NAGING maningning ang Gabi ng Parangal The 7th EDDYS nitong Hulyo 7, 2024, na ginanap sa Ceremonial Hall ng Marriott Grand Ballroom, Newport World Resorts, sa Pasay City.

Star-studded ang naturang event ng SPEEd, sa pangunguna ng Kapuso Primetime King and Queen na sina Dingdong Dantes at Marian Rivera upang tanggapin ang parangal bilang mga Box Office Heroes.

Nakapagtala nga ng history sa pelikulang Pilipino ang tambalang DongYan dahil sa laki ng kinita ng MMFF 2023 movie na Rewind, na umabot na higit isang bilyon piso.

Pangalawa namang pinakamalakas last year ang filmfest entry ni Piolo Pascual na Mallari. Dumalo rin si Piolo sa annual event ng Society of Philippine Entertainment Editors (SPEEd), para tanggapin ang kanyang Box Office Hero trophy. At siya ang nagwaging na Best Actor.

Present din ang isa pang Box Office Hero na si Julia Montes ng Five Breakups And A Romance, na kung saan paparangal din si Alden Richards, pero hindi ito nakarating. At ang ikinagulat talaga ng lahat, ay siya ang tinanghal na Best Actress at ka-tie si Charlie Dizon, na mahusay din sa Third World Romance.

At sa dalawang tropeo na nakuha ni Julia, kapansin-pansin na hindi niya nabanggit si Coco sa acceptance speech, sa rami ng kanyang pinasalamatan.

Pero bago siya pumunta sa awards night ay pinadalhan siya ni Coco ng flowers na nagsilbing lucky charm daw niya nung gabing iyun.

“Ay, hehehe! Baka nga po,” sagot ni Julia.

Inamin naman ni Julia na palaging nakasuporta sa kanya si Coco.

“Sobrang lagi po siyang supportive. Lahat naman po siguro na napuntahan ko ngayon, narating ko po ngayon, parte rin naman po siya,” sagot ni Julia.

“Dahil una po ang Walang Hanggan, siya po ang nakasama ko dun hanggang… nung nag-e-extra pa lang po kami, kami na rin yung magkasama.

“So, parang parte na rin po ng naging journey ko.”

Kinabog nga niya si Kathryn Bernardo na nominado rin sa Best Actress at kasama rin sa Box Office Heroes.

Pahayag naman ni Julia, “Sobrang saya kapag nakikita ko siya, na binibigyan ng parangal, na na-nominate kami.

“Ang layo na po ng narating po namin, e. Yung mga pangarap po namin, at ako ang pinaka-proud sa kanya.

“Sabi ko nga, kami ang magkapatid by heart, kami ang loveteam by heart.

“So, kung ano yung success ng isa, ganun din po ang saya ng isa. Kasi hindi yun nakikita ng tao sa social media, pero sobrang supportive siya.”

Kaya wish niya na magsama sila uli sa isang project.

“Yes, actually we really pray and hoping po na merong magandang project na ibigay po sa amin.

“Kasi iba rin makipag-work sa taong alam mo at mahal mong makatrabaho.

“So, sana hopefully soon meron pong project for us,” papayas pa ni Julia.

Samantala, mas na-inspire daw siya dahil sa nakuha niyang pagkilala mula sa The 7th EDDYS.

Inamin din niya na maraming aabangan sa kanya ngayong taon. Kasama ang malaking

teleserye na ayon sa lumabas na balita ay si Megastar Sharon Cuneta ang makakasama niya at may dalawang pelikulang pang naghihintay.

Ang nag-host ng 7th The EDDYS ay sina Gabbi Garcia, Jake Ejercito, at Janine Gutierrez na best actress ng The 6th EDDYS.

Nag-present din ang iba pang acting winners last year, ang best actor na si Elijah Canlas (na nominated din sa taong ito), ang ka-tie ni Janine as best actress na si Max Eigenmann, best supporting actor na si Mon Confiado, at best supporting actress na si Nikki Valdez.

Ang best supporting actor ng The 7th EDDYS ay si Enchong Dee para sa GomBurZa, at ang best supporting actress ay si Gladys Reyes para sa Apag.

Kabilang pa sa presenters sina Senator Bong Revilla, Congresswoman Lani Mercado, Cedrick Juan, James Reid, Direk Jose Javier Reyes, Joross Gamboa, Arnell Ignacio, RS Francisco, at Ms. Liza Reyes ng Globe.

Si Korina Sanchez na pinarangalan ng Joe Quirino Award ay nag-present sa isang category, saka nagtungo sa Araneta Coliseum para sa 60th Binibining Pilipinas.

Presenters din sina Kelley Day, Michael Sager, Jeric Gonzales, Franki Russell, Christophe Sommereux, Beaver Magtalas, Khai Flores, Shaira Tweg, at ang acting director ng PCSO na si Ms. Imelda Papin.

Opening number si Jed Madela. Umawit at nag-keyboard sa In Memoriam segment si Ogie Alcasid. Nagpasiklab sa isang production number ang RAMPA Reynas. Pam-finale sina Elisha Ponti at Andrea Gutierrez.

