2021 May 26 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for May 26th, 2021

Gilas 3×3 biyaheng Austria na para sa FIBA Olympic Qualifying Tournament

Posted on: May 26th, 2021 by @peoplesbalita No Comments

Patungo na sa Graz, Austria ang national 3×3 team matapos ang ilang buwan ensayo sa Inspire Sports Academy sa Calamba, Laguna.

Pangungunahan ni head coach Ronnie Magsanoc ang six-man delagation para sa 2021 FIBA 3×3 Olympic Qualifying Tournament mula Mayo 26 hanggang 30.

Binubuo nina Joshua Munzon, Alvin Pasaol, Santi Santillan, and 31st Southeast Asian Games gold medalists CJ Perez at Moala Tautuaa.

Bigo namang makasama si Karl Dehesa dahil sa kailangan makumpleto pa nito ang 14-day quarantine para sa ma-complya ang health and safety protocols.

Nasa Group C ang Gilas 3×3 na kasama nila ang Slovenia, France, Qatar at Dominican Republic.

Kakaharapin nila ang Slovenia at Qatar sa Mayo 26 habang ang France at Dominican Republic ang kanilang makakasagupa sa Mayo 28.

Ang dalawang top team sa apat na grupo ay aabanse na sa knockout stage sa darating na Mayo 30 at ang top three teams ay makakapasok na sa Tokyo Olympics.

“Pabilisin ang implementasyon ng vaccination rollout plan upang makamit ang herd immunity” – Fernando

Posted on: May 26th, 2021 by @peoplesbalita No Comments

LUNGSOD NG MALOLOS– Iniutos ni Gobernador Daniel R. Fernando ang pagpapabilis ng implementasyon vaccination rollout plan o disenyo ng lalawigan upang mabakunahan ang higit dalawang milyon pang Bulakenyo para makamit ang herd immunity sa ginanap na Provincial Task Force (PTF) on COVID-19 Meeting noong Huwebes.

“Ito ngayon ang focus natin, mabilis at maayos na sistema ng vaccination. Tulungan natin ang mga bayan at lungsod sa sistema ng pagbabakuna at mga barangay. Tamang oryentasyon at pagsasanay ang kailangan upang mapabilis at maiayos ang lahat ng bagay na iyan lalo na sa pagbabakuna,” anang gobernador.

Aniya, ang pagbabakuna ay nasa ilalim ng pamamahala ng mga lungsod at bayan ngunit tutulong ang Pamahalaang Panlalawigan ng Bulacan sa pamamahala lalo na at parating ang tuluy-tuloy na suplay ng bakuna.

“Magdisenyo tayo at magtakda ng mega vaccination sites gaya ng nakikita sa ibang bansa. Consider ang pagbabakuna sa bahay-bahay para sa mga maysakit at mga nakatatanda. Let us tap our community workers and volunteers. Seek the help of private doctors. Maglunsad tayo ng bayanihan sa bakuna,” suhestiyon ni Fernando.

Binanggit din niya na ayon kay Vaccine Czar Kalihim Carlito Galvez, Jr., isa ang Bulacan sa mga prayoridad na lalawigan para sa alokasyon ng bakuna dahil isa ito sa mga lalawigan na nasa center of gravity ng virus.

Ayon sa ulat ni Dr. Hjordis Marushka Celis, PTF on COVID-19 Response Cluster Head, may kabuuang 80,313 Bulakenyo ang nabakunahan na ng kanilang unang dose habang 19,154 naman ang nakakumpleto na ng dalawang dose ng bakuna sa COVID-19.

Idinagdag din niya na 33,849 ang naturukan ng Sinovac at 46,464 ng AstraZeneca para sa kanilang unang dose; habang 17,505 ang tumanggap ng Sinovac at 1,649 ang nabakunahan ng AstraZeneca para sa kanilang ikalawang dose.

Ipinaalam din niya sa mga dumalo na tumanggap ang Bulacan ng 55,619 doses ng Sinovac at 76,810 doses ng AstraZeneca para sa unang dose; at 55,619 doses ng Sinovac at 18,430 doses ng AstraZeneca para sa ikalawang dose mula sa pamahalaang nasyunal.

