Tatalakayin pa umano ng Inter Agency Task Force for the Management of Emerging Infectious Diseases (IATF) kung maaaring isama sa priority list ng mga mabibigyan ng bakuna laban COVID-19 ang mga atleta at coach na kalahok sa nalalapit na 2021 Southeast Asian Games (SEAG).
Sinabi ni National Task Force against COVID-19 chief implementer at vaccine czar Carlito Galvez Jr., kung mayroong sobrang bakuna ay walang problema na maisasali ang mga kasama sa Southeast Asian Games.
Ayon kay Sec. Galvez, ang mga bakunang darating sa bansa ngayong buwan ng Pebrero na mula sa COVAX Facility ay nakalaan para lamang sa mga medical healthworkers at vulnerable sectors.
Igiit pa ni Sec. Galvez na may sapat na panahon pa naman ang mga atleta bago sumabak sa Southeast Asian Games sa Nobyembre kaya baka nabakunahan na sila bago pa man ang palaro.
Pinayuhan ng Department of Labor and Employment (DOLE) ang mga Pilipino sa Myanmar na mag-ingat dahil sa idineklarang State of Emergency matapos ang nangyaring kudeta.