Um-attend din sa The 7th EDDYS si Leandro Baldemor na nagdisenyo at lumikha ng bagong tropeyo. Na kailangang gumawa ng extra trophy para kay Charlie.

Naroon din sina Romnick Sarmenta, Keempee de Leon, Direk Chris Cahilig, Ron Angeles, Christine Dayrit, Bambbi Fuentes, Bb. Joy Andrade, at iba pa.

Ang nag-host sa red carpet ay si Mr. Fu.

Ang nagdirek ng The 7th EDDYS ay si Eric Quizon at ang delayed telecast nito ay sa Hulyo 14, 2024, Linggo ng 10:00 P.M., sa ALLTV.

Sa pakikipagtulungan ng Newport World Resorts at ALLTV, kaagapay ng SPEEd sa pagtatanghal ng The 7th EDDYS ang Globe Telecom at iFern/Kim’s Diary.

Katuwang din ng grupo ngayong taon sina DILG Secretary Benhur Abalos, Mayor Albee Benitez, Beautéderm ni Rhea-Anicoche Tan, Unilab, Frontrow, Kat Corpus Atelier, Sen. Chiz Escudero, Sen. Bong Revilla, Camille Villar, Sen. Nancy Binay, former Ilocos Sur Governor Chavit Singson, Rep. Arjo Atayde, Emelette Gorospe, Rowena Gutierrez, Kamiseta, Casa Juan, at ang Echo Jham Entertainment Production.

(ROHN ROMULO)

MAY upcoming concert si Pop Diva Kuh Ledesma sa August 3, 2024, Sabado, 7:30 ng gabi, sa ballroom ng Winford Resort and Casino Manila (sa likod ng SM San Lazaro sa Maynila) na may title na KUH LEDESMA SINGS HER ABC.

Nataong si Kuh ano ang kahulugan ng ABC sa concert?

Sagot ni Kuh, “ABC of my music, the choices of… just this particular show, ABC means my chosen singers, composers, kasi 1 ½ to 2 hours lang naman yung show, di ba?

“So, ABC pa lang which is the basic of what I love from other singers, from the people who have given me their compositions to record, yung ganun, my hits, na ABC.”
Sino ang mga A?

“Ang dami, Adele, we’ll be singing songs of Adele. “Azarcon, who composed a lot of my songs, yung I Think I’m in Love, also One More Try, Hello, marami pa,” pagtukoy ni Kuh sa composer na si Cecile Azarcon, “B naman, we’re doing some Barbra Streisand songs, I have not sung a lot of Barbra Streisand songs recently.

“That’s my past, so because it’s my basic.

“That’s the artist that I really look up to when I was just starting. And then C, marami din, Canseco, Cayabyab, marami pa, secret na,” at tumawa ang Pop Diva, na naging malaking bahagi ng musical career ang mga kompositor na sina George Canseco at Ryan Cayabyab.

Natanong naman si Kuh kung sino ang maituturing niyang greatest singer.

“As a singer, and even if you ask those who really understand what singing is all about and placement, also vocal tone, kailangan yung tone kasi tama, I would really choose Whitney Houston.

“She’s really… I don’t know if anybody will really, you know, come and a new singer would become really be… can surpass, kasi natural yung kanya, e.

“And I believe it’s because as a young girl she was already singing in church, so talagang na-hone yung talent niya.

“Of course, there’s Barbra Streisand, because of her… you know, kay Barbra naman of course her tone is different, it’s very unique, at the same time, you know when she belts, she’s not shouting, but it is what the dynamics that is necessary for the song.

“So, actually a good singer does not necessarily belt in a way na masakit sa tenga, yung ganun, dapat beautiful pa rin, and that’s Barbra Streisand for you.

“Even for Whitney Houston.

“I don’t choose the others because I’m not really into their songs, but you know, a few years back, I discovered a male singer who I love, and that’s Seal.

“Because of his arrangements, his songs, the content of his lyrics, so I love Seal as well, because hindi mapanggap yung kanyang way of singing , it’s really uniquely his, iyon.”

Sa mga new breed of singers natin ngayon, sino ang nais ni Kuh na maka-collaborate?

“Our local singers? I’d like to do something with KZ Tandingan, because when I was starting and even now, you know, well I see that she likes to put drama in her performance and she’s quite unique, very talented. I’d like to see what we can do together.”

Special guests sa “Kuh Sings Her ABC” ang mga baguhang male singers na sina Nathan Randall at David Young.

Sa direksyon ni Vergel Sto. Domingo, maaring tumawag sa Ticketnet Online (0927-2978027 at 0960- 88502889) para sa karagdagang detalye para sa tickets.

***

SAMANTALA, natanong din si Kuh kung may mga pasabog sa kanyang upcoming concert?

“Meron,” bulalas ni Kuh. “Pero hindi yung anything na parang may nagawa akong imoral na alam mo yun,” at tumawa si Kuh.

“Meron kasi akong pasabog noon when I got pregnant, talagang nagpa-concert ako at sinabi ko na I’m pregnant,” at muling tumawa ang Pop Diva.

“Siyempre na-front page yata ako nun.

“Well, hindi naman pasabog, but I’m bringing someone who is a surprise guest.”