Sa kabuuang alokasyon ng lalawigan, 88.65% para sa unang dose at 79.70% para sa ikalawang dose ang naipamahagi na sa mga vaccination sites. (Bishop Jesus “Jemba” M. Basco)

Mas mabilis at maliksi ako kay Spence- Pacquiao

Posted on: May 26th, 2021 by @peoplesbalita No Comments

Matinding kalaban si Errol Spence Jr. na may bitbit na dalawang korona – ang World Boxing Council (WBC) at International Boxing Federation (IBF) welterweight titles.

Mas bata rin ang 31-anyos na si Spence kumpara sa 42-anyos na eight-division world champion Manny Pacquiao.

Ngunit hindi ito hadlang para kay Pacquiao.

Sa halip, ipinagmalaki nito na ‘di hamak na mas mabilis at mas mabagsik ang kanyang kamao kumpara kay Spence.

Bukod pa rito ang malalim na karanasan ni Pacquiao na nahubog sa mahigit dalawang dekada nito sa industriya.

“I’m faster and stronger than him,” ani Pacquiao sa panayam ng The Athletic.

May halos dalawang taon na natengga si Pacquiao dahil sa pandemya kung saan huli itong sumalang sa aksyon noong 2019 matapos agawin ang korona ni World Boxing Association (WBA) welterweight Keith Thurman via split decision.

Subalit hindi uso sa kanya ang pangangalawang.

Sa katunayan, magandang pagkakataon pa ang mahabang pahinga upang makarekober ang kanyang katawan.

Selyado na ang Pacquiao-Spence blockbuster fight sa Agosto 21 (Agosto 22 sa Maynila).

Puntirya itong idaos sa bagong gawang Allegiant Stadium sa Las Vegas, Nevada na may 65,000 seating capacity.

Para kay Pacquiao, si Spence ang perpektong kalaban. Hindi basta-basta lumalaban si Pacquiao sa mga pipitsuging boxers.

Maliban sa dalawang korona na hawak ni Spence, kasalukuyang malinis ang rekord nito tangan ang 27-0 win-loss card tampok ang 21 knockouts.

Kaya naman asahan ang matinding bakbakan sa oras na magkrus ang landas ng dalawang matitikas na boxers sa isang blockbuster match na ngayon pa lang ay itinuturing na agad na magiging Fight of the Year.

Durant, Irving, Harden nagsama ng puwersa sa panalo sa playoffs debut

Posted on: May 26th, 2021 by @peoplesbalita No Comments

Mistulang nangapa muna sa first half ang Big Three ng Brooklyn Nets bagong tuluyang itumba sa second half ang Boston Celtics sa first round ng playoffs, 104-93.

Ito ang siyam na beses pa lamang na nagsama sama sa iisang game sa Nets sina Kevin Durant, James Harden at Kyrie Irving.

Nagtapos si Harden, sa 21 points, nine rebounds, eight assists at four steals, habang si Durant, ay nagpakita ng 32 points at 12 rebounds sa loob ng 39 minuto at si Irving naman ay nagdagdag sa 29 points o 11-for-20 laban sa kanyang dating team.

Sa kaso ni Durant ito ang kanyang unang playoff game makalipas ng dalawang taon nang matamo niya ang matinding injury.

Para kay Irving nang makita nilang nagiging agresibo ang kanilang lider na si Durant, ito na rin ang senyales nang sila ay ginanahan hanggang sa hindi na binitawan ang kalamangan.

Sa panig ng Celtics medyo inalat si Jayson Tatum nang magbuslo ng 22 na meron lamang anim na pumasok mula sa 20 attempts.

Pacquiao-Spence fight kasado na sa Agosto

Posted on: May 26th, 2021 by @peoplesbalita No Comments

Walang iba kundi si World Boxing Council (WBC) at International Boxing Federation (IBF) welterweight champion Errol Spence Jr. ang makakasagupa ni eight-division world champion Manny Pacquiao.

Matapos ang ilang buwan na paghihintay, kinumpirma mismo ni Pacquiao ang laban nang gulantangin nito ang lahat sa kanyang post sa social media.

Walang caption na nakalagay sa teaser kung saan nakasaad na sa Agosto 21 (Agosto 22 sa Maynila) ang Pacquiao-Spence fight na idaraos sa Las Vegas, Nevada.

