EXTRA special daw ang GMA Gala 2024 on July 20 para sa JulieVer loveteam nila Julie Anne San Jose at Rayver Cruz dahil iyon din ang 35th birthday ng actor.

“Tumama on Ray’s birthday kaya parang big celebration iyon for him. May instant birthday party siya na star-studded pa,” tawa ni Julie.

Ready na raw ang isusuot ni Rayver at wala pa siyang clue kung ano ang isusuot ni Julie sa gala.

“Sinisikreto pa, e. Pero confident naman ako kay Juls kasi pasabog ang mga gowns niya parati. Lagi naman kaming coordinated sa tulong ng stylist namin,” sey ni Rayver.

Muling ring magkasama sa Sparkle World Tour 2024 ang JulieVer at inaabangan na sila ng kanilang fans sa California sa August kunsaan kasama nila sina Alden Richards, Isko Moreno, Boobay at Ai-Ai delas Alas.

“Sobrang excited talaga ako whenever I performed for our fellow kababayans abroad, kasi gusto ko na nadadala ko ‘yung Pilipinas sa kanila,” sey ni Julie.

Sey ni Rayver na mabenta sa Pinoy fans ang mga duet nila ni Julie: “Solid ang mga prod numbers especially kapag may duet kami ni Juls kasi hands-on si Juls kapag may duets kami.”

***

KUNG hindi raw naging singer si Stell Ajero ng SB19, malamang daw ay cook siya sa barko.

Paliwanag ni Stell, na-inspire daw siya noon sa Korean drama na Baker King: “Na-inspire ako, parang gusto kong mag-bake. Hanggang sa nag-decide ako na try ko mag-HRS.”

Ngayon ay di na kailangan magpawis sa kusina si Stell dahil isa na siya sa hinahangaan na singers ng kasalukuyang henerasyon.

Abala ngayon ang “Room” singer sa magiging concert nila ni Julie Anne San Jose na JulieXStell: Ang Ating Tinig, on July 27 at 28 sa New Frontier Theater.

Nabuo ang tandem nila dahil sa kanilang pagiging coach sa The Voice Philippines last year.

***

PUMANAW na ang isa sa beloved Hollywood star na sumikat noong ‘70s and ‘80s na si Shelley Duvall.

Duvall was 75 and died in her sleep sa kanyang bahay sa Blanco, Texas last July 11. Ayon sa kanyang life partner na si Dan Gilroy na nakipaglaban ito sa sakit na diabetes at noong 2016 ay nagkaroon ito ng mental illness.

Unconventional ang physical beauty ni Duvall dahil sa kanyang payat na katawan at mga bilugang mata. Dahil sa quirky looks kaya siya napiling gumanap bilang si Olive Oyl sa live-action adaptation ng cartoons na Popeye in 1980.

Di malilimutan ng horror film fans si Duvall dahil sa pagganap niya as Millie sa The Shining (1980) kunsaan napanalunan niya ang best actress award sa Cannes Film Festival.

Ang iba pang pelikula ni Duvall ay Brewster McCloud, Annie Hall, 3 Women, Time Bandits, Frankenweenie, Changing Habits, Homes Fries, The Portrait of a Lady, Roxanne at Nashville. Huli siyang napanood sa The Forest Hills in 2022.

(RUEL J. MENDOZA)

LABIS ngang ikinatuwa ni King of Talk Boy Abunda ang pagpayag ni Bea Alonzo para ma-interview sa episode ng “Fast Talk with Boy Abunda” nitong Huwebes.

Sa pagsisimula ng naturang talk show, ipinakilala ni Kuya Boy si Bea at mukhang magyayakapan ang dalawa para magbatian ngunit hindi natuloy kaya naupo na lang sila.

Say ni Kuya Boy, “This is an interview that people thought would never happen,” panimula ni Tito Boy.

“I know,” tugon naman ni Bea.

“So let me start by saying that may I have a consent to hug you?” tanong ng host kay Bea.

“Tito Boy, ang hug hindi na pinagpapaalam pa,” sagot naman ng aktres, kaya nagyakapan sila ng mahigpit.

Unang inusisa ni Kuya Boy kung kamusta na si Bea.

“Um, I’m just really enjoying my life. I guess I’m embracing the uncertainty. Kasi na-realize ko, minsan marami tayong plano sa buhay natin, pero God’s plans are always better.

“And so I’m just here to embrace the uncertainty kung ano yung nakalaan para sa akin,” say ng Kapuso actress.

Matatandaang early this year ay naghiwalay sina Bea at dating mapapangasawa na si Dominic Roque.

“Well, I’ve always known I am resilient but I didn’t know I’m this resilient,” ani Bea.

“Yes, it made me stronger. And na-realize ko at natutunan kong i-cancel talaga ‘yung mga noise na hindi kailangan sa buhay ko.

“And just accept or embrace, again, the magic word, those opinions that add value to my life,” pagpapatuloy niya.

Matatandaan din na si Kuya Boy ang naglabas ng balita sa “Fast Talk With Boy Abunda” na naghiwalay na talaga ang dalawa base sa kanyang reliable sources.