Sa mga batang singers meron ba kayong nakikita na naiintindihan iyon?

Lahad ni Kuh, “Actually, si Jonalyn Viray, for me is a very good singer, at saka napakabait na bata.

“Bumibirit siya pero hindi siya yung ine-ekstrahan ba, para lang sabihin na, ‘Ay ang taas ng boses, ang lakas ng boses’, yung ganun.

“No, she’s a good singer! When I say good singer it’s because that is what is necessary for the song.

“Sino pa ba? Si KZ din, pero hindi naman talaga masyadong bumibirit si KZ.

“There are times that I can really appreciate si Regine, because you know, talagang there are songs that I think, maybe kasi paborito niyang kanta.

“Talented talaga si Regine when you think about it, minsan lang… sa tingin ko ha, well Regine herself said na, ‘Ito gusto ng tao sa akin e.’

“Kapag hindi siya bumirit parang may kulang, you know, yung ganun,” pagtukoy ni Kuh sa Asia’s Songbird na si Regine Velasquez.

(ROMMEL L. GONZALES)

ISA sa mga naging highlights ng Gabi ng Parangal ng ika-pitong edisyon ng ‘The EDDYS’ ang pagbibigay-pugay sa bagong batch ng EDDYS Icons.

Itinuturing na silang mga haligi ng movie industry na kinabibilangan nina Nova Villa, Leo Martinez, Lito Lapid, Eva Darren at Gina Alajar.

Isang posthumous award din ang ipinagkaloob sa yumaong comic strip creator, movie producer at direktor na si Carlo J. Caparas, na tinanggap ng kanyang mga anak na sina Peach at CJ Caparas.

Iginawad din ng SPEEd ang The EDDYS Box Office Heroes kina Dingdong Dantes, Marian Rivera, Alden Richards, Julia Montes, Kathryn Bernardo at Piolo Pascual na malaki ang ambag sa muling pagbangon ng Philippine movie industry. Hindi naman nakadalo sina Kathryn at Alden para personal na tanggapin ang kanilang award.

Ang Isah V. Red Award (ang mga walang sawang tumutulong at nagbibigay inspirasyon sa mga kababayan nating nangangailangan) ay ipinagkaloob ito kina dating Ilocos Sur Governor Luis “Chavit” Singson at Quezon City Mayor Joy Belmonte. Ang tumanggap ng parangal ay ang kanyang amang si dating Mayor Sonny Belmonte.

Ang Joe Quirino Award ay iginawad sa beteranang broadcast journalist na si Korina Sanchez, habang ang veteran entertainment columnist na si Ronald Constantino ang tumanggap ng Manny Pichel Award.

Ngayong taon, ang Rising Producer Circle Award ay ipinagkaloob sa Mentorque Productions, ang nag-produce ng mga pelikulang “My Father Myself” at “Mallari,” na kung saan humakot ng technical awards.

Ang Brightlight Productions ang line producer ng ginanap na awards night. Sa pakikipagtulungan ng Newport World Resorts at ALLTV, kasama pa rin ng SPEEd sa pagtatanghal ng The 7th EDDYS ang Globe Telecom at iFern/Kim’s Diary bilang major sponsor.

Katuwang din ng grupo ngayong taon si DILG Secretary Benhur Abalos, Mayor Albee Benitez, Beautéderm ni Rhea-Anicoche Tan, Unilab, Frontrow, Kat Corpus Atelier, Sen. Chiz Escudero, Sen. Bong Revilla, Camille Villar, Sen. Nancy Binay, former Ilocos Sur Governor Chavit Singson, Congressman Arjo Atayde, Emelette Gorospe, Rowena Gutierrez, Kamiseta, Casa Juan, at ang Echo Jham Entertainment Production.

Nagsilbi namang official auditor ang Juancho Robles, Chan Robles & Company (CPAs).

Mapapanood ang kabuuan ng awards night sa delayed telecast nito sa ALLTV sa July 14, 10 p.m..

Ang annual event na ito na mula sa samahan ng mga entertainment editors sa Pilipinas ay nagbibigay ng pagkilala at pagpapahalaga sa mga pelikula at personalidad na itinuturing na “best of the best” sa Philippine Cinema.

Ang SPEEd ay binubuo ng mga current at former entertainment editors ng mga leading newspaper at online site sa Pilipinas, sa pangunguna ng presidente nitong si Salve Asis ng Pilipino Star Ngayon at Pang Masa.

(ROHN ROMULO)

ITINANGHAL na Best Actress sina Julia Montes at Charlie Dizon habang waging Best Actor si Piolo Pascual sa katatapos lang na The 7th EDDYS o Entertainment Editors’ Choice ng Society of Philippine Entertainment Editors (SPEEd).

Nanalo si Julia para sa natatangi niyang pagganap sa pelikulang “Five Breakups And A Romance” at si Charlie naman para sa “Third World Romance” habang si Piolo ay nagwagi para sa “Mallari.”

Ngayong taon, itinanghal ang pelikulang “About Us But Not About Us” bilang Best Film mula sa The IdeaFirst Company, Octoberian Films at Quantum Films at Best Director si Jun Robles Lana para pa rin sa “About Us But Not About Us.”

