ni Willie sa rating ang programa ni Dingdong.

Binanggit pa ni Willie na hindi binili sa ibang bansa ang kanyang programa. Hindi rin daw importante sa kanya ang rating.

May mga loyal fans at tagasubaybay ni Willie ang sumang-ayon siyempre sa kanya pero higit na mas marami raw naman ang nag komento ng positibo para naman kay Dingdong at sa show ng Kapuso.

Ayon sa Kapuso Primetime King at Box Office King tuloy-tuloy na uulan ng saya at babaha ng papremyo sa programa niyang dating slot na iniwan ni Willie nung nawala siya sa GMA.

***

SI Bossing Vic Sotto ang kinuhang endorser ng pinagkaguluhang online gaming ngayon na PlayTime.

Ayon pa sa mga namamahala ng nasabing online games ay wala raw silang maisip na pwedeng mag-endorso kundi ang isang Vic Sotto lang.

Kaya naman sa anim na buwan pa lang nilang operasyon ay nag-number two agad among sa mga online gaming ang PlayTime.

Sa totoo lang inamin din naman ni Bossing Vic Sotto na naglalaro din daw siya!

Sa kabila ng kanyang mga kaabalahan sa ‘Eat Bulaga!’ at paghahanda para sa 50th Metro Manila Film Festival entry na ‘The Kingdom’, with Piolo Pascual. ambassador pa siya ng isang online gaming platform.

Sa isang photo at video shoot nga kamakailan, sinamahan si Bossing Vic ng mga executive ng PlayTime para sa paghahanda upang ilantad na naglalaro siya ng online game.

Ayon pa kay Vic ay hindi raw ito masamang gawin basta ilagay lang sa tama at “share your blessings” pag nanalo.

Mas importante pa rin daw na maging responsible sa kahit anumang gawain, huh!

(JIMI C. ESCALA) 

SA nalalapit na pagtatapos ng Kapuso action series na “Black Rider,” may mga ire-reveal pa na magaganap at mayroong ding mga karakter na magbabalik.

Katulad na lang character ni “Mariano,” na ginagampanan ng veteran action star na si Phillip Salvador.

Sa Chika Minute report ni Nelson Canlas sa GMA News 24 Oras nitong Miyerkoles, sinabing malalaman na kung sino ang tunay na ama ng anak ni Vanessa na ginagampanan ni Yassi Pressman.

“Sino ba ‘yung tatay…? Actually hindi ko rin alam. Hindi pa nare-reveal sa amin kung sino ‘yung tatay.

“Pero abangan na lang natin. ‘Yun ang dapat nating abangan kasi may another DNA test na naman,” ayon pa kay Ruru Madrid na gumaganap na si Elias.

Nagbabalik din sa serye ang karakter nina Romana, na ginagampanan ni Katrina Halili.

“Yes, I’m back. Romana is back. Nakakatuwa na kasali ako doon sa huling laban ng Black Rider at tutulong ako kay Elias. Happy, sobrang happy. Namiss ko sila,” say ni Katrina.

Say naman ni Phillip na pinili niya noon si Ruru para maging mentor sa show na ‘Protégé.’

“Ako happy ako talaga. I’m grateful na nagkasama tayo. Being your mentor sa ‘Protégé.’ Isipin mo 14 years old ito noong kinuha ko at sabi ko sa kaniya, ‘Magiging action star ka,’” pagbalik-tanaw ng veteran actor.

“Alam kong gagaling ka. Always be humble. Always look back where you came from. Ilapat mo palagi ang mga paa mo sa lupa. Hinding-hinding ka magkakamali sa patutunguhan,” dagdag na payo ni Philip kay Ruru.

Maghanda na sa intense action, revelations, at plot twists sa finale week ng 2024 New York Festivals Bronze Medalist at 18th Gandingan Awards Most Development-oriented Drama Program na Black Rider simula ngayong Lunes, July 22.

Sa nalalapit na pagtatapos ng programa, patuloy si Calvin (Jon Lucas) sa pagpapahirap sa buhay ni Elias (Ruru Madrid).

Gagamitin niya si President William (Roi Vinzon) para pakasalan siya ni Vanessa (Yassi Pressman) habang hindi pa rin namumulat sa katotohanan ang dilag.

Marami ring kaabang-abang na eksena ngayong alam na ni Señor Edgardo (Raymond Bagatsing) na si Moises (Jak Roberto) ang nawawala niyang anak. Hindi rin dapat palagpasin ang mga mangyayari kay Nanay Alma (Rio Locsin) na patuloy na pinahihirapan ng kanyang kapatid na si Jojo (William Lorenzo).

Sa kabila ng lahat ng ito, patuloy pa rin si Elias sa kanyang pakikipaglaban para sa hustisya. Ang tanong, magtatagumpay kaya siya, o dadalhin lamang niya sa kapahamakan ang kanyang mga mahal sa buhay.

Ang ‘Black Rider’ ay sa ilalim ng direksyon nina master directors Rommel Penesa (“Lolong”) at Richard Arellano

Patuloy na pinatutunayan ng Black Rider ang malakas nitong presensya hindi lamang sa TV kundi maging online. Sa lahat ng social media platforms, patuloy na nagiging viral ang videos ng Black Rider na pumalo na sa mahigit 1.5 billion views and counting.

‘Wag palampasin ang action-packed finale week ng Black Rider simula July 22, 8 PM sa GMA Prime, with simulcast sa Pinoy Hits at livestreamed via Kapuso Stream at GMA Public Affairs’ YouTube at Facebook accounts.

Mayroon din itong delayed telecast sa GTV ng 10:05 PM. Maaari din itong mapanood ng Global Pinoys sa GMA Pinoy TV.

(ROHN ROMULO)