Naglabas din ng parehong teaser si Spence sa kanyang Instagram post kung saan may hashtag pa itong #bigfish patungkol kay Pacquiao na tunay na isang dekalibreng kalaban.

“Done deal! see y’all in Vegas for the biggest fight of the year,” ani Spence sa kanyang post.

Kaya naman nagbunyi ang lahat ng boxing fans kahapon na matagal ding naghintay sa anunsyo ng Pinoy champion.

Ito ang unang pagsalang ni Pacquiao sa boksing matapos ang halos dalawang taon na pagkakatengga dahil sa coronavirus disease (COVID-19) pandemic.

Huli itong nasilayan sa aksyon noong Hulyo 20, 2019 nang iselyo nito ang split decision win kontra kay Keith Thurman sa MGM Grand Garen Arena sa Las Vegas para maagaw ang World Boxing Association (WBA) welterweight title.

Subalit tinanggalan ng korona ng WBA si Pacquiao dahil sa “inactivity” nito.

Mula noong 2019, hindi na nakasalang pa si Pacquiao dahil sa pandemya.

Noong Pebrero pa nagsimulang mag-ensayo si Pacquiao.

Sa kabilang banda, galing si Spence sa unanimous decision win kay Danny Garcia noong Disyembre para mapanatili ang WBC at IBF belts nito.

Ito ang unang laban ni Spence matapos masangkot sa car accident noong Oktubre 10, 2019.

Hindi birong kalaban ang 31-anyos na si Spence na ‘di hamak na mas bata kumpara sa 42-anyos na si Pacquiao.

Armado rin ito ng malinis na 27-0 rekord tampok ang 21 knockouts.

Pagbebenta ng bakuna laban sa Covid-19 at slot, bawal-Malakanyang

Posted on: May 26th, 2021 by @peoplesbalita No Comments

IPINAGBABAWAL ng pamahalaan ang pagbebenta ng bakuna at slot.

Napaulat kasi na hindi lalagpas sa P15,000 pesos ang ibinebentang bakuna, depende sa brand at pag-aalok ng slots sa COVID-19 vaccination program.

Sinabi ni Presidential Spokesperson Harry Roque, pupuwedeng makulong at makasuhan ang isang indibidwal na sangkot sa ganitong ilegal na gawain.

“Well, ‘yan po ay pinagbabawal. Wala pong bakuna na binebenta dahil wala pa pong bakuna na binigyan for commercial used. Kaya po hindi dapat ibenta ang mga bakuna eh lahat po iyan ay nasa Emergency Used pa lamang . Hindi pa po tapos yan sa 4th clinical trial,” ayon kay Sec. Roque.

“So, kapag kayo po ay nahuli na nagbebenta ng bakuna wala pang commercial used eh pupuwede po kayong makulong sang-ayon po sa mataas na nagbuo ng Food and Drug Authority sa Pilipinas. Kasi mayroon po tayong tinatawag na penal clause,” dagdag na pahayag nito.

Ukol naman aniya sa nagbebenta ng slot ay ipinagbabawal din ito at pupuwede ring makasuhan para sa paglilinlang na krimen.

“Kasi wala naman pong karapatan ang kahit na sino na magbenta ng kanilang slot,” aniya pa rin.

Samantala agad natukoy ng Philippine National Police (PNP) ang ilang indibidwal na sangkot sa umano’y pagbebenta ng Covid-19 vaccination slots sa ilang lungsod sa Metro Manila.

Sinabi ni PNP Spokesperson B/Gen. Ronaldo Olay na isinasagawa na ngayon ang imbestigasyon sa pangunguna ng Criminal Investigation and Detection Group (CIDG).

“May mga impormasyon na tayo at may mga tao na o personalities na na-identify through sa ating backtracking sa mga bagay na ‘yan” ani Olay.

Tumanggi naman si Olay na ibunyag ang mga pangalan ng mga ito sa pangamba na magkaroon ng aberya o anumang pagkaantala sa imbestigasyon.

Matatandaang noong nakaraang linggo ay nag-viral sa social media ang umano’y bentahan ng vaccination slots na umaabot sa P8,000 hanggang P12,000 bawat isa ang presyo. Ang lungsod ng San Juan at Mandaluyong ang ilan sa mga sinasabing nagkakaroon ng vaccination for sale.