Ang Best Supporting Actress award ay naiuwi ni Gladys Reyes para sa “Apag” at ang Best Supporting Actor ay iginawad kay Enchong Dee para sa “GomBurZa”.

Naganap ang Gabi ng Parangal para sa ika-7 edisyon ng The EDDYS sa Ceremonial Hall ng Marriott Grand Ballroom, Newport World Resorts sa Pasay City, mula sa direksyon ng award-winning actor at filmmaker na si Eric Quizon.

Mapapanood ang kabuuan ng awards night sa delayed telecast nito sa ALLTV sa July 14, 10 p.m..

Nagsilbing host ang itinanghal na Best Actress sa 6th EDDYS na si Janine Gutierrez (para sa pelikulang Bakit Di Mo Sabihin?) kasama ang Kapuso Millennial It Girl na si Gabbi Garcia at movie at TV actor Jake Ejercito.

Nagkaroon ng espesyal na pagtatanghal sa 7th EDDYS ang award-winning singer na si Jed Madela, Ultimate Singer-Songwriter Ogie Alcasid, drag queens Rampa Reynas at ng mga promising young artists na sina Elisha Ponti at Andrea Gutierrez.

Nagsilbing Red Carpet host naman ang veteran radio-online personality na si Mr. Fu.

‘Narito ang kumpletong listahan ng mga nagwagi:
BEST FILM
“About Us But Not About Us” (The IdeaFirst Company, Octoberian Films, Quantum Films)

BEST DIRECTOR
Jun Robles Lana (About Us But Not About Us)

BEST ACTRESS
Charlie Dizon (Third World Romance)
Julia Montes (Five Breakups And A Romance)
BEST ACTOR
Piolo Pascual (Mallari)

BEST SUPPORTING ACTRESS
Gladys Reyes (Apag)

BEST SUPPORTING ACTOR
Enchong Dee (GomBurZa)

BEST SCREENPLAY
Jun Robles Lana (About Us But Not About Us)

BEST CINEMATOGRAPHY
Juan Lorenzo “Pao” Orendain (Mallari)

BEST PRODUCTION DESIGN
Mariel Hizon (Mallari)

BEST EDITING
Lawrence S. Ang (About Us But Not About Us)

BEST MUSICAL SCORE
Von de Guzman (Mallari)

BEST SOUND
Immanuel Verona, Nerrika Salim (Mallari)

BEST VISUAL EFFECTS
Ryan Grimarez, Macky Rayanon, Tawong-Lipod Creative Studio (Shake, Rattle & Roll Extreme)

BEST ORIGINAL THEME SONG
“Sa Duyan ng Bayan” (GomBurZa) Performed by Noel Cabangon, Ebe Dancel and Gloc-9 Music and lyrics by Krina Cayabyab and Gloc-9.

(ROHN ROMULO)

SINGLE si Jean Garcia at kuntento na raw siya na wala siyang inaalagaan at walang problema pagdating sa topic ng pag-ibig.

Mas importante raw sa aktres ang kanyang pagmamahal sa mga anak, sa dalawang apo at sa kanyang sarili.

“Hindi ko alam kung nakasanayan na lang or siguro mas tinanggap ko na lang. Kasi ayoko na ulit masaktan. Saka hindi na ako ‘yung sa hindi ako ready or I’ll find the right person.“Kung darating, darating. Pero kung hindi, it’s okay. I’m a better person, mas strong, mas mahal ang sarili,” sey ni Jean na tumatanggap ng maraming papuri sa role niya as Aurora Palacios sa ‘Widows’ War’ ng GMA Prime.

***

KABILANG ang mga komedyanteng sina Petite at Divine Tetay sa nagpapasalamat kay Vice Ganda dahil binalik nito muli ang saya ng comedy bar.

Noong magkaroon ng pandemic, nagsara ang mga comedy bars at nawalan ng kabuhayan ang maraming beki.

“Nagpapasalamat kami kasi parang bumabalik na siya ulit. Kasi nawalan po kami ng tahanan, Punchline and Laffline closed so until ‘yun nga pandemic happened. Now nagkakaroon na kami ng napupuwestuhan namin sa bagong bahay ng komedya ang Vice Comedy Club,” sey ni Tetay

Ang Vice Comedy Club na pagma-may-ari ni Vice Ganda ay magbibigay ng trabaho sa maraming beki na nahasa sa pag-host at pag-perform sa comedy bars gaya ni MC, isa sa tatlong Beks Battalion member at isa sa “It’s Showtime” co-host.

Sey ni Petite: “Kapag kasama ka niya, hindi puwedeng hindi ka mag-moment. Okay lang si MC na hindi mag-moment, basta ‘yong kasama niya mag-moment.”

Kasama rin sa listahan nina Tetay at Petite sa kanilang mga idolo ay sina Negi at Donita Nose.

***

TULOY na ang reunion movie nila Lindsay Lohan at Jamie Lee Curtis. Ito ay ang sequel sa kanilang 2003 comedy na ‘Freaky Friday.’

Pinost ng Walt Disney Studios via IG ang photo ni Logan at Curtis sa labas ng trailer na may caption na: “The Colemans are back and coming to theaters in 2025! The sequel to Freaky Friday is now in production!”

