2021 April 29 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for April 29th, 2021

LALAKI, NAGPANGGAP NA SUNDALO, BUKING

Posted on: April 29th, 2021 by @peoplesbalita No Comments

NABUKING na hindi pala sundalo ang isang lalaki na naunang inaresto dahil sa paglabag sa batas trapiko sa Ermita, Maynila.

Kinilala ang suspek na si Romeo Puyat Jr na taga Pampanga na kuntodo unipormado pa ng sundalo.

Ayon kay P/Lt Col Evangeline Cayaban, hepe ng Ermita Police Station, nasita ang suspek dahil sa kanyang pag-counterflow.

Sinabi pa ni Cayaban na pumalag din noong una si Puyat at sinabing siya ay sundalo at nagmamadali kaya nagawa nitong mag-counterflow.

Alibi umano ng suspek, lumuwas ito ng Maynila dahil mag-aaply bilang OFW kung saan nakuha sa kanya ang tatlong pasaporte na ang isa ay nakapag-alaman sa kanya habang ang dalawa pang pasaporte ay pag-aari ng kanyang kasintahan at kaibigan.

Nang hingan ng iba pang dokumento o identification card bilang sundalo, tanging ang ID niya na security guard lamang ang kanyang naipakita.

Maging ang gamit nitong kulay itim na SUV ay wala ring maipakitang rehistro.

Dahi dito, mahaharap sa patung-patong na kaso ang suspek. (GENE ADSUARA)

ANTHONY HOPKINS, nagpasalamat at ‘di inaasahang mananalo ulit ng Best Actor sa Oscar Awards

Posted on: April 29th, 2021 by @peoplesbalita No Comments

NAGPAABOT ng kanyang pasasalamat ang veteran actor na si Anthony Hopkins pagkatapos niyang manalo bilang best actor sa nakaraang 93rd Academy Awards or the Oscars.

Nanalo si Hopkins para sa pagganap niya bilang isang grandfather na may sakit na dementia sa pelikulang The Father.

Ito ang second Oscar best actor ni Hopkins after 30 years. Una siyang nanalo ay para sa 1991 film na The Silence of the Lambs.

Si Hopkins lang ang absent sa live telecast ng Oscar Awards sa Los Angeles dahil nasa bansang Wales ito kasama ang kanyang pamilya.

Hindi nga raw niya inaasahan na mananalo siya ulit ng Oscar. Six times siyang na-nominate at kabilang rito ang mga pelikulang Remains of the Day, Nixon, The Two Popes at Amistad.

Sa kanyang Instagram ay nag-post ang 83-year old actor ng kanyang thank you video message at nag-pay tribute siya sa yumaong aktor na si Chadwick Boseman na hinulaang mananalo ng best actor para sa pelikulang Ma Rainey’s Black Bottom.

“Good morning. Here I am in my homeland in Wales. At 83 years of age, I did not expect to get this award, I really didn’t. I’m very grateful to the Academy, and thank you. And I want to pay tribute to Chadwick Boseman, who was taken from us far too early. And again, thank you all very much. I really did not expect this, so I feel very privileged and honored. Thank you.”

Hopkins is now the oldest person to ever win an Oscar for acting.

***

NAGPAABOT ng kanyang suporta si Miriam Quiambao para kay Miss Universe Philippines Rabiya Mateo na malapit nang mag-compete sa 69th Miss Universe pageant in Miami, Florida.

“Praying for you,” caption ni Miriam sa ni-repost niyang photo nila ni Rabiya mula sa isang pageant website.

Parehong licensed physical therapist at cum laude graduate sina Miriam at Rabiya.

Quiambao finished first runner-up in Miss Universe 1999, which was won by Mpule Kwelagobe of Botswana.

Isa ng inspirational speaker si Miriam kasama ang husband niyang si Ardy Roberto. Kasalukuyang buntis si Miriam sa second baby nila ni Ardy.