After this, naglabas na rin ng official statement sina Bea at Dominic para kumpirmahin na tapos na ang relasyon at hindi na matutuloy ang kasal.

Kasama ang pagpuna nila sa mga ulat na kinumpirma ng ibang tao ang kanilang paghihiwalay nang walang concerned.

Kaya sa Thursday episode ng Fast Talk with Boy Abunda, sinabi ni Kuya Boy, “You and I, I think, share the same idea that we should close the discussion about your past relationship. And I want to do it here, at least on behalf of myself.”

Tinanong din niya si Bea kung paano isasara ng aktres ng yugto nila ni Dominic.

“It’s so hard. I mean, that’s a very hard question. But, siguro top of mind, na naisip ko lang ngayon, maraming salamat.

“I’m grateful to all the beautiful memories and even the not so beautiful memories because it made me stronger, it made me who I am right now. Yeah. Ang hirap ng tanong!” tugon pa isa sa bida nang pinag-uusapang Kapuso Primetime series na “Widows’ War”.

Puring-puri naman ni Bea ang kasama niya sa serye na si Carla Abellana, dahil napaka-professional nito at hindi feeling primadonna.

Inamin din ni Bea, ang tindi ng sampal na natanggap niya mula kay Jean Garcia na pinupuri rin sa ‘Widow’s War’, na umabot daw sa third level.

Ramdam na ramdam daw niya ang sakit nito, kasunod na parang nagna-numb at pangatlo, parang may pins and needles na tumutusok sa pisngi niya.

Pero worth it naman at masasabi niyang nasampal na siya ng isang Jean Garcia.

(ROHN ROMULO)

MATAPOS ang matagumpay na The 7th EDDYS (Entertainment Editor’s Choice) nitong Hulyo 7, 2024 na ginanap sa Ceremonial Hall ng Marriott Grand Ballroom, Newport World Resorts, sa Pasay City, mapapanood na ang kabuuan nito ngayong Linggo, July 14, 10 p.m. sa ALLTV mula sa direksyon ni Eric Quizon.

Star-studded ang Gabi ng Parangal para sa ika-7 edisyon ng The EDDYS ng Society of Philippine Entertainment Editors (SPEEd) sa pangunguna ng mga bituing nagwagi sa major acting awards at mainit na pinag-usapan hanggang sa kasalukuyan.

Present sa maningning na Gabi ng Parangal si Julia Montes na siyang nagwaging best actress para sa pelikulang “Five Breakups And A Romance” at si Piolo Pascual na itinanghal namang best actor para sa “Mallari.”

Hindi naman nakarating si Charlie Dizon na naka-tie ni Julia para sa pelikulang “Third World Romance.”

Bukod dito, ginawaran din sina Julia at Piolo bilang Box-Office Heroes matapos tumabo sa takilya ang kanilang mga pelikula kasama ang Kapuso Primetime King & Queen na sina Dingdong Dantes at Marian Rivera para sa “Rewind” at Kathryn Bernardo para naman sa “A Very Good Girl.”

Personal ding tinanggap ng mga EDDYS Icons para sa 2024 na sina Nova Villa, Leo Martinez, Eva Darren at Gina Alajar ang kanilang mga tropeo. Ang ikalimang awardee na si Sen. Lito Lapid ay hindi nakarating ngunit naroon ang kanyang pamangking si Atty. DX Lapid bilang representative.

Ngayong taon, itinanghal ang “About Us But Not About Us” bilang Best Film at Best Director naman si Jun Robles Lana para pa rin sa naturang pelikula. Na tinanggap ng director-producer na si Perci Intalan.

Dumalo rin ang producer ng “Mallari” na si Bryan Dy ng Mentorque Productions na siyang itinanghal na Rising Producer of the Year, na limang beses umakyat ng stage.

Ang Best Supporting Actress award ay naiuwi ni Gladys Reyes para sa “Apag” at ang Best Supporting Actor ay iginawad kay Enchong Dee para sa “GomBurZa”.

Nagsilbing host ang itinanghal na Best Actress sa 6th EDDYS na si Janine Gutierrez (para sa “Bakit Di Mo Sabihin?”) kasama ang Kapuso Millennial It Girl na si Gabbi Garcia at movie at TV actor Jake Ejercito.

Nagkaroon ng espesyal na pagtatanghal sa 7th EDDYS ang award-winning singer na si Jed Madela, Ultimate Singer-Songwriter Ogie Alcasid, drag queens Rampa Reynas at ng mga promising young artists na sina Elisha Ponti at Andrea Gutierrez.

Nagsilbing Red Carpet host naman ang veteran radio-online personality na si Mr. Fu.

Ilan sa mga naging presenters sa awards night ay ang acting winners ng 6th EDDYS — best actor Elijah Canlas, ang ka-tie ni Janine bilang best actress na si Max Eigenmann, best supporting actor na si Mon Confiado, at best supporting actress na si Nikki Valdez.

Nag-present din ng awards sina Sen. Bong Revilla, Congresswoman Lani Mercado, Cedrick Juan, James Reid, Direk Jose Javier Reyes, Joross Gamboa, Arnell Ignacio, RS Francisco, Liza Reyes ng Globe Telecoms, Kelley Day, Michael Sager, Jeric Gonzales, Miss Switzerland Franki Russell, Christophe Sommereux, Beaver Magtalas, Khai Flores, Shaira Tweg, at ang acting director ng PCSO na si Imelda Papin.