Nag-gross ng $160 million ang Freaky Friday 21 years ago. Babalik din sa sequel ang original cast na sina Mark Harmon, Chad Michael Murray, Christina Vidal Mitchell, Haley Hudson, Lucille Soong, Stephen Tobolowsky and Rosalind Chao.

Nagkaroon ng successful comeback si Lohan via Netflix’s romantic comedies Falling For Christmas and Irish Wish. Nagwagi naman ng Oscar award si Jamie for Everything, Everywhere All At Once in 2023.

(RUEL J. MENDOZA)

NGAYON Linggo, July 7 na ang Gabi ng Parangal ng ’The 7th EDDYS’ ng Society of Philippine Entertainment Editors (SPEEd).

Gaganapin ito sa Ceremonial Hall ng Marriott Grand Ballroom, Newport World Resorts sa Pasay City, na muling ididirek ng aktor at award-winning filmmaker na si Eric Quizon.

Mapapanood naman ang kabuuan ng awards night sa delayed telecast nito sa ALLTV sa July 14, 10 p.m..

Ang magsisilbing host ay ang Best Actress sa 6th EDDYS na si Janine Gutierrez (para sa pelikulang ‘Bakit Di Mo Sabihin?’) kasama sina Kapuso Millennial It Girl Gabbi Garcia at ang movie at TV actor na si Jake Ejercito.

Si Mr. Fu naman ang magiging host sa Red Carpet ng awards night.

Kasama sina Alden Richards at Kathryn Bernardo sa anim na Box-Office Heroes ng 2023, na kinabibilangan din ng mag-asawang Dingdong Dantes at Marian Rivera, Julia Montes at Piolo Pascual.

Nominado rin Kathryn sa Best Actress category para sa ‘A Very Good Girl’ at makakalaban niya sina Charlie Dizon (Third World Romance); Julia Montes (Five Breakups And A Romance); Marian Rivera (Rewind); Vilma Santos (When I Met You In Tokyo); at Maricel Soriano (In His Mother’s Eyes).

Lalaban din si Alden sa pagka-Best Actor, nominado siya naman sa Five Breakups And A Romance at makakatunggali niya sina Elijah Canlas (Keys to the Heart); Dingdong Dantes (Rewind); Cedrick Juan (GomBurZa); Piolo Pascual (Mallari); Alden Richards ); Romnick Sarmenta (About Us But Not About Us).

Matindi rin ang labanan limang de-kalibreng pelikula sa kategoryang Best Film, ito ay ang “About Us But Not About Us” (The IdeaFirst Company, Octoberian Films, Quantum Films); “Firefly” (GMA Pictures, GMA Public Affairs); “GomBurZa” (Jesuit Communications, MQuest Ventures, CMB Film Services); “Iti Mapukpukaw” (Project 8, GMA News and Public Affairs, Terminal Six Post) at Mallari” (Mentorque Productions, Clever Minds Inc.).

Nominado naman sa kategoryang Best Director sina Derick Cabrido (Mallari); Pepe Diokno (GomBurZa); Zig Dulay (Firefly); Jun Robles Lana (About Us But Not About Us); Carl Joseph Papa (Iti Mapukpukaw).

Para sa kategoryang Best Supporting Actress nominado sina Dolly de Leon (Keys to the Heart); Alessandra de Rossi (Firefly); Gloria Diaz (Mallari); Gladys Reyes (Apag); at Ruby Ruiz (Langitngit).

Sa Best Supporting Actor category maglalaban-laban sina Enchong Dee (GomBurZa); Keempee de Leon (Here Comes The Groom); Nanding Josef (Oras de Peligro); Roderick Paulate (In His Mother’s Eyes); at JC Santos (Mallari).

Ang Brightlight Productions ang line producer ng awards night sa July 7, 2024. Sa pakikipagtulungan ng Newport World Resorts at ALLTV, kasama pa rin ng SPEEd sa pagtatanghal ng The 7th EDDYS ang Globe Telecom at iFern/Kim’s Diary bilang major sponsor.

Katuwang din ng grupo ngayong taon si DILG Secretary Benhur Abalos, Mayor Albee Benitez, Beautéderm ni Rhea-Anicoche Tan, Unilab, Frontrow, Kat Corpus Atelier, Sen. Chiz Escudero, Sen. Bong Revilla, Sen. Nancy Binay, Camille Villar, former Ilocos Sur Governor Chavit Singson, Emelette Gorospe, Rowena Gutierrez, Kamiseta, Casa Juan, at ang Echo Jham Entertainment Production.

Ang SPEEd ay binubuo ng mga current at former entertainment editors ng mga leading newspaper at online site sa Pilipinas, sa pangunguna ng presidente nitong si Salve Asis ng Pilipino Star Ngayon at Pang Masa.

(ROHN ROMULO)

NATANONG nga si Megastar Sharon Cuneta tungkol sa sinasabing namumuong relasyon sa pagitan ng kanyang anak-anakan na sina Kathryn Bernardo at Alden Richards.