Apela ni Olay sa publiko, huwag magpaloko dahil naglipana ngayon ang mga nagsasamantala sa pandemya.

Mas makabubuti na agad na ireport sa “E-Sumbong” upang agad na maaksiyunan ng pulisya. (Daris Jose)

Makeover sa Manila Bay gamit ang dolomite sand, matatapos

Posted on: May 26th, 2021 by @peoplesbalita No Comments

TINIYAK ng Malakanyang na matatapos ang makeover ng Manila Bay gamit ang dinurog na dolomite sand sa kabila ng ulat na ang artificial sand na inilalagay ng pamahalaan ay nawa-washed out lang papuntang karagatan.

Ang environment department ay naglaan ng pondo para sa nasabing proyekto.

“The Bayanihan Law, which allows President Rodrigo Duterte to realign funds to the COVID-19 response, is not applicable to the dolomite budget because it has been committed,” ayon kay Presidential spokesperson Harry Roque.

“Pupuwedeng ma-realign ang ilang mga pondo na hindi pa po siya naa-align for a specific purpose. Pero ito po, completely bidded out and partially executed, so kinakailangan pong tapusin iyan,” dagdag na pahayag nito.

Sa ulat, hinikayat ng Oceana Philippines ang environment department na atasan ang contractor nito na itigil na ang paglalagay ng dolomite sa Manila Bay, at sa halip ay gamitin ang project funds para sa COVID-19 crisis.

Sinabi ng advocacy group na na-washed out at nabalik sa karagatan ang dolomite na inilagay sa nasabing lugar noong nakaraang taon.

Ayon sa DENR, naglagay sila ng “geotubes” sa nasabing lugar para panatilihin ang dolomite sa nabanggit na lugar at masyado pa aniyang maaga para sabihin na ang artificial sand ay humulas at nawala na. (Daris Jose)

MICHAEL CINCO, na-imbiyerna at binanatan ang glam team ni Miss Universe Canada NOVA STEVENS sa pagkakalat ng ‘fake news’

Posted on: May 26th, 2021 by @peoplesbalita No Comments

IMBIYERNA ang Dubai-based Filipino fashion designer na si Michael Cinco sa pinakakalat na fake news ng glam team ni Miss Universe Canada Nova Stevens.

Sinisi ng naturang team si Cinco kaya hindi nakapasok sa Top 21 semi-finalist ang kanilang representative sa Miss Universe 2020. Pinapalabas ng Canadian team na sinabotahe raw ni Cinco ang gown ni Miss Canada. Bukod daw sa late dumating ang gown, hindi rin daw tama ang pagkaka-fit sa katawan ni Miss Canada.

“I spoke with them (Miss Universe Canada glam team) and requested them to not make this a big issue – because it is not the truth. But they are ungrateful and still made this matter in public so I have to air my side and set the record straight,” talak ni Cinco.

Heto ang pinost ni Cinco sa kanyang Facebook: “You have been spreading fake news about me and my team being unprofessional days before the pageant but I chose to be quiet and calm. But this time, I need to stand up for me and my team, as it is just so UNFAIR! I strongly take offense as it involves my team and my credibility. Not to mention, the eventual realization that I have been used and SCAMMED by these low lives PSEUDO GLAM TEAM.”

Binunyag ni Cinco na pinilit daw ng glam team na gawing 23” ang dapat na 26” na waistline ni Miss Canada sa gown nito.

“You were forcing me to make Nova’s 26” waistline to be cinched to 23”, which I obviously didn’t heed even if you said that in pageants, comfort doesn’t matter. But PLEASE dont say that her gown was ill-fitting.”

Malaki rin daw ang ginastos ni Cinco sa ginawang photoshoot ni Miss Canada sa Dubai.

“I even went out of my way hiring a team of a world-class photographer to shoot her in my couture gowns at a world-class location in Dubai just to give her extra publicity mileage and create for her a balance of glam and luxury as opposed to her humble homecoming in Africa. And everything was PAID FOR BY ME. Did you get that?!”

Tatlong taon na raw ginagamit ng Miss Universe Canada glam team ang kanyang serbisyo at never daw siyang binayaran ng mga ito para sa mga ginawa niyang gowns para sa mga kandidata nila.