Naroon din si Korina Sanchez na binigyan ng Joe Quirino Award habang tinanggap naman ng magkapatid na CJ at Peach Caparas ang posthumous award para sa kanilang yumaong amang si Direk Carlo J. Caparas.

Dumalo rin ang director-producer na si Perci Intalan na siyang tumanggap ng mga tropeo para sa mga awards ng “About Us But Not About Us” at ang producer ng “Mallari” na si Bryan Dy ng Mentorque Productions na siyang itinanghal na Rising Producer of the Year.

Tinanggap ni dating Ilocos Sur Gov. Chavit Singson at former House Speaker Sonny Belmonte (para sa anak niyang si Quezon City Mayor Joy Belmonte) ang Isah V. Red award.

Present din ang aktor na si Leandro Baldemor na siyang nagdisenyo at lumikha ng bagong tropeo ng The EDDYS.

Ilan sa mga nominado sa iba’t ibang kategorya ay dumalo rin sa awards night kabilang na sina Romnick Sarmenta at Keempee de Leon.

Sa pakikipagtulungan ng Newport World Resorts at ALLTV, naging kaagapay din ng SPEEd sa pagtatanghal ng The 7th EDDYS ang Globe Telecom at iFern/Kim’s Diary.

Katuwang din ng grupo ngayong taon si DILG Secretary Benhur Abalos, Mayor Albee Benitez, Beautéderm ni Rhea-Anicoche Tan, Unilab, Frontrow, Kat Corpus Atelier, Sen. Chiz Escudero, Sen. Bong Revilla, Camille Villar, Sen. Nancy Binay, former Ilocos Sur Governor Chavit Singson, Rep. Arjo Atayde, Emelette Gorospe, Rowena Gutierrez, Kamiseta, Casa Juan, at ang Echo Jham Entertainment Production.

Nagsilbi namang official auditor ang Juancho Robles, Chan Robles & Company (CPAs).

(ROHN ROMULO)

“HINDI po ako adik!”

Iyan ang bulalas ni Billy Crawford bilang paglilinaw sa mga kumakalat na fake news tungkol sa rason ng pagpayat niya.

Ayon pa kay Billy, “I’m living my life to the fullest right now.”

Noon pa raw siya naiisyuhan tungkol sa kanyang itsura.

“It’s a loop. It’s like a circle sa buhay ko – a non-stop conversation is my nutrition or my diet. I’m not on a diet.

“It used to face me. It used to get me. It used to — may kurot nang konti pero now, it doesn’t anymore. Nakakatawa na lang.”

Hindi raw totoong nagdo-droga siya.

“Sa mga nakakakilala sa akin, I am by far the one of the few artists or the ones who don’t try drugs.

“We can all take a strand of our hair and do tests ngayon din. Puwede kong hamunin lahat ng tao dito ngayon, no problem. I have nothing to hide.

“Hindi po ako adik. Adik ako sa pamilya ko. Adik ako sa trabaho ko. I’m living my life to the fullest right now.”

Kahit nga raw ang pagiging alcoholic ay naalis niya sa kanyang sistema, maging ang paninigarilyo.

“It’s been over five years, since I’ve been sober.

“I have not touched a leak of alcohol. I have not touched cigarettes – zero. With God’s help and God’s grace, I did it.

“So, I think everyone is allowed and able to change. You can change.”

Maganda at maayos ang buhay niya dahil sa asawa niya na si Coleen Garcia at ang kanilang anak na si Amari.

Samantala, matapos ang ‘The Voice Generations’ ay muling mapapanood si Billy this time bilang hurado sa ‘The Voice Kids’ ng GMA.

***

SUMALI si Rainner Acosta sa Season 1 ng The Voice Philippines sa ilalim ng Team Lea Salonga.

May mga natutunan raw si Rainer mula kay Lea.

“Marami akong natutunan kay Lea lalo na kung paano ko dapat mahalin ang trabaho ko. Siya ang nagturo sa akin na kapag may laban ibigay ko ang 200 percent ko.

“Kasi sa actual na laban, bababa ng 50 percent kung ano ang napractice ko. Kung bumaba man nyan, may 100 percent pa. Huwag kang magpa-practice ng 100 percent lang na akala mo okay na,” pahayag ni Rainner.

Limang taong huminto sa pag-awit si Rainner at kaya siya nawalan ng gana na mag-perform ay dahil sa dati niyang karelasyon.

“Dumating sa point na ayaw niya akong kumanta. Nawalan ako ng ensayo kasi ayaw na niya akong pakantahin. Siguro nagseselos,” saad ni Rainner.

Kaya kahit nasaktan ay kinaya niya na wakasan ang kanilang relasyon.

May natutunan rin siya mula dito…

“Kailangan magtira ka para sa iyo. Noon akala ko pag pinipigilan niya ako, para sa kabutihan ko lang yun. I realize na ginawa niya yun para sa sarili lang niya. Hindi kami magbe-benefit doon. Hindi masamang magmahal ng sobra pero kailangan mahalin mo rin ang sarili mo.”