Nakasama ni Sharon si Kathryn bilang anak niya sa 2018 movie na “Three Words to Forever,” at si Alden naman ay gumanap na anak niya sa Metro Manila Film Festival 2023 entry na “Family of Two.”

Matagal na ngang usap-usapan na nagkakamabutihan na raw ang dalawang award-winning at Box-Office stars, na magbabalik-tambalan sa ‘Hello, Love, Again’.

Kaya ang sagot ni Mega sa tanong ni MJ Felipe sa ‘On Cue’ kung boto siya sa dalawa, “Ako, oo naman!”

“Kung saan sila maligaya, lalo kung sa isa’t isa, talaga namang…alam mo naman si mama, kung kailangan, magpagawa ako ng tarpaulin!”

Pero nahihiya naman daw siyang magtanong kay Alden kung sila na ba Kathryn?

“Ayokong magsabing oo, pero tawagan ko si Alden mamaya. Nahihiya kong magsabi ng ‘Anak, kayo na ba?’ Pero nag-message ako sa kaniya, sabi ko ‘Anak, kung totoo ‘yan napakasaya ko!” say pa ni Sharon.

Pahayag naman niya tungkol sa dalawa na pareho na nga niyang nakatrabaho at tinuring na anak-anakan, “She’s so deserving of everything she has received. Her stardom, her status, because she’s one of the best people I’ve ever met.

“And then Alden, the same. The very same words.

“So, I cannot contain my excitement! Pero nahihiya akong magtanong.”

Busy na ngayon sina Alden at Kathryn sa shooting ng reunion movie nila, na sequel ng blockbuster hit nilang “Hello, Love, Goodbye” mula pa rin sa direksyon ni Cathy Garcia, na ipalalabas sa November 13, 2024.

Sa pagbabalik-Kapamilya ni Sharon, muli siyang mapapanood sa bagong project ng Dreamscape Entertainment. Huli nga siyang napanood sa “FPJ’s Ang Probinsyano” ni Coco Martin, na almost two years ago.

Excited na si Sharon sa bago niyang serye dahil, “‘yung mga makakasama ko, ‘yung isa mahal na mahal ko, ‘di na kayo magugulat kapag nalaman ninyo.

“‘Yung iba mga first time ko makakasama, yung mga alam ko pa lang.

“Talagang patong-patong at sumasabog ang heart ko sa excitement at sa saya.”

(ROHN ROMULO) 

SIMULA sa Lunes, Hulyo 8, hindi lang ang mga masugid na manonood ng award-winning na game show ng GMA Network, ang “Family Feud” ay may pagkakataong manalo sa all-new promo na “Guess to Win,” kundi pati na rin ang mga loyal viewers ng buong GMA Afternoon Prime block.

Bilang “Family Feud” host at Kapuso Primetime King masasabi ni Dingdong Dantes na, “uulan ng saya at babaha ng papremyo” ngayong Hulyo.

Limang tanong sa promo na “Guess to Win” ang ipapakita sa mga commercial break ng “Abot Kamay Na Pangarap,” “Lilet Matias: Attorney-at-Law,” “Fast Talk With Boy Abunda,” “Voltes V: Legacy,” at “Eclipse of the Heart.”

Maaaring isumite ng mga manonood ang kanilang mga entry sa sandaling mag-flash ang mga tanong sa kanilang screen. Dalawang karagdagang katanungan ang itatanong sa episode ng “Family Feud.”

Maaaring ipadala ng mga kalahok ang kanilang mga sagot sa opisyal na website ng promo www.gmanetwork.com/FamilyFeudGuessToWin.

Ang higit na nakaka-excite sa promo na ito ay ang araw-araw na anunsyo ng mga nanalo. Dati, kailangang maghintay ng isang linggo ang mga manonood bago malaman kung nanalo sila.

Sa pagkakataong ito, ang mga pangalan ng araw-araw na nanalo ng ₱20,000 bawat isa ay iaanunsyo sa “Family Feud” sa parehong araw.

Para makasali sa promo, ang mga manonood ay dapat Filipino, may edad na 18 taong gulang pataas, at dapat ay may isang government-issued ID, isang na-verify na email address, at isang valid na mobile number. Ang mga kalahok lamang na naninirahan sa bansa ang pinapayagang sumali.

Magsisimula ang promo mula Hulyo 8 hanggang Agosto 2, 2024. Para sa higit pang detalye tungkol sa promo mechanics, bisitahin ang www.gmanetwork.com/FamilyFeudGuessToWin.

Ito ay #HulyoFUNalo talaga sa “Family Feud” dahil mahigit 2 milyong piso ang mamimigay kada linggo! Lahat ng nanalong teams para sa linggo ay tatanggap ng 1.25 milyong piso; 700,000 pesos sa mga loyal viewers sa pamamagitan ng “Guess to Win” promo, at 100,000 pesos sa mga napiling charity ng mga nanalo.

Huwag palampasin ang saya, excitement, at cash prizes sa “Family Feud,” Lunes hanggang Biyernes sa ganap na 5:40 p.m. bago ang “24 Oras”.

Para sa higit pang mga kuwento tungkol sa Kapuso Network, bisitahin ang www.GMANetwork.com

(ROHN ROMULO)

MUKHANG nalilinya na pagho-host ang Kapuso Millennial It Girl na si Gabbi Garcia.