She is expecting another baby boy this year. (RUEL J. MENDOZA)

Ads April 29, 2021

Posted on: April 29th, 2021 by @peoplesbalita No Comments

Pag-aaral ng mga developed countries sa natuklasang pananatili ng Covid -19 sa loob ng anim na buwan sa mga tinamaang pasyente, gumugulong na

Posted on: April 29th, 2021 by @peoplesbalita No Comments

KASALUKUYAN nang sinisimulan ngayon ang pag-aaral ng mga developed country ukol sa natuklasan ng mga eksperto na kondisyon ng mga Covid-19 patients na nakararanas pa rin ng sintomas ng virus ng hanggang anim buwan na tinatawag na long COVID o long haulers.

Sinabi ni Inter-Agency Task Force (IATF) sub- technical working group member on data analytics Dr John Wong na nakita ng mga Foreign health experts na 20 hanggang 30 porsiyento ng mga pasyente ang mayroon pa ring covid19 symptoms makalipas ang anim na buwang gamutan.

Aniya, hindi pa batid ng karamihan ang kondisyon na ito at wala pang nadidiskubreng epektibong gamot laban dito.

Kabilang ang bagay na ito sa mga dapat na matutukan ng pamahalaan lalo pa’t halos nasa isang milyon na ang covid cases sa bansa.

Wala namang ideya si Wong kung may mga ginagawa nang pag-aaral ang Pilipinas ukol sa bagay na ito dahil hindi naman umano siya involved sa anumang clinical study ukol dito. (Bishop Jesus “Jemba” M. Basco)

Mga biyahero mula sa India, bawal pumasok sa Pilipinas…

Posted on: April 29th, 2021 by @peoplesbalita No Comments

INAPRUBAHAN ni Pangulong Rodrigo Roa Duterte ang rekomendasyon ng Inter-Agency Task Force (IATF) na i-ban ang lahat ng pasahero kasama ang mga Filipino na galing sa bansang India.

Ang travel ban, ayon kay Presidential Spokesperson Harry Roque ay magiging epektibo ng ala-1:00 ng umaga ng Abril 29, 2021 hanggang Mayo 14, 2021.

Ang mga pasahero na nasa biyahe na galing sa India o iyong mga nanggaling sa India ‘within 14 days’ bago dumating ang Abril 29, 2021 ay hindi aniya sakop sa travel ban.

Subalit, kinakailangang sumailalim ang mga ito sa mas pinahigpit na quarantine at testing protocols. Ito ay iyong absolute facility-based fourteen-day quarantine period sa kabila ng negatibong resulta sa Reverse Transcription – Polymerase Chain Reaction (RT-PCR).

Ang mga paghihigpit naman sa mga biyahero na galing sa ibang bansa na mayroong variant na galing sa India ay maaaring ipatupad ng Office of the President ‘upon the joint recommendation’ ng Department of Health (DoH) at Department of Foreign Affairs (DFA).

Sa kabilang dako, inatasan naman ang Department of Transportation na tiyakin na ang mga airlines ay hindi magsasakay ng mga pasahero na sakop ng travel ban na ipinatupad ngayon ni Pangulong Duterte.

“Ang travel ban po, uulitin ko po… lahat ng pasahero kasama ang mga Filipino at ito po ay epektibo sa ala-una ng umaga, April 29, 2021 hanggang May 14, 2021,” ayon kay Sec. Roque.

Samantala, nakakalungkot ang mga kaganapan ngayon sa India. Umaapoy ang mga “funeral pyres” na ito sa isang cremation ground sa Allahabad, India habang sinusunog ang mga labi ng mga namatay doon sa COVID-19.

Kasalukuyang punuan ang mga ospital at crematoriums ngayon sa India dahil sa tindi ng COVID-19 situation doon. Nagsasagawa na rin ng mga sabayan o “mass cremations” dahil sa laki ng bilang ng mga namamatay.

Nasa 1.01 milyon na ang tinatamaan ng COVID-19 sa Pilipinas ayon sa mga hulingdatos. Sa bilang na ‘yan, pumanaw na ang 16,916 katao. (Daris Jose)