Paano siya nag-move on?

“Nag-training ulit ako sa, actually bago ako mag-WCOPA, nag-training ako sa Academy of Performing Arts, iyon din mismo sa WCOPA din, sila din nagko-condict noon. So natulungan nila ako na para mawala iyong… kasi hindi ako makatingin sa mga mata ng tao pag nagpe-perform ako nowadays.”

Ngayon ay nagbabalik na sa music scene si Rainner.

“Magiging visible na uli ako sa music scene,” lahad ni Rainner na grand-nephew ng yumaong OPM icon na si Rodel Naval.

Magkakaroon siya ng mini-concert na pinamagatang “Getting Back on Track” sa The New Music Box sa Timog, Quezon City, sa July 14 at 18.

Ang Bulakenyong singer ay naging three-time defending champion ng Tawag Ng Tanghalan sa “It’s Showtime” ng ABS-CBN.

Last year 2023 ay grand finalist at multi-medal winner si Rainner sa US World Championships of Performing Arts (WCOPA).

Sa lovelife ay maligaya ngayon si Rainer sa piling ng misis niyang si Dr. Nannette R. Rey-Melgarejo, Past President ng Philippine Heart Association (2018-2019) at associate professor sa De La Salle College of Medicine. Isa ring mang-aawit, ang misis niya ang naging inspirasyon upang muling ituloy ni Rainner ang pag-awit.

(ROMMEL L. GONZALES)

HANDANG-HANDA na raw si James Reid na bumalik sa pag-arte.

Sa katunayan, possible raw sila magsama ni Liza Soberano sa isang teleserye o pelikula.

Ayon kay James, ito raw ang plano after na mag-concentrate sa kanyang music career.

“I always say that I am planning to go back to acting after I explore music and I have a new EP (extended play) so I was excited.

“And yeah there will be a movie project and new projects coming,” say ni James nang nakachikahan sandali ng ilang entertainment sa naganap na The 7th EDDYS awards night last Sunday, na kung saan mapapanood ang delayed telecast ngayong July 14 sa ALL TV, 10 p.m.

Kaya pwedeng mag-expect ang fans nila ni Liza ng isang acting project na magkasama silang dalawa?

“I think there’s a big possibility and that could happen,” sagot ni James.

Paglilinaw pa ng dating ka-loveteam at girlfriend ni Nadine Lustre, “I didn’t quit. I just wanted to do music first because I left that kind of show business, being in a love team and everything.

“I wanted to figure out who I was outside of a pair, and I felt that through music. It’s been great.

“I really wanted to take a pause and discover myself through music and for the past couple of years I just really focused on composing music to figure out what I really wanted.

“And I think I am very happy where I am right now and excited to take what’s next,” dagdag ng boyfriend ni Issa Pressman.

Mukhang nag-e-enjoy naman siya sa pagma-manage ng mga talents sa kanyang Careless, kabilang na nga si Liza na unti-unti nang gumagawa ng pangalan sa ibang bansa.

“It’s great. I’ve mentioned before, Liza knows exactly what she wants and I’m just supporting her and backing her up. Right now she’s in LA auditioning and taking more projects so I am very proud of her,” tugon pa ni James.

Natanong din si James kung type din ba niyang magkaroon ng international career tulad ni Liza?

“That never really you know crossed my mind. I feel like for me, I wanted to create music from the Philippines where I am reaching out.

“Everyone has a different dream and I wouldn’t say Liza left Philippine show business. She’s doing good and I am very proud that she’s able to push Filipinos internationally,” pahayag pa ng singer-actor.

***

Pasig River Esplanade, pasyalang mala-Europa sa Maynila – First Lady

NAGBIGAY ng buong suporta si First Lady Liza Araneta-Marcos para mapadali ang ginagawang Pasig River Esplanade sa kahabaan ng Pasig River na maituturing na isang tourist destination tulad ng Seine ng Paris at ng River Thames sa London.

Kamakailan lamang ay pinangunahan nina First Lady at Pangulong Ferdinand “Bongbong” Marcos Jr. ang inauguration ng 500-metro showcase sa Plaza Mexico, malapit sa Post Office sa Manila, kamakailan lamang.

Pasyalang mala-Europe ang vibes pero nasa Maynila lang! ‘Yan ang Pasig River Esplanade na bahagi ng proyekto para muling buhayin ang Ilog Pasig.

Ang beautification project para sa 25-kilometrong haba ng Pasig River Pathway ay isa sa mga prayoridad na proyekto sa ilalim ng Office of the First Lady, katuwang ang iba’t-ibang ahensiya ng gobyerno.

“Rest assured that apart from our enthusiasm and optimism, the First Lady and I will provide our all-out support and commitment to the completion of this project, and hopefully in three years’ time, that will be our goal,” ito ang sinabi ng Pangulong Marcos sa inauguration ceremony.

Sa kanyang talumpati, sinabi ng Pangulo na naging bahagi na ng kanyang paglaki ang Pasig River dahil sa tabi nito sila nakatira noong nasa Malacañang pa ang kanyang ama na si dating Pangulong Ferdinand E. Marcos Sr.