Last month lang ay napili siyang mag-host sa Miss Universe Philippines at Miss Manila.

Nakasama lang naman ni Gabbi sina 2022 Miss Universe R’Bonney Gabriel at 2018 Miss Universe Catriona Gray.

Kaya naman pahayag niya sa isang interview, “Grabe, it was too surreal. Nakakatuwa nga eh. Kahit ako, parang, ang tapang ko naman, ’di ba? I’m hosting with Miss Universe.”

Inamin din ng Kapuso aktres na super enjoy siyang kasama ang dalawang kinoronahang Miss Universe.

Ini-reveal din ni Gabbi na tinulungan siya ni King of Talk Boy Abunda para paghandaan ang hosting stint niya.

“He’s really my mentor for hosting now. I’m learning a lot from him,” say pa ni Gabbi

Dagdag pa niya, “He saw me in [Miss Universe Philippines], and we saw each other two or three days after that. And he’s been telling me, ‘I watched you, you have potential.’ And then I asked him, I’m so eager to learn about hosting and to improve more.

“So he took me in, and it’s so fun because he gave me his time to mentor me for this one.”

Hindi naman itinanggi ni Gabbi na na dream din niyang maging isang beauty queen. Pero hindi raw ito ang kanyang priority sa ngayon dahil may mga obligasyon pa siya sa kanyang brands at network.

“Right now, I’m focusing on hosting,” tugon pa niya.

At ngayong Linggo, July 7, isa si Gabbi sa magsisilbing host sa Gabi ng Parangal ng ’The 7th EDDYS’ na gaganapin sa ng Society of Philippine Entertainment Editors (SPEEd).

Makakasama niya ang Best Actress sa 6th EDDYS na si Janine Gutierrez (para sa pelikulang Bakit Di Mo Sabihin?) at ang movie at TV actor na si Jake Ejercito.

Gaganapin ito sa Ceremonial Hall ng Marriott Grand Ballroom, Newport World Resorts sa Pasay City, na muling ididirek ng aktor at award-winning filmmaker na si Eric Quizon.

Mapapanood naman ang kabuuan ng awards night sa delayed telecast nito sa ALLTV sa July 14, 10 p.m..

May espesyal namang pagtatanghal sa 7th EDDYS ang award-winning singer na si Jed Madela pati na ang Ultimate Singer-Songwriter at TV host na si Ogie Alcasid.

Isang pasabog na production number din ang hatid ng mga drag queens na Rampa Reynas at ng mga promising young artists na sina Elisha Ponti at Andrea Gutierrez.

Ang veteran radio-online personality namang si Mr. Fu ang magiging host sa Red Carpet ng awards night.

Maglalaban-laban ang limang de-kalibreng pelikula na ipinalabas sa mga sinehan at online platform noong 2023.

Ang mga nominado sa kategoryang Best Film ay ang “About Us But Not About Us” (The IdeaFirst Company, Octoberian Films, Quantum Films); “Firefly” (GMA Pictures, GMA Public Affairs);

“GomBurZa” (Jesuit Communications, MQuest Ventures, CMB Film Services); “Iti Mapukpukaw” (Project 8, GMA News and Public Affairs, Terminal Six Post) at Mallari” (Mentorque Productions, Clever Minds Inc.).

Nominado naman sa kategoryang Best Director sina Derick Cabrido (Mallari); Pepe Diokno (GomBurZa); Zig Dulay (Firefly); Jun Robles Lana (About Us But Not About Us); Carl Joseph Papa (Iti Mapukpukaw).

Magpapatalbugan sa pagka-best actress sina Kathryn Bernardo (A Very Good Girl); Charlie Dizon (Third World Romance); Julia Montes (Five Breakups And A Romance); Marian Rivera (Rewind); Vilma Santos (When I Met You In Tokyo); at Maricel Soriano (In His Mother’s Eyes).

Nominado naman sa Best Actor category sina Elijah Canlas (Keys to the Heart); Dingdong Dantes (Rewind); Cedrick Juan (GomBurZa); Piolo Pascual (Mallari); Alden Richards (Five Breakups And A Romance); Romnick Sarmenta (About Us But Not About Us).

Para sa kategoryang Best Supporting Actress nominado sina Dolly de Leon (Keys to the Heart); Alessandra de Rossi (Firefly); Gloria Diaz (Mallari); Gladys Reyes (Apag); at Ruby Ruiz (Langitngit).

Sa Best Supporting Actor category maglalaban-laban sina Enchong Dee (GomBurZa); Keempee de Leon (Here Comes The Groom); Nanding Josef (Oras de Peligro); Roderick Paulate (In His Mother’s Eyes); at JC Santos (Mallari).

Ang Brightlight Productions ang line producer ng awards night sa July 7, 2024. Sa pakikipagtulungan ng Newport World Resorts at ALLTV, kasama pa rin ng SPEEd sa pagtatanghal ng The 7th EDDYS ang Globe Telecom bilang major sponsor.