“A SIMPLE THANK YOU NOTE FROM NOVA, YOU AND YOUR TEAM would have sufficed. But you don’t have the grace and decency to do that. YOU ALL ARE UNGRATEFUL, VILE and professional USERS. Next time don’t ask me or any FILIPINO designers to dress up your candidates. Ask your Canadian designers to showcase your works in the world stage!”

Dahil sa ginawa ng glam team sa kanya, never na raw niyang tutulungan ang mga ito.

“I don’t need you in my career. Dressing up your candidates will not help my business. Stop scamming Filipino designers. HOW DARE YOU!”

***

MATUTUWA ang fans ng isa sa sikat na ‘80s English new wave band na Duran Duran dahil magpe-perform sila sa Billboard Music Awards.

Ayon sa balita ng “Extra”, they will perform a medley of songs, including their new single “Invisible,” at the Billboard Music Awards.

Nanguna ang Duran Duran sa naging second British invasion sa US noong dekada ‘80. Binubuo ang banda nina Simon Le Bon, Andy Taylor, Roger Taylor, John Taylor at Nick Rhodes.

Kabilang sa mga naging hit singles nila ay “Union of the Snake”, “Hungry Like A Wolf”, “The Reflex”, “Girls On Film”, “Save A Prayer”, “Rio”, “New Moon On Monday”, “The Wild Boys”, “Notorious” and “A View To A Kill”.

Duran Duran have released 14 studio albums, four live albums, 39 singles, and sold over 100 million records worldwide.

(RUEL J. MENDOZA)

Ilang mga hotel sa NCR tatanggap na ng staycation – DOT

Posted on: May 26th, 2021 by @peoplesbalita No Comments

Nasa halos 6,000 na mga kuwarto mula sa 13 staycation hotels sa Natonal Capital Region (NCR) ang binuksan ng Department of Tourism (DOT) para sa mga bisita.

Sinabi ni DOT Secretary Bernadette Romulo-Puyat na pangunahin pa rin na prayoridad ang kalusugan at kaligtasan ng mga bisita at tourism workers.

Kanilang na-inspect na at nasabihan ang mga hotel owners sa mga ipinapatupad na protocol ngayong new normal.

Tanging mga bisita mula sa NCR Plus o mga lugar ng Bulacan, Cavite, Laguna at Rizal ang papayagang makapag-book ng staycation at dapat mula 18-anyos hanggang 65-anyos ang edad na papayagan.

Paglilinaw pa ng kalihim, ang nasabing mga hotels ay hindi ginamit bilang quarantine facilities.

Marawi City, babangon sa ilalim ng termino ni PDu30

Posted on: May 26th, 2021 by @peoplesbalita No Comments

“Ang pangako ni President babangon muli ang Marawi sa kanyang termino. The target can be met.”

Ito ang tiniyak ng Malakanyang matapos na mawasak ang Marawi City noong 2017 nang magkaroon ng bakbakan sa pagitan ng puwersa ng pamahalaan at Maute terrorist group.

Muli itong ibabangon ng Pangulo sa ilalim ng kanyang termino.

Apat na taon matapos ang madugong five-month siege, nagpahayag ng kumpiyansa si Presidential Spokesperson Harry Roque na mami-meet ang target ng pamahalaan na tuluyan itong maibangon.

“The rehabilitation and repair of Marawi City will be completed at the end of the term of the President,” ayon kay Sec. Roque.

Magtatapos ang termino ni Pangulong Duterte sa Hunyo 30, 2022.

Sa kabilang dako, tinitingnan naman ng gobyerno na makapag-prisinta ng report hinggil sa pagkukumpuni at rehabilitasyon ng Marawi City sa susunod na buwan.

Gayunpaman, hindi naman masabi ni Sec. Roque kung susuportahan ng Malakanyang ang panukalang Marawi Compensation bill na naglalayong “grant remuneration for residents who were affected by the Maute siege.”

“I haven’t seen the bill, but that would really depend how much funding will be needed for that,” ayon kay Sec.Roque.

Samantala, iginiit naman ni Sec. Roque, na naglaan ang pamahalaan ng sapat na resources para makabangon ang Marawi City.

“Bilyon bilyon na po ang ginagastos ng gobyerno sa rehabilitation at rebuilding ng Marawi,” dagdag na pahayag ni Sec. Roque. (Daris Jose)