Kaya panahon na, ayon sa Pangulo, para ayusin at pagandahin ang Pasig River at gawing pasyalan at sentro ng turismo habang pinapalakas ang paggamit ng transportasyon sa pamamagitan ng libreng sakay ng motorboat.

Pinatunayan lang nila na walang imposible basta ginusto, pinagsikapan, tuloy-tuloy at tulong-tulong na isinulong ang nasimulan.

Ang pagpapaganda sa Pasig River ay pinangangasiwaan ng Inter-Agency Council for the Pasig River Urban Development at kasamang tumutulong si First Lady Liza Araneta Marcos.

Sa ngayon ay favorite destination na ito sa Maynila, lalo pa nga’t malapit lang ito sa Binondo na kung saan matatagpuan ang oldest Chinatown sa buong mundo. Nagagamit rin ang lugar para sa pelikula at teleserye, photo shoots at marami pang iba.

(ROHN ROMULO)

UMANI ng iba’t-ibang reaksiyon ang sinasabing pagtakbo diumano sa susunod na eleksiyon ng mag-iinang Vilma Santos-Recto, Luis Manzano at Ryan Christian Recto.

Nahilingan muli si Ate Vi na tumakbong Gobernador ng probinsiya ng Batangas ngayong matatapos na ang termino ng kasalukuyang nakaupong Gobernador.

Hindi lang mga pulitiko kundi halos karamihan ay mga ordinaryong mga Batangueño ang humihiling na magiging ina muli ng Batangas ang multi awarded actress.

But this time, hindi lang si Ate Vi kungdi pati rin ang dalawa niyang anak.

Si Luis daw ang tatakbong bise gobernador at si Ryan naman ang tatakbong congressman sa lone district ng Lipa, Batangas.

Maraming mga taga-Batangas ang tuwang-tuwa sa balitang ito at may mga nagsasabi pang tiyak daw na mag-aatrasan na ang ilang pulitikong nagpaplanong tumakbong gobernador, vice governor at congressman.

Pero may mga ayaw naman sa desisyong ito at sana nga raw si Ate Vi na lang daw muna ang magbabalik-pulitika at wag daw munang makisawsaw sina Luis at Ryan Christian.

Pero hindi pa rin naman malinaw kung magkakasabay silang mag-iina, o kung sino ang mauuna sa kanilang tumakbo.

Pero sa totoo lang naman ay nangangamoy pulitika na rin si Luis na sinasabi niyang bukas sa posibilidad na pasukin ang pulitika. Lalo na si Ryan Christian na lagi nang nakikita sa Batangas at malapit naman talaga siya sa mga tao.

Kasalukuyang nasa America si Ate Vi for a much needed vacation at nakatakdang bumalik sa Pilipinas this coming Sunday.

Pero kahit nasa bakasyon ay masipag pa rin namang sumagot thru messenger ang iniidolong aktres.

“Natapos ko ang termino ko as a mayor, natapos ko rin ang three term as governor at six years akong naging congresswoman.

“Bale 24 years ang ibinigay kong sinserong serbisyo ko sa mga Batangenyo. Kasi sila rin ang nagbigay sa akin ng sinserong tiwala para maging isang leader—first woman Mayor, first woman Governor, and then ang kauna-unahang Congresswoman din ng 6th district ng Batangas, Lipa City… sobra-sobra.

“Kung ngayon ay nahihilingan naman nila uli na tumakbo na maging nanay ng lalawigan ng Batangas, ito’y ipinagdarasal ko, sa totoo lang. Kasi, siyempre ang pagsisilbi, hindi ganun kadali ‘yan.

“Naranasan ko na yan. Talagang dapat ibigay ang puso’t kaluluwa, at talino, pagdating sa pagseserbisyo sa tao. Ahhh…dapat maibalik ang tiwalang ibibigay sa ‘yo

“Ngayon, I’m praying for it, nahihilingan ako…so, I’m praying for it. Pag ibinigay naman ni Lord ang sign, like what happened before, I will do it. Pag hindi naman niya binigay, mahirap sumusugal na hindi ka nakahanda.

“So, pinag-uusapan pa rin yan. Tutal ang filing ay sa October pa,” makahulugang sambit pa ng multi awarded actress at politician.

***

STILL on Vilma Santos-Recto, pagdating daw sa mga anak niyang sina Luis at Ryan Christian, ayon kay Star for All Seasons, lumaki na raw sila sa pulitika, at bahagi na rin ang mga anak niya sa mundo nila ng asawang si Sec. Ralph Recto.

Ang lahat daw ay ipinagkatiwala na niya sa Panginoon.

Kumbaga, kung ipag-adya raw na papasukin o maging pulitiko na rin sina Luis at Ryan nasa Itaas na rin daw yun.

Aware na naman daw ang mga ito sa takbo ng pagiging public servant, huh!

“Lumaki naman ang dalawang anak ko na nasa politics din naman ako . lumaki naman si Ryan na isa na rin akong public servant. Alam nila yung trabaho ko lalo na with Ralph also. Alam nila ang trabaho namin bilang isang public servant, at sa gobyerno.