Katuwang din ng grupo ngayong taon si DILG Secretary Benhur Abalos, Mayor Albee Benitez, Beautéderm ni Rhea-Anicoche Tan, Unilab, Frontrow, Kat Corpus Atelier, Sen. Chiz Escudero, Sen. Bong Revilla, Sen. Nancy Binay, Camille Villar, former Ilocos Sur Governor Chavit Singson, Emelette Gorospe, Rowena Gutierrez, Kamiseta, I Fern, Casa Juan, at ang Echo Jham Entertainment Production.

Ang annual event na ito na mula sa samahan ng mga entertainment editors sa Pilipinas ay nagbibigay ng pagkilala at pagpapahalaga sa mga pelikula at personalidad na itinuturing na “best of the best” sa Philippine Cinema.

Ang SPEEd ay binubuo ng mga current at former entertainment editors ng mga leading newspaper at online site sa Pilipinas, sa pangunguna ng presidente nitong si Salve Asis ng Pilipino Star Ngayon at Pang Masa.

(ROHN ROMULO)

NATANONG ang lead stars ng ’That Kind of Love’ na sina Barbie Forteza at David Licauco kung anu-ano ang hindi nila makakalimutang eksena na kinunan sa Seoul, South Korea?

“Ang hindi ko makakalimutan na ginawa namin sa Korea, actually I like to add, kasama namin si Divine,” pagtukoy ni Barbie sa co-star nilang komedyanang si Divine Aucina, “tatlo kami sa Korea, tatlo kami doon, sobrang saya!

“Kasi nalibot namin yung mga famous K-drama locations, actually yung wall na nilalakaran namin ni David dun sa ending nung trailer, ginamit siya sa isang famous K-drama na project.

“And ang pinaka hindi ko makakalimutan doon ay ‘yung eksena namin sa ano, yung tunnel, yung lamig na lamig ako.”

Dagdag kuwento pa ni Barbie, “kasi yung isa sa mga Korean producers namin dun sa Korea binilhan kami ng Tteokbokki, binilhan kami ng rice cake, yung spicy Korean rice cake.

“Sobrang sarap! Tapos isa lang kasi yung binili niya kaya lahat kami nagkukumpulan kami, nakabilog kaming ganyan, iyon yung midnight snack namin.

“Sobrang saya kasi parang na-realize ko na ganun, eto pa lang yung unang proyektong pinagsamahan naming lahat pero ganun na ka-tight yung bond namin.

“Kahit out-of-the country shoot parang, nagkaroon na agad ng family bonding within this production, within the film.

“So ang saya, ang saya ng buong Korean experience namin.”

Sagot naman ni David, “pinaka-memorable, I think, actually lahat ng scenes memorable dahil yung mga locations na kung saan kami nag-shoot ay tagalong mga sikat doon.

”Yung mga very artistic. Di ba?

“Pero para sa akin pinaka-memorable yung nandun tayo sa crossing dahil romantic siya. Buwis buhay tsaka maraming tao tapos malamig.

“Actually super-saya siya.”

Tinanong namin si David kung bakit buwis-buhay ang eksena nila sa isang crossing o kalye sa Seoul?

“Kasi parang sa scene kailangan naming tumawid, e may mga cars.

“So one time nga sabi ko kay Barbie, ‘Halika na,’ e biglang nag-green, sabi ko, ‘Uy sorry, sorry,’” at natawa ang binata.

Pagpapatuloy pa ng aktor, “And na-enjoy ko rin yung nagpunta kami ng Itaewon, yes nag-Itaewon kami, dahil super-fan ako ng Itaewon Class na TV show, so ayun.”

Ang ‘Itaewon Class’ ay sikat na Korean drama series noong 2020 na pinagbidahan ng popular na Korean actor na si Park Seo-joon.

Nakaaaliw din ang kuwento ni Divine tungkol sa kanilang South Korean escapade.

“Eto na nga po, para kasing meron kaming calltime na afternoon so naabutan kami ng lunchtime. Tapos kami nila Barbie naghahanap kami, ‘Saan ba tayo kakain?’

“Walking-walking kami, ‘Ayun bukas!’

“Enter kami, pasok, ‘Pa-order nga po ng ganito, tapos bigyan mo kami nito.’ Mind you po ha, 12 noon, lunchtime, first meal, ‘Eto parang ang gandang pakinggan! Bigyan mo kami.

“Intestine pala ng baboy! Sizzling, pulutan pala!

“Namulutan kami ng tanghalian. So iyon yung pinaka-memorable.

“Tapos nagulat kaming lahat kasi kumukulo yung mantika, talagang gumaganon, tapos nagulat kami nagulat kami, ‘Magla-lunch po kami sana, may biko po ba dito?’

“Walang biko, binigyan kami ng intestine.

“Tapos nilibre kami ni Barbie, ‘Thank you, Barbie!

“Kaya memorable kasi hindi ako nagbayad, e,” masayang kuwento ni Divine.

Mula sa Pocket Media Productions, Inc. at Pocket Media Films, nasa cast din ng “That Kind of Love” sina Arlene Muhlach, Al Tantay, Kaila Estrada at Ivan Carapiet, sa direksyon ni Catherine Camarillo.

Showing ito sa mga sinehan umpisa Hulyo 10.

(ROMMEL L. GONZALES)