“Ngayong naging Secretary (Department of Finance) si Ralph, maraming mga bagay na hindi kayang puntahan ni Ralph, so nagiging representative niya yung dalawa kong anak, si Lucky at si Ryan.

“Naging open sila sa proyekto at mga programa sa Batangas. At nakikita nila ngayon ang totoong buhay ng mga tao.

“Siguro susuportahan ko sila, dahil nakikita ko ngayon na handa na ang puso nila. Iyun ang importante kasi e. Ang serbisyo napapag-aralan e. Pero ang puso, iyun ang pinaka-importante para ibigay mo ang serbisyo sa mga tao na magbibigay sa ito ng tiwala, iyun ang importante.

“Sa ngayon sa totoo lang, nakikita ko ‘yun kay Lucky at Ryan. But again, lahat yan nasa kamay na ng Panginoon. Pag ginusto Niya, nandito kami para sumunod at magsilbi. Siya rin naman ang masusunod.” Sey pa ng Dekada Awardee at Best Actress nominee sa darating na 40th Star Awards for movies.

(JIMI C. ESCALA)

DAHIL si Senator Robin Padilla ang gaganap bilang si dating Senador Gringo “Greg” Honasan sa pelikula tungkol sa buhay nito, tinanong namin siya kung ano ang pagkakapareho nila.

“Siyempre alam niyo po, iyong isang, isang bagay… marami pong pagkakahawig kasi pinipilit kong ihawig, talagang idol po namin siya, e,” lahad ni Robin.

“Pero yung sa talagang hindi po talaga…kahit siguro kambal, yung pagmamahal po sa bayan talaga! Iyon po yung talagang, kahit matagal po kaming hindi magkita ni Sir Greg, taon, basta nakita ko si Sir Greg talagang pati paa ko po talagang nakasaludo diyan.

“Dahil ganun po talaga kataas yung tingin namin sa kanya. Dahil bihira po yung binigyan ng ganung pagkakataon na hanggang ngayon ikinakapit ko po sa sarili ko, binigay sa kanya yung pagkakataon para… kahit Presidente ng Pilipinas kaya niyang gawin iyon, e.

“Pero hindi niya ginawa, talagang yung kanya, unahin natin ang ating bayan.

“Siguro iyon po talaga ang pinakamatindi.

“Bukod po yung lahat ibibigay namin sa asawa namin.

“Asawa po ha, asawa,” ang nakangiting wika pa ni Robin.

Sa buhay ng dating Senador, ano ba ang pinakagusto ni Robin na maihayag sa pelikula?

“Nung naglalahad ang mga direktor ng istorya, siyempre pag pinag-uusapan yung gusto mong gampanan, kasi iba din yung buhay ni Sir Greg nung lumalaban siya sa bundok.

“Iba yun! Kasi doon siya naging legend e, nung panahon na talagang sa giyera. Kaya lang hindi na tugma sa edad ko.”

Noong lumaban sa giyera si dating Senador Gringo noong sundalo pa ito noong early 70’s ay batambata pa ito kaya hindi bagay o akma sa edad ni Robin ngayon kung siya rin ang gaganap sa papel ng binatang Gringo.

Pinamagatang Gringo: The Gregorio Honasan Story (An Ordinary Man Thrust Into Extraordinary Circumstances) at mula sa panulat ng Palanca award-winning writer na si Eric Ramos, dalawa ang direktor ng pelikula sina Lester Maranan at Abdel Langit sa ilalim ng Borracho Films ni Atty. Ferdie Topacio.

Executive producer ng pelikula ang dating DENR (Department of Environment and Natural Resources) Secretary Mike Defensor.

Isasali ang pelikula sa 50th Metro Manila Film Festival sa Disyembre.

***

ANG 24 year-old recording artist na si Arthur Miguel ay mula sa San Jose Del Monte, Bulacan.

Unang nakilala sa kanyang song covers, hanggang matutong sumulat at mag-produce mga original na kanta bilang ekspresyon ng kanyang saloobin at ng mga taong hindi kayang ihayag ang kanilang nadarama.

Ilan sa mga nag-trending niyang awit ay ang “Lihim” na may 39.1M streams sa Spotify at “Ang Wakas” na unang nakilala sa Tiktok at may 50.7M streams sa Spotify.

Sa ngayon ay nasa pangangalaga siya ng Warner Music Philippines upang lumikha pa ng mga madamdaming kanta.

Tinanong si Arthur kung ano ang edge o kalamangan niya sa ibang mga mang-aawit ngayon.

Pahayag niya, “Hindi ko po siya naiisip kasi ano e, ano’ng tawag dito, iyon nga gusto ko lang talaga, I mean as an artist gusto ko lang talagang maka-relate yung people.

“Hindi ko iniisip if magti-trend ba itong song na ito or something. Basta ang gusto ko, makinig sila sa akin.

“And siguro, yung pinaka-unique lang about myself is kung paano ko iparating yung song na parang like… yung mga hugots, ganun!

“Kung paano ko sila like, kasi from the very bottom of the heart talaga yung mga lyrics na nilalagay ko.

“Siguro iyon yung uniqueness ko na parang ‘pag pinakinggan mo yung lyrics na ito or yung melody na ito, parang masasabi nila parang, ‘Oh my God, si Arthur Miguel ito kasi ganito yung tunog.’

“Parang ganun po.”

May five-track EP si Arthur ngayon, ang “MU” na ang carrier single ay ang “Malabong Ugnayan” tampok ang tinaguriang bedroom pop star na si Jikamarie.

Nasa EP rin ang apat na B-side tracks; “Isaoras”, “GHINOST”, “Dati”, at “Maling Panahon”.

Ang “MU” ay available na sa mga digital streaming platforms tulad ng Spotify, Apple Music at Youtube Music.

Maaring i-follow si Arthur sa mga sumusunod na social media accounts: https://www.facebook.com/arthurmiguelofficial, https://twitter.com/arthurmiguelii, https://www.instagram.com/arthurmiguel at sa https://www.youtube.com/channel/arthurmiguel

(ROMMEL L. GONZALES)

NAG-trending sa X (dating Twitter) si Kapuso Primetime Queen Marian Rivera dahil sa isang male contestant ng Century Tuna Superbods na kung saan isa ang aktres sa mga hurado.

Kumalat nga ang video ng Q&A portion kung saan tinatanong ni Marian ang finalist na si Jether Palomo.

Ang tanong ng asawa ni Dingdong Dantes, “Dumami ang followers mo sa social media nu’ng naging finalist ka. Paano mo gagamitin ang opportunity na ito kahit natapos na ang kompetisyon na ‘to?”
Natigilan ang male candidate at hiniritan si Marian ng, “I’m sorry, can I get English please?”

“I would try my best,” tugon naman ni Marian.

Kasunod nito ay sinabi niya na, “Are you ready for this? Listen very carefully.

“Here’s my question. Your social media following grew when you become a finalist, how would you use this opportunity even after your Superbods journey.

“I think you understand that!”

Nagsigawan at nagpalakpakan naman ang audience sa ginawa ni Marian na pagbigyan ang request ng male contestant, na siyang nanalo sa male category, habang ang nagwagi sa female category naman ay si Justine Felizarta.

Kumalat na rin ito sa ibang social media tulad ng Facebook at Tiktok, at nagkaroon ng iba’t-ibang reaction.

Samantala, nag-post naman si Dingdong, kasama ng sexy photo ni Marian na naka-red dress, na sinuot niya sa naturang competition.

May caption ito ng, “hindi lang ang iyong panlabas na kagandahan ang nagningning kagabi, kundi pati na rin ang natural mong talento sa pagpapasaya at pagpukaw sa puso ng mga Pilipino.

“Isang masigabong palakpak para sa iyo, Misis ko. (Clapping hands emoji) Marian Rivera

“P.S. di kailangang i-translate sa ingles, gets niyo na yun.”

***

NAG-VIRAL din ang maling pagbanggit ni MJ Lastimosa sa 60th Bb. Pilipinas, na kung saan ang mapipiling Bb. Beautederm ay tatanggap ng 150k cash prize at 500k worth of products, pero 500 pesos lang nasabi niya.

Pero agad naman itong nilinaw ni MJ at sinabing, “to clarify our Ms. Beautederm will go home with 500k worth of Beautederm products.”

At dahil nga pinag-usapan at nag-viral, naglabas ng bagong pakulo ang company na pag-aari ni Ms. Rhea Anicroche Tan.

Sa kanyang Facebook post mababasa na, “Ito na!! Share na ng baby ko Queen MJ Lastimosa ang kulang na Php 499,500.

Dinagdagan ko na ng 500 ha? Para perfectt na this time mga mare!! Sali na!!!

At narito ang paraan ng pagsali sa viral challenge…

“In collaboration with Queen MJ Lastimosa, we are giving away 500 worth of Beautéderm products (Just kidding).

“Simply comment and share to win 5,000 worth of BD products. How?

✔️.pngComment 𝐚𝐛𝐨𝐮𝐭 𝐨𝐮𝐫 𝐩𝐨𝐬𝐭 and hashtag #BD500 on any of Beautéderm’s posts.

Share the post using the hashtag #Beautéderm500

“Our 499,500 thank yous to everyone and to MJ!”

(ROHN ROMULO)

AYAW magkomento ni Box Office King Dingdong Dantes tungkol sa sinasabing pagtakbo niya bilang Senador sa 2025 elections.

Isa kasi ang Kapuso aktor na sinasabing pambato ng oposisyon at base sa latest survey ay pasok si Dingdong sa magic 12.

Kilala si Dingdong sa pagiging matulungin lalong-lalo na sa mga kapwa niya artista. Kaya kung mabigyan ng pagkakataon ay tiyak na isa sa karagdagan si Dingdong sa mga nasa pamahalaan na tutukan ang industriya ng pelikula at telebisyon.

Pero paliwanag pa ni Dingdong na mas gusto raw niyang tutukan ang pamumuno niya ngayon sa Aktor.ph.

“Right now I’m committed to Aktor. Dito talaga ang buong dedication ko for the next three years.

“Yung aking trabaho sa GMA, yung pagiging navy reservist ko rin. Doon nakatutok lahat bg effort ko ngayon,” sey pa ni Dingdong.

Speaking of Aktor.ph masayang masaya si Dingdong sa ipinakitang interes pa rin ng lahat ng opisyales ng samahan na kagaya nina Piolo Pascual, Iza Calzado, Mylene Dixon, Jasmine Curtis-Smith at iba pang miyembro.

Ang mapaunlad daw ang industriya ay ang motibo nilang lahat.

“Ang maganda dito, eh di lang naman basta basta usapan ito na parang lika good time tayo, gawa tayo pelikuka.

“Pinag-usapan namin talaga kung ano ang gusto namin for the future.

“Nakakatuwa talaga like si Piolo is very pro-active sa kung and ang pwede niyang ma-contribute sa industriyan,” lahad pa rin ng magaling na aktor at TV host.

***

SPEAKING of Dingdong isa sa mga dream ng aktor ay ang makasama si Vilma Santos sa pelikula.

Sana nga raw ay mabigyan siya ng pagkakataon na magkaroon ng project kasama ang Star for All Seasons.

“Siyempre naman. Sino ba ang ayaw makasama ang isang Ate Vi sa isang project.

“Sa totoo lang, kahit ‘di ko pa siya nakasama sa pelikula, pero parang nakasama ko na siya forever,” lahad pa ni Dingdong.

“Of course thats a dream. Sana lang matupad,” sey pa ng Kapuso aktor.

Kaya ba ganun na lang ang pag-iindorso sa Ninang Vi niya para sa National Artist for Film and Broadcast?

“Sa totoo lang naman, na sa kanya ang apat na katangian kung bakit nararapat siyang maging National Artist.

“She’s a paragon of professionalism, shes a cultural champion, shes a protector of a community and most importantly a nation builder, “ paliwanag pa ni Dingdong.

“Sa panahon ngayon madali tayong maligaw sa napakaraming nangyayari especially for the younger generation.

“Ito yung pamantayan, ito yung parang titingalain natin. I think mas less yung chance na maligaw sa industry na ito,” banggit pa ni Dingdong.

(JIMI C. ESCALA)

IPAPA-AUCTION ni Miss Universe 2015 Pia Wurtzbach ang mga gown na sinuot sa kanyang journey bilang Miss Universe titleholder.

Kinumpirma ito ni Pia pagkatapos ng kanyang judging stint sa Binibining Pilipinas 2024.

On Instagram, pinasalamatan ni Pia ang local designer Mark Bumgarner para sa blue dress na sinuot niya sa Bb. Pilipinas 2024 coronation night. Makakasama rin daw ito sa kanyang upcoming auction.

Proceeds from the sale will go to the youth center project of Love Yourself, an HIV advocacy group na sinusuportahan niya ng ilang taon na.

“Feels good to walk the Binibini stage. I requested Mark (Bumgarner) to make this gown especially for the Bb. Pilipinas anniversary which will be part of the auction I’m having at year’s end in support of the youth center project I’m collaborating on with Love Yourself. Keep an eye out for its release in a few months, alongside gowns from other designers worn throughout my journey as Miss Universe,” caption ni Pia.

***

KINUWENTO ng Pinoy Taekwondo legend na si Monsour Del Rosario sa ‘Fast Talk with Boy Abunda’ na ang yumaong Comedy King na si Dolphy ang nagkumbinsi sa kanya noon na pumasok sa showbiz.

Kuwento ni Monsour: “After ng 1988 Olympics, kinuha ako ni Tito Dolphy. Siya ang nagsabi sa akin na, ‘Monsour, gusto ko na mag-artista ka.’”

Sa una ay tumanggi raw noon si Monsour sa udyok ng yumaong si Dolphy, pero pumayag din siya.

“Sabi ko, ‘Tito Dolphy, hindi ako marunong mag-Tagalog. Bisaya ako, Ilonggo ako.’ Sabi niya, ‘You’ll learn Tagalog. Sabi ko, ‘I don’t know how to act.’ ‘You take an acting workshop’ sabi niya.”

Pinasok siya ng Comedy King sa ginagawa nitong pelikula noon na pinamagatang Enteng the Dragon na spoof ng pelikula ni Bruce Lee na Enter the Dragon.

“I did one movie. Nagkaroon ng magandang impact. Dumami ang nag-enroll sa taekwondo gyms na kakaunti pa lang ‘yong gyms noon,” ani Monsour.

Malaki umano ang naging impact ng pelikulang ito kung kaya’t dumami rin ang nagkainteres sa sports na Taekwondo.

Samantala, bukod sa pagiging atleta at aktor, pumasok din sa politka si Monsour. Nagsilbi siyang Representative ng 1st District ng Makati simula 2016 hanggang 2019.

***

BUNTIS sa kanyang first baby ang ‘Barbie’ star na si Margot Robbie.

Masaya sila ng filmmaker husband niyang si Tom Ackerley dahil matagal nila pinagpaliban ang magka-baby after nilang ikasal noong 2016 dahil sunud-sunod ang mga naging pelikula ni Margot hanggang maging billion dollar star and producer ito dahil sa phenomenal Barbie movie.

Ngayon ay mas relaxed na raw si Margot kaya magpahinga muna ito para tumutok sa kanyang pregnancy at sa pagiging mother.

(RUEL J. MENDOZA)